{"id":"kv8.7","title":"Rūpadhātuyāāyatanakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv8.7","title":"Rūpadhātuyāāyatanakathā","units":[{"id":"kv8.7:0","sourceIds":["kv8.7:0.1","kv8.7:0.2","kv8.7:0.3","kv8.7:0.4"],"kind":"text","text":{"pi":"Kathāvatthu\nMahāpaṇṇāsaka\nAṭṭhamavagga\nRūpadhātuyāāyatanakathā"}},{"id":"kv8.7:1","sourceIds":["kv8.7:1.1","kv8.7:1.2","kv8.7:1.3","kv8.7:1.4","kv8.7:1.5","kv8.7:1.6","kv8.7:1.7","kv8.7:1.8","kv8.7:1.9","kv8.7:1.10","kv8.7:1.11","kv8.7:1.12","kv8.7:1.13","kv8.7:1.14"],"kind":"text","text":{"pi":"Atthi saḷāyataniko attabhāvo rūpadhātuyāti?\nĀmantā.\nAtthi tattha ghānāyatananti?\nĀmantā.\nAtthi tattha gandhāyatananti?\nNa hevaṁ vattabbe …pe…\natthi tattha jivhāyatananti?\nĀmantā.\nAtthi tattha rasāyatananti?\nNa hevaṁ vattabbe …pe…\natthi tattha kāyāyatananti?\nĀmantā.\nAtthi tattha phoṭṭhabbāyatananti?\nNa hevaṁ vattabbe …pe…."}},{"id":"kv8.7:2","sourceIds":["kv8.7:2.1","kv8.7:2.2","kv8.7:2.3","kv8.7:2.4","kv8.7:2.5","kv8.7:2.6","kv8.7:2.7","kv8.7:2.8","kv8.7:2.9","kv8.7:2.10","kv8.7:2.11","kv8.7:2.12"],"kind":"text","text":{"pi":"Natthi tattha gandhāyatananti?\nĀmantā.\nNatthi tattha ghānāyatananti?\nNa hevaṁ vattabbe …pe…\nnatthi tattha rasāyatananti?\nĀmantā.\nNatthi tattha jivhāyatananti?\nNa hevaṁ vattabbe …pe…\nnatthi tattha phoṭṭhabbāyatananti?\nĀmantā.\nNatthi tattha kāyāyatananti?\nNa hevaṁ vattabbe …pe…."}},{"id":"kv8.7:3","sourceIds":["kv8.7:3.1","kv8.7:3.2","kv8.7:3.3","kv8.7:3.4","kv8.7:3.5","kv8.7:3.6","kv8.7:3.7","kv8.7:3.8","kv8.7:3.9","kv8.7:3.10","kv8.7:3.11","kv8.7:3.12","kv8.7:3.13","kv8.7:3.14","kv8.7:3.15","kv8.7:3.16","kv8.7:3.17","kv8.7:3.18","kv8.7:3.19"],"kind":"text","text":{"pi":"Atthi tattha cakkhāyatanaṁ, atthi rūpāyatananti?\nĀmantā.\nAtthi tattha ghānāyatanaṁ, atthi gandhāyatananti?\nNa hevaṁ vattabbe …pe…\natthi tattha cakkhāyatanaṁ, atthi rūpāyatananti?\nĀmantā.\nAtthi tattha jivhāyatanaṁ, atthi rasāyatanaṁ …pe…\natthi tattha kāyāyatanaṁ, atthi phoṭṭhabbāyatananti?\nNa hevaṁ vattabbe …pe…\natthi tattha sotāyatanaṁ, atthi saddāyatanaṁ …pe…\natthi tattha manāyatanaṁ, atthi dhammāyatananti?\nĀmantā.\nAtthi tattha ghānāyatanaṁ, atthi gandhāyatananti?\nNa hevaṁ vattabbe …pe…\natthi tattha manāyatanaṁ, atthi dhammāyatananti?\nĀmantā.\nAtthi tattha jivhāyatanaṁ, atthi rasāyatananti …pe…\natthi tattha kāyāyatanaṁ, atthi phoṭṭhabbāyatananti?\nNa hevaṁ vattabbe …pe…."