{"id":"mn143","title":"Advice to Anāthapiṇḍika","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn143","title":"Advice to Anāthapiṇḍika","units":[{"id":"mn143:0","sourceIds":["mn143:0.1","mn143:0.2"],"kind":"text","text":{"pi":"Majjhima Nikāya 143\nAnāthapiṇḍikovādasutta","en":"Middle Discourses 143\nAdvice to Anāthapiṇḍika"}},{"id":"mn143:1","sourceIds":["mn143:1.1","mn143:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn143:2","sourceIds":["mn143:2.1","mn143:2.2","mn143:2.3","mn143:2.4","mn143:2.5","mn143:2.6","mn143:2.7","mn143:2.8","mn143:2.9","mn143:2.10","mn143:2.11","mn143:2.12","mn143:2.13","mn143:2.14","mn143:2.15","mn143:2.16","mn143:2.17","mn143:2.18","mn143:2.19"],"kind":"text","text":{"pi":"Tena kho pana samayena anāthapiṇḍiko gahapati ābādhiko hoti dukkhito bāḷhagilāno.\nAtha kho anāthapiṇḍiko gahapati aññataraṁ purisaṁ āmantesi:\n“ehi tvaṁ, ambho purisa, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi:\n‘anāthapiṇḍiko, bhante, gahapati ābādhiko dukkhito bāḷhagilāno.\nSo bhagavato pāde sirasā vandatī’ti.\nYena cāyasmā sāriputto tenupasaṅkama; upasaṅkamitvā mama vacanena āyasmato sāriputtassa pāde sirasā vandāhi:\n‘anāthapiṇḍiko, bhante, gahapati ābādhiko dukkhito bāḷhagilāno.\nSo āyasmato sāriputtassa pāde sirasā vandatī’ti.\nEvañca vadehi:\n‘sādhu kira, bhante, āyasmā sāriputto yena anāthapiṇḍikassa gahapatissa nivesanaṁ tenupasaṅkamatu anukampaṁ upādāyā’”ti.\n“Evaṁ, bhante”ti kho so puriso anāthapiṇḍikassa gahapatissa paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so puriso bhagavantaṁ etadavoca:\n“anāthapiṇḍiko, bhante, gahapati ābādhiko dukkhito bāḷhagilāno.\nSo bhagavato pāde sirasā vandatī”ti.\nYena cāyasmā sāriputto tenupasaṅkami; upasaṅkamitvā āyasmantaṁ sāriputtaṁ abhivādetvā ekamantaṁ nisīdi. Ekamantaṁ nisinno kho so puriso āyasmantaṁ sāriputtaṁ etadavoca:\n“anāthapiṇḍiko, bhante, gahapati ābādhiko dukkhito bāḷhagilāno.\nSo āyasmato sāriputtassa pāde sirasā vandati;\nevañca vadeti:\n‘sādhu kira, bhante, āyasmā sāriputto yena anāthapiṇḍikassa gahapatissa nivesanaṁ tenupasaṅkamatu anukampaṁ upādāyā’”ti.\nAdhivāsesi kho āyasmā sāriputto tuṇhībhāvena.","en":"Now at that time the householder Anāthapiṇḍika was sick, suffering, gravely ill.\nThen he addressed a man,\n“Please, my man, go to the Buddha, and in my name bow with your head to his feet. Say to him:\n‘Sir, the householder Anāthapiṇḍika is sick, suffering, gravely ill.\nHe bows with his head to your feet.’\nThen go to Venerable Sāriputta, and in my name bow with your head to his feet. Say to him:\n‘Sir, the householder Anāthapiṇḍika is sick, suffering, gravely ill.\nHe bows with his head to your feet.’\nAnd then say:\n‘Sir, please visit him at his home out of sympathy.’”\n“Yes, sir,” that man replied. He did as Anāthapiṇḍika asked.\nSāriputta consented with silence."