{"id":"mn13","title":"The Longer Discourse on the Mass of Suffering","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn13","title":"The Longer Discourse on the Mass of Suffering","units":[{"id":"mn13:0","sourceIds":["mn13:0.1","mn13:0.2"],"kind":"text","text":{"pi":"Majjhima Nikāya 13\nMahādukkhakkhandhasutta","en":"Middle Discourses 13\nThe Longer Discourse on the Mass of Suffering"}},{"id":"mn13:1","sourceIds":["mn13:1.1","mn13:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn13:2","sourceIds":["mn13:2.1","mn13:2.2","mn13:2.3","mn13:2.4","mn13:2.5","mn13:2.6"],"kind":"text","text":{"pi":"Atha kho sambahulā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisiṁsu.\nAtha kho tesaṁ bhikkhūnaṁ etadahosi:\n“atippago kho tāva sāvatthiyaṁ piṇḍāya carituṁ,\nyaṁ nūna mayaṁ yena aññatitthiyānaṁ paribbājakānaṁ ārāmo tenupasaṅkameyyāmā”ti.\nAtha kho te bhikkhū yena aññatitthiyānaṁ paribbājakānaṁ ārāmo tenupasaṅkamiṁsu; upasaṅkamitvā tehi aññatitthiyehi paribbājakehi saddhiṁ sammodiṁsu;\nsammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinne kho te bhikkhū te aññatitthiyā paribbājakā etadavocuṁ:","en":"Then several mendicants robed up in the morning and, taking their bowls and robes, entered Sāvatthī for alms.\nThen it occurred to them,\n“It’s too early to wander for alms in Sāvatthī.\nWhy don’t we visit the monastery for the wanderers of other religions?”\nThen they went to the monastery for the wanderers of other religions and exchanged greetings with the wanderers there.\nWhen the greetings and polite conversation were over, they sat down to one side. The wanderers said to them:"}},{"id":"mn13:3","sourceIds":["mn13:3.1","mn13:3.2","mn13:3.3","mn13:3.4","mn13:3.5"],"kind":"text","text":{"pi":"“samaṇo, āvuso, gotamo kāmānaṁ pariññaṁ paññapeti, mayampi kāmānaṁ pariññaṁ paññapema;\nsamaṇo, āvuso, gotamo rūpānaṁ pariññaṁ paññapeti, mayampi rūpānaṁ pariññaṁ paññapema;\nsamaṇo, āvuso, gotamo vedanānaṁ pariññaṁ paññapeti, mayampi vedanānaṁ pariññaṁ paññapema;\nidha no, āvuso, ko viseso, ko adhippayāso, kiṁ nānākaraṇaṁ samaṇassa vā gotamassa amhākaṁ vā—\nyadidaṁ dhammadesanāya vā dhammadesanaṁ, anusāsaniyā vā anusāsanin”ti?","en":"“Reverends, the ascetic Gotama advocates the complete understanding of sensual pleasures, and so do we.\nThe ascetic Gotama advocates the complete understanding of forms, and so do we.\nThe ascetic Gotama advocates the complete understanding of feelings, and so do we.\nWhat, then, is the difference between the ascetic Gotama’s teaching and instruction and ours?”"}},{"id":"mn13:4","sourceIds":["mn13:4.1","mn13:4.2","mn13:4.3"],"kind":"text","text":{"pi":"Atha kho te bhikkhū tesaṁ aññatitthiyānaṁ paribbājakānaṁ bhāsitaṁ neva abhinandiṁsu, nappaṭikkosiṁsu;\nanabhinanditvā appaṭikkositvā uṭṭhāyāsanā pakkamiṁsu:\n“bhagavato santike etassa bhāsitassa atthaṁ ājānissāmā”ti.","en":"Those mendicants neither approved nor rejected that statement of the wanderers of other religions.\nThey rose from their seats, thinking,\n“We will learn the meaning of this statement from the Buddha himself.”"}},{"id":"mn13:5","sourceIds":["mn13:5.1","mn13:5.2","mn13:5.3","mn13:5.4","mn13:5.5","mn13:5.6","mn13:5.7","mn13:5.8","mn13:5.9","mn13:5.10","mn13:5.11","mn13:5.12","mn13:5.13","mn13:5.14"],"kind":"text","text":{"pi":"Atha kho te bhikkhū sāvatthiyaṁ piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“idha mayaṁ, bhante, pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisimha.\nTesaṁ no, bhante, amhākaṁ etadahosi:\n‘atippago kho tāva sāvatthiyaṁ piṇḍāya carituṁ,\nyaṁ nūna mayaṁ yena aññatitthiyānaṁ paribbājakānaṁ ārāmo tenupasaṅkameyyāmā’ti.\nAtha kho mayaṁ, bhante, yena aññatitthiyānaṁ paribbājakānaṁ ārāmo tenupasaṅkamimha; upasaṅkamitvā tehi aññatitthiyehi paribbājakehi saddhiṁ sammodimha;\nsammodanīyaṁ kathaṁ sāraṇīyaṁ vītisāretvā ekamantaṁ nisīdimha. Ekamantaṁ nisinne kho amhe, bhante, te aññatitthiyā paribbājakā etadavocuṁ:\n‘samaṇo, āvuso, gotamo kāmānaṁ pariññaṁ paññapeti, mayampi kāmānaṁ pariññaṁ paññapema.