{"id":"mn146","title":"Advice from Nandaka","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn146","title":"Advice from Nandaka","units":[{"id":"mn146:0","sourceIds":["mn146:0.1","mn146:0.2"],"kind":"text","text":{"pi":"Majjhima Nikāya 146\nNandakovādasutta","en":"Middle Discourses 146\nAdvice from Nandaka"}},{"id":"mn146:1","sourceIds":["mn146:1.1","mn146:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn146:2","sourceIds":["mn146:2.1","mn146:2.2","mn146:2.3","mn146:2.4"],"kind":"text","text":{"pi":"Atha kho mahāpajāpatigotamī pañcamattehi bhikkhunisatehi saddhiṁ yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhitā kho mahāpajāpatigotamī bhagavantaṁ etadavoca:\n“ovadatu, bhante, bhagavā bhikkhuniyo;\nanusāsatu, bhante, bhagavā bhikkhuniyo;\nkarotu, bhante, bhagavā bhikkhunīnaṁ dhammiṁ kathan”ti.","en":"Then Mahāpajāpati Gotamī together with around five hundred nuns approached the Buddha, bowed, stood to one side, and said to him,\n“Sir, may the Buddha please advise\nand instruct the nuns.\nPlease give the nuns a Dhamma talk.”"}},{"id":"mn146:3","sourceIds":["mn146:3.1","mn146:3.2","mn146:3.3","mn146:3.4","mn146:3.5","mn146:3.6"],"kind":"text","text":{"pi":"Tena kho pana samayena therā bhikkhū bhikkhuniyo ovadanti pariyāyena.\nĀyasmā nandako na icchati bhikkhuniyo ovadituṁ pariyāyena.\nAtha kho bhagavā āyasmantaṁ ānandaṁ āmantesi:\n“kassa nu kho, ānanda, ajja pariyāyo bhikkhuniyo ovadituṁ pariyāyenā”ti?\n“Sabbeheva, bhante, kato pariyāyo bhikkhuniyo ovadituṁ pariyāyena.\nAyaṁ, bhante, āyasmā nandako na icchati bhikkhuniyo ovadituṁ pariyāyenā”ti.","en":"Now at that time the senior monks were taking turns to advise the nuns.\nBut Venerable Nandaka didn’t want to take his turn.\nThen the Buddha said to Venerable Ānanda,\n“Ānanda, whose turn is it to advise the nuns today?”\n“It’s Nandaka’s turn, sir,\nbut he doesn’t want to do it.”"}},{"id":"mn146:4","sourceIds":["mn146:4.1","mn146:4.2","mn146:4.3","mn146:4.4","mn146:4.5","mn146:4.6","mn146:4.7","mn146:4.8","mn146:4.9","mn146:4.10","mn146:4.11","mn146:4.12"],"kind":"text","text":{"pi":"Atha kho bhagavā āyasmantaṁ nandakaṁ āmantesi:\n“ovada, nandaka, bhikkhuniyo;\nanusāsa, nandaka, bhikkhuniyo;\nkarohi tvaṁ, brāhmaṇa, bhikkhunīnaṁ dhammiṁ kathan”ti.\n“Evaṁ, bhante”ti kho āyasmā nandako bhagavato paṭissutvā pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nSāvatthiyaṁ piṇḍāya caritvā pacchābhattaṁ piṇḍapātapaṭikkanto attadutiyo yena rājakārāmo tenupasaṅkami.\nAddasaṁsu kho tā bhikkhuniyo āyasmantaṁ nandakaṁ dūratova āgacchantaṁ.\nDisvāna āsanaṁ paññāpesuṁ, udakañca pādānaṁ upaṭṭhapesuṁ.\nNisīdi kho āyasmā nandako paññatte āsane.\nNisajja pāde pakkhālesi.\nTāpi kho bhikkhuniyo āyasmantaṁ nandakaṁ abhivādetvā ekamantaṁ nisīdiṁsu.\nEkamantaṁ nisinnā kho tā bhikkhuniyo āyasmā nandako etadavoca:","en":"Then the Buddha said to Nandaka,\n“Nandaka, please advise\nand instruct the nuns.\nPlease, brahmin, give the nuns a Dhamma talk.”\n“Yes, sir,” replied Nandaka. Then, in the morning, he robed up and, taking his bowl and robe, entered Sāvatthī for alms.\nHe wandered for alms in Sāvatthī. After the meal, on his return from almsround, he went to the Royal Monastery with a companion.\nThose nuns saw him coming off in the distance,\nso they spread out a seat and placed water for washing the feet.\nNandaka sat down on the seat spread out,\nand washed his feet.\nThose nuns bowed, and sat down to one side.\nNandaka said to them,"}},{"id":"mn146:5","sourceIds":["mn146:5.1","mn146:5.2","mn146:5.3","mn146:5.4","mn146:5.5"],"kind":"text","text":{"pi":"“paṭipucchakathā kho, bhaginiyo, bhavissati.\nTattha ājānantīhi: ‘ājānāmā’ tissa vacanīyaṁ, na ājānantīhi: ‘na ājānāmā’ tissa vacanīyaṁ.\nYassā vā panassa kaṅkhā vā vimati vā ahameva tattha paṭipucchitabbo:\n‘idaṁ, bhante, kathaṁ; imassa kvattho’”ti?\n“Ettakenapi mayaṁ, bhante, ayyassa nandakassa attamanā abhiraddhā yaṁ no ayyo nandako pavāretī”ti.","en":"“Sisters, this talk shall be in the form of questions.\nWhen you understand, say so. When you don’t understand, say so.\nIf anyone has a doubt or uncertainty, ask me about it:\n‘Why, sir, does it say this? What does that mean?’”\n“We’re already delighted and satisfied with Master Nandaka, since he invites us like this.”"