{"id":"mn138","title":"A Summary Recital and its Analysis","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn138","title":"A Summary Recital and its Analysis","units":[{"id":"mn138:0","sourceIds":["mn138:0.1","mn138:0.2"],"kind":"text","text":{"pi":"Majjhima Nikāya 138\nUddesavibhaṅgasutta","en":"Middle Discourses 138\nA Summary Recital and its Analysis"}},{"id":"mn138:1","sourceIds":["mn138:1.1","mn138:1.2","mn138:1.3","mn138:1.4","mn138:1.5","mn138:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn138:2","sourceIds":["mn138:2.1","mn138:2.2","mn138:2.3","mn138:2.4"],"kind":"text","text":{"pi":"“uddesavibhaṅgaṁ vo, bhikkhave, desessāmi.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"“Mendicants, I shall teach you a summary recital and its analysis.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"mn138:3","sourceIds":["mn138:3.1","mn138:3.2"],"kind":"text","text":{"pi":"“Tathā tathā, bhikkhave, bhikkhu upaparikkheyya yathā yathā upaparikkhato bahiddhā cassa viññāṇaṁ avikkhittaṁ avisaṭaṁ, ajjhattaṁ asaṇṭhitaṁ anupādāya na paritasseyya.\nBahiddhā, bhikkhave, viññāṇe avikkhitte avisaṭe sati ajjhattaṁ asaṇṭhite anupādāya aparitassato āyatiṁ jātijarāmaraṇadukkhasamudayasambhavo na hotī”ti.","en":"“A mendicant should examine in whatever way such that, while examining, consciousness would neither be scattered nor diffused externally, nor stuck internally, and they would not be anxious because of grasping.\nWhen consciousness is neither scattered nor diffused externally, nor stuck internally, and they are not anxious because of grasping, there is no coming to be of the origin of suffering—of rebirth, old age, and death in the future.”"}},{"id":"mn138:4","sourceIds":["mn138:4.1","mn138:4.2"],"kind":"text","text":{"pi":"Idamavoca bhagavā.\nIdaṁ vatvāna sugato uṭṭhāyāsanā vihāraṁ pāvisi.","en":"That is what the Buddha said.\nWhen he had spoken, the Holy One rose from his seat and entered his dwelling."}},{"id":"mn138:5","sourceIds":["mn138:5.1","mn138:5.2","mn138:5.3","mn138:5.4","mn138:5.5","mn138:5.6","mn138:5.7","mn138:5.8","mn138:5.9"],"kind":"text","text":{"pi":"Atha kho tesaṁ bhikkhūnaṁ, acirapakkantassa bhagavato, etadahosi:\n“idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tathā tathā, bhikkhave, bhikkhu upaparikkheyya yathā yathā upaparikkhato bahiddhā cassa viññāṇaṁ avikkhittaṁ avisaṭaṁ, ajjhattaṁ asaṇṭhitaṁ anupādāya na paritasseyya.\nBahiddhā, bhikkhave, viññāṇe avikkhitte avisaṭe sati ajjhattaṁ asaṇṭhite anupādāya aparitassato āyatiṁ jātijarāmaraṇadukkhasamudayasambhavo na hotī’ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā”ti?\nAtha kho tesaṁ bhikkhūnaṁ etadahosi:\n“ayaṁ kho āyasmā mahākaccāno satthu ceva saṁvaṇṇito sambhāvito ca viññūnaṁ sabrahmacārīnaṁ;\npahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā mahākaccāno tenupasaṅkameyyāma; upasaṅkamitvā āyasmantaṁ mahākaccānaṁ etamatthaṁ paṭipuccheyyāmā”ti.","en":"Soon after the Buddha left, those mendicants considered,\n“The Buddha gave this brief summary recital, then entered his dwelling without explaining the meaning in detail.\nWho can explain in detail the meaning of this brief summary recital given by the Buddha?”\nThen those mendicants thought,\n“This Venerable Mahākaccāna is praised by the Buddha and esteemed by his sensible spiritual companions.\nHe is capable of explaining in detail the meaning of this brief summary recital given by the Buddha.\nLet’s go to him, and ask him about this matter.”"