{"id":"mn24","title":"Chariots at the Ready","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn24","title":"Chariots at the Ready","units":[{"id":"mn24:0","sourceIds":["mn24:0.1","mn24:0.2"],"kind":"text","text":{"pi":"Majjhima Nikāya 24\nRathavinītasutta","en":"Middle Discourses 24\nChariots at the Ready"}},{"id":"mn24:1","sourceIds":["mn24:1.1","mn24:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground."}},{"id":"mn24:2","sourceIds":["mn24:2.1","mn24:2.2","mn24:2.3","mn24:2.4","mn24:2.5"],"kind":"text","text":{"pi":"Atha kho sambahulā jātibhūmakā bhikkhū jātibhūmiyaṁ vassaṁvuṭṭhā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinne kho te bhikkhū bhagavā etadavoca:\n“Ko nu kho, bhikkhave, jātibhūmiyaṁ jātibhūmakānaṁ bhikkhūnaṁ sabrahmacārīnaṁ evaṁ sambhāvito:\n‘attanā ca appiccho appicchakathañca bhikkhūnaṁ kattā, attanā ca santuṭṭho santuṭṭhikathañca bhikkhūnaṁ kattā, attanā ca pavivitto pavivekakathañca bhikkhūnaṁ kattā, attanā ca asaṁsaṭṭho asaṁsaggakathañca bhikkhūnaṁ kattā, attanā ca āraddhavīriyo vīriyārambhakathañca bhikkhūnaṁ kattā, attanā ca sīlasampanno sīlasampadākathañca bhikkhūnaṁ kattā, attanā ca samādhisampanno samādhisampadākathañca bhikkhūnaṁ kattā, attanā ca paññāsampanno paññāsampadākathañca bhikkhūnaṁ kattā, attanā ca vimuttisampanno vimuttisampadākathañca bhikkhūnaṁ kattā, attanā ca vimuttiñāṇadassanasampanno vimuttiñāṇadassanasampadākathañca bhikkhūnaṁ kattā, ovādako viññāpako sandassako samādapako samuttejako sampahaṁsako sabrahmacārīnan’”ti?\n“Puṇṇo nāma, bhante, āyasmā mantāṇiputto jātibhūmiyaṁ jātibhūmakānaṁ bhikkhūnaṁ sabrahmacārīnaṁ evaṁ sambhāvito:\n‘attanā ca appiccho appicchakathañca bhikkhūnaṁ kattā, attanā ca santuṭṭho …pe… ovādako viññāpako sandassako samādapako samuttejako sampahaṁsako sabrahmacārīnan’”ti.","en":"Then several mendicants who had completed the rainy season residence in their native land went to the Buddha, bowed, and sat down to one side. The Buddha said to them:\n“In your native land, mendicants, which of the native mendicants is esteemed in this way:\n‘Personally having few wishes, they speak to the mendicants on having few wishes. Personally having contentment, seclusion, aloofness, energy, ethics, immersion, wisdom, freedom, and the knowledge and vision of freedom, they speak to the mendicants on all these things. They’re an adviser and counselor, one who educates, encourages, fires up, and inspires their spiritual companions.’”\n“Puṇṇa son of Mantāṇī, sir, is esteemed in this way in our native land.”"}},{"id":"mn24:3","sourceIds":["mn24:3.1","mn24:3.2","mn24:3.3","mn24:3.4","mn24:3.5"],"kind":"text","text":{"pi":"Tena kho pana samayena āyasmā sāriputto bhagavato avidūre nisinno hoti.\nAtha kho āyasmato sāriputtassa etadahosi:\n“lābhā āyasmato puṇṇassa mantāṇiputtassa, suladdhalābhā āyasmato puṇṇassa mantāṇiputtassa,\nyassa viññū sabrahmacārī satthu sammukhā anumassa anumassa vaṇṇaṁ bhāsanti, tañca satthā abbhanumodati.\nAppeva nāma mayampi kadāci karahaci āyasmatā puṇṇena mantāṇiputtena saddhiṁ samāgaccheyyāma, appeva nāma siyā kocideva kathāsallāpo”ti.","en":"Now at that time Venerable Sāriputta was sitting not far from the Buddha.