{"id":"mn17","title":"Jungle Thickets","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn17","title":"Jungle Thickets","units":[{"id":"mn17:0","sourceIds":["mn17:0.1","mn17:0.2"],"kind":"text","text":{"pi":"Majjhima Nikāya 17\nVanapatthasutta","en":"Middle Discourses 17\nJungle Thickets"}},{"id":"mn17:1","sourceIds":["mn17:1.1","mn17:1.2","mn17:1.3","mn17:1.4","mn17:1.5","mn17:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn17:2","sourceIds":["mn17:2.1","mn17:2.2","mn17:2.3","mn17:2.4"],"kind":"text","text":{"pi":"“vanapatthapariyāyaṁ vo, bhikkhave, desessāmi,\ntaṁ suṇātha, sādhukaṁ manasikarotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"“Mendicants, I will teach you an exposition about jungle thickets.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"mn17:3","sourceIds":["mn17:3.1","mn17:3.2","mn17:3.3","mn17:3.4","mn17:3.5","mn17:3.6","mn17:3.7"],"kind":"text","text":{"pi":"“Idha, bhikkhave, bhikkhu aññataraṁ vanapatthaṁ upanissāya viharati.\nTassa taṁ vanapatthaṁ upanissāya viharato anupaṭṭhitā ceva sati na upaṭṭhāti, asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāti.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te kasirena samudāgacchanti.\nTena, bhikkhave, bhikkhunā iti paṭisañcikkhitabbaṁ:\n‘ahaṁ kho imaṁ vanapatthaṁ upanissāya viharāmi, tassa me imaṁ vanapatthaṁ upanissāya viharato anupaṭṭhitā ceva sati na upaṭṭhāti, asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāmi.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te kasirena samudāgacchantī’ti.\nTena, bhikkhave, bhikkhunā rattibhāgaṁ vā divasabhāgaṁ vā tamhā vanapatthā pakkamitabbaṁ, na vatthabbaṁ.","en":"“Mendicants, take the case of a mendicant who lives close by a jungle thicket.\nAs they do so, their mindfulness does not become established, their mind does not become immersed in samādhi, their defilements do not come to an end, and they do not arrive at the supreme sanctuary from the yoke.\nAnd the necessities of life that a renunciate requires—robes, almsfood, lodgings, and medicines and supplies for the sick—are hard to come by.\nThat mendicant should reflect:\n‘While living close by this jungle thicket, my mindfulness does not become established, my mind does not become immersed in samādhi, my defilements do not come to an end, and I do not arrive at the supreme sanctuary from the yoke.\nAnd the necessities of life that a renunciate requires—robes, almsfood, lodgings, and medicines and supplies for the sick—are hard to come by.’\nThat mendicant should leave that jungle thicket that very time of night or day; they should not stay there."}},{"id":"mn17:4","sourceIds":["mn17:4.1","mn17:4.2","mn17:4.3","mn17:4.4","mn17:4.5","mn17:4.6","mn17:4.7","mn17:4.8","mn17:4.9"],"kind":"text","text":{"pi":"Idha pana, bhikkhave, bhikkhu aññataraṁ vanapatthaṁ upanissāya viharati.\nTassa taṁ vanapatthaṁ upanissāya viharato anupaṭṭhitā ceva sati na upaṭṭhāti, asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāti.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te appakasirena samudāgacchanti.\nTena, bhikkhave, bhikkhunā iti paṭisañcikkhitabbaṁ:\n‘ahaṁ kho imaṁ vanapatthaṁ upanissāya viharāmi. Tassa me imaṁ vanapatthaṁ upanissāya viharato anupaṭṭhitā ceva sati na upaṭṭhāti asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāmi.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te appakasirena samudāgacchanti.\nNa kho panāhaṁ cīvarahetu agārasmā anagāriyaṁ pabbajito na piṇḍapātahetu …pe… na senāsanahetu …pe… na gilānappaccayabhesajjaparikkhārahetu agārasmā anagāriyaṁ pabbajito.\nAtha ca pana me imaṁ vanapatthaṁ upanissāya viharato anupaṭṭhitā ceva sati na upaṭṭhāti, asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāmī’ti.