{"id":"mn103","title":"Is This What You Think Of Me?","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn103","title":"Is This What You Think Of Me?","units":[{"id":"mn103:0","sourceIds":["mn103:0.1","mn103:0.2"],"kind":"text","text":{"pi":"Majjhima Nikāya 103\nKintisutta","en":"Middle Discourses 103\nIs This What You Think Of Me?"}},{"id":"mn103:1","sourceIds":["mn103:1.1","mn103:1.2","mn103:1.3","mn103:1.4","mn103:1.5","mn103:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā pisinārāyaṁ viharati baliharaṇe vanasaṇḍe.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Kusinārā in the Forest of Offerings.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn103:2","sourceIds":["mn103:2.1","mn103:2.2","mn103:2.3","mn103:2.4","mn103:2.5","mn103:2.6","mn103:2.7","mn103:2.8","mn103:2.9","mn103:2.10","mn103:2.11","mn103:2.12","mn103:2.13","mn103:2.14"],"kind":"text","text":{"pi":"“kinti vo, bhikkhave, mayi hoti:\n‘cīvarahetu vā samaṇo gotamo dhammaṁ deseti, piṇḍapātahetu vā samaṇo gotamo dhammaṁ deseti, senāsanahetu vā samaṇo gotamo dhammaṁ deseti, itibhavābhavahetu vā samaṇo gotamo dhammaṁ desetī’”ti?\n“Na kho no, bhante, bhagavati evaṁ hoti:\n‘cīvarahetu vā samaṇo gotamo dhammaṁ deseti, piṇḍapātahetu vā samaṇo gotamo dhammaṁ deseti, senāsanahetu vā samaṇo gotamo dhammaṁ deseti, itibhavābhavahetu vā samaṇo gotamo dhammaṁ desetī’”ti.\n“Na ca kira vo, bhikkhave, mayi evaṁ hoti:\n‘cīvarahetu vā samaṇo gotamo dhammaṁ deseti …pe…\nitibhavābhavahetu vā samaṇo gotamo dhammaṁ desetī’ti;\natha kinti carahi vo, bhikkhave, mayi hotī”ti?\n“Evaṁ kho no, bhante, bhagavati hoti:\n‘anukampako bhagavā hitesī;\nanukampaṁ upādāya dhammaṁ desetī’”ti.\n“Evañca kira vo, bhikkhave, mayi hoti:\n‘anukampako bhagavā hitesī;\nanukampaṁ upādāya dhammaṁ desetī’ti.","en":"“Mendicants, is this what you think of me?\n‘The ascetic Gotama teaches the Dhamma for the sake of robes, almsfood, lodgings, or rebirth in this or that state.’”\n“No sir, we don’t think of you that way.”\n“If you don’t think of me that way,\nwhat then do you think of me?”\n“We think of you this way:\n‘The Buddha is sympathetic and wants what’s best for us.\nHe teaches out of sympathy.’”\n“So it seems you think\nthat I teach out of sympathy."}},{"id":"mn103:3","sourceIds":["mn103:3.1","mn103:3.2"],"kind":"text","text":{"pi":"Tasmātiha, bhikkhave, ye vo mayā dhammā abhiññā desitā, seyyathidaṁ—\ncattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo, tattha sabbeheva samaggehi sammodamānehi avivadamānehi sikkhitabbaṁ.","en":"In that case, each and every one of you should train in the things I have taught from my direct knowledge, that is:\nthe four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path. You should train in these things in harmony, appreciating each other, without dispute."}},{"id":"mn103:4","sourceIds":["mn103:4.1"],"kind":"text","text":{"pi":"Tesañca vo, bhikkhave, samaggānaṁ sammodamānānaṁ avivadamānānaṁ sikkhataṁ siyaṁsu dve bhikkhū abhidhamme nānāvādā.","en":"As you do so, it may happen that two mendicants disagree about the teaching."