\nThen he thought:\n“Puṇṇa son of Mantāṇī is fortunate, so very fortunate,\nin that his sensible spiritual companions praise him point by point in the presence of the Teacher, and that the Teacher seconds that appreciation.\nHopefully, some time or other I’ll get to meet Venerable Puṇṇa, and we can have a discussion.”"}},{"id":"mn24:4","sourceIds":["mn24:4.1","mn24:4.2","mn24:4.3","mn24:4.4"],"kind":"text","text":{"pi":"Atha kho bhagavā rājagahe yathābhirantaṁ viharitvā yena sāvatthi tena cārikaṁ pakkāmi.\nAnupubbena cārikaṁ caramāno yena sāvatthi tadavasari.\nTatra sudaṁ bhagavā sāvatthiyaṁ viharati jetavane anāthapiṇḍikassa ārāme.\nAssosi kho āyasmā puṇṇo mantāṇiputto: “bhagavā kira sāvatthiṁ anuppatto; sāvatthiyaṁ viharati jetavane anāthapiṇḍikassa ārāme”ti.","en":"When the Buddha had stayed in Rājagaha as long as he pleased, he set out for Sāvatthī.\nTraveling stage by stage, he arrived at Sāvatthī,\nwhere he stayed in Jeta’s Grove, Anāthapiṇḍika’s monastery.\nPuṇṇa heard that the Buddha had arrived at Sāvatthī."}},{"id":"mn24:5","sourceIds":["mn24:5.1","mn24:5.2","mn24:5.3","mn24:5.4"],"kind":"text","text":{"pi":"Atha kho āyasmā puṇṇo mantāṇiputto senāsanaṁ saṁsāmetvā pattacīvaramādāya yena sāvatthi tena cārikaṁ pakkāmi.\nAnupubbena cārikaṁ caramāno yena sāvatthi jetavanaṁ anāthapiṇḍikassa ārāmo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinnaṁ kho āyasmantaṁ puṇṇaṁ mantāṇiputtaṁ bhagavā dhammiyā kathāya sandassesi samādapesi samuttejesi sampahaṁsesi.\nAtha kho āyasmā puṇṇo mantāṇiputto bhagavatā dhammiyā kathāya sandassito samādapito samuttejito sampahaṁsito bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā yena andhavanaṁ tenupasaṅkami divāvihārāya.","en":"Then he set his lodgings in order and, taking his bowl and robe, set out for Sāvatthī.\nEventually he came to Sāvatthī and Jeta’s Grove. He went up to the Buddha, bowed, and sat down to one side.\nThe Buddha educated, encouraged, fired up, and inspired him with a Dhamma talk.\nThen, having approved and agreed with what the Buddha said, Puṇṇa rose from his seat, bowed, and respectfully circled the Buddha, keeping him on his right. Then he went to the Dark Forest for the day’s meditation."}},{"id":"mn24:6","sourceIds":["mn24:6.1","mn24:6.2"],"kind":"text","text":{"pi":"Atha kho aññataro bhikkhu yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ etadavoca:\n“yassa kho tvaṁ, āvuso sāriputta, puṇṇassa nāma bhikkhuno mantāṇiputtassa abhiṇhaṁ kittayamāno ahosi, so bhagavatā dhammiyā kathāya sandassito samādapito samuttejito sampahaṁsito bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā yena andhavanaṁ tena pakkanto divāvihārāyā”ti.","en":"Then a certain mendicant went up to Venerable Sāriputta, and said to him,\n“Reverend Sāriputta, the mendicant named Puṇṇa, of whom you have often spoken so highly, after being inspired by a talk of the Buddha’s, left for the Dark Forest for the day’s meditation.”"}},{"id":"mn24:7","sourceIds":["mn24:7.1","mn24:7.2","mn24:7.3"],"kind":"text","text":{"pi":"Atha kho āyasmā sāriputto taramānarūpo nisīdanaṁ ādāya āyasmantaṁ puṇṇaṁ mantāṇiputtaṁ piṭṭhito piṭṭhito anubandhi sīsānulokī.\nAtha kho āyasmā puṇṇo mantāṇiputto andhavanaṁ ajjhogāhetvā aññatarasmiṁ rukkhamūle divāvihāraṁ nisīdi.