{"id":"mn112","title":"The Sixfold Purification","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn112","title":"The Sixfold Purification","units":[{"id":"mn112:0","sourceIds":["mn112:0.1","mn112:0.2"],"kind":"text","text":{"pi":"Majjhima Nikāya 112\nChabbisodhanasutta","en":"Middle Discourses 112\nThe Sixfold Purification"}},{"id":"mn112:1","sourceIds":["mn112:1.1","mn112:1.2","mn112:1.3","mn112:1.4","mn112:1.5","mn112:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn112:2","sourceIds":["mn112:2.1","mn112:2.2"],"kind":"text","text":{"pi":"“Idha, bhikkhave, bhikkhu aññaṁ byākaroti:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmī’ti.","en":"“Take a mendicant who declares enlightenment:\n‘I understand: “Rebirth is ended, the spiritual journey has been completed, what had to be done has been done, there is nothing further for this place.”’"}},{"id":"mn112:3","sourceIds":["mn112:3.1","mn112:3.2","mn112:3.3","mn112:3.4","mn112:3.5","mn112:3.6","mn112:3.7"],"kind":"text","text":{"pi":"Tassa, bhikkhave, bhikkhuno bhāsitaṁ neva abhinanditabbaṁ nappaṭikkositabbaṁ.\nAnabhinanditvā appaṭikkositvā pañho pucchitabbo:\n‘cattārome, āvuso, vohārā tena bhagavatā jānatā passatā arahatā sammāsambuddhena sammadakkhātā.\nKatame cattāro?\nDiṭṭhe diṭṭhavāditā, sute sutavāditā, mute mutavāditā, viññāte viññātavāditā—\nime kho, āvuso, cattāro vohārā tena bhagavatā jānatā passatā arahatā sammāsambuddhena sammadakkhātā.\nKathaṁ jānato panāyasmato, kathaṁ passato imesu catūsu vohāresu anupādāya āsavehi cittaṁ vimuttan’ti?","en":"You should neither approve nor reject that mendicant’s statement.\nRather, you should question them:\n‘Reverend, these four kinds of expression have been rightly explained by the Blessed One, who knows and sees, the perfected one, the fully awakened Buddha.\nWhat four?\nSaying you’ve seen, heard, thought, or known something, and you have.\nThese are the four kinds of expression rightly explained by the Blessed One, who knows and sees, the perfected one, the fully awakened Buddha.\nHow does the venerable know and see regarding these four kinds of expression so that your mind is freed from defilements by not grasping?’"}},{"id":"mn112:4","sourceIds":["mn112:4.1","mn112:4.2","mn112:4.3","mn112:4.4","mn112:4.5","mn112:4.6"],"kind":"text","text":{"pi":"Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṁyojanassa sammadaññāvimuttassa ayamanudhammo hoti veyyākaraṇāya:\n‘diṭṭhe kho ahaṁ, āvuso, anupāyo anapāyo anissito appaṭibaddho vippamutto visaṁyutto vimariyādīkatena cetasā viharāmi.\nSute kho ahaṁ, āvuso …pe…\nmute kho ahaṁ, āvuso …\nviññāte kho ahaṁ, āvuso, anupāyo anapāyo anissito appaṭibaddho vippamutto visaṁyutto vimariyādīkatena cetasā viharāmi.\nEvaṁ kho me, āvuso, jānato evaṁ passato imesu catūsu vohāresu anupādāya āsavehi cittaṁ vimuttan’ti.","en":"For a mendicant with defilements ended—who has completed the spiritual journey, done what had to be done, laid down the burden, achieved their heart’s goal, utterly ended the fetter of continued existence, and is rightly freed through enlightenment—it is in line with the teaching to answer:\n‘Regarding what is seen, reverends, I live without getting involved or shying away, independent, untied, liberated, detached, with mind free of boundaries.\nRegarding what is heard …\nthought …\nor known, I live without getting involved or shying away, independent, untied, liberated, detached, with mind free of boundaries.\nThat is how I know and see regarding these four kinds of expression so that my mind is freed from defilements by not grasping.’"