{"id":"mn135","title":"The Shorter Analysis of Deeds","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn135","title":"The Shorter Analysis of Deeds","units":[{"id":"mn135:0","sourceIds":["mn135:0.1","mn135:0.2"],"kind":"text","text":{"pi":"Majjhima Nikāya 135\nCūḷakammavibhaṅgasutta","en":"Middle Discourses 135\nThe Shorter Analysis of Deeds"}},{"id":"mn135:1","sourceIds":["mn135:1.1","mn135:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane, anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn135:2","sourceIds":["mn135:2.1","mn135:2.2"],"kind":"text","text":{"pi":"Atha kho subho māṇavo todeyyaputto yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho subho māṇavo todeyyaputto bhagavantaṁ etadavoca:","en":"Then the student Subha, Todeyya’s son, approached the Buddha, and exchanged greetings with him.\nWhen the greetings and polite conversation were over, he sat down to one side and said to the Buddha:"}},{"id":"mn135:3","sourceIds":["mn135:3.1","mn135:3.2","mn135:3.3","mn135:3.4","mn135:3.5","mn135:3.6","mn135:3.7","mn135:3.8","mn135:3.9"],"kind":"text","text":{"pi":"“Ko nu kho, bho gotama, hetu ko paccayo yena manussānaṁyeva sataṁ manussabhūtānaṁ dissanti hīnappaṇītatā?\nDissanti hi, bho gotama, manussā appāyukā, dissanti dīghāyukā;\ndissanti bavhābādhā, dissanti appābādhā;\ndissanti dubbaṇṇā, dissanti vaṇṇavanto;\ndissanti appesakkhā, dissanti mahesakkhā;\ndissanti appabhogā, dissanti mahābhogā;\ndissanti nīcakulīnā, dissanti uccākulīnā;\ndissanti duppaññā, dissanti paññavanto.\nKo nu kho, bho gotama, hetu ko paccayo yena manussānaṁyeva sataṁ manussabhūtānaṁ dissanti hīnappaṇītatā”ti?","en":"“What is the cause, worthy Gotama, what is the reason why even among those who are human beings some are seen to be inferior and superior?\nFor people are seen who are short-lived and long-lived,\nsickly and healthy,\nugly and beautiful,\ninsignificant and illustrious,\npoor and rich,\nfrom low and eminent families,\nwitless and wise.\nWhat is the reason why even among those who are human beings some are seen to be inferior and superior?”"}},{"id":"mn135:4","sourceIds":["mn135:4.1","mn135:4.2","mn135:4.3","mn135:4.4","mn135:4.5","mn135:4.6","mn135:4.7","mn135:4.8"],"kind":"text","text":{"pi":"“Kammassakā, māṇava, sattā kammadāyādā kammayonī kammabandhū kammappaṭisaraṇā.\nKammaṁ satte vibhajati yadidaṁ—\nhīnappaṇītatāyā”ti.\n“Na kho ahaṁ imassa bhoto gotamassa saṅkhittena bhāsitassa vitthārena atthaṁ avibhattassa vitthārena atthaṁ ājānāmi.\nSādhu me bhavaṁ gotamo tathā dhammaṁ desetu yathā ahaṁ imassa bhoto gotamassa saṅkhittena bhāsitassa vitthārena atthaṁ avibhattassa vitthārena atthaṁ ājāneyyan”ti.\n“Tena hi, māṇava, suṇāhi, sādhukaṁ manasi karohi; bhāsissāmī”ti.\n“Evaṁ, bho”ti kho subho māṇavo todeyyaputto bhagavato paccassosi.\nBhagavā etadavoca:","en":"“Student, sentient beings are the owners of their deeds and heir to their deeds. Deeds are their womb, their relative, and their refuge.\nIt is deeds that divide beings into\ninferior and superior.”\n“I don’t understand the meaning of what the worthy Gotama has said in brief, without explaining the details.