}},{"id":"mn103:5","sourceIds":["mn103:5.1","mn103:5.2","mn103:5.3","mn103:5.4","mn103:5.5","mn103:5.6","mn103:5.7","mn103:5.8","mn103:5.9","mn103:5.10","mn103:5.11","mn103:5.12","mn103:5.13"],"kind":"text","text":{"pi":"Tatra ce tumhākaṁ evamassa:\n‘imesaṁ kho āyasmantānaṁ atthato ceva nānaṁ byañjanato ca nānan’ti, tattha yaṁ bhikkhuṁ suvacataraṁ maññeyyātha so upasaṅkamitvā evamassa vacanīyo:\n‘āyasmantānaṁ kho atthato ceva nānaṁ, byañjanato ca nānaṁ.\nTadamināpetaṁ āyasmanto jānātha—\nyathā atthato ceva nānaṁ, byañjanato ca nānaṁ.\nMāyasmanto vivādaṁ āpajjitthā’ti.\nAthāparesaṁ ekatopakkhikānaṁ bhikkhūnaṁ yaṁ bhikkhuṁ suvacataraṁ maññeyyātha so upasaṅkamitvā evamassa vacanīyo:\n‘āyasmantānaṁ kho atthato ceva nānaṁ, byañjanato ca nānaṁ.\nTadamināpetaṁ āyasmanto jānātha—\nyathā atthato ceva nānaṁ, byañjanato ca nānaṁ.\nMāyasmanto vivādaṁ āpajjitthā’ti.\nIti duggahitaṁ duggahitato dhāretabbaṁ, suggahitaṁ suggahitato dhāretabbaṁ.\nDuggahitaṁ duggahitato dhāretvā suggahitaṁ suggahitato dhāretvā yo dhammo yo vinayo so bhāsitabbo.","en":"Now, you might think,\n‘These two venerables disagree on both the meaning and the phrasing.’ So you should approach whichever mendicant you think is most amenable and say to them:\n‘The venerables disagree on the meaning and the phrasing.\nBut the venerables should know that this is how\nsuch disagreement on the meaning and the phrasing comes to be.\nPlease don’t get into a dispute about this.’\nThen you should approach whichever mendicant they think is most amenable among those who side with the other party and say to them:\n‘The venerables disagree on the meaning and the phrasing.\nBut the venerables should know that this is how\nsuch disagreement on the meaning and the phrasing comes to be.\nPlease don’t get into a dispute about this.’\nSo you should remember what has been incorrectly memorized as incorrectly memorized and what has been correctly memorized as correctly memorized.\nRemembering this, you should speak on the teaching and the training."}},{"id":"mn103:6","sourceIds":["mn103:6.1","mn103:6.2","mn103:6.3","mn103:6.4","mn103:6.5","mn103:6.6","mn103:6.7","mn103:6.8","mn103:6.9","mn103:6.10","mn103:6.11","mn103:6.12","mn103:6.13"],"kind":"text","text":{"pi":"Tatra ce tumhākaṁ evamassa:\n‘imesaṁ kho āyasmantānaṁ atthato hi kho nānaṁ, byañjanato sametī’ti, tattha yaṁ bhikkhuṁ suvacataraṁ maññeyyātha so upasaṅkamitvā evamassa vacanīyo:\n‘āyasmantānaṁ kho atthato hi nānaṁ, byañjanato sameti.\nTadamināpetaṁ āyasmanto jānātha—\nyathā atthato hi kho nānaṁ, byañjanato sameti.\nMāyasmanto vivādaṁ āpajjitthā’ti.\nAthāparesaṁ ekatopakkhikānaṁ bhikkhūnaṁ yaṁ bhikkhuṁ suvacataraṁ maññeyyātha so upasaṅkamitvā evamassa vacanīyo:\n‘āyasmantānaṁ kho atthato hi kho nānaṁ, byañjanato sameti.\nTadamināpetaṁ āyasmanto jānātha—\nyathā atthato hi kho nānaṁ, byañjanato sameti.\nMāyasmanto vivādaṁ āpajjitthā’ti.\nIti duggahitaṁ duggahitato dhāretabbaṁ, suggahitaṁ suggahitato dhāretabbaṁ.