{"id":"mn140","title":"The Analysis of the Elements","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn140","title":"The Analysis of the Elements","units":[{"id":"mn140:0","sourceIds":["mn140:0.1","mn140:0.2"],"kind":"text","text":{"pi":"Majjhima Nikāya 140\nDhātuvibhaṅgasutta","en":"Middle Discourses 140\nThe Analysis of the Elements"}},{"id":"mn140:1","sourceIds":["mn140:1.1","mn140:1.2","mn140:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā magadhesu cārikaṁ caramāno yena rājagahaṁ tadavasari;\nyena bhaggavo kumbhakāro tenupasaṅkami; upasaṅkamitvā bhaggavaṁ kumbhakāraṁ etadavoca:","en":"So I have heard.\nAt one time the Buddha was wandering in the Magadhan lands when he arrived at Rājagaha.\nHe went to see Bhaggava the potter, and said,"}},{"id":"mn140:2","sourceIds":["mn140:2.1","mn140:2.2","mn140:2.3","mn140:2.4"],"kind":"text","text":{"pi":"“sace te, bhaggava, agaru viharemu āvesane ekarattan”ti.\n“Na kho me, bhante, garu.\nAtthi cettha pabbajito paṭhamaṁ vāsūpagato.\nSace so anujānāti, viharatha, bhante, yathāsukhan”ti.","en":"“Bhaggava, if it is no trouble, I’d like to spend a single night in your workshop.”\n“It’s no trouble, sir.\nBut there’s a renunciate already staying there.\nIf he allows it, sir, you may stay as long as you please.”"}},{"id":"mn140:3","sourceIds":["mn140:3.1","mn140:3.2","mn140:3.3","mn140:3.4","mn140:3.5","mn140:3.6"],"kind":"text","text":{"pi":"Tena kho pana samayena pukkusāti nāma kulaputto bhagavantaṁ uddissa saddhāya agārasmā anagāriyaṁ pabbajito.\nSo tasmiṁ kumbhakārāvesane paṭhamaṁ vāsūpagato hoti.\nAtha kho bhagavā yenāyasmā pukkusāti tenupasaṅkami; upasaṅkamitvā āyasmantaṁ pukkusātiṁ etadavoca:\n“sace te, bhikkhu, agaru viharemu āvesane ekarattan”ti.\n“Urundaṁ, āvuso, kumbhakārāvesanaṁ.\nViharatāyasmā yathāsukhan”ti.","en":"Now at that time a gentleman named Pukkusāti had gone forth out of faith from the lay life to homelessness in the Buddha’s name.\nAnd it was he who had first taken up residence in the workshop.\nThen the Buddha approached Venerable Pukkusāti and said,\n“Mendicant, if it is no trouble, I’d like to spend a single night in the workshop.”\n“The potter’s workshop is spacious, reverend.\nStay as long as you please.”"}},{"id":"mn140:4","sourceIds":["mn140:4.1","mn140:4.2","mn140:4.3","mn140:4.4","mn140:4.5","mn140:4.6","mn140:4.7"],"kind":"text","text":{"pi":"Atha kho bhagavā kumbhakārāvesanaṁ pavisitvā ekamantaṁ tiṇasanthārakaṁ paññāpetvā nisīdi pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.\nAtha kho bhagavā bahudeva rattiṁ nisajjāya vītināmesi.\nĀyasmāpi kho pukkusāti bahudeva rattiṁ nisajjāya vītināmesi.\nAtha kho bhagavato etadahosi:\n“pāsādikaṁ kho ayaṁ kulaputto iriyati.\nYannūnāhaṁ puccheyyan”ti.\nAtha kho bhagavā āyasmantaṁ pukkusātiṁ etadavoca:","en":"Then the Buddha entered the workshop and spread out a grass mat to one side. He sat down cross-legged, set his body straight, and brought mindfulness to the present.\nHe spent much of the night sitting in meditation,\nand so did Pukkusāti.\nThen it occurred to the Buddha,\n“This gentleman’s behavior is impressive.\nWhy don’t I question him?”\nSo the Buddha said to Pukkusāti,"}},{"id":"mn140:5","sourceIds":["mn140:5.1","mn140:5.2","mn140:5.3","mn140:5.4","mn140:5.5","mn140:5.6","mn140:5.7","mn140:5.8","mn140:5.9","mn140:5.10","mn140:5.11","mn140:5.12","mn140:5.13","mn140:5.14"],"kind":"text","text":{"pi":"“kaṁsi tvaṁ, bhikkhu, uddissa pabbajito? Ko vā te satthā? Kassa vā tvaṁ dhammaṁ rocesī”ti?\n“Atthāvuso, samaṇo gotamo sakyaputto sakyakulā pabbajito.\nTaṁ kho pana bhagavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.\nTāhaṁ bhagavantaṁ uddissa pabbajito.\nSo ca me bhagavā satthā.\nTassa cāhaṁ bhagavato dhammaṁ rocemī”ti.\n“Kahaṁ pana, bhikkhu, etarahi so bhagavā viharati arahaṁ sammāsambuddho”ti.\n“Atthāvuso, uttaresu janapadesu sāvatthi nāma nagaraṁ.\nTattha so bhagavā etarahi viharati arahaṁ sammāsambuddho”ti.\n“Diṭṭhapubbo pana te, bhikkhu, so bhagavā;\ndisvā ca pana jāneyyāsī”ti?\n“Na kho me, āvuso, diṭṭhapubbo so bhagavā;\ndisvā cāhaṁ na jāneyyan”ti.","en":"“In whose name have you gone forth, mendicant? Who is your Teacher? Whose teaching do you believe in?”\n“Reverend, there is the ascetic Gotama—a Sakyan, gone forth from a Sakyan family.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nI’ve gone forth in his name.\nThat Blessed One is my Teacher,\nand I believe in his teaching.”\n“But mendicant, where is the Blessed One at present, the perfected one, the fully awakened Buddha?”\n“In the northern lands there is a city named Sāvatthī.\nThere the Blessed One is now staying, the perfected one, the fully awakened Buddha.”\n“But have you ever seen that Buddha?\nWould you recognize him if you saw him?”\n“No, I’ve never seen him,\nand I wouldn’t recognize him if I did.”"}},{"id":"mn140:6","sourceIds":["mn140:6.1","mn140:6.2","mn140:6.3","mn140:6.4","mn140:6.5","mn140:6.6","mn140:6.7","mn140:6.8"],"kind":"text","text":{"pi":"Atha kho bhagavato etadahosi:\n“mamañca khvāyaṁ kulaputto uddissa pabbajito.\nYannūnassāhaṁ dhammaṁ deseyyan”ti.\nAtha kho bhagavā āyasmantaṁ pukkusātiṁ āmantesi:\n“dhammaṁ te, bhikkhu, desessāmi.\nTaṁ suṇāhi, sādhukaṁ manasi karohi; bhāsissāmī”ti.\n“Evamāvuso”ti kho āyasmā pukkusāti bhagavato paccassosi.