}},{"id":"mn112:5","sourceIds":["mn112:5.1","mn112:5.2","mn112:5.3","mn112:5.4","mn112:5.5","mn112:5.6","mn112:5.7"],"kind":"text","text":{"pi":"Tassa, bhikkhave, bhikkhuno ‘sādhū’ti bhāsitaṁ abhinanditabbaṁ anumoditabbaṁ.\n‘Sādhū’ti bhāsitaṁ abhinanditvā anumoditvā uttariṁ pañho pucchitabbo.\n‘Pañcime, āvuso, upādānakkhandhā tena bhagavatā jānatā passatā arahatā sammāsambuddhena sammadakkhātā.\nKatame pañca?\nSeyyathidaṁ—rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho—\nime kho, āvuso, pañcupādānakkhandhā tena bhagavatā jānatā passatā arahatā sammāsambuddhena sammadakkhātā.\nKathaṁ jānato panāyasmato, kathaṁ passato imesu pañcasu upādānakkhandhesu anupādāya āsavehi cittaṁ vimuttan’ti?","en":"Saying ‘Good!’ you should applaud and cheer that mendicant’s statement,\nthen ask a further question:\n‘Reverend, these five grasping aggregates have been rightly explained by the Buddha.\nWhat five?\nThat is: the grasping aggregates of form, feeling, perception, choices, and consciousness.\nThese are the five grasping aggregates that have been rightly explained by the Buddha.\nHow does the venerable know and see regarding these five grasping aggregates so that your mind is freed from defilements by not grasping?’"}},{"id":"mn112:6","sourceIds":["mn112:6.1","mn112:6.2","mn112:6.3","mn112:6.4","mn112:6.5","mn112:6.6","mn112:6.7"],"kind":"text","text":{"pi":"Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṁyojanassa sammadaññāvimuttassa ayamanudhammo hoti veyyākaraṇāya:\n‘rūpaṁ kho ahaṁ, āvuso, abalaṁ virāgunaṁ anassāsikanti viditvā ye rūpe upāyūpādānā cetaso adhiṭṭhānābhinivesānusayā tesaṁ khayā virāgā nirodhā cāgā paṭinissaggā vimuttaṁ me cittanti pajānāmi.\nVedanaṁ kho ahaṁ, āvuso …pe…\nsaññaṁ kho ahaṁ, āvuso …\nsaṅkhāre kho ahaṁ, āvuso …\nviññāṇaṁ kho ahaṁ, āvuso, abalaṁ virāgunaṁ anassāsikanti viditvā ye viññāṇe upāyūpādānā cetaso adhiṭṭhānābhinivesānusayā tesaṁ khayā virāgā nirodhā cāgā paṭinissaggā vimuttaṁ me cittanti pajānāmi.\nEvaṁ kho me, āvuso, jānato evaṁ passato imesu pañcasu upādānakkhandhesu anupādāya āsavehi cittaṁ vimuttan’ti.","en":"For a mendicant with defilements ended it is in line with the teaching to answer:\n‘Reverends, knowing that form is powerless, faded, and unreliable, I understand that my mind is freed through the ending, fading away, cessation, giving away, and letting go of attraction, grasping, mental fixation, insistence, and underlying tendency for form.\nKnowing that feeling …\nperception …\nchoices …\nconsciousness is powerless, faded, and unreliable, I understand that my mind is freed through the ending, fading away, cessation, giving away, and letting go of attraction, grasping, mental fixation, insistence, and underlying tendency for consciousness.\nThat is how I know and see regarding these five grasping aggregates so that my mind is freed from defilements by not grasping.’"}},{"id":"mn112:7","sourceIds":["mn112:7.1","mn112:7.2","mn112:7.3","mn112:7.4","mn112:7.5","mn112:7.6","mn112:7.7"],"kind":"text","text":{"pi":"Tassa, bhikkhave, bhikkhuno ‘sādhū’ti bhāsitaṁ abhinanditabbaṁ, anumoditabbaṁ.\n‘Sādhū’ti bhāsitaṁ abhinanditvā anumoditvā uttariṁ pañho pucchitabbo.\n‘Chayimā, āvuso, dhātuyo tena bhagavatā jānatā passatā arahatā sammāsambuddhena sammadakkhātā.\nKatamā cha?\nPathavīdhātu, āpodhātu, tejodhātu, vāyodhātu, ākāsadhātu, viññāṇadhātu—\nimā kho, āvuso, cha dhātuyo tena bhagavatā jānatā passatā arahatā sammāsambuddhena sammadakkhātā.\nKathaṁ jānato panāyasmato, kathaṁ passato imāsu chasu dhātūsu anupādāya āsavehi cittaṁ vimuttan’ti?","en":"Saying ‘Good!’ you should applaud and cheer that mendicant’s statement,\nthen ask a further question:\n‘Reverend, these six elements have been rightly explained by the Buddha.