{"id":"mn142","title":"The Analysis of Religious Donations","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn142","title":"The Analysis of Religious Donations","units":[{"id":"mn142:0","sourceIds":["mn142:0.1","mn142:0.2"],"kind":"text","text":{"pi":"Majjhima Nikāya 142\nDakkhiṇāvibhaṅgasutta","en":"Middle Discourses 142\nThe Analysis of Religious Donations"}},{"id":"mn142:1","sourceIds":["mn142:1.1","mn142:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sakkesu viharati kapilavatthusmiṁ nigrodhārāme.","en":"So I have heard.\nAt one time the Buddha was staying in the land of the Sakyans, near Kapilavatthu in the Banyan Tree Monastery."}},{"id":"mn142:2","sourceIds":["mn142:2.1","mn142:2.2","mn142:2.3","mn142:2.4","mn142:2.5","mn142:2.6","mn142:2.7","mn142:2.8","mn142:2.9","mn142:2.10","mn142:2.11","mn142:2.12","mn142:2.13","mn142:2.14","mn142:2.15","mn142:2.16","mn142:2.17","mn142:2.18"],"kind":"text","text":{"pi":"Atha kho mahāpajāpati gotamī navaṁ dussayugaṁ ādāya yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnā kho mahāpajāpati gotamī bhagavantaṁ etadavoca:\n“idaṁ me, bhante, navaṁ dussayugaṁ bhagavantaṁ uddissa sāmaṁ kantaṁ sāmaṁ vāyitaṁ.\nTaṁ me, bhante, bhagavā paṭiggaṇhātu anukampaṁ upādāyā”ti.\nEvaṁ vutte, bhagavā mahāpajāpatiṁ gotamiṁ etadavoca:\n“saṅghe, gotami, dehi.\nSaṅghe te dinne ahañceva pūjito bhavissāmi saṅgho cā”ti.\nDutiyampi kho mahāpajāpati gotamī bhagavantaṁ etadavoca:\n“idaṁ me, bhante, navaṁ dussayugaṁ bhagavantaṁ uddissa sāmaṁ kantaṁ sāmaṁ vāyitaṁ.\nTaṁ me, bhante, bhagavā paṭiggaṇhātu anukampaṁ upādāyā”ti.\nDutiyampi kho bhagavā mahāpajāpatiṁ gotamiṁ etadavoca:\n“saṅghe, gotami, dehi.\nSaṅghe te dinne ahañceva pūjito bhavissāmi saṅgho cā”ti.\nTatiyampi kho mahāpajāpati gotamī bhagavantaṁ etadavoca:\n“idaṁ me, bhante, navaṁ dussayugaṁ bhagavantaṁ uddissa sāmaṁ kantaṁ sāmaṁ vāyitaṁ.\nTaṁ me, bhante, bhagavā paṭiggaṇhātu anukampaṁ upādāyā”ti.\nTatiyampi kho bhagavā mahāpajāpatiṁ gotamiṁ etadavoca:\n“saṅghe, gotami, dehi.\nSaṅghe te dinne ahañceva pūjito bhavissāmi saṅgho cā”ti.","en":"Then Mahāpajāpati Gotamī approached the Buddha bringing a new pair of garments. She bowed, sat down to one side, and said to the Buddha,\n“Sir, I have spun and woven this new pair of garments specially for the Buddha.\nMay the Buddha please accept this from me out of sympathy.”\nWhen she said this, the Buddha said to her,\n“Give it to the Saṅgha, Gotamī.\nWhen you give to the Saṅgha, both the Saṅgha and I will be honored.”\nFor a second time …\nFor a third time, Mahāpajāpati Gotamī said to the Buddha,\n“Sir, I have spun and woven this new pair of garments specially for the Buddha.\nMay the Buddha please accept this from me out of sympathy.”\nAnd for a third time, the Buddha said to her,\n“Give it to the Saṅgha, Gotamī.\nWhen you give to the Saṅgha, both the Saṅgha and I will be honored.”"