\nĀyasmāpi kho sāriputto andhavanaṁ ajjhogāhetvā aññatarasmiṁ rukkhamūle divāvihāraṁ nisīdi.","en":"Sāriputta quickly grabbed his sitting cloth and followed behind Puṇṇa, keeping sight of his head.\nPuṇṇa plunged deep into the Dark Forest and sat at the root of a tree for the day’s meditation.\nAnd Sāriputta did likewise."}},{"id":"mn24:8","sourceIds":["mn24:8.1","mn24:8.2"],"kind":"text","text":{"pi":"Atha kho āyasmā sāriputto sāyanhasamayaṁ paṭisallānā vuṭṭhito yenāyasmā puṇṇo mantāṇiputto tenupasaṅkami; upasaṅkamitvā āyasmatā puṇṇena mantāṇiputtena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho āyasmā sāriputto āyasmantaṁ puṇṇaṁ mantāṇiputtaṁ etadavoca:","en":"Then in the late afternoon, Sāriputta came out of retreat, went to Puṇṇa, and exchanged greetings with him.\nWhen the greetings and polite conversation were over, he sat down to one side and said to Puṇṇa:"}},{"id":"mn24:9","sourceIds":["mn24:9.1","mn24:9.2","mn24:9.3","mn24:9.4","mn24:9.5","mn24:9.6","mn24:9.7","mn24:9.8","mn24:9.9","mn24:9.10","mn24:9.11","mn24:9.12","mn24:9.13","mn24:9.14","mn24:9.15","mn24:9.16"],"kind":"text","text":{"pi":"“Bhagavati no, āvuso, brahmacariyaṁ vussatī”ti?\n“Evamāvuso”ti.\n“Kiṁ nu kho, āvuso, sīlavisuddhatthaṁ bhagavati brahmacariyaṁ vussatī”ti?\n“No hidaṁ, āvuso”.\n“Kiṁ panāvuso, cittavisuddhatthaṁ bhagavati brahmacariyaṁ vussatī”ti?\n“No hidaṁ, āvuso”.\n“Kiṁ nu kho, āvuso, diṭṭhivisuddhatthaṁ bhagavati brahmacariyaṁ vussatī”ti?\n“No hidaṁ, āvuso”.\n“Kiṁ panāvuso, kaṅkhāvitaraṇavisuddhatthaṁ bhagavati brahmacariyaṁ vussatī”ti?\n“No hidaṁ, āvuso”.\n“Kiṁ nu kho, āvuso, maggāmaggañāṇadassanavisuddhatthaṁ bhagavati brahmacariyaṁ vussatī”ti?\n“No hidaṁ, āvuso”.\n“Kiṁ panāvuso, paṭipadāñāṇadassanavisuddhatthaṁ bhagavati brahmacariyaṁ vussatī”ti?\n“No hidaṁ, āvuso”.\n“Kiṁ nu kho, āvuso, ñāṇadassanavisuddhatthaṁ bhagavati brahmacariyaṁ vussatī”ti?\n“No hidaṁ, āvuso”.","en":"“Reverend, is our spiritual life lived under the Buddha?”\n“Yes, reverend.”\n“Is the spiritual life lived under the Buddha for the sake of purification of ethics?”\n“Certainly not.”\n“Well, is the spiritual life lived under the Buddha for the sake of purification of mind?”\n“Certainly not.”\n“Is the spiritual life lived under the Buddha for the sake of purification of view?”\n“Certainly not.”\n“Well, is the spiritual life lived under the Buddha for the sake of purification by traversing doubt?”\n“Certainly not.”\n“Is the spiritual life lived under the Buddha for the sake of purification of knowledge and vision of what is the path and what is not the path?”\n“Certainly not.”\n“Well, is the spiritual life lived under the Buddha for the sake of purification of knowledge and vision of the practice?”\n“Certainly not.”\n“Is the spiritual life lived under the Buddha for the sake of purification of knowledge and vision?”\n“Certainly not.”"}},{"id":"mn24:10","sourceIds":["mn24:10.1","mn24:10.2","mn24:10.3","mn24:10.4","mn24:10.5","mn24:10.6","mn24:10.7","mn24:10.8","mn24:10.9"],"kind":"text","text":{"pi":"“‘Kiṁ nu kho, āvuso, sīlavisuddhatthaṁ bhagavati brahmacariyaṁ vussatī’ti iti puṭṭho samāno ‘no hidaṁ, āvuso’ti vadesi.\n‘Kiṁ panāvuso, cittavisuddhatthaṁ bhagavati brahmacariyaṁ vussatī’ti iti puṭṭho samāno ‘no hidaṁ, āvuso’ti vadesi.