{"id":"mn32","title":"The Longer Discourse at Gosiṅga","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn32","title":"The Longer Discourse at Gosiṅga","units":[{"id":"mn32:0","sourceIds":["mn32:0.1","mn32:0.2"],"kind":"text","text":{"pi":"Majjhima Nikāya 32\nMahāgosiṅgasutta","en":"Middle Discourses 32\nThe Longer Discourse at Gosiṅga"}},{"id":"mn32:1","sourceIds":["mn32:1.1","mn32:1.2","mn32:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā gosiṅgasālavanadāye viharati sambahulehi abhiññātehi abhiññātehi therehi sāvakehi saddhiṁ—\nāyasmatā ca sāriputtena āyasmatā ca mahāmoggallānena āyasmatā ca mahākassapena āyasmatā ca anuruddhena āyasmatā ca revatena āyasmatā ca ānandena, aññehi ca abhiññātehi abhiññātehi therehi sāvakehi saddhiṁ.","en":"So I have heard.\nAt one time the Buddha was staying in the sal forest park at Gosiṅga, together with several well-known senior disciples, such as\nthe venerables Sāriputta, Mahāmoggallāna, Mahākassapa, Anuruddha, Revata, Ānanda, and others."}},{"id":"mn32:2","sourceIds":["mn32:2.1","mn32:2.2","mn32:2.3","mn32:2.4"],"kind":"text","text":{"pi":"Atha kho āyasmā mahāmoggallāno sāyanhasamayaṁ paṭisallānā vuṭṭhito yenāyasmā mahākassapo tenupasaṅkami; upasaṅkamitvā āyasmantaṁ mahākassapaṁ etadavoca:\n“āyāmāvuso, kassapa, yenāyasmā sāriputto tenupasaṅkamissāma dhammassavanāyā”ti.\n“Evamāvuso”ti kho āyasmā mahākassapo āyasmato mahāmoggallānassa paccassosi.\nAtha kho āyasmā ca mahāmoggallāno āyasmā ca mahākassapo āyasmā ca anuruddho yenāyasmā sāriputto tenupasaṅkamiṁsu dhammassavanāya.","en":"Then in the late afternoon, Venerable Mahāmoggallāna came out of retreat, went to Venerable Mahākassapa, and said,\n“Come, Reverend Kassapa, let’s go to Venerable Sāriputta to hear the teaching.”\n“Yes, reverend,” Mahākassapa replied.\nThen, together with Venerable Anuruddha, they went to Sāriputta to hear the teaching."}},{"id":"mn32:3","sourceIds":["mn32:3.1","mn32:3.2","mn32:3.3","mn32:3.4","mn32:3.5","mn32:3.6"],"kind":"text","text":{"pi":"Addasā kho āyasmā ānando āyasmantañca mahāmoggallānaṁ āyasmantañca mahākassapaṁ āyasmantañca anuruddhaṁ yenāyasmā sāriputto tenupasaṅkamante dhammassavanāya.\nDisvāna yenāyasmā revato tenupasaṅkami; upasaṅkamitvā āyasmantaṁ revataṁ etadavoca:\n“upasaṅkamantā kho amū, āvuso revata, sappurisā yenāyasmā sāriputto tena dhammassavanāya.\nĀyāmāvuso revata, yenāyasmā sāriputto tenupasaṅkamissāma dhammassavanāyā”ti.\n“Evamāvuso”ti kho āyasmā revato āyasmato ānandassa paccassosi.\nAtha kho āyasmā ca revato āyasmā ca ānando yenāyasmā sāriputto tenupasaṅkamiṁsu dhammassavanāya.","en":"Seeing them, Venerable Ānanda\nwent to Venerable Revata, told him what was happening,\nand invited him also."}},{"id":"mn32:4","sourceIds":["mn32:4.1","mn32:4.2","mn32:4.3","mn32:4.4","mn32:4.5","mn32:4.6","mn32:4.7","mn32:4.8","mn32:4.9"],"kind":"text","text":{"pi":"Addasā kho āyasmā sāriputto āyasmantañca revataṁ āyasmantañca ānandaṁ dūratova āgacchante.\nDisvāna āyasmantaṁ ānandaṁ etadavoca:\n“etu kho āyasmā ānando.\nSvāgataṁ āyasmato ānandassa bhagavato upaṭṭhākassa bhagavato santikāvacarassa.\nRamaṇīyaṁ, āvuso ānanda, gosiṅgasālavanaṁ, dosinā ratti, sabbaphāliphullā sālā, dibbā, maññe, gandhā sampavanti;\nkathaṁrūpena, āvuso ānanda, bhikkhunā gosiṅgasālavanaṁ sobheyyā”ti?\n“Idhāvuso sāriputta, bhikkhu bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā; kevalaparipuṇṇaṁ parisuddhaṁ brahmacariyaṁ abhivadanti, tathārūpāssa dhammā bahussutā honti, dhātā, vacasā paricitā, manasānupekkhitā, diṭṭhiyā suppaṭividdhā.