\nTena, bhikkhave, bhikkhunā saṅkhāpi tamhā vanapatthā pakkamitabbaṁ, na vatthabbaṁ.","en":"Take another case of a mendicant who lives close by a jungle thicket.\nTheir mindfulness does not become established …\nBut the necessities of life are easy to come by.\nThat mendicant should reflect:\n‘While living close by this jungle thicket, my mindfulness does not become established …\nBut the necessities of life are easy to come by.\nBut I didn’t go forth from the lay life to homelessness for the sake of a robe, almsfood, lodgings, or medicines and supplies for the sick.\nMoreover, while living close by this jungle thicket, my mindfulness does not become established …’\nThat mendicant should, after appraisal, leave that jungle thicket; they should not stay there."}},{"id":"mn17:5","sourceIds":["mn17:5.1","mn17:5.2","mn17:5.3","mn17:5.4","mn17:5.5","mn17:5.6","mn17:5.7","mn17:5.8","mn17:5.9"],"kind":"text","text":{"pi":"Idha pana, bhikkhave, bhikkhu aññataraṁ vanapatthaṁ upanissāya viharati.\nTassa taṁ vanapatthaṁ upanissāya viharato anupaṭṭhitā ceva sati upaṭṭhāti, asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāti.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā, te kasirena samudāgacchanti. Tena, bhikkhave, bhikkhunā iti paṭisañcikkhitabbaṁ:\n‘ahaṁ kho imaṁ vanapatthaṁ upanissāya viharāmi.\nTassa me imaṁ vanapatthaṁ upanissāya viharato anupaṭṭhitā ceva sati upaṭṭhāti asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāmi.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te kasirena samudāgacchanti.\nNa kho panāhaṁ cīvarahetu agārasmā anagāriyaṁ pabbajito, na piṇḍapātahetu …pe… na senāsanahetu …pe… na gilānappaccayabhesajjaparikkhārahetu agārasmā anagāriyaṁ pabbajito.\nAtha ca pana me imaṁ vanapatthaṁ upanissāya viharato anupaṭṭhitā ceva sati upaṭṭhāti, asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāmī’ti.\nTena, bhikkhave, bhikkhunā saṅkhāpi tasmiṁ vanapatthe vatthabbaṁ, na pakkamitabbaṁ.","en":"Take another case of a mendicant who lives close by a jungle thicket.\nAs they do so, their mindfulness becomes established, their mind becomes immersed in samādhi, their defilements come to an end, and they arrive at the supreme sanctuary from the yoke.\nBut the necessities of life that a renunciate requires—robes, almsfood, lodgings, and medicines and supplies for the sick—are hard to come by. That mendicant should reflect:\n‘While living close by this jungle thicket, my mindfulness becomes established …\nBut the necessities of life are hard to come by.\nBut I didn’t go forth from the lay life to homelessness for the sake of a robe, almsfood, lodgings, or medicines and supplies for the sick.\nMoreover, while living close by this jungle thicket, my mindfulness becomes established …’\nThat mendicant should, after appraisal, stay in that jungle thicket; they should not leave."}},{"id":"mn17:6","sourceIds":["mn17:6.1","mn17:6.2","mn17:6.3","mn17:6.4","mn17:6.5","mn17:6.6","mn17:6.7"],"kind":"text","text":{"pi":"Idha pana, bhikkhave, bhikkhu aññataraṁ vanapatthaṁ upanissāya viharati.\nTassa taṁ vanapatthaṁ upanissāya viharato anupaṭṭhitā ceva sati upaṭṭhāti, asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāti.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te appakasirena samudāgacchanti.\nTena, bhikkhave, bhikkhunā iti paṭisañcikkhitabbaṁ:\n‘ahaṁ kho imaṁ vanapatthaṁ upanissāya viharāmi. Tassa me imaṁ vanapatthaṁ upanissāya viharato anupaṭṭhitā ceva sati upaṭṭhāti asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāmi.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te appakasirena samudāgacchantī’ti.\nTena, bhikkhave, bhikkhunā yāvajīvampi tasmiṁ vanapatthe vatthabbaṁ, na pakkamitabbaṁ.","en":"Take another case of a mendicant who lives close by a jungle thicket.\nTheir mindfulness becomes established …\nAnd the necessities of life are easy to come by.