{"id":"kv7.8","title":"Jarāmaraṇaṁvipākotikathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv7.8","title":"Jarāmaraṇaṁvipākotikathā","units":[{"id":"kv7.8:0","sourceIds":["kv7.8:0.1","kv7.8:0.2","kv7.8:0.3","kv7.8:0.4"],"kind":"text","text":{"pi":"Kathāvatthu\nMahāpaṇṇāsaka\nSattamavagga\nJarāmaraṇaṁvipākotikathā"}},{"id":"kv7.8:1","sourceIds":["kv7.8:1.1","kv7.8:1.2","kv7.8:1.3","kv7.8:1.4","kv7.8:1.5","kv7.8:1.6","kv7.8:1.7","kv7.8:1.8","kv7.8:1.9","kv7.8:1.10","kv7.8:1.11"],"kind":"text","text":{"pi":"Jarāmaraṇaṁ vipākoti?\nĀmantā.\nSukhavedaniyaṁ dukkhavedaniyaṁ adukkhamasukhavedaniyaṁ, sukhāya vedanāya sampayuttaṁ, dukkhāya vedanāya sampayuttaṁ, adukkhamasukhāya vedanāya sampayuttaṁ, phassena sampayuttaṁ, vedanāya sampayuttaṁ, saññāya sampayuttaṁ, cetanāya sampayuttaṁ, cittena sampayuttaṁ, sārammaṇaṁ;\natthi tassa āvaṭṭanā ābhogo samannāhāro manasikāro cetanā patthanā paṇidhīti?\nNa hevaṁ vattabbe …pe…\nnanu na sukhavedaniyaṁ na dukkhavedaniyaṁ …pe… anārammaṇaṁ;\nnatthi tassa āvaṭṭanā …pe… paṇidhīti?\nĀmantā.\nHañci na sukhavedaniyaṁ na dukkhavedaniyaṁ …pe… anārammaṇaṁ;\nnatthi tassa āvaṭṭanā …pe… paṇidhi, no ca vata re vattabbe—\n“jarāmaraṇaṁ vipāko”ti."}},{"id":"kv7.8:2","sourceIds":["kv7.8:2.1","kv7.8:2.2","kv7.8:2.3","kv7.8:2.4","kv7.8:2.5","kv7.8:2.6","kv7.8:2.7","kv7.8:2.8"],"kind":"text","text":{"pi":"Phasso vipāko, phasso sukhavedaniyo dukkhavedaniyo …pe…\nsārammaṇo;\natthi tassa āvaṭṭanā …pe… paṇidhīti?\nĀmantā.\nJarāmaraṇaṁ vipāko, jarāmaraṇaṁ sukhavedaniyaṁ dukkhavedaniyaṁ …pe…\nsārammaṇaṁ;\natthi tassa āvaṭṭanā …pe… paṇidhīti?\nNa hevaṁ vattabbe …pe…."}},{"id":"kv7.8:3","sourceIds":["kv7.8:3.1","kv7.8:3.2","kv7.8:3.3","kv7.8:3.4","kv7.8:3.5","kv7.8:3.6"],"kind":"text","text":{"pi":"Jarāmaraṇaṁ vipāko, jarāmaraṇaṁ na sukhavedaniyaṁ na dukkhavedaniyaṁ …pe… anārammaṇaṁ;\nnatthi tassa āvaṭṭanā …pe… paṇidhīti?\nĀmantā.\nPhasso vipāko, phasso na sukhavedaniyo na dukkhavedaniyo …pe… anārammaṇo;\nnatthi tassa āvaṭṭanā …pe… paṇidhīti?\nNa hevaṁ vattabbe …pe…."}},{"id":"kv7.8:4","sourceIds":["kv7.8:4.1","kv7.8:4.2","kv7.8:4.3","kv7.8:4.4"],"kind":"text","text":{"pi":"Akusalānaṁ dhammānaṁ jarāmaraṇaṁ, akusalānaṁ dhammānaṁ vipākoti?\nĀmantā.