{"id":"mil4.2","title":"2. Aṭṭhamantavināsakapuggala","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mil4.2","title":"2. Aṭṭhamantavināsakapuggala","units":[{"id":"mil4.2:0","sourceIds":["mil4.2:0.1","mil4.2:0.2","mil4.2:0.3","mil4.2:0.4"],"kind":"text","text":{"pi":"Milindapañha\nMeṇḍakapañhārambhakathā\nUpāsakaguṇavagga\n2. Aṭṭhamantavināsakapuggala"}},{"id":"mil4.2:1","sourceIds":["mil4.2:1.1","mil4.2:1.2","mil4.2:1.3","mil4.2:1.4"],"kind":"text","text":{"pi":"“Bhante nāgasena, aṭṭhime puggalā mantiyamānā mantitaṁ atthaṁ byāpādenti.\nKatame aṭṭha?\nRāgacarito dosacarito mohacarito mānacarito luddho alaso ekacintī bāloti.\nIme aṭṭha puggalā mantitaṁ atthaṁ byāpādentī”ti."}},{"id":"mil4.2:2","sourceIds":["mil4.2:2.1","mil4.2:2.2","mil4.2:2.3","mil4.2:2.4"],"kind":"text","text":{"pi":"Thero āha—\n“tesaṁ ko doso”ti?\n“Rāgacarito, bhante nāgasena, rāgavasena mantitaṁ atthaṁ byāpādeti, dosacarito dosavasena mantitaṁ atthaṁ byāpādeti, mohacarito mohavasena mantitaṁ atthaṁ byāpādeti, mānacarito mānavasena mantitaṁ atthaṁ byāpādeti, luddho lobhavasena mantitaṁ atthaṁ byāpādeti, alaso alasatāya mantitaṁ atthaṁ byāpādeti, ekacintī ekacintitāya mantitaṁ atthaṁ byāpādeti, bālo bālatāya mantitaṁ atthaṁ byāpādeti.\nBhavatīha—"}},{"id":"mil4.2:3","sourceIds":["mil4.2:3.1","mil4.2:3.2","mil4.2:3.3","mil4.2:3.4"],"kind":"text","text":{"pi":"‘Ratto duṭṭho ca mūḷho ca,\nmānī luddho tathālaso;\nEkacintī ca bālo ca,\nete atthavināsakā’”ti."}},{"id":"mil4.2:4","sourceIds":["mil4.2:4.1"],"kind":"text","text":{"pi":"Aṭṭha mantavināsakapuggalā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mil4.2/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}