}},{"id":"mn142:3","sourceIds":["mn142:3.1","mn142:3.2","mn142:3.3","mn142:3.4","mn142:3.5","mn142:3.6","mn142:3.7","mn142:3.8","mn142:3.9","mn142:3.10"],"kind":"text","text":{"pi":"Evaṁ vutte, āyasmā ānando bhagavantaṁ etadavoca:\n“paṭiggaṇhātu, bhante, bhagavā mahāpajāpatiyā gotamiyā navaṁ dussayugaṁ.\nBahūpakārā, bhante, mahāpajāpati gotamī bhagavato mātucchā āpādikā posikā khīrassa dāyikā;\nbhagavantaṁ janettiyā kālaṅkatāya thaññaṁ pāyesi.\nBhagavāpi, bhante, bahūpakāro mahāpajāpatiyā gotamiyā.\nBhagavantaṁ, bhante, āgamma mahāpajāpati gotamī buddhaṁ saraṇaṁ gatā, dhammaṁ saraṇaṁ gatā, saṅghaṁ saraṇaṁ gatā.\nBhagavantaṁ, bhante, āgamma mahāpajāpati gotamī pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā surāmerayamajjapamādaṭṭhānā paṭiviratā.\nBhagavantaṁ, bhante, āgamma mahāpajāpati gotamī buddhe aveccappasādena samannāgatā, dhamme aveccappasādena samannāgatā, saṅghe aveccappasādena samannāgatā ariyakantehi sīlehi samannāgatā.\nBhagavantaṁ, bhante, āgamma mahāpajāpati gotamī dukkhe nikkaṅkhā, dukkhasamudaye nikkaṅkhā, dukkhanirodhe nikkaṅkhā, dukkhanirodhagāminiyā paṭipadāya nikkaṅkhā.\nBhagavāpi, bhante, bahūpakāro mahāpajāpatiyā gotamiyā”ti.","en":"When he said this, Venerable Ānanda said to the Buddha,\n“Sir, please accept the new pair of garments from Mahāpajāpati Gotamī.\nSir, Mahāpajāpati was very helpful to the Buddha. As his aunt, she raised him, nurtured him, and gave him her milk.\nWhen the Buddha’s birth mother passed away, she nurtured him at her own breast.\nAnd the Buddha has been very helpful to Mahāpajāpati.\nIt is owing to the Buddha that Mahāpajāpati has gone for refuge to the Buddha, the teaching, and the Saṅgha.\nIt’s owing to the Buddha that she refrains from killing living creatures, stealing, sexual misconduct, lying, and intoxicants of beer, wine, and liquor.\nIt’s owing to the Buddha that she has experiential confidence in the Buddha, the teaching, and the Saṅgha, and has the ethics loved by the noble ones.\nIt’s owing to the Buddha that she is free of doubt regarding suffering, its origin, its cessation, and the practice that leads to its cessation.\nThe Buddha has been very helpful to Mahāpajāpati.”"}},{"id":"mn142:4","sourceIds":["mn142:4.1","mn142:4.2","mn142:4.3","mn142:4.4","mn142:4.5","mn142:4.6","mn142:4.7","mn142:4.8","mn142:4.9"],"kind":"text","text":{"pi":"“Evametaṁ, ānanda.\nYaṁ hānanda, puggalo puggalaṁ āgamma buddhaṁ saraṇaṁ gato hoti, dhammaṁ saraṇaṁ gato hoti, saṅghaṁ saraṇaṁ gato hoti, imassānanda, puggalassa iminā puggalena na suppatikāraṁ vadāmi, yadidaṁ—\nabhivādanapaccuṭṭhānaañjalikammasāmīcikammacīvarapiṇḍapātasenāsanagilānappaccayabhesajjaparikkhārānuppadānena.\nYaṁ hānanda, puggalo puggalaṁ āgamma pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti, imassānanda, puggalassa iminā puggalena na suppatikāraṁ vadāmi, yadidaṁ—\nabhivādanapaccuṭṭhānaañjalikammasāmīcikammacīvarapiṇḍapātasenāsanagilānappaccayabhesajjaparikkhārānuppadānena.