{"id":"mn37","title":"The Shorter Discourse on the Ending of Craving","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn37","title":"The Shorter Discourse on the Ending of Craving","units":[{"id":"mn37:0","sourceIds":["mn37:0.1","mn37:0.2"],"kind":"text","text":{"pi":"Majjhima Nikāya 37\nCūḷataṇhāsaṅkhayasutta","en":"Middle Discourses 37\nThe Shorter Discourse on the Ending of Craving"}},{"id":"mn37:1","sourceIds":["mn37:1.1","mn37:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati pubbārāme migāramātupāsāde.","en":"So I have heard.\nAt one time the Buddha was staying near Sāvatthī in the stilt longhouse of Migāra’s mother in the Eastern Monastery."}},{"id":"mn37:2","sourceIds":["mn37:2.1","mn37:2.2"],"kind":"text","text":{"pi":"Atha kho sakko devānamindo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho sakko devānamindo bhagavantaṁ etadavoca:\n“kittāvatā nu kho, bhante, bhikkhu saṅkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussānan”ti?","en":"And then Sakka, lord of gods, went up to the Buddha, bowed, stood to one side, and said to him:\n“Sir, how do you briefly define a mendicant who is freed through the ending of craving, who has reached the ultimate end, the ultimate sanctuary from the yoke, the ultimate spiritual life, the ultimate goal, and is best among gods and humans?”"}},{"id":"mn37:3","sourceIds":["mn37:3.1","mn37:3.2","mn37:3.3","mn37:3.4","mn37:3.5","mn37:3.6","mn37:3.7","mn37:3.8","mn37:3.9","mn37:3.10"],"kind":"text","text":{"pi":"“Idha, devānaminda, bhikkhuno sutaṁ hoti:\n‘sabbe dhammā nālaṁ abhinivesāyā’ti.\nEvañcetaṁ, devānaminda, bhikkhuno sutaṁ hoti:\n‘sabbe dhammā nālaṁ abhinivesāyā’ti.\nSo sabbaṁ dhammaṁ abhijānāti; sabbaṁ dhammaṁ abhiññāya sabbaṁ dhammaṁ parijānāti; sabbaṁ dhammaṁ pariññāya yaṁ kiñci vedanaṁ vedeti—\nsukhaṁ vā dukkhaṁ vā adukkhamasukhaṁ vā, so tāsu vedanāsu aniccānupassī viharati, virāgānupassī viharati, nirodhānupassī viharati, paṭinissaggānupassī viharati.\nSo tāsu vedanāsu aniccānupassī viharanto, virāgānupassī viharanto, nirodhānupassī viharanto, paṭinissaggānupassī viharanto na kiñci loke upādiyati.\nAnupādiyaṁ na paritassati, aparitassaṁ paccattaññeva parinibbāyati:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.\nEttāvatā kho, devānaminda, bhikkhu saṅkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussānan”ti.","en":"“Lord of gods, take a mendicant who has heard:\n‘Nothing is worth insisting on.’\nWhen a mendicant has heard that\nnothing is worth insisting on,\nthey directly know all things. Directly knowing all things, they completely understand all things. Completely understanding all things, when they experience any kind of feeling—pleasant, unpleasant, or neutral—\nthey meditate observing impermanence, dispassion, cessation, and letting go in those feelings.\nMeditating in this way, they don’t grasp at anything in the world.\nNot grasping, they’re not anxious. Not being anxious, they personally become extinguished.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’\nThat’s how I briefly define a mendicant who is freed through the ending of craving, who has reached the ultimate end, the ultimate sanctuary from the yoke, the ultimate spiritual life, the ultimate goal, and is best among gods and humans.”"}},{"id":"mn37:4","sourceIds":["mn37:4.1"],"kind":"text","text":{"pi":"Atha kho sakko devānamindo bhagavato bhāsitaṁ abhinanditvā anumoditvā bhagavantaṁ abhivādetvā padakkhiṇaṁ katvā tatthevantaradhāyi.","en":"Then Sakka, lord of gods, having approved and agreed with what the Buddha said, bowed and respectfully circled the Buddha, keeping him on his right, before vanishing right there."