{"id":"mn11","title":"The Shorter Discourse on the Lion’s Roar","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn11","title":"The Shorter Discourse on the Lion’s Roar","units":[{"id":"mn11:0","sourceIds":["mn11:0.1","mn11:0.2"],"kind":"text","text":{"pi":"Majjhima Nikāya 11\nCūḷasīhanādasutta","en":"Middle Discourses 11\nThe Shorter Discourse on the Lion’s Roar"}},{"id":"mn11:1","sourceIds":["mn11:1.1","mn11:1.2","mn11:1.3","mn11:1.4","mn11:1.5","mn11:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn11:2","sourceIds":["mn11:2.1","mn11:2.2","mn11:2.3"],"kind":"text","text":{"pi":"“Idheva, bhikkhave, samaṇo, idha dutiyo samaṇo, idha tatiyo samaṇo, idha catuttho samaṇo;\nsuññā parappavādā samaṇebhi aññehīti.\nEvametaṁ, bhikkhave, sammā sīhanādaṁ nadatha.","en":"“‘Only here is there a true ascetic, here a second ascetic, here a third ascetic, and here a fourth ascetic.\nOther sects are empty of ascetics.’\nThis, mendicants, is how you should rightly roar your lion’s roar."}},{"id":"mn11:3","sourceIds":["mn11:3.1","mn11:3.2","mn11:3.3","mn11:3.4","mn11:3.5","mn11:3.6","mn11:3.7","mn11:3.8","mn11:3.9","mn11:3.10","mn11:3.11","mn11:3.12","mn11:3.13","mn11:3.14","mn11:3.15"],"kind":"text","text":{"pi":"Ṭhānaṁ kho panetaṁ, bhikkhave, vijjati yaṁ aññatitthiyā paribbājakā evaṁ vadeyyuṁ:\n‘ko panāyasmantānaṁ assāso, kiṁ balaṁ, yena tumhe āyasmanto evaṁ vadetha—\nidheva samaṇo, idha dutiyo samaṇo, idha tatiyo samaṇo, idha catuttho samaṇo;\nsuññā parappavādā samaṇebhi aññehī’ti?\nEvaṁvādino, bhikkhave, aññatitthiyā paribbājakā evamassu vacanīyā:\n‘atthi kho no, āvuso, tena bhagavatā jānatā passatā arahatā sammāsambuddhena cattāro dhammā akkhātā ye mayaṁ attani sampassamānā evaṁ vadema—\nidheva samaṇo, idha dutiyo samaṇo, idha tatiyo samaṇo, idha catuttho samaṇo;\nsuññā parappavādā samaṇebhi aññehīti.\nKatame cattāro?\nAtthi kho no, āvuso, satthari pasādo, atthi dhamme pasādo, atthi sīlesu paripūrakāritā;\nsahadhammikā kho pana piyā manāpā—\ngahaṭṭhā ceva pabbajitā ca.\nIme kho no, āvuso, tena bhagavatā jānatā passatā arahatā sammāsambuddhena cattāro dhammā akkhātā ye mayaṁ attani sampassamānā evaṁ vadema—\nidheva samaṇo, idha dutiyo samaṇo, idha tatiyo samaṇo, idha catuttho samaṇo;\nsuññā parappavādā samaṇebhi aññehī’ti.","en":"It’s possible that wanderers of other religions might say:\n‘But what is the source of the venerables’ certainty and forcefulness that they say this?’\nYou should say to them:\n‘There are four things explained by the Blessed One, who knows and sees, the perfected one, the fully awakened Buddha. Seeing these things in ourselves we say that:\n“Only here is there a true ascetic, here a second ascetic, here a third ascetic, and here a fourth ascetic.\nOther sects are empty of ascetics.”\nWhat four?\nWe have confidence in the Teacher, we have confidence in the teaching, and we have fulfilled the precepts.\nAnd we have love and affection for those who share our path,\nboth laypeople and renunciates.\nThese are the four things.’"}},{"id":"mn11:4","sourceIds":["mn11:4.1","mn11:4.2","mn11:4.3","mn11:4.4","mn11:4.5"],"kind":"text","text":{"pi":"Ṭhānaṁ kho panetaṁ, bhikkhave, vijjati yaṁ aññatitthiyā paribbājakā evaṁ vadeyyuṁ:\n‘amhākampi kho, āvuso, atthi satthari pasādo yo amhākaṁ satthā, amhākampi atthi dhamme pasādo yo amhākaṁ dhammo, mayampi sīlesu paripūrakārino yāni amhākaṁ sīlāni,\namhākampi sahadhammikā piyā manāpā—\ngahaṭṭhā ceva pabbajitā ca.