{"id":"kv5.9","title":"Paṭuppannañāṇakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv5.9","title":"Paṭuppannañāṇakathā","units":[{"id":"kv5.9:0","sourceIds":["kv5.9:0.1","kv5.9:0.2","kv5.9:0.3","kv5.9:0.4"],"kind":"text","text":{"pi":"Kathāvatthu\nMahāpaṇṇāsaka\nPañcamavagga\nPaṭuppannañāṇakathā"}},{"id":"kv5.9:1","sourceIds":["kv5.9:1.1","kv5.9:1.2","kv5.9:1.3","kv5.9:1.4","kv5.9:1.5","kv5.9:1.6","kv5.9:1.7","kv5.9:1.8","kv5.9:1.9","kv5.9:1.10","kv5.9:1.11","kv5.9:1.12"],"kind":"text","text":{"pi":"Paṭuppanne ñāṇaṁ atthīti?\nĀmantā.\nTena ñāṇena taṁ ñāṇaṁ jānātīti?\nNa hevaṁ vattabbe …pe…\ntena ñāṇena taṁ ñāṇaṁ jānātīti?\nĀmantā.\nTena ñāṇena taṁ ñāṇaṁ “ñāṇan”ti jānātīti?\nNa hevaṁ vattabbe …pe…\ntena ñāṇena taṁ ñāṇaṁ “ñāṇan”ti jānātīti?\nĀmantā.\nTaṁ ñāṇaṁ tassa ñāṇassa ārammaṇanti?\nNa hevaṁ vattabbe …pe…."}},{"id":"kv5.9:2","sourceIds":["kv5.9:2.1","kv5.9:2.2","kv5.9:2.3","kv5.9:2.4"],"kind":"text","text":{"pi":"Taṁ ñāṇaṁ tassa ñāṇassa ārammaṇanti?\nĀmantā.\nTena phassena taṁ phassaṁ phusati, tāya vedanāya taṁ vedanaṁ vedeti, tāya saññāya taṁ saññaṁ sañjānāti, tāya cetanāya taṁ cetanaṁ ceteti, tena cittena taṁ cittaṁ cinteti, tena vitakkena taṁ vitakkaṁ vitakketi, tena vicārena taṁ vicāraṁ vicāreti, tāya pītiyā taṁ pītiṁ piyāyati, tāya satiyā taṁ satiṁ sarati, tāya paññāya taṁ paññaṁ pajānāti, tena khaggena taṁ khaggaṁ chindati, tena pharasunā taṁ pharasuṁ tacchati, tāya kudhāriyā taṁ kudhāriṁ tacchati, tāya vāsiyā taṁ vāsiṁ tacchati, tāya sūciyā taṁ sūciṁ sibbeti, tena aṅgulaggena taṁ aṅgulaggaṁ parāmasati, tena nāsikaggena taṁ nāsikaggaṁ parāmasati, tena matthakena taṁ matthakaṁ parāmasati, tena gūthena taṁ gūthaṁ dhovati, tena muttena taṁ muttaṁ dhovati, tena kheḷena taṁ kheḷaṁ dhovati, tena pubbena taṁ pubbaṁ dhovati, tena lohitena taṁ lohitaṁ dhovatīti?\nNa hevaṁ vattabbe …pe…."}},{"id":"kv5.9:3","sourceIds":["kv5.9:3.1","kv5.9:3.2","kv5.9:3.3","kv5.9:3.4","kv5.9:3.5","kv5.9:3.6","kv5.9:3.7","kv5.9:3.8"],"kind":"text","text":{"pi":"Na vattabbaṁ—\n“paṭuppanne ñāṇaṁ atthī”ti?\nĀmantā.\nNanu sabbasaṅkhāre aniccato diṭṭhe tampi ñāṇaṁ aniccato diṭṭhaṁ hotīti?\nĀmantā.\nHañci sabbasaṅkhāre aniccato diṭṭhe tampi ñāṇaṁ aniccato diṭṭhaṁ hoti, tena vata re vattabbe—\n“paṭuppanne ñāṇaṁ atthī”ti.\nPaṭuppannañāṇakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv5.9/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}