\nBhagavā etadavoca:","en":"Then it occurred to the Buddha,\n“This gentleman has gone forth in my name.\nWhy don’t I teach him the Dhamma?”\nSo the Buddha said to Pukkusāti,\n“Mendicant, I shall teach you the Dhamma.\nListen and apply your mind well, I will speak.”\n“Yes, reverend,” replied Pukkusāti.\nThe Buddha said this:"}},{"id":"mn140:7","sourceIds":["mn140:7.1","mn140:7.2","mn140:7.3","mn140:7.4"],"kind":"text","text":{"pi":"“‘Cha dhāturo ayaṁ, bhikkhu, puriso cha phassāyatano aṭṭhārasa manopavicāro caturādhiṭṭhāno;\nyattha ṭhitaṁ maññassavā nappavattanti, maññassave kho pana nappavattamāne muni santoti vuccati.\nPaññaṁ nappamajjeyya, saccamanurakkheyya, cāgamanubrūheyya, santimeva so sikkheyyā’ti—\nayamuddeso dhātuvibhaṅgassa.","en":"“‘This person has six elements, six fields of contact, eighteen mental preoccupations, and four foundations.\nWhere they stand, the streams of conceiving do not flow. And where the streams of conceiving do not flow, they are called a sage at peace.\nDo not neglect wisdom; preserve truth; foster generosity; and train only for peace.’\nThis is the summary recital for the analysis of the elements."}},{"id":"mn140:8","sourceIds":["mn140:8.1","mn140:8.2","mn140:8.3","mn140:8.4","mn140:8.5","mn140:8.6"],"kind":"text","text":{"pi":"‘Cha dhāturo ayaṁ, bhikkhu, puriso’ti—\niti kho panetaṁ vuttaṁ. Kiñcetaṁ paṭicca vuttaṁ?\nChayimā, bhikkhu, dhātuyo—\npathavīdhātu, āpodhātu, tejodhātu, vāyodhātu, ākāsadhātu, viññāṇadhātu.\n‘Cha dhāturo ayaṁ, bhikkhu, puriso’ti—\niti yaṁ taṁ vuttaṁ, idametaṁ paṭicca vuttaṁ.","en":"‘This person has six elements.’\nThat’s what I said, but why did I say it?\nThere are these six elements:\nthe elements of earth, water, fire, air, space, and consciousness.\n‘This person has six elements.’\nThat’s what I said, and this is why I said it."}},{"id":"mn140:9","sourceIds":["mn140:9.1","mn140:9.2","mn140:9.3","mn140:9.4","mn140:9.5"],"kind":"text","text":{"pi":"‘Cha phassāyatano ayaṁ, bhikkhu, puriso’ti—\niti kho panetaṁ vuttaṁ. Kiñcetaṁ paṭicca vuttaṁ?\nCakkhusamphassāyatanaṁ, sotasamphassāyatanaṁ, ghānasamphassāyatanaṁ, jivhāsamphassāyatanaṁ, kāyasamphassāyatanaṁ, manosamphassāyatanaṁ.\n‘Cha phassāyatano ayaṁ, bhikkhu, puriso’ti—\niti yaṁ taṁ vuttaṁ, idametaṁ paṭicca vuttaṁ.","en":"‘This person has six fields of contact.’\nThat’s what I said, but why did I say it?\nThe fields of contact of the eye, ear, nose, tongue, body, and mind.\n‘This person has six fields of contact.’\nThat’s what I said, and this is why I said it."}},{"id":"mn140:10","sourceIds":["mn140:10.1","mn140:10.2","mn140:10.3","mn140:10.4","mn140:10.5","mn140:10.6","mn140:10.7","mn140:10.8","mn140:10.9","mn140:10.10","mn140:10.11"],"kind":"text","text":{"pi":"‘Aṭṭhārasa manopavicāro ayaṁ, bhikkhu, puriso’ti—\niti kho panetaṁ vuttaṁ. Kiñcetaṁ paṭicca vuttaṁ?\nCakkhunā rūpaṁ disvā somanassaṭṭhāniyaṁ rūpaṁ upavicarati, domanassaṭṭhāniyaṁ rūpaṁ upavicarati, upekkhāṭṭhāniyaṁ rūpaṁ upavicarati;\nsotena saddaṁ sutvā …pe…\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya somanassaṭṭhāniyaṁ dhammaṁ upavicarati, domanassaṭṭhāniyaṁ dhammaṁ upavicarati, upekkhāṭṭhāniyaṁ dhammaṁ upavicarati—\niti cha somanassupavicārā, cha domanassupavicārā, cha upekkhupavicārā.\n‘Aṭṭhārasa manopavicāro ayaṁ, bhikkhu, puriso’ti—\niti yaṁ taṁ vuttaṁ, idametaṁ paṭicca vuttaṁ.","en":"‘This person has eighteen mental preoccupations.’\nThat’s what I said, but why did I say it?\nSeeing a sight with their eyes, one is preoccupied with a sight that’s a basis for happiness or sadness or equanimity.\nHearing a sound with their ears …\nSmelling an odor with their nose …\nTasting a flavor with their tongue …\nEncountering a touch with their body …\nBecoming conscious of an idea with their mind, one is preoccupied with an idea that’s a basis for happiness or sadness or equanimity.\nSo there are six preoccupations with happiness, six preoccupations with sadness, and six preoccupations with equanimity.\n‘This person has eighteen mental preoccupations.’\nThat’s what I said, and this is why I said it."}},{"id":"mn140:11","sourceIds":["mn140:11.1","mn140:11.2","mn140:11.3","mn140:11.4","mn140:11.5"],"kind":"text","text":{"pi":"‘Caturādhiṭṭhāno ayaṁ, bhikkhu, puriso’ti—\niti kho panetaṁ vuttaṁ. Kiñcetaṁ paṭicca vuttaṁ?\nPaññādhiṭṭhāno, saccādhiṭṭhāno, cāgādhiṭṭhāno, upasamādhiṭṭhāno.\n‘Caturādhiṭṭhāno ayaṁ, bhikkhu, puriso’ti—\niti yaṁ taṁ vuttaṁ idametaṁ paṭicca vuttaṁ.","en":"‘This person has four foundations.’\nThat’s what I said, but why did I say it?\nThe foundations of wisdom, truth, generosity, and peace.\n‘This person has four foundations.’\nThat’s what I said, and this is why I said it."}},{"id":"mn140:12","sourceIds":["mn140:12.1","mn140:12.2"],"kind":"text","text":{"pi":"‘Paññaṁ nappamajjeyya, saccamanurakkheyya, cāgamanubrūheyya, santimeva so sikkheyyā’ti—\niti kho panetaṁ vuttaṁ. Kiñcetaṁ paṭicca vuttaṁ?","en":"‘Do not neglect wisdom; preserve truth; foster generosity; and train only for peace.’\nThat’s what I said, but why did I say it?"}},{"id":"mn140:13","sourceIds":["mn140:13.1","mn140:13.2","mn140:13.3"],"kind":"text","text":{"pi":"Kathañca, bhikkhu, paññaṁ nappamajjati?\nChayimā, bhikkhu, dhātuyo—\npathavīdhātu, āpodhātu, tejodhātu, vāyodhātu, ākāsadhātu, viññāṇadhātu.","en":"And how does one not neglect wisdom?