\nIdha no, āvuso, ko viseso ko adhippayāso kiṁ nānākaraṇaṁ yadidaṁ tumhākañceva amhākañcā’ti?","en":"It’s possible that wanderers of other religions might say:\n‘We too have confidence in the Teacher—our Teacher; we have confidence in the teaching—our teaching; and we have fulfilled the precepts—our precepts.\nAnd we have love and affection for those who share our path,\nboth laypeople and renunciates.\nWhat, then, is the difference between you and us?’"}},{"id":"mn11:5","sourceIds":["mn11:5.1","mn11:5.2","mn11:5.3","mn11:5.4","mn11:5.5","mn11:5.6","mn11:5.7","mn11:5.8","mn11:5.9","mn11:5.10","mn11:5.11","mn11:5.12","mn11:5.13","mn11:5.14","mn11:5.15","mn11:5.16","mn11:5.17","mn11:5.18","mn11:5.19","mn11:5.20","mn11:5.21","mn11:5.22","mn11:5.23","mn11:5.24","mn11:5.25","mn11:5.26","mn11:5.27","mn11:5.28"],"kind":"text","text":{"pi":"Evaṁvādino, bhikkhave, aññatitthiyā paribbājakā evamassu vacanīyā:\n‘kiṁ panāvuso, ekā niṭṭhā, udāhu puthu niṭṭhā’ti?\nSammā byākaramānā, bhikkhave, aññatitthiyā paribbājakā evaṁ byākareyyuṁ:\n‘ekāvuso, niṭṭhā, na puthu niṭṭhā’ti.\n‘Sā panāvuso, niṭṭhā sarāgassa udāhu vītarāgassā’ti?\nSammā byākaramānā, bhikkhave, aññatitthiyā paribbājakā evaṁ byākareyyuṁ:\n‘vītarāgassāvuso, sā niṭṭhā, na sā niṭṭhā sarāgassā’ti.\n‘Sā panāvuso, niṭṭhā sadosassa udāhu vītadosassā’ti?\nSammā byākaramānā, bhikkhave, aññatitthiyā paribbājakā evaṁ byākareyyuṁ:\n‘vītadosassāvuso, sā niṭṭhā, na sā niṭṭhā sadosassā’ti.\n‘Sā panāvuso, niṭṭhā samohassa udāhu vītamohassā’ti?\nSammā byākaramānā, bhikkhave, aññatitthiyā paribbājakā evaṁ byākareyyuṁ:\n‘vītamohassāvuso, sā niṭṭhā, na sā niṭṭhā samohassā’ti.\n‘Sā panāvuso, niṭṭhā sataṇhassa udāhu vītataṇhassā’ti?\nSammā byākaramānā, bhikkhave, aññatitthiyā paribbājakā evaṁ byākareyyuṁ:\n‘vītataṇhassāvuso, sā niṭṭhā, na sā niṭṭhā sataṇhassā’ti.\n‘Sā panāvuso, niṭṭhā saupādānassa udāhu anupādānassā’ti?\nSammā byākaramānā, bhikkhave, aññatitthiyā paribbājakā evaṁ byākareyyuṁ:\n‘anupādānassāvuso, sā niṭṭhā, na sā niṭṭhā saupādānassā’ti.\n‘Sā panāvuso, niṭṭhā viddasuno udāhu aviddasuno’ti?\nSammā byākaramānā, bhikkhave, aññatitthiyā paribbājakā evaṁ byākareyyuṁ:\n‘viddasuno, āvuso, sā niṭṭhā, na sā niṭṭhā aviddasuno’ti.\n‘Sā panāvuso, niṭṭhā anuruddhappaṭiviruddhassa udāhu ananuruddhaappaṭiviruddhassā’ti?\nSammā byākaramānā, bhikkhave, aññatitthiyā paribbājakā evaṁ byākareyyuṁ:\n‘ananuruddhaappaṭiviruddhassāvuso, sā niṭṭhā, na sā niṭṭhā anuruddhappaṭiviruddhassā’ti.\n‘Sā panāvuso, niṭṭhā papañcārāmassa papañcaratino udāhu nippapañcārāmassa nippapañcaratino’ti?\nSammā byākaramānā, bhikkhave, aññatitthiyā paribbājakā evaṁ byākareyyuṁ:\n‘nippapañcārāmassāvuso, sā niṭṭhā nippapañcaratino, na sā niṭṭhā papañcārāmassa papañcaratino’ti.","en":"You should say to them:\n‘Well, reverends, is the goal one or many?’\nAnswering rightly, the wanderers would say:\n‘The goal is one, reverends, not many.’\n‘But is that goal for the greedy or for those free of greed?’\nAnswering rightly, the wanderers would say:\n‘That goal is for those free of greed, not for the greedy.’\n‘Is it for the hateful or those free of hate?’\n‘It’s for those free of hate.’