{"id":"mn30","title":"The Shorter Simile of the Heartwood","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn30","title":"The Shorter Simile of the Heartwood","units":[{"id":"mn30:0","sourceIds":["mn30:0.1","mn30:0.2"],"kind":"text","text":{"pi":"Majjhima Nikāya 30\nCūḷasāropamasutta","en":"Middle Discourses 30\nThe Shorter Simile of the Heartwood"}},{"id":"mn30:1","sourceIds":["mn30:1.1","mn30:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn30:2","sourceIds":["mn30:2.1","mn30:2.2","mn30:2.3","mn30:2.4","mn30:2.5","mn30:2.6","mn30:2.7","mn30:2.8","mn30:2.9","mn30:2.10","mn30:2.11"],"kind":"text","text":{"pi":"Atha kho piṅgalakoccho brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho piṅgalakoccho brāhmaṇo bhagavantaṁ etadavoca:\n“yeme, bho gotama, samaṇabrāhmaṇā saṅghino gaṇino gaṇācariyā ñātā yasassino titthakarā sādhusammatā, bahujanassa,\nseyyathidaṁ—pūraṇo kassapo, makkhali gosālo, ajito kesakambalo, pakudho kaccāyano, sañcayo belaṭṭhaputto, nigaṇṭho nāṭaputto,\nsabbete sakāya paṭiññāya abbhaññaṁsu sabbeva nābbhaññaṁsu, udāhu ekacce abbhaññaṁsu ekacce nābbhaññaṁsū”ti?\n“Alaṁ, brāhmaṇa, tiṭṭhatetaṁ—\nsabbete sakāya paṭiññāya abbhaññaṁsu sabbeva nābbhaññaṁsu, udāhu ekacce abbhaññaṁsu ekacce nābbhaññaṁsūti.\nDhammaṁ te, brāhmaṇa, desessāmi,\ntaṁ suṇāhi, sādhukaṁ manasi karohi, bhāsissāmī”ti.\n“Evaṁ, bho”ti kho piṅgalakoccho brāhmaṇo bhagavato paccassosi.\nBhagavā etadavoca:","en":"Then the brahmin Piṅgalakoccha went up to the Buddha, and exchanged greetings with him.\nWhen the greetings and polite conversation were over, he sat down to one side and said to the Buddha:\n“Worthy Gotama, there are those ascetics and brahmins who lead an order and a community, and tutor a community. They’re well-known and famous religious founders, deemed holy by many people.\nNamely: Pūraṇa Kassapa, the bamboo-staffed ascetic Gosāla, Ajita of the hair blanket, Pakudha Kaccāyana, Sañjaya Belaṭṭhiputta, and the Jain ascetic of the Ñātika clan.\nAccording to their own claims, did all of them have direct knowledge, or none of them, or only some?”\n“Enough, brahmin, let this be:\n‘According to their own claims, did all of them have direct knowledge, or none of them, or only some?’\nI will teach you the Dhamma.\nListen and apply your mind well, I will speak.”\n“Yes, worthy sir,” Piṅgalakoccha replied.\nThe Buddha said this:"}},{"id":"mn30:3","sourceIds":["mn30:3.1","mn30:3.2","mn30:3.3","mn30:3.4","mn30:3.5"],"kind":"text","text":{"pi":"“Seyyathāpi, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ atikkamma phegguṁ atikkamma tacaṁ atikkamma papaṭikaṁ, sākhāpalāsaṁ chetvā ādāya pakkameyya ‘sāran’ti maññamāno.\nTamenaṁ cakkhumā puriso disvā evaṁ vadeyya:\n‘na vatāyaṁ bhavaṁ puriso aññāsi sāraṁ, na aññāsi phegguṁ, na aññāsi tacaṁ, na aññāsi papaṭikaṁ, na aññāsi sākhāpalāsaṁ.\nTathā hayaṁ bhavaṁ puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ atikkamma phegguṁ atikkamma tacaṁ atikkamma papaṭikaṁ, sākhāpalāsaṁ chetvā ādāya pakkanto “sāran”ti maññamāno.\nYañcassa sārena sārakaraṇīyaṁ tañcassa atthaṁ nānubhavissatī’ti.","en":"“Suppose there was a person in need of heartwood. And while wandering in search of heartwood he’d come across a large tree standing with heartwood. But, passing over the heartwood, softwood, bark, and shoots, he’d cut off the branches and leaves and leave imagining they were heartwood.