\nThere are these six elements:\nthe elements of earth, water, fire, air, space, and consciousness."}},{"id":"mn140:14","sourceIds":["mn140:14.1","mn140:14.2","mn140:14.3","mn140:14.4","mn140:14.5","mn140:14.6","mn140:14.7","mn140:14.8","mn140:14.9"],"kind":"text","text":{"pi":"Katamā ca, bhikkhu, pathavīdhātu?\nPathavīdhātu siyā ajjhattikā siyā bāhirā.\nKatamā ca, bhikkhu, ajjhattikā pathavīdhātu?\nYaṁ ajjhattaṁ paccattaṁ kakkhaḷaṁ kharigataṁ upādinnaṁ, seyyathidaṁ—\nkesā lomā nakhā dantā taco maṁsaṁ nhāru aṭṭhi aṭṭhimiñjaṁ vakkaṁ hadayaṁ yakanaṁ kilomakaṁ pihakaṁ papphāsaṁ antaṁ antaguṇaṁ udariyaṁ karīsaṁ, yaṁ vā panaññampi kiñci ajjhattaṁ paccattaṁ kakkhaḷaṁ kharigataṁ upādinnaṁ—\nayaṁ vuccati, bhikkhu, ajjhattikā pathavīdhātu.\nYā ceva kho pana ajjhattikā pathavīdhātu yā ca bāhirā pathavīdhātu pathavīdhāturevesā.\n‘Taṁ netaṁ mama nesohamasmi na meso attā’ti—evametaṁ yathābhūtaṁ sammappaññāya daṭṭhabbaṁ.\nEvametaṁ yathābhūtaṁ sammappaññāya disvā pathavīdhātuyā nibbindati, pathavīdhātuyā cittaṁ virājeti.","en":"And what is the earth element?\nThe earth element may be interior or exterior.\nAnd what is the interior earth element?\nAnything internal, personal, that’s hard, solid, and appropriated. This includes:\nhead hair, body hair, nails, teeth, skin, flesh, sinews, bones, bone marrow, kidneys, heart, liver, diaphragm, spleen, lungs, intestines, mesentery, undigested food, feces, or anything else internal, personal, that’s hard, solid, and appropriated.\nThis is called the interior earth element.\nThe interior earth element and the exterior earth element are just the earth element.\nThis should be truly seen with right understanding like this: ‘This is not mine, I am not this, this is not my self.’\nWhen you truly see with right understanding, you grow disillusioned with the earth element, detaching the mind from the earth element."}},{"id":"mn140:15","sourceIds":["mn140:15.1","mn140:15.2","mn140:15.3","mn140:15.4","mn140:15.5","mn140:15.6","mn140:15.7","mn140:15.8","mn140:15.9"],"kind":"text","text":{"pi":"Katamā ca, bhikkhu, āpodhātu?\nĀpodhātu siyā ajjhattikā siyā bāhirā.\nKatamā ca, bhikkhu, ajjhattikā āpodhātu?\nYaṁ ajjhattaṁ paccattaṁ āpo āpogataṁ upādinnaṁ seyyathidaṁ—\npittaṁ semhaṁ pubbo lohitaṁ sedo medo assu vasā kheḷo siṅghāṇikā lasikā muttaṁ, yaṁ vā panaññampi kiñci ajjhattaṁ paccattaṁ āpo āpogataṁ upādinnaṁ—\nayaṁ vuccati, bhikkhu, ajjhattikā āpodhātu.\nYā ceva kho pana ajjhattikā āpodhātu yā ca bāhirā āpodhātu āpodhāturevesā.\n‘Taṁ netaṁ mama, nesohamasmi, na meso attā’ti—evametaṁ yathābhūtaṁ sammappaññāya daṭṭhabbaṁ.\nEvametaṁ yathābhūtaṁ sammappaññāya disvā āpodhātuyā nibbindati, āpodhātuyā cittaṁ virājeti.","en":"And what is the water element?\nThe water element may be interior or exterior.\nAnd what is the interior water element?\nAnything internal, personal, that’s water, watery, and appropriated. This includes:\nbile, phlegm, pus, blood, sweat, fat, tears, grease, saliva, snot, synovial fluid, urine, or anything else internal, personal, that’s water, watery, and appropriated.\nThis is called the interior water element.\nThe interior water element and the exterior water element are just the water element.\nThis should be truly seen with right understanding like this: ‘This is not mine, I am not this, this is not my self.’\nWhen you truly see with right understanding, you grow disillusioned with the water element, detaching the mind from the water element."}},{"id":"mn140:16","sourceIds":["mn140:16.1","mn140:16.2","mn140:16.3","mn140:16.4","mn140:16.5","mn140:16.6","mn140:16.7","mn140:16.8","mn140:16.9"],"kind":"text","text":{"pi":"Katamā ca, bhikkhu, tejodhātu?\nTejodhātu siyā ajjhattikā siyā bāhirā.\nKatamā ca, bhikkhu, ajjhattikā tejodhātu?\nYaṁ ajjhattaṁ paccattaṁ tejo tejogataṁ upādinnaṁ, seyyathidaṁ—\nyena ca santappati, yena ca jīrīyati, yena ca pariḍayhati, yena ca asitapītakhāyitasāyitaṁ sammā pariṇāmaṁ gacchati, yaṁ vā panaññampi kiñci ajjhattaṁ paccattaṁ tejo tejogataṁ upādinnaṁ—\nayaṁ vuccati, bhikkhu, ajjhattikā tejodhātu.\nYā ceva kho pana ajjhattikā tejodhātu yā ca bāhirā tejodhātu tejodhāturevesā.\n‘Taṁ netaṁ mama, nesohamasmi, na meso attā’ti—evametaṁ yathābhūtaṁ sammappaññāya daṭṭhabbaṁ.\nEvametaṁ yathābhūtaṁ sammappaññāya disvā tejodhātuyā nibbindati, tejodhātuyā cittaṁ virājeti.","en":"And what is the fire element?\nThe fire element may be interior or exterior.\nAnd what is the interior fire element?\nAnything internal, personal, that’s fire, fiery, and appropriated. This includes:\nthat which warms, that which ages, that which heats you up when feverish, that which properly digests food and drink; or anything else internal, personal, that’s fire, fiery, and appropriated.\nThis is called the interior fire element.\nThe interior fire element and the exterior fire element are just the fire element.\nThis should be truly seen with right understanding like this: ‘This is not mine, I am not this, this is not my self.’\nWhen you truly see with right understanding, you grow disillusioned with the fire element, detaching the mind from the fire element."}},{"id":"mn140:17","sourceIds":["mn140:17.1","mn140:17.2","mn140:17.3","mn140:17.4","mn140:17.5","mn140:17.6","mn140:17.7","mn140:17.8","mn140:17.9"],"kind":"text","text":{"pi":"Katamā ca, bhikkhu, vāyodhātu?