\nWorthy Gotama, please teach me this matter in detail so I can understand the meaning.”\n“Well then, student, listen and apply your mind well, I will speak.”\n“Yes, worthy sir,” replied Subha.\nThe Buddha said this:"}},{"id":"mn135:5","sourceIds":["mn135:5.1","mn135:5.2","mn135:5.3","mn135:5.4","mn135:5.5"],"kind":"text","text":{"pi":"“Idha, māṇava, ekacco itthī vā puriso vā pāṇātipātī hoti luddo lohitapāṇi hatapahate niviṭṭho adayāpanno pāṇabhūtesu.\nSo tena kammena evaṁ samattena evaṁ samādinnena kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nNo ce kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, sace manussattaṁ āgacchati yattha yattha paccājāyati appāyuko hoti.\nAppāyukasaṁvattanikā esā, māṇava, paṭipadā yadidaṁ—\npāṇātipātī hoti luddo lohitapāṇi hatapahate niviṭṭho adayāpanno pāṇabhūtesu.","en":"“Take some woman or man who kills living creatures. They’re violent, bloody-handed, a hardened killer, merciless to living beings.\nBecause of undertaking such deeds, when their body breaks up, after death, they’re reborn in a place of loss, a bad place, the underworld, hell.\nIf they’re not reborn in a place of loss, but return to the human realm, then wherever they’re reborn they’re short-lived.\nFor killing living creatures is the path leading to a short lifespan."}},{"id":"mn135:6","sourceIds":["mn135:6.1","mn135:6.2","mn135:6.3","mn135:6.4","mn135:6.5"],"kind":"text","text":{"pi":"Idha pana, māṇava, ekacco itthī vā puriso vā pāṇātipātaṁ pahāya pāṇātipātā paṭivirato hoti nihitadaṇḍo nihitasattho, lajjī dayāpanno sabbapāṇabhūtahitānukampī viharati.\nSo tena kammena evaṁ samattena evaṁ samādinnena kāyassa bhedā paraṁ maraṇā sugatiṁ saggaṁ lokaṁ upapajjati.\nNo ce kāyassa bhedā paraṁ maraṇā sugatiṁ saggaṁ lokaṁ upapajjati, sace manussattaṁ āgacchati yattha yattha paccājāyati dīghāyuko hoti.\nDīghāyukasaṁvattanikā esā, māṇava, paṭipadā yadidaṁ—\npāṇātipātaṁ pahāya pāṇātipātā paṭivirato hoti nihitadaṇḍo nihitasattho, lajjī dayāpanno sabbapāṇabhūtahitānukampī viharati.","en":"But take some woman or man who gives up killing living creatures, renouncing the rod and the sword. They’re scrupulous and kind, living full of sympathy for all living beings.\nBecause of undertaking such deeds, when their body breaks up, after death, they’re reborn in a good place, a heavenly realm.\nIf they’re not reborn in a heavenly realm, but return to the human realm, then wherever they’re reborn they’re long-lived.\nFor not killing living creatures is the path leading to a long lifespan."}},{"id":"mn135:7","sourceIds":["mn135:7.1","mn135:7.2","mn135:7.3","mn135:7.4","mn135:7.5"],"kind":"text","text":{"pi":"Idha, māṇava, ekacco itthī vā puriso vā sattānaṁ viheṭhakajātiko hoti, pāṇinā vā leḍḍunā vā daṇḍena vā satthena vā.\nSo tena kammena evaṁ samattena evaṁ samādinnena kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nNo ce kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, sace manussattaṁ āgacchati yattha yattha paccājāyati bavhābādho hoti.