}},{"id":"mn143:3","sourceIds":["mn143:3.1","mn143:3.2"],"kind":"text","text":{"pi":"Atha kho āyasmā sāriputto nivāsetvā pattacīvaramādāya āyasmatā ānandena pacchāsamaṇena yena anāthapiṇḍikassa gahapatissa nivesanaṁ tenupasaṅkami; upasaṅkamitvā paññatte āsane nisīdi. Nisajja kho āyasmā sāriputto anāthapiṇḍikaṁ gahapatiṁ etadavoca:\n“kacci te, gahapati, khamanīyaṁ, kacci yāpanīyaṁ? Kacci te dukkhā vedanā paṭikkamanti, no abhikkamanti; paṭikkamosānaṁ paññāyati, no abhikkamo”ti?","en":"Then Venerable Sāriputta robed up and, taking his bowl and robe, went with Venerable Ānanda as his second monk to Anāthapiṇḍika’s home. He sat down on the seat spread out and said to Anāthapiṇḍika,\n“I hope you’re keeping well, householder, I hope you’re all right. I hope your pain is fading, not growing; that its fading is evident, not its growing.”"}},{"id":"mn143:4","sourceIds":["mn143:4.1","mn143:4.2","mn143:4.3","mn143:4.4","mn143:4.5","mn143:4.6","mn143:4.7","mn143:4.8","mn143:4.9"],"kind":"text","text":{"pi":"“Na me, bhante sāriputta, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.\nSeyyathāpi, bhante sāriputta, balavā puriso tiṇhena sikharena muddhani abhimattheyya; evameva kho me, bhante sāriputta, adhimattā vātā muddhani ūhananti.\nNa me, bhante sāriputta, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.\nSeyyathāpi, bhante sāriputta, balavā puriso daḷhena varattakhaṇḍena sīse sīsaveṭhaṁ dadeyya; evameva kho me, bhante sāriputta, adhimattā sīse sīsavedanā.\nNa me, bhante sāriputta, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.\nSeyyathāpi, bhante sāriputta, dakkho goghātako vā goghātakantevāsī vā tiṇhena govikantanena kucchiṁ parikanteyya; evameva kho me, bhante sāriputta, adhimattā vātā kucchiṁ parikantanti.\nNa me, bhante sāriputta, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo.\nSeyyathāpi, bhante sāriputta, dve balavanto purisā dubbalataraṁ purisaṁ nānābāhāsu gahetvā aṅgārakāsuyā santāpeyyuṁ, samparitāpeyyuṁ; evameva kho me, bhante sāriputta, adhimatto kāyasmiṁ ḍāho.\nNa me, bhante sāriputta, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti; abhikkamosānaṁ paññāyati, no paṭikkamo”ti.","en":"“I’m not keeping well, Honorable Sāriputta, I’m not getting by. My pain is terrible and growing, not fading; its growing is evident, not its fading.\nThe winds piercing my head are so severe, it feels like a strong man drilling into my head with a sharp point.\nThe pain in my head is so severe, it feels like a strong man tightening a strong leather strap around my head.\nThe winds slicing my belly are so severe, like a deft butcher or their apprentice were slicing open a cow’s belly with a sharp meat cleaver.\nThe burning in my body is so severe, it feels like two strong men grabbing a weaker man by the arms to burn and scorch him on a pit of glowing coals. That’s how severe the burning is in my body.\nI’m not keeping well, Honorable Sāriputta, I’m not getting by. My pain is terrible and growing, not fading; its growing is evident, not its fading.”"