\nDuggahitaṁ duggahitato dhāretvā suggahitaṁ suggahitato dhāretvā yo dhammo yo vinayo so bhāsitabbo.","en":"Now, you might think,\n‘These two venerables disagree on the meaning but agree on the phrasing.’ So you should approach whichever mendicant you think is most amenable and say to them:\n‘The venerables disagree on the meaning but agree on the phrasing.\nBut the venerables should know that this is how\nsuch disagreement on the meaning and agreement on the phrasing comes to be.\nPlease don’t get into a dispute about this.’\nThen you should approach whichever mendicant they think is most amenable among those who side with the other party and say to them:\n‘The venerables disagree on the meaning but agree on the phrasing.\nBut the venerables should know that this is how\nsuch disagreement on the meaning and agreement on the phrasing comes to be.\nPlease don’t get into a dispute about this.’\nSo you should remember what has been incorrectly memorized as incorrectly memorized and what has been correctly memorized as correctly memorized.\nRemembering this, you should speak on the teaching and the training."}},{"id":"mn103:7","sourceIds":["mn103:7.1","mn103:7.2","mn103:7.3","mn103:7.4","mn103:7.5","mn103:7.6","mn103:7.7","mn103:7.8","mn103:7.9","mn103:7.10","mn103:7.11","mn103:7.12","mn103:7.13","mn103:7.14","mn103:7.15"],"kind":"text","text":{"pi":"Tatra ce tumhākaṁ evamassa:\n‘imesaṁ kho āyasmantānaṁ atthato hi kho sameti, byañjanato nānan’ti, tattha yaṁ bhikkhuṁ suvacataraṁ maññeyyātha so upasaṅkamitvā evamassa vacanīyo:\n‘āyasmantānaṁ kho atthato hi sameti, byañjanato nānaṁ.\nTadamināpetaṁ āyasmanto jānātha—\nyathā atthato hi kho sameti, byañjanato nānaṁ.\nAppamattakaṁ kho panetaṁ yadidaṁ—byañjanaṁ.\nMāyasmanto appamattake vivādaṁ āpajjitthā’ti.\nAthāparesaṁ ekatopakkhikānaṁ bhikkhūnaṁ yaṁ bhikkhuṁ suvacataraṁ maññeyyātha so upasaṅkamitvā evamassa vacanīyo:\n‘āyasmantānaṁ kho atthato hi sameti, byañjanato nānaṁ.\nTadamināpetaṁ āyasmanto jānātha—\nyathā atthato hi kho sameti, byañjanato nānaṁ.\nAppamattakaṁ kho panetaṁ yadidaṁ—byañjanaṁ.\nMāyasmanto appamattake vivādaṁ āpajjitthā’ti.\nIti suggahitaṁ suggahitato dhāretabbaṁ, duggahitaṁ duggahitato dhāretabbaṁ.\nSuggahitaṁ suggahitato dhāretvā duggahitaṁ duggahitato dhāretvā yo dhammo yo vinayo so bhāsitabbo.","en":"Now, you might think,\n‘These two venerables agree on the meaning but disagree on the phrasing.’ So you should approach whichever mendicant you think is most amenable and say to them:\n‘The venerables agree on the meaning but disagree on the phrasing.\nBut the venerables should know that this is how\nsuch agreement on the meaning and disagreement on the phrasing comes to be.\nBut the phrasing is a minor matter.\nPlease don’t get into a dispute about something so minor.’\nThen you should approach whichever mendicant they think is most amenable among those who side with the other party and say to them:\n‘The venerables agree on the meaning but disagree on the phrasing.\nBut the venerables should know that this is how\nsuch agreement on the meaning and disagreement on the phrasing comes to be.