\nYaṁ hānanda, puggalo puggalaṁ āgamma buddhe aveccappasādena samannāgato hoti, dhamme … saṅghe … ariyakantehi sīlehi samannāgato hoti, imassānanda, puggalassa iminā puggalena na suppatikāraṁ vadāmi, yadidaṁ—\nabhivādanapaccuṭṭhānaañjalikammasāmīcikammacīvarapiṇḍapātasenāsanagilānappaccayabhesajjaparikkhārānuppadānena.\nYaṁ hānanda, puggalo puggalaṁ āgamma dukkhe nikkaṅkho hoti, dukkhasamudaye nikkaṅkho hoti, dukkhanirodhe nikkaṅkho hoti, dukkhanirodhagāminiyā paṭipadāya nikkaṅkho hoti, imassānanda, puggalassa iminā puggalena na suppatikāraṁ vadāmi, yadidaṁ—\nabhivādanapaccuṭṭhānaañjalikammasāmīcikammacīvarapiṇḍapātasenāsanagilānappaccayabhesajjaparikkhārānuppadānena.","en":"“That’s so true, Ānanda.\nWhen someone has enabled you to go for refuge, it’s not easy to repay them\nby bowing down to them, rising up for them, greeting them with cupped palms, and observing proper etiquette for them; or by providing them with robes, almsfood, lodgings, and medicines and supplies for the sick.\nWhen someone has enabled you to refrain from killing, stealing, sexual misconduct, lying, and intoxicants of beer, wine, and liquor, it’s not easy to repay them …\nWhen someone has enabled you to have experiential confidence in the Buddha, the teaching, and the Saṅgha, and the ethics loved by the noble ones, it’s not easy to repay them …\nWhen someone has enabled you to be free of doubt regarding suffering, its origin, its cessation, and the practice that leads to its cessation, it’s not easy to repay them\nby bowing down to them, rising up for them, greeting them with cupped palms, and observing proper etiquette for them; or by providing them with robes, almsfood, lodgings, and medicines and supplies for the sick."}},{"id":"mn142:5","sourceIds":["mn142:5.1","mn142:5.2","mn142:5.3","mn142:5.4","mn142:5.5","mn142:5.6","mn142:5.7","mn142:5.8","mn142:5.9","mn142:5.10","mn142:5.11","mn142:5.12","mn142:5.13","mn142:5.14","mn142:5.15","mn142:5.16","mn142:5.17","mn142:5.18","mn142:5.19","mn142:5.20","mn142:5.21","mn142:5.22","mn142:5.23","mn142:5.24","mn142:5.25","mn142:5.26","mn142:5.27","mn142:5.28","mn142:5.29","mn142:5.30"],"kind":"text","text":{"pi":"Cuddasa kho panimānanda, pāṭipuggalikā dakkhiṇā.\nKatamā cuddasa?\nTathāgate arahante sammāsambuddhe dānaṁ deti—\nayaṁ paṭhamā pāṭipuggalikā dakkhiṇā.\nPaccekasambuddhe dānaṁ deti—\nayaṁ dutiyā pāṭipuggalikā dakkhiṇā.\nTathāgatasāvake arahante dānaṁ deti—\nayaṁ tatiyā pāṭipuggalikā dakkhiṇā.\nArahattaphalasacchikiriyāya paṭipanne dānaṁ deti—\nayaṁ catutthī pāṭipuggalikā dakkhiṇā.\nAnāgāmissa dānaṁ deti—\nayaṁ pañcamī pāṭipuggalikā dakkhiṇā.\nAnāgāmiphalasacchikiriyāya paṭipanne dānaṁ deti—\nayaṁ chaṭṭhī pāṭipuggalikā dakkhiṇā.\nSakadāgāmissa dānaṁ deti—\nayaṁ sattamī pāṭipuggalikā dakkhiṇā.\nSakadāgāmiphalasacchikiriyāya paṭipanne dānaṁ deti—\nayaṁ aṭṭhamī pāṭipuggalikā dakkhiṇā.\nSotāpanne dānaṁ deti—\nayaṁ navamī pāṭipuggalikā dakkhiṇā.\nSotāpattiphalasacchikiriyāya paṭipanne dānaṁ deti—\nayaṁ dasamī pāṭipuggalikā dakkhiṇā.\nBāhirake kāmesu vītarāge dānaṁ deti—\nayaṁ ekādasamī pāṭipuggalikā dakkhiṇā.