\n‘Is it for the delusional or those free of delusion?’\n‘It’s for those free of delusion.’\n‘Is it for those who crave or those rid of craving?’\n‘It’s for those rid of craving.’\n‘Is it for those who have fuel for grasping or those who do not?’\n‘It’s for those who do not have fuel for grasping.’\n‘Is it for the knowledgeable or the ignorant?’\n‘It’s for the knowledgeable.’\n‘Is it for those who favor and oppose or for those who don’t favor and oppose?’\n‘It’s for those who don’t favor and oppose.’\n‘But is that goal for those who enjoy proliferation or for those who enjoy non-proliferation?’\nAnswering rightly, the wanderers would say:\n‘It’s for those who enjoy non-proliferation, not for those who enjoy proliferation.’"}},{"id":"mn11:6","sourceIds":["mn11:6.1","mn11:6.2","mn11:6.3","mn11:6.4"],"kind":"text","text":{"pi":"Dvemā, bhikkhave, diṭṭhiyo—\nbhavadiṭṭhi ca vibhavadiṭṭhi ca.\nYe hi keci, bhikkhave, samaṇā vā brāhmaṇā vā bhavadiṭṭhiṁ allīnā bhavadiṭṭhiṁ upagatā bhavadiṭṭhiṁ ajjhositā, vibhavadiṭṭhiyā te paṭiviruddhā.\nYe hi keci, bhikkhave, samaṇā vā brāhmaṇā vā vibhavadiṭṭhiṁ allīnā vibhavadiṭṭhiṁ upagatā vibhavadiṭṭhiṁ ajjhositā, bhavadiṭṭhiyā te paṭiviruddhā.","en":"Mendicants, there are these two views:\nviews favoring existence and views favoring nonexistence.\nAny ascetics or brahmins who resort to, draw near to, and cling to a view favoring existence will oppose a view favoring nonexistence.\nAny ascetics or brahmins who resort to, draw near to, and cling to a view favoring nonexistence will oppose a view favoring existence."}},{"id":"mn11:7","sourceIds":["mn11:7.1","mn11:7.2","mn11:7.3"],"kind":"text","text":{"pi":"Ye hi keci, bhikkhave, samaṇā vā brāhmaṇā vā imāsaṁ dvinnaṁ diṭṭhīnaṁ samudayañca atthaṅgamañca assādañca ādīnavañca nissaraṇañca yathābhūtaṁ nappajānanti, te sarāgā te sadosā te samohā te sataṇhā te saupādānā te aviddasuno te anuruddhappaṭiviruddhā te papañcārāmā papañcaratino;\nte na parimuccanti jātiyā jarāya maraṇena sokehi paridevehi dukkhehi domanassehi upāyāsehi;\n‘na parimuccanti dukkhasmā’ti vadāmi.","en":"There are some ascetics and brahmins who don’t truly understand these two views’ origin, disappearance, gratification, drawback, and escape. They’re greedy, hateful, delusional, craving, grasping, and ignorant. They favor and oppose, and they enjoy proliferation.\nThey’re not freed from rebirth, old age, and death, from sorrow, lamentation, pain, sadness, and distress.\nThey’re not freed from suffering, I say."}},{"id":"mn11:8","sourceIds":["mn11:8.1","mn11:8.2","mn11:8.3"],"kind":"text","text":{"pi":"Ye ca kho keci, bhikkhave, samaṇā vā brāhmaṇā vā imāsaṁ dvinnaṁ diṭṭhīnaṁ samudayañca atthaṅgamañca assādañca ādīnavañca nissaraṇañca yathābhūtaṁ pajānanti, te vītarāgā te vītadosā te vītamohā te vītataṇhā te anupādānā te viddasuno te ananuruddhaappaṭiviruddhā te nippapañcārāmā nippapañcaratino;\nte parimuccanti jātiyā jarāya maraṇena sokehi paridevehi dukkhehi domanassehi upāyāsehi;\n‘parimuccanti dukkhasmā’ti vadāmi.","en":"There are some ascetics and brahmins who do truly understand these two views’ origin, disappearance, gratification, drawback, and escape. They’re rid of greed, hate, delusion, craving, grasping, and ignorance. They don’t favor and oppose, and they enjoy non-proliferation.