\nBut the phrasing is a minor matter.\nPlease don’t get into a dispute about something so minor.’\nSo you should remember what has been correctly memorized as correctly memorized and what has been incorrectly memorized as incorrectly memorized.\nRemembering this, you should speak on the teaching and the training."}},{"id":"mn103:8","sourceIds":["mn103:8.1","mn103:8.2","mn103:8.3","mn103:8.4","mn103:8.5","mn103:8.6","mn103:8.7","mn103:8.8","mn103:8.9","mn103:8.10","mn103:8.11","mn103:8.12","mn103:8.13"],"kind":"text","text":{"pi":"Tatra ce tumhākaṁ evamassa:\n‘imesaṁ kho āyasmantānaṁ atthato ceva sameti byañjanato ca sametī’ti, tattha yaṁ bhikkhuṁ suvacataraṁ maññeyyātha so upasaṅkamitvā evamassa vacanīyo:\n‘āyasmantānaṁ kho atthato ceva sameti, byañjanato ca sameti.\nTadamināpetaṁ āyasmanto jānātha—\nyathā atthato ceva sameti byañjanato ca sameti.\nMāyasmanto vivādaṁ āpajjitthā’ti.\nAthāparesaṁ ekatopakkhikānaṁ bhikkhūnaṁ yaṁ bhikkhuṁ suvacataraṁ maññeyyātha so upasaṅkamitvā evamassa vacanīyo:\n‘āyasmantānaṁ kho atthato ceva sameti byañjanato ca sameti.\nTadamināpetaṁ āyasmanto jānātha—\nyathā atthato ceva sameti byañjanato ca sameti.\nMāyasmanto vivādaṁ āpajjitthā’ti.\nIti suggahitaṁ suggahitato dhāretabbaṁ.\nSuggahitaṁ suggahitato dhāretvā yo dhammo yo vinayo so bhāsitabbo.","en":"Now, you might think,\n‘These two venerables agree on both the meaning and the phrasing.’ So you should approach whichever mendicant you think is most amenable and say to them:\n‘The venerables agree on both the meaning and the phrasing.\nBut the venerables should know that this is how\nthey come to agree on the meaning and the phrasing.\nPlease don’t get into a dispute about this.’\nThen you should approach whichever mendicant they think is most amenable among those who side with the other party and say to them:\n‘The venerables agree on both the meaning and the phrasing.\nBut the venerables should know that this is how\nthey come to agree on the meaning and the phrasing.\nPlease don’t get into a dispute about this.’\nSo you should remember what has been correctly memorized as correctly memorized.\nRemembering this, you should speak on the teaching and the training."}},{"id":"mn103:9","sourceIds":["mn103:9.1"],"kind":"text","text":{"pi":"Tesañca vo, bhikkhave, samaggānaṁ sammodamānānaṁ avivadamānānaṁ sikkhataṁ siyā aññatarassa bhikkhuno āpatti siyā vītikkamo,","en":"As you train in harmony, appreciating each other, without dispute, one of the mendicants might commit an offense or transgression."}},{"id":"mn103:10","sourceIds":["mn103:10.1","mn103:10.2","mn103:10.3"],"kind":"text","text":{"pi":"tatra, bhikkhave, na codanāya taritabbaṁ. Puggalo upaparikkhitabbo:\n‘iti mayhañca avihesā bhavissati parassa ca puggalassa anupaghāto, paro hi puggalo akkodhano anupanāhī adaḷhadiṭṭhī suppaṭinissaggī, sakkomi cāhaṁ etaṁ puggalaṁ akusalā vuṭṭhāpetvā kusale patiṭṭhāpetun’ti.