\nVāyodhātu siyā ajjhattikā siyā bāhirā.\nKatamā ca, bhikkhu, ajjhattikā vāyodhātu?\nYaṁ ajjhattaṁ paccattaṁ vāyo vāyogataṁ upādinnaṁ, seyyathidaṁ—\nuddhaṅgamā vātā adhogamā vātā kucchisayā vātā koṭṭhāsayā vātā aṅgamaṅgānusārino vātā assāso passāso iti, yaṁ vā panaññampi kiñci ajjhattaṁ paccattaṁ vāyo vāyogataṁ upādinnaṁ—\nayaṁ vuccati, bhikkhu, ajjhattikā vāyodhātu.\nYā ceva kho pana ajjhattikā vāyodhātu yā ca bāhirā vāyodhātu vāyodhāturevesā.\n‘Taṁ netaṁ mama, nesohamasmi, na meso attā’ti—evametaṁ yathābhūtaṁ sammappaññāya daṭṭhabbaṁ.\nEvametaṁ yathābhūtaṁ sammappaññāya disvā vāyodhātuyā nibbindati, vāyodhātuyā cittaṁ virājeti.","en":"And what is the air element?\nThe air element may be interior or exterior.\nAnd what is the interior air element?\nAnything internal, personal, that’s air, airy, and appropriated. This includes:\nwinds that go up or down, winds in the belly or the bowels, winds that flow through the limbs, in-breaths and out-breaths; or anything else internal, personal, that’s air, airy, and appropriated.\nThis is called the interior air element.\nThe interior air element and the exterior air element are just the air element.\nThis should be truly seen with right understanding like this: ‘This is not mine, I am not this, this is not my self.’\nWhen you truly see with right understanding, you grow disillusioned with the air element, detaching the mind from the air element."}},{"id":"mn140:18","sourceIds":["mn140:18.1","mn140:18.2","mn140:18.3","mn140:18.4","mn140:18.5","mn140:18.6","mn140:18.7","mn140:18.8","mn140:18.9"],"kind":"text","text":{"pi":"Katamā ca, bhikkhu, ākāsadhātu?\nĀkāsadhātu siyā ajjhattikā siyā bāhirā.\nKatamā ca, bhikkhu, ajjhattikā ākāsadhātu?\nYaṁ ajjhattaṁ paccattaṁ ākāsaṁ ākāsagataṁ upādinnaṁ, seyyathidaṁ—\nkaṇṇacchiddaṁ nāsacchiddaṁ mukhadvāraṁ yena ca asitapītakhāyitasāyitaṁ ajjhoharati, yattha ca asitapītakhāyitasāyitaṁ santiṭṭhati, yena ca asitapītakhāyitasāyitaṁ adhobhāgaṁ nikkhamati, yaṁ vā panaññampi kiñci ajjhattaṁ paccattaṁ ākāsaṁ ākāsagataṁ aghaṁ aghagataṁ vivaraṁ vivaragataṁ asamphuṭṭhaṁ maṁsalohitehi upādinnaṁ—\nayaṁ vuccati, bhikkhu, ajjhattikā ākāsadhātu.\nYā ceva kho pana ajjhattikā ākāsadhātu yā ca bāhirā ākāsadhātu ākāsadhāturevesā.\n‘Taṁ netaṁ mama, nesohamasmi, na meso attā’ti—evametaṁ yathābhūtaṁ sammappaññāya daṭṭhabbaṁ.\nEvametaṁ yathābhūtaṁ sammappaññāya disvā ākāsadhātuyā nibbindati, ākāsadhātuyā cittaṁ virājeti.","en":"And what is the space element?\nThe space element may be interior or exterior.\nAnd what is the interior space element?\nAnything internal, personal, that’s space, spacious, and appropriated. This includes:\nthe ear canals, nostrils, and mouth; and the space for swallowing what is eaten and drunk, the space where it stays, and the space for excreting it from the nether regions; or anything else internal, personal, that’s space, spacious, and appropriated.\nThis is called the interior space element.\nThe interior space element and the exterior space element are just the space element.\nThis should be truly seen with right understanding like this: ‘This is not mine, I am not this, this is not my self.’\nWhen you truly see with right understanding, you grow disillusioned with the space element, detaching the mind from the space element."}},{"id":"mn140:19","sourceIds":["mn140:19.1","mn140:19.2","mn140:19.3","mn140:19.4","mn140:19.5","mn140:19.6","mn140:19.7","mn140:19.8","mn140:19.9","mn140:19.10","mn140:19.11","mn140:19.12","mn140:19.13","mn140:19.14","mn140:19.15","mn140:19.16","mn140:19.17","mn140:19.18","mn140:19.19","mn140:19.20","mn140:19.21","mn140:19.22"],"kind":"text","text":{"pi":"Athāparaṁ viññāṇaṁyeva avasissati parisuddhaṁ pariyodātaṁ.\nTena ca viññāṇena kiṁ vijānāti?\n‘Sukhan’tipi vijānāti, ‘dukkhan’tipi vijānāti, ‘adukkhamasukhan’tipi vijānāti.\nSukhavedaniyaṁ, bhikkhu, phassaṁ paṭicca uppajjati sukhā vedanā.\nSo sukhaṁ vedanaṁ vedayamāno ‘sukhaṁ vedanaṁ vedayāmī’ti pajānāti.\n‘Tasseva sukhavedaniyassa phassassa nirodhā yaṁ tajjaṁ vedayitaṁ sukhavedaniyaṁ phassaṁ paṭicca uppannā sukhā vedanā sā nirujjhati, sā vūpasammatī’ti pajānāti.\nDukkhavedaniyaṁ, bhikkhu, phassaṁ paṭicca uppajjati dukkhā vedanā.\nSo dukkhaṁ vedanaṁ vedayamāno ‘dukkhaṁ vedanaṁ vedayāmī’ti pajānāti.\n‘Tasseva dukkhavedaniyassa phassassa nirodhā yaṁ tajjaṁ vedayitaṁ dukkhavedaniyaṁ phassaṁ paṭicca uppannā dukkhā vedanā sā nirujjhati, sā vūpasammatī’ti pajānāti.\nAdukkhamasukhavedaniyaṁ, bhikkhu, phassaṁ paṭicca uppajjati adukkhamasukhā vedanā.\nSo adukkhamasukhaṁ vedanaṁ vedayamāno ‘adukkhamasukhaṁ vedanaṁ vedayāmī’ti pajānāti.\n‘Tasseva adukkhamasukhavedaniyassa phassassa nirodhā yaṁ tajjaṁ vedayitaṁ adukkhamasukhavedaniyaṁ phassaṁ paṭicca uppannā adukkhamasukhā vedanā sā nirujjhati, sā vūpasammatī’ti pajānāti.\nSeyyathāpi, bhikkhu, dvinnaṁ kaṭṭhānaṁ saṅghaṭṭā samodhānā usmā jāyati, tejo abhinibbattati, tesaṁyeva dvinnaṁ kaṭṭhānaṁ nānābhāvā vinikkhepā yā tajjā usmā sā nirujjhati, sā vūpasammati;\nevameva kho, bhikkhu, sukhavedaniyaṁ phassaṁ paṭicca uppajjati sukhā vedanā.\nSo sukhaṁ vedanaṁ vedayamāno ‘sukhaṁ vedanaṁ vedayāmī’ti pajānāti.