{"id":"kv6.2","title":"Paṭiccasamuppādakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv6.2","title":"Paṭiccasamuppādakathā","units":[{"id":"kv6.2:0","sourceIds":["kv6.2:0.1","kv6.2:0.2","kv6.2:0.3","kv6.2:0.4"],"kind":"text","text":{"pi":"Kathāvatthu\nNiyāmapaṇṇāsaka\nChaṭṭhavagga\nPaṭiccasamuppādakathā"}},{"id":"kv6.2:1","sourceIds":["kv6.2:1.1","kv6.2:1.2","kv6.2:1.3","kv6.2:1.4","kv6.2:1.5","kv6.2:1.6","kv6.2:1.7","kv6.2:1.8","kv6.2:1.9","kv6.2:1.10","kv6.2:1.11","kv6.2:1.12","kv6.2:1.13","kv6.2:1.14","kv6.2:1.15","kv6.2:1.16"],"kind":"text","text":{"pi":"Paṭiccasamuppādo asaṅkhatoti?\nĀmantā.\nNibbānaṁ tāṇaṁ leṇaṁ saraṇaṁ parāyanaṁ accutaṁ amatanti?\nNa hevaṁ vattabbe …pe…\npaṭiccasamuppādo asaṅkhato, nibbānaṁ asaṅkhatanti?\nĀmantā.\nDve asaṅkhatānīti?\nNa hevaṁ vattabbe …pe…\ndve asaṅkhatānīti?\nĀmantā.\nDve tāṇāni dve leṇāni dve saraṇāni dve parāyanāni dve accutāni dve amatāni dve nibbānānīti?\nNa hevaṁ vattabbe …pe…\ndve nibbānānīti?\nĀmantā.\nAtthi dvinnaṁ nibbānānaṁ uccanīcatā hīnapaṇītatā ukkaṁsāvakaṁso sīmā vā bhedo vā rāji vā antarikā vāti?\nNa hevaṁ vattabbe …pe…."}},{"id":"kv6.2:2","sourceIds":["kv6.2:2.1","kv6.2:2.2","kv6.2:2.3","kv6.2:2.4","kv6.2:2.5","kv6.2:2.6","kv6.2:2.7","kv6.2:2.8","kv6.2:2.9","kv6.2:2.10","kv6.2:2.11","kv6.2:2.12","kv6.2:2.13","kv6.2:2.14","kv6.2:2.15","kv6.2:2.16","kv6.2:2.17","kv6.2:2.18","kv6.2:2.19","kv6.2:2.20","kv6.2:2.21","kv6.2:2.22","kv6.2:2.23","kv6.2:2.24","kv6.2:2.25","kv6.2:2.26","kv6.2:2.27","kv6.2:2.28","kv6.2:2.29","kv6.2:2.30","kv6.2:2.31","kv6.2:2.32","kv6.2:2.33","kv6.2:2.34","kv6.2:2.35","kv6.2:2.36","kv6.2:2.37","kv6.2:2.38","kv6.2:2.39","kv6.2:2.40"],"kind":"text","text":{"pi":"Paṭiccasamuppādo asaṅkhatoti?\nĀmantā.\nAvijjā asaṅkhatāti?\nNa hevaṁ vattabbe …pe…\navijjā saṅkhatāti?\nĀmantā.\nPaṭiccasamuppādo saṅkhatoti?\nNa hevaṁ vattabbe …pe…\npaṭiccasamuppādo asaṅkhatoti?\nĀmantā.\nAvijjāpaccayā saṅkhārā asaṅkhatāti?\nNa hevaṁ vattabbe …pe…\navijjāpaccayā saṅkhārā saṅkhatāti?\nĀmantā.\nPaṭiccasamuppādo saṅkhatoti?\nNa hevaṁ vattabbe …pe…\npaṭiccasamuppādo asaṅkhatoti?\nĀmantā.\nSaṅkhārapaccayā viññāṇaṁ asaṅkhatanti?\nNa hevaṁ vattabbe …pe…\nsaṅkhārapaccayā viññāṇaṁ saṅkhatanti?\nĀmantā.\nPaṭiccasamuppādo saṅkhatoti?\nNa hevaṁ vattabbe …pe…\npaṭiccasamuppādo asaṅkhatoti?\nĀmantā.\nViññāṇapaccayā nāmarūpaṁ asaṅkhatanti?\nNa hevaṁ vattabbe …pe…\nviññāṇapaccayā nāmarūpaṁ saṅkhatanti?\nĀmantā.\nPaṭiccasamuppādo saṅkhatoti?\nNa hevaṁ vattabbe …pe…\npaṭiccasamuppādo asaṅkhatoti?\nĀmantā.\nJātipaccayā jarāmaraṇaṁ asaṅkhatanti?\nNa hevaṁ vattabbe …pe…\njātipaccayā jarāmaraṇaṁ saṅkhatanti?\nĀmantā.\nPaṭiccasamuppādo saṅkhatoti?\nNa hevaṁ vattabbe …pe…."