\nSo catassannaṁ parisānaṁ dhammaṁ deseti parimaṇḍalehi padabyañjanehi anuppabandhehi anusayasamugghātāya.\nEvarūpena kho, āvuso sāriputta, bhikkhunā gosiṅgasālavanaṁ sobheyyā”ti.","en":"Sāriputta saw them coming off in the distance\nand said to Ānanda,\n“Come, Venerable Ānanda.\nWelcome to Ānanda, the Buddha’s attendant, who is so close to the Buddha.\nReverend Ānanda, the sal forest park at Gosiṅga is lovely, the night is bright, the sal trees are in full blossom, and heavenly scents seem to float on the air.\nWhat kind of mendicant would grace this park?”\n“Reverend Sāriputta, it’s a mendicant who is very learned, remembering and keeping what they’ve learned. These teachings are good in the beginning, good in the middle, and good in the end, meaningful and well-phrased, describing a spiritual practice that’s entirely full and pure. They are very learned in such teachings, remembering them, rehearsing them, mentally scrutinizing them, and penetrating them theoretically.\nAnd they teach the four assemblies in order to uproot the underlying tendencies with well-rounded and coherent words and phrases.\nThat’s the kind of mendicant who would grace this park.”"}},{"id":"mn32:5","sourceIds":["mn32:5.1","mn32:5.2","mn32:5.3","mn32:5.4","mn32:5.5","mn32:5.6","mn32:5.7"],"kind":"text","text":{"pi":"Evaṁ vutte, āyasmā sāriputto āyasmantaṁ revataṁ etadavoca:\n“byākataṁ kho, āvuso revata, āyasmatā ānandena yathāsakaṁ paṭibhānaṁ.\nTattha dāni mayaṁ āyasmantaṁ revataṁ pucchāma:\n‘ramaṇīyaṁ, āvuso revata, gosiṅgasālavanaṁ, dosinā ratti, sabbaphāliphullā sālā, dibbā, maññe, gandhā sampavanti;\nkathaṁrūpena, āvuso revata, bhikkhunā gosiṅgasālavanaṁ sobheyyā’”ti?\n“Idhāvuso sāriputta, bhikkhu paṭisallānārāmo hoti paṭisallānarato, ajjhattaṁ cetosamathamanuyutto anirākatajjhāno, vipassanāya samannāgato, brūhetā suññāgārānaṁ.\nEvarūpena kho, āvuso sāriputta, bhikkhunā gosiṅgasālavanaṁ sobheyyā”ti.","en":"When he had spoken, Sāriputta said to Revata,\n“Reverend Revata, Ānanda has answered according to his own inspiration.\nAnd now we ask you the same question.”\n“Reverend Sāriputta, it’s a mendicant who enjoys retreat and loves retreat. They’re committed to inner serenity of the heart, they don’t neglect absorption, they’re endowed with discernment, and they frequent empty huts.\nThat’s the kind of mendicant who would grace this park.”"}},{"id":"mn32:6","sourceIds":["mn32:6.1","mn32:6.2","mn32:6.3","mn32:6.4","mn32:6.5","mn32:6.6","mn32:6.7","mn32:6.8","mn32:6.9"],"kind":"text","text":{"pi":"Evaṁ vutte, āyasmā sāriputto āyasmantaṁ anuruddhaṁ etadavoca:\n“byākataṁ kho, āvuso anuruddha, āyasmatā revatena yathāsakaṁ paṭibhānaṁ.\nTattha dāni mayaṁ āyasmantaṁ anuruddhaṁ pucchāma:\n‘ramaṇīyaṁ, āvuso anuruddha, gosiṅgasālavanaṁ, dosinā ratti, sabbaphāliphullā sālā, dibbā, maññe, gandhā sampavanti;\nkathaṁrūpena, āvuso anuruddha, bhikkhunā gosiṅgasālavanaṁ sobheyyā’”ti?\n“Idhāvuso sāriputta, bhikkhu dibbena cakkhunā visuddhena atikkantamānusakena sahassaṁ lokānaṁ voloketi.\nSeyyathāpi, āvuso sāriputta, cakkhumā puriso uparipāsādavaragato sahassaṁ nemimaṇḍalānaṁ volokeyya;\nevameva kho, āvuso sāriputta, bhikkhu dibbena cakkhunā visuddhena atikkantamānusakena sahassaṁ lokānaṁ voloketi.\nEvarūpena kho, āvuso sāriputta, bhikkhunā gosiṅgasālavanaṁ sobheyyā”ti.","en":"When he had spoken, Sāriputta said to Anuruddha,\n“Reverend Anuruddha, Revata has answered according to his own inspiration.