}},{"id":"mn143:5","sourceIds":["mn143:5.1","mn143:5.2","mn143:5.3","mn143:5.4","mn143:5.5","mn143:5.6","mn143:5.7","mn143:5.8","mn143:5.9","mn143:5.10","mn143:5.11","mn143:5.12","mn143:5.13","mn143:5.14","mn143:5.15","mn143:5.16","mn143:5.17","mn143:5.18"],"kind":"text","text":{"pi":"“Tasmātiha te, gahapati, evaṁ sikkhitabbaṁ:\n‘na cakkhuṁ upādiyissāmi, na ca me cakkhunissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na sotaṁ upādiyissāmi, na ca me sotanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na ghānaṁ upādiyissāmi, na ca me ghānanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na jivhaṁ upādiyissāmi, na ca me jivhānissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na kāyaṁ upādiyissāmi, na ca me kāyanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na manaṁ upādiyissāmi, na ca me manonissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.","en":"“That’s why, householder, you should train like this:\n‘I shall not grasp the eye, and there shall be no consciousness of mine dependent on the eye.’\nThat’s how you should train.\nYou should train like this:\n‘I shall not grasp the ear, and there shall be no consciousness of mine dependent on the ear.’ …\n‘I shall not grasp the nose, and there shall be no consciousness of mine dependent on the nose.’ …\n‘I shall not grasp the tongue, and there shall be no consciousness of mine dependent on the tongue.’ …\n‘I shall not grasp the body, and there shall be no consciousness of mine dependent on the body.’ …\n‘I shall not grasp the mind, and there shall be no consciousness of mine dependent on the mind.’\nThat’s how you should train."}},{"id":"mn143:6","sourceIds":["mn143:6.1","mn143:6.2","mn143:6.3","mn143:6.4","mn143:6.5","mn143:6.6","mn143:6.7","mn143:6.8","mn143:6.9","mn143:6.10"],"kind":"text","text":{"pi":"Tasmātiha te, gahapati, evaṁ sikkhitabbaṁ:\n‘na rūpaṁ upādiyissāmi, na ca me rūpanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na saddaṁ upādiyissāmi …pe…\nna gandhaṁ upādiyissāmi …\nna rasaṁ upādiyissāmi …\nna phoṭṭhabbaṁ upādiyissāmi …\nna dhammaṁ upādiyissāmi, na ca me dhammanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.","en":"You should train like this:\n‘I shall not grasp sight, and there shall be no consciousness of mine dependent on sight.’ …\n‘I shall not grasp sound …\nsmell …\ntaste …\ntouch …\nidea, and there shall be no consciousness of mine dependent on idea.’\nThat’s how you should train."}},{"id":"mn143:7","sourceIds":["mn143:7.1","mn143:7.2","mn143:7.3","mn143:7.4","mn143:7.5","mn143:7.6","mn143:7.7","mn143:7.8","mn143:7.9","mn143:7.10"],"kind":"text","text":{"pi":"Tasmātiha te, gahapati, evaṁ sikkhitabbaṁ:\n‘na cakkhuviññāṇaṁ upādiyissāmi, na ca me cakkhuviññāṇanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na sotaviññāṇaṁ upādiyissāmi …\nna ghānaviññāṇaṁ upādiyissāmi …\nna jivhāviññāṇaṁ upādiyissāmi …\nna kāyaviññāṇaṁ upādiyissāmi …\nna manoviññāṇaṁ upādiyissāmi, na ca me manoviññāṇanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.","en":"You should train like this:\n‘I shall not grasp eye consciousness, and there shall be no consciousness of mine dependent on eye consciousness.’ …\n‘I shall not grasp ear consciousness …\nnose consciousness …\ntongue consciousness …\nbody consciousness …\nmind consciousness, and there shall be no consciousness of mine dependent on mind consciousness.’\nThat’s how you should train."