\nPuthujjanasīlavante dānaṁ deti—\nayaṁ dvādasamī pāṭipuggalikā dakkhiṇā.\nPuthujjanadussīle dānaṁ deti—\nayaṁ terasamī pāṭipuggalikā dakkhiṇā.\nTiracchānagate dānaṁ deti—\nayaṁ cuddasamī pāṭipuggalikā dakkhiṇāti.","en":"Ānanda, there are these fourteen religious donations to individuals.\nWhat fourteen?\nOne gives a gift to the Realized One, the perfected one, the fully awakened Buddha.\nThis is the first religious donation to an individual.\nOne gives a gift to an independent Buddha.\nThis is the second religious donation to an individual.\nOne gives a gift to a perfected one.\nThis is the third religious donation to an individual.\nOne gives a gift to someone practicing to realize the fruit of perfection.\nThis is the fourth religious donation to an individual.\nOne gives a gift to a non-returner.\nThis is the fifth religious donation to an individual.\nOne gives a gift to someone practicing to realize the fruit of non-return.\nThis is the sixth religious donation to an individual.\nOne gives a gift to a once-returner.\nThis is the seventh religious donation to an individual.\nOne gives a gift to someone practicing to realize the fruit of once-return.\nThis is the eighth religious donation to an individual.\nOne gives a gift to a stream-enterer.\nThis is the ninth religious donation to an individual.\nOne gives a gift to someone practicing to realize the fruit of stream-entry.\nThis is the tenth religious donation to an individual.\nOne gives a gift to an outsider who is free of desire for sensual pleasures.\nThis is the eleventh religious donation to an individual.\nOne gives a gift to an ordinary person who has good ethical conduct.\nThis is the twelfth religious donation to an individual.\nOne gives a gift to an ordinary person who has bad ethical conduct.\nThis is the thirteenth religious donation to an individual.\nOne gives a gift to an animal.\nThis is the fourteenth religious donation to an individual."}},{"id":"mn142:6","sourceIds":["mn142:6.1"],"kind":"text","text":{"pi":"Tatrānanda, tiracchānagate dānaṁ datvā sataguṇā dakkhiṇā pāṭikaṅkhitabbā, puthujjanadussīle dānaṁ datvā sahassaguṇā dakkhiṇā pāṭikaṅkhitabbā, puthujjanasīlavante dānaṁ datvā satasahassaguṇā dakkhiṇā pāṭikaṅkhitabbā, bāhirake kāmesu vītarāge dānaṁ datvā koṭisatasahassaguṇā dakkhiṇā pāṭikaṅkhitabbā, sotāpattiphalasacchikiriyāya paṭipanne dānaṁ datvā asaṅkheyyā appameyyā dakkhiṇā pāṭikaṅkhitabbā, ko pana vādo sotāpanne, ko pana vādo sakadāgāmiphalasacchikiriyāya paṭipanne, ko pana vādo sakadāgāmissa, ko pana vādo anāgāmiphalasacchikiriyāya paṭipanne, ko pana vādo anāgāmissa, ko pana vādo arahattaphalasacchikiriyāya paṭipanne, ko pana vādo arahante, ko pana vādo paccekasambuddhe, ko pana vādo tathāgate arahante sammāsambuddhe.","en":"Now, Ānanda, gifts to the following persons may be expected to yield the following returns. To an animal, a hundred times. To an unethical ordinary person, a thousand. To an ethical ordinary person, a