{"id":"mn132","title":"Ānanda and One Fine Night","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn132","title":"Ānanda and One Fine Night","units":[{"id":"mn132:0","sourceIds":["mn132:0.1","mn132:0.2"],"kind":"text","text":{"pi":"Majjhima Nikāya 132\nĀnandabhaddekarattasutta","en":"Middle Discourses 132\nĀnanda and One Fine Night"}},{"id":"mn132:1","sourceIds":["mn132:1.1","mn132:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn132:2","sourceIds":["mn132:2.1","mn132:2.2","mn132:2.3","mn132:2.4","mn132:2.5","mn132:2.6","mn132:2.7"],"kind":"text","text":{"pi":"Tena kho pana samayena āyasmā ānando upaṭṭhānasālāyaṁ bhikkhūnaṁ dhammiyā kathāya sandasseti samādapeti samuttejeti sampahaṁseti, bhaddekarattassa uddesañca vibhaṅgañca bhāsati.\nAtha kho bhagavā sāyanhasamayaṁ paṭisallānā vuṭṭhito yenupaṭṭhānasālā tenupasaṅkami; upasaṅkamitvā paññatte āsane nisīdi.\nNisajja kho bhagavā bhikkhū āmantesi:\n“ko nu kho, bhikkhave, upaṭṭhānasālāyaṁ bhikkhūnaṁ dhammiyā kathāya sandassesi samādapesi samuttejesi sampahaṁsesi, bhaddekarattassa uddesañca vibhaṅgañca abhāsī”ti?\n“Āyasmā, bhante, ānando upaṭṭhānasālāyaṁ bhikkhūnaṁ dhammiyā kathāya sandassesi samādapesi samuttejesi sampahaṁsesi, bhaddekarattassa uddesañca vibhaṅgañca abhāsī”ti.\nAtha kho bhagavā āyasmantaṁ ānandaṁ āmantesi:\n“yathā kathaṁ pana tvaṁ, ānanda, bhikkhūnaṁ dhammiyā kathāya sandassesi samādapesi samuttejesi sampahaṁsesi, bhaddekarattassa uddesañca vibhaṅgañca abhāsī”ti?","en":"Now at that time Venerable Ānanda was educating, encouraging, firing up, and inspiring the mendicants in the assembly hall with a Dhamma talk on the topic of the summary recital and the analysis of the one who has one fine night.\nThen in the late afternoon, the Buddha came out of retreat, went to the assembly hall, where he sat down on the seat spread out,\nand addressed the mendicants:\n“Who was inspiring the mendicants with a talk on the summary recital and the analysis of the one who has one fine night?”\n“It was Venerable Ānanda, sir.”\nThen the Buddha said to Venerable Ānanda,\n“But in what way were you inspiring the mendicants with a talk on the summary recital and the analysis of the one who has one fine night?”"}},{"id":"mn132:3","sourceIds":["mn132:3.1","mn132:3.2","mn132:3.3","mn132:3.4","mn132:3.5","mn132:3.6","mn132:3.7","mn132:3.8","mn132:3.9","mn132:3.10","mn132:3.11","mn132:3.12","mn132:3.13","mn132:3.14","mn132:3.15","mn132:3.16","mn132:3.17"],"kind":"text","text":{"pi":"“Evaṁ kho ahaṁ, bhante, bhikkhūnaṁ dhammiyā kathāya sandassesiṁ samādapesiṁ samuttejesiṁ sampahaṁsesiṁ, bhaddekarattassa uddesañca vibhaṅgañca abhāsiṁ—\nAtītaṁ nānvāgameyya,\nnappaṭikaṅkhe anāgataṁ;\nYadatītaṁ pahīnaṁ taṁ,\nappattañca anāgataṁ.\nPaccuppannañca yo dhammaṁ,\ntattha tattha vipassati;\nAsaṁhīraṁ asaṅkuppaṁ,\ntaṁ vidvā manubrūhaye.\nAjjeva kiccamātappaṁ,\nko jaññā maraṇaṁ suve;\nNa hi no saṅgaraṁ tena,\nmahāsenena maccunā.\nEvaṁvihāriṁ ātāpiṁ,\nahorattamatanditaṁ;\nTaṁ ve bhaddekarattoti,\nsanto ācikkhate muni.","en":"“I was doing so in this way, sir,” replied Ānanda.\n“Don’t run back to the past,\ndon’t anticipate the future.\nWhat’s past is left behind,\nthe future has not arrived;\nand any present phenomenon\nyou clearly discern in every case.\nThe unfaltering, the unshakable:\nhaving known that, foster it.\nToday’s the day to keenly work—\nwho knows, tomorrow may bring death!