{"id":"mn31","title":"The Shorter Discourse at Gosiṅga","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn31","title":"The Shorter Discourse at Gosiṅga","units":[{"id":"mn31:0","sourceIds":["mn31:0.1","mn31:0.2"],"kind":"text","text":{"pi":"Majjhima Nikāya 31\nCūḷagosiṅgasutta","en":"Middle Discourses 31\nThe Shorter Discourse at Gosiṅga"}},{"id":"mn31:1","sourceIds":["mn31:1.1","mn31:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā nātike viharati giñjakāvasathe.","en":"So I have heard.\nAt one time the Buddha was staying at Ñātika in the brick house."}},{"id":"mn31:2","sourceIds":["mn31:2.1"],"kind":"text","text":{"pi":"Tena kho pana samayena āyasmā ca anuruddho āyasmā ca nandiyo āyasmā ca kimilo gosiṅgasālavanadāye viharanti.","en":"Now at that time the venerables Anuruddha, Nandiya, and Kimbila were staying in the sal forest park at Gosiṅga."}},{"id":"mn31:3","sourceIds":["mn31:3.1","mn31:3.2","mn31:3.3","mn31:3.4","mn31:3.5","mn31:3.6"],"kind":"text","text":{"pi":"Atha kho bhagavā sāyanhasamayaṁ paṭisallānā vuṭṭhito yena gosiṅgasālavanadāyo tenupasaṅkami.\nAddasā kho dāyapālo bhagavantaṁ dūratova āgacchantaṁ.\nDisvāna bhagavantaṁ etadavoca:\n“mā, samaṇa, etaṁ dāyaṁ pāvisi.\nSantettha tayo kulaputtā attakāmarūpā viharanti.\nMā tesaṁ aphāsumakāsī”ti.","en":"Then in the late afternoon, the Buddha came out of retreat and went to that park.\nThe park keeper saw the Buddha coming off in the distance\nand said to him,\n“Don’t come into this park, ascetic.\nThere are three gentlemen staying here whose nature is to desire self-knowledge.\nDo not disturb them.”"}},{"id":"mn31:4","sourceIds":["mn31:4.1","mn31:4.2","mn31:4.3","mn31:4.4","mn31:4.5","mn31:4.6"],"kind":"text","text":{"pi":"Assosi kho āyasmā anuruddho dāyapālassa bhagavatā saddhiṁ mantayamānassa.\nSutvāna dāyapālaṁ etadavoca:\n“mā, āvuso dāyapāla, bhagavantaṁ vāresi.\nSatthā no bhagavā anuppatto”ti.\nAtha kho āyasmā anuruddho yenāyasmā ca nandiyo āyasmā ca kimilo tenupasaṅkami; upasaṅkamitvā āyasmantañca nandiyaṁ āyasmantañca kimilaṁ etadavoca:\n“abhikkamathāyasmanto, abhikkamathāyasmanto, satthā no bhagavā anuppatto”ti.","en":"Anuruddha heard the park keeper conversing with the Buddha,\nand said to him,\n“Don’t keep the Buddha out, good park keeper!\nOur Teacher, the Blessed One, has arrived.”\nThen Anuruddha went to Nandiya and Kimbila, and said to them,\n“Come forth, venerables, come forth! Our Teacher, the Blessed One, has arrived!”"}},{"id":"mn31:5","sourceIds":["mn31:5.1","mn31:5.2","mn31:5.3","mn31:5.4","mn31:5.5","mn31:5.6","mn31:5.7","mn31:5.8"],"kind":"text","text":{"pi":"Atha kho āyasmā ca anuruddho āyasmā ca nandiyo āyasmā ca kimilo bhagavantaṁ paccuggantvā—\neko bhagavato pattacīvaraṁ paṭiggahesi, eko āsanaṁ paññapesi, eko pādodakaṁ upaṭṭhāpesi.\nNisīdi bhagavā paññatte āsane.\nNisajja kho bhagavā pāde pakkhālesi.\nTepi kho āyasmanto bhagavantaṁ abhivādetvā ekamantaṁ nisīdiṁsu.\nEkamantaṁ nisinnaṁ kho āyasmantaṁ anuruddhaṁ bhagavā etadavoca:\n“Kacci vo, anuruddhā, khamanīyaṁ, kacci yāpanīyaṁ, kacci piṇḍakena na kilamathā”ti?\n“Khamanīyaṁ, bhagavā, yāpanīyaṁ, bhagavā; na ca mayaṁ, bhante, piṇḍakena kilamāmā”ti.","en":"Then Anuruddha, Nandiya, and Kimbila came out to greet the Buddha.