hundred thousand. To an outsider free of desire for sensual pleasures, 10,000,000,000. But a gift to someone practicing to realize the fruit of stream-entry may be expected to yield incalculable, immeasurable returns. How much more so a gift to a stream-enterer, someone practicing to realize the fruit of once-return, a once-returner, someone practicing to realize the fruit of non-return, a non-returner, someone practicing to realize the fruit of perfection, a perfected one, or an independent Buddha? How much more so a Realized One, a perfected one, a fully awakened Buddha?"}},{"id":"mn142:7","sourceIds":["mn142:7.1","mn142:7.2","mn142:7.3","mn142:7.4","mn142:7.5","mn142:7.6","mn142:7.7","mn142:7.8","mn142:7.9","mn142:7.10","mn142:7.11","mn142:7.12","mn142:7.13","mn142:7.14","mn142:7.15","mn142:7.16"],"kind":"text","text":{"pi":"Satta kho panimānanda, saṅghagatā dakkhiṇā.\nKatamā satta?\nBuddhappamukhe ubhatosaṅghe dānaṁ deti—\nayaṁ paṭhamā saṅghagatā dakkhiṇā.\nTathāgate parinibbute ubhatosaṅghe dānaṁ deti—\nayaṁ dutiyā saṅghagatā dakkhiṇā.\nBhikkhusaṅghe dānaṁ deti—\nayaṁ tatiyā saṅghagatā dakkhiṇā.\nBhikkhunisaṅghe dānaṁ deti—\nayaṁ catutthī saṅghagatā dakkhiṇā.\n‘Ettakā me bhikkhū ca bhikkhuniyo ca saṅghato uddissathā’ti dānaṁ deti—\nayaṁ pañcamī saṅghagatā dakkhiṇā.\n‘Ettakā me bhikkhū saṅghato uddissathā’ti dānaṁ deti—\nayaṁ chaṭṭhī saṅghagatā dakkhiṇā.\n‘Ettakā me bhikkhuniyo saṅghato uddissathā’ti dānaṁ deti—\nayaṁ sattamī saṅghagatā dakkhiṇā.","en":"But there are, Ānanda, seven religious donations bestowed on a Saṅgha.\nWhat seven?\nOne gives a gift to the communities of both monks and nuns headed by the Buddha.\nThis is the first religious donation bestowed on a Saṅgha.\nOne gives a gift to the communities of both monks and nuns after the Buddha has finally become quenched.\nThis is the second religious donation bestowed on a Saṅgha.\nOne gives a gift to the Saṅgha of monks.\nThis is the third religious donation bestowed on a Saṅgha.\nOne gives a gift to the Saṅgha of nuns.\nThis is the fourth religious donation bestowed on a Saṅgha.\nOne gives a gift, thinking: ‘Appoint this many monks and nuns for me from the Saṅgha.’\nThis is the fifth religious donation bestowed on a Saṅgha.\nOne gives a gift, thinking: ‘Appoint this many monks for me from the Saṅgha.’\nThis is the sixth religious donation bestowed on a Saṅgha.\nOne gives a gift, thinking: ‘Appoint this many nuns for me from the Saṅgha.’\nThis is the seventh religious donation bestowed on a Saṅgha."}},{"id":"mn142:8","sourceIds":["mn142:8.1","mn142:8.2","mn142:8.3","mn142:8.4"],"kind":"text","text":{"pi":"Bhavissanti kho panānanda, anāgatamaddhānaṁ gotrabhuno kāsāvakaṇṭhā dussīlā pāpadhammā.\nTesu dussīlesu saṅghaṁ uddissa dānaṁ dassanti.\nTadāpāhaṁ, ānanda, saṅghagataṁ dakkhiṇaṁ asaṅkheyyaṁ appameyyaṁ vadāmi.\nNa tvevāhaṁ, ānanda, kenaci pariyāyena saṅghagatāya dakkhiṇāya pāṭipuggalikaṁ dānaṁ mahapphalataraṁ vadāmi.","en":"In times to come there will be lambs of the flock wearing a scrap of ocher cloth, unethical and of bad character.