{"id":"mn149","title":"The Great Discourse on What Relates to the Six Sense Fields","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn149","title":"The Great Discourse on What Relates to the Six Sense Fields","units":[{"id":"mn149:0","sourceIds":["mn149:0.1","mn149:0.2"],"kind":"text","text":{"pi":"Majjhima Nikāya 149\nMahāsaḷāyatanikasutta","en":"Middle Discourses 149\nThe Great Discourse on What Relates to the Six Sense Fields"}},{"id":"mn149:1","sourceIds":["mn149:1.1","mn149:1.2","mn149:1.3","mn149:1.4","mn149:1.5","mn149:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn149:2","sourceIds":["mn149:2.1","mn149:2.2","mn149:2.3","mn149:2.4"],"kind":"text","text":{"pi":"“mahāsaḷāyatanikaṁ vo, bhikkhave, desessāmi.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"“Mendicants, I shall teach you the great discourse on what relates to the six sense fields.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"mn149:3","sourceIds":["mn149:3.1","mn149:3.2","mn149:3.3","mn149:3.4","mn149:3.5","mn149:3.6","mn149:3.7"],"kind":"text","text":{"pi":"“Cakkhuṁ, bhikkhave, ajānaṁ apassaṁ yathābhūtaṁ, rūpe ajānaṁ apassaṁ yathābhūtaṁ, cakkhuviññāṇaṁ ajānaṁ apassaṁ yathābhūtaṁ, cakkhusamphassaṁ ajānaṁ apassaṁ yathābhūtaṁ, yamidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi ajānaṁ apassaṁ yathābhūtaṁ, cakkhusmiṁ sārajjati, rūpesu sārajjati, cakkhuviññāṇe sārajjati, cakkhusamphasse sārajjati, yamidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi sārajjati.\nTassa sārattassa saṁyuttassa sammūḷhassa assādānupassino viharato āyatiṁ pañcupādānakkhandhā upacayaṁ gacchanti.\nTaṇhā cassa ponobbhavikā nandīrāgasahagatā tatratatrābhinandinī, sā cassa pavaḍḍhati.\nTassa kāyikāpi darathā pavaḍḍhanti, cetasikāpi darathā pavaḍḍhanti;\nkāyikāpi santāpā pavaḍḍhanti, cetasikāpi santāpā pavaḍḍhanti;\nkāyikāpi pariḷāhā pavaḍḍhanti, cetasikāpi pariḷāhā pavaḍḍhanti.\nSo kāyadukkhampi cetodukkhampi paṭisaṁvedeti.","en":"“Mendicants, when you don’t truly know and see the eye, sights, eye consciousness, eye contact, and what is felt as pleasant, painful, or neutral that arises dependent on eye contact, you’re aroused by these things.\nSomeone who lives aroused like this—fettered, confused, concentrating on gratification—accumulates the five grasping aggregates for themselves in the future.\nAnd their craving—which leads to future lives, mixed up with relishing and greed, taking pleasure there wherever it alights—grows.\nTheir physical and mental stress,\ntorment,\nand fever grow.\nAnd they experience physical and mental suffering."}},{"id":"mn149:4-7","sourceIds":["mn149:4-7.1","mn149:4-7.2","mn149:4-7.3","mn149:4-7.4","mn149:4-7.5"],"kind":"text","text":{"pi":"Sotaṁ, bhikkhave, ajānaṁ apassaṁ yathābhūtaṁ …pe…\nghānaṁ, bhikkhave, ajānaṁ apassaṁ yathābhūtaṁ …pe…\njivhaṁ, bhikkhave, ajānaṁ apassaṁ yathābhūtaṁ …pe…\nkāyaṁ, bhikkhave, ajānaṁ apassaṁ yathābhūtaṁ …pe…\nmanaṁ, bhikkhave, ajānaṁ apassaṁ yathābhūtaṁ, dhamme, bhikkhave, ajānaṁ apassaṁ yathābhūtaṁ, manoviññāṇaṁ, bhikkhave, ajānaṁ apassaṁ yathābhūtaṁ, manosamphassaṁ, bhikkhave, ajānaṁ apassaṁ yathābhūtaṁ, yamidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi ajānaṁ apassaṁ yathābhūtaṁ, manasmiṁ sārajjati, dhammesu sārajjati, manoviññāṇe sārajjati, manosamphasse sārajjati, yamidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi sārajjati.","en":"When you don’t truly know and see the ear …\nnose …\ntongue …\nbody …\nmind, ideas, mind consciousness, mind contact, and what is felt as pleasant, painful, or neutral that arises dependent on mind contact, you’re aroused by these things."