\n‘Kiṁ nu kho, āvuso, diṭṭhivisuddhatthaṁ …pe…\nkaṅkhāvitaraṇavisuddhatthaṁ …pe…\nmaggāmaggañāṇadassanavisuddhatthaṁ …pe…\npaṭipadāñāṇadassanavisuddhatthaṁ …pe…\nkiṁ nu kho, āvuso, ñāṇadassanavisuddhatthaṁ bhagavati brahmacariyaṁ vussatī’ti iti puṭṭho samāno ‘no hidaṁ āvuso’ti vadesi.\nKimatthaṁ carahāvuso, bhagavati brahmacariyaṁ vussatī”ti?\n“Anupādāparinibbānatthaṁ kho, āvuso, bhagavati brahmacariyaṁ vussatī”ti.","en":"“When asked each of these questions, you answered, ‘Certainly not.’\nThen what exactly is the goal of leading the spiritual life under the Buddha?”\n“The goal of leading the spiritual life under the Buddha is complete extinguishment with no fuel for grasping.”"}},{"id":"mn24:11","sourceIds":["mn24:11.1","mn24:11.2","mn24:11.3","mn24:11.4","mn24:11.5","mn24:11.6","mn24:11.7","mn24:11.8","mn24:11.9","mn24:11.10","mn24:11.11","mn24:11.12","mn24:11.13","mn24:11.14","mn24:11.15","mn24:11.16"],"kind":"text","text":{"pi":"“Kiṁ nu kho, āvuso, sīlavisuddhi anupādāparinibbānan”ti?\n“No hidaṁ, āvuso”.\n“Kiṁ panāvuso, cittavisuddhi anupādāparinibbānan”ti?\n“No hidaṁ, āvuso”.\n“Kiṁ nu kho, āvuso, diṭṭhivisuddhi anupādāparinibbānan”ti?\n“No hidaṁ, āvuso”.\n“Kiṁ panāvuso, kaṅkhāvitaraṇavisuddhi anupādāparinibbānan”ti?\n“No hidaṁ, āvuso”.\n“Kiṁ nu kho, āvuso, maggāmaggañāṇadassanavisuddhi anupādāparinibbānan”ti?\n“No hidaṁ, āvuso”.\n“Kiṁ panāvuso, paṭipadāñāṇadassanavisuddhi anupādāparinibbānan”ti?\n“No hidaṁ, āvuso”.\n“Kiṁ nu kho, āvuso, ñāṇadassanavisuddhi anupādāparinibbānan”ti?\n“No hidaṁ, āvuso”.\n“Kiṁ panāvuso, aññatra imehi dhammehi anupādāparinibbānan”ti?\n“No hidaṁ, āvuso”.","en":"“Reverend, is purification of ethics complete extinguishment with no fuel for grasping?”\n“Certainly not, reverend.”\n“Is purification of mind …\npurification of view …\npurification by traversing doubt …\npurification of knowledge and vision of what is the path and what is not the path …\npurification of knowledge and vision of the practice …\nIs purification of knowledge and vision complete extinguishment with no fuel for grasping?”\n“Certainly not.”\n“Then is complete extinguishment with no fuel for grasping something apart from these things?”\n“Certainly not.”"}},{"id":"mn24:12","sourceIds":["mn24:12.1","mn24:12.2","mn24:12.3","mn24:12.4","mn24:12.5","mn24:12.6","mn24:12.7","mn24:12.8","mn24:12.9"],"kind":"text","text":{"pi":"“‘Kiṁ nu kho, āvuso, sīlavisuddhi anupādāparinibbānan’ti iti puṭṭho samāno ‘no hidaṁ, āvuso’ti vadesi.\n‘Kiṁ panāvuso, cittavisuddhi anupādāparinibbānan’ti iti puṭṭho samāno ‘no hidaṁ, āvuso’ti vadesi.\n‘Kiṁ nu kho, āvuso, diṭṭhivisuddhi anupādāparinibbānan’ti …pe…\nkaṅkhāvitaraṇavisuddhi …\nmaggāmaggañāṇadassanavisuddhi …\npaṭipadāñāṇadassanavisuddhi …\n‘kiṁ nu kho, āvuso, ñāṇadassanavisuddhi anupādāparinibbānan’ti iti puṭṭho samāno ‘no hidaṁ, āvuso’ti vadesi.\n‘Kiṁ panāvuso, aññatra imehi dhammehi anupādāparinibbānan’ti iti puṭṭho samāno ‘no hidaṁ, āvuso’ti vadesi.\nYathākathaṁ panāvuso, imassa bhāsitassa attho daṭṭhabbo”ti?","en":"“When asked each of these questions, you answered, ‘Certainly not.’\nHow then should we see the meaning of this statement?”"