\nThat mendicant should reflect:\n‘While living close by this jungle thicket, my mindfulness becomes established …\nAnd the necessities of life are easy to come by.’\nThat mendicant should stay in that jungle thicket for the rest of their life; they should not leave."}},{"id":"mn17:7-10","sourceIds":["mn17:7-10.1"],"kind":"text","text":{"pi":"Idha, bhikkhave, bhikkhu aññataraṁ gāmaṁ upanissāya viharati …pe…","en":"Take the case of a mendicant who lives supported by a village …"}},{"id":"mn17:11-14","sourceIds":["mn17:11-14.1"],"kind":"text","text":{"pi":"aññataraṁ nigamaṁ upanissāya viharati …pe…","en":"town …"}},{"id":"mn17:15-18","sourceIds":["mn17:15-18.1"],"kind":"text","text":{"pi":"aññataraṁ nagaraṁ upanissāya viharati …pe…","en":"city …"}},{"id":"mn17:19-22","sourceIds":["mn17:19-22.1"],"kind":"text","text":{"pi":"aññataraṁ janapadaṁ upanissāya viharati …pe…","en":"country …"}},{"id":"mn17:23","sourceIds":["mn17:23.1","mn17:23.2","mn17:23.3","mn17:23.4","mn17:23.5","mn17:23.6","mn17:23.7"],"kind":"text","text":{"pi":"aññataraṁ puggalaṁ upanissāya viharati.\nTassa taṁ puggalaṁ upanissāya viharato anupaṭṭhitā ceva sati na upaṭṭhāti, asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāti.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te kasirena samudāgacchanti.\nTena, bhikkhave, bhikkhunā iti paṭisañcikkhitabbaṁ:\n‘ahaṁ kho imaṁ puggalaṁ upanissāya viharāmi. Tassa me imaṁ puggalaṁ upanissāya viharato anupaṭṭhitā ceva sati na upaṭṭhāti, asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāmi.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te kasirena samudāgacchantī’ti.\nTena, bhikkhave, bhikkhunā rattibhāgaṁ vā divasabhāgaṁ vā so puggalo anāpucchā pakkamitabbaṁ, nānubandhitabbo.","en":"an individual.\nAs they do so, their mindfulness does not become established, their mind does not become immersed in samādhi, their defilements do not come to an end, and they do not arrive at the supreme sanctuary from the yoke.\nAnd the necessities of life that a renunciate requires—robes, almsfood, lodgings, and medicines and supplies for the sick—are hard to come by.\nThat mendicant should reflect:\n‘… my mindfulness does not become established …\nAnd the necessities of life are hard to come by.’\nThat mendicant should leave that individual at any time of the day or night, without taking leave; they should not follow them. …"}},{"id":"mn17:24","sourceIds":["mn17:24.1","mn17:24.2","mn17:24.3","mn17:24.4","mn17:24.5","mn17:24.6","mn17:24.7","mn17:24.8","mn17:24.9"],"kind":"text","text":{"pi":"Idha pana, bhikkhave, bhikkhu aññataraṁ puggalaṁ upanissāya viharati.\nTassa taṁ puggalaṁ upanissāya viharato anupaṭṭhitā ceva sati na upaṭṭhāti, asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāti.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā, te appakasirena samudāgacchanti.\nTena, bhikkhave, bhikkhunā iti paṭisañcikkhitabbaṁ:\n‘ahaṁ kho imaṁ puggalaṁ upanissāya viharāmi. Tassa me imaṁ puggalaṁ upanissāya viharato anupaṭṭhitā ceva sati na upaṭṭhāti, asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāmi.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te appakasirena samudāgacchanti.\nNa kho panāhaṁ cīvarahetu agārasmā anagāriyaṁ pabbajito, na piṇḍapātahetu …pe… na senāsanahetu …pe… na gilānappaccayabhesajjaparikkhārahetu agārasmā anagāriyaṁ pabbajito.\nAtha ca pana me imaṁ puggalaṁ upanissāya viharato anupaṭṭhitā ceva sati na upaṭṭhāti, asamāhitañca cittaṁ na samādhiyati, aparikkhīṇā ca āsavā na parikkhayaṁ gacchanti, ananuppattañca anuttaraṁ yogakkhemaṁ nānupāpuṇāmī’ti.\nTena, bhikkhave, bhikkhunā saṅkhāpi so puggalo āpucchā pakkamitabbaṁ, nānubandhitabbo.","en":"Take another case of a mendicant who lives supported by an individual.