{"id":"kv5.8","title":"Anāgatañāṇakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv5.8","title":"Anāgatañāṇakathā","units":[{"id":"kv5.8:0","sourceIds":["kv5.8:0.1","kv5.8:0.2","kv5.8:0.3","kv5.8:0.4"],"kind":"text","text":{"pi":"Kathāvatthu\nMahāpaṇṇāsaka\nPañcamavagga\nAnāgatañāṇakathā"}},{"id":"kv5.8:1","sourceIds":["kv5.8:1.1","kv5.8:1.2","kv5.8:1.3","kv5.8:1.4"],"kind":"text","text":{"pi":"Anāgate ñāṇaṁ atthīti?\nĀmantā.\nAnāgataṁ mūlato jānāti, hetuto jānāti, nidānato jānāti, sambhavato jānāti, pabhavato jānāti, samuṭṭhānato jānāti, āhārato jānāti, ārammaṇato jānāti, paccayato jānāti, samudayato jānātīti?\nNa hevaṁ vattabbe …pe…."}},{"id":"kv5.8:2","sourceIds":["kv5.8:2.1","kv5.8:2.2","kv5.8:2.3","kv5.8:2.4"],"kind":"text","text":{"pi":"Anāgate ñāṇaṁ atthīti?\nĀmantā.\nAnāgataṁ hetupaccayataṁ jānāti, ārammaṇapaccayataṁ jānāti, adhipatipaccayataṁ jānāti, anantarapaccayataṁ jānāti, samanantarapaccayataṁ jānātīti?\nNa hevaṁ vattabbe …pe…."}},{"id":"kv5.8:3","sourceIds":["kv5.8:3.1","kv5.8:3.2","kv5.8:3.3","kv5.8:3.4","kv5.8:3.5","kv5.8:3.6"],"kind":"text","text":{"pi":"Anāgate ñāṇaṁ atthīti?\nĀmantā.\nGotrabhuno puggalassa sotāpattimagge ñāṇaṁ atthīti?\nNa hevaṁ vattabbe …pe….\nSotāpattiphalasacchikiriyāya paṭipannassa puggalassa sotāpattiphale ñāṇaṁ atthīti?\nNa hevaṁ vattabbe …pe…."}},{"id":"kv5.8:4","sourceIds":["kv5.8:4.1","kv5.8:4.2","kv5.8:4.3","kv5.8:4.4"],"kind":"text","text":{"pi":"Sakadāgāmi …pe…\nanāgāmi …pe…\narahattasacchikiriyāya paṭipannassa puggalassa arahatte ñāṇaṁ atthīti?\nNa hevaṁ vattabbe …pe…."}},{"id":"kv5.8:5","sourceIds":["kv5.8:5.1","kv5.8:5.2","kv5.8:5.3","kv5.8:5.4","kv5.8:5.5","kv5.8:5.6","kv5.8:5.7","kv5.8:5.8","kv5.8:5.9","kv5.8:5.10"],"kind":"text","text":{"pi":"Na vattabbaṁ—\n“anāgate ñāṇaṁ atthī”ti?\nĀmantā.\nNanu vuttaṁ bhagavatā—\n“pāṭaliputtassa kho, ānanda, tayo antarāyā bhavissanti—\naggito vā udakato vā mithubhedā vā”ti.\nAttheva suttantoti?\nĀmantā.\nTena hi anāgate ñāṇaṁ atthīti.\nAnāgatañāṇakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv5.8/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}