\nBavhābādhasaṁvattanikā esā, māṇava, paṭipadā yadidaṁ—\nsattānaṁ viheṭhakajātiko hoti pāṇinā vā leḍḍunā vā daṇḍena vā satthena vā.","en":"Take some woman or man who habitually hurts living creatures with a fist, stone, rod, or sword.\nBecause of undertaking such deeds, after death they’re reborn in a place of loss …\nor if they return to the human realm, they’re sickly …"}},{"id":"mn135:8","sourceIds":["mn135:8.1","mn135:8.2","mn135:8.3","mn135:8.4","mn135:8.5"],"kind":"text","text":{"pi":"Idha pana, māṇava, ekacco itthī vā puriso vā sattānaṁ aviheṭhakajātiko hoti pāṇinā vā leḍḍunā vā daṇḍena vā satthena vā.\nSo tena kammena evaṁ samattena evaṁ samādinnena kāyassa bhedā paraṁ maraṇā sugatiṁ saggaṁ lokaṁ upapajjati.\nNo ce kāyassa bhedā paraṁ maraṇā sugatiṁ saggaṁ lokaṁ upapajjati, sace manussattaṁ āgacchati yattha yattha paccājāyati appābādho hoti.\nAppābādhasaṁvattanikā esā, māṇava, paṭipadā yadidaṁ—\nsattānaṁ aviheṭhakajātiko hoti pāṇinā vā leḍḍunā vā daṇḍena vā satthena vā.","en":"But take some woman or man who would never hurt living creatures with a fist, stone, rod, or sword.\nBecause of undertaking such deeds, after death they’re reborn in a heavenly realm …\nor if they return to the human realm, they’re healthy …"}},{"id":"mn135:9","sourceIds":["mn135:9.1","mn135:9.2","mn135:9.3","mn135:9.4","mn135:9.5","mn135:9.6","mn135:9.7"],"kind":"text","text":{"pi":"Idha, māṇava, ekacco itthī vā puriso vā kodhano hoti upāyāsabahulo.\nAppampi vutto samāno abhisajjati kuppati byāpajjati patiṭṭhīyati kopañca dosañca appaccayañca pātukaroti.\nSo tena kammena evaṁ samattena evaṁ samādinnena kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nNo ce kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, sace manussattaṁ āgacchati yattha yattha paccājāyati dubbaṇṇo hoti.\nDubbaṇṇasaṁvattanikā esā, māṇava, paṭipadā yadidaṁ—\nkodhano hoti upāyāsabahulo;\nappampi vutto samāno abhisajjati kuppati byāpajjati patiṭṭhīyati kopañca dosañca appaccayañca pātukaroti.","en":"Take some woman or man who is irritable and bad-tempered.\nEven when lightly criticized they lose their temper, becoming annoyed, hostile, and hard-hearted, and displaying annoyance, hate, and bitterness.\nBecause of undertaking such deeds, after death they’re reborn in a place of loss …\nor if they return to the human realm, they’re ugly …"}},{"id":"mn135:10","sourceIds":["mn135:10.1","mn135:10.2","mn135:10.3","mn135:10.4","mn135:10.5","mn135:10.6","mn135:10.7"],"kind":"text","text":{"pi":"Idha pana, māṇava, ekacco itthī vā puriso vā akkodhano hoti anupāyāsabahulo;\nbahumpi vutto samāno nābhisajjati na kuppati na byāpajjati na patiṭṭhīyati na kopañca dosañca appaccayañca pātukaroti.\nSo tena kammena evaṁ samattena evaṁ samādinnena kāyassa bhedā paraṁ maraṇā sugatiṁ saggaṁ lokaṁ upapajjati.\nNo ce kāyassa bhedā paraṁ maraṇā sugatiṁ saggaṁ lokaṁ upapajjati, sace manussattaṁ āgacchati yattha yattha paccājāyati pāsādiko hoti.\nPāsādikasaṁvattanikā esā, māṇava, paṭipadā yadidaṁ—\nakkodhano hoti anupāyāsabahulo;\nbahumpi vutto samāno nābhisajjati na kuppati na byāpajjati na patiṭṭhīyati na kopañca dosañca appaccayañca pātukaroti.","en":"But take some woman or man who isn’t irritable and bad-tempered.