\nFor there is no bargain to be struck\nwith Death and his mighty horde.\nOne who keenly meditates like this,\ntireless all night and day:\nthat’s who has one fine night—\nso declares the peaceful sage."}},{"id":"mn132:4","sourceIds":["mn132:4.1","mn132:4.2","mn132:4.3"],"kind":"text","text":{"pi":"‘Kathañca, āvuso, atītaṁ anvāgameti?\nEvaṁrūpo ahosiṁ atītamaddhānanti tattha nandiṁ samanvāneti, evaṁvedano ahosiṁ atītamaddhānanti tattha nandiṁ samanvāneti, evaṁsañño ahosiṁ atītamaddhānanti tattha nandiṁ samanvāneti, evaṁsaṅkhāro ahosiṁ atītamaddhānanti tattha nandiṁ samanvāneti, evaṁviññāṇo ahosiṁ atītamaddhānanti tattha nandiṁ samanvāneti—\nevaṁ kho, āvuso, atītaṁ anvāgameti.","en":"And how do you run back to the past? …"}},{"id":"mn132:5","sourceIds":["mn132:5.1","mn132:5.2","mn132:5.3"],"kind":"text","text":{"pi":"Kathañca, āvuso, atītaṁ nānvāgameti?\nEvaṁrūpo ahosiṁ atītamaddhānanti tattha nandiṁ na samanvāneti, evaṁvedano ahosiṁ atītamaddhānanti tattha nandiṁ na samanvāneti, evaṁsañño ahosiṁ atītamaddhānanti tattha nandiṁ na samanvāneti, evaṁsaṅkhāro ahosiṁ atītamaddhānanti tattha nandiṁ na samanvāneti, evaṁviññāṇo ahosiṁ atītamaddhānanti tattha nandiṁ na samanvāneti—\nevaṁ kho, āvuso, atītaṁ nānvāgameti.","en":"And how do you not run back to the past? …"}},{"id":"mn132:6","sourceIds":["mn132:6.1","mn132:6.2","mn132:6.3","mn132:6.4","mn132:6.5","mn132:6.6"],"kind":"text","text":{"pi":"Kathañca, āvuso, anāgataṁ paṭikaṅkhati?\nEvaṁrūpo siyaṁ anāgatamaddhānanti tattha nandiṁ samanvāneti, evaṁvedano siyaṁ …pe…\nevaṁsañño siyaṁ …\nevaṁsaṅkhāro siyaṁ …\nevaṁviññāṇo siyaṁ anāgatamaddhānanti tattha nandiṁ samanvāneti—\nevaṁ kho, āvuso, anāgataṁ paṭikaṅkhati.","en":"And how do you anticipate the future? …"}},{"id":"mn132:7","sourceIds":["mn132:7.1","mn132:7.2","mn132:7.3","mn132:7.4","mn132:7.5","mn132:7.6"],"kind":"text","text":{"pi":"Kathañca, āvuso, anāgataṁ nappaṭikaṅkhati?\nEvaṁrūpo siyaṁ anāgatamaddhānanti tattha nandiṁ na samanvāneti, evaṁvedano siyaṁ …pe…\nevaṁsañño siyaṁ …\nevaṁsaṅkhāro siyaṁ …\nevaṁviññāṇo siyaṁ anāgatamaddhānanti tattha nandiṁ na samanvāneti—\nevaṁ kho, āvuso, anāgataṁ nappaṭikaṅkhati.","en":"And how do you not anticipate the future? …"}},{"id":"mn132:8","sourceIds":["mn132:8.1","mn132:8.2","mn132:8.3","mn132:8.4","mn132:8.5","mn132:8.6","mn132:8.7","mn132:8.8"],"kind":"text","text":{"pi":"Kathañca, āvuso, paccuppannesu dhammesu saṁhīrati?\nIdha, āvuso, assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto\nrūpaṁ attato samanupassati, rūpavantaṁ vā attānaṁ, attani vā rūpaṁ, rūpasmiṁ vā attānaṁ;\nvedanaṁ …\nsaññaṁ …\nsaṅkhāre …\nviññāṇaṁ attato samanupassati, viññāṇavantaṁ vā attānaṁ, attani vā viññāṇaṁ, viññāṇasmiṁ vā attānaṁ—\nevaṁ kho, āvuso, paccuppannesu dhammesu saṁhīrati.","en":"And how do you falter amid presently arisen phenomena? …"}},{"id":"mn132:9","sourceIds":["mn132:9.1","mn132:9.2","mn132:9.3","mn132:9.4","mn132:9.5","mn132:9.6","mn132:9.7","mn132:9.8"],"kind":"text","text":{"pi":"Kathañca, āvuso, paccuppannesu dhammesu na saṁhīrati?\nIdha, āvuso, sutavā ariyasāvako ariyānaṁ dassāvī ariyadhammassa kovido ariyadhamme suvinīto sappurisānaṁ dassāvī sappurisadhammassa kovido sappurisadhamme suvinīto\nna rūpaṁ attato samanupassati, na rūpavantaṁ vā attānaṁ, na attani vā rūpaṁ, na rūpasmiṁ vā attānaṁ;\nna vedanaṁ …\nna saññaṁ …\nna saṅkhāre …\nna viññāṇaṁ attato samanupassati, na viññāṇavantaṁ vā attānaṁ, na attani vā viññāṇaṁ, na viññāṇasmiṁ vā attānaṁ—\nevaṁ kho, āvuso, paccuppannesu dhammesu na saṁhīrati.","en":"And how do you not falter amid presently arisen phenomena? …\nThat’s how you don’t falter amid presently arisen phenomena."