{"id":"mn120","title":"Rebirth by Choice","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn120","title":"Rebirth by Choice","units":[{"id":"mn120:0","sourceIds":["mn120:0.1","mn120:0.2"],"kind":"text","text":{"pi":"Majjhima Nikāya 120\nSaṅkhārupapattisutta","en":"Middle Discourses 120\nRebirth by Choice"}},{"id":"mn120:1","sourceIds":["mn120:1.1","mn120:1.2","mn120:1.3","mn120:1.4","mn120:1.5","mn120:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn120:2","sourceIds":["mn120:2.1","mn120:2.2","mn120:2.3","mn120:2.4"],"kind":"text","text":{"pi":"“saṅkhārupapattiṁ vo, bhikkhave, desessāmi,\ntaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"“I shall teach you rebirth by choice.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"mn120:3","sourceIds":["mn120:3.1","mn120:3.2","mn120:3.3","mn120:3.4","mn120:3.5","mn120:3.6"],"kind":"text","text":{"pi":"“Idha, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti.\nTassa evaṁ hoti:\n‘aho vatāhaṁ kāyassa bhedā paraṁ maraṇā khattiyamahāsālānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"“Take a mendicant who has faith, ethics, learning, generosity, and wisdom.\nThey think:\n‘If only, when my body breaks up, after death, I would be reborn in the company of well-to-do aristocrats!’\nThey settle on that thought, stabilize it, and develop it.\nThose choices and meditations of theirs, developed and cultivated like this, lead to rebirth there.\nThis is the path and the practice that leads to rebirth there."}},{"id":"mn120:4-5","sourceIds":["mn120:4-5.1","mn120:4-5.2","mn120:4-5.3","mn120:4-5.4","mn120:4-5.5","mn120:4-5.6","mn120:4-5.7"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti.\nTassa evaṁ hoti:\n‘aho vatāhaṁ kāyassa bhedā paraṁ maraṇā brāhmaṇamahāsālānaṁ …pe…\ngahapatimahāsālānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"Furthermore, take a mendicant who has faith, ethics, learning, generosity, and wisdom.\nThey think:\n‘If only, when my body breaks up, after death, I would be reborn in the company of well-to-do brahmins …\nwell-to-do householders!’\nThey settle on that thought, stabilize it, and develop it.\nThose choices and meditations of theirs, developed and cultivated like this, lead to rebirth there.\nThis is the path and the practice that leads to rebirth there."}},{"id":"mn120:6","sourceIds":["mn120:6.1","mn120:6.2","mn120:6.3","mn120:6.4","mn120:6.5","mn120:6.6","mn120:6.7","mn120:6.8"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti.\nTassa sutaṁ hoti:\n‘cātumahārājikā devā dīghāyukā vaṇṇavanto sukhabahulā’ti.\nTassa evaṁ hoti:\n‘aho vatāhaṁ kāyassa bhedā paraṁ maraṇā cātumahārājikānaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"Furthermore, take a mendicant who has faith, ethics, learning, generosity, and wisdom.\nAnd they’ve heard:\n‘The gods of the four great kings are long-lived, beautiful, and very happy.’\nThey think:\n‘If only, when my body breaks up, after death, I would be reborn in the company of the gods of the four great kings!’\nThey settle on that thought, stabilize it, and develop it.\nThose choices and meditations of theirs, developed and cultivated like this, lead to rebirth there.\nThis is the path and the practice that leads to rebirth there."}},{"id":"mn120:7-11","sourceIds":["mn120:7-11.1","mn120:7-11.2","mn120:7-11.3","mn120:7-11.4","mn120:7-11.5","mn120:7-11.6","mn120:7-11.7","mn120:7-11.8","mn120:7-11.9","mn120:7-11.10","mn120:7-11.11","mn120:7-11.12"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti.\nTassa sutaṁ hoti—\ntāvatiṁsā devā …pe…\nyāmā devā …\ntusitā devā …\nnimmānaratī devā …\nparanimmitavasavattī devā dīghāyukā vaṇṇavanto sukhabahulāti.\nTassa evaṁ hoti:\n‘aho vatāhaṁ kāyassa bhedā paraṁ maraṇā paranimmitavasavattīnaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"Furthermore, take a mendicant who has faith, ethics, learning, generosity, and wisdom.