}},{"id":"mn146:6","sourceIds":["mn146:6.1","mn146:6.2","mn146:6.3","mn146:6.4","mn146:6.5","mn146:6.6","mn146:6.7","mn146:6.8","mn146:6.9","mn146:6.10","mn146:6.11","mn146:6.12","mn146:6.13","mn146:6.14","mn146:6.15","mn146:6.16","mn146:6.17","mn146:6.18","mn146:6.19","mn146:6.20","mn146:6.21","mn146:6.22","mn146:6.23","mn146:6.24","mn146:6.25","mn146:6.26","mn146:6.27","mn146:6.28","mn146:6.29"],"kind":"text","text":{"pi":"“Taṁ kiṁ maññatha, bhaginiyo,\ncakkhu niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kiṁ maññatha, bhaginiyo,\nsotaṁ niccaṁ vā aniccaṁ vā”ti?\n“Aniccaṁ, bhante …pe…\nghānaṁ niccaṁ vā aniccaṁ vā”ti?\n“Aniccaṁ, bhante” …\n“jivhā niccā vā aniccā vā”ti?\n“Aniccā, bhante” …\n“kāyo nicco vā anicco vā”ti?\n“Anicco, bhante” …\n“mano nicco vā anicco vā”ti?\n“Anicco, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kissa hetu”?\n“Pubbeva no etaṁ, bhante, yathābhūtaṁ sammappaññāya sudiṭṭhaṁ:\n‘itipime cha ajjhattikā āyatanā aniccā’”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato.","en":"“What do you think, sisters?\nIs the eye permanent or impermanent?”\n“Impermanent, sir.”\n“But if it’s impermanent, is it suffering or happiness?”\n“Suffering, sir.”\n“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”\n“No, sir.”\n“What do you think, sisters?\nIs the ear …\nnose …\ntongue …\nbody …\nmind permanent or impermanent?”\n“Impermanent, sir.”\n“But if it’s impermanent, is it suffering or happiness?”\n“Suffering, sir.”\n“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”\n“No, sir.\nWhy is that?\nBecause we have already truly seen this with right wisdom:\n‘So these six interior sense fields are impermanent.’”\n“Good, good, sisters!\nThat’s how it is for a noble disciple who truly sees with right wisdom."}},{"id":"mn146:7","sourceIds":["mn146:7.1","mn146:7.2","mn146:7.3","mn146:7.4","mn146:7.5","mn146:7.6","mn146:7.7","mn146:7.8","mn146:7.9","mn146:7.10","mn146:7.11","mn146:7.12","mn146:7.13","mn146:7.14","mn146:7.15","mn146:7.16","mn146:7.17","mn146:7.18","mn146:7.19","mn146:7.20","mn146:7.21","mn146:7.22","mn146:7.23","mn146:7.24","mn146:7.25","mn146:7.26","mn146:7.27","mn146:7.28","mn146:7.29"],"kind":"text","text":{"pi":"Taṁ kiṁ maññatha, bhaginiyo,\nrūpā niccā vā aniccā vā”ti?\n“Aniccā, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kiṁ maññatha, bhaginiyo,\nsaddā niccā vā aniccā vā”ti?\n“Aniccā, bhante …pe…\ngandhā niccā vā aniccā vā”ti?\n“Aniccā, bhante” …\n“rasā niccā vā aniccā vā”ti?\n“Aniccā, bhante” …\n“phoṭṭhabbā niccā vā aniccā vā”ti?\n“Aniccā, bhante” …\n“dhammā niccā vā aniccā vā”ti?\n“Aniccā, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kissa hetu”?\n“Pubbeva no etaṁ, bhante, yathābhūtaṁ sammappaññāya sudiṭṭhaṁ:\n‘itipime cha bāhirā āyatanā aniccā’”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato.","en":"What do you think, sisters?\nAre sights permanent or impermanent?”\n“Impermanent, sir.”\n“But if they’re impermanent, are they suffering or happiness?”\n“Suffering, sir.”\n“But if they’re impermanent, suffering, and perishable, are they fit to be regarded thus:\n‘This is mine, I am this, this is my self’?”\n“No, sir.”\n“What do you think, sisters?\nAre sounds …\nsmells …\ntastes …\ntouches …\nideas permanent or impermanent?”\n“Impermanent, sir.”\n“But if they’re impermanent, are they suffering or happiness?”\n“Suffering, sir.”\n“But if they’re impermanent, suffering, and perishable, are they fit to be regarded thus:\n‘This is mine, I am this, this is my self’?”\n“No, sir.\nWhy is that?\nBecause we have already truly seen this with right wisdom:\n‘So these six exterior sense fields are impermanent.’”\n“Good, good, sisters!\nThat’s how it is for a noble disciple who truly sees with right wisdom."}},{"id":"mn146:8","sourceIds":["mn146:8.1","mn146:8.2","mn146:8.3","mn146:8.4","mn146:8.5","mn146:8.6","mn146:8.7","mn146:8.8","mn146:8.9","mn146:8.10","mn146:8.11","mn146:8.12","mn146:8.13","mn146:8.14","mn146:8.15","mn146:8.16","mn146:8.17","mn146:8.18","mn146:8.19","mn146:8.20","mn146:8.21","mn146:8.22","mn146:8.23","mn146:8.24","mn146:8.25","mn146:8.26","mn146:8.27","mn146:8.28"],"kind":"text","text":{"pi":"Taṁ kiṁ maññatha, bhaginiyo,\ncakkhuviññāṇaṁ niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kiṁ maññatha, bhaginiyo, sotaviññāṇaṁ niccaṁ vā aniccaṁ vā”ti?