{"id":"kv7.1","title":"Saṅgahitakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv7.1","title":"Saṅgahitakathā","units":[{"id":"kv7.1:0","sourceIds":["kv7.1:0.1","kv7.1:0.2","kv7.1:0.3","kv7.1:0.4"],"kind":"text","text":{"pi":"Kathāvatthu\nNiyāmapaṇṇāsaka\nSattamavagga\nSaṅgahitakathā"}},{"id":"kv7.1:1","sourceIds":["kv7.1:1.1","kv7.1:1.2","kv7.1:1.3","kv7.1:1.4","kv7.1:1.5","kv7.1:1.6"],"kind":"text","text":{"pi":"Natthi keci dhammā kehici dhammehi saṅgahitāti?\nĀmantā.\nNanu atthi keci dhammā kehici dhammehi gaṇanaṁ gacchanti uddesaṁ gacchanti pariyāpannāti?\nĀmantā.\nHañci atthi keci dhammā kehici dhammehi gaṇanaṁ gacchanti uddesaṁ gacchanti pariyāpannā, no ca vata re vattabbe—\n“natthi keci dhammā kehici dhammehi saṅgahitā”ti."}},{"id":"kv7.1:2","sourceIds":["kv7.1:2.1","kv7.1:2.2","kv7.1:2.3","kv7.1:2.4","kv7.1:2.5","kv7.1:2.6","kv7.1:2.7","kv7.1:2.8","kv7.1:2.9","kv7.1:2.10","kv7.1:2.11"],"kind":"text","text":{"pi":"Cakkhāyatanaṁ katamakkhandhagaṇanaṁ gacchatīti?\nRūpakkhandhagaṇanaṁ gacchatīti.\nHañci cakkhāyatanaṁ rūpakkhandhagaṇanaṁ gacchati, tena vata re vattabbe—\n“cakkhāyatanaṁ rūpakkhandhena saṅgahitan”ti.\nSotāyatanaṁ …pe…\nghānāyatanaṁ …pe…\njivhāyatanaṁ …pe…\nkāyāyatanaṁ katamakkhandhagaṇanaṁ gacchatīti?\nRūpakkhandhagaṇanaṁ gacchatīti.\nHañci kāyāyatanaṁ rūpakkhandhagaṇanaṁ gacchati, tena vata re vattabbe—\n“kāyāyatanaṁ rūpakkhandhena saṅgahitan”ti."}},{"id":"kv7.1:3","sourceIds":["kv7.1:3.1","kv7.1:3.2","kv7.1:3.3","kv7.1:3.4","kv7.1:3.5","kv7.1:3.6","kv7.1:3.7","kv7.1:3.8"],"kind":"text","text":{"pi":"Rūpāyatanaṁ …pe…\nsaddāyatanaṁ …pe…\ngandhāyatanaṁ …pe…\nrasāyatanaṁ …pe…\nphoṭṭhabbāyatanaṁ katamakkhandhagaṇanaṁ gacchatīti?\nRūpakkhandhagaṇanaṁ gacchatīti.\nHañci phoṭṭhabbāyatanaṁ rūpakkhandhagaṇanaṁ gacchati, tena vata re vattabbe—\n“phoṭṭhabbāyatanaṁ rūpakkhandhena saṅgahitan”ti."}},{"id":"kv7.1:4","sourceIds":["kv7.1:4.1","kv7.1:4.2","kv7.1:4.3","kv7.1:4.4","kv7.1:4.5","kv7.1:4.6","kv7.1:4.7","kv7.1:4.8"],"kind":"text","text":{"pi":"Sukhā vedanā katamakkhandhagaṇanaṁ gacchatīti?\nVedanākkhandhagaṇanaṁ gacchatīti.\nHañci sukhā vedanā vedanākkhandhagaṇanaṁ gacchati, tena vata re vattabbe—\n“sukhā vedanā vedanākkhandhena saṅgahitā”ti.\nDukkhā vedanā …pe… adukkhamasukhā vedanā katamakkhandhagaṇanaṁ gacchatīti?\nVedanākkhandhagaṇanaṁ gacchatīti.\nHañci adukkhamasukhā vedanā vedanākkhandhagaṇanaṁ gacchati, tena vata re vattabbe—\n“adukkhamasukhā vedanā vedanākkhandhena saṅgahitā”ti."}},{"id":"kv7.1:5","sourceIds":["kv7.1:5.1","kv7.1:5.2","kv7.1:5.3","kv7.1:5.4","kv7.1:5.5","kv7.1:5.6","kv7.1:5.7","kv7.1:5.8","kv7.1:5.9"],"kind":"text","text":{"pi":"Cakkhusamphassajā saññā katamakkhandhagaṇanaṁ gacchatīti?\nSaññākkhandhagaṇanaṁ gacchatīti.\nHañci cakkhusamphassajā saññā saññākkhandhagaṇanaṁ gacchati, tena vata re vattabbe—\n“cakkhusamphassajā saññā saññākkhandhena saṅgahitā”ti.\nSotasamphassajā saññā …pe…\nmanosamphassajā saññā katamakkhandhagaṇanaṁ gacchatīti?\nSaññākkhandhagaṇanaṁ gacchatīti.\nHañci manosamphassajā saññā saññākkhandhagaṇanaṁ gacchati, tena vata re vattabbe—\n“manosamphassajā saññā saññākkhandhena saṅgahitā”ti."}},{"id":"kv7.1:6","sourceIds":["kv7.1:6.1","kv7.1:6.2","kv7.1:6.3","kv7.1:6.4","kv7.1:6.5"],"kind":"text","text":{"pi":"Cakkhusamphassajā cetanā …pe…\nmanosamphassajā cetanā katamakkhandhagaṇanaṁ gacchatīti?\nSaṅkhārakkhandhagaṇanaṁ gacchatīti.\nHañci manosamphassajā cetanā saṅkhārakkhandhagaṇanaṁ gacchati, tena vata re vattabbe—\n“manosamphassajā cetanā saṅkhārakkhandhena saṅgahitā”ti."}},{"id":"kv7.1:7","sourceIds":["kv7.1:7.1","kv7.1:7.2","kv7.1:7.3","kv7.1:7.4","kv7.1:7.5"],"kind":"text","text":{"pi":"Cakkhuviññāṇaṁ …pe…\nmanoviññāṇaṁ katamakkhandhagaṇanaṁ gacchatīti?\nViññāṇakkhandhagaṇanaṁ gacchatīti.\nHañci manoviññāṇaṁ viññāṇakkhandhagaṇanaṁ gacchati, tena vata re vattabbe—\n“manoviññāṇaṁ viññāṇakkhandhena saṅgahitan”ti."}},{"id":"kv7.1:8","sourceIds":["kv7.1:8.1","kv7.1:8.2","kv7.1:8.3","kv7.1:8.4","kv7.1:8.5"],"kind":"text","text":{"pi":"Yathā dāmena vā yottena vā dve balībaddā saṅgahitā, sikkāya piṇḍapāto saṅgahito, sā gaddulena saṅgahito;\nevameva te dhammā tehi dhammehi saṅgahitāti?\nHañci dāmena vā yottena vā dve balībaddā saṅgahitā, sikkāya piṇḍapāto saṅgahito, sā gaddulena saṅgahito, tena vata re vattabbe—\n“atthi keci dhammā kehici dhammehi saṅgahitā”ti.\nSaṅgahitakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv7.1/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}