\nWhat six?\nThe elements of earth, water, fire, air, space, and consciousness.\nThese are the six elements that have been rightly explained by the Buddha.\nHow does the venerable know and see regarding these six elements so that your mind is freed from defilements by not grasping?’"}},{"id":"mn112:8","sourceIds":["mn112:8.1","mn112:8.2","mn112:8.3","mn112:8.4","mn112:8.5","mn112:8.6","mn112:8.7","mn112:8.8","mn112:8.9","mn112:8.10"],"kind":"text","text":{"pi":"Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṁyojanassa sammadaññāvimuttassa ayamanudhammo hoti veyyākaraṇāya:\n‘pathavīdhātuṁ kho ahaṁ, āvuso, na attato upagacchiṁ, na ca pathavīdhātunissitaṁ attānaṁ.\nYe ca pathavīdhātunissitā upāyūpādānā cetaso adhiṭṭhānābhinivesānusayā tesaṁ khayā virāgā nirodhā cāgā paṭinissaggā vimuttaṁ me cittanti pajānāmi.\nĀpodhātuṁ kho ahaṁ, āvuso …pe…\ntejodhātuṁ kho ahaṁ, āvuso …\nvāyodhātuṁ kho ahaṁ, āvuso …\nākāsadhātuṁ kho ahaṁ, āvuso …\nviññāṇadhātuṁ kho ahaṁ, āvuso, na attato upagacchiṁ, na ca viññāṇadhātunissitaṁ attānaṁ.\nYe ca viññāṇadhātunissitā upāyūpādānā cetaso adhiṭṭhānābhinivesānusayā tesaṁ khayā virāgā nirodhā cāgā paṭinissaggā vimuttaṁ me cittanti pajānāmi.\nEvaṁ kho me, āvuso, jānato, evaṁ passato imāsu chasu dhātūsu anupādāya āsavehi cittaṁ vimuttan’ti.","en":"For a mendicant with defilements ended it is in line with the teaching to answer:\n‘Reverends, I’ve not taken the earth element as self, nor is there a self based on the earth element.\nAnd I understand that my mind is freed through the ending, fading away, cessation, giving away, and letting go of attraction, grasping, mental fixation, insistence, and underlying tendency based on the earth element.\nI’ve not taken the water element …\nfire element …\nair element …\nspace element …\nconsciousness element as self, nor is there a self based on the consciousness element.\nAnd I understand that my mind is freed through the ending of attraction based on the consciousness element.\nThat is how I know and see regarding these six elements so that my mind is freed from defilements by not grasping.’"}},{"id":"mn112:9","sourceIds":["mn112:9.1","mn112:9.2","mn112:9.3","mn112:9.4","mn112:9.5","mn112:9.6","mn112:9.7"],"kind":"text","text":{"pi":"Tassa, bhikkhave, bhikkhuno ‘sādhū’ti bhāsitaṁ abhinanditabbaṁ, anumoditabbaṁ.\n‘Sādhū’ti bhāsitaṁ abhinanditvā anumoditvā uttariṁ pañho pucchitabbo.\n‘Cha kho panimāni, āvuso, ajjhattikabāhirāni āyatanāni tena bhagavatā jānatā passatā arahatā sammāsambuddhena sammadakkhātāni.\nKatamāni cha?\nCakkhu ceva rūpā ca, sotañca saddā ca, ghānañca gandhā ca, jivhā ca rasā ca, kāyo ca phoṭṭhabbā ca, mano ca dhammā ca—\nimāni kho, āvuso, cha ajjhattikabāhirāni āyatanāni tena bhagavatā jānatā passatā arahatā sammāsambuddhena sammadakkhātāni.\nKathaṁ jānato panāyasmato, kathaṁ passato imesu chasu ajjhattikabāhiresu āyatanesu anupādāya āsavehi cittaṁ vimuttan’ti?","en":"Saying ‘Good!’ you should applaud and cheer that mendicant’s statement,\nthen ask a further question:\n‘Reverend, these six interior and exterior sense fields have been rightly explained by the Buddha.\nWhat six?\nThe eye and sights, the ear and sounds, the nose and smells, the tongue and tastes, the body and touches, and the mind and ideas.\nThese are the six interior and exterior sense fields that have been rightly explained by the Buddha.\nHow does the venerable know and see regarding these six interior and exterior sense fields so that your mind is freed from defilements by not grasping?’"