}},{"id":"mn138:6","sourceIds":["mn138:6.1","mn138:6.2","mn138:6.3","mn138:6.4","mn138:6.5","mn138:6.6","mn138:6.7","mn138:6.8","mn138:6.9","mn138:6.10","mn138:6.11","mn138:6.12","mn138:6.13","mn138:6.14","mn138:6.15"],"kind":"text","text":{"pi":"Atha kho te bhikkhū yenāyasmā mahākaccāno tenupasaṅkamiṁsu; upasaṅkamitvā āyasmatā mahākaccānena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho te bhikkhū āyasmantaṁ mahākaccānaṁ etadavocuṁ:\n“Idaṁ kho no, āvuso kaccāna, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tathā tathā, bhikkhave, bhikkhu upaparikkheyya yathā yathā upaparikkhato bahiddhā cassa viññāṇaṁ avikkhittaṁ avisaṭaṁ, ajjhattaṁ asaṇṭhitaṁ anupādāya na paritasseyya.\nBahiddhā, bhikkhave, viññāṇe avikkhitte avisaṭe sati ajjhattaṁ asaṇṭhite anupādāya aparitassato āyatiṁ jātijarāmaraṇadukkhasamudayasambhavo na hotī’ti.\nTesaṁ no, āvuso kaccāna, amhākaṁ, acirapakkantassa bhagavato, etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n“tathā tathā, bhikkhave, bhikkhu upaparikkheyya, yathā yathā upaparikkhato bahiddhā cassa viññāṇaṁ avikkhittaṁ avisaṭaṁ ajjhattaṁ asaṇṭhitaṁ anupādāya na paritasseyya.\nBahiddhā, bhikkhave, viññāṇe avikkhitte avisaṭe sati ajjhattaṁ asaṇṭhite anupādāya aparitassato āyatiṁ jātijarāmaraṇadukkhasamudayasambhavo na hotī”ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti.\nTesaṁ no, āvuso kaccāna, amhākaṁ etadahosi:\n‘ayaṁ kho āyasmā mahākaccāno satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā mahākaccāno tenupasaṅkameyyāma; upasaṅkamitvā āyasmantaṁ mahākaccānaṁ etamatthaṁ paṭipuccheyyāmā’ti—\nvibhajatāyasmā mahākaccāno”ti.","en":"Then those mendicants went to Mahākaccāna, and exchanged greetings with him.\nWhen the greetings and polite conversation were over, they sat down to one side. They told him what had happened, and said,\n“May Venerable Mahākaccāna please explain this.”"}},{"id":"mn138:7","sourceIds":["mn138:7.1","mn138:7.2","mn138:7.3","mn138:7.4","mn138:7.5"],"kind":"text","text":{"pi":"“Seyyathāpi, āvuso, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva mūlaṁ atikkamma khandhaṁ sākhāpalāse sāraṁ pariyesitabbaṁ maññeyya,\nevaṁ sampadamidaṁ āyasmantānaṁ satthari sammukhībhūte taṁ bhagavantaṁ atisitvā amhe etamatthaṁ paṭipucchitabbaṁ maññatha.\nSo hāvuso, bhagavā jānaṁ jānāti, passaṁ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato.\nSo ceva panetassa kālo ahosi yaṁ bhagavantaṁyeva etamatthaṁ paṭipuccheyyātha;\nyathā vo bhagavā byākareyya tathā naṁ dhāreyyāthā”ti.","en":"“Reverends, suppose there was a person in need of heartwood. And while wandering in search of heartwood he’d come across a large tree standing with heartwood. But he’d pass over the roots and trunk, imagining that the heartwood should be sought in the branches and leaves.\nSuch is the consequence for the venerables. Though you were face to face with the Buddha, you bypassed him, imagining that you should ask me about this matter.\nFor he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter.\nYou should have remembered it in line with the Buddha’s answer.”"}},{"id":"mn138:8","sourceIds":["mn138:8.1","mn138:8.2","mn138:8.3","mn138:8.4","mn138:8.5","mn138:8.6"],"kind":"text","text":{"pi":"“Addhāvuso kaccāna, bhagavā jānaṁ jānāti, passaṁ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato.\nSo ceva panetassa kālo ahosi yaṁ bhagavantaṁyeva etamatthaṁ paṭipuccheyyāma;\nyathā no bhagavā byākareyya tathā naṁ dhāreyyāma.\nApi cāyasmā mahākaccāno satthu ceva saṁvaṇṇito sambhāvito ca viññūnaṁ sabrahmacārīnaṁ.\nPahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nVibhajatāyasmā mahākaccāno agaruṁ karitvā”ti.","en":"“Certainly he is the Buddha, the one who knows and sees. He is vision, he is knowledge, he is the manifestation of principle, he is the manifestation of divinity. He is the preacher, the proclaimer, the elucidator of meaning, the bestower of freedom from death, the lord of truth, the Realized One.\nThat was the time to approach the Buddha and ask about this matter.\nWe should have remembered it in line with the Buddha’s answer.\nStill, Venerable Mahākaccāna is praised by the Buddha and esteemed by his sensible spiritual companions.\nHe is capable of explaining in detail the meaning of this brief summary recital given by the Buddha.\nPlease explain this, if it’s no trouble.”"}},{"id":"mn138:9","sourceIds":["mn138:9.1","mn138:9.2","mn138:9.3","mn138:9.4","mn138:9.5","mn138:9.6"],"kind":"text","text":{"pi":"“Tena hāvuso, suṇātha, sādhukaṁ manasi karotha, bhāsissāmī”ti.\n“Evamāvuso”ti kho te bhikkhū āyasmato mahākaccānassa paccassosuṁ.\nĀyasmā mahākaccāno etadavoca:\n“Yaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tathā tathā, bhikkhave, bhikkhu upaparikkheyya, yathā yathā upaparikkhato bahiddhā cassa viññāṇaṁ avikkhittaṁ avisaṭaṁ ajjhattaṁ asaṇṭhitaṁ anupādāya na paritasseyya, bahiddhā, bhikkhave, viññāṇe avikkhitte avisaṭe sati ajjhattaṁ asaṇṭhite anupādāya aparitassato āyatiṁ jātijarāmaraṇadukkhasamudayasambhavo na hotī’ti.\nImassa kho ahaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa evaṁ vitthārena atthaṁ ājānāmi.","en":"“Well then, reverends, listen and apply your mind well, I will speak.”\n“Yes, reverend,” they replied.\nVenerable Mahākaccāna said this:\n“Reverends, the Buddha gave this brief summary recital, then entered his dwelling without explaining the meaning in detail:\n‘A mendicant should examine in whatever way such that, while examining, consciousness would neither be scattered nor diffused externally, nor stuck internally, and they would not be anxious because of grasping. When consciousness is neither scattered nor diffused externally, nor stuck internally, and they are not anxious because of grasping, there is no coming to be of the origin of suffering—of rebirth, old age, and death in the future.’\nThis is how I understand the detailed meaning of this summary recital."}},{"id":"mn138:10","sourceIds":["mn138:10.1","mn138:10.2","mn138:10.3","mn138:10.4","mn138:10.5","mn138:10.6","mn138:10.7","mn138:10.8"],"kind":"text","text":{"pi":"Kathañcāvuso, bahiddhā viññāṇaṁ vikkhittaṁ visaṭanti vuccati?\nIdhāvuso, bhikkhuno cakkhunā rūpaṁ disvā rūpanimittānusāri viññāṇaṁ hoti rūpanimittassādagadhitaṁ rūpanimittassādavinibandhaṁ rūpanimittassādasaṁyojanasaṁyuttaṁ bahiddhā viññāṇaṁ vikkhittaṁ visaṭanti vuccati.\nSotena saddaṁ sutvā …pe…\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya dhammanimittānusāri viññāṇaṁ hoti; dhammanimittassādagadhitaṁ dhammanimittassādavinibandhaṁ dhammanimittassādasaṁyojanasaṁyuttaṁ bahiddhā viññāṇaṁ vikkhittaṁ visaṭanti vuccati.\nEvaṁ kho, āvuso, bahiddhā viññāṇaṁ vikkhittaṁ visaṭanti vuccati.","en":"How is consciousness said to be scattered and diffused externally?\nIn this case, when a mendicant sees a sight with their eyes, and consciousness follows after the features of that sight—tied, attached, and fettered to gratification in its features—consciousness is said to be scattered and diffused externally.