\n“Aniccaṁ, bhante …pe…\nghānaviññāṇaṁ niccaṁ vā aniccaṁ vā”ti?\n“Aniccaṁ, bhante” …\n“jivhāviññāṇaṁ niccaṁ vā aniccaṁ vā”ti?\n“Aniccaṁ, bhante” …\n“kāyaviññāṇaṁ niccaṁ vā aniccaṁ vā”ti?\n“Aniccaṁ, bhante” …\n“manoviññāṇaṁ niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vāti”?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kissa hetu”?\n“Pubbeva no etaṁ, bhante, yathābhūtaṁ sammappaññāya sudiṭṭhaṁ:\n‘itipime cha viññāṇakāyā aniccā’”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato.","en":"What do you think, sisters?\nIs eye consciousness …\near consciousness …\nnose consciousness …\ntongue consciousness …\nbody consciousness …\nmind consciousness permanent or impermanent?”\n“Impermanent, sir.”\n“But if it’s impermanent, is it suffering or happiness?”\n“Suffering, sir.”\n“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”\n“No, sir.\nWhy is that?\nBecause we have already truly seen this with right wisdom:\n‘So these six classes of consciousness are impermanent.’”\n“Good, good, sisters!\nThat’s how it is for a noble disciple who truly sees with right wisdom."}},{"id":"mn146:9","sourceIds":["mn146:9.1","mn146:9.2","mn146:9.3","mn146:9.4","mn146:9.5","mn146:9.6","mn146:9.7","mn146:9.8","mn146:9.9","mn146:9.10","mn146:9.11","mn146:9.12","mn146:9.13","mn146:9.14","mn146:9.15","mn146:9.16","mn146:9.17","mn146:9.18","mn146:9.19"],"kind":"text","text":{"pi":"Seyyathāpi, bhaginiyo, telappadīpassa jhāyato telampi aniccaṁ vipariṇāmadhammaṁ, vaṭṭipi aniccā vipariṇāmadhammā, accipi aniccā vipariṇāmadhammā, ābhāpi aniccā vipariṇāmadhammā.\nYo nu kho, bhaginiyo, evaṁ vadeyya:\n‘amussa telappadīpassa jhāyato telampi aniccaṁ vipariṇāmadhammaṁ, vaṭṭipi aniccā vipariṇāmadhammā, accipi aniccā vipariṇāmadhammā;\nyā ca khvāssa ābhā sā niccā dhuvā sassatā avipariṇāmadhammā’ti;\nsammā nu kho so, bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Amussa hi, bhante, telappadīpassa jhāyato telampi aniccaṁ vipariṇāmadhammaṁ, vaṭṭipi aniccā vipariṇāmadhammā, accipi aniccā vipariṇāmadhammā;\npagevassa ābhā aniccā vipariṇāmadhammā”ti.\n“Evameva kho, bhaginiyo, yo nu kho evaṁ vadeyya:\n‘cha khome ajjhattikā āyatanā aniccā;\nyañca kho cha ajjhattike āyatane paṭicca paṭisaṁvedeti sukhaṁ vā dukkhaṁ vā adukkhamasukhaṁ vā taṁ niccaṁ dhuvaṁ sassataṁ avipariṇāmadhamman’ti;\nsammā nu kho so, bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Tajjaṁ tajjaṁ, bhante, paccayaṁ paṭicca tajjā tajjā vedanā uppajjanti.\nTajjassa tajjassa paccayassa nirodhā tajjā tajjā vedanā nirujjhantī”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato.","en":"Suppose there was an oil lamp burning. The oil, wick, flame, and light were all impermanent and perishable.\nNow, suppose someone was to say:\n‘While this oil lamp is burning, the oil, the wick, and the flame are all impermanent and perishable.\nBut the light is permanent, lasting, eternal, and imperishable.’\nWould they be speaking rightly?”\n“No, sir.\nWhy is that?\nBecause that oil lamp’s oil, wick, and flame are all impermanent and perishable,\nlet alone the light.”\n“In the same way, suppose someone was to say:\n‘These six interior sense fields are impermanent.\nBut the feeling—whether pleasant, painful, or neutral—that I experience due to these six interior sense fields is permanent, lasting, eternal, and imperishable.’\nWould they be speaking rightly?”\n“No, sir.\nWhy is that?\nBecause each kind of feeling arises dependent on the corresponding condition.\nWhen the corresponding condition ceases, the appropriate feeling ceases.”\n“Good, good, sisters!\nThat’s how it is for a noble disciple who truly sees with right wisdom."}},{"id":"mn146:10","sourceIds":["mn146:10.1","mn146:10.2","mn146:10.3","mn146:10.4","mn146:10.5","mn146:10.6","mn146:10.7","mn146:10.8","mn146:10.9","mn146:10.10","mn146:10.11","mn146:10.12","mn146:10.13","mn146:10.14","mn146:10.15","mn146:10.16","mn146:10.17","mn146:10.18"],"kind":"text","text":{"pi":"Seyyathāpi, bhaginiyo, mahato rukkhassa tiṭṭhato sāravato mūlampi aniccaṁ vipariṇāmadhammaṁ, khandhopi anicco vipariṇāmadhammo, sākhāpalāsampi aniccaṁ vipariṇāmadhammaṁ, chāyāpi aniccā vipariṇāmadhammā.