\nAnd they’ve heard:\n‘The gods of the thirty-three …\nthe gods of Yama …\nthe joyful gods …\nthe gods who love to create …\nthe gods who control what is created by others are long-lived, beautiful, and very happy.’\nThey think:\n‘If only, when my body breaks up, after death, I would be reborn in the company of the gods who control what is created by others!’\nThey settle on that thought, stabilize it, and develop it.\nThose choices and meditations of theirs, developed and cultivated like this, lead to rebirth there.\nThis is the path and the practice that leads to rebirth there."}},{"id":"mn120:12","sourceIds":["mn120:12.1","mn120:12.2","mn120:12.3","mn120:12.4","mn120:12.5","mn120:12.6","mn120:12.7","mn120:12.8","mn120:12.9","mn120:12.10","mn120:12.11","mn120:12.12","mn120:12.13"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena samannāgato hoti, sutena samannāgato hoti, cāgena samannāgato hoti, paññāya samannāgato hoti.\nTassa sutaṁ hoti:\n‘sahasso brahmā dīghāyuko vaṇṇavā sukhabahulo’ti.\nSahasso, bhikkhave, brahmā sahassilokadhātuṁ pharitvā adhimuccitvā viharati.\nYepi tattha sattā upapannā tepi pharitvā adhimuccitvā viharati.\nSeyyathāpi, bhikkhave, cakkhumā puriso ekaṁ āmaṇḍaṁ hatthe karitvā paccavekkheyya;\nevameva kho, bhikkhave, sahasso brahmā sahassilokadhātuṁ pharitvā adhimuccitvā viharati.\nYepi tattha sattā upapannā tepi pharitvā adhimuccitvā viharati.\nTassa evaṁ hoti:\n‘aho vatāhaṁ kāyassa bhedā paraṁ maraṇā sahassassa brahmuno sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"Furthermore, take a mendicant who has faith, ethics, learning, generosity, and wisdom.\nAnd they’ve heard:\n‘The Divinity of a thousand is long-lived, beautiful, and very happy.’\nNow the Divinity of a thousand meditates focused on pervading a thousandfold galaxy,\nas well as the sentient beings reborn there.\nAs a person with clear eyes might pick up a gallnut in their hand and examine it,\nso too the Divinity of a thousand meditates focused on pervading a thousandfold galaxy,\nas well as the sentient beings reborn there.\nThey think:\n‘If only, when my body breaks up, after death, I would be reborn in the company of the Divinity of a thousand!’\nThey settle on that thought, stabilize it, and develop it.\nThose choices and meditations of theirs, developed and cultivated like this, lead to rebirth there.\nThis is the path and the practice that leads to rebirth there."}},{"id":"mn120:13-16","sourceIds":["mn120:13-16.1","mn120:13-16.2","mn120:13-16.3","mn120:13-16.4","mn120:13-16.5","mn120:13-16.6","mn120:13-16.7","mn120:13-16.8","mn120:13-16.9","mn120:13-16.10","mn120:13-16.11","mn120:13-16.12","mn120:13-16.13","mn120:13-16.14","mn120:13-16.15","mn120:13-16.16","mn120:13-16.17","mn120:13-16.18"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena samannāgato hoti, sutena …\ncāgena …\npaññāya samannāgato hoti.\nTassa sutaṁ hoti—\ndvisahasso brahmā …pe…\ntisahasso brahmā …\ncatusahasso brahmā …\npañcasahasso brahmā dīghāyuko vaṇṇavā sukhabahuloti.\nPañcasahasso, bhikkhave, brahmā pañcasahassilokadhātuṁ pharitvā adhimuccitvā viharati.\nYepi tattha sattā upapannā tepi pharitvā adhimuccitvā viharati.\nSeyyathāpi, bhikkhave, cakkhumā puriso pañca āmaṇḍāni hatthe karitvā paccavekkheyya;\nevameva kho, bhikkhave, pañcasahasso brahmā pañcasahassilokadhātuṁ pharitvā adhimuccitvā viharati.\nYepi tattha sattā upapannā tepi pharitvā adhimuccitvā viharati.\nTassa evaṁ hoti:\n‘aho vatāhaṁ kāyassa bhedā paraṁ maraṇā pañcasahassassa brahmuno sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"Furthermore, take a mendicant who has faith, ethics, learning, generosity, and wisdom.