\nAnd now we ask you the same question.”\n“Reverend Sāriputta, it’s a mendicant who surveys a thousandfold galaxy with clairvoyance that is purified and surpasses the human,\njust as a person with clear eyes could survey a thousand orbits from the upper floor of a royal longhouse.\nThat’s the kind of mendicant who would grace this park.”"}},{"id":"mn32:7","sourceIds":["mn32:7.1","mn32:7.2","mn32:7.3","mn32:7.4","mn32:7.5","mn32:7.6","mn32:7.7"],"kind":"text","text":{"pi":"Evaṁ vutte, āyasmā sāriputto āyasmantaṁ mahākassapaṁ etadavoca:\n“byākataṁ kho, āvuso kassapa, āyasmatā anuruddhena yathāsakaṁ paṭibhānaṁ.\nTattha dāni mayaṁ āyasmantaṁ mahākassapaṁ pucchāma:\n‘ramaṇīyaṁ, āvuso kassapa, gosiṅgasālavanaṁ, dosinā ratti, sabbaphāliphullā sālā, dibbā, maññe, gandhā sampavanti;\nkathaṁrūpena, āvuso kassapa, bhikkhunā gosiṅgasālavanaṁ sobheyyā’”ti?\n“Idhāvuso sāriputta, bhikkhu attanā ca āraññiko hoti āraññikattassa ca vaṇṇavādī, attanā ca piṇḍapātiko hoti piṇḍapātikattassa ca vaṇṇavādī, attanā ca paṁsukūliko hoti paṁsukūlikattassa ca vaṇṇavādī, attanā ca tecīvariko hoti tecīvarikattassa ca vaṇṇavādī, attanā ca appiccho hoti appicchatāya ca vaṇṇavādī, attanā ca santuṭṭho hoti santuṭṭhiyā ca vaṇṇavādī, attanā ca pavivitto hoti pavivekassa ca vaṇṇavādī, attanā ca asaṁsaṭṭho hoti asaṁsaggassa ca vaṇṇavādī, attanā ca āraddhavīriyo hoti vīriyārambhassa ca vaṇṇavādī, attanā ca sīlasampanno hoti sīlasampadāya ca vaṇṇavādī, attanā ca samādhisampanno hoti samādhisampadāya ca vaṇṇavādī, attanā ca paññāsampanno hoti paññāsampadāya ca vaṇṇavādī, attanā ca vimuttisampanno hoti vimuttisampadāya ca vaṇṇavādī, attanā ca vimuttiñāṇadassanasampanno hoti vimuttiñāṇadassanasampadāya ca vaṇṇavādī.\nEvarūpena kho, āvuso sāriputta, bhikkhunā gosiṅgasālavanaṁ sobheyyā”ti.","en":"When he had spoken, Sāriputta said to Mahākassapa,\n“Reverend Kassapa, Anuruddha has answered according to his own inspiration.\nAnd now we ask you the same question.”\n“Reverend Sāriputta, it’s a mendicant who lives in the wilderness, eats only almsfood, wears rag robes, and owns just three robes; and they praise these things. They are of few wishes, content, secluded, aloof, and energetic; and they praise these things. They are accomplished in ethics, immersion, wisdom, freedom, and the knowledge and vision of freedom; and they praise these things.\nThat’s the kind of mendicant who would grace this park.”"}},{"id":"mn32:8","sourceIds":["mn32:8.1","mn32:8.2","mn32:8.3","mn32:8.4","mn32:8.5","mn32:8.6","mn32:8.7"],"kind":"text","text":{"pi":"Evaṁ vutte, āyasmā sāriputto āyasmantaṁ mahāmoggallānaṁ etadavoca:\n“byākataṁ kho, āvuso moggallāna, āyasmatā mahākassapena yathāsakaṁ paṭibhānaṁ.\nTattha dāni mayaṁ āyasmantaṁ mahāmoggallānaṁ pucchāma:\n‘ramaṇīyaṁ, āvuso moggallāna, gosiṅgasālavanaṁ, dosinā ratti, sabbaphāliphullā sālā, dibbā, maññe, gandhā sampavanti;\nkathaṁrūpena, āvuso moggallāna, bhikkhunā gosiṅgasālavanaṁ sobheyyā’”ti?\n“Idhāvuso sāriputta, dve bhikkhū abhidhammakathaṁ kathenti, te aññamaññaṁ pañhaṁ pucchanti, aññamaññassa pañhaṁ puṭṭhā vissajjenti, no ca saṁsādenti, dhammī ca nesaṁ kathā pavattinī hoti.\nEvarūpena kho, āvuso sāriputta, bhikkhunā gosiṅgasālavanaṁ sobheyyā”ti.","en":"When he had spoken, Sāriputta said to Mahāmoggallāna,\n“Reverend Moggallāna, Mahākassapa has answered according to his own inspiration.\nAnd now we ask you the same question.”