\n‘Tasseva sukhavedaniyassa phassassa nirodhā yaṁ tajjaṁ vedayitaṁ sukhavedaniyaṁ phassaṁ paṭicca uppannā sukhā vedanā sā nirujjhati, sā vūpasammatī’ti pajānāti.\nDukkhavedaniyaṁ, bhikkhu, phassaṁ paṭicca uppajjati dukkhā vedanā.\nSo dukkhaṁ vedanaṁ vedayamāno ‘dukkhaṁ vedanaṁ vedayāmī’ti pajānāti.\n‘Tasseva dukkhavedaniyassa phassassa nirodhā yaṁ tajjaṁ vedayitaṁ dukkhavedaniyaṁ phassaṁ paṭicca uppannā dukkhā vedanā sā nirujjhati, sā vūpasammatī’ti pajānāti.\nAdukkhamasukhavedaniyaṁ, bhikkhu, phassaṁ paṭicca uppajjati adukkhamasukhā vedanā.\nSo adukkhamasukhaṁ vedanaṁ vedayamāno ‘adukkhamasukhaṁ vedanaṁ vedayāmī’ti pajānāti.\n‘Tasseva adukkhamasukhavedaniyassa phassassa nirodhā yaṁ tajjaṁ vedayitaṁ adukkhamasukhavedaniyaṁ phassaṁ paṭicca uppannā adukkhamasukhā vedanā sā nirujjhati, sā vūpasammatī’ti pajānāti.","en":"What remains is sheer consciousness, pure and bright.\nAnd what does that consciousness know?\nIt cognizes ‘pleasure’ and ‘pain’ and ‘neutral’.\nPleasant feeling arises dependent on a contact to be experienced as pleasant.\nWhen they feel a pleasant feeling, they know: ‘I feel a pleasant feeling.’\nThey know: ‘With the cessation of that contact to be experienced as pleasant, the corresponding pleasant feeling ceases and stops.’\nPainful feeling arises dependent on a contact to be experienced as painful.\nWhen they feel a painful feeling, they know: ‘I feel a painful feeling.’\nThey know: ‘With the cessation of that contact to be experienced as painful, the corresponding painful feeling ceases and stops.’\nNeutral feeling arises dependent on a contact to be experienced as neutral.\nWhen they feel a neutral feeling, they know: ‘I feel a neutral feeling.’\nThey know: ‘With the cessation of that contact to be experienced as neutral, the corresponding neutral feeling ceases and stops.’\nWhen you rub two sticks together, heat is generated and fire is produced. But when you part the sticks and lay them aside, any corresponding heat ceases and stops.\nIn the same way, pleasant feeling arises dependent on a contact to be experienced as pleasant. …\nThey know: ‘With the cessation of that contact to be experienced as neutral, the corresponding neutral feeling ceases and stops.’"}},{"id":"mn140:20","sourceIds":["mn140:20.1","mn140:20.2","mn140:20.3"],"kind":"text","text":{"pi":"Athāparaṁ upekkhāyeva avasissati parisuddhā pariyodātā mudu ca kammaññā ca pabhassarā ca.\nSeyyathāpi, bhikkhu, dakkho suvaṇṇakāro vā suvaṇṇakārantevāsī vā ukkaṁ bandheyya, ukkaṁ bandhitvā ukkāmukhaṁ ālimpeyya, ukkāmukhaṁ ālimpetvā saṇḍāsena jātarūpaṁ gahetvā ukkāmukhe pakkhipeyya, tamenaṁ kālena kālaṁ abhidhameyya, kālena kālaṁ udakena paripphoseyya, kālena kālaṁ ajjhupekkheyya, taṁ hoti jātarūpaṁ sudhantaṁ niddhantaṁ nīhaṭaṁ ninnītakasāvaṁ mudu ca kammaññañca pabhassarañca, yassā yassā ca piḷandhanavikatiyā ākaṅkhati—yadi paṭṭikāya yadi kuṇḍalāya yadi gīveyyakāya yadi suvaṇṇamālāya tañcassa atthaṁ anubhoti;\nevameva kho, bhikkhu, athāparaṁ upekkhāyeva avasissati parisuddhā pariyodātā mudu ca kammaññā ca pabhassarā ca.","en":"There remains only equanimity, pure, bright, pliable, workable, and radiant.\nIt’s like when a deft goldsmith or a goldsmith’s apprentice prepares a forge, fires the crucible, picks up some native gold with tongs and puts it in the crucible. From time to time they fan it, from time to time they sprinkle water on it, and from time to time they just watch over it. That native gold becomes pliable, workable, and radiant, not brittle, and is ready to be worked. Then the goldsmith can successfully create any kind of ornament they want, whether a bracelet, earrings, a necklace, or a golden garland.\nIn the same way, there remains only equanimity, pure, bright, pliable, workable, and radiant."}},{"id":"mn140:21","sourceIds":["mn140:21.1","mn140:21.2","mn140:21.3","mn140:21.4","mn140:21.5","mn140:21.6","mn140:21.7","mn140:21.8","mn140:21.9"],"kind":"text","text":{"pi":"So evaṁ pajānāti:\n‘imañce ahaṁ upekkhaṁ evaṁ parisuddhaṁ evaṁ pariyodātaṁ ākāsānañcāyatanaṁ upasaṁhareyyaṁ, tadanudhammañca cittaṁ bhāveyyaṁ.\nEvaṁ me ayaṁ upekkhā tannissitā tadupādānā ciraṁ dīghamaddhānaṁ tiṭṭheyya.\nImañce ahaṁ upekkhaṁ evaṁ parisuddhaṁ evaṁ pariyodātaṁ viññāṇañcāyatanaṁ upasaṁhareyyaṁ, tadanudhammañca cittaṁ bhāveyyaṁ.\nEvaṁ me ayaṁ upekkhā tannissitā tadupādānā ciraṁ dīghamaddhānaṁ tiṭṭheyya.\nImañce ahaṁ upekkhaṁ evaṁ parisuddhaṁ evaṁ pariyodātaṁ ākiñcaññāyatanaṁ upasaṁhareyyaṁ, tadanudhammañca cittaṁ bhāveyyaṁ.\nEvaṁ me ayaṁ upekkhā tannissitā tadupādānā ciraṁ dīghamaddhānaṁ tiṭṭheyya.\nImañce ahaṁ upekkhaṁ evaṁ parisuddhaṁ evaṁ pariyodātaṁ nevasaññānāsaññāyatanaṁ upasaṁhareyyaṁ, tadanudhammañca cittaṁ bhāveyyaṁ.\nEvaṁ me ayaṁ upekkhā tannissitā tadupādānā ciraṁ dīghamaddhānaṁ tiṭṭheyyā’ti.","en":"They understand:\n‘If I were to apply this equanimity, so pure and bright, to the dimension of infinite space, and develop my mind accordingly,\nthis equanimity of mine, relying on that and grasping it, would remain for a very long time.\nIf I were to apply this equanimity, so pure and bright, to the dimension of infinite consciousness, and develop my mind accordingly,\nthis equanimity of mine, relying on that and grasping it, would remain for a very long time.