\nPeople will give gifts to those unethical people in the name of the Saṅgha.\nThen too, I say, a religious donation bestowed on the Saṅgha is incalculable and immeasurable.\nBut in any case, there is no way a personal offering can be more fruitful than one bestowed on a Saṅgha, I say."}},{"id":"mn142:9","sourceIds":["mn142:9.1","mn142:9.2","mn142:9.3","mn142:9.4","mn142:9.5","mn142:9.6"],"kind":"text","text":{"pi":"Catasso kho imā, ānanda, dakkhiṇā visuddhiyo.\nKatamā catasso?\nAtthānanda, dakkhiṇā dāyakato visujjhati no paṭiggāhakato.\nAtthānanda, dakkhiṇā paṭiggāhakato visujjhati no dāyakato.\nAtthānanda, dakkhiṇā neva dāyakato visujjhati no paṭiggāhakato.\nAtthānanda, dakkhiṇā dāyakato ceva visujjhati paṭiggāhakato ca.","en":"Ānanda, there are these four ways of purifying a religious donation.\nWhat four?\nThere’s a religious donation that’s purified by the giver, not the recipient.\nThere’s a religious donation that’s purified by the recipient, not the giver.\nThere’s a religious donation that’s purified by neither the giver nor the recipient.\nThere’s a religious donation that’s purified by both the giver and the recipient."}},{"id":"mn142:10","sourceIds":["mn142:10.1","mn142:10.2","mn142:10.3"],"kind":"text","text":{"pi":"Kathañcānanda, dakkhiṇā dāyakato visujjhati no paṭiggāhakato?\nIdhānanda, dāyako hoti sīlavā kalyāṇadhammo, paṭiggāhakā honti dussīlā pāpadhammā—\nevaṁ kho, ānanda, dakkhiṇā dāyakato visujjhati no paṭiggāhakato.","en":"And how is a religious donation purified by the giver, not the recipient?\nIt’s when the giver is ethical, of good character, but the recipient is unethical, of bad character."}},{"id":"mn142:11","sourceIds":["mn142:11.1","mn142:11.2","mn142:11.3"],"kind":"text","text":{"pi":"Kathañcānanda, dakkhiṇā paṭiggāhakato visujjhati no dāyakato?\nIdhānanda, dāyako hoti dussīlo pāpadhammo, paṭiggāhakā honti sīlavanto kalyāṇadhammā—\nevaṁ kho, ānanda, dakkhiṇā paṭiggāhakato visujjhati no dāyakato.","en":"And how is a religious donation purified by the recipient, not the giver?\nIt’s when the giver is unethical, of bad character, but the recipient is ethical, of good character."}},{"id":"mn142:12","sourceIds":["mn142:12.1","mn142:12.2","mn142:12.3"],"kind":"text","text":{"pi":"Kathañcānanda, dakkhiṇā neva dāyakato visujjhati no paṭiggāhakato?\nIdhānanda, dāyako ca hoti dussīlo pāpadhammo, paṭiggāhakā ca honti dussīlā pāpadhammā—\nevaṁ kho, ānanda, dakkhiṇā neva dāyakato visujjhati no paṭiggāhakato.","en":"And how is a religious donation purified by neither the giver nor the recipient?\nIt’s when both the giver and the recipient are unethical, of bad character."}},{"id":"mn142:13","sourceIds":["mn142:13.1","mn142:13.2","mn142:13.3","mn142:13.4"],"kind":"text","text":{"pi":"Kathañcānanda, dakkhiṇā dāyakato ceva visujjhati paṭiggāhakato ca?