\nOne received his bowl and robe, one spread out a seat, and one set out water for washing his feet.\nThe Buddha sat down on the seat spread out,\nand washed his feet.\nThose venerables bowed and sat down to one side.\nThe Buddha said to Anuruddha,\n“I hope you’re keeping well, Anuruddha and friends, I hope you’re all right. And I hope you’re having no trouble getting almsfood.”\n“We’re keeping well, Blessed One, we’re getting by. And we have no trouble getting almsfood.”"}},{"id":"mn31:6","sourceIds":["mn31:6.1","mn31:6.2","mn31:6.3"],"kind":"text","text":{"pi":"“Kacci pana vo, anuruddhā, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharathā”ti?\n“Taggha mayaṁ, bhante, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharāmā”ti.\n“Yathā kathaṁ pana tumhe, anuruddhā, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharathā”ti?","en":"“I hope you’re living in harmony, appreciating each other, without quarreling, blending like milk and water, and regarding each other with kindly eyes?”\n“Indeed, sir, we live in harmony as you say.”\n“But how do you live this way?”"}},{"id":"mn31:7","sourceIds":["mn31:7.1","mn31:7.2","mn31:7.3","mn31:7.4","mn31:7.5","mn31:7.6","mn31:7.7","mn31:7.8","mn31:7.9","mn31:7.10","mn31:7.11","mn31:7.12","mn31:7.13","mn31:7.14","mn31:7.15","mn31:7.16","mn31:7.17","mn31:7.18","mn31:7.19","mn31:7.20","mn31:7.21","mn31:7.22","mn31:7.23"],"kind":"text","text":{"pi":"“Idha mayhaṁ, bhante, evaṁ hoti:\n‘lābhā vata me, suladdhaṁ vata me,\nyohaṁ evarūpehi sabrahmacārīhi saddhiṁ viharāmī’ti.\nTassa mayhaṁ, bhante, imesu āyasmantesu mettaṁ kāyakammaṁ paccupaṭṭhitaṁ āvi ceva raho ca;\nmettaṁ vacīkammaṁ paccupaṭṭhitaṁ āvi ceva raho ca;\nmettaṁ manokammaṁ paccupaṭṭhitaṁ āvi ceva raho ca.\nTassa mayhaṁ, bhante, evaṁ hoti:\n‘yannūnāhaṁ sakaṁ cittaṁ nikkhipitvā imesaṁyeva āyasmantānaṁ cittassa vasena vatteyyan’ti.\nSo kho ahaṁ, bhante, sakaṁ cittaṁ nikkhipitvā imesaṁyeva āyasmantānaṁ cittassa vasena vattāmi.\nNānā hi kho no, bhante, kāyā ekañca pana maññe cittan”ti.\nĀyasmāpi kho nandiyo …pe…\nāyasmāpi kho kimilo bhagavantaṁ etadavoca:\n“mayhampi, bhante, evaṁ hoti:\n‘lābhā vata me, suladdhaṁ vata me,\nyohaṁ evarūpehi sabrahmacārīhi saddhiṁ viharāmī’ti.\nTassa mayhaṁ, bhante, imesu āyasmantesu mettaṁ kāyakammaṁ paccupaṭṭhitaṁ āvi ceva raho ca,\nmettaṁ vacīkammaṁ paccupaṭṭhitaṁ āvi ceva raho ca,\nmettaṁ manokammaṁ paccupaṭṭhitaṁ āvi ceva raho ca.\nTassa mayhaṁ, bhante, evaṁ hoti:\n‘yannūnāhaṁ sakaṁ cittaṁ nikkhipitvā imesaṁyeva āyasmantānaṁ cittassa vasena vatteyyan’ti.\nSo kho ahaṁ, bhante, sakaṁ cittaṁ nikkhipitvā imesaṁyeva āyasmantānaṁ cittassa vasena vattāmi.\nNānā hi kho no, bhante, kāyā ekañca pana maññe cittan”ti.\n“Evaṁ kho mayaṁ, bhante, samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharāmā”ti.","en":"“In this case, sir, I think:\n‘I’m fortunate, so very fortunate,\nto live together with spiritual companions such as these.’\nI consistently treat these venerables with kindness by way of body, speech, and mind, both in public and in private.\nI think,\n‘Why don’t I set aside my own ideas and just go along with these venerables’ ideas?’