\nYo nu kho, bhaginiyo, evaṁ vadeyya:\n‘amussa mahato rukkhassa tiṭṭhato sāravato mūlampi aniccaṁ vipariṇāmadhammaṁ, khandhopi anicco vipariṇāmadhammo, sākhāpalāsampi aniccaṁ vipariṇāmadhammaṁ, yā ca khvāssa chāyā sā niccā dhuvā sassatā avipariṇāmadhammā’ti;\nsammā nu kho so, bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Amussa hi, bhante, mahato rukkhassa tiṭṭhato sāravato mūlampi aniccaṁ vipariṇāmadhammaṁ, khandhopi anicco vipariṇāmadhammo, sākhāpalāsampi aniccaṁ vipariṇāmadhammaṁ;\npagevassa chāyā aniccā vipariṇāmadhammā”ti.\n“Evameva kho, bhaginiyo, yo nu kho evaṁ vadeyya:\n‘cha khome bāhirā āyatanā aniccā.\nYañca kho cha bāhire āyatane paṭicca paṭisaṁvedeti sukhaṁ vā dukkhaṁ vā adukkhamasukhaṁ vā taṁ niccaṁ dhuvaṁ sassataṁ avipariṇāmadhamman’ti;\nsammā nu kho so, bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Tajjaṁ tajjaṁ, bhante, paccayaṁ paṭicca tajjā tajjā vedanā uppajjanti.\nTajjassa tajjassa paccayassa nirodhā tajjā tajjā vedanā nirujjhantī”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato.","en":"Suppose there was a large tree standing with heartwood. The roots, trunk, branches and leaves, and shadow were all impermanent and perishable.\nNow, suppose someone was to say:\n‘There’s a large tree standing with heartwood. The roots, trunk, and branches and leaves are all impermanent and perishable. But the shadow is permanent, lasting, eternal, and imperishable.’\nWould they be speaking rightly?”\n“No, sir.\nWhy is that?\nBecause that large tree’s roots, trunk, and branches and leaves are all impermanent and perishable,\nlet alone the shadow.”\n“In the same way, suppose someone was to say:\n‘These six exterior sense fields are impermanent.\nBut the feeling—whether pleasant, painful, or neutral—that I experience due to these six exterior sense fields is permanent, lasting, eternal, and imperishable.’\nWould they be speaking rightly?”\n“No, sir.\nWhy is that?\nBecause each kind of feeling arises dependent on the corresponding condition.\nWhen the corresponding condition ceases, the appropriate feeling ceases.”\n“Good, good, sisters!\nThat’s how it is for a noble disciple who truly sees with right wisdom."}},{"id":"mn146:11","sourceIds":["mn146:11.1","mn146:11.2","mn146:11.3","mn146:11.4","mn146:11.5","mn146:11.6","mn146:11.7","mn146:11.8","mn146:11.9","mn146:11.10","mn146:11.11","mn146:11.12"],"kind":"text","text":{"pi":"Seyyathāpi, bhaginiyo, dakkho goghātako vā goghātakantevāsī vā gāviṁ vadhitvā tiṇhena govikantanena gāviṁ saṅkanteyya anupahacca antaraṁ maṁsakāyaṁ anupahacca bāhiraṁ cammakāyaṁ.\nYaṁ yadeva tattha antarā vilimaṁsaṁ antarā nhāru antarā bandhanaṁ taṁ tadeva tiṇhena govikantanena sañchindeyya saṅkanteyya sampakanteyya samparikanteyya.\nSañchinditvā saṅkantitvā sampakantitvā samparikantitvā vidhunitvā bāhiraṁ cammakāyaṁ teneva cammena taṁ gāviṁ paṭicchādetvā evaṁ vadeyya:\n‘tathevāyaṁ gāvī saṁyuttā imināva cammenā’ti;\nsammā nu kho so, bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Amu hi, bhante, dakkho goghātako vā goghātakantevāsī vā gāviṁ vadhitvā tiṇhena govikantanena gāviṁ saṅkanteyya anupahacca antaraṁ maṁsakāyaṁ anupahacca bāhiraṁ cammakāyaṁ.\nYaṁ yadeva tattha antarā vilimaṁsaṁ antarā nhāru antarā bandhanaṁ taṁ tadeva tiṇhena govikantanena sañchindeyya saṅkanteyya sampakanteyya samparikanteyya.\nSañchinditvā saṅkantitvā sampakantitvā samparikantitvā vidhunitvā bāhiraṁ cammakāyaṁ teneva cammena taṁ gāviṁ paṭicchādetvā kiñcāpi so evaṁ vadeyya:\n‘tathevāyaṁ gāvī saṁyuttā imināva cammenā’ti;\natha kho sā gāvī visaṁyuttā teneva cammenā”ti.","en":"Suppose a deft butcher or their apprentice, having killed a cow, were to carve it with a sharp meat cleaver, without damaging the flesh inside or the hide outside.\nThey’d cut, carve, sever, and slice through each of the connecting tendons, sinews, and ligaments with a sharp meat cleaver,\nand then peel off the outer hide. Then they’d wrap that cow up in that very same hide and say:\n‘This cow is joined to its hide just like before.’\nWould they be speaking rightly?”\n“No, sir.\nWhy is that?\nBecause even if they wrap that cow up in that very same hide and say:\n‘This cow is joined to its hide just like before,’\nstill that cow is not joined to that hide.”"