}},{"id":"mn24:13","sourceIds":["mn24:13.1","mn24:13.2","mn24:13.3","mn24:13.4","mn24:13.5","mn24:13.6","mn24:13.7","mn24:13.8","mn24:13.9"],"kind":"text","text":{"pi":"“Sīlavisuddhiñce, āvuso, bhagavā anupādāparinibbānaṁ paññapeyya, saupādānaṁyeva samānaṁ anupādāparinibbānaṁ paññapeyya.\nCittavisuddhiñce, āvuso, bhagavā anupādāparinibbānaṁ paññapeyya, saupādānaṁyeva samānaṁ anupādāparinibbānaṁ paññapeyya.\nDiṭṭhivisuddhiñce, āvuso, bhagavā anupādāparinibbānaṁ paññapeyya, saupādānaṁyeva samānaṁ anupādāparinibbānaṁ paññapeyya.\nKaṅkhāvitaraṇavisuddhiñce, āvuso, bhagavā anupādāparinibbānaṁ paññapeyya, saupādānaṁyeva samānaṁ anupādāparinibbānaṁ paññapeyya.\nMaggāmaggañāṇadassanavisuddhiñce, āvuso, bhagavā anupādāparinibbānaṁ paññapeyya, saupādānaṁyeva samānaṁ anupādāparinibbānaṁ paññapeyya.\nPaṭipadāñāṇadassanavisuddhiñce, āvuso, bhagavā anupādāparinibbānaṁ paññapeyya, saupādānaṁyeva samānaṁ anupādāparinibbānaṁ paññapeyya.\nÑāṇadassanavisuddhiñce, āvuso, bhagavā anupādāparinibbānaṁ paññapeyya, saupādānaṁyeva samānaṁ anupādāparinibbānaṁ paññapeyya.\nAññatra ce, āvuso, imehi dhammehi anupādāparinibbānaṁ abhavissa, puthujjano parinibbāyeyya.\nPuthujjano hi, āvuso, aññatra imehi dhammehi.","en":"“If the Buddha had asserted purification of ethics to be complete extinguishment with no fuel for grasping, he would have asserted that which grasps fuel to be complete extinguishment without grasping fuel.\nIf the Buddha had asserted purification of mind …\npurification of view …\npurification by traversing doubt …\npurification of knowledge and vision of what is the path and what is not the path …\npurification of knowledge and vision of the practice …\nIf the Buddha had asserted purification of knowledge and vision to be complete extinguishment with no fuel for grasping, he would have asserted that which grasps fuel to be complete extinguishment without grasping fuel.\nBut if complete extinguishment with no fuel for grasping was something apart from these things, an ordinary person would become extinguished.\nFor an ordinary person lacks these things."}},{"id":"mn24:14","sourceIds":["mn24:14.1","mn24:14.2","mn24:14.3","mn24:14.4","mn24:14.5","mn24:14.6","mn24:14.7","mn24:14.8","mn24:14.9","mn24:14.10","mn24:14.11","mn24:14.12","mn24:14.13","mn24:14.14","mn24:14.15","mn24:14.16","mn24:14.17","mn24:14.18","mn24:14.19","mn24:14.20","mn24:14.21","mn24:14.22","mn24:14.23","mn24:14.24","mn24:14.25","mn24:14.26"],"kind":"text","text":{"pi":"Tena hāvuso, upamaṁ te karissāmi;\nupamāyapidhekacce viññū purisā bhāsitassa atthaṁ ājānanti.\nSeyyathāpi, āvuso, rañño pasenadissa kosalassa sāvatthiyaṁ paṭivasantassa sākete kiñcideva accāyikaṁ karaṇīyaṁ uppajjeyya.\nTassa antarā ca sāvatthiṁ antarā ca sāketaṁ satta rathavinītāni upaṭṭhapeyyuṁ.\nAtha kho, āvuso, rājā pasenadi kosalo sāvatthiyā nikkhamitvā antepuradvārā paṭhamaṁ rathavinītaṁ abhiruheyya, paṭhamena rathavinītena dutiyaṁ rathavinītaṁ pāpuṇeyya, paṭhamaṁ rathavinītaṁ vissajjeyya dutiyaṁ rathavinītaṁ abhiruheyya.\nDutiyena rathavinītena tatiyaṁ rathavinītaṁ pāpuṇeyya, dutiyaṁ rathavinītaṁ vissajjeyya, tatiyaṁ rathavinītaṁ abhiruheyya.\nTatiyena rathavinītena catutthaṁ rathavinītaṁ pāpuṇeyya, tatiyaṁ rathavinītaṁ vissajjeyya, catutthaṁ rathavinītaṁ abhiruheyya.