\nAnd that’s what I do.\nThough we’re different in body, sir, we’re one in mind, it seems to me.”\nAnd the venerables Nandiya and Kimbila spoke likewise, and they added:\n“That’s how we live in harmony, appreciating each other, without quarreling, blending like milk and water, and regarding each other with kindly eyes.”"}},{"id":"mn31:8","sourceIds":["mn31:8.1","mn31:8.2"],"kind":"text","text":{"pi":"“Sādhu sādhu, anuruddhā.\nKacci pana vo, anuruddhā, appamattā ātāpino pahitattā viharathā”ti?","en":"“Good, good, Anuruddha and friends!\nBut I hope you’re living diligently, keen, and resolute?”"}},{"id":"mn31:9","sourceIds":["mn31:9.1","mn31:9.2","mn31:9.3","mn31:9.4","mn31:9.5","mn31:9.6","mn31:9.7","mn31:9.8","mn31:9.9"],"kind":"text","text":{"pi":"“Taggha mayaṁ, bhante, appamattā ātāpino pahitattā viharāmā”ti.\n“Yathā kathaṁ pana tumhe, anuruddhā, appamattā ātāpino pahitattā viharathā”ti?\n“Idha, bhante, amhākaṁ yo paṭhamaṁ gāmato piṇḍāya paṭikkamati so āsanāni paññapeti, pānīyaṁ paribhojanīyaṁ upaṭṭhāpeti, avakkārapātiṁ upaṭṭhāpeti.\nYo pacchā gāmato piṇḍāya paṭikkamati, sace hoti bhuttāvaseso sace ākaṅkhati bhuñjati, no ce ākaṅkhati appaharite vā chaḍḍeti, appāṇake vā udake opilāpeti.\nSo āsanāni paṭisāmeti, pānīyaṁ paribhojanīyaṁ paṭisāmeti, avakkārapātiṁ paṭisāmeti, bhattaggaṁ sammajjati.\nYo passati pānīyaghaṭaṁ vā paribhojanīyaghaṭaṁ vā vaccaghaṭaṁ vā rittaṁ tucchaṁ so upaṭṭhāpeti.\nSacassa hoti avisayhaṁ, hatthavikārena dutiyaṁ āmantetvā hatthavilaṅghakena upaṭṭhāpema, na tveva mayaṁ, bhante, tappaccayā vācaṁ bhindāma.\nPañcāhikaṁ kho pana mayaṁ, bhante, sabbarattikaṁ dhammiyā kathāya sannisīdāma.\nEvaṁ kho mayaṁ, bhante, appamattā ātāpino pahitattā viharāmā”ti.","en":"“Indeed, sir, we live diligently.”\n“But how do you live this way?”\n“In this case, sir, whoever returns first from almsround prepares the seats, and puts out the drinking water and the rubbish bin.\nIf there’s remainder, whoever returns last eats it if they like. Otherwise they throw it out where there is little that grows, or drop it into water that has no living creatures.\nThen they put away the seats, drinking water, and rubbish bin, and sweep the refectory.\nIf someone sees that the pot of water for washing, drinking, or the toilet is empty they set it up.\nIf he can’t do it, he summons another with a wave of the hand, and they set it up by lending each other a hand to lift. But we don’t break into speech for that reason.\nAnd every five days we sit together for the whole night and discuss the teachings.\nThat’s how we live diligently, keen, and resolute.”"}},{"id":"mn31:10","sourceIds":["mn31:10.1","mn31:10.2","mn31:10.3","mn31:10.4","mn31:10.5"],"kind":"text","text":{"pi":"“Sādhu sādhu, anuruddhā.\nAtthi pana vo, anuruddhā, evaṁ appamattānaṁ ātāpīnaṁ pahitattānaṁ viharantānaṁ uttari manussadhammā alamariyañāṇadassanaviseso adhigato phāsuvihāro”ti?\n“Kiñhi no siyā, bhante.\nIdha mayaṁ, bhante, yāvadeva ākaṅkhāma vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāma.\nAyaṁ kho no, bhante, amhākaṁ appamattānaṁ ātāpīnaṁ pahitattānaṁ viharantānaṁ uttari manussadhammā alamariyañāṇadassanaviseso adhigato phāsuvihāro”ti.","en":"“Good, good, Anuruddha and friends!