{"id":"kv4.1","title":"Gihissaarahātikathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv4.1","title":"Gihissaarahātikathā","units":[{"id":"kv4.1:0","sourceIds":["kv4.1:0.1","kv4.1:0.2","kv4.1:0.3","kv4.1:0.4"],"kind":"text","text":{"pi":"Kathāvatthu\nMahāpaṇṇāsaka\nCatutthavagga\nGihissaarahātikathā"}},{"id":"kv4.1:1","sourceIds":["kv4.1:1.1","kv4.1:1.2","kv4.1:1.3","kv4.1:1.4","kv4.1:1.5","kv4.1:1.6","kv4.1:1.7","kv4.1:1.8"],"kind":"text","text":{"pi":"Gihi’ssa arahāti?\nĀmantā.\nAtthi arahato gihisaṁyojananti?\nNa hevaṁ vattabbe …pe…\nnatthi arahato gihisaṁyojananti?\nĀmantā.\nHañci natthi arahato gihisaṁyojanaṁ, no ca vata re vattabbe—\n“gihi’ssa arahā”ti."}},{"id":"kv4.1:2","sourceIds":["kv4.1:2.1","kv4.1:2.2","kv4.1:2.3","kv4.1:2.4","kv4.1:2.5","kv4.1:2.6"],"kind":"text","text":{"pi":"Gihi’ssa arahāti?\nĀmantā.\nNanu arahato gihisaṁyojanaṁ pahīnaṁ ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammanti?\nĀmantā.\nHañci arahato gihisaṁyojanaṁ pahīnaṁ ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ, no ca vata re vattabbe—\n“gihi’ssa arahā”ti."}},{"id":"kv4.1:3","sourceIds":["kv4.1:3.1","kv4.1:3.2","kv4.1:3.3","kv4.1:3.4","kv4.1:3.5","kv4.1:3.6"],"kind":"text","text":{"pi":"Gihi’ssa arahāti?\nĀmantā.\nAtthi koci gihī gihisaṁyojanaṁ appahāya diṭṭheva dhamme dukkhassantakaroti?\nNatthi.\nHañci natthi koci gihī gihisaṁyojanaṁ appahāya diṭṭheva dhamme dukkhassantakaro, no ca vata re vattabbe—\n“gihi’ssa arahā”ti."}},{"id":"kv4.1:4","sourceIds":["kv4.1:4.1","kv4.1:4.2","kv4.1:4.3","kv4.1:4.4","kv4.1:4.5","kv4.1:4.6","kv4.1:4.7","kv4.1:4.8","kv4.1:4.9"],"kind":"text","text":{"pi":"Gihi’ssa arahāti?\nĀmantā.\nNanu vacchagotto paribbājako bhagavantaṁ etadavoca—\n“atthi nu kho, bho gotama, koci gihī gihisaṁyojanaṁ appahāya kāyassa bhedā dukkhassantakaro”ti?\n“Natthi kho, vaccha, koci gihī gihisaṁyojanaṁ appahāya kāyassa bhedā dukkhassantakaro”ti.\nAttheva suttantoti?\nĀmantā.\nTena hi na vattabbaṁ—\n“gihi’ssa arahā”ti."}},{"id":"kv4.1:5","sourceIds":["kv4.1:5.1","kv4.1:5.2","kv4.1:5.3","kv4.1:5.4"],"kind":"text","text":{"pi":"Gihi’ssa arahāti?\nĀmantā.\nArahā methunaṁ dhammaṁ paṭiseveyya, methunaṁ uppādeyya, puttasambādhasayanaṁ ajjhāvaseyya, kāsikacandanaṁ paccanubhaveyya, mālāgandhavilepanaṁ dhāreyya, jātarūparajataṁ sādiyeyya, ajeḷakaṁ paṭiggaṇheyya, kukkuṭasūkaraṁ paṭiggaṇheyya, hatthigavassavaḷavaṁ paṭiggaṇheyya, tittiravaṭṭakamorakapiñjaraṁ paṭiggaṇheyya, cittavaṇḍavālamoḷiṁ dhāreyya, odātāni vatthāni dīghadasāni dhāreyya, yāvajīvaṁ agāriyabhūto assāti?\nNa hevaṁ vattabbe …pe…."}},{"id":"kv4.1:6","sourceIds":["kv4.1:6.1","kv4.1:6.2","kv4.1:6.3","kv4.1:6.4","kv4.1:6.5","kv4.1:6.6","kv4.1:6.7","kv4.1:6.8"],"kind":"text","text":{"pi":"Na vattabbaṁ—\n“gihi’ssa arahā”ti?\nĀmantā.\nNanu yaso kulaputto, uttiyo gahapati, setu māṇavo, gihibyañjanena arahattaṁ pattoti?\nĀmantā.\nHañci yaso kulaputto, uttiyo gahapati, setu māṇavo, gihibyañjanena arahattaṁ patto, tena vata re vattabbe—\n“gihi’ssa arahā”ti.\nGihi’ssa arahātikathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv4.1/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}