\nSamaṇo, āvuso, gotamo rūpānaṁ pariññaṁ paññapeti, mayampi rūpānaṁ pariññaṁ paññapema.\nSamaṇo, āvuso, gotamo vedanānaṁ pariññaṁ paññapeti, mayampi vedanānaṁ pariññaṁ paññapema.\nIdha no, āvuso, ko viseso, ko adhippayāso, kiṁ nānākaraṇaṁ samaṇassa vā gotamassa amhākaṁ vā, yadidaṁ dhammadesanāya vā dhammadesanaṁ anusāsaniyā vā anusāsanin’ti.\nAtha kho mayaṁ, bhante, tesaṁ aññatitthiyānaṁ paribbājakānaṁ bhāsitaṁ neva abhinandimha, nappaṭikkosimha;\nanabhinanditvā appaṭikkositvā uṭṭhāyāsanā pakkamimha:\n‘bhagavato santike etassa bhāsitassa atthaṁ ājānissāmā’”ti.","en":"Then, after the meal, when they returned from almsround, they went up to the Buddha, bowed, sat down to one side, and told him what had happened. The Buddha said:"}},{"id":"mn13:6","sourceIds":["mn13:6.1","mn13:6.2","mn13:6.3","mn13:6.4","mn13:6.5","mn13:6.6","mn13:6.7","mn13:6.8"],"kind":"text","text":{"pi":"“Evaṁvādino, bhikkhave, aññatitthiyā paribbājakā evamassu vacanīyā:\n‘ko panāvuso, kāmānaṁ assādo, ko ādīnavo, kiṁ nissaraṇaṁ?\nKo rūpānaṁ assādo, ko ādīnavo, kiṁ nissaraṇaṁ?\nKo vedanānaṁ assādo, ko ādīnavo, kiṁ nissaraṇan’ti?\nEvaṁ puṭṭhā, bhikkhave, aññatitthiyā paribbājakā na ceva sampāyissanti, uttariñca vighātaṁ āpajjissanti.\nTaṁ kissa hetu?\nYathā taṁ, bhikkhave, avisayasmiṁ.\nNāhaṁ taṁ, bhikkhave, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yo imesaṁ pañhānaṁ veyyākaraṇena cittaṁ ārādheyya, aññatra tathāgatena vā tathāgatasāvakena vā, ito vā pana sutvā.","en":"“Mendicants, when wanderers of other religions say this, you should say to them:\n‘But reverends, what’s the gratification, the drawback, and the escape when it comes to sensual pleasures?\nWhat’s the gratification, the drawback, and the escape when it comes to forms?\nWhat’s the gratification, the drawback, and the escape when it comes to feelings?’\nQuestioned like this, the wanderers of other religions would be stumped, and, in addition, would get frustrated.\nWhy is that?\nBecause they’re out of their element.\nI don’t see anyone in this world—with its gods, Māras, and divinities, this population with its ascetics and brahmins, its gods and humans—who could provide a satisfying answer to these questions except the Realized One or his disciple or someone who has heard it from them."}},{"id":"mn13:7","sourceIds":["mn13:7.1","mn13:7.2","mn13:7.3","mn13:7.4","mn13:7.5","mn13:7.6","mn13:7.7","mn13:7.8","mn13:7.9","mn13:7.10"],"kind":"text","text":{"pi":"Ko ca, bhikkhave, kāmānaṁ assādo?\nPañcime, bhikkhave, kāmaguṇā.\nKatame pañca?\nCakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā,\nsotaviññeyyā saddā …pe…\nghānaviññeyyā gandhā …\njivhāviññeyyā rasā …\nkāyaviññeyyā phoṭṭhabbā iṭṭhā kantā manāpā piyarūpā kāmūpasaṁhitā rajanīyā—\nime kho, bhikkhave, pañca kāmaguṇā.\nYaṁ kho, bhikkhave, ime pañca kāmaguṇe paṭicca uppajjati sukhaṁ somanassaṁ—ayaṁ kāmānaṁ assādo.","en":"And what is the gratification of sensual pleasures?\nThere are these five kinds of sensual stimulation.\nWhat five?\nSights known by the eye, which are likable, desirable, agreeable, pleasant, sensual, and arousing.\nSounds known by the ear …\nSmells known by the nose …\nTastes known by the tongue …\nTouches known by the body, which are likable, desirable, agreeable, pleasant, sensual, and arousing.\nThese are the five kinds of sensual stimulation.\nThe pleasure and happiness that arise from these five kinds of sensual stimulation: this is the gratification of sensual pleasures."}},{"id":"mn13:8","sourceIds":["mn13:8.1","mn13:8.2","mn13:8.3","mn13:8.4","mn13:8.5"],"kind":"text","text":{"pi":"Ko ca, bhikkhave, kāmānaṁ ādīnavo?