\nBut as you live diligently like this, have you achieved any superhuman distinction in knowledge and vision worthy of the noble ones, a comfortable meditation?”\n“How could we not, sir?\nWhenever we want, quite secluded from sensual pleasures, secluded from unskillful qualities, we enter and remain in the first absorption, which has the rapture and bliss born of seclusion, while placing the mind and keeping it connected.\nThis is a superhuman distinction in knowledge and vision worthy of the noble ones, a comfortable meditation, that we have achieved while living diligent, keen, and resolute.”"}},{"id":"mn31:11-13","sourceIds":["mn31:11-13.1","mn31:11-13.2","mn31:11-13.3","mn31:11-13.4","mn31:11-13.5"],"kind":"text","text":{"pi":"“Sādhu sādhu, anuruddhā.\nEtassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttari manussadhammā alamariyañāṇadassanaviseso adhigato phāsuvihāro”ti?\n“Kiñhi no siyā, bhante.\nIdha mayaṁ, bhante, yāvadeva ākaṅkhāma vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharāma.\nEtassa, bhante, vihārassa samatikkamāya etassa vihārassa paṭippassaddhiyā ayamañño uttari manussadhammā alamariyañāṇadassanaviseso adhigato phāsuvihāro”ti.","en":"“Good, good!\nBut have you achieved any other superhuman distinction for going beyond and stilling that meditation?”\n“How could we not, sir?\nWhenever we want, as the placing of the mind and keeping it connected are stilled, we enter and remain in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nThis is another superhuman distinction that we have achieved for going beyond and stilling that meditation.”"}},{"id":"mn31:14","sourceIds":["mn31:14.1","mn31:14.2","mn31:14.3","mn31:14.4","mn31:14.5"],"kind":"text","text":{"pi":"“Sādhu sādhu, anuruddhā.\nEtassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttari manussadhammā alamariyañāṇadassanaviseso adhigato phāsuvihāro”ti?\n“Kiñhi no siyā, bhante.\nIdha mayaṁ, bhante, yāvadeva ākaṅkhāma pītiyā ca virāgā upekkhakā ca viharāma, satā ca sampajānā, sukhañca kāyena paṭisaṁvedema, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharāma.\nEtassa, bhante, vihārassa samatikkamāya etassa vihārassa paṭippassaddhiyā ayamañño uttari manussadhammā alamariyañāṇadassanaviseso adhigato phāsuvihāro”ti.","en":"“Good, good!\nBut have you achieved any other superhuman distinction for going beyond and stilling that meditation?”\n“How could we not, sir?\nWhenever we want, with the fading away of rapture, we enter and remain in the third absorption, where we meditate with equanimity, mindful and aware, experiencing for themselves the bliss of which the noble ones declare, ‘Equanimous and mindful, one meditates in bliss.’\nThis is another superhuman distinction that we have achieved for going beyond and stilling that meditation.”"}},{"id":"mn31:15","sourceIds":["mn31:15.1","mn31:15.2","mn31:15.3","mn31:15.4","mn31:15.5"],"kind":"text","text":{"pi":"“Sādhu sādhu, anuruddhā.\nEtassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttari manussadhammā alamariyañāṇadassanaviseso adhigato phāsuvihāro”ti?