}},{"id":"mn149:8","sourceIds":["mn149:8.1","mn149:8.2","mn149:8.3","mn149:8.4","mn149:8.5","mn149:8.6"],"kind":"text","text":{"pi":"Tassa sārattassa saṁyuttassa sammūḷhassa assādānupassino viharato āyatiṁ pañcupādānakkhandhā upacayaṁ gacchanti.\nTaṇhā cassa ponobbhavikā nandīrāgasahagatā tatratatrābhinandinī, sā cassa pavaḍḍhati.\nTassa kāyikāpi darathā pavaḍḍhanti, cetasikāpi darathā pavaḍḍhanti;\nkāyikāpi santāpā pavaḍḍhanti, cetasikāpi santāpā pavaḍḍhanti;\nkāyikāpi pariḷāhā pavaḍḍhanti, cetasikāpi pariḷāhā pavaḍḍhanti.\nSo kāyadukkhampi cetodukkhampi paṭisaṁvedeti.","en":"Someone who lives aroused like this—fettered, confused, concentrating on gratification—accumulates the five grasping aggregates for themselves in the future.\nAnd their craving—which leads to future lives, mixed up with relishing and greed, taking pleasure there wherever it alights—grows.\nTheir physical and mental stress,\ntorment,\nand fever grow.\nAnd they experience physical and mental suffering."}},{"id":"mn149:9","sourceIds":["mn149:9.1","mn149:9.2","mn149:9.3","mn149:9.4","mn149:9.5","mn149:9.6","mn149:9.7"],"kind":"text","text":{"pi":"Cakkhuñca kho, bhikkhave, jānaṁ passaṁ yathābhūtaṁ, rūpe jānaṁ passaṁ yathābhūtaṁ, cakkhuviññāṇaṁ jānaṁ passaṁ yathābhūtaṁ, cakkhusamphassaṁ jānaṁ passaṁ yathābhūtaṁ, yamidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi jānaṁ passaṁ yathābhūtaṁ, cakkhusmiṁ na sārajjati, rūpesu na sārajjati, cakkhuviññāṇe na sārajjati, cakkhusamphasse na sārajjati, yamidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi na sārajjati.\nTassa asārattassa asaṁyuttassa asammūḷhassa ādīnavānupassino viharato āyatiṁ pañcupādānakkhandhā apacayaṁ gacchanti.\nTaṇhā cassa ponobbhavikā nandīrāgasahagatā tatratatrābhinandinī, sā cassa pahīyati.\nTassa kāyikāpi darathā pahīyanti, cetasikāpi darathā pahīyanti;\nkāyikāpi santāpā pahīyanti, cetasikāpi santāpā pahīyanti;\nkāyikāpi pariḷāhā pahīyanti, cetasikāpi pariḷāhā pahīyanti.\nSo kāyasukhampi cetosukhampi paṭisaṁvedeti.","en":"When you do truly know and see the eye, sights, eye consciousness, eye contact, and what is felt as pleasant, painful, or neutral that arises dependent on eye contact, you’re not aroused by these things.\nSomeone who lives unaroused like this—unfettered, unconfused, concentrating on drawbacks—disperses the five grasping aggregates for themselves in the future.\nAnd their craving—which leads to future lives, mixed up with relishing and greed, taking pleasure there wherever it alights—is given up.\nTheir physical and mental stress,\ntorment,\nand fever are given up.\nAnd they experience physical and mental pleasure."}},{"id":"mn149:10","sourceIds":["mn149:10.1","mn149:10.2","mn149:10.3","mn149:10.4","mn149:10.5","mn149:10.6","mn149:10.7","mn149:10.8","mn149:10.9","mn149:10.10","mn149:10.11","mn149:10.12","mn149:10.13","mn149:10.14"],"kind":"text","text":{"pi":"Yā tathābhūtassa diṭṭhi sāssa hoti sammādiṭṭhi;\nyo tathābhūtassa saṅkappo svāssa hoti sammāsaṅkappo;\nyo tathābhūtassa vāyāmo svāssa hoti sammāvāyāmo;\nyā tathābhūtassa sati sāssa hoti sammāsati;\nyo tathābhūtassa samādhi svāssa hoti sammāsamādhi.\nPubbeva kho panassa kāyakammaṁ vacīkammaṁ ājīvo suparisuddho hoti.\nEvamassāyaṁ ariyo aṭṭhaṅgiko maggo bhāvanāpāripūriṁ gacchati.\nTassa evaṁ imaṁ ariyaṁ aṭṭhaṅgikaṁ maggaṁ bhāvayato cattāropi satipaṭṭhānā bhāvanāpāripūriṁ gacchanti, cattāropi sammappadhānā bhāvanāpāripūriṁ gacchanti, cattāropi iddhipādā bhāvanāpāripūriṁ gacchanti, pañcapi indriyāni bhāvanāpāripūriṁ gacchanti, pañcapi balāni bhāvanāpāripūriṁ gacchanti, sattapi bojjhaṅgā bhāvanāpāripūriṁ gacchanti.