\nIdha, bhikkhave, kulaputto yena sippaṭṭhānena jīvikaṁ kappeti—\nyadi muddāya yadi gaṇanāya yadi saṅkhānena yadi kasiyā yadi vaṇijjāya yadi gorakkhena yadi issatthena yadi rājaporisena yadi sippaññatarena—\nsītassa purakkhato uṇhassa purakkhato ḍaṁsamakasavātātapasarīsapasamphassehi rissamāno khuppipāsāya mīyamāno;\nayampi, bhikkhave, kāmānaṁ ādīnavo sandiṭṭhiko, dukkhakkhandho kāmahetu kāmanidānaṁ kāmādhikaraṇaṁ kāmānameva hetu.","en":"And what is the drawback of sensual pleasures?\nIt’s when a gentleman earns a living by means such as\narithmetic, accounting, calculating, farming, trade, raising cattle, archery, government service, or one of the professions.\nBut they must face cold and heat, being hurt by the touch of flies, mosquitoes, wind, sun, and reptiles, and risking death from hunger and thirst.\nThis is a drawback of sensual pleasures apparent in the present life, a mass of suffering caused by sensual pleasures."}},{"id":"mn13:9","sourceIds":["mn13:9.1","mn13:9.2","mn13:9.3","mn13:9.4"],"kind":"text","text":{"pi":"Tassa ce, bhikkhave, kulaputtassa evaṁ uṭṭhahato ghaṭato vāyamato te bhogā nābhinipphajjanti.\nSo socati kilamati paridevati urattāḷiṁ kandati, sammohaṁ āpajjati:\n‘moghaṁ vata me uṭṭhānaṁ, aphalo vata me vāyāmo’ti.\nAyampi, bhikkhave, kāmānaṁ ādīnavo sandiṭṭhiko dukkhakkhandho kāmahetu kāmanidānaṁ kāmādhikaraṇaṁ kāmānameva hetu.","en":"That gentleman might try hard, strive, and make an effort, but fail to accrue riches.\nIf this happens, they sorrow and wail and lament, beating their breast and falling into confusion, saying:\n‘Oh, my hard work is wasted. My efforts are fruitless!’\nThis too is a drawback of sensual pleasures apparent in the present life, a mass of suffering caused by sensual pleasures."}},{"id":"mn13:10","sourceIds":["mn13:10.1","mn13:10.2","mn13:10.3","mn13:10.4","mn13:10.5","mn13:10.6","mn13:10.7"],"kind":"text","text":{"pi":"Tassa ce, bhikkhave, kulaputtassa evaṁ uṭṭhahato ghaṭato vāyamato te bhogā abhinipphajjanti.\nSo tesaṁ bhogānaṁ ārakkhādhikaraṇaṁ dukkhaṁ domanassaṁ paṭisaṁvedeti:\n‘kinti me bhoge neva rājāno hareyyuṁ, na corā hareyyuṁ, na aggi daheyya, na udakaṁ vaheyya, na appiyā dāyādā hareyyun’ti.\nTassa evaṁ ārakkhato gopayato te bhoge rājāno vā haranti, corā vā haranti, aggi vā dahati, udakaṁ vā vahati, appiyā vā dāyādā haranti.\nSo socati kilamati paridevati urattāḷiṁ kandati, sammohaṁ āpajjati:\n‘yampi me ahosi tampi no natthī’ti.\nAyampi, bhikkhave, kāmānaṁ ādīnavo sandiṭṭhiko, dukkhakkhandho kāmahetu kāmanidānaṁ kāmādhikaraṇaṁ kāmānameva hetu.","en":"That gentleman might try hard, strive, and make an effort, and succeed in accruing riches.\nBut they experience pain and sadness when they try to protect it, thinking:\n‘How can I prevent my wealth from being taken by rulers or bandits, consumed by fire, swept away by flood, or taken by unloved heirs?’\nAnd even though they protect it and ward it, rulers or bandits take it, or fire consumes it, or flood sweeps it away, or unloved heirs take it.\nThey sorrow and wail and lament, beating their breast and falling into confusion:\n‘What once was mine is gone.’\nThis too is a drawback of sensual pleasures apparent in the present life, a mass of suffering caused by sensual pleasures."}},{"id":"mn13:11","sourceIds":["mn13:11.1","mn13:11.2","mn13:11.3","mn13:11.4"],"kind":"text","text":{"pi":"Puna caparaṁ, bhikkhave, kāmahetu kāmanidānaṁ kāmādhikaraṇaṁ kāmānameva hetu rājānopi rājūhi vivadanti, khattiyāpi khattiyehi vivadanti, brāhmaṇāpi brāhmaṇehi vivadanti, gahapatīpi gahapatīhi vivadanti, mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati.\nTe tattha kalahaviggahavivādāpannā aññamaññaṁ pāṇīhipi upakkamanti, leḍḍūhipi upakkamanti, daṇḍehipi upakkamanti, satthehipi upakkamanti.\nTe tattha maraṇampi nigacchanti, maraṇamattampi dukkhaṁ.\nAyampi, bhikkhave, kāmānaṁ ādīnavo sandiṭṭhiko, dukkhakkhandho kāmahetu kāmanidānaṁ kāmādhikaraṇaṁ kāmānameva hetu.","en":"Furthermore, for the sake of sensual pleasures kings fight with kings, aristocrats fight with aristocrats, brahmins fight with brahmins, and householders fight with householders. A mother fights with her child, child with mother, father with child, and child with father. Brother fights with brother, brother with sister, sister with brother, and friend fights with friend.