\nCatutthena rathavinītena pañcamaṁ rathavinītaṁ pāpuṇeyya, catutthaṁ rathavinītaṁ vissajjeyya, pañcamaṁ rathavinītaṁ abhiruheyya.\nPañcamena rathavinītena chaṭṭhaṁ rathavinītaṁ pāpuṇeyya, pañcamaṁ rathavinītaṁ vissajjeyya, chaṭṭhaṁ rathavinītaṁ abhiruheyya.\nChaṭṭhena rathavinītena sattamaṁ rathavinītaṁ pāpuṇeyya, chaṭṭhaṁ rathavinītaṁ vissajjeyya, sattamaṁ rathavinītaṁ abhiruheyya.\nSattamena rathavinītena sāketaṁ anupāpuṇeyya antepuradvāraṁ.\nTamenaṁ antepuradvāragataṁ samānaṁ mittāmaccā ñātisālohitā evaṁ puccheyyuṁ:\n‘iminā tvaṁ, mahārāja, rathavinītena sāvatthiyā sāketaṁ anuppatto antepuradvāran’ti?\nKathaṁ byākaramāno nu kho, āvuso, rājā pasenadi kosalo sammā byākaramāno byākareyyā”ti?\n“Evaṁ byākaramāno kho, āvuso, rājā pasenadi kosalo sammā byākaramāno byākareyya:\n‘idha me sāvatthiyaṁ paṭivasantassa sākete kiñcideva accāyikaṁ karaṇīyaṁ uppajji.\nTassa me antarā ca sāvatthiṁ antarā ca sāketaṁ satta rathavinītāni upaṭṭhapesuṁ.\nAtha khvāhaṁ sāvatthiyā nikkhamitvā antepuradvārā paṭhamaṁ rathavinītaṁ abhiruhiṁ.\nPaṭhamena rathavinītena dutiyaṁ rathavinītaṁ pāpuṇiṁ, paṭhamaṁ rathavinītaṁ vissajjiṁ dutiyaṁ rathavinītaṁ abhiruhiṁ.\nDutiyena rathavinītena tatiyaṁ rathavinītaṁ pāpuṇiṁ, dutiyaṁ rathavinītaṁ vissajjiṁ, tatiyaṁ rathavinītaṁ abhiruhiṁ.\nTatiyena rathavinītena catutthaṁ rathavinītaṁ pāpuṇiṁ, tatiyaṁ rathavinītaṁ vissajjiṁ, catutthaṁ rathavinītaṁ abhiruhiṁ.\nCatutthena rathavinītena pañcamaṁ rathavinītaṁ pāpuṇiṁ, catutthaṁ rathavinītaṁ vissajjiṁ, pañcamaṁ rathavinītaṁ abhiruhiṁ.\nPañcamena rathavinītena chaṭṭhaṁ rathavinītaṁ pāpuṇiṁ, pañcamaṁ rathavinītaṁ vissajjiṁ, chaṭṭhaṁ rathavinītaṁ abhiruhiṁ.\nChaṭṭhena rathavinītena sattamaṁ rathavinītaṁ pāpuṇiṁ, chaṭṭhaṁ rathavinītaṁ vissajjiṁ, sattamaṁ rathavinītaṁ abhiruhiṁ.\nSattamena rathavinītena sāketaṁ anuppatto antepuradvāran’ti.\nEvaṁ byākaramāno kho, āvuso, rājā pasenadi kosalo sammā byākaramāno byākareyyā”ti.","en":"Well then, reverend, I shall give you a simile.\nFor by means of a simile some sensible people understand the meaning of what is said.\nSuppose that, while staying in Sāvatthī, King Pasenadi of Kosala had some urgent business come up in Sāketa.\nNow, between Sāvatthī and Sāketa seven chariots were stationed at the ready for him.\nThen Pasenadi, exiting Sāvatthī, mounted the first chariot at the ready by the gate of the royal compound. The first chariot at the ready would bring him to the second, where he’d dismount and mount the second chariot.\nThe second chariot at the ready would bring him to the third …\nThe third chariot at the ready would bring him to the fourth …\nThe fourth chariot at the ready would bring him to the fifth …\nThe fifth chariot at the ready would bring him to the sixth …\nThe sixth chariot at the ready would bring him to the seventh, where he’d dismount and mount the seventh chariot.\nThe seventh chariot at the ready would bring him to the gate of the royal compound of Sāketa.\nAnd when he was at the gate, friends and colleagues, relatives and kin would ask him:\n‘Great king, did you come to Sāketa from Sāvatthī by this chariot at the ready?’\nIf asked this, how should King Pasenadi rightly reply?”\n“The king should reply:\n‘Well, while staying in Sāvatthī, I had some urgent business come up in Sāketa.