}},{"id":"mn112:10","sourceIds":["mn112:10.1","mn112:10.2","mn112:10.3","mn112:10.4","mn112:10.5","mn112:10.6","mn112:10.7","mn112:10.8"],"kind":"text","text":{"pi":"Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṁyojanassa sammadaññāvimuttassa ayamanudhammo hoti veyyākaraṇāya:\n‘cakkhusmiṁ, āvuso, rūpe cakkhuviññāṇe cakkhuviññāṇaviññātabbesu dhammesu yo chando yo rāgo yā nandī yā taṇhā ye ca upāyūpādānā cetaso adhiṭṭhānābhinivesānusayā tesaṁ khayā virāgā nirodhā cāgā paṭinissaggā vimuttaṁ me cittanti pajānāmi.\nSotasmiṁ, āvuso, sadde sotaviññāṇe …pe…\nghānasmiṁ, āvuso, gandhe ghānaviññāṇe …\njivhāya, āvuso, rase jivhāviññāṇe …\nkāyasmiṁ, āvuso, phoṭṭhabbe kāyaviññāṇe …\nmanasmiṁ, āvuso, dhamme manoviññāṇe manoviññāṇaviññātabbesu dhammesu yo chando yo rāgo yā nandī yā taṇhā ye ca upāyūpādānā cetaso adhiṭṭhānābhinivesānusayā tesaṁ khayā virāgā nirodhā cāgā paṭinissaggā vimuttaṁ me cittanti pajānāmi.\nEvaṁ kho me, āvuso, jānato evaṁ passato imesu chasu ajjhattikabāhiresu āyatanesu anupādāya āsavehi cittaṁ vimuttan’ti.","en":"For a mendicant with defilements ended it is in line with the teaching to answer:\n‘I understand that my mind is freed through the ending, fading away, cessation, giving away, and letting go of desire and greed and relishing and craving; attraction, grasping, mental fixation, insistence, and underlying tendency for the eye, sights, eye consciousness, and things knowable by eye consciousness.\nI understand that my mind is freed through the ending of desire for the ear …\nnose …\ntongue …\nbody …\nmind, ideas, mind consciousness, and things knowable by mind consciousness.\nThat is how I know and see regarding these six interior and exterior sense fields so that my mind is freed from defilements by not grasping.’"}},{"id":"mn112:11","sourceIds":["mn112:11.1","mn112:11.2","mn112:11.3"],"kind":"text","text":{"pi":"Tassa, bhikkhave, bhikkhuno ‘sādhū’ti bhāsitaṁ abhinanditabbaṁ anumoditabbaṁ.\n‘Sādhū’ti bhāsitaṁ abhinanditvā anumoditvā uttariṁ pañho pucchitabbo.\n‘Kathaṁ jānato panāyasmato, kathaṁ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānānusayā samūhatā’ti?","en":"Saying ‘Good!’ you should applaud and cheer that mendicant’s statement,\nthen ask a further question:\n‘Sir, how does the venerable know and see so that he has eradicated I-making, mine-making, and the underlying tendency to conceit for this conscious body and externally for all signs?’"}},{"id":"mn112:12","sourceIds":["mn112:12.1","mn112:12.2","mn112:12.3","mn112:12.4","mn112:12.5","mn112:12.6","mn112:12.7","mn112:12.8"],"kind":"text","text":{"pi":"Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṁyojanassa sammadaññāvimuttassa ayamanudhammo hoti veyyākaraṇāya:\n‘pubbe kho ahaṁ, āvuso, agāriyabhūto samāno aviddasu ahosiṁ.\nTassa me tathāgato vā tathāgatasāvako vā dhammaṁ desesi.\nTāhaṁ dhammaṁ sutvā tathāgate saddhaṁ paṭilabhiṁ.\nSo tena saddhāpaṭilābhena samannāgato iti paṭisañcikkhiṁ:\n“sambādho gharāvāso rajāpatho, abbhokāso pabbajjā.\nNayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.\nYannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan”ti.","en":"For a mendicant with defilements ended it is in line with the teaching to answer:\n‘Formerly, reverends, when I was still a layperson, I was ignorant.\nThen the Realized One or one of his disciples taught me the Dhamma.\nI gained faith in the Realized One,\nand reflected:\n“Life at home is cramped and dirty, life gone forth is wide open.\nIt’s not easy for someone living at home to lead the spiritual life utterly full and pure, like a polished shell.