\nAnd they’ve heard:\n‘The Divinity of two thousand …\nthe Divinity of three thousand …\nthe Divinity of four thousand …\nthe Divinity of five thousand is long-lived, beautiful, and very happy.’\nNow the Divinity of five thousand meditates focused on pervading a five-thousandfold galaxy,\nas well as the sentient beings reborn there.\nAs a person with clear eyes might pick up five gallnuts in their hand and examine them,\nso too the Divinity of five thousand meditates focused on pervading a five-thousandfold galaxy,\nas well as the sentient beings reborn there.\nThey think:\n‘If only, when my body breaks up, after death, I would be reborn in the company of the Divinity of five thousand!’\nThey settle on that thought, stabilize it, and develop it.\nThose choices and meditations of theirs, developed and cultivated like this, lead to rebirth there.\nThis is the path and the practice that leads to rebirth there."}},{"id":"mn120:17","sourceIds":["mn120:17.1","mn120:17.2","mn120:17.3","mn120:17.4","mn120:17.5","mn120:17.6","mn120:17.7","mn120:17.8","mn120:17.9","mn120:17.10","mn120:17.11","mn120:17.12","mn120:17.13","mn120:17.14","mn120:17.15"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena samannāgato hoti, sutena …\ncāgena …\npaññāya samannāgato hoti.\nTassa sutaṁ hoti:\n‘dasasahasso brahmā dīghāyuko vaṇṇavā sukhabahulo’ti.\nDasasahasso, bhikkhave, brahmā dasasahassilokadhātuṁ pharitvā adhimuccitvā viharati.\nYepi tattha sattā upapannā tepi pharitvā adhimuccitvā viharati.\nSeyyathāpi, bhikkhave, maṇi veḷuriyo subho jātimā aṭṭhaṁso suparikammakato paṇḍukambale nikkhitto bhāsate ca tapate ca virocati ca;\nevameva kho, bhikkhave, dasasahasso brahmā dasasahassilokadhātuṁ pharitvā adhimuccitvā viharati.\nYepi tattha sattā upapannā tepi pharitvā adhimuccitvā viharati.\nTassa evaṁ hoti:\n‘aho vatāhaṁ kāyassa bhedā paraṁ maraṇā dasasahassassa brahmuno sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"Furthermore, take a mendicant who has faith, ethics, learning, generosity, and wisdom.\nAnd they’ve heard:\n‘The Divinity of ten thousand is long-lived, beautiful, and very happy.’\nNow the Divinity of ten thousand meditates focused on pervading a ten-thousandfold galaxy,\nas well as the sentient beings reborn there.\nSuppose there was a beryl gem that was naturally lustrous, eight-faceted, well-worked. When placed on a cream rug it would shine and glow and dazzle.\nIn the same way the Divinity of ten thousand meditates focused on pervading a ten-thousandfold galaxy,\nas well as the sentient beings reborn there.\nThey think:\n‘If only, when my body breaks up, after death, I would be reborn in the company of the Divinity of ten thousand!’\nThey settle on that thought, stabilize it, and develop it.\nThose choices and meditations of theirs, developed and cultivated like this, lead to rebirth there.\nThis is the path and the practice that leads to rebirth there."}},{"id":"mn120:18","sourceIds":["mn120:18.1","mn120:18.2","mn120:18.3","mn120:18.4","mn120:18.5","mn120:18.6","mn120:18.7","mn120:18.8","mn120:18.9","mn120:18.10","mn120:18.11","mn120:18.12","mn120:18.13","mn120:18.14","mn120:18.15","mn120:18.16"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena …\nsutena …\ncāgena …\npaññāya samannāgato hoti.\nTassa sutaṁ hoti:\n‘satasahasso brahmā dīghāyuko vaṇṇavā sukhabahulo’ti.\nSatasahasso, bhikkhave, brahmā satasahassilokadhātuṁ pharitvā adhimuccitvā viharati.\nYepi tattha sattā upapannā tepi pharitvā adhimuccitvā viharati.\nSeyyathāpi, bhikkhave, nikkhaṁ jambonadaṁ dakkhakammāraputtaukkāmukhasukusalasampahaṭṭhaṁ paṇḍukambale nikkhittaṁ bhāsate ca tapate ca virocati ca;\nevameva kho, bhikkhave, satasahasso brahmā satasahassilokadhātuṁ pharitvā adhimuccitvā viharati.\nYepi tattha sattā upapannā tepi pharitvā adhimuccitvā viharati.