\nWhen they hear a sound with their ears …\nWhen they smell an odor with their nose …\nWhen they taste a flavor with their tongue …\nWhen they feel a touch with their body …\nWhen they know an idea with their mind, and consciousness follows after the features of that idea—tied, attached, and fettered to gratification in its features—consciousness is said to be scattered and diffused externally.\nThat’s how consciousness is said to be scattered and diffused externally."}},{"id":"mn138:11","sourceIds":["mn138:11.1","mn138:11.2","mn138:11.3","mn138:11.4","mn138:11.5","mn138:11.6","mn138:11.7","mn138:11.8"],"kind":"text","text":{"pi":"Kathañcāvuso, bahiddhā viññāṇaṁ avikkhittaṁ avisaṭanti vuccati?\nIdhāvuso, bhikkhuno cakkhunā rūpaṁ disvā na rūpanimittānusāri viññāṇaṁ hoti, na rūpanimittassādagadhitaṁ na rūpanimittassādavinibandhaṁ na rūpanimittassādasaṁyojanasaṁyuttaṁ bahiddhā viññāṇaṁ avikkhittaṁ avisaṭanti vuccati.\nSotena saddaṁ sutvā …pe…\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya na dhammanimittānusāri viññāṇaṁ hoti na dhammanimittassādagadhitaṁ na dhammanimittassādavinibandhaṁ na dhammanimittassādasaṁyojanasaṁyuttaṁ bahiddhā viññāṇaṁ avikkhittaṁ avisaṭanti vuccati.\nEvaṁ kho, āvuso, bahiddhā viññāṇaṁ avikkhittaṁ avisaṭanti vuccati.","en":"And how is consciousness said to be not scattered and diffused externally?\nIn this case, when a mendicant sees a sight with their eyes, but consciousness does not follow after the features of that sight—not tied, attached, and fettered to gratification in its features—consciousness is said to be not scattered and diffused externally.\nWhen they hear a sound with their ears …\nWhen they smell an odor with their nose …\nWhen they taste a flavor with their tongue …\nWhen they feel a touch with their body …\nWhen they know an idea with their mind, but consciousness does not follow after the features of that idea—not tied, attached, and fettered to gratification in its features—consciousness is said to be not scattered and diffused externally.\nThat’s how consciousness is said to be not scattered and diffused externally."}},{"id":"mn138:12","sourceIds":["mn138:12.1","mn138:12.2","mn138:12.3"],"kind":"text","text":{"pi":"Kathañcāvuso, ajjhattaṁ saṇṭhitanti vuccati?\nIdhāvuso, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.\nTassa vivekajapītisukhānusāri viññāṇaṁ hoti vivekajapītisukhassādagadhitaṁ vivekajapītisukhassādavinibandhaṁ vivekajapītisukhassādasaṁyojanasaṁyuttaṁ ajjhattaṁ cittaṁ saṇṭhitanti vuccati.","en":"And how is it said to be stuck internally?\nTake a mendicant who, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nWhen consciousness follows after that rapture and bliss born of seclusion—tied, attached, and fettered to gratification in that rapture and bliss born of seclusion—the mind is said to be stuck internally."}},{"id":"mn138:13","sourceIds":["mn138:13.1","mn138:13.2"],"kind":"text","text":{"pi":"Puna caparaṁ, āvuso, bhikkhu vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.\nTassa samādhijapītisukhānusāri viññāṇaṁ hoti samādhijapītisukhassādagadhitaṁ samādhijapītisukhassādavinibandhaṁ samādhijapītisukhassādasaṁyojanasaṁyuttaṁ ajjhattaṁ cittaṁ saṇṭhitanti vuccati.","en":"Furthermore, as the placing of the mind and keeping it connected are stilled, a mendicant enters and remains in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nWhen consciousness follows after that rapture and bliss born of immersion—tied, attached, and fettered to gratification in that rapture and bliss born of immersion—the mind is said to be stuck internally."