\nIf a person with clear eyes saw him they’d say:\n‘This gentleman doesn’t know what heartwood, softwood, bark, shoots, or branches and leaves are.\nThat’s why he passed them over, cut off the branches and leaves, and left imagining they were heartwood.\nWhatever he needs to make from heartwood, he won’t succeed.’"}},{"id":"mn30:4","sourceIds":["mn30:4.1","mn30:4.2","mn30:4.3","mn30:4.4","mn30:4.5"],"kind":"text","text":{"pi":"Seyyathāpi vā pana, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ atikkamma phegguṁ atikkamma tacaṁ, papaṭikaṁ chetvā ādāya pakkameyya ‘sāran’ti maññamāno.\nTamenaṁ cakkhumā puriso disvā evaṁ vadeyya:\n‘na vatāyaṁ bhavaṁ puriso aññāsi sāraṁ, na aññāsi phegguṁ, na aññāsi tacaṁ, na aññāsi papaṭikaṁ, na aññāsi sākhāpalāsaṁ.\nTathā hayaṁ bhavaṁ puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ atikkamma phegguṁ atikkamma tacaṁ papaṭikaṁ chetvā ādāya pakkanto “sāran”ti maññamāno.\nYañcassa sārena sārakaraṇīyaṁ tañcassa atthaṁ nānubhavissatī’ti.","en":"Suppose there was another person in need of heartwood … he’d cut off the shoots and leave imagining they were heartwood …"}},{"id":"mn30:5","sourceIds":["mn30:5.1","mn30:5.2","mn30:5.3","mn30:5.4","mn30:5.5"],"kind":"text","text":{"pi":"Seyyathāpi vā pana, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ atikkamma phegguṁ, tacaṁ chetvā ādāya pakkameyya ‘sāran’ti maññamāno.\nTamenaṁ cakkhumā puriso disvā evaṁ vadeyya:\n‘na vatāyaṁ bhavaṁ puriso aññāsi sāraṁ, na aññāsi phegguṁ, na aññāsi tacaṁ, na aññāsi papaṭikaṁ, na aññāsi sākhāpalāsaṁ.\nTathā hayaṁ bhavaṁ puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ atikkamma phegguṁ, tacaṁ chetvā ādāya pakkanto “sāran”ti maññamāno.\nYañcassa sārena sārakaraṇīyaṁ tañcassa atthaṁ nānubhavissatī’ti.","en":"Suppose there was another person in need of heartwood … he’d cut off the bark and leave imagining it was heartwood …"}},{"id":"mn30:6","sourceIds":["mn30:6.1","mn30:6.2","mn30:6.3","mn30:6.4","mn30:6.5"],"kind":"text","text":{"pi":"Seyyathāpi vā pana, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ, phegguṁ chetvā ādāya pakkameyya ‘sāran’ti maññamāno.\nTamenaṁ cakkhumā puriso disvā evaṁ vadeyya:\n‘na vatāyaṁ bhavaṁ puriso aññāsi sāraṁ, na aññāsi phegguṁ, na aññāsi tacaṁ, na aññāsi papaṭikaṁ, na aññāsi sākhāpalāsaṁ.\nTathā hayaṁ bhavaṁ puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ, phegguṁ chetvā ādāya pakkanto “sāran”ti maññamāno.\nYañcassa sārena sārakaraṇīyaṁ tañcassa atthaṁ nānubhavissatī’ti.","en":"Suppose there was another person in need of heartwood … he’d cut out the softwood and leave imagining it was heartwood …"}},{"id":"mn30:7","sourceIds":["mn30:7.1","mn30:7.2","mn30:7.3","mn30:7.4","mn30:7.5"],"kind":"text","text":{"pi":"Seyyathāpi vā pana, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato sāraññeva chetvā ādāya pakkameyya ‘sāran’ti jānamāno.\nTamenaṁ cakkhumā puriso disvā evaṁ vadeyya:\n‘aññāsi vatāyaṁ bhavaṁ puriso sāraṁ, aññāsi phegguṁ, aññāsi tacaṁ, aññāsi papaṭikaṁ, aññāsi sākhāpalāsaṁ.\nTathā hayaṁ bhavaṁ puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato sāraññeva chetvā ādāya pakkanto “sāran”ti jānamāno.