}},{"id":"kv8.7:4","sourceIds":["kv8.7:4.1","kv8.7:4.2","kv8.7:4.3","kv8.7:4.4","kv8.7:4.5","kv8.7:4.6","kv8.7:4.7","kv8.7:4.8","kv8.7:4.9","kv8.7:4.10","kv8.7:4.11","kv8.7:4.12","kv8.7:4.13","kv8.7:4.14","kv8.7:4.15","kv8.7:4.16","kv8.7:4.17","kv8.7:4.18","kv8.7:4.19"],"kind":"text","text":{"pi":"Atthi tattha ghānāyatanaṁ, natthi gandhāyatananti?\nĀmantā.\nAtthi tattha cakkhāyatanaṁ, natthi rūpāyatananti?\nNa hevaṁ vattabbe …pe…\natthi tattha ghānāyatanaṁ, natthi gandhāyatananti?\nĀmantā.\nAtthi tattha sotāyatanaṁ, natthi saddāyatanaṁ …pe…\natthi tattha manāyatanaṁ, natthi dhammāyatananti?\nNa hevaṁ vattabbe …pe…\natthi tattha jivhāyatanaṁ, natthi rasāyatanaṁ …pe…\natthi tattha kāyāyatanaṁ, natthi phoṭṭhabbāyatananti?\nĀmantā.\nAtthi tattha cakkhāyatanaṁ, natthi rūpāyatananti?\nNa hevaṁ vattabbe …pe…\natthi tattha kāyāyatanaṁ, natthi phoṭṭhabbāyatananti?\nĀmantā.\nAtthi tattha sotāyatanaṁ, natthi saddāyatanaṁ …pe…\natthi tattha manāyatanaṁ, natthi dhammāyatananti?\nNa hevaṁ vattabbe …pe…."}},{"id":"kv8.7:5","sourceIds":["kv8.7:5.1","kv8.7:5.2","kv8.7:5.3","kv8.7:5.4","kv8.7:5.5","kv8.7:5.6","kv8.7:5.7","kv8.7:5.8","kv8.7:5.9"],"kind":"text","text":{"pi":"Atthi tattha cakkhāyatanaṁ atthi rūpāyatanaṁ, tena cakkhunā taṁ rūpaṁ passatīti?\nĀmantā.\nAtthi tattha ghānāyatanaṁ atthi gandhāyatanaṁ, tena ghānena taṁ gandhaṁ ghāyatīti?\nNa hevaṁ vattabbe …pe…\natthi tattha cakkhāyatanaṁ atthi rūpāyatanaṁ, tena cakkhunā taṁ rūpaṁ passatīti?\nĀmantā.\nAtthi tattha jivhāyatanaṁ atthi rasāyatanaṁ, tāya jivhāya taṁ rasaṁ sāyati …pe…\natthi tattha kāyāyatanaṁ atthi phoṭṭhabbāyatanaṁ, tena kāyena taṁ phoṭṭhabbaṁ phusatīti?\nNa hevaṁ vattabbe …pe…."}},{"id":"kv8.7:6","sourceIds":["kv8.7:6.1","kv8.7:6.2","kv8.7:6.3","kv8.7:6.4","kv8.7:6.5","kv8.7:6.6","kv8.7:6.7","kv8.7:6.8","kv8.7:6.9","kv8.7:6.10"],"kind":"text","text":{"pi":"Atthi tattha sotāyatanaṁ atthi saddāyatanaṁ …pe…\natthi tattha manāyatanaṁ atthi dhammāyatanaṁ, tena manena taṁ dhammaṁ vijānātīti?\nĀmantā.\nAtthi tattha ghānāyatanaṁ atthi gandhāyatanaṁ, tena ghānena taṁ gandhaṁ ghāyatīti?\nNa hevaṁ vattabbe …pe…\natthi tattha manāyatanaṁ atthi dhammāyatanaṁ, tena manena taṁ dhammaṁ vijānātīti?\nĀmantā.\nAtthi tattha jivhāyatanaṁ atthi rasāyatanaṁ …pe…\natthi tattha kāyāyatanaṁ atthi phoṭṭhabbāyatanaṁ, tena kāyena taṁ phoṭṭhabbaṁ phusatīti?\nNa hevaṁ vattabbe …pe…."}},{"id":"kv8.7:7","sourceIds":["kv8.7:7.1","kv8.7:7.2","kv8.7:7.3","kv8.7:7.4","kv8.7:7.5","kv8.7:7.6","kv8.7:7.7","kv8.7:7.8","kv8.7:7.9"],"kind":"text","text":{"pi":"Atthi tattha ghānāyatanaṁ atthi gandhāyatanaṁ, na ca tena ghānena taṁ gandhaṁ ghāyatīti?