{"id":"mn150","title":"With the People of Nagaravinda","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn150","title":"With the People of Nagaravinda","units":[{"id":"mn150:0","sourceIds":["mn150:0.1","mn150:0.2"],"kind":"text","text":{"pi":"Majjhima Nikāya 150\nNagaravindeyyasutta","en":"Middle Discourses 150\nWith the People of Nagaravinda"}},{"id":"mn150:1","sourceIds":["mn150:1.1","mn150:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosalesu cārikaṁ caramāno mahatā bhikkhusaṅghena saddhiṁ yena nagaravindaṁ nāma kosalānaṁ brāhmaṇānaṁ gāmo tadavasari.","en":"So I have heard.\nAt one time the Buddha was wandering in the land of the Kosalans together with a large Saṅgha of mendicants when he arrived at a village of the Kosalan brahmins named Nagaravinda."}},{"id":"mn150:2","sourceIds":["mn150:2.1","mn150:2.2","mn150:2.3","mn150:2.4","mn150:2.5","mn150:2.6","mn150:2.7"],"kind":"text","text":{"pi":"Assosuṁ kho nagaravindeyyakā brāhmaṇagahapatikā:\n“samaṇo khalu, bho, gotamo sakyaputto sakyakulā pabbajito kosalesu cārikaṁ caramāno mahatā bhikkhusaṅghena saddhiṁ nagaravindaṁ anuppatto.\nTaṁ kho pana bhavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.\nSādhu kho pana tathārūpānaṁ arahataṁ dassanaṁ hotī”ti.","en":"The brahmins and householders of Nagaravinda heard,\n“It seems the ascetic Gotama—a Sakyan, gone forth from a Sakyan family—while wandering in the land of the Kosalans has arrived at Nagaravinda, together with a large Saṅgha of mendicants.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nHe has realized with his own insight this world—with its gods, Māras, and divinities, this population with its ascetics and brahmins, gods and humans—and he makes it known to others.\nHe teaches Dhamma that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure.\nIt’s good to see such perfected ones.”"}},{"id":"mn150:3","sourceIds":["mn150:3.1"],"kind":"text","text":{"pi":"Atha kho nagaravindeyyakā brāhmaṇagahapatikā yena bhagavā tenupasaṅkamiṁsu; upasaṅkamitvā appekacce bhagavantaṁ abhivādetvā ekamantaṁ nisīdiṁsu. Appekacce bhagavatā saddhiṁ sammodiṁsu; sammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Appekacce yena bhagavā tenañjaliṁ paṇāmetvā ekamantaṁ nisīdiṁsu. Appekacce bhagavato santike nāmagottaṁ sāvetvā ekamantaṁ nisīdiṁsu. Appekacce tuṇhībhūtā ekamantaṁ nisīdiṁsu. Ekamantaṁ nisinne kho nagaravindeyyake brāhmaṇagahapatike bhagavā etadavoca:","en":"Then the brahmins and householders of Nagaravinda went up to the Buddha. Before sitting down to one side, some bowed, some exchanged greetings and polite conversation, some held up their cupped palms toward the Buddha, some announced their name and clan, while some kept silent. The Buddha said to them:"}},{"id":"mn150:4","sourceIds":["mn150:4.1","mn150:4.2","mn150:4.3","mn150:4.4","mn150:4.5","mn150:4.6","mn150:4.7","mn150:4.8","mn150:4.9","mn150:4.10","mn150:4.11","mn150:4.12","mn150:4.13","mn150:4.14","mn150:4.15","mn150:4.16"],"kind":"text","text":{"pi":"“Sace vo, gahapatayo, aññatitthiyā paribbājakā evaṁ puccheyyuṁ:\n‘kathaṁbhūtā, gahapatayo, samaṇabrāhmaṇā na sakkātabbā na garukātabbā na mānetabbā na pūjetabbā’ti?\nEvaṁ puṭṭhā tumhe, gahapatayo, tesaṁ aññatitthiyānaṁ paribbājakānaṁ evaṁ byākareyyātha:\n‘ye te samaṇabrāhmaṇā cakkhuviññeyyesu rūpesu avītarāgā avītadosā avītamohā, ajjhattaṁ avūpasantacittā, samavisamaṁ caranti kāyena vācāya manasā, evarūpā samaṇabrāhmaṇā na sakkātabbā na garukātabbā na mānetabbā na pūjetabbā.\nTaṁ kissa hetu?\nMayampi hi cakkhuviññeyyesu rūpesu avītarāgā avītadosā avītamohā, ajjhattaṁ avūpasantacittā, samavisamaṁ carāma kāyena vācāya manasā, tesaṁ no samacariyampi hetaṁ uttari apassataṁ.\nTasmā te bhonto samaṇabrāhmaṇā na sakkātabbā na garukātabbā na mānetabbā na pūjetabbā.\nYe te samaṇabrāhmaṇā sotaviññeyyesu saddesu …\nghānaviññeyyesu gandhesu …\njivhāviññeyyesu rasesu …\nkāyaviññeyyesu phoṭṭhabbesu …\nmanoviññeyyesu dhammesu avītarāgā avītadosā avītamohā, ajjhattaṁ avūpasantacittā, samavisamaṁ caranti kāyena vācāya manasā, evarūpā samaṇabrāhmaṇā na sakkātabbā na garukātabbā na mānetabbā na pūjetabbā.