}},{"id":"mn146:12","sourceIds":["mn146:12.1","mn146:12.2","mn146:12.3","mn146:12.4","mn146:12.5","mn146:12.6","mn146:12.7"],"kind":"text","text":{"pi":"“Upamā kho me ayaṁ, bhaginiyo, katā atthassa viññāpanāya.\nAyamevettha attho;\n‘antarā maṁsakāyo’ti kho, bhaginiyo, channetaṁ ajjhattikānaṁ āyatanānaṁ adhivacanaṁ;\n‘bāhiro cammakāyo’ti kho, bhaginiyo, channetaṁ bāhirānaṁ āyatanānaṁ adhivacanaṁ;\n‘antarā vilimaṁsaṁ, antarā nhāru, antarā bandhanan’ti kho, bhaginiyo, nandīrāgassetaṁ adhivacanaṁ;\n‘tiṇhaṁ govikantanan’ti kho, bhaginiyo, ariyāyetaṁ paññāya adhivacanaṁ;\nyāyaṁ ariyā paññā antarā kilesaṁ antarā saṁyojanaṁ antarā bandhanaṁ sañchindati saṅkantati sampakantati samparikantati.","en":"“I’ve made up this simile to make a point.\nAnd this is the point.\n‘The inner flesh’ is a term for the six interior sense fields.\n‘The outer hide’ is a term for the six exterior sense fields.\n‘The connecting tendons, sinews, and ligaments’ is a term for greed and relishing.\n‘A sharp meat cleaver’ is a term for noble wisdom.\nAnd it is that noble wisdom which cuts, carves, severs, and slices the connecting corruption, fetter, and bond."}},{"id":"mn146:13","sourceIds":["mn146:13.1","mn146:13.2","mn146:13.3","mn146:13.4","mn146:13.5","mn146:13.6","mn146:13.7","mn146:13.8","mn146:13.9","mn146:13.10"],"kind":"text","text":{"pi":"Satta kho panime, bhaginiyo, bojjhaṅgā, yesaṁ bhāvitattā bahulīkatattā bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nKatame satta?\nIdha, bhaginiyo, bhikkhu satisambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nDhammavicayasambojjhaṅgaṁ bhāveti …pe…\nvīriyasambojjhaṅgaṁ bhāveti …\npītisambojjhaṅgaṁ bhāveti …\npassaddhisambojjhaṅgaṁ bhāveti …\nsamādhisambojjhaṅgaṁ bhāveti …\nupekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nIme kho, bhaginiyo, satta bojjhaṅgā, yesaṁ bhāvitattā bahulīkatattā bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī”ti.","en":"Sisters, by developing and cultivating these seven awakening factors, a mendicant realizes the undefiled freedom of heart and freedom by wisdom. And they live having realized it with their own insight in this very life due to the ending of defilements.\nWhat seven?\nIt’s when a mendicant develops the awakening factors of mindfulness,\ninvestigation of principles,\nenergy,\nrapture,\ntranquility,\nimmersion,\nand equanimity, which rely on seclusion, fading away, and cessation, and ripen as letting go.\nIt is by developing and cultivating these seven awakening factors that a mendicant realizes the undefiled freedom of heart and freedom by wisdom. And they live having realized it with their own insight in this very life due to the ending of defilements.”"}},{"id":"mn146:14","sourceIds":["mn146:14.1","mn146:14.2","mn146:14.3","mn146:14.4","mn146:14.5"],"kind":"text","text":{"pi":"Atha kho āyasmā nandako tā bhikkhuniyo iminā ovādena ovaditvā uyyojesi:\n“gacchatha, bhaginiyo; kālo”ti.\nAtha kho tā bhikkhuniyo āyasmato nandakassa bhāsitaṁ abhinanditvā anumoditvā uṭṭhāyāsanā āyasmantaṁ nandakaṁ abhivādetvā padakkhiṇaṁ katvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ aṭṭhaṁsu. Ekamantaṁ ṭhitā kho tā bhikkhuniyo bhagavā etadavoca:\n“gacchatha, bhikkhuniyo; kālo”ti.\nAtha kho tā bhikkhuniyo bhagavantaṁ abhivādetvā padakkhiṇaṁ katvā pakkamiṁsu.","en":"Then after giving this advice to the nuns, Nandaka sent them off, saying,\n“Go, sisters, it is time.”\nAnd then those nuns approved and agreed with what Nandaka had said. They rose from their seats, bowed, and respectfully circled him, keeping him on their right. Then they went up to the Buddha, bowed, and stood to one side. The Buddha said to them,\n“Go, nuns, it is time.”\nThen those nuns bowed and respectfully circled the Buddha, keeping him on their right, before leaving."}},{"id":"mn146:15","sourceIds":["mn146:15.1","mn146:15.2","mn146:15.3","mn146:15.4"],"kind":"text","text":{"pi":"Atha kho bhagavā acirapakkantīsu tāsu bhikkhunīsu bhikkhū āmantesi:\n“seyyathāpi, bhikkhave, tadahuposathe cātuddase na hoti bahuno janassa kaṅkhā vā vimati vā:\n‘ūno nu kho cando, puṇṇo nu kho cando’ti, atha kho ūno cando tveva hoti.\nEvameva kho, bhikkhave, tā bhikkhuniyo nandakassa dhammadesanāya attamanā honti no ca kho paripuṇṇasaṅkappā”ti.","en":"Soon after those nuns had left, the Buddha addressed the mendicants:\n“Suppose, mendicants, it was the sabbath of the fourteenth day. You wouldn’t get lots of people\nwondering whether the moon is full or not, since it is obviously not full.