\nOnce they’ve started quarreling, arguing, and disputing, they attack each other with fists, stones, rods, and swords,\nresulting in death and deadly pain.\nThis too is a drawback of sensual pleasures apparent in the present life, a mass of suffering caused by sensual pleasures."}},{"id":"mn13:12","sourceIds":["mn13:12.1","mn13:12.2","mn13:12.3","mn13:12.4"],"kind":"text","text":{"pi":"Puna caparaṁ, bhikkhave, kāmahetu kāmanidānaṁ kāmādhikaraṇaṁ kāmānameva hetu asicammaṁ gahetvā, dhanukalāpaṁ sannayhitvā, ubhatobyūḷhaṁ saṅgāmaṁ pakkhandanti usūsupi khippamānesu, sattīsupi khippamānāsu, asīsupi vijjotalantesu.\nTe tattha usūhipi vijjhanti, sattiyāpi vijjhanti, asināpi sīsaṁ chindanti.\nTe tattha maraṇampi nigacchanti, maraṇamattampi dukkhaṁ.\nAyampi, bhikkhave, kāmānaṁ ādīnavo sandiṭṭhiko, dukkhakkhandho kāmahetu kāmanidānaṁ kāmādhikaraṇaṁ kāmānameva hetu.","en":"Furthermore, for the sake of sensual pleasures they don their sword and shield, fasten their bow and arrows, and plunge into a battle massed on both sides, with arrows and spears flying and swords flashing.\nThere they are struck with arrows and spears, and their heads are chopped off,\nresulting in death and deadly pain.\nThis too is a drawback of sensual pleasures apparent in the present life, a mass of suffering caused by sensual pleasures."}},{"id":"mn13:13","sourceIds":["mn13:13.1","mn13:13.2","mn13:13.3","mn13:13.4"],"kind":"text","text":{"pi":"Puna caparaṁ, bhikkhave, kāmahetu kāmanidānaṁ kāmādhikaraṇaṁ kāmānameva hetu asicammaṁ gahetvā, dhanukalāpaṁ sannayhitvā, addāvalepanā upakāriyo pakkhandanti usūsupi khippamānesu, sattīsupi khippamānāsu, asīsupi vijjotalantesu.\nTe tattha usūhipi vijjhanti, sattiyāpi vijjhanti, chakaṇakāyapi osiñcanti, abhivaggenapi omaddanti, asināpi sīsaṁ chindanti.\nTe tattha maraṇampi nigacchanti, maraṇamattampi dukkhaṁ.\nAyampi, bhikkhave, kāmānaṁ ādīnavo sandiṭṭhiko, dukkhakkhandho kāmahetu kāmanidānaṁ kāmādhikaraṇaṁ kāmānameva hetu.","en":"Furthermore, for the sake of sensual pleasures they don their sword and shield, fasten their bow and arrows, and charge wetly plastered bastions, with arrows and spears flying and swords flashing.\nThere they are struck with arrows and spears, splashed with dung, crushed by a superior force, and their heads are chopped off,\nresulting in death and deadly pain.\nThis too is a drawback of sensual pleasures apparent in the present life, a mass of suffering caused by sensual pleasures."}},{"id":"mn13:14","sourceIds":["mn13:14.1","mn13:14.2","mn13:14.3","mn13:14.4","mn13:14.5"],"kind":"text","text":{"pi":"Puna caparaṁ, bhikkhave, kāmahetu kāmanidānaṁ kāmādhikaraṇaṁ kāmānameva hetu sandhimpi chindanti, nillopampi haranti, ekāgārikampi karonti, paripanthepi tiṭṭhanti, paradārampi gacchanti.\nTamenaṁ rājāno gahetvā vividhā kammakāraṇā kārenti—\nkasāhipi tāḷenti, vettehipi tāḷenti, aḍḍhadaṇḍakehipi tāḷenti; hatthampi chindanti, pādampi chindanti, hatthapādampi chindanti, kaṇṇampi chindanti, nāsampi chindanti, kaṇṇanāsampi chindanti; bilaṅgathālikampi karonti, saṅkhamuṇḍikampi karonti, rāhumukhampi karonti, jotimālikampi karonti, hatthapajjotikampi karonti, erakavattikampi karonti, cīrakavāsikampi karonti, eṇeyyakampi karonti, baḷisamaṁsikampi karonti, kahāpaṇikampi karonti, khārāpatacchikampi karonti, palighaparivattikampi karonti, palālapīṭhakampi karonti, tattenapi telena osiñcanti, sunakhehipi khādāpenti, jīvantampi sūle uttāsenti, asināpi sīsaṁ chindanti.\nTe tattha maraṇampi nigacchanti, maraṇamattampi dukkhaṁ.\nAyampi, bhikkhave, kāmānaṁ ādīnavo sandiṭṭhiko, dukkhakkhandho kāmahetu kāmanidānaṁ kāmādhikaraṇaṁ kāmānameva hetu.","en":"Furthermore, for the sake of sensual pleasures they break into houses, plunder wealth, steal from isolated buildings, commit highway robbery, and commit adultery.