}},{"id":"mn132:10","sourceIds":["mn132:10.1","mn132:10.2","mn132:10.3","mn132:10.4","mn132:10.5","mn132:10.6","mn132:10.7","mn132:10.8","mn132:10.9","mn132:10.10","mn132:10.11","mn132:10.12","mn132:10.13","mn132:10.14","mn132:10.15","mn132:10.16"],"kind":"text","text":{"pi":"Atītaṁ nānvāgameyya,\nnappaṭikaṅkhe anāgataṁ;\nYadatītaṁ pahīnaṁ taṁ,\nappattañca anāgataṁ.\nPaccuppannañca yo dhammaṁ,\ntattha tattha vipassati;\nAsaṁhīraṁ asaṅkuppaṁ,\ntaṁ vidvā manubrūhaye.\nAjjeva kiccamātappaṁ,\nko jaññā maraṇaṁ suve;\nNa hi no saṅgaraṁ tena,\nmahāsenena maccunā.\nEvaṁvihāriṁ ātāpiṁ,\nahorattamatanditaṁ;\nTaṁ ve bhaddekarattoti,\nsanto ācikkhate munī’ti.","en":"‘Don’t run back to the past,\ndon’t anticipate the future. …\nthat’s who has one fine night—\nso declares the peaceful sage.’"}},{"id":"mn132:11","sourceIds":["mn132:11.1","mn132:11.2","mn132:11.3"],"kind":"text","text":{"pi":"Evaṁ kho ahaṁ, bhante, bhikkhūnaṁ dhammiyā kathāya sandassesiṁ samādapesiṁ samuttejesiṁ sampahaṁsesiṁ, bhaddekarattassa uddesañca vibhaṅgañca abhāsin”ti.\n“Sādhu sādhu, ānanda.\nSādhu kho tvaṁ, ānanda, bhikkhūnaṁ dhammiyā kathāya sandassesi samādapesi samuttejesi sampahaṁsesi, bhaddekarattassa uddesañca vibhaṅgañca abhāsi:","en":"That’s how I was inspiring the mendicants with a talk on the summary recital and the analysis of the one who has one fine night.”\n“Good, good, Ānanda.\nIt’s good that you were inspiring the mendicants with a talk on the summary recital and the analysis of the one who has one fine night.”"}},{"id":"mn132:12","sourceIds":["mn132:12.1","mn132:12.2","mn132:12.3","mn132:12.4"],"kind":"text","text":{"pi":"‘Atītaṁ nānvāgameyya,\n…pe…\nTaṁ ve bhaddekarattoti,\nsanto ācikkhate munī’ti."}},{"id":"mn132:13-19","sourceIds":["mn132:13-19.1","mn132:13-19.2","mn132:13-19.3","mn132:13-19.4","mn132:13-19.5","mn132:13-19.6","mn132:13-19.7","mn132:13-19.8","mn132:13-19.9","mn132:13-19.10","mn132:13-19.11","mn132:13-19.12","mn132:13-19.13","mn132:13-19.14","mn132:13-19.15","mn132:13-19.16","mn132:13-19.17","mn132:13-19.18","mn132:13-19.19"],"kind":"text","text":{"pi":"Kathañca, ānanda, atītaṁ anvāgameti …pe…\nevaṁ kho, ānanda, atītaṁ anvāgameti.\nKathañca, ānanda, atītaṁ nānvāgameti …pe…\nevaṁ kho, ānanda, atītaṁ nānvāgameti.\nKathañca, ānanda, anāgataṁ paṭikaṅkhati …pe…\nevaṁ kho, ānanda, anāgataṁ paṭikaṅkhati.\nKathañca, ānanda, anāgataṁ nappaṭikaṅkhati …pe…\nevaṁ kho, ānanda, anāgataṁ nappaṭikaṅkhati.\nKathañca, ānanda, paccuppannesu dhammesu saṁhīrati …pe…\nevaṁ kho, ānanda, paccuppannesu dhammesu saṁhīrati.\nKathañca, ānanda, paccuppannesu dhammesu na saṁhīrati …pe…\nevaṁ kho, ānanda, paccuppannesu dhammesu na saṁhīrati.\n‘Atītaṁ nānvāgameyya,\n…pe…\nTaṁ ve bhaddekarattoti,\nsanto ācikkhate munī’”ti.\nIdamavoca bhagavā.\nAttamano āyasmā ānando bhagavato bhāsitaṁ abhinandīti.\nĀnandabhaddekarattasuttaṁ niṭṭhitaṁ dutiyaṁ.","en":"And the Buddha repeated the verses and analysis once more.\nThat is what the Buddha said.\nSatisfied, Venerable Ānanda approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn132/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}