{"id":"kv9.7","title":"Vitakkānupatitakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv9.7","title":"Vitakkānupatitakathā","units":[{"id":"kv9.7:0","sourceIds":["kv9.7:0.1","kv9.7:0.2","kv9.7:0.3","kv9.7:0.4"],"kind":"text","text":{"pi":"Kathāvatthu\nMahāpaṇṇāsaka\nNavamavagga\nVitakkānupatitakathā"}},{"id":"kv9.7:1","sourceIds":["kv9.7:1.1","kv9.7:1.2","kv9.7:1.3","kv9.7:1.4","kv9.7:1.5"],"kind":"text","text":{"pi":"Sabbaṁ cittaṁ vitakkānupatitanti?\nĀmantā.\nSabbaṁ cittaṁ vicārānupatitaṁ pītānupatitaṁ sukhānupatitaṁ dukkhānupatitaṁ somanassānupatitaṁ domanassānupatitaṁ upekkhānupatitaṁ saddhānupatitaṁ vīriyānupatitaṁ satānupatitaṁ samādhānupatitaṁ paññānupatitaṁ rāgānupatitaṁ dosānupatitaṁ …pe…\nanottappānupatitanti?\nNa hevaṁ vattabbe …pe…."}},{"id":"kv9.7:2","sourceIds":["kv9.7:2.1","kv9.7:2.2","kv9.7:2.3","kv9.7:2.4","kv9.7:2.5","kv9.7:2.6"],"kind":"text","text":{"pi":"Sabbaṁ cittaṁ vitakkānupatitanti?\nĀmantā.\nNanu atthi avitakko vicāramatto samādhīti?\nĀmantā.\nHañci atthi avitakko vicāramatto samādhi, no ca vata re vattabbe—\n“sabbaṁ cittaṁ vitakkānupatitan”ti."}},{"id":"kv9.7:3","sourceIds":["kv9.7:3.1","kv9.7:3.2","kv9.7:3.3","kv9.7:3.4","kv9.7:3.5","kv9.7:3.6","kv9.7:3.7","kv9.7:3.8","kv9.7:3.9","kv9.7:3.10","kv9.7:3.11","kv9.7:3.12","kv9.7:3.13","kv9.7:3.14","kv9.7:3.15"],"kind":"text","text":{"pi":"Sabbaṁ cittaṁ vitakkānupatitanti?\nĀmantā.\nNanu atthi avitakko avicāro samādhīti?\nĀmantā.\nHañci atthi avitakko avicāro samādhi, no ca vata re vattabbe—\n“sabbaṁ cittaṁ vitakkānupatitan”ti.\nSabbaṁ cittaṁ vitakkānupatitanti?\nĀmantā.\nNanu tayo samādhī vuttā bhagavatā—\n“savitakko savicāro samādhi, avitakko vicāramatto samādhi, avitakko avicāro samādhī”ti?\nĀmantā.\nHañci tayo samādhī vuttā bhagavatā—\nsavitakko savicāro samādhi, avitakko vicāramatto samādhi, avitakko avicāro samādhi, no ca vata re vattabbe—\n“sabbaṁ cittaṁ vitakkānupatitan”ti.\nVitakkānupatitakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv9.7/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}