\nEven when heavily criticized, they don’t lose their temper, become annoyed, hostile, and hard-hearted, or display annoyance, hate, and bitterness.\nBecause of undertaking such deeds, after death they’re reborn in a heavenly realm …\nor if they return to the human realm, they’re lovely …"}},{"id":"mn135:11","sourceIds":["mn135:11.1","mn135:11.2","mn135:11.3","mn135:11.4","mn135:11.5","mn135:11.6","mn135:11.7"],"kind":"text","text":{"pi":"Idha, māṇava, ekacco itthī vā puriso vā issāmanako hoti;\nparalābhasakkāragarukāramānanavandanapūjanāsu issati upadussati issaṁ bandhati.\nSo tena kammena evaṁ samattena evaṁ samādinnena kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nNo ce kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, sace manussattaṁ āgacchati yattha yattha paccājāyati appesakkho hoti.\nAppesakkhasaṁvattanikā esā, māṇava, paṭipadā yadidaṁ—\nissāmanako hoti;\nparalābhasakkāragarukāramānanavandanapūjanāsu issati upadussati issaṁ bandhati.","en":"Take some woman or man who is jealous.\nThey envy, resent, and begrudge the possessions, honor, respect, reverence, homage, and veneration given to others.\nBecause of undertaking such deeds, after death they’re reborn in a place of loss …\nor if they return to the human realm, they’re insignificant …"}},{"id":"mn135:12","sourceIds":["mn135:12.1","mn135:12.2","mn135:12.3","mn135:12.4","mn135:12.5","mn135:12.6","mn135:12.7"],"kind":"text","text":{"pi":"Idha pana, māṇava, ekacco itthī vā puriso vā anissāmanako hoti;\nparalābhasakkāragarukāramānanavandanapūjanāsu na issati na upadussati na issaṁ bandhati.\nSo tena kammena evaṁ samattena evaṁ samādinnena kāyassa bhedā paraṁ maraṇā sugatiṁ saggaṁ lokaṁ upapajjati.\nNo ce kāyassa bhedā paraṁ maraṇā sugatiṁ saggaṁ lokaṁ upapajjati, sace manussattaṁ āgacchati yattha yattha paccājāyati mahesakkho hoti.\nMahesakkhasaṁvattanikā esā, māṇava, paṭipadā yadidaṁ—\nanissāmanako hoti;\nparalābhasakkāragarukāramānanavandanapūjanāsu na issati na upadussati na issaṁ bandhati.","en":"But take some woman or man who is not jealous …\nBecause of undertaking such deeds, after death they’re reborn in a heavenly realm …\nor if they return to the human realm, they’re illustrious …"}},{"id":"mn135:13","sourceIds":["mn135:13.1","mn135:13.2","mn135:13.3","mn135:13.4","mn135:13.5"],"kind":"text","text":{"pi":"Idha, māṇava, ekacco itthī vā puriso vā na dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo tena kammena evaṁ samattena evaṁ samādinnena kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nNo ce kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, sace manussattaṁ āgacchati yattha yattha paccājāyati appabhogo hoti.\nAppabhogasaṁvattanikā esā, māṇava, paṭipadā yadidaṁ—\nna dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.","en":"Take some woman or man who doesn’t give to ascetics or brahmins such things as food, drink, clothing, vehicles; garlands, fragrance, and makeup; and bed, house, and lighting.