\nTaṁ kissa hetu?\nMayampi hi manoviññeyyesu dhammesu avītarāgā avītadosā avītamohā, ajjhattaṁ avūpasantacittā, samavisamaṁ carāma kāyena vācāya manasā, tesaṁ no samacariyampi hetaṁ uttari apassataṁ.\nTasmā te bhonto samaṇabrāhmaṇā na sakkātabbā na garukātabbā na mānetabbā na pūjetabbā’ti.\nEvaṁ puṭṭhā tumhe, gahapatayo, tesaṁ aññatitthiyānaṁ paribbājakānaṁ evaṁ byākareyyātha.","en":"“Householders, if wanderers who follow another religion were to ask you:\n‘What kind of ascetic or brahmin doesn’t deserve honor, respect, reverence, and veneration?’\nYou should answer them:\n‘There are ascetics and brahmins who are not free of greed, hate, and delusion for sights known by the eye, whose minds are not settled internally, and who conduct themselves badly among the good by way of body, speech, and mind. They don’t deserve honor, respect, reverence, and veneration.\nWhy is that?\nBecause we ourselves are not free of these things, so we do not see that they have any higher good conduct than us.\nThat’s why they don’t deserve honor, respect, reverence, and veneration.\nThere are ascetics and brahmins who are not free of greed, hate, and delusion for sounds known by the ear …\nsmells known by the nose …\ntastes known by the tongue …\ntouches known by the body …\nideas known by the mind, who are not settled internally, and who conduct themselves badly among the good by way of body, speech, and mind. They don’t deserve honor, respect, reverence, and veneration.\nWhy is that?\nBecause we ourselves are not free of these things, so we do not see that they have any higher good conduct than us.\nThat’s why they don’t deserve honor, respect, reverence, and veneration.’\nWhen questioned by wanderers of other religions, that’s how you should answer them."}},{"id":"mn150:5","sourceIds":["mn150:5.1","mn150:5.2","mn150:5.3","mn150:5.4","mn150:5.5","mn150:5.6","mn150:5.7","mn150:5.8","mn150:5.9","mn150:5.10","mn150:5.11","mn150:5.12","mn150:5.13","mn150:5.14","mn150:5.15","mn150:5.16"],"kind":"text","text":{"pi":"Sace pana vo, gahapatayo, aññatitthiyā paribbājakā evaṁ puccheyyuṁ:\n‘kathaṁbhūtā, gahapatayo, samaṇabrāhmaṇā sakkātabbā garukātabbā mānetabbā pūjetabbā’ti?\nEvaṁ puṭṭhā tumhe, gahapatayo, tesaṁ aññatitthiyānaṁ paribbājakānaṁ evaṁ byākareyyātha:\n‘ye te samaṇabrāhmaṇā cakkhuviññeyyesu rūpesu vītarāgā vītadosā vītamohā, ajjhattaṁ vūpasantacittā, samacariyaṁ caranti kāyena vācāya manasā, evarūpā samaṇabrāhmaṇā sakkātabbā garukātabbā mānetabbā pūjetabbā.\nTaṁ kissa hetu?\nMayampi hi cakkhuviññeyyesu rūpesu avītarāgā avītadosā avītamohā, ajjhattaṁ avūpasantacittā, samavisamaṁ carāma kāyena vācāya manasā, tesaṁ no samacariyampi hetaṁ uttari passataṁ.\nTasmā te bhonto samaṇabrāhmaṇā sakkātabbā garukātabbā mānetabbā pūjetabbā.\nYe te samaṇabrāhmaṇā sotaviññeyyesu saddesu …\nghānaviññeyyesu gandhesu …\njivhāviññeyyesu rasesu …\nkāyaviññeyyesu phoṭṭhabbesu …\nmanoviññeyyesu dhammesu vītarāgā vītadosā vītamohā, ajjhattaṁ vūpasantacittā, samacariyaṁ caranti kāyena vācāya manasā, evarūpā samaṇabrāhmaṇā sakkātabbā garukātabbā mānetabbā pūjetabbā.\nTaṁ kissa hetu?\nMayampi hi manoviññeyyesu dhammesu avītarāgā avītadosā avītamohā ajjhattaṁ avūpasantacittā, samavisamaṁ carāma kāyena vācāya manasā, tesaṁ no samacariyampi hetaṁ uttari passataṁ.\nTasmā te bhonto samaṇabrāhmaṇā sakkātabbā garukātabbā mānetabbā pūjetabbā’ti.\nEvaṁ puṭṭhā tumhe, gahapatayo, tesaṁ aññatitthiyānaṁ paribbājakānaṁ evaṁ byākareyyātha.","en":"If wanderers of other religions were to ask you:\n‘What kind of ascetic or brahmin deserves honor, respect, reverence, and veneration?’\nYou should answer them:\n‘There are ascetics and brahmins who are free of greed, hate, and delusion for sights known by the eye, whose minds are settled internally, and who conduct themselves well by way of body, speech, and mind. They deserve honor, respect, reverence, and veneration.\nWhy is that?\nBecause we ourselves are not free of these things, but we see that they have a higher good conduct than us.