\nIdhānanda, dāyako ca hoti sīlavā kalyāṇadhammo, paṭiggāhakā ca honti sīlavanto kalyāṇadhammā—\nevaṁ kho, ānanda, dakkhiṇā dāyakato ceva visujjhati paṭiggāhakato ca.\nImā kho, ānanda, catasso dakkhiṇā visuddhiyo”ti.","en":"And how is a religious donation purified by both the giver and the recipient?\nIt’s when both the giver and the recipient are ethical, of good character.\nThese are the four ways of purifying a religious donation.”"}},{"id":"mn142:14","sourceIds":["mn142:14.1","mn142:14.2","mn142:14.3","mn142:14.4","mn142:14.5","mn142:14.6","mn142:14.7","mn142:14.8","mn142:14.9","mn142:14.10","mn142:14.11","mn142:14.12","mn142:14.13","mn142:14.14","mn142:14.15","mn142:14.16","mn142:14.17","mn142:14.18","mn142:14.19","mn142:14.20","mn142:14.21","mn142:14.22","mn142:14.23","mn142:14.24"],"kind":"text","text":{"pi":"Idamavoca bhagavā.\nIdaṁ vatvāna sugato athāparaṁ etadavoca satthā:\n“Yo sīlavā dussīlesu dadāti dānaṁ,\nDhammena laddhaṁ supasannacitto;\nAbhisaddahaṁ kammaphalaṁ uḷāraṁ,\nSā dakkhiṇā dāyakato visujjhati.\nYo dussīlo sīlavantesu dadāti dānaṁ,\nAdhammena laddhaṁ appasannacitto;\nAnabhisaddahaṁ kammaphalaṁ uḷāraṁ,\nSā dakkhiṇā paṭiggāhakato visujjhati.\nYo dussīlo dussīlesu dadāti dānaṁ,\nAdhammena laddhaṁ appasannacitto;\nAnabhisaddahaṁ kammaphalaṁ uḷāraṁ,\nNa taṁ dānaṁ vipulapphalanti brūmi.\nYo sīlavā sīlavantesu dadāti dānaṁ,\nDhammena laddhaṁ supasannacitto;\nAbhisaddahaṁ kammaphalaṁ uḷāraṁ,\nTaṁ ve dānaṁ vipulapphalanti brūmi.\nYo vītarāgo vītarāgesu dadāti dānaṁ,\nDhammena laddhaṁ supasannacitto;\nAbhisaddahaṁ kammaphalaṁ uḷāraṁ,\nTaṁ ve dānaṁ āmisadānānamaggan”ti.\nDakkhiṇāvibhaṅgasuttaṁ niṭṭhitaṁ dvādasamaṁ.\nVibhaṅgavaggo niṭṭhito catuttho.","en":"That is what the Buddha said.\nThen the Holy One, the Teacher, went on to say:\n“When an ethical person with trusting heart\ngives a proper gift to unethical persons,\ntrusting in the ample fruit of deeds,\nthat offering is purified by the giver.\nWhen an unethical and untrusting person,\ngives an improper gift to ethical persons,\nnot trusting in the ample fruit of deeds,\nthat offering is purified by the receivers.\nWhen an unethical and untrusting person,\ngives an improper gift to unethical persons,\nnot trusting in the ample fruit of deeds,\nI declare that gift is not very fruitful.\nWhen an ethical person with trusting heart\ngives a proper gift to ethical persons,\ntrusting in the ample fruit of deeds,\nI declare that gift is abundantly fruitful.\nBut when a passionless one gives to the passionless\na proper gift with trusting heart,\ntrusting in the ample fruit of deeds,\nthat’s truly the best of material gifts.”"}},{"id":"mn142:15","sourceIds":["mn142:15.0","mn142:15.1","mn142:15.2","mn142:15.3","mn142:15.4","mn142:15.5"],"kind":"text","text":{"pi":"Tassuddānaṁ\nBhaddekānandakaccāna,\nLomasakaṅgiyāsubho;\nMahākammasaḷāyatanavibhaṅgā,\nUddesaaraṇā dhātu saccaṁ.\nDakkhiṇāvibhaṅgasuttanti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn142/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}