\nBecause of undertaking such deeds, after death they’re reborn in a place of loss …\nor if they return to the human realm, they’re poor …"}},{"id":"mn135:14","sourceIds":["mn135:14.1","mn135:14.2","mn135:14.3","mn135:14.4","mn135:14.5"],"kind":"text","text":{"pi":"Idha pana, māṇava, ekacco itthī vā puriso vā dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo tena kammena evaṁ samattena evaṁ samādinnena kāyassa bhedā paraṁ maraṇā sugatiṁ saggaṁ lokaṁ upapajjati.\nNo ce kāyassa bhedā paraṁ maraṇā sugatiṁ saggaṁ lokaṁ upapajjati, sace manussattaṁ āgacchati yattha yattha paccājāyati mahābhogo hoti.\nMahābhogasaṁvattanikā esā, māṇava, paṭipadā yadidaṁ—\ndātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.","en":"But take some woman or man who does give to ascetics or brahmins …\nBecause of undertaking such deeds, after death they’re reborn in a heavenly realm …\nor if they return to the human realm, they’re rich …"}},{"id":"mn135:15","sourceIds":["mn135:15.1","mn135:15.2","mn135:15.3","mn135:15.4","mn135:15.5","mn135:15.6","mn135:15.7"],"kind":"text","text":{"pi":"Idha, māṇava, ekacco itthī vā puriso vā thaddho hoti atimānī—\nabhivādetabbaṁ na abhivādeti, paccuṭṭhātabbaṁ na paccuṭṭheti, āsanārahassa na āsanaṁ deti, maggārahassa na maggaṁ deti, sakkātabbaṁ na sakkaroti, garukātabbaṁ na garukaroti, mānetabbaṁ na māneti, pūjetabbaṁ na pūjeti.\nSo tena kammena evaṁ samattena evaṁ samādinnena kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nNo ce kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, sace manussattaṁ āgacchati yattha yattha paccājāyati nīcakulīno hoti.\nNīcakulīnasaṁvattanikā esā, māṇava, paṭipadā yadidaṁ—\nthaddho hoti atimānī;\nabhivādetabbaṁ na abhivādeti, paccuṭṭhātabbaṁ na paccuṭṭheti, āsanārahassa na āsanaṁ deti, maggārahassa na maggaṁ deti, sakkātabbaṁ na sakkaroti, garukātabbaṁ na garukaroti, mānetabbaṁ na māneti, pūjetabbaṁ na pūjeti.","en":"Take some woman or man who is obstinate and arrogant.\nThey don’t bow to those they should bow to. They don’t rise up for them, offer them a seat, make way for them, or honor, respect, esteem, or venerate those who are worthy of such.\nBecause of undertaking such deeds, after death they’re reborn in a place of loss …\nor if they return to the human realm, they’re reborn in a low class family …"}},{"id":"mn135:16","sourceIds":["mn135:16.1","mn135:16.2","mn135:16.3","mn135:16.4","mn135:16.5","mn135:16.6","mn135:16.7"],"kind":"text","text":{"pi":"Idha pana, māṇava, ekacco itthī vā puriso vā atthaddho hoti anatimānī;\nabhivādetabbaṁ abhivādeti, paccuṭṭhātabbaṁ paccuṭṭheti, āsanārahassa āsanaṁ deti, maggārahassa maggaṁ deti, sakkātabbaṁ sakkaroti, garukātabbaṁ garukaroti, mānetabbaṁ māneti, pūjetabbaṁ pūjeti.\nSo tena kammena evaṁ samattena evaṁ samādinnena kāyassa bhedā paraṁ maraṇā sugatiṁ saggaṁ lokaṁ upapajjati.\nNo ce kāyassa bhedā paraṁ maraṇā sugatiṁ saggaṁ lokaṁ upapajjati, sace manussattaṁ āgacchati yattha yattha paccājāyati uccākulīno hoti.