{"id":"mil7.6.7","title":"7. Vagguliṅgapañha","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mil7.6.7","title":"7. Vagguliṅgapañha","units":[{"id":"mil7.6.7:0","sourceIds":["mil7.6.7:0.1","mil7.6.7:0.2","mil7.6.7:0.3","mil7.6.7:0.4"],"kind":"text","text":{"pi":"Milindapañha\nOpammakathāpañha\nSīhavagga\n7. Vagguliṅgapañha"}},{"id":"mil7.6.7:1","sourceIds":["mil7.6.7:1.1","mil7.6.7:1.2","mil7.6.7:1.3","mil7.6.7:1.4"],"kind":"text","text":{"pi":"“Bhante nāgasena, ‘vaggulissa dve aṅgāni gahetabbānī’ti yaṁ vadesi, katamāni tāni dve aṅgāni gahetabbānī”ti?\n“Yathā, mahārāja, vagguli gehaṁ pavisitvā vicaritvā nikkhamati, na tattha palibuddhati;\nevameva kho, mahārāja, yoginā yogāvacarena gāmaṁ piṇḍāya pavisitvā sapadānaṁ vicaritvā paṭiladdhalābhena khippameva nikkhamitabbaṁ, na tattha palibuddhena bhavitabbaṁ.\nIdaṁ, mahārāja, vaggulissa paṭhamaṁ aṅgaṁ gahetabbaṁ."}},{"id":"mil7.6.7:2","sourceIds":["mil7.6.7:2.1","mil7.6.7:2.2","mil7.6.7:2.3","mil7.6.7:2.4"],"kind":"text","text":{"pi":"Puna caparaṁ, mahārāja, vagguli paragehe vasamāno na tesaṁ parihāniṁ karoti;\nevameva kho, mahārāja, yoginā yogāvacarena kulāni upasaṅkamitvā atiyācanāya vā viññattibahulatāya vā kāyadosabahulatāya vā atibhāṇitāya vā samānasukhadukkhatāya vā na tesaṁ koci vippaṭisāro karaṇīyo, napi tesaṁ mūlakammaṁ parihāpetabbaṁ, sabbathā vaḍḍhiyeva icchitabbā.\nIdaṁ, mahārāja, vaggulissa dutiyaṁ aṅgaṁ gahetabbaṁ.\nBhāsitampetaṁ, mahārāja, bhagavatā devātidevena dīghanikāyavare lakkhaṇasuttante—"}},{"id":"mil7.6.7:3","sourceIds":["mil7.6.7:3.1","mil7.6.7:3.2","mil7.6.7:3.3","mil7.6.7:3.4"],"kind":"text","text":{"pi":"‘Suddhāya sīlena sutena buddhiyā,\nCāgena dhammena bahūhi sādhuhi;\nDhanena dhaññena ca khettavatthunā,\nPuttehi dārehi catuppadehi ca."}},{"id":"mil7.6.7:4","sourceIds":["mil7.6.7:4.1","mil7.6.7:4.2","mil7.6.7:4.3","mil7.6.7:4.4"],"kind":"text","text":{"pi":"Ñātīhi mittehi ca bandhavehi,\nBalena vaṇṇena sukhena cūbhayaṁ;\nKathaṁ na hāyeyyuṁ pareti icchati,\nAtthasamiddhiñca panābhikaṅkhatī’”ti."}},{"id":"mil7.6.7:5","sourceIds":["mil7.6.7:5.1"],"kind":"text","text":{"pi":"Vagguliṅgapañho sattamo."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mil7.6.7/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}