{"id":"mil7.3.2","title":"2. Padumaṅgapañha","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mil7.3.2","title":"2. Padumaṅgapañha","units":[{"id":"mil7.3.2:0","sourceIds":["mil7.3.2:0.1","mil7.3.2:0.2","mil7.3.2:0.3","mil7.3.2:0.4"],"kind":"text","text":{"pi":"Milindapañha\nOpammakathāpañha\nSamuddavagga\n2. Padumaṅgapañha"}},{"id":"mil7.3.2:1","sourceIds":["mil7.3.2:1.1","mil7.3.2:1.2","mil7.3.2:1.3","mil7.3.2:1.4"],"kind":"text","text":{"pi":"“Bhante nāgasena, ‘padumassa tīṇi aṅgāni gahetabbānī’ti yaṁ vadesi, katamāni tāni tīṇi aṅgāni gahetabbānī”ti?\n“Yathā, mahārāja, padumaṁ udake jātaṁ udake saṁvaddhaṁ anupalittaṁ udakena;\nevameva kho, mahārāja, yoginā yogāvacarena kule gaṇe lābhe yase sakkāre sammānanāya paribhogapaccayesu ca sabbattha anupalittena bhavitabbaṁ.\nIdaṁ, mahārāja, padumassa paṭhamaṁ aṅgaṁ gahetabbaṁ."}},{"id":"mil7.3.2:2","sourceIds":["mil7.3.2:2.1","mil7.3.2:2.2","mil7.3.2:2.3"],"kind":"text","text":{"pi":"Puna caparaṁ, mahārāja, padumaṁ udakā accuggamma ṭhāti;\nevameva kho, mahārāja, yoginā yogāvacarena sabbalokaṁ abhibhavitvā accuggamma lokuttaradhamme ṭhātabbaṁ.\nIdaṁ, mahārāja, padumassa dutiyaṁ aṅgaṁ gahetabbaṁ."}},{"id":"mil7.3.2:3","sourceIds":["mil7.3.2:3.1","mil7.3.2:3.2","mil7.3.2:3.3","mil7.3.2:3.4"],"kind":"text","text":{"pi":"Puna caparaṁ, mahārāja, padumaṁ appamattakenapi anilena eritaṁ calati;\nevameva kho, mahārāja, yoginā yogāvacarena appamattakesupi kilesesu saṁyamo karaṇīyo, bhayadassāvinā viharitabbaṁ.\nIdaṁ, mahārāja, padumassa tatiyaṁ aṅgaṁ gahetabbaṁ.\nBhāsitampetaṁ, mahārāja, bhagavatā devātidevena ‘aṇumattesu vajjesu bhayadassāvī samādāya sikkhati sikkhāpadesū’”ti."}},{"id":"mil7.3.2:4","sourceIds":["mil7.3.2:4.1"],"kind":"text","text":{"pi":"Padumaṅgapañho dutiyo."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mil7.3.2/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}