\n“Kiñhi no siyā, bhante.\nIdha mayaṁ, bhante, yāvadeva ākaṅkhāma sukhassa ca pahānā dukkhassa ca pahānā, pubbeva somanassadomanassānaṁ atthaṅgamā, adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharāma.\nEtassa, bhante, vihārassa samatikkamāya etassa vihārassa paṭippassaddhiyā ayamañño uttari manussadhammā alamariyañāṇadassanaviseso adhigato phāsuvihāro”ti.","en":"“Good, good!\nBut have you achieved any other superhuman distinction for going beyond and stilling that meditation?”\n“How could we not, sir?\nWhenever we want, with the giving up of pleasure and pain, and the disappearance of former happiness and sadness, we enter and remain in the fourth absorption, without pleasure or pain, with pure equanimity and mindfulness.\nThis is another superhuman distinction that we have achieved for going beyond and stilling that meditation.”"}},{"id":"mn31:16","sourceIds":["mn31:16.1","mn31:16.2","mn31:16.3","mn31:16.4","mn31:16.5"],"kind":"text","text":{"pi":"“Sādhu sādhu, anuruddhā.\nEtassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttari manussadhammā alamariyañāṇadassanaviseso adhigato phāsuvihāro”ti?\n“Kiñhi no siyā, bhante.\nIdha mayaṁ, bhante, yāvadeva ākaṅkhāma sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ‘ananto ākāso’ti ākāsānañcāyatanaṁ upasampajja viharāma.\nEtassa, bhante, vihārassa samatikkamāya etassa vihārassa paṭippassaddhiyā ayamañño uttari manussadhammā alamariyañāṇadassanaviseso adhigato phāsuvihāro”ti.","en":"“Good, good!\nBut have you achieved any other superhuman distinction for going beyond and stilling that meditation?”\n“How could we not, sir?\nWhenever we want, going totally beyond perceptions of form, with the disappearance of perceptions of impingement, not focusing on perceptions of diversity, aware that ‘space is infinite’, we enter and remain in the dimension of infinite space.\nThis is another superhuman distinction that we have achieved for going beyond and stilling that meditation.”"}},{"id":"mn31:17","sourceIds":["mn31:17.1","mn31:17.2","mn31:17.3","mn31:17.4","mn31:17.5","mn31:17.6","mn31:17.7"],"kind":"text","text":{"pi":"“Sādhu sādhu, anuruddhā.\nEtassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttari manussadhammā alamariyañāṇadassanaviseso adhigato phāsuvihāro”ti?\n“Kiñhi no siyā, bhante.\nIdha mayaṁ, bhante, yāvadeva ākaṅkhāma sabbaso ākāsānañcāyatanaṁ samatikkamma ‘anantaṁ viññāṇan’ti viññāṇañcāyatanaṁ upasampajja viharāma …pe…\nsabbaso viññāṇañcāyatanaṁ samatikkamma ‘natthi kiñcī’ti ākiñcaññāyatanaṁ upasampajja viharāma …pe…\nsabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharāma.\nEtassa, bhante, vihārassa samatikkamāya etassa vihārassa paṭippassaddhiyā ayamañño uttari manussadhammā alamariyañāṇadassanaviseso adhigato phāsuvihāro”ti.","en":"“Good, good!\nBut have you achieved any other superhuman distinction for going beyond and stilling that meditation?”\n“How could we not, sir?\nWhenever we want, going totally beyond the dimension of infinite space, aware that ‘consciousness is infinite’, we enter and remain in the dimension of infinite consciousness. …\ngoing totally beyond the dimension of infinite consciousness, aware that ‘there is nothing at all’, we enter and remain in the dimension of nothingness. …\ngoing totally beyond the dimension of nothingness, we enter and remain in the dimension of neither perception nor non-perception.