\n“Reverend Sāriputta, it’s when two mendicants engage in discussion about the teaching. They question each other and answer each other’s questions without faltering, and their discussion on the teaching flows on.\nThat’s the kind of mendicant who would grace this park.”"}},{"id":"mn32:9","sourceIds":["mn32:9.1","mn32:9.2","mn32:9.3","mn32:9.4","mn32:9.5","mn32:9.6","mn32:9.7","mn32:9.8","mn32:9.9","mn32:9.10","mn32:9.11","mn32:9.12","mn32:9.13","mn32:9.14","mn32:9.15","mn32:9.16","mn32:9.17","mn32:9.18"],"kind":"text","text":{"pi":"Atha kho āyasmā mahāmoggallāno āyasmantaṁ sāriputtaṁ etadavoca:\n“byākataṁ kho, āvuso sāriputta, amhehi sabbeheva yathāsakaṁ paṭibhānaṁ.\nTattha dāni mayaṁ āyasmantaṁ sāriputtaṁ pucchāma:\n‘ramaṇīyaṁ, āvuso sāriputta, gosiṅgasālavanaṁ, dosinā ratti, sabbaphāliphullā sālā, dibbā, maññe, gandhā sampavanti;\nkathaṁrūpena, āvuso sāriputta, bhikkhunā gosiṅgasālavanaṁ sobheyyā’”ti?\n“Idhāvuso moggallāna, bhikkhu cittaṁ vasaṁ vatteti, no ca bhikkhu cittassa vasena vattati.\nSo yāya vihārasamāpattiyā ākaṅkhati pubbaṇhasamayaṁ viharituṁ, tāya vihārasamāpattiyā pubbaṇhasamayaṁ viharati;\nyāya vihārasamāpattiyā ākaṅkhati majjhanhikasamayaṁ viharituṁ, tāya vihārasamāpattiyā majjhanhikasamayaṁ viharati;\nyāya vihārasamāpattiyā ākaṅkhati sāyanhasamayaṁ viharituṁ, tāya vihārasamāpattiyā sāyanhasamayaṁ viharati.\nSeyyathāpi, āvuso moggallāna, rañño vā rājamahāmattassa vā nānārattānaṁ dussānaṁ dussakaraṇḍako pūro assa.\nSo yaññadeva dussayugaṁ ākaṅkheyya pubbaṇhasamayaṁ pārupituṁ, taṁ tadeva dussayugaṁ pubbaṇhasamayaṁ pārupeyya;\nyaññadeva dussayugaṁ ākaṅkheyya majjhanhikasamayaṁ pārupituṁ, taṁ tadeva dussayugaṁ majjhanhikasamayaṁ pārupeyya;\nyaññadeva dussayugaṁ ākaṅkheyya sāyanhasamayaṁ pārupituṁ, taṁ tadeva dussayugaṁ sāyanhasamayaṁ pārupeyya.\nEvameva kho, āvuso moggallāna, bhikkhu cittaṁ vasaṁ vatteti, no ca bhikkhu cittassa vasena vattati.\nSo yāya vihārasamāpattiyā ākaṅkhati pubbaṇhasamayaṁ viharituṁ, tāya vihārasamāpattiyā pubbaṇhasamayaṁ viharati;\nyāya vihārasamāpattiyā ākaṅkhati majjhanhikasamayaṁ viharituṁ, tāya vihārasamāpattiyā majjhanhikasamayaṁ viharati;\nyāya vihārasamāpattiyā ākaṅkhati sāyanhasamayaṁ viharituṁ, tāya vihārasamāpattiyā sāyanhasamayaṁ viharati.\nEvarūpena kho, āvuso moggallāna, bhikkhunā gosiṅgasālavanaṁ sobheyyā”ti.","en":"Then Mahāmoggallāna said to Sāriputta,\n“Each of us has spoken from our heart.\nAnd now we ask you:\nReverend Sāriputta, the sal forest park at Gosiṅga is lovely, the night is bright, the sal trees are in full blossom, and heavenly scents seem to float on the air.\nWhat kind of mendicant would grace this park?”\n“Reverend Moggallāna, it’s when a mendicant masters their mind and is not mastered by it.\nIn the morning, they abide in whatever meditation or attainment they want.\nAt midday,\nand in the evening, they abide in whatever meditation or attainment they want.\nSuppose that a ruler or their chief minister had a chest full of garments of different colors.\nIn the morning, they’d don whatever pair of garments they wanted.\nAt midday,\nand in the evening, they’d don whatever pair of garments they wanted.\nIn the same way, a mendicant masters their mind and is not mastered by it.\nIn the morning, they abide in whatever meditation or attainment they want.\nAt midday,\nand in the evening, they abide in whatever meditation or attainment they want.\nThat’s the kind of mendicant who would grace this park.”"}},{"id":"mn32:10","sourceIds":["mn32:10.1","mn32:10.2","mn32:10.3","mn32:10.4","mn32:10.5","mn32:10.6"],"kind":"text","text":{"pi":"Atha kho āyasmā sāriputto te āyasmante etadavoca:\n“byākataṁ kho, āvuso, amhehi sabbeheva yathāsakaṁ paṭibhānaṁ.