\nThat’s why they deserve honor, respect, reverence, and veneration.\nThere are ascetics and brahmins who are free of greed, hate, and delusion for sounds known by the ear …\nsmells known by the nose …\ntastes known by the tongue …\ntouches known by the body …\nideas known by the mind, whose minds are settled internally, and who conduct themselves well by way of body, speech, and mind. They deserve honor, respect, reverence, and veneration.\nWhy is that?\nBecause we ourselves are not free of these things, but we see that they have a higher good conduct than us.\nThat’s why they deserve honor, respect, reverence, and veneration.’\nWhen questioned by wanderers of other religions, that’s how you should answer them."}},{"id":"mn150:6","sourceIds":["mn150:6.1","mn150:6.2","mn150:6.3","mn150:6.4","mn150:6.5","mn150:6.6","mn150:6.7","mn150:6.8","mn150:6.9"],"kind":"text","text":{"pi":"Sace pana vo, gahapatayo, aññatitthiyā paribbājakā evaṁ puccheyyuṁ:\n‘ke panāyasmantānaṁ ākārā, ke anvayā, yena tumhe āyasmanto evaṁ vadetha?\nAddhā te āyasmanto vītarāgā vā rāgavinayāya vā paṭipannā, vītadosā vā dosavinayāya vā paṭipannā, vītamohā vā mohavinayāya vā paṭipannā’ti?\nEvaṁ puṭṭhā tumhe, gahapatayo, tesaṁ aññatitthiyānaṁ paribbājakānaṁ evaṁ byākareyyātha:\n‘tathā hi te āyasmanto araññavanapatthāni pantāni senāsanāni paṭisevanti.\nNatthi kho pana tattha tathārūpā cakkhuviññeyyā rūpā ye disvā disvā abhirameyyuṁ, natthi kho pana tattha tathārūpā sotaviññeyyā saddā ye sutvā sutvā abhirameyyuṁ, natthi kho pana tattha tathārūpā ghānaviññeyyā gandhā ye ghāyitvā ghāyitvā abhirameyyuṁ, natthi kho pana tattha tathārūpā jivhāviññeyyā rasā ye sāyitvā sāyitvā abhirameyyuṁ, natthi kho pana tattha tathārūpā kāyaviññeyyā phoṭṭhabbā ye phusitvā phusitvā abhirameyyuṁ.\nIme kho no, āvuso, ākārā, ime anvayā, yena mayaṁ evaṁ vadema—\naddhā te āyasmanto vītarāgā vā rāgavinayāya vā paṭipannā, vītadosā vā dosavinayāya vā paṭipannā, vītamohā vā mohavinayāya vā paṭipannā’ti.\nEvaṁ puṭṭhā tumhe, gahapatayo, tesaṁ aññatitthiyānaṁ paribbājakānaṁ evaṁ byākareyyāthā”ti.","en":"If wanderers of other religions were to ask you:\n‘But what reasons and evidence do you have regarding those venerables that justifies saying,\n“Clearly those venerables are free of greed, hate, and delusion, or practicing to be free of them”?’\nYou should answer them:\n‘It’s because those venerables frequent remote lodgings in the wilderness and the forest.\nIn such places there are no sights known by the eye to see and enjoy, there are no sounds known by the ear to hear and enjoy, no odors known by the nose to smell and enjoy, no flavors known by the tongue to taste and enjoy, and no touches known by the body to feel and enjoy.\nThese are the reasons and evidence that you have regarding those venerables that justifies saying,\n“Clearly those venerables are free of greed, hate, and delusion, or practicing to be free of them”.’\nWhen questioned by wanderers of other religions, that’s how you should answer them.”"}},{"id":"mn150:7","sourceIds":["mn150:7.1","mn150:7.2","mn150:7.3","mn150:7.4","mn150:7.5","mn150:7.6"],"kind":"text","text":{"pi":"Evaṁ vutte, nagaravindeyyakā brāhmaṇagahapatikā bhagavantaṁ etadavocuṁ:\n“abhikkantaṁ, bho gotama, abhikkantaṁ, bho gotama.\nSeyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā gotamena anekapariyāyena dhammo pakāsito.\nEte mayaṁ bhavantaṁ gotamaṁ saraṇaṁ gacchāma dhammañca bhikkhusaṅghañca.\nUpāsake no bhavaṁ gotamo dhāretu ajjatagge pāṇupete saraṇaṁ gate”ti.\nNagaravindeyyasuttaṁ niṭṭhitaṁ aṭṭhamaṁ.","en":"When he had spoken, the brahmins and householders of Nagaravinda said to the Buddha,\n“Excellent, worthy Gotama! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, worthy Gotama has made the Teaching clear in many ways.\nWe go for refuge to the worthy Gotama, to the teaching, and to the mendicant Saṅgha.\nFrom this day forth, may the worthy Gotama remember us as lay followers who have gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn150/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}