\nThis is another superhuman distinction that we have achieved for going beyond and stilling that meditation.”"}},{"id":"mn31:18","sourceIds":["mn31:18.1","mn31:18.2","mn31:18.3","mn31:18.4","mn31:18.5","mn31:18.6","mn31:18.7","mn31:18.8"],"kind":"text","text":{"pi":"“Sādhu sādhu, anuruddhā.\nEtassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttari manussadhammā alamariyañāṇadassanaviseso adhigato phāsuvihāro”ti?\n“Kiñhi no siyā, bhante.\nIdha mayaṁ, bhante, yāvadeva ākaṅkhāma sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharāma, paññāya ca no disvā āsavā parikkhīṇā.\nEtassa, bhante, vihārassa samatikkamāya etassa vihārassa paṭippassaddhiyā ayamañño uttari manussadhammā alamariyañāṇadassanaviseso adhigato phāsuvihāro.\nImamhā ca mayaṁ, bhante, phāsuvihārā aññaṁ phāsuvihāraṁ uttaritaraṁ vā paṇītataraṁ vā na samanupassāmā”ti.\n“Sādhu sādhu, anuruddhā.\nImamhā phāsuvihārā uttaritaro vā paṇītataro vā phāsuvihāro natthī”ti.","en":"“Good, good!\nBut have you achieved any other superhuman distinction for going beyond and stilling that meditation?”\n“How could we not, sir?\nWhenever we want, going totally beyond the dimension of neither perception nor non-perception, we enter and remain in the cessation of perception and feeling. And, having seen with wisdom, our defilements have come to an end.\nThis is another superhuman distinction in knowledge and vision worthy of the noble ones, a comfortable meditation, that we have achieved for going beyond and stilling that meditation.\nAnd we don’t see any better or finer way of meditating comfortably than this.”\n“Good, good!\nThere is no better or finer way of meditating comfortably than this.”"}},{"id":"mn31:19","sourceIds":["mn31:19.1"],"kind":"text","text":{"pi":"Atha kho bhagavā āyasmantañca anuruddhaṁ āyasmantañca nandiyaṁ āyasmantañca kimilaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.","en":"Then the Buddha educated, encouraged, fired up, and inspired the venerables Anuruddha, Nandiya, and Kimbila with a Dhamma talk, after which he rose from his seat and left."}},{"id":"mn31:20","sourceIds":["mn31:20.1","mn31:20.2","mn31:20.3","mn31:20.4","mn31:20.5","mn31:20.6","mn31:20.7","mn31:20.8","mn31:20.9"],"kind":"text","text":{"pi":"Atha kho āyasmā ca anuruddho āyasmā ca nandiyo āyasmā ca kimilo bhagavantaṁ anusaṁyāyitvā tato paṭinivattitvā āyasmā ca nandiyo āyasmā ca kimilo āyasmantaṁ anuruddhaṁ etadavocuṁ:\n“kiṁ nu kho mayaṁ āyasmato anuruddhassa evamārocimha:\n‘imāsañca imāsañca vihārasamāpattīnaṁ mayaṁ lābhino’ti, yaṁ no āyasmā anuruddho bhagavato sammukhā yāva āsavānaṁ khayā pakāsetī”ti?\n“Na kho me āyasmanto evamārocesuṁ:\n‘imāsañca imāsañca vihārasamāpattīnaṁ mayaṁ lābhino’ti, api ca me āyasmantānaṁ cetasā ceto paricca vidito:\n‘imāsañca imāsañca vihārasamāpattīnaṁ ime āyasmanto lābhino’ti.\nDevatāpi me etamatthaṁ ārocesuṁ:\n‘imāsañca imāsañca vihārasamāpattīnaṁ ime āyasmanto lābhino’ti.