{"id":"mn116","title":"At Isigili","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn116","title":"At Isigili","units":[{"id":"mn116:0","sourceIds":["mn116:0.1","mn116:0.2"],"kind":"text","text":{"pi":"Majjhima Nikāya 116\nIsigilisutta","en":"Middle Discourses 116\nAt Isigili"}},{"id":"mn116:1","sourceIds":["mn116:1.1","mn116:1.2","mn116:1.3","mn116:1.4","mn116:1.5","mn116:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati isigilismiṁ pabbate.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Rājagaha, on the Isigili Mountain.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn116:2","sourceIds":["mn116:2.1","mn116:2.2","mn116:2.3","mn116:2.4","mn116:2.5","mn116:2.6","mn116:2.7","mn116:2.8","mn116:2.9","mn116:2.10","mn116:2.11","mn116:2.12","mn116:2.13","mn116:2.14"],"kind":"text","text":{"pi":"“Passatha no tumhe, bhikkhave, etaṁ vebhāraṁ pabbatan”ti?\n“Evaṁ, bhante”.\n“Etassapi kho, bhikkhave, vebhārassa pabbatassa aññāva samaññā ahosi aññā paññatti.\nPassatha no tumhe, bhikkhave, etaṁ paṇḍavaṁ pabbatan”ti?\n“Evaṁ, bhante”.\n“Etassapi kho, bhikkhave, paṇḍavassa pabbatassa aññāva samaññā ahosi aññā paññatti.\nPassatha no tumhe, bhikkhave, etaṁ vepullaṁ pabbatan”ti?\n“Evaṁ, bhante”.\n“Etassapi kho, bhikkhave, vepullassa pabbatassa aññāva samaññā ahosi aññā paññatti.\nPassatha no tumhe, bhikkhave, etaṁ gijjhakūṭaṁ pabbatan”ti?\n“Evaṁ, bhante”.\n“Etassapi kho, bhikkhave, gijjhakūṭassa pabbatassa aññāva samaññā ahosi aññā paññatti.\nPassatha no tumhe, bhikkhave, imaṁ isigiliṁ pabbatan”ti?\n“Evaṁ, bhante”.","en":"“Mendicants, do you see that Mount Vebhāra?”\n“Yes, sir.”\n“It used to have a different label and description.\nDo you see that Mount Paṇḍava?”\n“Yes, sir.”\n“It too used to have a different label and description.\nDo you see that Mount Vepulla?”\n“Yes, sir.”\n“It too used to have a different label and description.\nDo you see that Mount Vulture’s Peak?”\n“Yes, sir.”\n“It too used to have a different label and description.\nDo you see that Mount Isigili?”\n“Yes, sir.”"}},{"id":"mn116:3","sourceIds":["mn116:3.1","mn116:3.2","mn116:3.3","mn116:3.4","mn116:3.5","mn116:3.6","mn116:3.7","mn116:3.8","mn116:3.9","mn116:3.10","mn116:3.11","mn116:3.12"],"kind":"text","text":{"pi":"“Imassa kho pana, bhikkhave, isigilissa pabbatassa esāva samaññā ahosi esā paññatti.\nBhūtapubbaṁ, bhikkhave, pañca paccekabuddhasatāni imasmiṁ isigilismiṁ pabbate ciranivāsino ahesuṁ.\nTe imaṁ pabbataṁ pavisantā dissanti, paviṭṭhā na dissanti.\nTamenaṁ manussā disvā evamāhaṁsu:\n‘ayaṁ pabbato ime isī gilatī’ti;\n‘isigili isigili’ tveva samaññā udapādi.\nĀcikkhissāmi, bhikkhave, paccekabuddhānaṁ nāmāni;\nkittayissāmi, bhikkhave, paccekabuddhānaṁ nāmāni;\ndesessāmi, bhikkhave, paccekabuddhānaṁ nāmāni.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"“It used to have exactly the same label and description.\nOnce upon a time, five hundred independent Buddhas dwelt for a long time on this Isigili.\nThey were seen entering the mountain, but after entering were seen no more.\nWhen people noticed this they said:\n‘That mountain swallows these seers!’