\nYañcassa sārena sārakaraṇīyaṁ tañcassa atthaṁ anubhavissatī’ti.","en":"Suppose there was another person in need of heartwood. And while wandering in search of heartwood he’d come across a large tree standing with heartwood. He’d cut out just the heartwood and leave knowing it was heartwood.\nIf a person with clear eyes saw him they’d say:\n‘This gentleman knows what heartwood, softwood, bark, shoots, or branches and leaves are.\nThat’s why he cut out just the heartwood and left knowing it was heartwood.\nWhatever he needs to make from heartwood, he will succeed.’"}},{"id":"mn30:8","sourceIds":["mn30:8.1","mn30:8.2","mn30:8.3","mn30:8.4","mn30:8.5","mn30:8.6","mn30:8.7","mn30:8.8","mn30:8.9","mn30:8.10","mn30:8.11"],"kind":"text","text":{"pi":"Evameva kho, brāhmaṇa, idhekacco puggalo saddhā agārasmā anagāriyaṁ pabbajito hoti:\n‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto,\nappeva nāma imassa kevalassa dukkhakkhandhassa antakiriyā paññāyethā’ti.\nSo evaṁ pabbajito samāno lābhasakkārasilokaṁ abhinibbatteti.\nSo tena lābhasakkārasilokena attamano hoti paripuṇṇasaṅkappo.\nSo tena lābhasakkārasilokena attānukkaṁseti, paraṁ vambheti:\n‘ahamasmi lābhasakkārasilokavā, ime panaññe bhikkhū appaññātā appesakkhā’ti.\nLābhasakkārasilokena ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya na chandaṁ janeti, na vāyamati, olīnavuttiko ca hoti sāthaliko.\nSeyyathāpi so, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ atikkamma phegguṁ atikkamma tacaṁ atikkamma papaṭikaṁ, sākhāpalāsaṁ chetvā ādāya pakkanto ‘sāran’ti maññamāno.\nYañcassa sārena sārakaraṇīyaṁ tañcassa atthaṁ nānubhavissati.\nTathūpamāhaṁ, brāhmaṇa, imaṁ puggalaṁ vadāmi.","en":"In the same way, take a certain individual who goes forth from the lay life to homelessness, thinking:\n‘I’m swamped by rebirth, old age, and death; by sorrow, lamentation, pain, sadness, and distress. I’m swamped by suffering, mired in suffering.\nHopefully I can make an end to this entire mass of suffering.’\nWhen they’ve gone forth they generate possessions, honor, and popularity.\nThey’re happy with that, and they’ve got all they wished for.\nAnd they glorify themselves and put others down on account of that:\n‘I’m the one with possessions, honor, and popularity. These other mendicants are obscure and insignificant.’\nThey become lazy and slack on account of their possessions, honor, and popularity, not generating enthusiasm or trying to realize those things that are better and finer. …\nThey’re like the individual who mistakes branches and leaves for heartwood, I say."}},{"id":"mn30:9","sourceIds":["mn30:9.1","mn30:9.2","mn30:9.3","mn30:9.4","mn30:9.5","mn30:9.6","mn30:9.7","mn30:9.8","mn30:9.9","mn30:9.10","mn30:9.11","mn30:9.12","mn30:9.13","mn30:9.14","mn30:9.15"],"kind":"text","text":{"pi":"Idha pana, brāhmaṇa, ekacco puggalo saddhā agārasmā anagāriyaṁ pabbajito hoti:\n‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto,\nappeva nāma imassa kevalassa dukkhakkhandhassa antakiriyā paññāyethā’ti.\nSo evaṁ pabbajito samāno lābhasakkārasilokaṁ abhinibbatteti.\nSo tena lābhasakkārasilokena na attamano hoti na paripuṇṇasaṅkappo.\nSo tena lābhasakkārasilokena na attānukkaṁseti, na paraṁ vambheti.\nLābhasakkārasilokena ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nSo sīlasampadaṁ ārādheti.\nSo tāya sīlasampadāya attamano hoti, paripuṇṇasaṅkappo.