\nKusalānaṁ dhammānaṁ jarāmaraṇaṁ, kusalānaṁ dhammānaṁ vipākoti?\nNa hevaṁ vattabbe …pe…."}},{"id":"kv7.8:5","sourceIds":["kv7.8:5.1","kv7.8:5.2","kv7.8:5.3","kv7.8:5.4","kv7.8:5.5","kv7.8:5.6"],"kind":"text","text":{"pi":"Kusalānaṁ dhammānaṁ jarāmaraṇaṁ, na vattabbaṁ—\n“kusalānaṁ dhammānaṁ vipāko”ti?\nĀmantā.\nAkusalānaṁ dhammānaṁ jarāmaraṇaṁ, na vattabbaṁ—\n“akusalānaṁ dhammānaṁ vipāko”ti?\nNa hevaṁ vattabbe …pe…."}},{"id":"kv7.8:6","sourceIds":["kv7.8:6.1","kv7.8:6.2","kv7.8:6.3","kv7.8:6.4"],"kind":"text","text":{"pi":"Kusalānaṁ dhammānaṁ jarāmaraṇaṁ, akusalānaṁ dhammānaṁ vipākoti?\nĀmantā.\nAkusalānaṁ dhammānaṁ jarāmaraṇaṁ, kusalānaṁ dhammānaṁ vipākoti?\nNa hevaṁ vattabbe …pe…."}},{"id":"kv7.8:7","sourceIds":["kv7.8:7.1","kv7.8:7.2","kv7.8:7.3","kv7.8:7.4","kv7.8:7.5","kv7.8:7.6"],"kind":"text","text":{"pi":"Akusalānaṁ dhammānaṁ jarāmaraṇaṁ, na vattabbaṁ—\n“kusalānaṁ dhammānaṁ vipāko”ti?\nĀmantā.\nKusalānaṁ dhammānaṁ jarāmaraṇaṁ, na vattabbaṁ—\n“akusalānaṁ dhammānaṁ vipāko”ti?\nNa hevaṁ vattabbe …pe…."}},{"id":"kv7.8:8","sourceIds":["kv7.8:8.1","kv7.8:8.2","kv7.8:8.3","kv7.8:8.4"],"kind":"text","text":{"pi":"Kusalānañca akusalānañca dhammānaṁ jarāmaraṇaṁ, akusalānaṁ dhammānaṁ vipākoti?\nĀmantā.\nKusalānañca akusalānañca dhammānaṁ jarāmaraṇaṁ, kusalānaṁ dhammānaṁ vipākoti?\nNa hevaṁ vattabbe …pe…."}},{"id":"kv7.8:9","sourceIds":["kv7.8:9.1","kv7.8:9.2","kv7.8:9.3","kv7.8:9.4","kv7.8:9.5","kv7.8:9.6"],"kind":"text","text":{"pi":"Kusalānañca akusalānañca dhammānaṁ jarāmaraṇaṁ, na vattabbaṁ—\n“kusalānaṁ dhammānaṁ vipāko”ti?\nĀmantā.\nKusalānañca akusalānañca dhammānaṁ jarāmaraṇaṁ, na vattabbaṁ—\n“akusalānaṁ dhammānaṁ vipāko”ti?\nNa hevaṁ vattabbe …pe…."}},{"id":"kv7.8:10","sourceIds":["kv7.8:10.1","kv7.8:10.2","kv7.8:10.3","kv7.8:10.4","kv7.8:10.5","kv7.8:10.6","kv7.8:10.7","kv7.8:10.8"],"kind":"text","text":{"pi":"Na vattabbaṁ—\n“jarāmaraṇaṁ vipāko”ti?\nĀmantā.\nNanu atthi dubbaṇṇasaṁvattaniyaṁ kammaṁ appāyukasaṁvattaniyaṁ kammanti?\nĀmantā.\nHañci atthi dubbaṇṇasaṁvattaniyaṁ kammaṁ appāyukasaṁvattaniyaṁ kammaṁ, tena vata re vattabbe—\n“jarāmaraṇaṁ vipāko”ti.\nJarāmaraṇaṁ vipākotikathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv7.8/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}