\nIn the same way, those nuns were uplifted by Nandaka’s Dhamma teaching, but they still haven’t got all they wished for.”"}},{"id":"mn146:16","sourceIds":["mn146:16.1","mn146:16.2","mn146:16.3","mn146:16.4","mn146:16.5","mn146:16.6","mn146:16.7","mn146:16.8","mn146:16.9","mn146:16.10","mn146:16.11","mn146:16.12","mn146:16.13","mn146:16.14","mn146:16.15","mn146:16.16"],"kind":"text","text":{"pi":"Atha kho bhagavā āyasmantaṁ nandakaṁ āmantesi:\n“tena hi tvaṁ, nandaka, svepi tā bhikkhuniyo tenevovādena ovadeyyāsī”ti.\n“Evaṁ, bhante”ti kho āyasmā nandako bhagavato paccassosi.\nAtha kho āyasmā nandako tassā rattiyā accayena pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nSāvatthiyaṁ piṇḍāya caritvā pacchābhattaṁ piṇḍapātapaṭikkanto attadutiyo yena rājakārāmo tenupasaṅkami.\nAddasaṁsu kho tā bhikkhuniyo āyasmantaṁ nandakaṁ dūratova āgacchantaṁ.\nDisvāna āsanaṁ paññāpesuṁ, udakañca pādānaṁ upaṭṭhapesuṁ.\nNisīdi kho āyasmā nandako paññatte āsane.\nNisajja pāde pakkhālesi.\nTāpi kho bhikkhuniyo āyasmantaṁ nandakaṁ abhivādetvā ekamantaṁ nisīdiṁsu.\nEkamantaṁ nisinnā kho tā bhikkhuniyo āyasmā nandako etadavoca:\n“paṭipucchakathā kho, bhaginiyo, bhavissati.\nTattha ājānantīhi ‘ājānāmā’ tissa vacanīyaṁ, na ājānantīhi ‘na ājānāmā’ tissa vacanīyaṁ.\nYassā vā panassa kaṅkhā vā vimati vā, ahameva tattha paṭipucchitabbo:\n‘idaṁ, bhante, kathaṁ; imassa kvattho’”ti.\n“Ettakenapi mayaṁ, bhante, ayyassa nandakassa attamanā abhiraddhā yaṁ no ayyo nandako pavāretī”ti.","en":"Then the Buddha said to Nandaka,\n“Well then, Nandaka, tomorrow you should give those nuns the same advice again.”\n“Yes, sir,” Nandaka replied.\nAnd the next day he went to those nuns, and all unfolded just like the previous day."}},{"id":"mn146:17-18","sourceIds":["mn146:17-18.1","mn146:17-18.2","mn146:17-18.3","mn146:17-18.4","mn146:17-18.5","mn146:17-18.6","mn146:17-18.7","mn146:17-18.8","mn146:17-18.9","mn146:17-18.10","mn146:17-18.11","mn146:17-18.12","mn146:17-18.13","mn146:17-18.14","mn146:17-18.15","mn146:17-18.16","mn146:17-18.17","mn146:17-18.18","mn146:17-18.19","mn146:17-18.20","mn146:17-18.21","mn146:17-18.22","mn146:17-18.23","mn146:17-18.24","mn146:17-18.25"],"kind":"text","text":{"pi":"“Taṁ kiṁ maññatha, bhaginiyo, cakkhu niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kiṁ maññatha, bhaginiyo, sotaṁ niccaṁ vā aniccaṁ vā”ti?\n“Aniccaṁ, bhante …pe…\nghānaṁ niccaṁ vā aniccaṁ vā”ti?\n“Aniccaṁ, bhante …\njivhā …\nkāyo …\nmano nicco vā anicco vā”ti?\n“Anicco, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kissa hetu”?\n“Pubbeva no etaṁ, bhante, yathābhūtaṁ sammappaññāya sudiṭṭhaṁ:\n‘itipime cha ajjhattikā āyatanā aniccā’”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato."}},{"id":"mn146:19-20","sourceIds":["mn146:19-20.1","mn146:19-20.2","mn146:19-20.3","mn146:19-20.4","mn146:19-20.5","mn146:19-20.6","mn146:19-20.7","mn146:19-20.8","mn146:19-20.9","mn146:19-20.10","mn146:19-20.11","mn146:19-20.12","mn146:19-20.13","mn146:19-20.14","mn146:19-20.15","mn146:19-20.16","mn146:19-20.17","mn146:19-20.18","mn146:19-20.19","mn146:19-20.20","mn146:19-20.21","mn146:19-20.22","mn146:19-20.23","mn146:19-20.24","mn146:19-20.25","mn146:19-20.26","mn146:19-20.27"],"kind":"text","text":{"pi":"Taṁ kiṁ maññatha, bhaginiyo, rūpā niccā vā aniccā vā”ti?\n“Aniccā, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kiṁ maññatha, bhaginiyo, saddā niccā vā aniccā vā”ti?\n“Aniccā, bhante …pe…\ngandhā niccā vā aniccā vā”ti?\n“Aniccā, bhante …\nrasā niccā vā aniccā vā”ti?\n“Aniccā, bhante …\nphoṭṭhabbā niccā vā aniccā vā”ti?\n“Aniccā, bhante …\ndhammā niccā vā aniccā vā”ti?\n“Aniccā, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kissa hetu”?\n“Pubbeva no etaṁ, bhante, yathābhūtaṁ sammappaññāya sudiṭṭhaṁ:\n‘itipime cha bāhirā āyatanā aniccā’”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato."}},{"id":"mn146:21","sourceIds":["mn146:21.1","mn146:21.2","mn146:21.3","mn146:21.4","mn146:21.5","mn146:21.6","mn146:21.7","mn146:21.8","mn146:21.9","mn146:21.10","mn146:21.11","mn146:21.12","mn146:21.13","mn146:21.14","mn146:21.15","mn146:21.16","mn146:21.17","mn146:21.18","mn146:21.19","mn146:21.20","mn146:21.21","mn146:21.22"],"kind":"text","text":{"pi":"Taṁ kiṁ maññatha, bhaginiyo, cakkhuviññāṇaṁ niccaṁ vā aniccaṁ vā”ti?