\nĀmantā.\nAtthi tattha cakkhāyatanaṁ atthi rūpāyatanaṁ, na ca tena cakkhunā taṁ rūpaṁ passatīti?\nNa hevaṁ vattabbe …pe…\natthi tattha ghānāyatanaṁ atthi gandhāyatanaṁ, na ca tena ghānena taṁ gandhaṁ ghāyatīti?\nĀmantā.\nAtthi tattha sotāyatanaṁ atthi saddāyatanaṁ …pe…\natthi tattha manāyatanaṁ atthi dhammāyatanaṁ, na ca tena manena taṁ dhammaṁ vijānātīti?\nNa hevaṁ vattabbe …pe…."}},{"id":"kv8.7:8","sourceIds":["kv8.7:8.1","kv8.7:8.2","kv8.7:8.3","kv8.7:8.4","kv8.7:8.5","kv8.7:8.6"],"kind":"text","text":{"pi":"Atthi tattha jivhāyatanaṁ atthi rasāyatanaṁ …pe…\natthi tattha kāyāyatanaṁ atthi phoṭṭhabbāyatanaṁ, na ca tena kāyena taṁ phoṭṭhabbaṁ phusatīti?\nĀmantā.\nAtthi tattha sotāyatanaṁ atthi saddāyatanaṁ …pe…\natthi tattha manāyatanaṁ atthi dhammāyatanaṁ, na ca tena manena taṁ dhammaṁ vijānātīti?\nNa hevaṁ vattabbe …pe…"}},{"id":"kv8.7:9","sourceIds":["kv8.7:9.1","kv8.7:9.2","kv8.7:9.3","kv8.7:9.4"],"kind":"text","text":{"pi":"Atthi tattha ghānāyatanaṁ atthi gandhāyatanaṁ, tena ghānena taṁ gandhaṁ ghāyatīti?\nĀmantā.\nAtthi tattha mūlagandho sāragandho tacagandho pattagandho pupphagandho phalagandho āmagandho vissagandho sugandho duggandhoti?\nNa hevaṁ vattabbe …pe…."}},{"id":"kv8.7:10","sourceIds":["kv8.7:10.1","kv8.7:10.2","kv8.7:10.3","kv8.7:10.4"],"kind":"text","text":{"pi":"Atthi tattha jivhāyatanaṁ atthi rasāyatanaṁ, tāya jivhāya taṁ rasaṁ sāyatīti?\nĀmantā.\nAtthi tattha mūlaraso khandharaso tacaraso pattaraso puppharaso phalaraso ambilaṁ madhuraṁ tittakaṁ kaṭukaṁ loṇiyaṁ khāriyaṁ lambilaṁ kasāvo sādu asādūti?\nNa hevaṁ vattabbe …pe…."}},{"id":"kv8.7:11","sourceIds":["kv8.7:11.1","kv8.7:11.2","kv8.7:11.3","kv8.7:11.4"],"kind":"text","text":{"pi":"Atthi tattha kāyāyatanaṁ atthi phoṭṭhabbāyatanaṁ, tena kāyena taṁ phoṭṭhabbaṁ phusatīti?\nĀmantā.\nAtthi tattha kakkhaḷaṁ mudukaṁ saṇhaṁ pharusaṁ sukhasamphassaṁ dukkhasamphassaṁ garukaṁ lahukanti?\nNa hevaṁ vattabbe …pe…."}},{"id":"kv8.7:12","sourceIds":["kv8.7:12.1","kv8.7:12.2","kv8.7:12.3","kv8.7:12.4","kv8.7:12.5","kv8.7:12.6","kv8.7:12.7","kv8.7:12.8"],"kind":"text","text":{"pi":"Na vattabbaṁ—\n“saḷāyataniko attabhāvo rūpadhātuyā”ti?\nĀmantā.\nNanu atthi tattha ghānanimittaṁ jivhānimittaṁ kāyanimittanti?\nĀmantā.\nHañci atthi tattha ghānanimittaṁ jivhānimittaṁ kāyanimittaṁ, tena vata re vattabbe—\n“saḷāyataniko attabhāvo rūpadhātuyā”ti.\nRūpadhātuyā āyatanakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv8.7/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}