}},{"id":"mn143:8","sourceIds":["mn143:8.1","mn143:8.2","mn143:8.3","mn143:8.4","mn143:8.5","mn143:8.6","mn143:8.7","mn143:8.8","mn143:8.9","mn143:8.10"],"kind":"text","text":{"pi":"Tasmātiha te, gahapati, evaṁ sikkhitabbaṁ:\n‘na cakkhusamphassaṁ upādiyissāmi, na ca me cakkhusamphassanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na sotasamphassaṁ upādiyissāmi …\nna ghānasamphassaṁ upādiyissāmi …\nna jivhāsamphassaṁ upādiyissāmi …\nna kāyasamphassaṁ upādiyissāmi …\nna manosamphassaṁ upādiyissāmi, na ca me manosamphassanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.","en":"You should train like this:\n‘I shall not grasp eye contact …\near contact …\nnose contact …\ntongue contact …\nbody contact …\nmind contact, and there shall be no consciousness of mine dependent on mind contact.’\nThat’s how you should train."}},{"id":"mn143:9","sourceIds":["mn143:9.1","mn143:9.2","mn143:9.3","mn143:9.4","mn143:9.5","mn143:9.6","mn143:9.7","mn143:9.8","mn143:9.9","mn143:9.10"],"kind":"text","text":{"pi":"Tasmātiha te, gahapati, evaṁ sikkhitabbaṁ:\n‘na cakkhusamphassajaṁ vedanaṁ upādiyissāmi, na ca me cakkhusamphassajāvedanānissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na sotasamphassajaṁ vedanaṁ upādiyissāmi …\nna ghānasamphassajaṁ vedanaṁ upādiyissāmi …\nna jivhāsamphassajaṁ vedanaṁ upādiyissāmi …\nna kāyasamphassajaṁ vedanaṁ upādiyissāmi …\nna manosamphassajaṁ vedanaṁ upādiyissāmi, na ca me manosamphassajāvedanānissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.","en":"You should train like this:\n‘I shall not grasp feeling born of eye contact …\nfeeling born of ear contact …\nfeeling born of nose contact …\nfeeling born of tongue contact …\nfeeling born of body contact …\nfeeling born of mind contact, and there shall be no consciousness of mine dependent on the feeling born of mind contact.’\nThat’s how you should train."}},{"id":"mn143:10","sourceIds":["mn143:10.1","mn143:10.2","mn143:10.3","mn143:10.4","mn143:10.5","mn143:10.6","mn143:10.7","mn143:10.8","mn143:10.9","mn143:10.10"],"kind":"text","text":{"pi":"Tasmātiha te, gahapati, evaṁ sikkhitabbaṁ:\n‘na pathavīdhātuṁ upādiyissāmi, na ca me pathavīdhātunissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na āpodhātuṁ upādiyissāmi …\nna tejodhātuṁ upādiyissāmi …\nna vāyodhātuṁ upādiyissāmi …\nna ākāsadhātuṁ upādiyissāmi …\nna viññāṇadhātuṁ upādiyissāmi, na ca me viññāṇadhātunissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.","en":"You should train like this:\n‘I shall not grasp the earth element …\nwater element …\nfire element …\nair element …\nspace element …\nconsciousness element, and there shall be no consciousness of mine dependent on the consciousness element.’\nThat’s how you should train."}},{"id":"mn143:11","sourceIds":["mn143:11.1","mn143:11.2","mn143:11.3","mn143:11.4","mn143:11.5","mn143:11.6","mn143:11.7","mn143:11.8","mn143:11.9"],"kind":"text","text":{"pi":"Tasmātiha te, gahapati, evaṁ sikkhitabbaṁ:\n‘na rūpaṁ upādiyissāmi, na ca me rūpanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na vedanaṁ upādiyissāmi …\nna saññaṁ upādiyissāmi …\nna saṅkhāre upādiyissāmi …\nna viññāṇaṁ upādiyissāmi, na ca me viññāṇanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.","en":"You should train like this:\n‘I shall not grasp form …\nfeeling …\nperception …\nchoices …\nconsciousness, and there shall be no consciousness of mine dependent on consciousness.’