\nIf I were to apply this equanimity, so pure and bright, to the dimension of nothingness, and develop my mind accordingly,\nthis equanimity of mine, relying on that and grasping it, would remain for a very long time.\nIf I were to apply this equanimity, so pure and bright, to the dimension of neither perception nor non-perception, and develop my mind accordingly,\nthis equanimity of mine, relying on that and grasping it, would remain for a very long time.’"}},{"id":"mn140:22","sourceIds":["mn140:22.1","mn140:22.2","mn140:22.3","mn140:22.4","mn140:22.5","mn140:22.6","mn140:22.7","mn140:22.8","mn140:22.9","mn140:22.10","mn140:22.11","mn140:22.12","mn140:22.13"],"kind":"text","text":{"pi":"So evaṁ pajānāti:\n‘imañce ahaṁ upekkhaṁ evaṁ parisuddhaṁ evaṁ pariyodātaṁ ākāsānañcāyatanaṁ upasaṁhareyyaṁ, tadanudhammañca cittaṁ bhāveyyaṁ;\nsaṅkhatametaṁ.\nImañce ahaṁ upekkhaṁ evaṁ parisuddhaṁ evaṁ pariyodātaṁ viññāṇañcāyatanaṁ upasaṁhareyyaṁ, tadanudhammañca cittaṁ bhāveyyaṁ;\nsaṅkhatametaṁ.\nImañce ahaṁ upekkhaṁ evaṁ parisuddhaṁ evaṁ pariyodātaṁ ākiñcaññāyatanaṁ upasaṁhareyyaṁ, tadanudhammañca cittaṁ bhāveyyaṁ;\nsaṅkhatametaṁ.\nImañce ahaṁ upekkhaṁ evaṁ parisuddhaṁ evaṁ pariyodātaṁ nevasaññānāsaññāyatanaṁ upasaṁhareyyaṁ, tadanudhammañca cittaṁ bhāveyyaṁ;\nsaṅkhatametan’ti.\nSo neva taṁ abhisaṅkharoti, na abhisañcetayati bhavāya vā vibhavāya vā.\nSo anabhisaṅkharonto anabhisañcetayanto bhavāya vā vibhavāya vā na kiñci loke upādiyati,\nanupādiyaṁ na paritassati, aparitassaṁ paccattaṁyeva parinibbāyati.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.","en":"They understand:\n‘If I were to apply this equanimity, so pure and bright, to the dimension of infinite space, my mind would develop accordingly.\nBut that is conditioned.\nIf I were to apply this equanimity, so pure and bright, to the dimension of infinite consciousness …\nnothingness …\nneither perception nor non-perception, my mind would develop accordingly.\nBut that is conditioned.’\nThey neither make a choice nor form an intention for existence or nonexistence.\nBecause of this, they don’t grasp at anything in the world.\nNot grasping, they’re not anxious. Not being anxious, they personally become extinguished.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’"}},{"id":"mn140:23","sourceIds":["mn140:23.1","mn140:23.2","mn140:23.3"],"kind":"text","text":{"pi":"So sukhañce vedanaṁ vedeti, ‘sā aniccā’ti pajānāti, ‘anajjhositā’ti pajānāti, ‘anabhinanditā’ti pajānāti.\nDukkhañce vedanaṁ vedeti, ‘sā aniccā’ti pajānāti, ‘anajjhositā’ti pajānāti, ‘anabhinanditā’ti pajānāti.\nAdukkhamasukhañce vedanaṁ vedeti, ‘sā aniccā’ti pajānāti, ‘anajjhositā’ti pajānāti, ‘anabhinanditā’ti pajānāti.","en":"If they feel a pleasant feeling, they understand that it’s impermanent, that they’re not attached to it, and that they don’t take pleasure in it.\nIf they feel a painful feeling, they understand that it’s impermanent, that they’re not attached to it, and that they don’t take pleasure in it.\nIf they feel a neutral feeling, they understand that it’s impermanent, that they’re not attached to it, and that they don’t take pleasure in it."}},{"id":"mn140:24","sourceIds":["mn140:24.1","mn140:24.2","mn140:24.3","mn140:24.4","mn140:24.5","mn140:24.6","mn140:24.7","mn140:24.8","mn140:24.9"],"kind":"text","text":{"pi":"So sukhañce vedanaṁ vedeti, visaṁyutto naṁ vedeti;\ndukkhañce vedanaṁ vedeti, visaṁyutto naṁ vedeti;\nadukkhamasukhañce vedanaṁ vedeti, visaṁyutto naṁ vedeti.\nSo kāyapariyantikaṁ vedanaṁ vedayamāno ‘kāyapariyantikaṁ vedanaṁ vedayāmī’ti pajānāti, jīvitapariyantikaṁ vedanaṁ vedayamāno ‘jīvitapariyantikaṁ vedanaṁ vedayāmī’ti pajānāti,\n‘kāyassa bhedā paraṁ maraṇā uddhaṁ jīvitapariyādānā idheva sabbavedayitāni anabhinanditāni sītībhavissantī’ti pajānāti.\nSeyyathāpi, bhikkhu, telañca paṭicca vaṭṭiñca paṭicca telappadīpo jhāyati;\ntasseva telassa ca vaṭṭiyā ca pariyādānā aññassa ca anupahārā anāhāro nibbāyati;\nevameva kho, bhikkhu, kāyapariyantikaṁ vedanaṁ vedayamāno ‘kāyapariyantikaṁ vedanaṁ vedayāmī’ti pajānāti, jīvitapariyantikaṁ vedanaṁ vedayamāno ‘jīvitapariyantikaṁ vedanaṁ vedayāmī’ti pajānāti,\n‘kāyassa bhedā paraṁ maraṇā uddhaṁ jīvitapariyādānā idheva sabbavedayitāni anabhinanditāni sītībhavissantī’ti pajānāti.","en":"If they feel a pleasant feeling, they feel it detached.\nIf they feel a painful feeling, they feel it detached.\nIf they feel a neutral feeling, they feel it detached.\nFeeling the end of the body draw close, they understand: ‘I feel the end of the body draw close.’ Feeling the end of life draw close, they understand: ‘I feel the end of life draw close.’\nThey understand: ‘When my body breaks up and my life has come to an end, everything that’s felt, since I no longer take pleasure in it, will become cool right here.’\nSuppose an oil lamp depended on oil and a wick to burn.\nAs the oil and the wick are used up, it would be extinguished due to not being fed.\nIn the same way, feeling the end of the body draw close, they understand: ‘I feel the end of the body draw close.’ Feeling the end of life draw close, they understand: ‘I feel the end of life draw close.’\nThey understand: ‘When my body breaks up and my life has come to an end, everything that’s felt, since I no longer take pleasure in it, will become cool right here.’"