\nTassime dve dhammā yuganandhā vattanti—\nsamatho ca vipassanā ca.\nSo ye dhammā abhiññā pariññeyyā te dhamme abhiññā parijānāti.\nYe dhammā abhiññā pahātabbā te dhamme abhiññā pajahati.\nYe dhammā abhiññā bhāvetabbā te dhamme abhiññā bhāveti.\nYe dhammā abhiññā sacchikātabbā te dhamme abhiññā sacchikaroti.","en":"The view of such a person is right view.\nTheir intention is right intention,\ntheir effort is right effort,\ntheir mindfulness is right mindfulness,\nand their immersion is right immersion.\nAnd their actions of body and speech, and their livelihood, have already been fully purified before.\nSo this noble eightfold path is fully developed.\nWhen the noble eightfold path is developed, the following are fully developed: the four kinds of mindfulness meditation, the four right efforts, the four bases of psychic power, the five faculties, the five powers, and the seven awakening factors.\nAnd these two qualities proceed in conjunction:\nserenity and discernment.\nThey completely understand by direct knowledge those things that should be completely understood by direct knowledge.\nThey give up by direct knowledge those things that should be given up by direct knowledge.\nThey develop by direct knowledge those things that should be developed by direct knowledge.\nThey realize by direct knowledge those things that should be realized by direct knowledge."}},{"id":"mn149:11","sourceIds":["mn149:11.1","mn149:11.2","mn149:11.3","mn149:11.4","mn149:11.5","mn149:11.6","mn149:11.7","mn149:11.8","mn149:11.9","mn149:11.10","mn149:11.11","mn149:11.12","mn149:11.13"],"kind":"text","text":{"pi":"Katame ca, bhikkhave, dhammā abhiññā pariññeyyā?\n‘Pañcupādānakkhandhā’ tissa vacanīyaṁ,\nseyyathidaṁ—rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.\nIme dhammā abhiññā pariññeyyā.\nKatame ca, bhikkhave, dhammā abhiññā pahātabbā?\nAvijjā ca bhavataṇhā ca—\nime dhammā abhiññā pahātabbā.\nKatame ca, bhikkhave, dhammā abhiññā bhāvetabbā?\nSamatho ca vipassanā ca—\nime dhammā abhiññā bhāvetabbā.\nKatame ca, bhikkhave, dhammā abhiññā sacchikātabbā?\nVijjā ca vimutti ca—\nime dhammā abhiññā sacchikātabbā.","en":"And what are the things that should be completely understood by direct knowledge?\nYou should say: ‘The five grasping aggregates.’\nThat is: form, feeling, perception, choices, and consciousness.\nThese are the things that should be completely understood by direct knowledge.\nAnd what are the things that should be given up by direct knowledge?\nIgnorance and craving for continued existence.\nThese are the things that should be given up by direct knowledge.\nAnd what are the things that should be developed by direct knowledge?\nSerenity and discernment.\nThese are the things that should be developed by direct knowledge.\nAnd what are the things that should be realized by direct knowledge?\nKnowledge and freedom.\nThese are the things that should be realized by direct knowledge."}},{"id":"mn149:12-18","sourceIds":["mn149:12-18.1","mn149:12-18.2","mn149:12-18.3","mn149:12-18.4","mn149:12-18.5"],"kind":"text","text":{"pi":"Sotaṁ, bhikkhave, jānaṁ passaṁ yathābhūtaṁ …pe…\nghānaṁ bhikkhave, jānaṁ passaṁ yathābhūtaṁ …pe…\njivhaṁ, bhikkhave, jānaṁ passaṁ yathābhūtaṁ …pe…\nkāyaṁ, bhikkhave, jānaṁ passaṁ yathābhūtaṁ …pe…\nmanaṁ, bhikkhave, jānaṁ passaṁ yathābhūtaṁ, dhamme jānaṁ passaṁ yathābhūtaṁ, manoviññāṇaṁ jānaṁ passaṁ yathābhūtaṁ, manosamphassaṁ jānaṁ passaṁ yathābhūtaṁ, yamidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi jānaṁ passaṁ yathābhūtaṁ, manasmiṁ na sārajjati, dhammesu na sārajjati, manoviññāṇe