\nTheir mindfulness does not become established …\nBut the necessities of life are easy to come by.\nThat mendicant should reflect:\n‘… my mindfulness does not become established …\nBut the necessities of life are easy to come by.’ …\nThat mendicant should, after appraisal, leave that individual having taken leave; they should not follow them. …"}},{"id":"mn17:25","sourceIds":["mn17:25.1","mn17:25.2","mn17:25.3","mn17:25.4","mn17:25.5","mn17:25.6","mn17:25.7","mn17:25.8","mn17:25.9"],"kind":"text","text":{"pi":"Idha pana, bhikkhave, bhikkhu aññataraṁ puggalaṁ upanissāya viharati.\nTassa taṁ puggalaṁ upanissāya viharato anupaṭṭhitā ceva sati upaṭṭhāti, asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāti.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te kasirena samudāgacchanti.\nTena, bhikkhave, bhikkhunā iti paṭisañcikkhitabbaṁ:\n‘ahaṁ kho imaṁ puggalaṁ upanissāya viharāmi. Tassa me imaṁ puggalaṁ upanissāya viharato anupaṭṭhitā ceva sati upaṭṭhāti, asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāmi.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te kasirena samudāgacchanti.\nNa kho panāhaṁ cīvarahetu agārasmā anagāriyaṁ pabbajito, na piṇḍapātahetu …pe… na senāsanahetu …pe… na gilānappaccayabhesajjaparikkhārahetu agārasmā anagāriyaṁ pabbajito.\nAtha ca pana me imaṁ puggalaṁ upanissāya viharato anupaṭṭhitā ceva sati upaṭṭhāti, asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāmī’ti.\nTena, bhikkhave, bhikkhunā saṅkhāpi so puggalo anubandhitabbo, na pakkamitabbaṁ.","en":"Take another case of a mendicant who lives supported by an individual.\nTheir mindfulness becomes established …\nBut the necessities of life are hard to come by.\nThat mendicant should reflect:\n‘… my mindfulness becomes established …\nBut the necessities of life are hard to come by.’ …\nThat mendicant should, after appraisal, follow that individual; they should not leave."}},{"id":"mn17:26","sourceIds":["mn17:26.1","mn17:26.2","mn17:26.3","mn17:26.4","mn17:26.5","mn17:26.6","mn17:26.7","mn17:26.8","mn17:26.9","mn17:26.10"],"kind":"text","text":{"pi":"Idha pana, bhikkhave, bhikkhu aññataraṁ puggalaṁ upanissāya viharati.\nTassa taṁ puggalaṁ upanissāya viharato anupaṭṭhitā ceva sati upaṭṭhāti, asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāti.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te appakasirena samudāgacchanti.\nTena, bhikkhave, bhikkhunā iti paṭisañcikkhitabbaṁ:\n‘ahaṁ kho imaṁ puggalaṁ upanissāya viharāmi. Tassa me imaṁ puggalaṁ upanissāya viharato anupaṭṭhitā ceva sati upaṭṭhāti, asamāhitañca cittaṁ samādhiyati, aparikkhīṇā ca āsavā parikkhayaṁ gacchanti, ananuppattañca anuttaraṁ yogakkhemaṁ anupāpuṇāmi.\nYe ca kho ime pabbajitena jīvitaparikkhārā samudānetabbā—cīvarapiṇḍapātasenāsanagilānappaccayabhesajjaparikkhārā—te appakasirena samudāgacchantī’ti.\nTena, bhikkhave, bhikkhunā yāvajīvampi so puggalo anubandhitabbo, na pakkamitabbaṁ, api panujjamānenapī”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nVanapatthasuttaṁ niṭṭhitaṁ sattamaṁ.","en":"Take another case of a mendicant who lives supported by an individual.\nAs they do so, their mindfulness becomes established, their mind becomes immersed in samādhi, their defilements come to an end, and they arrive at the supreme sanctuary from the yoke.\nAnd the necessities of life that a renunciate requires—robes, almsfood, lodgings, and medicines and supplies for the sick—are easy to come by.\nThat mendicant should reflect:\n‘While living supported by this individual, my mindfulness becomes established …\nAnd the necessities of life are easy to come by.’\nThat mendicant should follow that individual for the rest of their life; they should not leave them, even if driven away.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn17/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}