}},{"id":"kv6.2:3","sourceIds":["kv6.2:3.1","kv6.2:3.2","kv6.2:3.3","kv6.2:3.4","kv6.2:3.5","kv6.2:3.6","kv6.2:3.7","kv6.2:3.8","kv6.2:3.9","kv6.2:3.10","kv6.2:3.11","kv6.2:3.12","kv6.2:3.13","kv6.2:3.14","kv6.2:3.15","kv6.2:3.16","kv6.2:3.17","kv6.2:3.18","kv6.2:3.19","kv6.2:3.20"],"kind":"text","text":{"pi":"Na vattabbaṁ—\n“paṭiccasamuppādo asaṅkhato”ti?\nĀmantā.\nNanu vuttaṁ bhagavatā—\n“jātipaccayā, bhikkhave, jarāmaraṇaṁ.\nUppādā vā tathāgatānaṁ anuppādā vā tathāgatānaṁ ṭhitāva sā dhātu dhammaṭṭhitatā dhammaniyāmatā idappaccayatā.\nTaṁ tathāgato abhisambujjhati abhisameti.\nAbhisambujjhitvā abhisametvā ācikkhati deseti paññāpeti paṭṭhapeti vivarati vibhajati uttāniṁ karoti.\n‘Passathā’ti cāha—\njātipaccayā, bhikkhave, jarāmaraṇaṁ.\nBhavapaccayā, bhikkhave, jāti …pe…\navijjāpaccayā, bhikkhave, saṅkhārā.\nUppādā vā tathāgatānaṁ anuppādā vā tathāgatānaṁ ṭhitāva sā dhātu …pe…\n‘passathā’ti cāha—\navijjāpaccayā, bhikkhave, saṅkhārā.\nIti kho, bhikkhave, yā tatra tathatā avitathatā anaññathatā idappaccayatā—\nayaṁ vuccati, bhikkhave, paṭiccasamuppādo”ti.\nAttheva suttantoti?\nĀmantā.\nTena hi paṭiccasamuppādo asaṅkhatoti."}},{"id":"kv6.2:4","sourceIds":["kv6.2:4.1","kv6.2:4.2","kv6.2:4.3","kv6.2:4.4","kv6.2:4.5","kv6.2:4.6","kv6.2:4.7","kv6.2:4.8","kv6.2:4.9"],"kind":"text","text":{"pi":"“Avijjāpaccayā saṅkhārā”ti yā tattha dhammaṭṭhitatā dhammaniyāmatā asaṅkhatā, nibbānaṁ asaṅkhatanti?\nĀmantā.\nDve asaṅkhatānīti?\nNa hevaṁ vattabbe …pe…\ndve asaṅkhatānīti?\nĀmantā.\nDve tāṇāni …pe…\nantarikā vāti?\nNa hevaṁ vattabbe …pe…."}},{"id":"kv6.2:5","sourceIds":["kv6.2:5.1","kv6.2:5.2","kv6.2:5.3","kv6.2:5.4","kv6.2:5.5","kv6.2:5.6","kv6.2:5.7","kv6.2:5.8","kv6.2:5.9"],"kind":"text","text":{"pi":"“Avijjāpaccayā saṅkhārā”ti yā tattha dhammaṭṭhitatā dhammaniyāmatā asaṅkhatā, “saṅkhārapaccayā viññāṇan”ti yā tattha dhammaṭṭhitatā dhammaniyāmatā asaṅkhatā, nibbānaṁ asaṅkhatanti?\nĀmantā.\nTīṇi asaṅkhatānīti?\nNa hevaṁ vattabbe …pe….\nTīṇi asaṅkhatānīti?\nĀmantā.\nTīṇi tāṇāni …pe…\nantarikā vāti?\nNa hevaṁ vattabbe …pe…."}},{"id":"kv6.2:6","sourceIds":["kv6.2:6.1","kv6.2:6.2","kv6.2:6.3","kv6.2:6.4","kv6.2:6.5","kv6.2:6.6","kv6.2:6.7","kv6.2:6.8","kv6.2:6.9","kv6.2:6.10","kv6.2:6.11"],"kind":"text","text":{"pi":"“Avijjāpaccayā saṅkhārā”ti yā tattha dhammaṭṭhitatā dhammaniyāmatā asaṅkhatā, “saṅkhārapaccayā viññāṇan”ti yā tattha dhammaṭṭhitatā dhammaniyāmatā asaṅkhatā …pe…\n“jātipaccayā jarāmaraṇan”ti yā tattha dhammaṭṭhitatā dhammaniyāmatā asaṅkhatā, nibbānaṁ asaṅkhatanti?\nĀmantā.\nDvādasa asaṅkhatānīti?\nNa hevaṁ vattabbe …pe…\ndvādasa asaṅkhatānīti?\nĀmantā.\nDvādasa tāṇāni dvādasa leṇāni …pe…\nantarikā vāti?\nNa hevaṁ vattabbe …pe….\nPaṭiccasamuppādakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv6.2/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}