\nThat’s how you should train."}},{"id":"mn143:12","sourceIds":["mn143:12.1","mn143:12.2","mn143:12.3","mn143:12.4","mn143:12.5","mn143:12.6","mn143:12.7","mn143:12.8"],"kind":"text","text":{"pi":"Tasmātiha te, gahapati, evaṁ sikkhitabbaṁ:\n‘na ākāsānañcāyatanaṁ upādiyissāmi, na ca me ākāsānañcāyatananissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘na viññāṇañcāyatanaṁ upādiyissāmi …\nna ākiñcaññāyatanaṁ upādiyissāmi …\nna nevasaññānāsaññāyatanaṁ upādiyissāmi, na ca me nevasaññānāsaññāyatananissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.","en":"You should train like this:\n‘I shall not grasp the dimension of infinite space …\nthe dimension of infinite consciousness …\nthe dimension of nothingness …\nthe dimension of neither perception nor non-perception, and there shall be no consciousness of mine dependent on the dimension of neither perception nor non-perception.’\nThat’s how you should train."}},{"id":"mn143:13","sourceIds":["mn143:13.1","mn143:13.2","mn143:13.3"],"kind":"text","text":{"pi":"Tasmātiha te, gahapati, evaṁ sikkhitabbaṁ:\n‘na idhalokaṁ upādiyissāmi, na ca me idhalokanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.","en":"You should train like this:\n‘I shall not grasp this world, and there shall be no consciousness of mine dependent on this world.’\nThat’s how you should train."}},{"id":"mn143:14","sourceIds":["mn143:14.1","mn143:14.2","mn143:14.3","mn143:14.4","mn143:14.5","mn143:14.6"],"kind":"text","text":{"pi":"Tasmātiha te, gahapati, evaṁ sikkhitabbaṁ:\n‘na paralokaṁ upādiyissāmi, na ca me paralokanissitaṁ viññāṇaṁ bhavissatī’ti.\nEvañhi te, gahapati, sikkhitabbaṁ.\nTasmātiha te, gahapati, evaṁ sikkhitabbaṁ:\n‘yampi me diṭṭhaṁ sutaṁ mutaṁ viññātaṁ pattaṁ pariyesitaṁ anupariyesitaṁ anucaritaṁ manasā tampi na upādiyissāmi, na ca me tannissitaṁ viññāṇaṁ bhavissatī’ti.\nEvañhi te, gahapati, sikkhitabban”ti.","en":"You should train like this:\n‘I shall not grasp the other world, and there shall be no consciousness of mine dependent on the other world.’\nThat’s how you should train.\nYou should train like this:\n‘I shall not grasp whatever is seen, heard, thought, known, attained, sought, and explored by my mind, and my consciousness will not have that as support.’\nThat’s how you should train.”"}},{"id":"mn143:15","sourceIds":["mn143:15.1","mn143:15.2","mn143:15.3","mn143:15.4","mn143:15.5","mn143:15.6","mn143:15.7","mn143:15.8","mn143:15.9","mn143:15.10","mn143:15.11"],"kind":"text","text":{"pi":"Evaṁ vutte, anāthapiṇḍiko gahapati parodi, assūni pavattesi.\nAtha kho āyasmā ānando anāthapiṇḍikaṁ gahapatiṁ etadavoca:\n“olīyasi kho tvaṁ, gahapati, saṁsīdasi kho tvaṁ, gahapatī”ti?\n“Nāhaṁ, bhante ānanda, olīyāmi, napi saṁsīdāmi;\napi ca me dīgharattaṁ satthā payirupāsito manobhāvanīyā ca bhikkhū;\nna ca me evarūpī dhammī kathā sutapubbā”ti.