\nĀyāmāvuso, yena bhagavā tenupasaṅkamissāma; upasaṅkamitvā etamatthaṁ bhagavato ārocessāma.\nYathā no bhagavā byākarissati tathā naṁ dhāressāmā”ti.\n“Evamāvuso”ti kho te āyasmanto āyasmato sāriputtassa paccassosuṁ.\nAtha kho te āyasmanto yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinno kho āyasmā sāriputto bhagavantaṁ etadavoca:","en":"Then Sāriputta said to those venerables,\n“Each of us has spoken from the heart.\nCome, reverends, let’s go to the Buddha, and inform him about this.\nAs he answers, so we’ll remember it.”\n“Yes, reverend,” they replied.\nThen those venerables went to the Buddha, bowed, and sat down to one side. Venerable Sāriputta told the Buddha of how the mendicants had come to see him, and how he had asked Ānanda:"}},{"id":"mn32:11","sourceIds":["mn32:11.1","mn32:11.2","mn32:11.3","mn32:11.4","mn32:11.5","mn32:11.6","mn32:11.7","mn32:11.8","mn32:11.9","mn32:11.10","mn32:11.11","mn32:11.12","mn32:11.13","mn32:11.14","mn32:11.15"],"kind":"text","text":{"pi":"“idha, bhante, āyasmā ca revato āyasmā ca ānando yenāhaṁ tenupasaṅkamiṁsu dhammassavanāya.\nAddasaṁ kho ahaṁ, bhante, āyasmantañca revataṁ āyasmantañca ānandaṁ dūratova āgacchante.\nDisvāna āyasmantaṁ ānandaṁ etadavocaṁ:\n‘etu kho āyasmā ānando.\nSvāgataṁ āyasmato ānandassa bhagavato upaṭṭhākassa bhagavato santikāvacarassa.\nRamaṇīyaṁ, āvuso ānanda, gosiṅgasālavanaṁ, dosinā ratti, sabbaphāliphullā sālā, dibbā, maññe, gandhā sampavanti;\nkathaṁrūpena, āvuso ānanda, bhikkhunā gosiṅgasālavanaṁ sobheyyā’ti?\nEvaṁ vutte, bhante, āyasmā ānando maṁ etadavoca:\n‘idhāvuso, sāriputta, bhikkhu bahussuto hoti sutadharo …pe…\nanusayasamugghātāya.\nEvarūpena kho, āvuso sāriputta, bhikkhunā gosiṅgasālavanaṁ sobheyyā’”ti.\n“Sādhu sādhu, sāriputta.\nYathā taṁ ānandova sammā byākaramāno byākareyya.\nĀnando hi, sāriputta, bahussuto sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā; kevalaparipuṇṇaṁ parisuddhaṁ brahmacariyaṁ abhivadanti, tathārūpāssa dhammā bahussutā honti, dhātā, vacasā paricitā, manasānupekkhitā, diṭṭhiyā suppaṭividdhā.\nSo catassannaṁ parisānaṁ dhammaṁ deseti parimaṇḍalehi padabyañjanehi anuppabandhehi anusayasamugghātāyā”ti.","en":"“‘Ānanda, the sal forest park at Gosiṅga is lovely, the night is bright, the sal trees are in full blossom, and heavenly scents seem to float on the air.\nWhat kind of mendicant would grace this park?’\nWhen I had spoken, Ānanda said to me:\n‘Reverend Sāriputta, it’s a mendicant who is very learned …\nThat’s the kind of mendicant who would grace this park.’”\n“Good, good, Sāriputta!\nĀnanda answered in the right way for him.\nFor Ānanda is very learned …”"}},{"id":"mn32:12","sourceIds":["mn32:12.1","mn32:12.2","mn32:12.3","mn32:12.4","mn32:12.5","mn32:12.6","mn32:12.7","mn32:12.8","mn32:12.9","mn32:12.10","mn32:12.11"],"kind":"text","text":{"pi":"“Evaṁ vutte, ahaṁ, bhante, āyasmantaṁ revataṁ etadavocaṁ:\n‘byākataṁ kho, āvuso revata, āyasmatā ānandena yathāsakaṁ paṭibhānaṁ.\nTattha dāni mayaṁ āyasmantaṁ revataṁ pucchāma—\nramaṇīyaṁ, āvuso revata, gosiṅgasālavanaṁ, dosinā ratti, sabbaphāliphullā sālā, dibbā maññe gandhā sampavanti.\nKathaṁrūpena, āvuso revata, bhikkhunā gosiṅgasālavanaṁ sobheyyā’ti?\nEvaṁ vutte, bhante, āyasmā revato maṁ etadavoca:\n‘idhāvuso sāriputta, bhikkhu paṭisallānārāmo hoti paṭisallānarato, ajjhattaṁ cetosamathamanuyutto, anirākatajjhāno, vipassanāya samannāgato, brūhetā suññāgārānaṁ.