\nSo tāya sīlasampadāya attānukkaṁseti, paraṁ vambheti:\n‘ahamasmi sīlavā kalyāṇadhammo, ime panaññe bhikkhū dussīlā pāpadhammā’ti.\nSīlasampadāya ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya na chandaṁ janeti, na vāyamati, olīnavuttiko ca hoti sāthaliko.\nSeyyathāpi so, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ atikkamma phegguṁ atikkamma tacaṁ, papaṭikaṁ chetvā ādāya pakkanto ‘sāran’ti maññamāno.\nYañcassa sārena sārakaraṇīyaṁ, tañcassa atthaṁ nānubhavissati.\nTathūpamāhaṁ, brāhmaṇa, imaṁ puggalaṁ vadāmi.","en":"Next, take an individual who has gone forth out of faith from the lay life to homelessness …\nWhen they’ve gone forth they generate possessions, honor, and popularity.\nThey’re not happy with that, and haven’t got all they wished for.\nThey don’t glorify themselves and put others down on account of that.\nThey don’t become lazy and slack regarding their possessions, honor, and popularity, but generate enthusiasm and try to realize those things that are better and finer.\nThey achieve accomplishment in ethics.\nThey’re happy with that, and they’ve got all they wished for.\nAnd they glorify themselves and put others down on account of that:\n‘I’m the one who is ethical, of good character. These other mendicants are unethical, of bad character.’\nThey become lazy and slack regarding their accomplishment in ethics, not generating enthusiasm or trying to realize those things that are better and finer. …\nThey’re like the individual who mistakes shoots for heartwood, I say."}},{"id":"mn30:10","sourceIds":["mn30:10.1","mn30:10.2","mn30:10.3","mn30:10.4","mn30:10.5","mn30:10.6","mn30:10.7","mn30:10.8","mn30:10.9","mn30:10.10","mn30:10.11","mn30:10.12","mn30:10.13","mn30:10.14","mn30:10.15","mn30:10.16","mn30:10.17","mn30:10.18","mn30:10.19"],"kind":"text","text":{"pi":"Idha pana, brāhmaṇa, ekacco puggalo saddhā agārasmā anagāriyaṁ pabbajito hoti:\n‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto,\nappeva nāma imassa kevalassa dukkhakkhandhassa antakiriyā paññāyethā’ti.\nSo evaṁ pabbajito samāno lābhasakkārasilokaṁ abhinibbatteti.\nSo tena lābhasakkārasilokena na attamano hoti, na paripuṇṇasaṅkappo.\nSo tena lābhasakkārasilokena na attānukkaṁseti, na paraṁ vambheti.\nLābhasakkārasilokena ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nSo sīlasampadaṁ ārādheti.\nSo tāya sīlasampadāya attamano hoti no ca kho paripuṇṇasaṅkappo.\nSo tāya sīlasampadāya na attānukkaṁseti, na paraṁ vambheti.\nSīlasampadāya ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nSo samādhisampadaṁ ārādheti.\nSo tāya samādhisampadāya attamano hoti, paripuṇṇasaṅkappo.\nSo tāya samādhisampadāya attānukkaṁseti, paraṁ vambheti:\n‘ahamasmi samāhito ekaggacitto, ime panaññe bhikkhū asamāhitā vibbhantacittā’ti.\nSamādhisampadāya ca ye aññe dhammā uttaritarā ca paṇītatarā ca, tesaṁ dhammānaṁ sacchikiriyāya na chandaṁ janeti, na vāyamati, olīnavuttiko ca hoti sāthaliko.\nSeyyathāpi so, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ atikkamma phegguṁ, tacaṁ chetvā ādāya pakkanto ‘sāran’ti maññamāno.\nYañcassa sārena sārakaraṇīyaṁ tañcassa atthaṁ nānubhavissati.\nTathūpamāhaṁ, brāhmaṇa, imaṁ puggalaṁ vadāmi.","en":"Next, take an individual who has gone forth out of faith from the lay life to homelessness …\nThey achieve accomplishment in ethics …\nand immersion. …\nThey become lazy and slack regarding their accomplishment in immersion, not generating enthusiasm or trying to realize those things that are better and finer. …\nThey’re like the individual who mistakes bark for heartwood, I say."