\nWhy don’t I shave off my hair and beard, dress in ocher robes, and go forth from lay life to homelessness?”"}},{"id":"mn112:13","sourceIds":["mn112:13.1","mn112:13.2","mn112:13.3","mn112:13.4","mn112:13.5","mn112:13.6","mn112:13.7","mn112:13.8"],"kind":"text","text":{"pi":"So kho ahaṁ, āvuso, aparena samayena appaṁ vā bhogakkhandhaṁ pahāya mahantaṁ vā bhogakkhandhaṁ pahāya, appaṁ vā ñātiparivaṭṭaṁ pahāya mahantaṁ vā ñātiparivaṭṭaṁ pahāya kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajiṁ.\nSo evaṁ pabbajito samāno bhikkhūnaṁ sikkhāsājīvasamāpanno pāṇātipātaṁ pahāya pāṇātipātā paṭivirato ahosiṁ nihitadaṇḍo nihitasattho, lajjī dayāpanno sabbapāṇabhūtahitānukampī vihāsiṁ.\nAdinnādānaṁ pahāya adinnādānā paṭivirato ahosiṁ dinnādāyī dinnapāṭikaṅkhī, athenena sucibhūtena attanā vihāsiṁ.\nAbrahmacariyaṁ pahāya brahmacārī ahosiṁ ārācārī virato methunā gāmadhammā.\nMusāvādaṁ pahāya musāvādā paṭivirato ahosiṁ saccavādī saccasandho theto paccayiko avisaṁvādako lokassa.\nPisuṇaṁ vācaṁ pahāya pisuṇāya vācāya paṭivirato ahosiṁ, ito sutvā na amutra akkhātā imesaṁ bhedāya, amutra vā sutvā na imesaṁ akkhātā amūsaṁ bhedāya; iti bhinnānaṁ vā sandhātā sahitānaṁ vā anuppadātā samaggārāmo samaggarato samagganandī samaggakaraṇiṁ vācaṁ bhāsitā ahosiṁ.\nPharusaṁ vācaṁ pahāya pharusāya vācāya paṭivirato ahosiṁ; yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṁ vācaṁ bhāsitā ahosiṁ.\nSamphappalāpaṁ pahāya samphappalāpā paṭivirato ahosiṁ; kālavādī bhūtavādī atthavādī dhammavādī vinayavādī nidhānavatiṁ vācaṁ bhāsitā ahosiṁ kālena sāpadesaṁ pariyantavatiṁ atthasaṁhitaṁ.","en":"After some time I gave up a large or small fortune, and a large or small family circle. I shaved off hair and beard, dressed in ocher robes, and went forth from the lay life to homelessness.\nOnce I had gone forth, I took up the training and livelihood of the mendicants. I gave up killing living creatures, renouncing the rod and the sword. I was scrupulous and kind, living full of sympathy for all living beings.\nI gave up stealing. I took only what’s given, and expected only what’s given. I kept myself clean by not thieving.\nI gave up unchastity. I became chaste, set apart, refraining from the vulgar act of sex.\nI gave up lying. I spoke the truth and stuck to the truth. I was honest and dependable, not tricking the world with my words.\nI gave up backbiting. I didn’t repeat in one place what I heard in another so as to divide people against each other. Instead, I reconciled those who are divided and support those who are united, delighting in harmony, loving harmony, speaking words that promote harmony.\nI gave up harsh speech. I spoke in a way that’s mellow, pleasing to the ear, endearing, going to the heart, polite, and likable and agreeable to the people.\nI gave up talking nonsense. My words were timely, true, and meaningful, in line with the teaching and training. I said things at the right time which are valuable, reasonable, succinct, and beneficial."}},{"id":"mn112:14","sourceIds":["mn112:14.1","mn112:14.2","mn112:14.3","mn112:14.4","mn112:14.5","mn112:14.6","mn112:14.7","mn112:14.8","mn112:14.9","mn112:14.10","mn112:14.11","mn112:14.12","mn112:14.13","mn112:14.14","mn112:14.15","mn112:14.16","mn112:14.17","mn112:14.18","mn112:14.19","mn112:14.20","mn112:14.21","mn112:14.22"],"kind":"text","text":{"pi":"So bījagāmabhūtagāmasamārambhā paṭivirato ahosiṁ, ekabhattiko ahosiṁ rattūparato virato vikālabhojanā.\nNaccagītavāditavisūkadassanā paṭivirato ahosiṁ.\nMālāgandhavilepanadhāraṇamaṇḍanavibhūsanaṭṭhānā paṭivirato ahosiṁ.