\n“Aniccaṁ, bhante …pe…\nsotaviññāṇaṁ niccaṁ vā aniccaṁ vā”ti?\n“Aniccaṁ, bhante …\nghānaviññāṇaṁ niccaṁ vā aniccaṁ vā”ti?\n“Aniccaṁ, bhante …\njivhāviññāṇaṁ niccaṁ vā aniccaṁ vā”ti?\n“Aniccaṁ, bhante …\nkāyaviññāṇaṁ niccaṁ vā aniccaṁ vā”ti?\n“Aniccaṁ, bhante …\nmanoviññāṇaṁ niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Taṁ kissa hetu”?\n“Pubbeva no etaṁ, bhante, yathābhūtaṁ sammappaññāya sudiṭṭhaṁ:\n‘itipime cha viññāṇakāyā aniccā’”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato."}},{"id":"mn146:22","sourceIds":["mn146:22.1","mn146:22.2","mn146:22.3","mn146:22.4","mn146:22.5","mn146:22.6","mn146:22.7","mn146:22.8","mn146:22.9","mn146:22.10","mn146:22.11","mn146:22.12","mn146:22.13","mn146:22.14","mn146:22.15","mn146:22.16","mn146:22.17","mn146:22.18","mn146:22.19"],"kind":"text","text":{"pi":"Seyyathāpi, bhaginiyo, telappadīpassa jhāyato telampi aniccaṁ vipariṇāmadhammaṁ, vaṭṭipi aniccā vipariṇāmadhammā, accipi aniccā vipariṇāmadhammā, ābhāpi aniccā vipariṇāmadhammā.\nYo nu kho, bhaginiyo, evaṁ vadeyya:\n‘amussa telappadīpassa jhāyato telampi aniccaṁ vipariṇāmadhammaṁ, vaṭṭipi aniccā vipariṇāmadhammā, accipi aniccā vipariṇāmadhammā;\nyā ca khvāssa ābhā sā niccā dhuvā sassatā avipariṇāmadhammā’ti;\nsammā nu kho so, bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Amussa hi, bhante, telappadīpassa jhāyato telampi aniccaṁ vipariṇāmadhammaṁ, vaṭṭipi aniccā vipariṇāmadhammā, accipi aniccā vipariṇāmadhammā;\npagevassa ābhā aniccā vipariṇāmadhammā”ti.\n“Evameva kho, bhaginiyo, yo nu kho evaṁ vadeyya:\n‘cha khome ajjhattikā āyatanā aniccā.\nYañca kho cha ajjhattike āyatane paṭicca paṭisaṁvedeti sukhaṁ vā dukkhaṁ vā adukkhamasukhaṁ vā taṁ niccaṁ dhuvaṁ sassataṁ avipariṇāmadhamman’ti;\nsammā nu kho so, bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Tajjaṁ tajjaṁ, bhante, paccayaṁ paṭicca tajjā tajjā vedanā uppajjanti.\nTajjassa tajjassa paccayassa nirodhā tajjā tajjā vedanā nirujjhantī”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato."}},{"id":"mn146:23","sourceIds":["mn146:23.1","mn146:23.2","mn146:23.3","mn146:23.4","mn146:23.5","mn146:23.6","mn146:23.7","mn146:23.8","mn146:23.9","mn146:23.10","mn146:23.11","mn146:23.12","mn146:23.13","mn146:23.14","mn146:23.15","mn146:23.16","mn146:23.17","mn146:23.18","mn146:23.19"],"kind":"text","text":{"pi":"Seyyathāpi, bhaginiyo, mahato rukkhassa tiṭṭhato sāravato mūlampi aniccaṁ vipariṇāmadhammaṁ, khandhopi anicco vipariṇāmadhammo, sākhāpalāsampi aniccaṁ vipariṇāmadhammaṁ, chāyāpi aniccā vipariṇāmadhammā.\nYo nu kho, bhaginiyo, evaṁ vadeyya:\n‘amussa mahato rukkhassa tiṭṭhato sāravato mūlampi aniccaṁ vipariṇāmadhammaṁ, khandhopi anicco vipariṇāmadhammo, sākhāpalāsampi aniccaṁ vipariṇāmadhammaṁ;\nyā ca khvāssa chāyā sā niccā dhuvā sassatā avipariṇāmadhammā’ti;\nsammā nu kho so bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Amussa hi, bhante, mahato rukkhassa tiṭṭhato sāravato mūlampi aniccaṁ vipariṇāmadhammaṁ, khandhopi anicco vipariṇāmadhammo, sākhāpalāsampi aniccaṁ vipariṇāmadhammaṁ;\npagevassa chāyā aniccā vipariṇāmadhammā”ti.\n“Evameva kho, bhaginiyo, yo nu kho evaṁ vadeyya:\n‘cha khome bāhirā āyatanā aniccā.\nYañca kho bāhire āyatane paṭicca paṭisaṁvedeti sukhaṁ vā dukkhaṁ vā adukkhamasukhaṁ vā taṁ niccaṁ dhuvaṁ sassataṁ avipariṇāmadhamman’ti;\nsammā nu kho so, bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Tajjaṁ tajjaṁ, bhante, paccayaṁ paṭicca tajjā tajjā vedanā uppajjanti.\nTajjassa tajjassa paccayassa nirodhā tajjā tajjā vedanā nirujjhantī”ti.\n“Sādhu sādhu, bhaginiyo.\nEvañhetaṁ, bhaginiyo, hoti ariyasāvakassa yathābhūtaṁ sammappaññāya passato."}},{"id":"mn146:24","sourceIds":["mn146:24.1","mn146:24.2","mn146:24.3","mn146:24.4","mn146:24.5","mn146:24.6","mn146:24.7","mn146:24.8","mn146:24.9","mn146:24.10","mn146:24.11","mn146:24.12"],"kind":"text","text":{"pi":"Seyyathāpi, bhaginiyo, dakkho goghātako vā goghātakantevāsī vā gāviṁ vadhitvā tiṇhena govikantanena gāviṁ saṅkanteyya anupahacca antaraṁ maṁsakāyaṁ anupahacca bāhiraṁ cammakāyaṁ.\nYaṁ yadeva tattha antarā vilimaṁsaṁ antarā nhāru antarā bandhanaṁ taṁ tadeva tiṇhena govikantanena sañchindeyya saṅkanteyya sampakanteyya samparikanteyya.