\nThey’re freed from rebirth, old age, and death, from sorrow, lamentation, pain, sadness, and distress.\nThey’re freed from suffering, I say."}},{"id":"mn11:9","sourceIds":["mn11:9.1","mn11:9.2","mn11:9.3"],"kind":"text","text":{"pi":"Cattārimāni, bhikkhave, upādānāni.\nKatamāni cattāri?\nKāmupādānaṁ, diṭṭhupādānaṁ, sīlabbatupādānaṁ, attavādupādānaṁ.","en":"There are these four kinds of grasping.\nWhat four?\nGrasping at sensual pleasures, views, precepts and observances, and theories of a self."}},{"id":"mn11:10","sourceIds":["mn11:10.1","mn11:10.2","mn11:10.3","mn11:10.4","mn11:10.5","mn11:10.6","mn11:10.7","mn11:10.8"],"kind":"text","text":{"pi":"Santi, bhikkhave, eke samaṇabrāhmaṇā sabbupādānapariññāvādā paṭijānamānā.\nTe na sammā sabbupādānapariññaṁ paññapenti—\nkāmupādānassa pariññaṁ paññapenti, na diṭṭhupādānassa pariññaṁ paññapenti, na sīlabbatupādānassa pariññaṁ paññapenti, na attavādupādānassa pariññaṁ paññapenti.\nTaṁ kissa hetu?\nImāni hi te bhonto samaṇabrāhmaṇā tīṇi ṭhānāni yathābhūtaṁ nappajānanti.\nTasmā te bhonto samaṇabrāhmaṇā sabbupādānapariññāvādā paṭijānamānā;\nte na sammā sabbupādānapariññaṁ paññapenti—\nkāmupādānassa pariññaṁ paññapenti, na diṭṭhupādānassa pariññaṁ paññapenti, na sīlabbatupādānassa pariññaṁ paññapenti, na attavādupādānassa pariññaṁ paññapenti.","en":"There are some ascetics and brahmins who claim to propound the complete understanding of all kinds of grasping.\nBut they don’t correctly describe the complete understanding of all kinds of grasping.\nThey describe the complete understanding of grasping at sensual pleasures, but not views, precepts and observances, and theories of a self.\nWhy is that?\nBecause those gentlemen don’t truly understand these three things.\nThat’s why they claim to propound the complete understanding of all kinds of grasping,\nbut they don’t really."}},{"id":"mn11:11","sourceIds":["mn11:11.1","mn11:11.2","mn11:11.3","mn11:11.4","mn11:11.5","mn11:11.6","mn11:11.7","mn11:11.8"],"kind":"text","text":{"pi":"Santi, bhikkhave, eke samaṇabrāhmaṇā sabbupādānapariññāvādā paṭijānamānā.\nTe na sammā sabbupādānapariññaṁ paññapenti—\nkāmupādānassa pariññaṁ paññapenti, diṭṭhupādānassa pariññaṁ paññapenti, na sīlabbatupādānassa pariññaṁ paññapenti, na attavādupādānassa pariññaṁ paññapenti.\nTaṁ kissa hetu?\nImāni hi te bhonto samaṇabrāhmaṇā dve ṭhānāni yathābhūtaṁ nappajānanti.\nTasmā te bhonto samaṇabrāhmaṇā sabbupādānapariññāvādā paṭijānamānā;\nte na sammā sabbupādānapariññaṁ paññapenti—\nkāmupādānassa pariññaṁ paññapenti, diṭṭhupādānassa pariññaṁ paññapenti, na sīlabbatupādānassa pariññaṁ paññapenti, na attavādupādānassa pariññaṁ paññapenti.","en":"There are some other ascetics and brahmins who claim to propound the complete understanding of all kinds of grasping,\nbut they don’t really.\nThey describe the complete understanding of grasping at sensual pleasures and views, but not precepts and observances, and theories of a self.\nWhy is that?\nBecause those gentlemen don’t truly understand these two things.\nThat’s why they claim to propound the complete understanding of all kinds of grasping,\nbut they don’t really."}},{"id":"mn11:12","sourceIds":["mn11:12.1","mn11:12.2","mn11:12.3","mn11:12.4","mn11:12.5","mn11:12.6","mn11:12.7","mn11:12.8"],"kind":"text","text":{"pi":"Santi, bhikkhave, eke samaṇabrāhmaṇā sabbupādānapariññāvādā paṭijānamānā.