\nEvarūpena kho, āvuso sāriputta, bhikkhunā gosiṅgasālavanaṁ sobheyyā’”ti.\n“Sādhu sādhu, sāriputta.\nYathā taṁ revatova sammā byākaramāno byākareyya.\nRevato hi, sāriputta, paṭisallānārāmo paṭisallānarato, ajjhattaṁ cetosamathamanuyutto anirākatajjhāno, vipassanāya samannāgato brūhetā suññāgārānan”ti.","en":"“Next I asked Revata the same question.\nHe said:\n‘It’s a mendicant who enjoys retreat …\nThat’s the kind of mendicant who would grace this park.’”\n“Good, good, Sāriputta!\nRevata answered in the right way for him.\nFor Revata enjoys retreat …”"}},{"id":"mn32:13","sourceIds":["mn32:13.1","mn32:13.2","mn32:13.3","mn32:13.4","mn32:13.5","mn32:13.6","mn32:13.7","mn32:13.8","mn32:13.9"],"kind":"text","text":{"pi":"“Evaṁ vutte, ahaṁ, bhante, āyasmantaṁ anuruddhaṁ etadavocaṁ:\n‘byākataṁ kho, āvuso anuruddha, āyasmatā revatena …pe…\nkathaṁrūpena, āvuso anuruddha, bhikkhunā gosiṅgasālavanaṁ sobheyyā’ti.\nEvaṁ vutte, bhante, āyasmā anuruddho maṁ etadavoca:\n‘idhāvuso sāriputta, bhikkhu dibbena cakkhunā visuddhena atikkantamānusakena sahassaṁ lokānaṁ voloketi.\nSeyyathāpi, āvuso sāriputta, cakkhumā puriso …pe…\nevarūpena kho, āvuso sāriputta, bhikkhunā gosiṅgasālavanaṁ sobheyyā’”ti.\n“Sādhu sādhu, sāriputta, yathā taṁ anuruddhova sammā byākaramāno byākareyya.\nAnuruddho hi, sāriputta, dibbena cakkhunā visuddhena atikkantamānusakena sahassaṁ lokānaṁ voloketī”ti.","en":"“Next I asked Anuruddha the same question.\nHe said:\n‘It’s a mendicant who surveys the thousandfold galaxy with clairvoyance that is purified and surpasses the human …\nThat’s the kind of mendicant who would grace this park.’”\n“Good, good, Sāriputta! Anuruddha answered in the right way for him.\nFor Anuruddha surveys the thousandfold galaxy with clairvoyance that is purified and surpasses the human.”"}},{"id":"mn32:14","sourceIds":["mn32:14.1","mn32:14.2","mn32:14.3","mn32:14.4","mn32:14.5","mn32:14.6","mn32:14.7","mn32:14.8","mn32:14.9","mn32:14.10"],"kind":"text","text":{"pi":"“Evaṁ vutte, ahaṁ, bhante, āyasmantaṁ mahākassapaṁ etadavocaṁ:\n‘byākataṁ kho, āvuso kassapa, āyasmatā anuruddhena yathāsakaṁ paṭibhānaṁ.\nTattha dāni mayaṁ āyasmantaṁ mahākassapaṁ pucchāma …pe…\nkathaṁrūpena kho, āvuso kassapa, bhikkhunā gosiṅgasālavanaṁ sobheyyā’ti?\nEvaṁ vutte, bhante, āyasmā mahākassapo maṁ etadavoca:\n‘idhāvuso sāriputta, bhikkhu attanā ca āraññiko hoti āraññikattassa ca vaṇṇavādī, attanā ca piṇḍapātiko hoti …pe… attanā ca paṁsukūliko hoti …pe… attanā ca tecīvariko hoti …pe… attanā ca appiccho hoti …pe… attanā ca santuṭṭho hoti …pe… attanā ca pavivitto hoti …pe… attanā ca asaṁsaṭṭho hoti …pe… attanā ca āraddhavīriyo hoti …pe… attanā ca sīlasampanno hoti …pe… attanā ca samādhisampanno hoti …pe… attanā ca paññāsampanno hoti … attanā ca vimuttisampanno hoti … attanā ca vimuttiñāṇadassanasampanno hoti vimuttiñāṇadassanasampadāya ca vaṇṇavādī.\nEvarūpena kho, āvuso sāriputta, bhikkhunā gosiṅgasālavanaṁ sobheyyā’”ti.\n“Sādhu sādhu, sāriputta.\nYathā taṁ kassapova sammā byākaramāno byākareyya.\nKassapo hi, sāriputta, attanā ca āraññiko āraññikattassa ca vaṇṇavādī, attanā ca piṇḍapātiko piṇḍapātikattassa ca vaṇṇavādī, attanā ca paṁsukūliko paṁsukūlikattassa ca vaṇṇavādī, attanā ca tecīvariko tecīvarikattassa ca vaṇṇavādī, attanā ca appiccho appicchatāya ca vaṇṇavādī, attanā ca santuṭṭho santuṭṭhiyā ca vaṇṇavādī, attanā ca pavivitto pavivekassa ca vaṇṇavādī, attanā ca asaṁsaṭṭho asaṁsaggassa ca vaṇṇavādī, attanā ca āraddhavīriyo vīriyārambhassa ca vaṇṇavādī, attanā ca sīlasampanno sīlasampadāya ca vaṇṇavādī, attanā ca samādhisampanno samādhisampadāya ca vaṇṇavādī, attanā ca paññāsampanno paññāsampadāya ca vaṇṇavādī, attanā ca vimuttisampanno vimuttisampadāya ca vaṇṇavādī, attanā ca vimuttiñāṇadassanasampanno vimuttiñāṇadassanasampadāya ca vaṇṇavādī”ti.","en":"“Next I asked Mahākassapa the same question.