\nSace, bhikkhave, evamassa, kallaṁ vacanāya.","en":"In such a case, you should not be in a hurry to accuse them. The individual should be examined like this:\n‘I won’t be troubled and the other individual won’t be hurt, for they’re not irritable and acrimonious. They don’t hold fast to their views, but let them go easily. I can draw them away from the unskillful and establish them in the skillful.’\nIf that’s what you think, then it’s appropriate to speak to them."}},{"id":"mn103:11","sourceIds":["mn103:11.1","mn103:11.2","mn103:11.3","mn103:11.4","mn103:11.5","mn103:11.6"],"kind":"text","text":{"pi":"Sace pana, bhikkhave, evamassa:\n‘mayhaṁ kho avihesā bhavissati parassa ca puggalassa upaghāto, paro hi puggalo kodhano upanāhī adaḷhadiṭṭhī suppaṭinissaggī, sakkomi cāhaṁ etaṁ puggalaṁ akusalā vuṭṭhāpetvā kusale patiṭṭhāpetuṁ.\nAppamattakaṁ kho panetaṁ yadidaṁ—parassa puggalassa upaghāto.\nAtha kho etadeva bahutaraṁ—\nsvāhaṁ sakkomi etaṁ puggalaṁ akusalā vuṭṭhāpetvā kusale patiṭṭhāpetun’ti.\nSace, bhikkhave, evamassa, kallaṁ vacanāya.","en":"But suppose you think this:\n‘I will be troubled and the other individual will be hurt, for they’re irritable and acrimonious. However, they don’t hold fast to their views, but let them go easily. I can draw them away from the unskillful and establish them in the skillful.\nBut for the other individual to get hurt is a minor matter.\nIt’s more important\nthat I can draw them away from the unskillful and establish them in the skillful.’\nIf that’s what you think, then it’s appropriate to speak to them."}},{"id":"mn103:12","sourceIds":["mn103:12.1","mn103:12.2","mn103:12.3","mn103:12.4","mn103:12.5","mn103:12.6"],"kind":"text","text":{"pi":"Sace pana, bhikkhave, evamassa:\n‘mayhaṁ kho vihesā bhavissati parassa ca puggalassa anupaghāto. Paro hi puggalo akkodhano anupanāhī daḷhadiṭṭhī duppaṭinissaggī, sakkomi cāhaṁ etaṁ puggalaṁ akusalā vuṭṭhāpetvā kusale patiṭṭhāpetuṁ.\nAppamattakaṁ kho panetaṁ yadidaṁ—mayhaṁ vihesā.\nAtha kho etadeva bahutaraṁ—\nsvāhaṁ sakkomi etaṁ puggalaṁ akusalā vuṭṭhāpetvā kusale patiṭṭhāpetun’ti.\nSace, bhikkhave, evamassa, kallaṁ vacanāya.","en":"But suppose you think this:\n‘I will be troubled but the other individual won’t be hurt, for they’re not irritable and acrimonious. However, they hold fast to their views, refusing to let go. Nevertheless, I can draw them away from the unskillful and establish them in the skillful.\nBut for me to be troubled is a minor matter.\nIt’s more important\nthat I can draw them away from the unskillful and establish them in the skillful.’\nIf that’s what you think, then it’s appropriate to speak to them."}},{"id":"mn103:13","sourceIds":["mn103:13.1","mn103:13.2","mn103:13.3","mn103:13.4","mn103:13.5","mn103:13.6"],"kind":"text","text":{"pi":"Sace pana, bhikkhave, evamassa:\n‘mayhañca kho vihesā bhavissati parassa ca puggalassa upaghāto. Paro hi puggalo kodhano upanāhī daḷhadiṭṭhī duppaṭinissaggī, sakkomi cāhaṁ etaṁ puggalaṁ akusalā vuṭṭhāpetvā kusale patiṭṭhāpetuṁ.\nAppamattakaṁ kho panetaṁ yadidaṁ—mayhañca vihesā bhavissati parassa ca puggalassa upaghāto.\nAtha kho etadeva bahutaraṁ—\nsvāhaṁ sakkomi etaṁ puggalaṁ akusalā vuṭṭhāpetvā kusale patiṭṭhāpetun’ti.