\n“Na kho, gahapati, gihīnaṁ odātavasanānaṁ evarūpī dhammī kathā paṭibhāti;\npabbajitānaṁ kho, gahapati, evarūpī dhammī kathā paṭibhātī”ti.\n“Tena hi, bhante sāriputta, gihīnampi odātavasanānaṁ evarūpī dhammī kathā paṭibhātu.\nSanti hi, bhante, kulaputtā apparajakkhajātikā, assavanatā dhammassa parihāyanti;\nbhavissanti dhammassa aññātāro”ti.","en":"When he said this, Anāthapiṇḍika cried and burst out in tears.\nVenerable Ānanda said to him,\n“Are you failing, householder? Are you fading, householder?”\n“No, Honorable Ānanda.\nBut for a long time I have paid homage to the Buddha and the esteemed mendicants.\nYet I have never before heard such a Dhamma talk.”\n“Householder, such Dhamma talk does not strike when teaching white-clothed laypeople.\nRather, it strikes when teaching those gone forth.”\n“Well then, Honorable Sāriputta, let such Dhamma talk strike when teaching white-clothed laypeople as well!\nThere are gentlemen with little dust in their eyes. They’re in decline because they haven’t heard the teaching.\nThere will be those who understand the teaching!”"}},{"id":"mn143:16","sourceIds":["mn143:16.1","mn143:16.2"],"kind":"text","text":{"pi":"Atha kho āyasmā ca sāriputto āyasmā ca ānando anāthapiṇḍikaṁ gahapatiṁ iminā ovādena ovaditvā uṭṭhāyāsanā pakkamiṁsu.\nAtha kho anāthapiṇḍiko gahapati, acirapakkante āyasmante ca sāriputte āyasmante ca ānande, kālamakāsi tusitaṁ kāyaṁ upapajji.","en":"And when the venerables Sāriputta and Ānanda had given the householder Anāthapiṇḍika this advice they rose from their seats and left.\nNot long after they had left, Anāthapiṇḍika passed away and was reborn in the host of joyful gods."}},{"id":"mn143:17","sourceIds":["mn143:17.1","mn143:17.2","mn143:17.3","mn143:17.4","mn143:17.5","mn143:17.6","mn143:17.7","mn143:17.8","mn143:17.9","mn143:17.10","mn143:17.11","mn143:17.12","mn143:17.13","mn143:17.14","mn143:17.15","mn143:17.16","mn143:17.17","mn143:17.18"],"kind":"text","text":{"pi":"Atha kho anāthapiṇḍiko devaputto abhikkantāya rattiyā abhikkantavaṇṇo kevalakappaṁ jetavanaṁ obhāsetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi.\nEkamantaṁ ṭhito kho anāthapiṇḍiko devaputto bhagavantaṁ gāthāhi ajjhabhāsi:\n“Idañhi taṁ jetavanaṁ,\nisisaṅghanisevitaṁ;\nĀvutthaṁ dhammarājena,\npītisañjananaṁ mama.\nKammaṁ vijjā ca dhammo ca,\nsīlaṁ jīvitamuttamaṁ;\nEtena maccā sujjhanti,\nna gottena dhanena vā.\nTasmā hi paṇḍito poso,\nsampassaṁ atthamattano;\nYoniso vicine dhammaṁ,\nevaṁ tattha visujjhati.\nSāriputtova paññāya,\nsīlena upasamena ca;\nYopi pāraṅgato bhikkhu,\netāvaparamo siyā”ti.","en":"Then, late at night, the glorious godling Anāthapiṇḍika, lighting up the entire Jeta’s Grove, went up to the Buddha, bowed, stood to one side,\nand addressed the Buddha in verse:\n“This is indeed that Jeta’s Grove,\nfrequented by the Saṅgha of seers,\nwhere the King of Dhamma stayed:\nit brings me joy!\nDeeds, knowledge, and principle;\nethical conduct, an excellent livelihood;\nby these are mortals purified,\nnot by clan or wealth.\nThat’s why an astute person,\nseeing what’s good for themselves,\nwould examine the teaching rationally,\nthat’s how they become purified in that.