\nNow, between Sāvatthī and Sāketa seven chariots were stationed at the ready for me.\nThen, exiting Sāvatthī, I mounted the first chariot at the ready by the gate of the royal compound.\nThe first chariot at the ready brought me to the second, where I dismounted and mounted the second chariot. …\nThe second chariot brought me to the third …\nthe fourth …\nthe fifth …\nthe sixth …\nThe sixth chariot at the ready brought me to the seventh, where I dismounted and mounted the seventh chariot.\nThe seventh chariot at the ready brought me to the gate of the royal compound of Sāketa.’\nThat’s how King Pasenadi should rightly reply.”"}},{"id":"mn24:15","sourceIds":["mn24:15.1","mn24:15.2"],"kind":"text","text":{"pi":"“Evameva kho, āvuso, sīlavisuddhi yāvadeva cittavisuddhatthā, cittavisuddhi yāvadeva diṭṭhivisuddhatthā, diṭṭhivisuddhi yāvadeva kaṅkhāvitaraṇavisuddhatthā, kaṅkhāvitaraṇavisuddhi yāvadeva maggāmaggañāṇadassanavisuddhatthā, maggāmaggañāṇadassanavisuddhi yāvadeva paṭipadāñāṇadassanavisuddhatthā, paṭipadāñāṇadassanavisuddhi yāvadeva ñāṇadassanavisuddhatthā, ñāṇadassanavisuddhi yāvadeva anupādāparinibbānatthā.\nAnupādāparinibbānatthaṁ kho, āvuso, bhagavati brahmacariyaṁ vussatī”ti.","en":"“In the same way, reverend, purification of ethics is only for the sake of purification of mind. Purification of mind is only for the sake of purification of view. Purification of view is only for the sake of purification by traversing doubt. Purification by traversing doubt is only for the sake of purification of knowledge and vision of what is the path and what is not the path. Purification of knowledge and vision of what is the path and what is not the path is only for the sake of purification of knowledge and vision of the practice. Purification of knowledge and vision of the practice is only for the sake of purification of knowledge and vision. Purification of knowledge and vision is only for the sake of extinguishment with no fuel for grasping.\nThe spiritual life is lived under the Buddha for the sake of complete extinguishment with no fuel for grasping.”"}},{"id":"mn24:16","sourceIds":["mn24:16.1","mn24:16.2","mn24:16.3","mn24:16.4","mn24:16.5","mn24:16.6","mn24:16.7","mn24:16.8","mn24:16.9"],"kind":"text","text":{"pi":"Evaṁ vutte, āyasmā sāriputto āyasmantaṁ puṇṇaṁ mantāṇiputtaṁ etadavoca:\n“konāmo āyasmā, kathañca panāyasmantaṁ sabrahmacārī jānantī”ti?\n“Puṇṇoti kho me, āvuso, nāmaṁ;\nmantāṇiputtoti ca pana maṁ sabrahmacārī jānantī”ti.\n“Acchariyaṁ, āvuso, abbhutaṁ, āvuso.\nYathā taṁ sutavatā sāvakena sammadeva satthusāsanaṁ ājānantena, evameva āyasmatā puṇṇena mantāṇiputtena gambhīrā gambhīrapañhā anumassa anumassa byākatā.\nLābhā sabrahmacārīnaṁ, suladdhalābhā sabrahmacārīnaṁ,\nye āyasmantaṁ puṇṇaṁ mantāṇiputtaṁ labhanti dassanāya, labhanti payirūpāsanāya.\nCelaṇḍukena cepi sabrahmacārī āyasmantaṁ puṇṇaṁ mantāṇiputtaṁ muddhanā pariharantā labheyyuṁ dassanāya, labheyyuṁ payirūpāsanāya, tesampi lābhā tesampi suladdhaṁ, amhākampi lābhā amhākampi suladdhaṁ, ye mayaṁ āyasmantaṁ puṇṇaṁ mantāṇiputtaṁ labhāma dassanāya, labhāma payirūpāsanāyā”ti.","en":"When he said this, Sāriputta said to Puṇṇa,\n“What is the venerable’s name? And how are you known among your spiritual companions?”