\nThe rulers would arrest them and subject them to various punishments—\nwhipping, caning, and clubbing; cutting off hands or feet, or both; cutting off ears or nose, or both; the ‘porridge pot’, the ‘shell-shave’, the ‘Rāhu’s mouth’, the ‘garland of fire’, the ‘burning hand’, the ‘bulrush twist’, the ‘bark dress’, the ‘antelope’, the ‘meat hook’, the ‘coins’, the ‘caustic pickle’, the ‘twisting bar’, the ‘straw mat’; being splashed with hot oil, being fed to the hounds, being impaled alive, and being beheaded.\nThese result in death and deadly pain.\nThis too is a drawback of sensual pleasures apparent in the present life, a mass of suffering caused by sensual pleasures."}},{"id":"mn13:15","sourceIds":["mn13:15.1","mn13:15.2","mn13:15.3"],"kind":"text","text":{"pi":"Puna caparaṁ, bhikkhave, kāmahetu kāmanidānaṁ kāmādhikaraṇaṁ kāmānameva hetu kāyena duccaritaṁ caranti, vācāya duccaritaṁ caranti, manasā duccaritaṁ caranti.\nTe kāyena duccaritaṁ caritvā, vācāya duccaritaṁ caritvā, manasā duccaritaṁ caritvā, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.\nAyampi, bhikkhave, kāmānaṁ ādīnavo samparāyiko, dukkhakkhandho kāmahetu kāmanidānaṁ kāmādhikaraṇaṁ kāmānameva hetu.","en":"Furthermore, for the sake of sensual pleasures, they conduct themselves badly by way of body, speech, and mind.\nWhen their body breaks up, after death, they’re reborn in a place of loss, a bad place, the underworld, hell.\nThis is a drawback of sensual pleasures to do with lives to come, a mass of suffering caused by sensual pleasures."}},{"id":"mn13:16","sourceIds":["mn13:16.1","mn13:16.2"],"kind":"text","text":{"pi":"Kiñca, bhikkhave, kāmānaṁ nissaraṇaṁ?\nYo kho, bhikkhave, kāmesu chandarāgavinayo chandarāgappahānaṁ—idaṁ kāmānaṁ nissaraṇaṁ.","en":"And what is the escape from sensual pleasures?\nRemoving and giving up desire and greed for sensual pleasures: this is the escape from sensual pleasures."}},{"id":"mn13:17","sourceIds":["mn13:17.1","mn13:17.2"],"kind":"text","text":{"pi":"Ye hi keci, bhikkhave, samaṇā vā brāhmaṇā vā evaṁ kāmānaṁ assādañca assādato ādīnavañca ādīnavato nissaraṇañca nissaraṇato yathābhūtaṁ nappajānanti te vata sāmaṁ vā kāme parijānissanti, paraṁ vā tathattāya samādapessanti yathā paṭipanno kāme parijānissatīti—netaṁ ṭhānaṁ vijjati.\nYe ca kho keci, bhikkhave, samaṇā vā brāhmaṇā vā evaṁ kāmānaṁ assādañca assādato ādīnavañca ādīnavato nissaraṇañca nissaraṇato yathābhūtaṁ pajānanti, te vata sāmaṁ vā kāme parijānissanti paraṁ vā tathattāya samādapessanti yathā paṭipanno kāme parijānissatīti—ṭhānametaṁ vijjati.","en":"There are ascetics and brahmins who don’t truly understand sensual pleasures’ gratification, drawback, and escape in this way for what they are. It’s impossible for them to completely understand sensual pleasures themselves, or to instruct another so that, practicing accordingly, they will completely understand sensual pleasures.\nThere are ascetics and brahmins who do truly understand sensual pleasures’ gratification, drawback, and escape in this way for what they are. It is possible for them to completely understand sensual pleasures themselves, or to instruct another so that, practicing accordingly, they will completely understand sensual pleasures."}},{"id":"mn13:18","sourceIds":["mn13:18.1","mn13:18.2","mn13:18.3","mn13:18.4","mn13:18.5"],"kind":"text","text":{"pi":"Ko ca, bhikkhave, rūpānaṁ assādo?\nSeyyathāpi, bhikkhave, khattiyakaññā vā brāhmaṇakaññā vā gahapatikaññā vā pannarasavassuddesikā vā soḷasavassuddesikā vā, nātidīghā nātirassā nātikisā nātithūlā nātikāḷī nāccodātā paramā sā, bhikkhave, tasmiṁ samaye subhā vaṇṇanibhāti?\n‘Evaṁ, bhante’.\nYaṁ kho, bhikkhave, subhaṁ vaṇṇanibhaṁ paṭicca uppajjati sukhaṁ somanassaṁ—\nayaṁ rūpānaṁ assādo.","en":"And what is the gratification of forms?