\nThat’s how it came to be known as Isigili, the “seer-swallower”.\nI shall declare the names of the independent Buddhas;\nI shall extol the names of the independent Buddhas;\nI shall teach the names of the independent Buddhas.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"mn116:4","sourceIds":["mn116:4.1","mn116:4.2","mn116:4.3","mn116:4.4","mn116:4.5","mn116:4.6","mn116:4.7","mn116:4.8","mn116:4.9","mn116:4.10","mn116:4.11","mn116:4.12","mn116:4.13"],"kind":"text","text":{"pi":"“Ariṭṭho nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\nupariṭṭho nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\ntagarasikhī nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\nyasassī nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\nsudassano nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\npiyadassī nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\ngandhāro nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\npiṇḍolo nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\nupāsabho nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\nnīto nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\ntatho nāma, bhikkhave, paccekasambuddho imasmiṁ isigilismiṁ pabbate ciranivāsī ahosi,\nsutavā nāma, bhikkhave, paccekasambuddho imasmiṁ isigilismiṁ pabbate ciranivāsī ahosi;\nbhāvitatto nāma, bhikkhave, paccekasambuddho imasmiṁ isigilismiṁ pabbate ciranivāsī ahosi.","en":"“The independent Buddhas who dwelt for a long time on this Isigili were named Ariṭṭha,\nUpariṭṭha,\nTagarasikhī,\nYasassin,\nSudassana,\nPiyadassin,\nGandhāra,\nPiṇḍola,\nUpāsabha,\nNīta,\nTatha,\nSutavā,\nand Bhāvitatta."}},{"id":"mn116:5","sourceIds":["mn116:5.1","mn116:5.2","mn116:5.3","mn116:5.4","mn116:5.5","mn116:5.6","mn116:5.7","mn116:5.8"],"kind":"text","text":{"pi":"Ye sattasārā anīghā nirāsā,\nPaccekamevajjhagamaṁsu bodhiṁ;\nTesaṁ visallāna naruttamānaṁ,\nNāmāni me kittayato suṇātha.\nAriṭṭho upariṭṭho tagarasikhī yasassī,\nSudassano piyadassī ca susambuddho;\nGandhāro piṇḍolo upāsabho ca,\nNīto tatho sutavā bhāvitatto.","en":"Those saintly beings, untroubled, with no need for hope,\nwho each achieved awakening independently;\nhear me extol their names,\nthe supreme men, free of thorns.\nAriṭṭha, Upariṭṭha, Tagarasikhī, Yasassin,\nSudassana, and Piyadassin the awakened;\nGandhāra, Piṇḍola, and Upāsabha,\nNīta, Tatha, Sutavā, and Bhāvitatta."}},{"id":"mn116:6","sourceIds":["mn116:6.1","mn116:6.2","mn116:6.3","mn116:6.4","mn116:6.5","mn116:6.6","mn116:6.7","mn116:6.8","mn116:6.9","mn116:6.10","mn116:6.11","mn116:6.12","mn116:6.13","mn116:6.14","mn116:6.15","mn116:6.16","mn116:6.17","mn116:6.18","mn116:6.19","mn116:6.20","mn116:6.21","mn116:6.22","mn116:6.23","mn116:6.24","mn116:6.25","mn116:6.26","mn116:6.27","mn116:6.28","mn116:6.29","mn116:6.30","mn116:6.31","mn116:6.32","mn116:6.33","mn116:6.34","mn116:6.35","mn116:6.36"],"kind":"text","text":{"pi":"Sumbho subho matulo aṭṭhamo ca,\nAthassumegho anīgho sudāṭho;\nPaccekabuddhā bhavanettikhīṇā,\nHiṅgū ca hiṅgo ca mahānubhāvā.