\nUccākulīnasaṁvattanikā esā, māṇava, paṭipadā yadidaṁ—\natthaddho hoti anatimānī;\nabhivādetabbaṁ abhivādeti, paccuṭṭhātabbaṁ paccuṭṭheti, āsanārahassa āsanaṁ deti, maggārahassa maggaṁ deti, sakkātabbaṁ sakkaroti, garukātabbaṁ garukaroti, mānetabbaṁ māneti, pūjetabbaṁ pūjeti.","en":"But take some woman or man who is not obstinate and arrogant …\nBecause of undertaking such deeds, after death they’re reborn in a heavenly realm …\nor if they return to the human realm, they’re reborn in an eminent family …"}},{"id":"mn135:17","sourceIds":["mn135:17.1","mn135:17.2","mn135:17.3","mn135:17.4","mn135:17.5","mn135:17.6","mn135:17.7","mn135:17.8","mn135:17.9","mn135:17.10","mn135:17.11","mn135:17.12","mn135:17.13"],"kind":"text","text":{"pi":"Idha, māṇava, ekacco itthī vā puriso vā samaṇaṁ vā brāhmaṇaṁ vā upasaṅkamitvā na paripucchitā hoti:\n‘kiṁ, bhante, kusalaṁ, kiṁ akusalaṁ;\nkiṁ sāvajjaṁ, kiṁ anavajjaṁ;\nkiṁ sevitabbaṁ, kiṁ na sevitabbaṁ;\nkiṁ me karīyamānaṁ dīgharattaṁ ahitāya dukkhāya hoti, kiṁ vā pana me karīyamānaṁ dīgharattaṁ hitāya sukhāya hotī’ti?\nSo tena kammena evaṁ samattena evaṁ samādinnena kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nNo ce kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati, sace manussattaṁ āgacchati yattha yattha paccājāyati duppañño hoti.\nDuppaññasaṁvattanikā esā, māṇava, paṭipadā yadidaṁ—\nsamaṇaṁ vā brāhmaṇaṁ vā upasaṅkamitvā na paripucchitā hoti:\n‘kiṁ, bhante, kusalaṁ, kiṁ akusalaṁ;\nkiṁ sāvajjaṁ, kiṁ anavajjaṁ;\nkiṁ sevitabbaṁ, kiṁ na sevitabbaṁ;\nkiṁ me karīyamānaṁ dīgharattaṁ ahitāya dukkhāya hoti, kiṁ vā pana me karīyamānaṁ dīgharattaṁ hitāya sukhāya hotī’ti?","en":"Take some woman or man who doesn’t approach an ascetic or brahmin to ask:\n‘Sir, what is skillful and what is unskillful?\nWhat is blameworthy and what is blameless?\nWhat should be cultivated and what should not be cultivated?\nWhat kind of action will lead to my lasting harm and suffering? Or what kind of action will lead to my lasting welfare and happiness?’\nBecause of undertaking such deeds, after death they’re reborn in a place of loss …\nor if they return to the human realm, they’re witless …"}},{"id":"mn135:18","sourceIds":["mn135:18.1","mn135:18.2","mn135:18.3","mn135:18.4","mn135:18.5","mn135:18.6","mn135:18.7","mn135:18.8","mn135:18.9","mn135:18.10","mn135:18.11","mn135:18.12","mn135:18.13"],"kind":"text","text":{"pi":"Idha pana, māṇava, ekacco itthī vā puriso vā samaṇaṁ vā brāhmaṇaṁ vā upasaṅkamitvā paripucchitā hoti:\n‘kiṁ, bhante, kusalaṁ, kiṁ akusalaṁ;\nkiṁ sāvajjaṁ, kiṁ anavajjaṁ;\nkiṁ sevitabbaṁ, kiṁ na sevitabbaṁ;\nkiṁ me karīyamānaṁ dīgharattaṁ ahitāya dukkhāya hoti, kiṁ vā pana me karīyamānaṁ dīgharattaṁ hitāya sukhāya hotī’ti?\nSo tena kammena evaṁ samattena evaṁ samādinnena kāyassa bhedā paraṁ maraṇā sugatiṁ saggaṁ lokaṁ upapajjati.\nNo ce kāyassa bhedā paraṁ maraṇā sugatiṁ saggaṁ lokaṁ upapajjati, sace manussattaṁ āgacchati yattha yattha paccājāyati mahāpañño hoti.\nMahāpaññasaṁvattanikā esā, māṇava, paṭipadā yadidaṁ—\nsamaṇaṁ vā brāhmaṇaṁ vā upasaṅkamitvā paripucchitā hoti:\n‘kiṁ, bhante, kusalaṁ, kiṁ akusalaṁ;\nkiṁ sāvajjaṁ, kiṁ anavajjaṁ;\nkiṁ sevitabbaṁ, kiṁ na sevitabbaṁ;\nkiṁ me karīyamānaṁ dīgharattaṁ ahitāya dukkhāya hoti, kiṁ vā pana me karīyamānaṁ dīgharattaṁ hitāya sukhāya hotī’ti?","en":"But take some woman or man who does approach an ascetic or brahmin to ask:\n‘Sir, what is skillful and what is unskillful?