\nTamenaṁ bhagavatā pañhābhipuṭṭhena byākatan”ti.","en":"The venerables then accompanied the Buddha for a little way before turning back. Nandiya and Kimbila said to Anuruddha,\n“Did we ever tell you that we had\ngained such and such meditations and attainments, up to the ending of defilements, as you revealed to the Buddha?”\n“The venerables did not tell me that they had\ngained such meditations and attainments. But I discovered it by encompassing your minds,\nand deities also told me.\nI answered when the Buddha directly asked about it.”"}},{"id":"mn31:21","sourceIds":["mn31:21.1","mn31:21.2","mn31:21.3","mn31:21.4","mn31:21.5","mn31:21.6","mn31:21.7","mn31:21.8","mn31:21.9","mn31:21.10","mn31:21.11","mn31:21.12","mn31:21.13","mn31:21.14","mn31:21.15","mn31:21.16","mn31:21.17","mn31:21.18","mn31:21.19"],"kind":"text","text":{"pi":"Atha kho dīgho parajano yakkho yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho dīgho parajano yakkho bhagavantaṁ etadavoca:\n“lābhā vata, bhante, vajjīnaṁ, suladdhalābhā vajjipajāya,\nyattha tathāgato viharati arahaṁ sammāsambuddho, ime ca tayo kulaputtā—\nāyasmā ca anuruddho, āyasmā ca nandiyo, āyasmā ca kimilo”ti.\nDīghassa parajanassa yakkhassa saddaṁ sutvā bhummā devā saddamanussāvesuṁ:\n“lābhā vata, bho, vajjīnaṁ, suladdhalābhā vajjipajāya,\nyattha tathāgato viharati arahaṁ sammāsambuddho, ime ca tayo kulaputtā—\nāyasmā ca anuruddho, āyasmā ca nandiyo, āyasmā ca kimilo”ti.\nBhummānaṁ devānaṁ saddaṁ sutvā cātumahārājikā devā …pe…\ntāvatiṁsā devā …pe…\nyāmā devā …pe…\ntusitā devā …pe…\nnimmānaratī devā …pe…\nparanimmitavasavattī devā …pe…\nbrahmakāyikā devā saddamanussāvesuṁ:\n“lābhā vata, bho, vajjīnaṁ, suladdhalābhā vajjipajāya,\nyattha tathāgato viharati arahaṁ sammāsambuddho, ime ca tayo kulaputtā—\nāyasmā ca anuruddho, āyasmā ca nandiyo, āyasmā ca kimilo”ti.\nItiha te āyasmanto tena khaṇena tena layena tena muhuttena yāva brahmalokā viditā ahesuṁ.","en":"Then the native spirit Dīgha Parajana went up to the Buddha, bowed, stood to one side, and said to him,\n“The Vajjis are lucky! The Vajjian people are so very lucky\nthat the Realized One, the perfected one, the fully awakened Buddha stays there, as well as these three gentlemen,\nthe venerables Anuruddha, Nandiya, and Kimbila.”\nHearing the cry of Dīgha Parajana, the earth gods raised the cry …\nHearing the cry of the earth gods, the gods of the four great kings …\nthe gods of the thirty-three …\nthe gods of Yama …\nthe joyful gods …\nthe gods who love to create …\nthe gods who control what is created by others …\nthe gods of the Divinity’s host raised the cry,\n“The Vajjis are lucky! The Vajjian people are so very lucky\nthat the Realized One, the perfected one, the fully awakened Buddha stays there, as well as these three gentlemen,\nthe venerables Anuruddha, Nandiya, and Kimbila.”\nAnd so at that moment, that second, that hour, those venerables were known as far as the realm of divinity."}},{"id":"mn31:22","sourceIds":["mn31:22.1","mn31:22.2","mn31:22.3","mn31:22.4","mn31:22.5","mn31:22.6","mn31:22.7","mn31:22.8","mn31:22.9","mn31:22.10","mn31:22.11","mn31:22.12","mn31:22.13","mn31:22.14","mn31:22.15","mn31:22.16"],"kind":"text","text":{"pi":"“Evametaṁ, dīgha, evametaṁ, dīgha.