}},{"id":"mn30:11","sourceIds":["mn30:11.1","mn30:11.2","mn30:11.3","mn30:11.4","mn30:11.5","mn30:11.6","mn30:11.7","mn30:11.8","mn30:11.9","mn30:11.10","mn30:11.11","mn30:11.12","mn30:11.13","mn30:11.14","mn30:11.15","mn30:11.16","mn30:11.17","mn30:11.18","mn30:11.19","mn30:11.20","mn30:11.21","mn30:11.22","mn30:11.23"],"kind":"text","text":{"pi":"Idha pana, brāhmaṇa, ekacco puggalo saddhā agārasmā anagāriyaṁ pabbajito hoti:\n‘otiṇṇomhi jātiyā jarāya maraṇena …pe…\nantakiriyā paññāyethā’ti.\nSo evaṁ pabbajito samāno lābhasakkārasilokaṁ abhinibbatteti.\nSo tena lābhasakkārasilokena na attamano hoti na paripuṇṇasaṅkappo.\nSo tena lābhasakkārasilokena na attānukkaṁseti, na paraṁ vambheti.\nLābhasakkārasilokena ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nSo sīlasampadaṁ ārādheti.\nSo tāya sīlasampadāya attamano hoti, no ca kho paripuṇṇasaṅkappo.\nSo tāya sīlasampadāya na attānukkaṁseti, na paraṁ vambheti.\nSīlasampadāya ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nSo samādhisampadaṁ ārādheti.\nSo tāya samādhisampadāya attamano hoti, no ca kho paripuṇṇasaṅkappo.\nSo tāya samādhisampadāya na attānukkaṁseti, na paraṁ vambheti.\nSamādhisampadāya ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nSo ñāṇadassanaṁ ārādheti.\nSo tena ñāṇadassanena attamano hoti, paripuṇṇasaṅkappo.\nSo tena ñāṇadassanena attānukkaṁseti, paraṁ vambheti:\n‘ahamasmi jānaṁ passaṁ viharāmi, ime panaññe bhikkhū ajānaṁ apassaṁ viharantī’ti.\nÑāṇadassanena ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya na chandaṁ janeti, na vāyamati, olīnavuttiko ca hoti sāthaliko.\nSeyyathāpi so, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ, phegguṁ chetvā ādāya pakkanto ‘sāran’ti maññamāno.\nYañcassa sārena sārakaraṇīyaṁ tañcassa atthaṁ nānubhavissati.\nTathūpamāhaṁ, brāhmaṇa, imaṁ puggalaṁ vadāmi.","en":"Next, take an individual who has gone forth out of faith from the lay life to homelessness …\nThey achieve accomplishment in ethics …\nimmersion …\nand knowledge and vision.\nThey become lazy and slack regarding their knowledge and vision, not generating enthusiasm or trying to realize those things that are better and finer. …\nThey’re like the individual who mistakes softwood for heartwood, I say."}},{"id":"mn30:12","sourceIds":["mn30:12.1","mn30:12.2","mn30:12.3","mn30:12.4","mn30:12.5","mn30:12.6","mn30:12.7","mn30:12.8","mn30:12.9","mn30:12.10","mn30:12.11","mn30:12.12","mn30:12.13","mn30:12.14","mn30:12.15","mn30:12.16","mn30:12.17","mn30:12.18","mn30:12.19","mn30:12.20"],"kind":"text","text":{"pi":"Idha pana, brāhmaṇa, ekacco puggalo saddhā agārasmā anagāriyaṁ pabbajito hoti:\n‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto,\nappeva nāma imassa kevalassa dukkhakkhandhassa antakiriyā paññāyethā’ti.\nSo evaṁ pabbajito samāno lābhasakkārasilokaṁ abhinibbatteti.\nSo tena lābhasakkārasilokena na attamano hoti, na paripuṇṇasaṅkappo.\nSo tena lābhasakkārasilokena na attānukkaṁseti, na paraṁ vambheti.\nLābhasakkārasilokena ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nSo sīlasampadaṁ ārādheti.\nSo tāya sīlasampadāya attamano hoti, no ca kho paripuṇṇasaṅkappo.