\nDve jālino munino aṭṭhako ca,\nAtha kosallo buddho atho subāhu;\nUpanemiso nemiso santacitto,\nSacco tatho virajo paṇḍito ca.\nKāḷūpakāḷā vijito jito ca,\nAṅgo ca paṅgo ca guttijito ca;\nPassi jahi upadhidukkhamūlaṁ,\nAparājito mārabalaṁ ajesi.\nSatthā pavattā sarabhaṅgo lomahaṁso,\nUccaṅgamāyo asito anāsavo;\nManomayo mānacchido ca bandhumā,\nTadādhimutto vimalo ca ketumā.\nKetumbharāgo ca mātaṅgo ariyo,\nAthaccuto accutagāmabyāmako;\nSumaṅgalo dabbilo supatiṭṭhito,\nAsayho khemābhirato ca sorato.\nDurannayo saṅgho athopi ujjayo,\nAparo muni sayho anomanikkamo;\nĀnando nando upanando dvādasa,\nBhāradvājo antimadehadhārī.\nBodhi mahānāmo athopi uttaro,\nKesī sikhī sundaro dvārabhājo;\nTissūpatissā bhavabandhanacchidā,\nUpasikhi taṇhacchido ca sikhari.\nBuddho ahu maṅgalo vītarāgo,\nUsabhacchidā jāliniṁ dukkhamūlaṁ;\nSantaṁ padaṁ ajjhagamopanīto,\nUposatho sundaro saccanāmo.\nJeto jayanto padumo uppalo ca,\nPadumuttaro rakkhito pabbato ca;\nMānatthaddho sobhito vītarāgo,\nKaṇho ca buddho suvimuttacitto.","en":"Sumbha, Subha, Methula, and Aṭṭhama,\nthen Assumegha, Anīgha, and Sudāṭha,\nIndependent Buddhas, enders of the leash to existence;\nand Hiṅgū and Hiṅga the mighty.\nTwo sages named Jāli, and Aṭṭhaka;\nthen the awakened one Kosala, then Subāhu;\nUpanemi, Nemi, and Santacitta,\nright and true, stainless and astute.\nKāḷa and Upakāḷa, Vijita and Jita,\nAṅga and Paṅga, and Guttijita too;\nPassin gave up attachment, suffering’s root,\nwhile Aparājita defeated Māra’s power.\nSatthar, Pavattar, Sarabhaṅga, Lomahaṁsa,\nUccaṅgamāya, Asita, Anāsava,\nManomaya, and Bandhumā the cutter of conceit,\nthen Adhimutta, and Ketumā the immaculate.\nKetumbharāga, Mātaṅga, and Ariya,\nthen Accuta, Accutagāma, and Byāmaka,\nSumaṅgala, Dabbila, Supatiṭṭhita,\nAsayha, Khemābhirata, and Sorata.\nDurannaya, Saṅgha, and also Ujjaya,\nanother sage, Sayha of peerless effort.\nThere are twelve Ānandas, Nandas, and Upanandas,\nand Bhāradvāja, bearing his final body.\nBodhi, Mahānāma, and also Uttara,\nKesī, Sikhī, Sundara, and Bhāradvāja,\nTissa and Upatissa, who’ve both cut the bonds to rebirth,\nUpasīdarī and Sīdarī, who’ve both cut off craving.\nMaṅgala was awakened, free of greed,\nUsabha cut the net, the root of suffering,\nUpanīta who attained the state of peace,\nUposatha, Sundara, and Saccanāma.\nJeta, Jayanta, Paduma, and Uppala;\nPadumuttara, Rakkhita, and Pabbata,\nMānatthaddha, beautiful and free of greed,\nand the Buddha Kaṇha, his mind well freed."}},{"id":"mn116:7","sourceIds":["mn116:7.1","mn116:7.2","mn116:7.3","mn116:7.4","mn116:7.5"],"kind":"text","text":{"pi":"Ete ca aññe ca mahānubhāvā,\nPaccekabuddhā bhavanettikhīṇā;\nTe sabbasaṅgātigate mahesī,\nParinibbute vandatha appameyye”ti.\nIsigilisuttaṁ niṭṭhitaṁ chaṭṭhaṁ.","en":"These and other mighty ones awakened independently,\nenders of the leash to existence—\nhonor these great seers who have slipped all chains,\nfully quenched, limitless.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn116/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}