}},{"id":"mn138:14","sourceIds":["mn138:14.1","mn138:14.2"],"kind":"text","text":{"pi":"Puna caparaṁ, āvuso, bhikkhu pītiyā ca virāgā upekkhako ca viharati sato ca sampajāno sukhañca kāyena paṭisaṁvedeti, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharati.\nTassa upekkhānusāri viññāṇaṁ hoti upekkhāsukhassādagadhitaṁ upekkhāsukhassādavinibandhaṁ upekkhāsukhassādasaṁyojanasaṁyuttaṁ ajjhattaṁ cittaṁ saṇṭhitanti vuccati.","en":"Furthermore, with the fading away of rapture, a mendicant enters and remains in the third absorption, where they meditate with equanimity, mindful and aware, experiencing for themselves the bliss of which the noble ones declare, ‘Equanimous and mindful, one meditates in bliss.’\nWhen consciousness follows after that equanimity—tied, attached, and fettered to gratification in that bliss with equanimity—the mind is said to be stuck internally."}},{"id":"mn138:15","sourceIds":["mn138:15.1","mn138:15.2","mn138:15.3"],"kind":"text","text":{"pi":"Puna caparaṁ, āvuso, bhikkhu sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.\nTassa adukkhamasukhānusāri viññāṇaṁ hoti adukkhamasukhassādagadhitaṁ adukkhamasukhassādavinibandhaṁ adukkhamasukhassādasaṁyojanasaṁyuttaṁ ajjhattaṁ cittaṁ asaṇṭhitanti vuccati.\nEvaṁ kho, āvuso, ajjhattaṁ saṇṭhitanti vuccati.","en":"Furthermore, with the giving up of pleasure and pain and the disappearance of former happiness and sadness, a mendicant enters and remains in the fourth absorption, without pleasure or pain, with pure equanimity and mindfulness.\nWhen consciousness follows after that neutral feeling—tied, attached, and fettered to gratification in that neutral feeling—the mind is said to be stuck internally.\nThat’s how it is said to be stuck internally."}},{"id":"mn138:16","sourceIds":["mn138:16.1","mn138:16.2","mn138:16.3"],"kind":"text","text":{"pi":"Kathañcāvuso, ajjhattaṁ asaṇṭhitanti vuccati?\nIdhāvuso, bhikkhu vivicceva kāmehi vivicca akusalehi dhammehi …pe… paṭhamaṁ jhānaṁ upasampajja viharati.\nTassa na vivekajapītisukhānusāri viññāṇaṁ hoti na vivekajapītisukhassādagadhitaṁ na vivekajapītisukhassādavinibandhaṁ na vivekajapītisukhassādasaṁyojanasaṁyuttaṁ ajjhattaṁ cittaṁ asaṇṭhitanti vuccati.","en":"And how is it said to be not stuck internally?\nIt’s when a mendicant, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nWhen consciousness does not follow after that rapture and bliss born of seclusion—not tied, attached, and fettered to gratification in that rapture and bliss born of seclusion—the mind is said to be not stuck internally."}},{"id":"mn138:17","sourceIds":["mn138:17.1","mn138:17.2"],"kind":"text","text":{"pi":"Puna caparaṁ, āvuso, bhikkhu vitakkavicārānaṁ vūpasamā …pe… dutiyaṁ jhānaṁ upasampajja viharati.\nTassa na samādhijapītisukhānusāri viññāṇaṁ hoti na samādhijapītisukhassādagadhitaṁ na samādhijapītisukhassādavinibandhaṁ na samādhijapītisukhassādasaṁyojanasaṁyuttaṁ ajjhattaṁ cittaṁ asaṇṭhitanti vuccati.","en":"Furthermore, they enter the second absorption …\nWhen consciousness does not follow after that rapture and bliss born of immersion—not tied, attached, and fettered to gratification in that rapture and bliss born of immersion—the mind is said to be not stuck internally."}},{"id":"mn138:18","sourceIds":["mn138:18.1","mn138:18.2"],"kind":"text","text":{"pi":"Puna caparaṁ, āvuso, bhikkhu pītiyā ca virāgā …pe… tatiyaṁ jhānaṁ upasampajja viharati.