\nWhat is blameworthy and what is blameless?\nWhat should be cultivated and what should not be cultivated?\nWhat kind of action will lead to my lasting harm and suffering? Or what kind of action will lead to my lasting welfare and happiness?’\nBecause of undertaking such deeds, when their body breaks up, after death, they’re reborn in a good place, a heavenly realm.\nIf they’re not reborn in a heavenly realm, but return to the human realm, then wherever they’re reborn they’re very wise.\nFor asking questions of ascetics or brahmins is the path leading to wisdom."}},{"id":"mn135:19","sourceIds":["mn135:19.1","mn135:19.2","mn135:19.3","mn135:19.4","mn135:19.5","mn135:19.6","mn135:19.7"],"kind":"text","text":{"pi":"Iti kho, māṇava, appāyukasaṁvattanikā paṭipadā appāyukattaṁ upaneti, dīghāyukasaṁvattanikā paṭipadā dīghāyukattaṁ upaneti;\nbavhābādhasaṁvattanikā paṭipadā bavhābādhattaṁ upaneti, appābādhasaṁvattanikā paṭipadā appābādhattaṁ upaneti;\ndubbaṇṇasaṁvattanikā paṭipadā dubbaṇṇattaṁ upaneti, pāsādikasaṁvattanikā paṭipadā pāsādikattaṁ upaneti;\nappesakkhasaṁvattanikā paṭipadā appesakkhattaṁ upaneti, mahesakkhasaṁvattanikā paṭipadā mahesakkhattaṁ upaneti;\nappabhogasaṁvattanikā paṭipadā appabhogattaṁ upaneti, mahābhogasaṁvattanikā paṭipadā mahābhogattaṁ upaneti;\nnīcakulīnasaṁvattanikā paṭipadā nīcakulīnattaṁ upaneti, uccākulīnasaṁvattanikā paṭipadā uccākulīnattaṁ upaneti;\nduppaññasaṁvattanikā paṭipadā duppaññattaṁ upaneti, mahāpaññasaṁvattanikā paṭipadā mahāpaññattaṁ upaneti.","en":"So it is the way people live that makes them how they are, whether short-lived or long-lived,\nsickly or healthy,\nugly or lovely,\ninsignificant or illustrious,\npoor or rich,\nin a low class or eminent family,\nor witless or wise."}},{"id":"mn135:20","sourceIds":["mn135:20.1","mn135:20.2","mn135:20.3"],"kind":"text","text":{"pi":"Kammassakā, māṇava, sattā kammadāyādā kammayonī kammabandhū kammappaṭisaraṇā.\nKammaṁ satte vibhajati yadidaṁ—\nhīnappaṇītatāyā”ti.","en":"Sentient beings are the owners of their deeds and heir to their deeds. Deeds are their womb, their relative, and their refuge.\nIt is deeds that divide beings into\ninferior and superior.”"}},{"id":"mn135:21","sourceIds":["mn135:21.1","mn135:21.2","mn135:21.3","mn135:21.4","mn135:21.5","mn135:21.6"],"kind":"text","text":{"pi":"Evaṁ vutte, subho māṇavo todeyyaputto bhagavantaṁ etadavoca:\n“abhikkantaṁ, bho gotama, abhikkantaṁ, bho gotama.\nSeyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā gotamena anekapariyāyena dhammo pakāsito.\nEsāhaṁ bhavantaṁ gotamaṁ saraṇaṁ gacchāmi dhammañca bhikkhusaṅghañca.\nUpāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nCūḷakammavibhaṅgasuttaṁ niṭṭhitaṁ pañcamaṁ.","en":"When he had spoken, Subha said to him,\n“Excellent, worthy Gotama! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, worthy Gotama has made the Teaching clear in many ways.\nI go for refuge to the worthy Gotama, to the teaching, and to the mendicant Saṅgha.\nFrom this day forth, may the worthy Gotama remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn135/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}