\nSuppose there was a girl of the brahmins, aristocrats, or householders in her fifteenth or sixteenth year, neither too tall nor too short, neither too thin nor too fat, neither too dark nor too fair. Is she not at the height of her beauty and prettiness?”\n“Yes, sir.”\n“The pleasure and happiness that arise from this beauty and prettiness\nis the gratification of forms."}},{"id":"mn13:19","sourceIds":["mn13:19.1","mn13:19.2","mn13:19.3","mn13:19.4","mn13:19.5","mn13:19.6"],"kind":"text","text":{"pi":"Ko ca, bhikkhave, rūpānaṁ ādīnavo?\nIdha, bhikkhave, tameva bhaginiṁ passeyya aparena samayena āsītikaṁ vā nāvutikaṁ vā vassasatikaṁ vā jātiyā, jiṇṇaṁ gopānasivaṅkaṁ bhoggaṁ daṇḍaparāyanaṁ pavedhamānaṁ gacchantiṁ āturaṁ gatayobbanaṁ khaṇḍadantaṁ palitakesaṁ, vilūnaṁ khalitasiraṁ valinaṁ tilakāhatagattaṁ.\nTaṁ kiṁ maññatha, bhikkhave,\nyā purimā subhā vaṇṇanibhā sā antarahitā, ādīnavo pātubhūtoti?\n‘Evaṁ, bhante’.\nAyampi, bhikkhave, rūpānaṁ ādīnavo.","en":"And what is the drawback of forms?\nSuppose that some time later you were to see that same sister—eighty, ninety, or a hundred years old—bent double, crooked, leaning on a staff, trembling as they walk, ailing, past their prime, with teeth broken, hair grey and scanty or bald, skin wrinkled, and limbs blotchy.\nWhat do you think, mendicants?\nHas not that former beauty vanished and the drawback become clear?”\n“Yes, sir.”\n“This is the drawback of forms."}},{"id":"mn13:20","sourceIds":["mn13:20.1","mn13:20.2","mn13:20.3","mn13:20.4","mn13:20.5"],"kind":"text","text":{"pi":"Puna caparaṁ, bhikkhave, tameva bhaginiṁ passeyya ābādhikaṁ dukkhitaṁ bāḷhagilānaṁ, sake muttakarīse palipannaṁ semānaṁ, aññehi vuṭṭhāpiyamānaṁ, aññehi saṁvesiyamānaṁ.\nTaṁ kiṁ maññatha, bhikkhave,\nyā purimā subhā vaṇṇanibhā sā antarahitā, ādīnavo pātubhūtoti?\n‘Evaṁ, bhante’.\nAyampi, bhikkhave, rūpānaṁ ādīnavo.","en":"Furthermore, suppose that you were to see that same sister sick, suffering, gravely ill, collapsed in her own urine and feces, being picked up by some and put down by others.\nWhat do you think, mendicants?\nHas not that former beauty vanished and the drawback become clear?”\n“Yes, sir.”\n“This too is the drawback of forms."}},{"id":"mn13:21","sourceIds":["mn13:21.1","mn13:21.2","mn13:21.3","mn13:21.4","mn13:21.5","mn13:21.6"],"kind":"text","text":{"pi":"Puna caparaṁ, bhikkhave, tameva bhaginiṁ passeyya sarīraṁ sivathikāya chaḍḍitaṁ—\nekāhamataṁ vā dvīhamataṁ vā tīhamataṁ vā, uddhumātakaṁ vinīlakaṁ vipubbakajātaṁ.\nTaṁ kiṁ maññatha, bhikkhave,\nyā purimā subhā vaṇṇanibhā sā antarahitā, ādīnavo pātubhūtoti?\n‘Evaṁ, bhante’.\nAyampi, bhikkhave, rūpānaṁ ādīnavo.","en":"Furthermore, suppose that you were to see that same sister as a corpse discarded in a charnel ground. And it had been dead for one, two, or three days, bloated, livid, and festering.\nWhat do you think, mendicants?\nHas not that former beauty vanished and the drawback become clear?”\n“Yes, sir.”\n“This too is the drawback of forms."}},{"id":"mn13:22","sourceIds":["mn13:22.1","mn13:22.2","mn13:22.3","mn13:22.4","mn13:22.5"],"kind":"text","text":{"pi":"Puna caparaṁ, bhikkhave, tameva bhaginiṁ passeyya sarīraṁ sivathikāya chaḍḍitaṁ—\nkākehi vā khajjamānaṁ, kulalehi vā khajjamānaṁ, gijjhehi vā khajjamānaṁ, kaṅkehi vā khajjamānaṁ, sunakhehi vā khajjamānaṁ, byagghehi vā khajjamānaṁ, dīpīhi vā khajjamānaṁ, siṅgālehi vā khajjamānaṁ, vividhehi vā pāṇakajātehi khajjamānaṁ.\nTaṁ kiṁ maññatha, bhikkhave, yā purimā subhā vaṇṇanibhā sā antarahitā, ādīnavo pātubhūtoti?\n‘Evaṁ, bhante’.