\nTassa evaṁ hoti:\n‘aho vatāhaṁ kāyassa bhedā paraṁ maraṇā satasahassassa brahmuno sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"Furthermore, take a mendicant who has faith, ethics, learning, generosity, and wisdom.\nAnd they’ve heard:\n‘The Divinity of a hundred thousand is long-lived, beautiful, and very happy.’\nNow the Divinity of a hundred thousand meditates focused on pervading a hundred-thousandfold galaxy,\nas well as the sentient beings reborn there.\nSuppose there was a pendant of Black Plum River gold, fashioned by a deft smith, well wrought in the forge. When placed on a cream rug it would shine and glow and dazzle.\nIn the same way the Divinity of a hundred thousand meditates focused on pervading a hundred-thousandfold galaxy,\nas well as the sentient beings reborn there.\nThey think:\n‘If only, when my body breaks up, after death, I would be reborn in the company of the Divinity of a hundred thousand!’\nThey settle on that thought, stabilize it, and develop it.\nThose choices and meditations of theirs, developed and cultivated like this, lead to rebirth there.\nThis is the path and the practice that leads to rebirth there."}},{"id":"mn120:19","sourceIds":["mn120:19.1","mn120:19.2","mn120:19.3","mn120:19.4","mn120:19.5","mn120:19.6","mn120:19.7","mn120:19.8","mn120:19.9","mn120:19.10","mn120:19.11","mn120:19.12","mn120:19.13","mn120:19.14"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena …\nsutena …\ncāgena …\npaññāya samannāgato hoti.\nTassa sutaṁ hoti—\nābhā devā …pe…\nparittābhā devā …\nappamāṇābhā devā …\nābhassarā devā dīghāyukā vaṇṇavanto sukhabahulāti.\nTassa evaṁ hoti:\n‘aho vatāhaṁ kāyassa bhedā paraṁ maraṇā ābhassarānaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"Furthermore, take a mendicant who has faith, ethics, learning, generosity, and wisdom.\nAnd they’ve heard:\n‘The radiant gods …\nthe gods of limited luminosity …\nthe gods of limitless luminosity …\nthe gods of sublime luminosity …"}},{"id":"mn120:20","sourceIds":["mn120:20.1","mn120:20.2","mn120:20.3","mn120:20.4","mn120:20.5","mn120:20.6","mn120:20.7","mn120:20.8","mn120:20.9","mn120:20.10","mn120:20.11","mn120:20.12","mn120:20.13"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena …\nsutena …\ncāgena …\npaññāya samannāgato hoti.\nTassa sutaṁ hoti—\nparittasubhā devā …pe…\nappamāṇasubhā devā …\nsubhakiṇhā devā dīghāyukā vaṇṇavanto sukhabahulāti.\nTassa evaṁ hoti:\n‘aho vatāhaṁ kāyassa bhedā paraṁ maraṇā subhakiṇhānaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"the gods of limited beauty …\nthe gods of limitless beauty …\nthe gods of universal beauty …"}},{"id":"mn120:21-30","sourceIds":["mn120:21-30.1","mn120:21-30.2","mn120:21-30.3","mn120:21-30.4","mn120:21-30.5","mn120:21-30.6","mn120:21-30.7","mn120:21-30.8","mn120:21-30.9","mn120:21-30.10","mn120:21-30.11","mn120:21-30.12","mn120:21-30.13","mn120:21-30.14","mn120:21-30.15","mn120:21-30.16"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena …\nsutena …\ncāgena …\npaññāya samannāgato hoti.\nTassa sutaṁ hoti—\nvehapphalā devā …pe…\navihā devā …\natappā devā …\nsudassā devā …\nsudassī devā …\nakaniṭṭhā devā dīghāyukā vaṇṇavanto sukhabahulāti.\nTassa evaṁ hoti:\n‘aho vatāhaṁ kāyassa bhedā paraṁ maraṇā akaniṭṭhānaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"the gods of abundant fruit …\nthe gods of Aviha …\nthe gods of Atappa …\nthe gods fair to see …\nthe fair seeing gods …\nthe gods of Akaniṭṭha …"}},{"id":"mn120:31","sourceIds":["mn120:31.1","mn120:31.2","mn120:31.3","mn120:31.4","mn120:31.5","mn120:31.6","mn120:31.7","mn120:31.8","mn120:31.9","mn120:31.10","mn120:31.11"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena …\nsutena …\ncāgena …\npaññāya samannāgato hoti.