\nTe na sammā sabbupādānapariññaṁ paññapenti—\nkāmupādānassa pariññaṁ paññapenti, diṭṭhupādānassa pariññaṁ paññapenti, sīlabbatupādānassa pariññaṁ paññapenti, na attavādupādānassa pariññaṁ paññapenti.\nTaṁ kissa hetu?\nImañhi te bhonto samaṇabrāhmaṇā ekaṁ ṭhānaṁ yathābhūtaṁ nappajānanti.\nTasmā te bhonto samaṇabrāhmaṇā sabbupādānapariññāvādā paṭijānamānā;\nte na sammā sabbupādānapariññaṁ paññapenti—\nkāmupādānassa pariññaṁ paññapenti, diṭṭhupādānassa pariññaṁ paññapenti, sīlabbatupādānassa pariññaṁ paññapenti, na attavādupādānassa pariññaṁ paññapenti.","en":"There are some other ascetics and brahmins who claim to propound the complete understanding of all kinds of grasping,\nbut they don’t really.\nThey describe the complete understanding of grasping at sensual pleasures, views, and precepts and observances, but not theories of a self.\nWhy is that?\nBecause those gentlemen don’t truly understand this one thing.\nThat’s why they claim to propound the complete understanding of all kinds of grasping,\nbut they don’t really."}},{"id":"mn11:13","sourceIds":["mn11:13.1","mn11:13.2","mn11:13.3","mn11:13.4","mn11:13.5","mn11:13.6"],"kind":"text","text":{"pi":"Evarūpe kho, bhikkhave, dhammavinaye yo satthari pasādo so na sammaggato akkhāyati;\nyo dhamme pasādo so na sammaggato akkhāyati;\nyā sīlesu paripūrakāritā sā na sammaggatā akkhāyati;\nyā sahadhammikesu piyamanāpatā sā na sammaggatā akkhāyati.\nTaṁ kissa hetu?\nEvañhetaṁ, bhikkhave, hoti yathā taṁ durakkhāte dhammavinaye duppavedite aniyyānike anupasamasaṁvattanike asammāsambuddhappavedite.","en":"In such a teaching and training, confidence in the Teacher is said to be not rightly placed.\nLikewise, confidence in the teaching,\nfulfillment of the precepts,\nand love and affection for those sharing the same path are said to be not rightly placed.\nWhy is that?\nIt’s because that teaching and training is poorly explained and poorly propounded, not emancipating, not leading to peace, proclaimed by someone who is not a fully awakened Buddha."}},{"id":"mn11:14","sourceIds":["mn11:14.1","mn11:14.2"],"kind":"text","text":{"pi":"Tathāgato ca kho, bhikkhave, arahaṁ sammāsambuddho sabbupādānapariññāvādo paṭijānamāno sammā sabbupādānapariññaṁ paññapeti—\nkāmupādānassa pariññaṁ paññapeti, diṭṭhupādānassa pariññaṁ paññapeti, sīlabbatupādānassa pariññaṁ paññapeti, attavādupādānassa pariññaṁ paññapeti.","en":"The Realized One, the perfected one, the fully awakened Buddha claims to propound the complete understanding of all kinds of grasping.\nHe describes the complete understanding of grasping at sensual pleasures, views, precepts and observances, and theories of a self."}},{"id":"mn11:15","sourceIds":["mn11:15.1","mn11:15.2","mn11:15.3","mn11:15.4","mn11:15.5","mn11:15.6"],"kind":"text","text":{"pi":"Evarūpe kho, bhikkhave, dhammavinaye yo satthari pasādo so sammaggato akkhāyati;\nyo dhamme pasādo so sammaggato akkhāyati;\nyā sīlesu paripūrakāritā sā sammaggatā akkhāyati;\nyā sahadhammikesu piyamanāpatā sā sammaggatā akkhāyati.\nTaṁ kissa hetu?\nEvañhetaṁ, bhikkhave, hoti yathā taṁ svākkhāte dhammavinaye suppavedite niyyānike upasamasaṁvattanike sammāsambuddhappavedite.","en":"In such a teaching and training, confidence in the Teacher is said to be rightly placed.