\nSāriputta is full of wisdom,\nethics, and peace.\nEven a mendicant who has crossed over\nmight at best equal him.”"}},{"id":"mn143:18","sourceIds":["mn143:18.1","mn143:18.2","mn143:18.3","mn143:18.4"],"kind":"text","text":{"pi":"Idamavoca anāthapiṇḍiko devaputto.\nSamanuñño satthā ahosi.\nAtha kho anāthapiṇḍiko devaputto:\n“samanuñño me satthā”ti bhagavantaṁ abhivādetvā padakkhiṇaṁ katvā tatthevantaradhāyi.","en":"That is what the godling Anāthapiṇḍika said,\nand the Teacher concurred.\nThen the godling Anāthapiṇḍika,\nknowing that the Teacher concurred, bowed and respectfully circled the Buddha, keeping him on his right, before vanishing right there."}},{"id":"mn143:19","sourceIds":["mn143:19.1","mn143:19.2","mn143:19.3","mn143:19.4","mn143:19.5","mn143:19.6","mn143:19.7","mn143:19.8","mn143:19.9","mn143:19.10","mn143:19.11","mn143:19.12","mn143:19.13","mn143:19.14","mn143:19.15","mn143:19.16","mn143:19.17","mn143:19.18","mn143:19.19","mn143:19.20","mn143:19.21"],"kind":"text","text":{"pi":"Atha kho bhagavā tassā rattiyā accayena bhikkhū āmantesi:\n“imaṁ, bhikkhave, rattiṁ aññataro devaputto abhikkantāya rattiyā abhikkantavaṇṇo kevalakappaṁ jetavanaṁ obhāsetvā yenāhaṁ tenupasaṅkami; upasaṅkamitvā maṁ abhivādetvā ekamantaṁ aṭṭhāsi.\nEkamantaṁ ṭhito kho so devaputto maṁ gāthāhi ajjhabhāsi:\n‘Idañhi taṁ jetavanaṁ,\nisisaṅghanisevitaṁ;\nĀvutthaṁ dhammarājena,\npītisañjananaṁ mama.\nKammaṁ vijjā ca dhammo ca,\nsīlaṁ jīvitamuttamaṁ;\nEtena maccā sujjhanti,\nna gottena dhanena vā.\nTasmā hi paṇḍito poso,\nsampassaṁ atthamattano;\nYoniso vicine dhammaṁ,\nevaṁ tattha visujjhati.\nSāriputtova paññāya,\nsīlena upasamena ca;\nYopi pāraṅgato bhikkhu,\netāvaparamo siyā’ti.\nIdamavoca, bhikkhave, so devaputto.\n‘Samanuñño me satthā’ti maṁ abhivādetvā padakkhiṇaṁ katvā tatthevantaradhāyī”ti.","en":"Then, when the night had passed, the Buddha told the mendicants all that had happened."}},{"id":"mn143:20","sourceIds":["mn143:20.1","mn143:20.2","mn143:20.3","mn143:20.4","mn143:20.5","mn143:20.6","mn143:20.7","mn143:20.8","mn143:20.9"],"kind":"text","text":{"pi":"Evaṁ vutte, āyasmā ānando bhagavantaṁ etadavoca:\n“so hi nūna so, bhante, anāthapiṇḍiko devaputto bhavissati.\nAnāthapiṇḍiko, bhante, gahapati āyasmante sāriputte abhippasanno ahosī”ti.\n“Sādhu sādhu, ānanda.\nYāvatakaṁ kho, ānanda, takkāya pattabbaṁ, anuppattaṁ taṁ tayā.\nAnāthapiṇḍiko so, ānanda, devaputto”ti.\nIdamavoca bhagavā.\nAttamano āyasmā ānando bhagavato bhāsitaṁ abhinandīti.\nAnāthapiṇḍikovādasuttaṁ niṭṭhitaṁ paṭhamaṁ.","en":"When he had spoken, Venerable Ānanda said to the Buddha:\n“Sir, that godling must surely have been Anāthapiṇḍika.\nFor the householder Anāthapiṇḍika was devoted to Venerable Sāriputta.”\n“Good, good, Ānanda.\nYou’ve reached the logical conclusion, as far as logic goes.\nFor that was indeed the godling Anāthapiṇḍika.”\nThat is what the Buddha said.\nSatisfied, Venerable Ānanda approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn143/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}