\nSo tāya sīlasampadāya na attānukkaṁseti, na paraṁ vambheti.\nSīlasampadāya ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nSo samādhisampadaṁ ārādheti.\nSo tāya samādhisampadāya attamano hoti, no ca kho paripuṇṇasaṅkappo.\nSo tāya samādhisampadāya na attānukkaṁseti, na paraṁ vambheti.\nSamādhisampadāya ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nSo ñāṇadassanaṁ ārādheti.\nSo tena ñāṇadassanena attamano hoti, no ca kho paripuṇṇasaṅkappo.\nSo tena ñāṇadassanena na attānukkaṁseti, na paraṁ vambheti.\nÑāṇadassanena ca ye aññe dhammā uttaritarā ca paṇītatarā ca tesaṁ dhammānaṁ sacchikiriyāya chandaṁ janeti, vāyamati, anolīnavuttiko ca hoti asāthaliko.\nKatame ca, brāhmaṇa, dhammā ñāṇadassanena uttaritarā ca paṇītatarā ca?","en":"Next, take an individual who has gone forth out of faith from the lay life to homelessness, thinking:\n‘I’m swamped by rebirth, old age, and death; by sorrow, lamentation, pain, sadness, and distress. I’m swamped by suffering, mired in suffering.\nHopefully I can find an end to this entire mass of suffering.’\nWhen they’ve gone forth they generate possessions, honor, and popularity.\nThey’re not happy with that, and haven’t got all they wished for.\nThey don’t glorify themselves and put others down on account of that.\nThey don’t become lazy and slack on account of their possessions, honor, and popularity, but generate enthusiasm and try to realize those things that are better and finer.\nThey become accomplished in ethics.\nThey’re happy with that, but they haven’t got all they wished for.\nThey don’t glorify themselves and put others down on account of that.\nThey don’t become lazy and slack regarding their accomplishment in ethics, but generate enthusiasm and try to realize those things that are better and finer.\nThey become accomplished in immersion.\nThey’re happy with that, but they haven’t got all they wished for.\nThey don’t glorify themselves and put others down on account of that.\nThey don’t become lazy and slack regarding their accomplishment in immersion, but generate enthusiasm and try to realize those things that are better and finer.\nThey achieve knowledge and vision.\nThey’re happy with that, but they haven’t got all they wished for.\nThey don’t glorify themselves and put others down on account of that.\nThey don’t become lazy and slack regarding their knowledge and vision, but generate enthusiasm and try to realize those things that are better and finer.\nAnd what are those things that are better and finer than knowledge and vision?"}},{"id":"mn30:13","sourceIds":["mn30:13.1","mn30:13.2"],"kind":"text","text":{"pi":"Idha, brāhmaṇa, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.\nAyampi kho, brāhmaṇa, dhammo ñāṇadassanena uttaritaro ca paṇītataro ca.","en":"Take a mendicant who, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nThis is something better and finer than knowledge and vision."}},{"id":"mn30:14","sourceIds":["mn30:14.1","mn30:14.2"],"kind":"text","text":{"pi":"Puna caparaṁ, brāhmaṇa, bhikkhu vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.\nAyampi kho, brāhmaṇa, dhammo ñāṇadassanena uttaritaro ca paṇītataro ca.","en":"Furthermore, as the placing of the mind and keeping it connected are stilled, a mendicant enters and remains in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nThis too is something better and finer than knowledge and vision."