\nLikewise, confidence in the teaching,\nfulfillment of the precepts,\nand love and affection for those sharing the same path are said to be rightly placed.\nWhy is that?\nIt’s because that teaching and training is well explained and well propounded, emancipating, leading to peace, proclaimed by a fully awakened Buddha."}},{"id":"mn11:16","sourceIds":["mn11:16.1","mn11:16.2","mn11:16.3","mn11:16.4","mn11:16.5","mn11:16.6","mn11:16.7","mn11:16.8","mn11:16.9","mn11:16.10","mn11:16.11","mn11:16.12","mn11:16.13","mn11:16.14","mn11:16.15","mn11:16.16"],"kind":"text","text":{"pi":"Ime ca, bhikkhave, cattāro upādānā. Kiṁnidānā kiṁsamudayā kiṁjātikā kiṁpabhavā?\nIme cattāro upādānā taṇhānidānā taṇhāsamudayā taṇhājātikā taṇhāpabhavā.\nTaṇhā cāyaṁ, bhikkhave, kiṁnidānā kiṁsamudayā kiṁjātikā kiṁpabhavā?\nTaṇhā vedanānidānā vedanāsamudayā vedanājātikā vedanāpabhavā.\nVedanā cāyaṁ, bhikkhave, kiṁnidānā kiṁsamudayā kiṁjātikā kiṁpabhavā?\nVedanā phassanidānā phassasamudayā phassajātikā phassapabhavā.\nPhasso cāyaṁ, bhikkhave, kiṁnidāno kiṁsamudayo kiṁjātiko kiṁpabhavo?\nPhasso saḷāyatananidāno saḷāyatanasamudayo saḷāyatanajātiko saḷāyatanapabhavo.\nSaḷāyatanañcidaṁ, bhikkhave, kiṁnidānaṁ kiṁsamudayaṁ kiṁjātikaṁ kiṁpabhavaṁ?\nSaḷāyatanaṁ nāmarūpanidānaṁ nāmarūpasamudayaṁ nāmarūpajātikaṁ nāmarūpapabhavaṁ.\nNāmarūpañcidaṁ, bhikkhave, kiṁnidānaṁ kiṁsamudayaṁ kiṁjātikaṁ kiṁpabhavaṁ?\nNāmarūpaṁ viññāṇanidānaṁ viññāṇasamudayaṁ viññāṇajātikaṁ viññāṇapabhavaṁ.\nViññāṇañcidaṁ, bhikkhave, kiṁnidānaṁ kiṁsamudayaṁ kiṁjātikaṁ kiṁpabhavaṁ?\nViññāṇaṁ saṅkhāranidānaṁ saṅkhārasamudayaṁ saṅkhārajātikaṁ saṅkhārapabhavaṁ.\nSaṅkhārā cime, bhikkhave, kiṁnidānā kiṁsamudayā kiṁjātikā kiṁpabhavā?\nSaṅkhārā avijjānidānā avijjāsamudayā avijjājātikā avijjāpabhavā.","en":"What is the source, origin, birthplace, and inception of these four kinds of grasping?\nCraving.\nAnd what is the source, origin, birthplace, and inception of craving?\nFeeling.\nAnd what is the source of feeling?\nContact.\nAnd what is the source of contact?\nThe six sense fields.\nAnd what is the source of the six sense fields?\nName and form.\nAnd what is the source of name and form?\nConsciousness.\nAnd what is the source of consciousness?\nChoices.\nAnd what is the source of choices?\nIgnorance."}},{"id":"mn11:17","sourceIds":["mn11:17.1","mn11:17.2","mn11:17.3","mn11:17.4","mn11:17.5","mn11:17.6"],"kind":"text","text":{"pi":"Yato ca kho, bhikkhave, bhikkhuno avijjā pahīnā hoti vijjā uppannā, so avijjāvirāgā vijjuppādā neva kāmupādānaṁ upādiyati, na diṭṭhupādānaṁ upādiyati, na sīlabbatupādānaṁ upādiyati, na attavādupādānaṁ upādiyati.\nAnupādiyaṁ na paritassati, aparitassaṁ paccattaññeva parinibbāyati.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nCūḷasīhanādasuttaṁ niṭṭhitaṁ paṭhamaṁ.","en":"When that mendicant has given up ignorance and given rise to knowledge, with the fading away of ignorance and the arising of knowledge they don’t grasp at sensual pleasures, views, precepts and observances, or theories of a self.\nNot grasping, they’re not anxious. Not being anxious, they personally become extinguished.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn11/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}