{"id":"mil3.1.15","title":"15. Paññālakkhaṇapañha","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mil3.1.15","title":"15. Paññālakkhaṇapañha","units":[{"id":"mil3.1.15:0","sourceIds":["mil3.1.15:0.1","mil3.1.15:0.2","mil3.1.15:0.3"],"kind":"text","text":{"pi":"Milindapañha\nMahāvagga\n15. Paññālakkhaṇapañha"}},{"id":"mil3.1.15:1","sourceIds":["mil3.1.15:1.1","mil3.1.15:1.2","mil3.1.15:1.3","mil3.1.15:1.4","mil3.1.15:1.5","mil3.1.15:1.6","mil3.1.15:1.7"],"kind":"text","text":{"pi":"Rājā āha—\n“bhante nāgasena, kiṁlakkhaṇā paññā”ti?\n“Pubbeva kho, mahārāja, mayā vuttaṁ—\n‘chedanalakkhaṇā paññā’ti, api ca obhāsanalakkhaṇā paññā”ti.\n“Kathaṁ, bhante, obhāsanalakkhaṇā paññā”ti?\n“Paññā, mahārāja, uppajjamānā avijjandhakāraṁ vidhameti, vijjobhāsaṁ janeti, ñāṇālokaṁ vidaṁseti, ariyasaccāni pākaṭāni karoti.\nTato yogāvacaro ‘aniccan’ti vā ‘dukkhan’ti vā ‘anattā’ti vā sammappaññāya passatī”ti."}},{"id":"mil3.1.15:2","sourceIds":["mil3.1.15:2.1","mil3.1.15:2.2","mil3.1.15:2.3","mil3.1.15:2.4","mil3.1.15:2.5"],"kind":"text","text":{"pi":"“Opammaṁ karohī”ti.\n“Yathā, mahārāja, puriso andhakāre gehe padīpaṁ paveseyya, paviṭṭho padīpo andhakāraṁ vidhameti, obhāsaṁ janeti, ālokaṁ vidaṁseti, rūpāni pākaṭāni karoti;\nevameva kho, mahārāja, paññā uppajjamānā avijjandhakāraṁ vidhameti, vijjobhāsaṁ janeti, ñāṇālokaṁ vidaṁseti, ariyasaccāni pākaṭāni karoti.\nTato yogāvacaro ‘aniccan’ti vā ‘dukkhan’ti vā ‘anattā’ti vā sammappaññāya passati.\nEvaṁ kho, mahārāja, obhāsanalakkhaṇā paññā”ti."}},{"id":"mil3.1.15:3","sourceIds":["mil3.1.15:3.1"],"kind":"text","text":{"pi":"“Kallosi, bhante nāgasenā”ti."}},{"id":"mil3.1.15:4","sourceIds":["mil3.1.15:4.1"],"kind":"text","text":{"pi":"Paññālakkhaṇapañho pannarasamo."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mil3.1.15/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}