}},{"id":"mn140:25","sourceIds":["mn140:25.1","mn140:25.2","mn140:25.3"],"kind":"text","text":{"pi":"Tasmā evaṁ samannāgato bhikkhu iminā paramena paññādhiṭṭhānena samannāgato hoti.\nEsā hi, bhikkhu, paramā ariyā paññā yadidaṁ—\nsabbadukkhakkhaye ñāṇaṁ.","en":"Therefore a mendicant thus endowed is endowed with the ultimate foundation of wisdom.\nFor this is the ultimate noble wisdom, namely,\nthe knowledge of the ending of all suffering."}},{"id":"mn140:26","sourceIds":["mn140:26.1","mn140:26.2","mn140:26.3","mn140:26.4","mn140:26.5"],"kind":"text","text":{"pi":"Tassa sā vimutti sacce ṭhitā akuppā hoti.\nTañhi, bhikkhu, musā yaṁ mosadhammaṁ, taṁ saccaṁ yaṁ amosadhammaṁ nibbānaṁ.\nTasmā evaṁ samannāgato bhikkhu iminā paramena saccādhiṭṭhānena samannāgato hoti.\nEtañhi, bhikkhu, paramaṁ ariyasaccaṁ yadidaṁ—\namosadhammaṁ nibbānaṁ.","en":"Their freedom, being founded on truth, is unshakable.\nFor that which is false has a deceptive nature, while that which is true has an undeceptive nature—extinguishment.\nTherefore a mendicant thus endowed is endowed with the ultimate foundation of truth.\nFor this is the ultimate noble truth, namely,\nthat which has an undeceptive nature—extinguishment."}},{"id":"mn140:27","sourceIds":["mn140:27.1","mn140:27.2","mn140:27.3","mn140:27.4","mn140:27.5"],"kind":"text","text":{"pi":"Tasseva kho pana pubbe aviddasuno upadhī honti samattā samādinnā.\nTyāssa pahīnā honti ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā evaṁ samannāgato bhikkhu iminā paramena cāgādhiṭṭhānena samannāgato hoti.\nEso hi, bhikkhu, paramo ariyo cāgo yadidaṁ—\nsabbūpadhipaṭinissaggo.","en":"In their ignorance, they used to acquire attachments.\nThose have been cut off at the root, made like a palm stump, obliterated so they are unable to arise in the future.\nTherefore a mendicant thus endowed is endowed with the ultimate foundation of generosity.\nFor this is the ultimate noble generosity, namely,\nletting go of all attachments."}},{"id":"mn140:28","sourceIds":["mn140:28.1","mn140:28.2","mn140:28.3","mn140:28.4","mn140:28.5","mn140:28.6","mn140:28.7","mn140:28.8","mn140:28.9"],"kind":"text","text":{"pi":"Tasseva kho pana pubbe aviddasuno abhijjhā hoti chando sārāgo.\nSvāssa pahīno hoti ucchinnamūlo tālāvatthukato anabhāvaṅkato āyatiṁ anuppādadhammo.\nTasseva kho pana pubbe aviddasuno āghāto hoti byāpādo sampadoso.\nSvāssa pahīno hoti ucchinnamūlo tālāvatthukato anabhāvaṅkato āyatiṁ anuppādadhammo.\nTasseva kho pana pubbe aviddasuno avijjā hoti sammoho.\nSvāssa pahīno hoti ucchinnamūlo tālāvatthukato anabhāvaṅkato āyatiṁ anuppādadhammo.\nTasmā evaṁ samannāgato bhikkhu iminā paramena upasamādhiṭṭhānena samannāgato hoti.\nEso hi, bhikkhu, paramo ariyo upasamo yadidaṁ—\nrāgadosamohānaṁ upasamo.","en":"In their ignorance, they used to be covetous, full of desire and lust.\nThat has been cut off at the root, made like a palm stump, obliterated so it’s unable to arise in the future.\nIn their ignorance, they used to be contemptuous, full of ill will and malevolence.\nThat has been cut off at the root, made like a palm stump, obliterated so it’s unable to arise in the future.\nIn their ignorance, they used to be ignorant, full of delusion.\nThat has been cut off at the root, made like a palm stump, obliterated so it’s unable to arise in the future.\nTherefore a mendicant thus endowed is endowed with the ultimate foundation of peace.\nFor this is the ultimate noble peace, namely,\nthe pacification of greed, hate, and delusion."}},{"id":"mn140:29","sourceIds":["mn140:29.1","mn140:29.2"],"kind":"text","text":{"pi":"‘Paññaṁ nappamajjeyya, saccamanurakkheyya, cāgamanubrūheyya, santimeva so sikkheyyā’ti—\niti yaṁ taṁ vuttaṁ, idametaṁ paṭicca vuttaṁ.","en":"‘Do not neglect wisdom; preserve truth; foster generosity; and train only for peace.’\nThat’s what I said, and this is why I said it."}},{"id":"mn140:30","sourceIds":["mn140:30.1","mn140:30.2"],"kind":"text","text":{"pi":"‘Yattha ṭhitaṁ maññassavā nappavattanti, maññassave kho pana nappavattamāne muni santoti vuccatī’ti—\niti kho panetaṁ vuttaṁ. Kiñcetaṁ paṭicca vuttaṁ?","en":"‘Where they stand, the streams of conceiving do not flow. And where the streams of conceiving do not flow, they are called a sage at peace.’\nThat’s what I said, but why did I say it?"}},{"id":"mn140:31","sourceIds":["mn140:31.1","mn140:31.2","mn140:31.3","mn140:31.4","mn140:31.5"],"kind":"text","text":{"pi":"‘Asmī’ti, bhikkhu, maññitametaṁ, ‘ayamahamasmī’ti maññitametaṁ, ‘bhavissan’ti maññitametaṁ, ‘na bhavissan’ti maññitametaṁ, ‘rūpī bhavissan’ti maññitametaṁ, ‘arūpī bhavissan’ti maññitametaṁ, ‘saññī bhavissan’ti maññitametaṁ, ‘asaññī bhavissan’ti maññitametaṁ, ‘nevasaññīnāsaññī bhavissan’ti maññitametaṁ.\nMaññitaṁ, bhikkhu, rogo maññitaṁ gaṇḍo maññitaṁ sallaṁ.\nSabbamaññitānaṁ tveva, bhikkhu, samatikkamā muni santoti vuccati.\nMuni kho pana, bhikkhu, santo na jāyati, na jīyati, na mīyati, na kuppati, na piheti.\nTañhissa, bhikkhu, natthi yena jāyetha, ajāyamāno kiṁ jīyissati, ajīyamāno kiṁ mīyissati, amīyamāno kiṁ kuppissati, akuppamāno kissa pihessati?","en":"These are all forms of conceiving: ‘I am’, ‘I am this’, ‘I will be’, ‘I will not be’, ‘I will have form’, ‘I will be formless’, ‘I will be percipient’, ‘I will be non-percipient’, ‘I will be neither percipient nor non-percipient.’