\nTassa na upekkhānusāri viññāṇaṁ hoti na upekkhāsukhassādagadhitaṁ na upekkhāsukhassādavinibandhaṁ na upekkhāsukhassādasaṁyojanasaṁyuttaṁ ajjhattaṁ cittaṁ asaṇṭhitanti vuccati.","en":"Furthermore, they enter and remain in the third absorption …\nWhen consciousness does not follow after that equanimity—not tied, attached, and fettered to gratification in that bliss with equanimity—the mind is said to be not stuck internally."}},{"id":"mn138:19","sourceIds":["mn138:19.1","mn138:19.2","mn138:19.3"],"kind":"text","text":{"pi":"Puna caparaṁ, āvuso, bhikkhu sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.\nTassa na adukkhamasukhānusāri viññāṇaṁ hoti na adukkhamasukhassādagadhitaṁ na adukkhamasukhassādavinibandhaṁ na adukkhamasukhassādasaṁyojanasaṁyuttaṁ ajjhattaṁ cittaṁ asaṇṭhitanti vuccati.\nEvaṁ kho, āvuso, ajjhattaṁ asaṇṭhitanti vuccati.","en":"Furthermore, they enter and remain in the fourth absorption …\nWhen consciousness does not follow after that neutral feeling—not tied, attached, and fettered to gratification in that neutral feeling—the mind is said to be not stuck internally.\nThat’s how it is said to be not stuck internally."}},{"id":"mn138:20","sourceIds":["mn138:20.1","mn138:20.2","mn138:20.3","mn138:20.4","mn138:20.5","mn138:20.6","mn138:20.7","mn138:20.8","mn138:20.9","mn138:20.10","mn138:20.11","mn138:20.12","mn138:20.13","mn138:20.14","mn138:20.15","mn138:20.16"],"kind":"text","text":{"pi":"Kathañcāvuso, anupādā paritassanā hoti?\nIdhāvuso, assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto\nrūpaṁ attato samanupassati rūpavantaṁ vā attānaṁ attani vā rūpaṁ rūpasmiṁ vā attānaṁ.\nTassa taṁ rūpaṁ vipariṇamati, aññathā hoti.\nTassa rūpavipariṇāmaññathābhāvā rūpavipariṇāmānuparivatti viññāṇaṁ hoti.\nTassa rūpavipariṇāmānuparivattajā paritassanā dhammasamuppādā cittaṁ pariyādāya tiṭṭhanti.\nCetaso pariyādānā uttāsavā ca hoti vighātavā ca apekkhavā ca anupādāya ca paritassati.\nVedanaṁ …pe…\nsaññaṁ …\nsaṅkhāre …\nviññāṇaṁ attato samanupassati viññāṇavantaṁ vā attānaṁ attani vā viññāṇaṁ viññāṇasmiṁ vā attānaṁ.\nTassa taṁ viññāṇaṁ vipariṇamati, aññathā hoti.\nTassa viññāṇavipariṇāmaññathābhāvā viññāṇavipariṇāmānuparivatti viññāṇaṁ hoti.\nTassa viññāṇavipariṇāmānuparivattajā paritassanā dhammasamuppādā cittaṁ pariyādāya tiṭṭhanti.\nCetaso pariyādānā uttāsavā ca hoti vighātavā ca apekkhavā ca anupādāya ca paritassati.\nEvaṁ kho, āvuso, anupādā paritassanā hoti.","en":"And how is it anxious because of grasping?\nIt’s when an unlearned ordinary person has not seen the noble ones, and is neither skilled nor trained in the teaching of the noble ones. They’ve not seen true persons, and are neither skilled nor trained in the teaching of the true persons.\nThey regard form as self, self as having form, form in self, or self in form.\nBut that form decays and perishes,\nand consciousness latches on to the perishing of form.\nAnxieties occupy the mind, born of latching on to the perishing of form, and originating in accordance with natural principles.\nSo it becomes frightened, worried, concerned, and anxious because of grasping.\nThey regard feeling …\nperception …\nchoices …\nconsciousness as self, self as having consciousness, consciousness in self, or self in consciousness.\nBut that consciousness decays and perishes,\nand consciousness latches on to the perishing of consciousness.\nAnxieties occupy the mind, born of latching on to the perishing of consciousness, and originating in accordance with natural principles.\nSo it becomes frightened, worried, concerned, and anxious because of grasping.\nThat’s how it is anxious because of grasping."