\nAyampi, bhikkhave, rūpānaṁ ādīnavo.","en":"Furthermore, suppose that you were to see that same sister as a corpse discarded in a charnel ground. And it was being devoured by crows, hawks, vultures, herons, hounds, tigers, leopards, jackals, and many kinds of little creatures …"}},{"id":"mn13:23-28","sourceIds":["mn13:23-28.1","mn13:23-28.2","mn13:23-28.3","mn13:23-28.4","mn13:23-28.5","mn13:23-28.6"],"kind":"text","text":{"pi":"Puna caparaṁ, bhikkhave, tameva bhaginiṁ passeyya sarīraṁ sivathikāya chaḍḍitaṁ—\naṭṭhikasaṅkhalikaṁ samaṁsalohitaṁ nhārusambandhaṁ, aṭṭhikasaṅkhalikaṁ nimaṁsalohitamakkhitaṁ nhārusambandhaṁ, aṭṭhikasaṅkhalikaṁ apagatamaṁsalohitaṁ nhārusambandhaṁ, aṭṭhikāni apagatasambandhāni disāvidisāvikkhittāni—\naññena hatthaṭṭhikaṁ, aññena pādaṭṭhikaṁ, aññena gopphakaṭṭhikaṁ, aññena jaṅghaṭṭhikaṁ, aññena ūruṭṭhikaṁ, aññena kaṭiṭṭhikaṁ, aññena phāsukaṭṭhikaṁ, aññena piṭṭhiṭṭhikaṁ, aññena khandhaṭṭhikaṁ, aññena gīvaṭṭhikaṁ, aññena hanukaṭṭhikaṁ, aññena dantaṭṭhikaṁ, aññena sīsakaṭāhaṁ.\nTaṁ kiṁ maññatha, bhikkhave, yā purimā subhā vaṇṇanibhā sā antarahitā, ādīnavo pātubhūtoti?\n‘Evaṁ, bhante’.\nAyampi, bhikkhave, rūpānaṁ ādīnavo.","en":"Furthermore, suppose that you were to see that same sister as a corpse discarded in a charnel ground.\nAnd it had been reduced to a skeleton with flesh and blood, held together by sinews … A skeleton rid of flesh but smeared with blood, and held together by sinews … A skeleton rid of flesh and blood, held together by sinews …\nBones rid of sinews scattered in every direction. Here a hand-bone, there a foot-bone, here an ankle bone, there a shin-bone, here a thigh-bone, there a hip-bone, here a rib-bone, there a back-bone, here an arm-bone, there a neck-bone, here a jaw-bone, there a tooth, here the skull. …"}},{"id":"mn13:29","sourceIds":["mn13:29.1","mn13:29.2","mn13:29.3","mn13:29.4","mn13:29.5","mn13:29.6"],"kind":"text","text":{"pi":"Puna caparaṁ, bhikkhave, tameva bhaginiṁ passeyya sarīraṁ sivathikāya chaḍḍitaṁ—\naṭṭhikāni setāni saṅkhavaṇṇapaṭibhāgāni, aṭṭhikāni puñjakitāni terovassikāni, aṭṭhikāni pūtīni cuṇṇakajātāni.\nTaṁ kiṁ maññatha, bhikkhave,\nyā purimā subhā vaṇṇanibhā sā antarahitā, ādīnavo pātubhūtoti?\n‘Evaṁ, bhante’.\nAyampi, bhikkhave, rūpānaṁ ādīnavo.","en":"Furthermore, suppose that you were to see that same sister as a corpse discarded in a charnel ground.\nAnd it had been reduced to white bones, the color of shells … Decrepit bones, heaped in a pile … Bones rotted and crumbled to powder.\nWhat do you think, mendicants?\nHas not that former beauty vanished and the drawback become clear?”\n“Yes, sir.”\n“This too is the drawback of forms."}},{"id":"mn13:30","sourceIds":["mn13:30.1","mn13:30.2"],"kind":"text","text":{"pi":"Kiñca, bhikkhave, rūpānaṁ nissaraṇaṁ?\nYo, bhikkhave, rūpesu chandarāgavinayo chandarāgappahānaṁ—idaṁ rūpānaṁ nissaraṇaṁ.","en":"And what is the escape from forms?\nRemoving and giving up desire and greed for forms: this is the escape from forms."}},{"id":"mn13:31","sourceIds":["mn13:31.1","mn13:31.2"],"kind":"text","text":{"pi":"Ye hi keci, bhikkhave, samaṇā vā brāhmaṇā vā evaṁ rūpānaṁ assādañca assādato ādīnavañca ādīnavato nissaraṇañca nissaraṇato yathābhūtaṁ nappajānanti te vata sāmaṁ vā rūpe parijānissanti, paraṁ vā tathattāya samādapessanti yathā paṭipanno rūpe parijānissatīti—netaṁ ṭhānaṁ vijjati.\nYe ca kho keci, bhikkhave, samaṇā vā brāhmaṇā vā evaṁ rūpānaṁ assādañca assādato ādīnavañca ādīnavato nissaraṇañca nissaraṇato yathābhūtaṁ pajānanti te vata sāmaṁ vā rūpe parijānissanti paraṁ vā tathattāya samādapessanti yathā paṭipanno rūpe parijānissatīti—ṭhānametaṁ vijjati.","en":"There are ascetics and brahmins who don’t truly understand forms’ gratification, drawback, and escape in this way for what they are. It’s impossible for them to completely understand forms themselves, or to instruct another so that, practicing accordingly, they will completely understand forms.\nThere are ascetics and brahmins who do truly understand forms’ gratification, drawback, and escape in this way for what they are. It is possible for them to completely understand forms themselves, or to instruct another so that, practicing accordingly, they will completely understand forms."}},{"id":"mn13:32","sourceIds":["mn13:32.1","mn13:32.2","mn13:32.3","mn13:32.4","mn13:32.5"],"kind":"text","text":{"pi":"Ko ca, bhikkhave, vedanānaṁ assādo?