\nHe said:\n‘It’s a mendicant who lives in the wilderness … and is accomplished in the knowledge and vision of freedom; and they praise these things.\nThat’s the kind of mendicant who would grace this park.’”\n“Good, good, Sāriputta!\nKassapa answered in the right way for him.\nFor Kassapa lives in the wilderness … and is accomplished in the knowledge and vision of freedom; and he praises these things.”"}},{"id":"mn32:15","sourceIds":["mn32:15.1","mn32:15.2","mn32:15.3","mn32:15.4","mn32:15.5","mn32:15.6","mn32:15.7","mn32:15.8","mn32:15.9"],"kind":"text","text":{"pi":"“Evaṁ vutte, ahaṁ bhante āyasmantaṁ mahāmoggallānaṁ etadavocaṁ:\n‘byākataṁ kho, āvuso moggallāna, āyasmatā mahākassapena yathāsakaṁ paṭibhānaṁ.\nTattha dāni mayaṁ āyasmantaṁ mahāmoggallānaṁ pucchāma …pe…\nkathaṁrūpena, āvuso moggallāna, bhikkhunā gosiṅgasālavanaṁ sobheyyā’ti?\nEvaṁ vutte, bhante, āyasmā mahāmoggallāno maṁ etadavoca:\n‘idhāvuso sāriputta, dve bhikkhū abhidhammakathaṁ kathenti. Te aññamaññaṁ pañhaṁ pucchanti, aññamaññassa pañhaṁ puṭṭhā vissajjenti, no ca saṁsādenti, dhammī ca nesaṁ kathā pavattinī hoti.\nEvarūpena kho, āvuso sāriputta, bhikkhunā gosiṅgasālavanaṁ sobheyyā’”ti.\n“Sādhu sādhu, sāriputta, yathā taṁ moggallānova sammā byākaramāno byākareyya.\nMoggallāno hi, sāriputta, dhammakathiko”ti.","en":"“Next I asked Mahāmoggallāna the same question.\nHe said:\n‘It’s when two mendicants engage in discussion about the teaching …\nThat’s the kind of mendicant who would grace this park.’”\n“Good, good, Sāriputta! Moggallāna answered in the right way for him.\nFor Moggallāna is a Dhamma speaker.”"}},{"id":"mn32:16","sourceIds":["mn32:16.1","mn32:16.2","mn32:16.3","mn32:16.4","mn32:16.5","mn32:16.6","mn32:16.7","mn32:16.8","mn32:16.9","mn32:16.10","mn32:16.11","mn32:16.12","mn32:16.13","mn32:16.14","mn32:16.15","mn32:16.16","mn32:16.17","mn32:16.18","mn32:16.19","mn32:16.20","mn32:16.21","mn32:16.22","mn32:16.23","mn32:16.24","mn32:16.25","mn32:16.26"],"kind":"text","text":{"pi":"Evaṁ vutte, āyasmā mahāmoggallāno bhagavantaṁ etadavoca:\n“atha khvāhaṁ, bhante, āyasmantaṁ sāriputtaṁ etadavocaṁ:\n‘byākataṁ kho, āvuso sāriputta, amhehi sabbeheva yathāsakaṁ paṭibhānaṁ.\nTattha dāni mayaṁ āyasmantaṁ sāriputtaṁ pucchāma—\nramaṇīyaṁ, āvuso sāriputta, gosiṅgasālavanaṁ, dosinā ratti, sabbaphāliphullā sālā, dibbā, maññe, gandhā sampavanti.\nKathaṁrūpena, āvuso sāriputta, bhikkhunā gosiṅgasālavanaṁ sobheyyā’ti?\nEvaṁ vutte, bhante, āyasmā sāriputto maṁ etadavoca:\n‘idhāvuso moggallāna, bhikkhu cittaṁ vasaṁ vatteti no ca bhikkhu cittassa vasena vattati.\nSo yāya vihārasamāpattiyā ākaṅkhati pubbaṇhasamayaṁ viharituṁ, tāya vihārasamāpattiyā pubbaṇhasamayaṁ viharati;\nyāya vihārasamāpattiyā ākaṅkhati majjhanhikasamayaṁ viharituṁ, tāya vihārasamāpattiyā majjhanhikasamayaṁ viharati;\nyāya vihārasamāpattiyā ākaṅkhati sāyanhasamayaṁ viharituṁ, tāya vihārasamāpattiyā sāyanhasamayaṁ viharati.\nSeyyathāpi, āvuso moggallāna, rañño vā rājamahāmattassa vā nānārattānaṁ dussānaṁ dussakaraṇḍako pūro assa.