na sārajjati, manosamphasse na sārajjati, yamidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi na sārajjati.","en":"When you truly know and see the ear …\nnose …\ntongue …\nbody …\nmind, ideas, mind consciousness, mind contact, and what is felt as pleasant, painful, or neutral that arises dependent on mind contact, you are not aroused by these things. …"}},{"id":"mn149:19","sourceIds":["mn149:19.1","mn149:19.2","mn149:19.3","mn149:19.4","mn149:19.5","mn149:19.6"],"kind":"text","text":{"pi":"Tassa asārattassa asaṁyuttassa asammūḷhassa ādīnavānupassino viharato āyatiṁ pañcupādānakkhandhā apacayaṁ gacchanti.\nTaṇhā cassa ponobbhavikā nandīrāgasahagatā tatratatrābhinandinī, sā cassa pahīyati.\nTassa kāyikāpi darathā pahīyanti, cetasikāpi darathā pahīyanti;\nkāyikāpi santāpā pahīyanti, cetasikāpi santāpā pahīyanti;\nkāyikāpi pariḷāhā pahīyanti, cetasikāpi pariḷāhā pahīyanti.\nSo kāyasukhampi cetosukhampi paṭisaṁvedeti."}},{"id":"mn149:20","sourceIds":["mn149:20.1","mn149:20.2","mn149:20.3","mn149:20.4","mn149:20.5","mn149:20.6","mn149:20.7"],"kind":"text","text":{"pi":"Yā tathābhūtassa diṭṭhi sāssa hoti sammādiṭṭhi;\nyo tathābhūtassa saṅkappo svāssa hoti sammāsaṅkappo;\nyo tathābhūtassa vāyāmo svāssa hoti sammāvāyāmo;\nyā tathābhūtassa sati sāssa hoti sammāsati;\nyo tathābhūtassa samādhi svāssa hoti sammāsamādhi.\nPubbeva kho panassa kāyakammaṁ vacīkammaṁ ājīvo suparisuddho hoti.\nEvamassāyaṁ ariyo aṭṭhaṅgiko maggo bhāvanāpāripūriṁ gacchati."}},{"id":"mn149:21","sourceIds":["mn149:21.1"],"kind":"text","text":{"pi":"Tassa evaṁ imaṁ ariyaṁ aṭṭhaṅgikaṁ maggaṁ bhāvayato cattāropi satipaṭṭhānā bhāvanāpāripūriṁ gacchanti, cattāropi sammappadhānā bhāvanāpāripūriṁ gacchanti, cattāropi iddhipādā bhāvanāpāripūriṁ gacchanti, pañcapi indriyāni bhāvanāpāripūriṁ gacchanti, pañcapi balāni bhāvanāpāripūriṁ gacchanti, sattapi bojjhaṅgā bhāvanāpāripūriṁ gacchanti."}},{"id":"mn149:22","sourceIds":["mn149:22.1","mn149:22.2","mn149:22.3","mn149:22.4","mn149:22.5","mn149:22.6"],"kind":"text","text":{"pi":"Tassime dve dhammā yuganandhā vattanti—\nsamatho ca vipassanā ca.\nSo ye dhammā abhiññā pariññeyyā te dhamme abhiññā parijānāti.\nYe dhammā abhiññā pahātabbā te dhamme abhiññā pajahati.\nYe dhammā abhiññā bhāvetabbā te dhamme abhiññā bhāveti.\nYe dhammā abhiññā sacchikātabbā te dhamme abhiññā sacchikaroti."}},{"id":"mn149:23","sourceIds":["mn149:23.1","mn149:23.2","mn149:23.3","mn149:23.4"],"kind":"text","text":{"pi":"Katame ca, bhikkhave, dhammā abhiññā pariññeyyā?\n‘Pañcupādānakkhandhā’ tissa vacanīyaṁ, seyyathidaṁ—\nrūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.\nIme dhammā abhiññā pariññeyyā."}},{"id":"mn149:24","sourceIds":["mn149:24.1","mn149:24.2","mn149:24.3"],"kind":"text","text":{"pi":"Katame ca, bhikkhave, dhammā abhiññā pahātabbā?\nAvijjā ca bhavataṇhā ca—\nime dhammā abhiññā pahātabbā."}},{"id":"mn149:25","sourceIds":["mn149:25.1","mn149:25.2","mn149:25.3"],"kind":"text","text":{"pi":"Katame ca, bhikkhave, dhammā abhiññā bhāvetabbā?\nSamatho ca vipassanā ca—\nime dhammā abhiññā bhāvetabbā."}},{"id":"mn149:26","sourceIds":["mn149:26.1","mn149:26.2","mn149:26.3","mn149:26.4","mn149:26.5","mn149:26.6"],"kind":"text","text":{"pi":"Katame ca, bhikkhave, dhammā abhiññā sacchikātabbā?\nVijjā ca vimutti ca—\nime dhammā abhiññā sacchikātabbā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nMahāsaḷāyatanikasuttaṁ niṭṭhitaṁ sattamaṁ.","en":"These are the things that should be realized by direct knowledge.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn149/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}