\nIdha, bhikkhave, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.\nYasmiṁ samaye, bhikkhave, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati, neva tasmiṁ samaye attabyābādhāyapi ceteti, na parabyābādhāyapi ceteti, na ubhayabyābādhāyapi ceteti;\nabyābajjhaṁyeva tasmiṁ samaye vedanaṁ vedeti.\nAbyābajjhaparamāhaṁ, bhikkhave, vedanānaṁ assādaṁ vadāmi.","en":"And what is the gratification of feelings?\nIt’s when a mendicant, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nAt that time a mendicant doesn’t intend to hurt themselves, hurt others, or hurt both;\nthey feel only feelings that are not hurtful.\nFreedom from being hurt is the ultimate gratification of feelings, I say."}},{"id":"mn13:33-35","sourceIds":["mn13:33-35.1","mn13:33-35.2","mn13:33-35.3","mn13:33-35.4","mn13:33-35.5"],"kind":"text","text":{"pi":"Puna caparaṁ, bhikkhave, bhikkhu vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati …pe…\nyasmiṁ samaye, bhikkhave, bhikkhu pītiyā ca virāgā, upekkhako ca viharati, sato ca sampajāno sukhañca kāyena paṭisaṁvedeti yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharati …pe…\nyasmiṁ samaye, bhikkhave, bhikkhu sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati, neva tasmiṁ samaye attabyābādhāyapi ceteti, na parabyābādhāyapi ceteti, na ubhayabyābādhāyapi ceteti;\nabyābajjhaṁyeva tasmiṁ samaye vedanaṁ vedeti.\nAbyābajjhaparamāhaṁ, bhikkhave, vedanānaṁ assādaṁ vadāmi.","en":"Furthermore, a mendicant enters and remains in the second absorption …\nthird absorption …\nfourth absorption. At that time a mendicant doesn’t intend to hurt themselves, hurt others, or hurt both;\nthey feel only feelings that are not hurtful.\nFreedom from being hurt is the ultimate gratification of feelings, I say."}},{"id":"mn13:36","sourceIds":["mn13:36.1","mn13:36.2"],"kind":"text","text":{"pi":"Ko ca, bhikkhave, vedanānaṁ ādīnavo?\nYaṁ, bhikkhave, vedanā aniccā dukkhā vipariṇāmadhammā—ayaṁ vedanānaṁ ādīnavo.","en":"And what is the drawback of feelings?\nThat feelings are impermanent, suffering, and perishable: this is their drawback."}},{"id":"mn13:37","sourceIds":["mn13:37.1","mn13:37.2"],"kind":"text","text":{"pi":"Kiñca, bhikkhave, vedanānaṁ nissaraṇaṁ?\nYo, bhikkhave, vedanāsu chandarāgavinayo, chandarāgappahānaṁ—idaṁ vedanānaṁ nissaraṇaṁ.","en":"And what is the escape from feelings?\nRemoving and giving up desire and greed for feelings: this is the escape from feelings."}},{"id":"mn13:38","sourceIds":["mn13:38.1","mn13:38.2","mn13:38.3","mn13:38.4","mn13:38.5"],"kind":"text","text":{"pi":"Ye hi keci, bhikkhave, samaṇā vā brāhmaṇā vā evaṁ vedanānaṁ assādañca assādato ādīnavañca ādīnavato nissaraṇañca nissaraṇato yathābhūtaṁ nappajānanti, te vata sāmaṁ vā vedanaṁ parijānissanti, paraṁ vā tathattāya samādapessanti yathā paṭipanno vedanaṁ parijānissatīti—netaṁ ṭhānaṁ vijjati.\nYe ca kho keci, bhikkhave, samaṇā vā brāhmaṇā vā evaṁ vedanānaṁ assādañca assādato ādīnavañca ādīnavato nissaraṇañca nissaraṇato yathābhūtaṁ pajānanti te vata sāmaṁ vā vedanaṁ parijānissanti, paraṁ vā tathattāya samādapessanti yathā paṭipanno vedanaṁ parijānissatīti—ṭhānametaṁ vijjatī”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nMahādukkhakkhandhasuttaṁ niṭṭhitaṁ tatiyaṁ.","en":"There are ascetics and brahmins who don’t truly understand feelings’ gratification, drawback, and escape in this way for what they are. It’s impossible for them to completely understand feelings themselves, or to instruct another so that, practicing accordingly, they will completely understand feelings.\nThere are ascetics and brahmins who do truly understand feelings’ gratification, drawback, and escape in this way for what they are. It is possible for them to completely understand feelings themselves, or to instruct another so that, practicing accordingly, they will completely understand feelings.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn13/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}