\nUccāsayanamahāsayanā paṭivirato ahosiṁ.\nJātarūparajatapaṭiggahaṇā paṭivirato ahosiṁ,\nāmakadhaññapaṭiggahaṇā paṭivirato ahosiṁ,\nāmakamaṁsapaṭiggahaṇā paṭivirato ahosiṁ;\nitthikumārikapaṭiggahaṇā paṭivirato ahosiṁ,\ndāsidāsapaṭiggahaṇā paṭivirato ahosiṁ,\najeḷakapaṭiggahaṇā paṭivirato ahosiṁ,\nkukkuṭasūkarapaṭiggahaṇā paṭivirato ahosiṁ,\nhatthigavassavaḷavapaṭiggahaṇā paṭivirato ahosiṁ,\nkhettavatthupaṭiggahaṇā paṭivirato ahosiṁ.\nDūteyyapahiṇagamanānuyogā paṭivirato ahosiṁ,\nkayavikkayā paṭivirato ahosiṁ,\ntulākūṭakaṁsakūṭamānakūṭā paṭivirato ahosiṁ,\nukkoṭanavañcananikatisāciyogā paṭivirato ahosiṁ,\nchedanavadhabandhanaviparāmosaālopasahasākārā paṭivirato ahosiṁ.\nSo santuṭṭho ahosiṁ kāyaparihārikena cīvarena, kucchiparihārikena piṇḍapātena. So yena yeneva pakkamiṁ samādāyeva pakkamiṁ.\nSeyyathāpi nāma pakkhī sakuṇo yena yeneva ḍeti sapattabhārova ḍeti;\nevameva kho ahaṁ, āvuso; santuṭṭho ahosiṁ kāyaparihārikena cīvarena, kucchiparihārikena piṇḍapātena. So yena yeneva pakkamiṁ samādāyeva pakkamiṁ.\nSo iminā ariyena sīlakkhandhena samannāgato ajjhattaṁ anavajjasukhaṁ paṭisaṁvedesiṁ.","en":"I refrained from injuring plants and seeds. I ate in one part of the day, abstaining from eating at night and food at the wrong time.\nI refrained from seeing shows of dancing, singing, and music.\nI refrained from attiring and adorning myself with garlands, fragrance, and makeup.\nI refrained from high and luxurious beds.\nI refrained from receiving gold and currency,\nraw grains,\nraw meat,\nwomen and girls,\nmale and female bondservants,\ngoats and sheep,\nchicken and pigs,\nelephants, cows, horses, and mares,\nand fields and land.\nI refrained from running errands and messages;\nbuying and selling;\nfalsifying weights, metals, or measures;\nbribery, fraud, cheating, and duplicity;\nmutilation, murder, abduction, banditry, plunder, and violence.\nI became content with robes to look after the body and almsfood to look after the belly. Wherever I went, I set out taking only these things.\nLike a bird: wherever it flies, wings are its only burden.\nIn the same way, I became content with robes to look after the body and almsfood to look after the belly. Wherever I went, I set out taking only these things.\nWhen I had this spectrum of noble ethics, I experienced a blameless happiness inside myself."}},{"id":"mn112:15","sourceIds":["mn112:15.1","mn112:15.2","mn112:15.3","mn112:15.4","mn112:15.5","mn112:15.6","mn112:15.7","mn112:15.8","mn112:15.9"],"kind":"text","text":{"pi":"So cakkhunā rūpaṁ disvā na nimittaggāhī ahosiṁ nānubyañjanaggāhī;\nyatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjiṁ; rakkhiṁ cakkhundriyaṁ, cakkhundriye saṁvaraṁ āpajjiṁ.\nSotena saddaṁ sutvā …pe…\nghānena gandhaṁ ghāyitvā …pe…\njivhāya rasaṁ sāyitvā …pe…\nkāyena phoṭṭhabbaṁ phusitvā …pe…\nmanasā dhammaṁ viññāya na nimittaggāhī ahosiṁ nānubyañjanaggāhī;\nyatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjiṁ; rakkhiṁ manindriyaṁ, manindriye saṁvaraṁ āpajjiṁ.\nSo iminā ariyena indriyasaṁvarena samannāgato ajjhattaṁ abyāsekasukhaṁ paṭisaṁvedesiṁ.","en":"When I saw a sight with my eyes, I didn’t get caught up in the features and details.\nIf the faculty of sight were left unrestrained, bad unskillful qualities of covetousness and displeasure would become overwhelming. For this reason, I practiced restraint, protecting the faculty of sight, and achieving its restraint.\nWhen I heard a sound with my ears …\nWhen I smelled an odor with my nose …\nWhen I tasted a flavor with my tongue …\nWhen I felt a touch with my body …\nWhen I knew an idea with my mind, I didn’t get caught up in the features and details.