\nConceiving is a disease, a boil, a dart.\nHaving gone beyond all conceiving, one is called a sage at peace.\nThe sage at peace is not reborn, does not grow old, and does not die. They are not shaken, and do not yearn.\nFor they have nothing which would cause them to be reborn. Not being reborn, how could they grow old? Not growing old, how could they die? Not dying, how could they be shaken? Not shaking, for what could they yearn?"}},{"id":"mn140:32","sourceIds":["mn140:32.1","mn140:32.2","mn140:32.3"],"kind":"text","text":{"pi":"‘Yattha ṭhitaṁ maññassavā nappavattanti, maññassave kho pana nappavattamāne muni santoti vuccatī’ti—\niti yaṁ taṁ vuttaṁ, idametaṁ paṭicca vuttaṁ.\nImaṁ kho me tvaṁ, bhikkhu, saṅkhittena chadhātuvibhaṅgaṁ dhārehī”ti.","en":"‘Where they stand, the streams of conceiving do not flow. And where the streams of conceiving do not flow, they are called a sage at peace.’\nThat’s what I said, and this is why I said it.\nMendicant, you should remember this brief analysis of the six elements.”"}},{"id":"mn140:33","sourceIds":["mn140:33.1","mn140:33.2","mn140:33.3","mn140:33.4","mn140:33.5","mn140:33.6","mn140:33.7"],"kind":"text","text":{"pi":"Atha kho āyasmā pukkusāti:\n“satthā kira me anuppatto, sugato kira me anuppatto, sammāsambuddho kira me anuppatto”ti uṭṭhāyāsanā ekaṁsaṁ cīvaraṁ katvā bhagavato pādesu sirasā nipatitvā bhagavantaṁ etadavoca:\n“accayo maṁ, bhante, accagamā yathābālaṁ yathāmūḷhaṁ yathāakusalaṁ, yohaṁ bhagavantaṁ āvusovādena samudācaritabbaṁ amaññissaṁ.\nTassa me, bhante, bhagavā accayaṁ accayato paṭiggaṇhātu āyatiṁ saṁvarāyā”ti.\n“Taggha tvaṁ, bhikkhu, accayo accagamā yathābālaṁ yathāmūḷhaṁ yathāakusalaṁ, yaṁ maṁ tvaṁ āvusovādena samudācaritabbaṁ amaññittha.\nYato ca kho tvaṁ, bhikkhu, accayaṁ accayato disvā yathādhammaṁ paṭikarosi, taṁ te mayaṁ paṭiggaṇhāma.\nVuddhihesā, bhikkhu, ariyassa vinaye yo accayaṁ accayato disvā yathādhammaṁ paṭikaroti, āyatiṁ saṁvaraṁ āpajjatī”ti.","en":"Then Venerable Pukkusāti thought,\n“It seems the Teacher has come to me! The Holy One has come to me! The fully awakened Buddha has come to me!” He got up from his seat, arranged his robe over one shoulder, bowed with his head to the Buddha’s feet, and said,\n“I made a mistake, sir. It was foolish, stupid, and unskillful of me to presume to address the Buddha as ‘reverend’.\nPlease, sir, accept my mistake for what it is, so I will restrain myself in future.”\n“Indeed, mendicant, you made a mistake. It was foolish, stupid, and unskillful of you to act in that way.\nBut since you have recognized your mistake for what it is, and have dealt with it properly, I accept it.\nFor it is growth in the training of the Noble One to recognize a mistake for what it is, deal with it properly, and commit to restraint in the future.”"}},{"id":"mn140:34","sourceIds":["mn140:34.1","mn140:34.2","mn140:34.3","mn140:34.4"],"kind":"text","text":{"pi":"“Labheyyāhaṁ, bhante, bhagavato santike upasampadan”ti.\n“Paripuṇṇaṁ pana te, bhikkhu, pattacīvaran”ti?\n“Na kho me, bhante, paripuṇṇaṁ pattacīvaran”ti.\n“Na kho, bhikkhu, tathāgatā aparipuṇṇapattacīvaraṁ upasampādentī”ti.","en":"“Sir, may I receive the going forth, the ordination in the Buddha’s presence?”\n“But mendicant, do you have a full set of bowl and robes?”\n“No, sir, I do not.”\n“The Realized Ones do not ordain those without a full set of bowl and robes.”"}},{"id":"mn140:35","sourceIds":["mn140:35.1","mn140:35.2"],"kind":"text","text":{"pi":"Atha kho āyasmā pukkusāti bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā pattacīvarapariyesanaṁ pakkāmi.\nAtha kho āyasmantaṁ pukkusātiṁ pattacīvarapariyesanaṁ carantaṁ vibbhantā gāvī jīvitā voropesi.","en":"And then Venerable Pukkusāti approved and agreed with what the Buddha said. He got up from his seat, bowed and respectfully circled the Buddha, keeping him on his right, before leaving.\nBut while he was wandering in search of a bowl and robes, a stray cow took his life."}},{"id":"mn140:36","sourceIds":["mn140:36.1","mn140:36.2","mn140:36.3","mn140:36.4","mn140:36.5","mn140:36.6","mn140:36.7","mn140:36.8"],"kind":"text","text":{"pi":"Atha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“yo so, bhante, pukkusāti nāma kulaputto bhagavatā saṅkhittena ovādena ovadito so kālaṅkato.\nTassa kā gati, ko abhisamparāyo”ti?\n“Paṇḍito, bhikkhave, pukkusāti kulaputto paccapādi dhammassānudhammaṁ, na ca maṁ dhammādhikaraṇaṁ vihesesi.\nPukkusāti, bhikkhave, kulaputto pañcannaṁ orambhāgiyānaṁ saṁyojanānaṁ parikkhayā opapātiko tattha parinibbāyī anāvattidhammo tasmā lokā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nDhātuvibhaṅgasuttaṁ niṭṭhitaṁ dasamaṁ.","en":"Then several mendicants went up to the Buddha, bowed, sat down to one side, and said to him,\n“Sir, the gentleman named Pukkusāti, who was advised in brief by the Buddha, has passed away.\nWhere has he been reborn in his next life?”\n“Mendicants, Pukkusāti was astute. He practiced in line with the teaching, and did not trouble me about the teachings.\nWith the ending of the five lower fetters, he’s been reborn spontaneously and will become extinguished there, not liable to return from that world.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn140/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}