}},{"id":"mn138:21","sourceIds":["mn138:21.1","mn138:21.2","mn138:21.3","mn138:21.4","mn138:21.5","mn138:21.6","mn138:21.7","mn138:21.8","mn138:21.9","mn138:21.10","mn138:21.11","mn138:21.12","mn138:21.13","mn138:21.14","mn138:21.15","mn138:21.16"],"kind":"text","text":{"pi":"Kathañcāvuso, anupādānā aparitassanā hoti?\nIdhāvuso, sutavā ariyasāvako ariyānaṁ dassāvī ariyadhammassa kovido ariyadhamme suvinīto sappurisānaṁ dassāvī sappurisadhammassa kovido sappurisadhamme suvinīto\nna rūpaṁ attato samanupassati na rūpavantaṁ vā attānaṁ na attani vā rūpaṁ na rūpasmiṁ vā attānaṁ.\nTassa taṁ rūpaṁ vipariṇamati, aññathā hoti.\nTassa rūpavipariṇāmaññathābhāvā na ca rūpavipariṇāmānuparivatti viññāṇaṁ hoti.\nTassa na rūpavipariṇāmānuparivattajā paritassanā dhammasamuppādā cittaṁ pariyādāya tiṭṭhanti.\nCetaso pariyādānā na cevuttāsavā hoti na ca vighātavā na ca apekkhavā anupādāya ca na paritassati.\nNa vedanaṁ …\nna saññaṁ …\nna saṅkhāre …\nna viññāṇaṁ attato samanupassati na viññāṇavantaṁ vā attānaṁ na attani vā viññāṇaṁ na viññāṇasmiṁ vā attānaṁ.\nTassa taṁ viññāṇaṁ vipariṇamati, aññathā hoti.\nTassa viññāṇavipariṇāmaññathābhāvā na ca viññāṇavipariṇāmānuparivatti viññāṇaṁ hoti.\nTassa na viññāṇavipariṇāmānuparivattajā paritassanā dhammasamuppādā cittaṁ pariyādāya tiṭṭhanti.\nCetaso pariyādānā na cevuttāsavā hoti na ca vighātavā na ca apekkhavā, anupādāya ca na paritassati.\nEvaṁ kho, āvuso, anupādā aparitassanā hoti.","en":"And how is it not anxious because of grasping?\nIt’s when a learned noble disciple has seen the noble ones, and is skilled and trained in the teaching of the noble ones. They’ve seen true persons, and are skilled and trained in the teaching of the true persons.\nThey don’t regard form as self, self as having form, form in self, or self in form.\nWhen that form decays and perishes,\nconsciousness doesn’t latch on to the perishing of form.\nAnxieties—born of latching on to the perishing of form and originating in accordance with natural principles—don’t occupy the mind.\nSo it does not become frightened, worried, concerned, or anxious because of grasping.\nThey don’t regard feeling …\nperception …\nchoices …\nconsciousness as self, self as having consciousness, consciousness in self, or self in consciousness.\nWhen that consciousness decays and perishes,\nconsciousness doesn’t latch on to the perishing of consciousness.\nAnxieties—born of latching on to the perishing of consciousness and originating in accordance with natural principles—don’t occupy the mind.\nSo it does not become frightened, worried, concerned, or anxious because of grasping.\nThat’s how it is not anxious because of grasping."}},{"id":"mn138:22","sourceIds":["mn138:22.1","mn138:22.2","mn138:22.3","mn138:22.4","mn138:22.5","mn138:22.6"],"kind":"text","text":{"pi":"Yaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tathā tathā, bhikkhave, bhikkhu upaparikkheyya yathā yathā upaparikkhato bahiddhā cassa viññāṇaṁ avikkhittaṁ avisaṭaṁ, ajjhattaṁ asaṇṭhitaṁ anupādāya na paritasseyya.\nBahiddhā, bhikkhave, viññāṇe avikkhitte avisaṭe sati ajjhattaṁ asaṇṭhite anupādāya aparitassato āyatiṁ jātijarāmaraṇadukkhasamudayasambhavo na hotī’ti.\nImassa kho ahaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa evaṁ vitthārena atthaṁ ājānāmi.\nĀkaṅkhamānā ca pana tumhe āyasmanto bhagavantaṁyeva upasaṅkamitvā etamatthaṁ paṭipuccheyyātha;\nyathā vo bhagavā byākaroti tathā naṁ dhāreyyāthā”ti.","en":"The Buddha gave this brief summary recital, then entered his dwelling without explaining the meaning in detail:\n‘A mendicant should examine in whatever way such that, while examining, consciousness would neither be scattered nor diffused externally, nor stuck internally, and they would not be anxious because of grasping.