\nIf the faculty of the mind were left unrestrained, bad unskillful qualities of covetousness and displeasure would become overwhelming. For this reason, I practiced restraint, protecting the faculty of the mind, and achieving its restraint.\nWhen I had this noble sense restraint, I experienced an unsullied bliss inside myself."}},{"id":"mn112:16","sourceIds":["mn112:16.1","mn112:16.2","mn112:16.3","mn112:16.4"],"kind":"text","text":{"pi":"So abhikkante paṭikkante sampajānakārī ahosiṁ, ālokite vilokite sampajānakārī ahosiṁ, samiñjite pasārite sampajānakārī ahosiṁ, saṅghāṭipattacīvaradhāraṇe sampajānakārī ahosiṁ, asite pīte khāyite sāyite sampajānakārī ahosiṁ, uccārapassāvakamme sampajānakārī ahosiṁ, gate ṭhite nisinne sutte jāgarite bhāsite tuṇhībhāve sampajānakārī ahosiṁ.\nSo iminā ca ariyena sīlakkhandhena samannāgato, imāya ca ariyāya santuṭṭhiyā samannāgato, iminā ca ariyena indriyasaṁvarena samannāgato, iminā ca ariyena satisampajaññena samannāgato\nvivittaṁ senāsanaṁ bhajiṁ araññaṁ rukkhamūlaṁ pabbataṁ kandaraṁ giriguhaṁ susānaṁ vanapatthaṁ abbhokāsaṁ palālapuñjaṁ.\nSo pacchābhattaṁ piṇḍapātapaṭikkanto nisīdiṁ pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.","en":"I acted with situational awareness when going out and coming back; when looking ahead and aside; when bending and extending the limbs; when bearing the outer robe, bowl and robes; when eating, drinking, chewing, and tasting; when urinating and defecating; when walking, standing, sitting, sleeping, waking, speaking, and keeping silent.\nWhen I had this spectrum of noble ethics, this noble contentment, this noble sense restraint, and this noble mindfulness and situational awareness,\nI frequented a secluded lodging—a wilderness, the root of a tree, a hill, a ravine, a mountain cave, a charnel ground, a forest, the open air, a heap of straw.\nAfter the meal, I returned from almsround, sat down cross-legged, set my body straight, and brought mindfulness to the present."}},{"id":"mn112:17","sourceIds":["mn112:17.1","mn112:17.2","mn112:17.3","mn112:17.4","mn112:17.5"],"kind":"text","text":{"pi":"So abhijjhaṁ loke pahāya vigatābhijjhena cetasā vihāsiṁ, abhijjhāya cittaṁ parisodhesiṁ.\nByāpādapadosaṁ pahāya abyāpannacitto vihāsiṁ sabbapāṇabhūtahitānukampī, byāpādapadosā cittaṁ parisodhesiṁ.\nThinamiddhaṁ pahāya vigatathinamiddho vihāsiṁ ālokasaññī sato sampajāno, thinamiddhā cittaṁ parisodhesiṁ.\nUddhaccakukkuccaṁ pahāya anuddhato vihāsiṁ ajjhattaṁ, vūpasantacitto, uddhaccakukkuccā cittaṁ parisodhesiṁ.\nVicikicchaṁ pahāya tiṇṇavicikiccho vihāsiṁ akathaṅkathī kusalesu dhammesu, vicikicchāya cittaṁ parisodhesiṁ.","en":"Giving up covetousness for the world, I meditated with a heart rid of covetousness, cleansing the mind of covetousness.\nGiving up ill will and malevolence, I meditated with a mind rid of ill will, full of sympathy for all living beings, cleansing the mind of ill will.\nGiving up dullness and drowsiness, I meditated with a mind rid of dullness and drowsiness, perceiving light, mindful and aware, cleansing the mind of dullness and drowsiness.\nGiving up restlessness and remorse, I meditated without restlessness, my mind settled internally, cleansing the mind of restlessness and remorse.\nGiving up doubt, I meditated having gone beyond doubt, not undecided about skillful qualities, cleansing the mind of doubt."}},{"id":"mn112:18","sourceIds":["mn112:18.1","mn112:18.2","mn112:18.3","mn112:18.4","mn112:18.5"],"kind":"text","text":{"pi":"So ime pañca nīvaraṇe pahāya cetaso upakkilese paññāya dubbalīkaraṇe\nvivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja vihāsiṁ.\nVitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ …pe…\ntatiyaṁ jhānaṁ …\ncatutthaṁ jhānaṁ upasampajja vihāsiṁ.","en":"I gave up these five hindrances, corruptions of the heart that weaken wisdom.\nThen, quite secluded from sensual pleasures, secluded from unskillful qualities, I entered and remained in the first absorption, which has the rapture and bliss born of seclusion, while placing the mind and keeping it connected.\nAs the placing of the mind and keeping it connected were stilled, I entered and remained in the second absorption …\nthird absorption …\nfourth absorption."}},{"id":"mn112:19","sourceIds":["mn112:19.1","mn112:19.2","mn112:19.3"],"kind":"text","text":{"pi":"So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṁ khayañāṇāya cittaṁ abhininnāmesiṁ.\nSo idaṁ dukkhanti yathābhūtaṁ abbhaññāsiṁ, ayaṁ dukkhasamudayoti yathābhūtaṁ abbhaññāsiṁ, ayaṁ dukkhanirodhoti yathābhūtaṁ abbhaññāsiṁ, ayaṁ dukkhanirodhagāminī paṭipadāti yathābhūtaṁ abbhaññāsiṁ;\nime āsavāti yathābhūtaṁ abbhaññāsiṁ, ayaṁ āsavasamudayoti yathābhūtaṁ abbhaññāsiṁ, ayaṁ āsavanirodhoti yathābhūtaṁ abbhaññāsiṁ, ayaṁ āsavanirodhagāminī paṭipadāti yathābhūtaṁ abbhaññāsiṁ.","en":"When my mind had immersed in samādhi like this—purified, bright, flawless, rid of corruptions, pliable, workable, steady, and imperturbable—I extended it toward knowledge of the ending of defilements.\nI truly understood: “This is suffering” … “This is the origin of suffering” … “This is the cessation of suffering” … “This is the practice that leads to the cessation of suffering”.\nI truly understood: “These are defilements” … “This is the origin of defilements” … “This is the cessation of defilements” … “This is the practice that leads to the cessation of defilements”."}},{"id":"mn112:20","sourceIds":["mn112:20.1","mn112:20.2","mn112:20.3","mn112:20.4"],"kind":"text","text":{"pi":"Tassa me evaṁ jānato evaṁ passato kāmāsavāpi cittaṁ vimuccittha, bhavāsavāpi cittaṁ vimuccittha, avijjāsavāpi cittaṁ vimuccittha.\nVimuttasmiṁ vimuttamiti ñāṇaṁ ahosi.\nKhīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti abbhaññāsiṁ.\nEvaṁ kho me, āvuso, jānato evaṁ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānānusayā samūhatā’ti.","en":"Knowing and seeing like this, my mind was freed from the defilements of sensuality, desire to be reborn, and ignorance.\nWhen it was freed, I knew it was freed.\nI understood: “Rebirth is ended; the spiritual journey has been completed; what had to be done has been done; there is nothing further for this place.”\nThat is how I know and see so that I have eradicated I-making, mine-making, and the underlying tendency to conceit for this conscious body and externally for all signs.’"}},{"id":"mn112:21","sourceIds":["mn112:21.1","mn112:21.2","mn112:21.3","mn112:21.4","mn112:21.5","mn112:21.6","mn112:21.7"],"kind":"text","text":{"pi":"Tassa, bhikkhave, bhikkhuno ‘sādhū’ti bhāsitaṁ abhinanditabbaṁ anumoditabbaṁ.\n‘Sādhū’ti bhāsitaṁ abhinanditvā anumoditvā evamassa vacanīyo:\n‘lābhā no, āvuso, suladdhaṁ no, āvuso,\nye mayaṁ āyasmantaṁ tādisaṁ sabrahmacāriṁ samanupassāmā’”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nChabbisodhanasuttaṁ niṭṭhitaṁ dutiyaṁ.","en":"Saying ‘Good!’ you should applaud and cheer that mendicant’s statement,\nand then say to them:\n‘We are fortunate, reverend, so very fortunate\nto see a venerable such as yourself as one of our spiritual companions!’”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn112/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}