\nSañchinditvā saṅkantitvā sampakantitvā samparikantitvā vidhunitvā bāhiraṁ cammakāyaṁ teneva cammena taṁ gāviṁ paṭicchādetvā evaṁ vadeyya:\n‘tathevāyaṁ gāvī saṁyuttā imināva cammenā’ti;\nsammā nu kho so, bhaginiyo, vadamāno vadeyyā”ti?\n“No hetaṁ, bhante”.\n“Taṁ kissa hetu”?\n“Amu hi, bhante, dakkho goghātako vā goghātakantevāsī vā gāviṁ vadhitvā tiṇhena govikantanena gāviṁ saṅkanteyya anupahacca antaraṁ maṁsakāyaṁ anupahacca bāhiraṁ cammakāyaṁ.\nYaṁ yadeva tattha antarā vilimaṁsaṁ antarā nhāru antarā bandhanaṁ taṁ tadeva tiṇhena govikantanena sañchindeyya saṅkanteyya sampakanteyya samparikanteyya.\nSañchinditvā saṅkantitvā sampakantitvā samparikantitvā vidhunitvā bāhiraṁ cammakāyaṁ teneva cammena taṁ gāviṁ paṭicchādetvā kiñcāpi so evaṁ vadeyya:\n‘tathevāyaṁ gāvī saṁyuttā imināva cammenā’ti;\natha kho sā gāvī visaṁyuttā teneva cammenā”ti."}},{"id":"mn146:25","sourceIds":["mn146:25.1","mn146:25.2","mn146:25.3","mn146:25.4","mn146:25.5","mn146:25.6"],"kind":"text","text":{"pi":"“Upamā kho me ayaṁ, bhaginiyo, katā atthassa viññāpanāya ayamevettha attho.\n‘Antarā maṁsakāyo’ti kho, bhaginiyo, channetaṁ ajjhattikānaṁ āyatanānaṁ adhivacanaṁ;\n‘bāhiro cammakāyo’ti kho, bhaginiyo, channetaṁ bāhirānaṁ āyatanānaṁ adhivacanaṁ;\n‘antarā vilimaṁsaṁ antarā nhāru antarā bandhanan’ti kho, bhaginiyo, nandīrāgassetaṁ adhivacanaṁ;\n‘tiṇhaṁ govikantanan’ti kho, bhaginiyo, ariyāyetaṁ paññāya adhivacanaṁ;\nyāyaṁ ariyā paññā antarā kilesaṁ antarā saṁyojanaṁ antarā bandhanaṁ sañchindati saṅkantati sampakantati samparikantati."}},{"id":"mn146:26","sourceIds":["mn146:26.1","mn146:26.2","mn146:26.3","mn146:26.4","mn146:26.5","mn146:26.6","mn146:26.7","mn146:26.8","mn146:26.9","mn146:26.10","mn146:26.11","mn146:26.12","mn146:26.13","mn146:26.14","mn146:26.15"],"kind":"text","text":{"pi":"Satta kho panime, bhaginiyo, bojjhaṅgā, yesaṁ bhāvitattā bahulīkatattā bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nKatame satta?\nIdha, bhaginiyo, bhikkhu satisambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nDhammavicayasambojjhaṅgaṁ bhāveti …pe…\nvīriyasambojjhaṅgaṁ bhāveti …\npītisambojjhaṅgaṁ bhāveti …\npassaddhisambojjhaṅgaṁ bhāveti …\nsamādhisambojjhaṅgaṁ bhāveti …\nupekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ.\nIme kho, bhaginiyo, satta bojjhaṅgā yesaṁ bhāvitattā bahulīkatattā bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī”ti.\nAtha kho āyasmā nandako tā bhikkhuniyo iminā ovādena ovaditvā uyyojesi:\n“gacchatha, bhaginiyo; kālo”ti.\nAtha kho tā bhikkhuniyo āyasmato nandakassa bhāsitaṁ abhinanditvā anumoditvā uṭṭhāyāsanā āyasmantaṁ nandakaṁ abhivādetvā padakkhiṇaṁ katvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ aṭṭhaṁsu. Ekamantaṁ ṭhitā kho tā bhikkhuniyo bhagavā etadavoca:\n“gacchatha, bhikkhuniyo; kālo”ti.\nAtha kho tā bhikkhuniyo bhagavantaṁ abhivādetvā padakkhiṇaṁ katvā pakkamiṁsu."}},{"id":"mn146:27","sourceIds":["mn146:27.1","mn146:27.2","mn146:27.3","mn146:27.4","mn146:27.5","mn146:27.6","mn146:27.7","mn146:27.8"],"kind":"text","text":{"pi":"Atha kho bhagavā acirapakkantīsu tāsu bhikkhunīsu bhikkhū āmantesi:\n“seyyathāpi, bhikkhave, tadahuposathe pannarase na hoti bahuno janassa kaṅkhā vā vimati vā:\n‘ūno nu kho cando, puṇṇo nu kho cando’ti, atha kho puṇṇo cando tveva hoti;\nevameva kho, bhikkhave, tā bhikkhuniyo nandakassa dhammadesanāya attamanā ceva paripuṇṇasaṅkappā ca.\nTāsaṁ, bhikkhave, pañcannaṁ bhikkhunisatānaṁ yā pacchimikā bhikkhunī sā sotāpannā avinipātadhammā niyatā sambodhiparāyanā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nNandakovādasuttaṁ niṭṭhitaṁ catutthaṁ.","en":"Soon after those nuns had left, the Buddha addressed the mendicants:\n“Suppose, mendicants, it was the sabbath of the fifteenth day. You wouldn’t get lots of people\nwondering whether the moon is full or not, since it is obviously full.\nIn the same way, those nuns were uplifted by Nandaka’s Dhamma teaching, and they got all they wished for.\nEven the last of these five hundred nuns is a stream-enterer, not liable to be reborn in the underworld, assured, destined for awakening.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn146/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}