\nSo yaññadeva dussayugaṁ ākaṅkheyya pubbaṇhasamayaṁ pārupituṁ, taṁ tadeva dussayugaṁ pubbaṇhasamayaṁ pārupeyya;\nyaññadeva dussayugaṁ ākaṅkheyya majjhanhikasamayaṁ pārupituṁ, taṁ tadeva dussayugaṁ majjhanhikasamayaṁ pārupeyya;\nyaññadeva dussayugaṁ ākaṅkheyya sāyanhasamayaṁ pārupituṁ, taṁ tadeva dussayugaṁ sāyanhasamayaṁ pārupeyya.\nEvameva kho, āvuso moggallāna, bhikkhu cittaṁ vasaṁ vatteti, no ca bhikkhu cittassa vasena vattati.\nSo yāya vihārasamāpattiyā ākaṅkhati pubbaṇhasamayaṁ viharituṁ, tāya vihārasamāpattiyā pubbaṇhasamayaṁ viharati;\nyāya vihārasamāpattiyā ākaṅkhati majjhanhikasamayaṁ viharituṁ, tāya vihārasamāpattiyā majjhanhikasamayaṁ viharati;\nyāya vihārasamāpattiyā ākaṅkhati sāyanhasamayaṁ viharituṁ, tāya vihārasamāpattiyā sāyanhasamayaṁ viharati.\nEvarūpena kho, āvuso moggallāna, bhikkhunā gosiṅgasālavanaṁ sobheyyā’”ti.\n“Sādhu sādhu, moggallāna.\nYathā taṁ sāriputtova sammā byākaramāno byākareyya.\nSāriputto hi, moggallāna, cittaṁ vasaṁ vatteti no ca sāriputto cittassa vasena vattati.\nSo yāya vihārasamāpattiyā ākaṅkhati pubbaṇhasamayaṁ viharituṁ, tāya vihārasamāpattiyā pubbaṇhasamayaṁ viharati;\nyāya vihārasamāpattiyā ākaṅkhati majjhanhikasamayaṁ viharituṁ, tāya vihārasamāpattiyā majjhanhikasamayaṁ viharati;\nyāya vihārasamāpattiyā ākaṅkhati sāyanhasamayaṁ viharituṁ, tāya vihārasamāpattiyā sāyanhasamayaṁ viharatī”ti.","en":"When he had spoken, Moggallāna said to the Buddha,\n“Next, I asked Sāriputta:\n‘Each of us has spoken according to our own inspiration.\nAnd now we ask you:\nReverend Sāriputta, the sal forest park at Gosiṅga is lovely, the night is bright, the sal trees are in full blossom, and heavenly scents seem to float on the air.\nWhat kind of mendicant would grace this park?’\nWhen I had spoken, Sāriputta said to me:\n‘Reverend Moggallāna, it’s when a mendicant masters their mind and is not mastered by it …\nThat’s the kind of mendicant who would grace this park.’”\n“Good, good, Moggallāna!\nSāriputta answered in the right way for him.\nFor Sāriputta masters his mind and is not mastered by it …”"}},{"id":"mn32:17","sourceIds":["mn32:17.1","mn32:17.2","mn32:17.3","mn32:17.4","mn32:17.5","mn32:17.6","mn32:17.7","mn32:17.8","mn32:17.9","mn32:17.10"],"kind":"text","text":{"pi":"Evaṁ vutte, āyasmā sāriputto bhagavantaṁ etadavoca:\n“kassa nu kho, bhante, subhāsitan”ti?\n“Sabbesaṁ vo, sāriputta, subhāsitaṁ pariyāyena.\nApi ca mamapi suṇātha yathārūpena bhikkhunā gosiṅgasālavanaṁ sobheyya.\nIdha, sāriputta, bhikkhu pacchābhattaṁ piṇḍapātapaṭikkanto nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā:\n‘na tāvāhaṁ imaṁ pallaṅkaṁ bhindissāmi yāva me nānupādāya āsavehi cittaṁ vimuccissatī’ti.\nEvarūpena kho, sāriputta, bhikkhunā gosiṅgasālavanaṁ sobheyyā”ti.\nIdamavoca bhagavā.\nAttamanā te āyasmanto bhagavato bhāsitaṁ abhinandunti.\nMahāgosiṅgasuttaṁ niṭṭhitaṁ dutiyaṁ.","en":"When he had spoken, Sāriputta asked the Buddha,\n“Sir, who has spoken well?”\n“You’ve all spoken well in your own way.\nHowever, listen to me also as to what kind of mendicant would grace this sal forest park at Gosiṅga.\nIt’s a mendicant who, after the meal, returns from almsround, sits down cross-legged, sets their body straight, and brings mindfulness to the present, thinking:\n‘I will not break this sitting posture until my mind is freed from the defilements by not grasping!’\nThat’s the kind of mendicant who would grace this park.”\nThat is what the Buddha said.\nSatisfied, those venerables approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn32/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}