\nSace, bhikkhave, evamassa, kallaṁ vacanāya.","en":"But suppose you think this:\n‘I will be troubled and the other individual will be hurt, for they’re irritable and acrimonious. And they hold fast to their views, refusing to let go. Nevertheless, I can draw them away from the unskillful and establish them in the skillful.\nBut for me to be troubled and the other individual to get hurt is a minor matter.\nIt’s more important\nthat I can draw them away from the unskillful and establish them in the skillful.’\nIf that’s what you think, then it’s appropriate to speak to them."}},{"id":"mn103:14","sourceIds":["mn103:14.1","mn103:14.2","mn103:14.3"],"kind":"text","text":{"pi":"Sace pana, bhikkhave, evamassa:\n‘mayhañca kho vihesā bhavissati parassa ca puggalassa upaghāto. Paro hi puggalo kodhano upanāhī daḷhadiṭṭhī duppaṭinissaggī, na cāhaṁ sakkomi etaṁ puggalaṁ akusalā vuṭṭhāpetvā kusale patiṭṭhāpetun’ti.\nEvarūpe, bhikkhave, puggale upekkhā nātimaññitabbā.","en":"But suppose you think this:\n‘I will be troubled and the other individual will be hurt, for they’re irritable and acrimonious. And they hold fast to their views, refusing to let go. I cannot draw them away from the unskillful and establish them in the skillful.’\nDon’t underestimate the value of equanimity regarding such an individual."}},{"id":"mn103:15","sourceIds":["mn103:15.1","mn103:15.2","mn103:15.3","mn103:15.4","mn103:15.5","mn103:15.6","mn103:15.7","mn103:15.8"],"kind":"text","text":{"pi":"Tesañca vo, bhikkhave, samaggānaṁ sammodamānānaṁ avivadamānānaṁ sikkhataṁ aññamaññassa vacīsaṁhāro uppajjeyya diṭṭhipaḷāso cetaso āghāto appaccayo anabhiraddhi.\nTattha ekatopakkhikānaṁ bhikkhūnaṁ yaṁ bhikkhuṁ suvacataraṁ maññeyyātha so upasaṅkamitvā evamassa vacanīyo:\n‘yaṁ no, āvuso, amhākaṁ samaggānaṁ sammodamānānaṁ avivadamānānaṁ sikkhataṁ aññamaññassa vacīsaṁhāro uppanno diṭṭhipaḷāso cetaso āghāto appaccayo anabhiraddhi, taṁ jānamāno samaṇo garaheyyā’ti.\nSammā byākaramāno, bhikkhave, bhikkhu evaṁ byākareyya:\n‘yaṁ no, āvuso, amhākaṁ samaggānaṁ sammodamānānaṁ avivadamānānaṁ sikkhataṁ aññamaññassa vacīsaṁhāro uppanno diṭṭhipaḷāso cetaso āghāto appaccayo anabhiraddhi, taṁ jānamāno samaṇo garaheyyāti.\nEtaṁ panāvuso, dhammaṁ appahāya nibbānaṁ sacchikareyyā’ti.\nSammā byākaramāno, bhikkhave, bhikkhu evaṁ byākareyya:\n‘etaṁ, āvuso, dhammaṁ appahāya na nibbānaṁ sacchikareyyā’ti.","en":"As you train in harmony, appreciating each other, without quarreling, the sides might continue to bring up settled issues with each other, with contempt for each other’s views, resentful, bitter, and exasperated.\nIn this case you should approach whichever mendicant you think is most amenable among those who side with one party and say to them:\n‘Reverend, as we were training, the sides continued to bring up settled issues with each other. If the Ascetic knew about this, would he criticize it?’\nAnswering rightly, the mendicant should say:\n‘Yes, reverend, he would.’\n‘But without giving that up, reverend, can one realize extinguishment?’