\nYasmāpi, dīgha, kulā ete tayo kulaputtā agārasmā anagāriyaṁ pabbajitā, tañcepi kulaṁ ete tayo kulaputte pasannacittaṁ anussareyya, tassapāssa kulassa dīgharattaṁ hitāya sukhāya.\nYasmāpi, dīgha, kulaparivaṭṭā ete tayo kulaputtā agārasmā anagāriyaṁ pabbajitā, so cepi kulaparivaṭṭo ete tayo kulaputte pasannacitto anussareyya, tassapāssa kulaparivaṭṭassa dīgharattaṁ hitāya sukhāya.\nYasmāpi, dīgha, gāmā ete tayo kulaputtā agārasmā anagāriyaṁ pabbajitā, so cepi gāmo ete tayo kulaputte pasannacitto anussareyya, tassapāssa gāmassa dīgharattaṁ hitāya sukhāya.\nYasmāpi, dīgha, nigamā ete tayo kulaputtā agārasmā anagāriyaṁ pabbajitā, so cepi nigamo ete tayo kulaputte pasannacitto anussareyya, tassapāssa nigamassa dīgharattaṁ hitāya sukhāya.\nYasmāpi, dīgha, nagarā ete tayo kulaputtā agārasmā anagāriyaṁ pabbajitā, tañcepi nagaraṁ ete tayo kulaputte pasannacittaṁ anussareyya, tassapāssa nagarassa dīgharattaṁ hitāya sukhāya.\nYasmāpi, dīgha, janapadā ete tayo kulaputtā agārasmā anagāriyaṁ pabbajitā, so cepi janapado ete tayo kulaputte pasannacitto anussareyya, tassapāssa janapadassa dīgharattaṁ hitāya sukhāya.\nSabbe cepi, dīgha, khattiyā ete tayo kulaputte pasannacittā anussareyyuṁ, sabbesānampāssa khattiyānaṁ dīgharattaṁ hitāya sukhāya.\nSabbe cepi, dīgha, brāhmaṇā …pe…\nsabbe cepi, dīgha, vessā …pe…\nsabbe cepi, dīgha, suddā ete tayo kulaputte pasannacittā anussareyyuṁ, sabbesānampāssa suddānaṁ dīgharattaṁ hitāya sukhāya.\nSadevako cepi, dīgha, loko samārako sabrahmako sassamaṇabrāhmaṇī pajā sadevamanussā ete tayo kulaputte pasannacittā anussareyya, sadevakassapāssa lokassa samārakassa sabrahmakassa sassamaṇabrāhmaṇiyā pajāya sadevamanussāya dīgharattaṁ hitāya sukhāya.\nPassa, dīgha, yāva ete tayo kulaputtā bahujanahitāya paṭipannā bahujanasukhāya lokānukampāya, atthāya hitāya sukhāya devamanussānan”ti.\nIdamavoca bhagavā.\nAttamano dīgho parajano yakkho bhagavato bhāsitaṁ abhinandīti.\nCūḷagosiṅgasuttaṁ niṭṭhitaṁ paṭhamaṁ.","en":"“That’s so true, Dīgha! That’s so true!\nIf the family from which those three gentlemen went forth from the lay life to homelessness were to recollect those venerables with confident heart, that would be for that family’s lasting welfare and happiness.\nIf the family circle …\nvillage …\ntown …\ncity …\ncountry …\nall the aristocrats …\nall the brahmins …\nall the peasants …\nall the workers were to recollect those venerables with confident heart, that would be for all those menials’ lasting welfare and happiness.\nIf the whole world—with its gods, Māras, and divinities, this population with its ascetics and brahmins, gods and humans—were to recollect those venerables with confident heart, that would be for the whole world’s lasting welfare and happiness.\nSee, Dīgha, how those three gentlemen are practicing for the welfare and happiness of the people, out of sympathy for the world, for the benefit, welfare, and happiness of gods and humans!”\nThat is what the Buddha said.\nSatisfied, the native spirit Dīgha Parajana approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn31/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}