}},{"id":"mn30:15","sourceIds":["mn30:15.1","mn30:15.2"],"kind":"text","text":{"pi":"Puna caparaṁ, brāhmaṇa, bhikkhu pītiyā ca virāgā upekkhako ca viharati, sato ca sampajāno sukhañca kāyena paṭisaṁvedeti, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharati.\nAyampi kho, brāhmaṇa, dhammo ñāṇadassanena uttaritaro ca paṇītataro ca.","en":"Furthermore, with the fading away of rapture, a mendicant enters and remains in the third absorption, where they meditate with equanimity, mindful and aware, experiencing for themselves the bliss of which the noble ones declare, ‘Equanimous and mindful, one meditates in bliss.’\nThis too is something better and finer than knowledge and vision."}},{"id":"mn30:16","sourceIds":["mn30:16.1","mn30:16.2"],"kind":"text","text":{"pi":"Puna caparaṁ, brāhmaṇa, bhikkhu sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.\nAyampi kho, brāhmaṇa, dhammo ñāṇadassanena uttaritaro ca paṇītataro ca.","en":"Furthermore, with the giving up of pleasure and pain and the disappearance of former happiness and sadness, a mendicant enters and remains in the fourth absorption, without pleasure or pain, with pure equanimity and mindfulness.\nThis too is something better and finer than knowledge and vision."}},{"id":"mn30:17","sourceIds":["mn30:17.1","mn30:17.2"],"kind":"text","text":{"pi":"Puna caparaṁ, brāhmaṇa, bhikkhu sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ‘ananto ākāso’ti ākāsānañcāyatanaṁ upasampajja viharati.\nAyampi kho, brāhmaṇa, dhammo ñāṇadassanena uttaritaro ca paṇītataro ca.","en":"Furthermore, a mendicant, going totally beyond perceptions of form, with the disappearance of perceptions of impingement, not focusing on perceptions of diversity, aware that ‘space is infinite’, enters and remains in the dimension of infinite space.\nThis too is something better and finer than knowledge and vision."}},{"id":"mn30:18","sourceIds":["mn30:18.1","mn30:18.2"],"kind":"text","text":{"pi":"Puna caparaṁ, brāhmaṇa, bhikkhu sabbaso ākāsānañcāyatanaṁ samatikkamma ‘anantaṁ viññāṇan’ti viññāṇañcāyatanaṁ upasampajja viharati.\nAyampi kho, brāhmaṇa, dhammo ñāṇadassanena uttaritaro ca paṇītataro ca.","en":"Furthermore, a mendicant, going totally beyond the dimension of infinite space, aware that ‘consciousness is infinite’, enters and remains in the dimension of infinite consciousness.\nThis too is something better and finer than knowledge and vision."}},{"id":"mn30:19","sourceIds":["mn30:19.1","mn30:19.2"],"kind":"text","text":{"pi":"Puna caparaṁ, brāhmaṇa, bhikkhu sabbaso viññāṇañcāyatanaṁ samatikkamma ‘natthi kiñcī’ti ākiñcaññāyatanaṁ upasampajja viharati.\nAyampi kho, brāhmaṇa, dhammo ñāṇadassanena uttaritaro ca paṇītataro ca.","en":"Furthermore, a mendicant, going totally beyond the dimension of infinite consciousness, aware that ‘there is nothing at all’, enters and remains in the dimension of nothingness.\nThis too is something better and finer than knowledge and vision."}},{"id":"mn30:20","sourceIds":["mn30:20.1","mn30:20.2"],"kind":"text","text":{"pi":"Puna caparaṁ, brāhmaṇa, bhikkhu sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati.\nAyampi kho, brāhmaṇa, dhammo ñāṇadassanena uttaritaro ca paṇītataro ca.","en":"Furthermore, take a mendicant who, going totally beyond the dimension of nothingness, enters and remains in the dimension of neither perception nor non-perception.\nThis too is something better and finer than knowledge and vision."}},{"id":"mn30:21","sourceIds":["mn30:21.1","mn30:21.2","mn30:21.3"],"kind":"text","text":{"pi":"Puna caparaṁ, brāhmaṇa, bhikkhu sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharati, paññāya cassa disvā āsavā parikkhīṇā honti.\nAyampi kho, brāhmaṇa, dhammo ñāṇadassanena uttaritaro ca paṇītataro ca.\nIme kho, brāhmaṇa, dhammā ñāṇadassanena uttaritarā ca paṇītatarā ca.","en":"Furthermore, take a mendicant who, going totally beyond the dimension of neither perception nor non-perception, enters and remains in the cessation of perception and feeling. And, having seen with wisdom, their defilements come to an end.\nThis too is something better and finer than knowledge and vision.\nThese are the things that are better and finer than knowledge and vision."}},{"id":"mn30:22","sourceIds":["mn30:22.1","mn30:22.2","mn30:22.3"],"kind":"text","text":{"pi":"Seyyathāpi so, brāhmaṇa, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato sāraṁyeva chetvā ādāya pakkanto ‘sāran’ti jānamāno.\nYañcassa sārena sārakaraṇīyaṁ tañcassa atthaṁ anubhavissati.\nTathūpamāhaṁ, brāhmaṇa, imaṁ puggalaṁ vadāmi.","en":"Suppose there was a person in need of heartwood. And while wandering in search of heartwood he’d come across a large tree standing with heartwood. He’d cut out just the heartwood and leave knowing it was heartwood.\nWhatever he needs to make from heartwood, he will succeed.\nThat’s what this individual is like, I say."}},{"id":"mn30:23","sourceIds":["mn30:23.1","mn30:23.2","mn30:23.3"],"kind":"text","text":{"pi":"Iti kho, brāhmaṇa, nayidaṁ brahmacariyaṁ lābhasakkārasilokānisaṁsaṁ, na sīlasampadānisaṁsaṁ, na samādhisampadānisaṁsaṁ, na ñāṇadassanānisaṁsaṁ.\nYā ca kho ayaṁ, brāhmaṇa, akuppā cetovimutti—\netadatthamidaṁ, brāhmaṇa, brahmacariyaṁ, etaṁ sāraṁ etaṁ pariyosānan”ti.","en":"And so, brahmin, this spiritual life is not lived for the sake of possessions, honor, and popularity, or for accomplishment in ethics, or for accomplishment in immersion, or for knowledge and vision.\nIt is this unshakable freedom of heart\nthat is the goal of the spiritual life, the core and the final end.”"}},{"id":"mn30:24","sourceIds":["mn30:24.1","mn30:24.2","mn30:24.3","mn30:24.4","mn30:24.5"],"kind":"text","text":{"pi":"Evaṁ vutte, piṅgalakoccho brāhmaṇo bhagavantaṁ etadavoca:\n“abhikkantaṁ, bho gotama, abhikkantaṁ, bho gotama …pe…\nupāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nCūḷasāropamasuttaṁ niṭṭhitaṁ dasamaṁ.\nOpammavaggo niṭṭhito tatiyo.","en":"When he had spoken, the brahmin Piṅgalakoccha said to the Buddha,\n“Excellent, worthy Gotama! Excellent! …\nFrom this day forth, may the worthy Gotama remember me as a lay follower who has gone for refuge for life.”"}},{"id":"mn30:25","sourceIds":["mn30:25.0","mn30:25.1","mn30:25.2","mn30:25.3","mn30:25.4"],"kind":"text","text":{"pi":"Tassuddānaṁ\nMoḷiyaphaggunariṭṭhañca nāmo,\nAndhavane kathipuṇṇaṁ nivāpo;\nRāsikaṇerumahāgajanāmo,\nSārūpamo puna piṅgalakoccho."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn30/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}