\n“Reverend, my name is Puṇṇa.\nAnd I am known as ‘son of Mantāṇī’ among my spiritual companions.”\n“It’s incredible, reverend, it’s amazing!\nVenerable Puṇṇa son of Mantāṇī has answered each deep question point by point, as a learned disciple who rightly understands the Teacher’s instructions.\nIt is fortunate for his spiritual companions, so very fortunate,\nthat they get to see Venerable Puṇṇa son of Mantāṇī and pay homage to him.\nEven if they only got to see him and pay respects to him by carrying him around on their heads on a roll of cloth, it would still be very fortunate for them! And it’s fortunate for me, so very fortunate, that I get to see the venerable and pay homage to him.”"}},{"id":"mn24:17","sourceIds":["mn24:17.1","mn24:17.2","mn24:17.3","mn24:17.4","mn24:17.5","mn24:17.6","mn24:17.7","mn24:17.8","mn24:17.9","mn24:17.10","mn24:17.11","mn24:17.12","mn24:17.13","mn24:17.14"],"kind":"text","text":{"pi":"Evaṁ vutte, āyasmā puṇṇo mantāṇiputto āyasmantaṁ sāriputtaṁ etadavoca:\n“ko nāmo āyasmā, kathañca panāyasmantaṁ sabrahmacārī jānantī”ti?\n“Upatissoti kho me, āvuso, nāmaṁ;\nsāriputtoti ca pana maṁ sabrahmacārī jānantī”ti.\n“Satthukappena vata kira, bho, sāvakena saddhiṁ mantayamānā na jānimha:\n‘āyasmā sāriputto’ti.\nSace hi mayaṁ jāneyyāma ‘āyasmā sāriputto’ti, ettakampi no nappaṭibhāseyya.\nAcchariyaṁ, āvuso, abbhutaṁ, āvuso.\nYathā taṁ sutavatā sāvakena sammadeva satthusāsanaṁ ājānantena, evameva āyasmatā sāriputtena gambhīrā gambhīrapañhā anumassa anumassa pucchitā.\nLābhā sabrahmacārīnaṁ suladdhalābhā sabrahmacārīnaṁ,\nye āyasmantaṁ sāriputtaṁ labhanti dassanāya, labhanti payirūpāsanāya.\nCelaṇḍukena cepi sabrahmacārī āyasmantaṁ sāriputtaṁ muddhanā pariharantā labheyyuṁ dassanāya, labheyyuṁ payirūpāsanāya, tesampi lābhā tesampi suladdhaṁ, amhākampi lābhā amhākampi suladdhaṁ, ye mayaṁ āyasmantaṁ sāriputtaṁ labhāma dassanāya, labhāma payirūpāsanāyā”ti.\nItiha te ubhopi mahānāgā aññamaññassa subhāsitaṁ samanumodiṁsūti.\nRathavinītasuttaṁ niṭṭhitaṁ catutthaṁ.","en":"When he said this, Puṇṇa said to Sāriputta,\n“What is the venerable’s name? And how are you known among your spiritual companions?”\n“Reverend, my name is Upatissa.\nAnd I am known as Sāriputta among my spiritual companions.”\n“Goodness! I had no idea I was consulting with the Venerable Sāriputta, the disciple who is fit to be compared with the Teacher himself!\nIf I’d known, I would not have said so much.\nIt’s incredible, reverend, it’s amazing!\nVenerable Sāriputta has asked each deep question point by point, as a learned disciple who rightly understands the Teacher’s instructions.\nIt is fortunate for his spiritual companions, so very fortunate,\nthat they get to see Venerable Sāriputta and pay homage to him.\nEven if they only got to see him and pay respects to him by carrying him around on their heads on a roll of cloth, it would still be very fortunate for them! And it’s fortunate for me, so very fortunate, that I get to see the venerable and pay homage to him.”\nAnd so these two spiritual giants agreed with each other’s fine words."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn24/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}