{"id":"kv5.5","title":"Paṭisambhidākathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv5.5","title":"Paṭisambhidākathā","units":[{"id":"kv5.5:0","sourceIds":["kv5.5:0.1","kv5.5:0.2","kv5.5:0.3","kv5.5:0.4"],"kind":"text","text":{"pi":"Kathāvatthu\nMahāpaṇṇāsaka\nPañcamavagga\nPaṭisambhidākathā"}},{"id":"kv5.5:1","sourceIds":["kv5.5:1.1","kv5.5:1.2","kv5.5:1.3","kv5.5:1.4","kv5.5:1.5","kv5.5:1.6","kv5.5:1.7","kv5.5:1.8","kv5.5:1.9","kv5.5:1.10","kv5.5:1.11","kv5.5:1.12","kv5.5:1.13","kv5.5:1.14","kv5.5:1.15","kv5.5:1.16"],"kind":"text","text":{"pi":"Sabbaṁ ñāṇaṁ paṭisambhidāti?\nĀmantā.\nSammutiñāṇaṁ paṭisambhidāti?\nNa hevaṁ vattabbe …pe…\nsammutiñāṇaṁ paṭisambhidāti?\nĀmantā.\nYe keci sammutiṁ jānanti, sabbe te paṭisambhidāpattāti?\nNa hevaṁ vattabbe …pe…\nsabbaṁ ñāṇaṁ paṭisambhidāti?\nĀmantā.\nCetopariyāye ñāṇaṁ paṭisambhidāti?\nNa hevaṁ vattabbe …pe…\ncetopariyāye ñāṇaṁ paṭisambhidāti?\nĀmantā.\nYe keci paracittaṁ jānanti, sabbe te paṭisambhidāpattāti?\nNa hevaṁ vattabbe …pe…."}},{"id":"kv5.5:2","sourceIds":["kv5.5:2.1","kv5.5:2.2","kv5.5:2.3","kv5.5:2.4","kv5.5:2.5","kv5.5:2.6","kv5.5:2.7","kv5.5:2.8","kv5.5:2.9","kv5.5:2.10","kv5.5:2.11","kv5.5:2.12","kv5.5:2.13","kv5.5:2.14","kv5.5:2.15","kv5.5:2.16","kv5.5:2.17","kv5.5:2.18","kv5.5:2.19","kv5.5:2.20","kv5.5:2.21","kv5.5:2.22","kv5.5:2.23","kv5.5:2.24","kv5.5:2.25"],"kind":"text","text":{"pi":"Sabbaṁ ñāṇaṁ paṭisambhidāti?\nĀmantā.\nSabbā paññā paṭisambhidāti?\nNa hevaṁ vattabbe …pe…\nsabbā paññā paṭisambhidāti?\nĀmantā.\nPathavīkasiṇaṁ samāpattiṁ samāpannassa atthi paññā, sā paññā paṭisambhidāti?\nNa hevaṁ vattabbe …pe…\nāpokasiṇaṁ …pe…\ntejokasiṇaṁ …pe…\nvāyokasiṇaṁ …pe…\nnīlakasiṇaṁ …pe…\npītakasiṇaṁ …pe…\nlohitakasiṇaṁ …pe…\nodātakasiṇaṁ …pe…\nākāsānañcāyatanaṁ …pe…\nviññāṇañcāyatanaṁ …pe…\nākiñcaññāyatanaṁ …pe…\nnevasaññānāsaññāyatanaṁ samāpannassa …pe…\ndānaṁ dadantassa …pe…\ncīvaraṁ dadantassa …pe…\npiṇḍapātaṁ dadantassa …pe…\nsenāsanaṁ dadantassa …pe…\ngilānapaccayabhesajjaparikkhāraṁ dadantassa atthi paññā, sā paññā paṭisambhidāti?\nNa hevaṁ vattabbe …pe…."}},{"id":"kv5.5:3","sourceIds":["kv5.5:3.1","kv5.5:3.2","kv5.5:3.3","kv5.5:3.4","kv5.5:3.5","kv5.5:3.6","kv5.5:3.7"],"kind":"text","text":{"pi":"Na vattabbaṁ—\n“sabbaṁ ñāṇaṁ paṭisambhidā”ti?\nĀmantā.\nAtthi lokuttarā paññā, sā paññā na paṭisambhidāti?\nNa hevaṁ vattabbe …pe…\ntena hi sabbaṁ ñāṇaṁ paṭisambhidāti.\nPaṭisambhidākathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv5.5/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}