\nWhen consciousness is neither scattered nor diffused externally, nor stuck internally, and they are not anxious because of grasping, there is no coming to be of the origin of suffering—of rebirth, old age, and death in the future.’\nAnd this is how I understand the detailed meaning of this summary recital.\nIf you wish, you may go to the Buddha and ask him about this.\nYou should remember it in line with the Buddha’s answer.”"}},{"id":"mn138:23","sourceIds":["mn138:23.1","mn138:23.2","mn138:23.3","mn138:23.4","mn138:23.5","mn138:23.6","mn138:23.7","mn138:23.8","mn138:23.9","mn138:23.10","mn138:23.11","mn138:23.12","mn138:23.13","mn138:23.14","mn138:23.15"],"kind":"text","text":{"pi":"Atha kho te bhikkhū āyasmato mahākaccānassa bhāsitaṁ abhinanditvā anumoditvā uṭṭhāyāsanā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“Yaṁ kho no, bhante, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tathā tathā, bhikkhave, bhikkhu upaparikkheyya yathā yathā upaparikkhato bahiddhā cassa viññāṇaṁ avikkhittaṁ avisaṭaṁ, ajjhattaṁ asaṇṭhitaṁ anupādāya na paritasseyya.\nBahiddhā, bhikkhave, viññāṇe avikkhitte avisaṭe sati ajjhattaṁ asaṇṭhite anupādāya aparitassato āyatiṁ jātijarāmaraṇadukkhasamudayasambhavo na hotī’ti.\nTesaṁ no, bhante, amhākaṁ, acirapakkantassa bhagavato, etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho—\ntathā tathā, bhikkhave, bhikkhu upaparikkheyya, yathā yathā upaparikkhato bahiddhā cassa viññāṇaṁ avikkhittaṁ avisaṭaṁ, ajjhattaṁ asaṇṭhitaṁ anupādāya na paritasseyya.\nBahiddhā, bhikkhave, viññāṇe avikkhitte avisaṭe sati ajjhattaṁ asaṇṭhite anupādāya aparitassato āyatiṁ jātijarāmaraṇadukkhasamudayasambhavo na hotīti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?\nTesaṁ no, bhante, amhākaṁ etadahosi:\n‘ayaṁ kho āyasmā mahākaccāno satthu ceva saṁvaṇṇito sambhāvito ca viññūnaṁ sabrahmacārīnaṁ.\nPahoti cāyasmā mahākaccāno imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā mahākaccāno tenupasaṅkameyyāma; upasaṅkamitvā āyasmantaṁ mahākaccānaṁ etamatthaṁ paṭipuccheyyāmā’ti.\nAtha kho mayaṁ, bhante, yenāyasmā mahākaccāno tenupasaṅkamimha; upasaṅkamitvā āyasmantaṁ mahākaccānaṁ etamatthaṁ paṭipucchimha.\nTesaṁ no, bhante, āyasmatā mahākaccānena imehi ākārehi imehi padehi imehi byañjanehi attho vibhatto”ti.","en":"Then those mendicants, approving and agreeing with what Mahākaccāna said, rose from their seats and went to the Buddha, bowed, sat down to one side, and told him what had happened, adding:\n“Mahākaccāna clearly explained the meaning to us in this manner, with these words and phrases.”"}},{"id":"mn138:24","sourceIds":["mn138:24.1","mn138:24.2","mn138:24.3","mn138:24.4","mn138:24.5","mn138:24.6"],"kind":"text","text":{"pi":"“Paṇḍito, bhikkhave, mahākaccāno; mahāpañño, bhikkhave, mahākaccāno.\nMañcepi tumhe, bhikkhave, etamatthaṁ paṭipuccheyyātha, ahampi evamevaṁ byākareyyaṁ yathā taṁ mahākaccānena byākataṁ.\nEso cevetassa attho. Evañca naṁ dhāreyyāthā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nUddesavibhaṅgasuttaṁ niṭṭhitaṁ aṭṭhamaṁ.","en":"“Mahākaccāna is astute, mendicants, he has great wisdom.\nIf you came to me and asked this question, I would answer it in exactly the same way as Mahākaccāna.\nThat is what it means, and that’s how you should remember it.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn138/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}