\nTassa sutaṁ hoti:\n‘ākāsānañcāyatanūpagā devā dīghāyukā ciraṭṭhitikā sukhabahulā’ti.\nTassa evaṁ hoti:\n‘aho vatāhaṁ kāyassa bhedā paraṁ maraṇā ākāsānañcāyatanūpagānaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"the gods of the dimension of infinite space …"}},{"id":"mn120:32","sourceIds":["mn120:32.1","mn120:32.2","mn120:32.3","mn120:32.4","mn120:32.5","mn120:32.6","mn120:32.7","mn120:32.8","mn120:32.9","mn120:32.10","mn120:32.11"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena …\nsutena …\ncāgena …\npaññāya samannāgato hoti.\nTassa sutaṁ hoti:\n‘viññāṇañcāyatanūpagā devā dīghāyukā ciraṭṭhitikā sukhabahulā’ti.\nTassa evaṁ hoti:\n‘aho vatāhaṁ kāyassa bhedā paraṁ maraṇā viññāṇañcāyatanūpagānaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"the gods of the dimension of infinite consciousness …"}},{"id":"mn120:33-36","sourceIds":["mn120:33-36.1","mn120:33-36.2","mn120:33-36.3","mn120:33-36.4","mn120:33-36.5","mn120:33-36.6","mn120:33-36.7","mn120:33-36.8","mn120:33-36.9","mn120:33-36.10","mn120:33-36.11","mn120:33-36.12"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena …\nsutena …\ncāgena …\npaññāya samannāgato hoti.\nTassa sutaṁ hoti—\nākiñcaññāyatanūpagā devā …pe…\nnevasaññānāsaññāyatanūpagā devā dīghāyukā ciraṭṭhitikā sukhabahulāti.\nTassa evaṁ hoti:\n‘aho vatāhaṁ kāyassa bhedā paraṁ maraṇā nevasaññānāsaññāyatanūpagānaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa te saṅkhārā ca vihārā ca evaṁ bhāvitā evaṁ bahulīkatā tatrupapattiyā saṁvattanti.\nAyaṁ, bhikkhave, maggo ayaṁ paṭipadā tatrupapattiyā saṁvattati.","en":"the gods of the dimension of nothingness …\nthe gods of the dimension of neither perception nor non-perception are long-lived, long-lasting, and very happy.’\nThey think:\n‘If only, when my body breaks up, after death, I would be reborn in the company of the gods of the dimension of neither perception nor non-perception!’\nThey settle on that thought, stabilize it, and develop it.\nThose choices and meditations of theirs, developed and cultivated like this, lead to rebirth there.\nThis is the path and the practice that leads to rebirth there."}},{"id":"mn120:37","sourceIds":["mn120:37.1","mn120:37.2","mn120:37.3","mn120:37.4","mn120:37.5","mn120:37.6","mn120:37.7","mn120:37.8","mn120:37.9","mn120:37.10","mn120:37.11","mn120:37.12"],"kind":"text","text":{"pi":"Puna caparaṁ, bhikkhave, bhikkhu saddhāya samannāgato hoti, sīlena …\nsutena …\ncāgena …\npaññāya samannāgato hoti.\nTassa evaṁ hoti:\n‘aho vatāhaṁ āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja vihareyyan’ti.\nSo āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nAyaṁ, bhikkhave, bhikkhu na katthaci upapajjatī”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nSaṅkhārupapattisuttaṁ niṭṭhitaṁ dasamaṁ.\nAnupadavaggo niṭṭhito dutiyo.","en":"Furthermore, take a mendicant who has faith, ethics, learning, generosity, and wisdom.\nThey think:\n‘If only I might realize the undefiled freedom of heart and freedom by wisdom, and live having realized it with my own insight in this very life due to the ending of defilements!’\nThey realize the undefiled freedom of heart and freedom by wisdom. And they live having realized it with their own insight in this very life due to the ending of defilements.\nAnd, mendicants, that mendicant is not reborn anywhere.”\nThat is what the Buddha said.\nSatisfied, the mendicants approved what the Buddha said."}},{"id":"mn120:38","sourceIds":["mn120:38.0","mn120:38.1","mn120:38.2","mn120:38.3","mn120:38.4"],"kind":"text","text":{"pi":"Tassuddānaṁ\nAnupada sodhana porisadhammo,\nSevitabba bahudhātu vibhatti;\nBuddhassa kittināma cattārīsena,\nĀnāpāno kāyagato upapatti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn120/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}