\nAnswering rightly, the mendicant should say:\n‘No, reverend, one cannot.’"}},{"id":"mn103:16","sourceIds":["mn103:16.1","mn103:16.2","mn103:16.3","mn103:16.4","mn103:16.5","mn103:16.6","mn103:16.7"],"kind":"text","text":{"pi":"Athāparesaṁ ekatopakkhikānaṁ bhikkhūnaṁ yaṁ bhikkhuṁ suvacataraṁ maññeyyātha, so upasaṅkamitvā evamassa vacanīyo:\n‘yaṁ no, āvuso, amhākaṁ samaggānaṁ sammodamānānaṁ avivadamānānaṁ sikkhataṁ aññamaññassa vacīsaṁhāro uppanno diṭṭhipaḷāso cetaso āghāto appaccayo anabhiraddhi, taṁ jānamāno samaṇo garaheyyā’ti.\nSammā byākaramāno, bhikkhave, bhikkhu evaṁ byākareyya:\n‘yaṁ no, āvuso, amhākaṁ samaggānaṁ sammodamānānaṁ avivadamānānaṁ sikkhataṁ aññamaññassa vacīsaṁhāro uppanno diṭṭhipaḷāso cetaso āghāto appaccayo anabhiraddhi taṁ jānamāno samaṇo garaheyyāti.\nEtaṁ panāvuso, dhammaṁ appahāya nibbānaṁ sacchikareyyā’ti.\nSammā byākaramāno, bhikkhave, bhikkhu evaṁ byākareyya:\n‘etaṁ kho, āvuso, dhammaṁ appahāya na nibbānaṁ sacchikareyyā’ti.","en":"Then you should approach whichever mendicant they think is most amenable among those who side with the other party and say to them:\n‘Reverend, as we were training, the sides continued to bring up settled issues with each other. If the Ascetic knew about this, would he criticize it?’\nAnswering rightly, the mendicant should say:\n‘Yes, reverend, he would.’\n‘But without giving that up, reverend, can one realize extinguishment?’\nAnswering rightly, the mendicant should say:\n‘No, reverend, one cannot.’"}},{"id":"mn103:17","sourceIds":["mn103:17.1","mn103:17.2","mn103:17.3","mn103:17.4","mn103:17.5","mn103:17.6","mn103:17.7","mn103:17.8","mn103:17.9"],"kind":"text","text":{"pi":"Tañce, bhikkhave, bhikkhuṁ pare evaṁ puccheyyuṁ:\n‘āyasmatā no ete bhikkhū akusalā vuṭṭhāpetvā kusale patiṭṭhāpitā’ti?\nSammā byākaramāno, bhikkhave, bhikkhu evaṁ byākareyya:\n‘idhāhaṁ, āvuso, yena bhagavā tenupasaṅkamiṁ, tassa me bhagavā dhammaṁ desesi, tāhaṁ dhammaṁ sutvā tesaṁ bhikkhūnaṁ abhāsiṁ.\nTaṁ te bhikkhū dhammaṁ sutvā akusalā vuṭṭhahiṁsu, kusale patiṭṭhahiṁsū’ti.\nEvaṁ byākaramāno kho, bhikkhave, bhikkhu na ceva attānaṁ ukkaṁseti, na paraṁ vambheti, dhammassa cānudhammaṁ byākaroti, na ca koci sahadhammiko vādānuvādo gārayhaṁ ṭhānaṁ āgacchatī”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nKintisuttaṁ niṭṭhitaṁ tatiyaṁ.","en":"If others should ask that mendicant:\n‘Were you the venerable who drew those mendicants away from the unskillful and established them in the skillful?’\nAnswering rightly, the mendicant should say:\n‘Well, reverends, I approached the Buddha. He taught me the Dhamma. After hearing that teaching I explained it to those mendicants.\nWhen those mendicants heard that teaching they were drawn away from the unskillful and established in the skillful.’\nAnswering in this way, that mendicant doesn’t glorify themselves or put others down. They answer in line with the teaching, with no legitimate grounds for rebuttal and criticism.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn103/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}