}},{"id":"mn37:5","sourceIds":["mn37:5.1","mn37:5.2","mn37:5.3","mn37:5.4","mn37:5.5"],"kind":"text","text":{"pi":"Tena kho pana samayena āyasmā mahāmoggallāno bhagavato avidūre nisinno hoti.\nAtha kho āyasmato mahāmoggallānassa etadahosi:\n“kiṁ nu kho so yakkho bhagavato bhāsitaṁ abhisamecca anumodi udāhu no;\nyannūnāhaṁ taṁ yakkhaṁ jāneyyaṁ—\nyadi vā so yakkho bhagavato bhāsitaṁ abhisamecca anumodi yadi vā no”ti?","en":"Now at that time Venerable Mahāmoggallāna was sitting not far from the Buddha.\nHe thought,\n“Did that spirit comprehend what the Buddha said when he agreed with him, or not?\nWhy don’t I find out?”"}},{"id":"mn37:6","sourceIds":["mn37:6.1"],"kind":"text","text":{"pi":"Atha kho āyasmā mahāmoggallāno—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—pubbārāme migāramātupāsāde antarahito devesu tāvatiṁsesu pāturahosi.","en":"And then Venerable Mahāmoggallāna, as easily as a strong person would extend or contract their arm, vanished from the Eastern Monastery and reappeared among the gods of the thirty-three."}},{"id":"mn37:7","sourceIds":["mn37:7.1","mn37:7.2","mn37:7.3","mn37:7.4","mn37:7.5","mn37:7.6","mn37:7.7","mn37:7.8","mn37:7.9"],"kind":"text","text":{"pi":"Tena kho pana samayena sakko devānamindo ekapuṇḍarīke uyyāne dibbehi pañcahi tūriyasatehi samappito samaṅgībhūto paricāreti.\nAddasā kho sakko devānamindo āyasmantaṁ mahāmoggallānaṁ dūratova āgacchantaṁ.\nDisvāna tāni dibbāni pañca tūriyasatāni paṭippaṇāmetvā yenāyasmā mahāmoggallāno tenupasaṅkami; upasaṅkamitvā āyasmantaṁ mahāmoggallānaṁ etadavoca:\n“ehi kho, mārisa moggallāna, svāgataṁ, mārisa moggallāna.\nCirassaṁ kho, mārisa moggallāna, imaṁ pariyāyaṁ akāsi yadidaṁ idhāgamanāya.\nNisīda, mārisa moggallāna, idamāsanaṁ paññattan”ti.\nNisīdi kho āyasmā mahāmoggallāno paññatte āsane.\nSakkopi kho devānamindo aññataraṁ nīcaṁ āsanaṁ gahetvā ekamantaṁ nisīdi.\nEkamantaṁ nisinnaṁ kho sakkaṁ devānamindaṁ āyasmā mahāmoggallāno etadavoca:","en":"Now at that time Sakka was amusing himself in the Single Lotus Park, supplied and provided with a heavenly orchestra.\nSeeing Mahāmoggallāna coming off in the distance,\nhe waved off the orchestra, approached Mahāmoggallāna, and said,\n“Come, my good fellow Moggallāna! Welcome, my good fellow!\nIt’s been a long time since you took the opportunity to come here.\nSit, my good Moggallāna, here, a seat is ready.”\nMahāmoggallāna sat down on the seat spread out,\nwhile Sakka took a low seat and sat to one side.\nMahāmoggallāna said to him,"}},{"id":"mn37:8","sourceIds":["mn37:8.1","mn37:8.2","mn37:8.3","mn37:8.4","mn37:8.5","mn37:8.6","mn37:8.7","mn37:8.8","mn37:8.9","mn37:8.10","mn37:8.11","mn37:8.12","mn37:8.13","mn37:8.14"],"kind":"text","text":{"pi":"“yathā kathaṁ pana kho, kosiya, bhagavā saṅkhittena taṇhāsaṅkhayavimuttiṁ abhāsi?\nSādhu mayampi etissā kathāya bhāgino assāma savanāyā”ti.\n“Mayaṁ kho, mārisa moggallāna, bahukiccā bahukaraṇīyā—\nappeva sakena karaṇīyena, api ca devānaṁyeva tāvatiṁsānaṁ karaṇīyena.\nApi ca, mārisa moggallāna, sussutaṁyeva hoti suggahitaṁ sumanasikataṁ sūpadhāritaṁ, yaṁ no khippameva antaradhāyati.\nBhūtapubbaṁ, mārisa moggallāna, devāsurasaṅgāmo samupabyūḷho ahosi.\nTasmiṁ kho pana, mārisa moggallāna, saṅgāme devā jiniṁsu, asurā parājiniṁsu.\nSo kho ahaṁ, mārisa moggallāna, taṁ saṅgāmaṁ abhivijinitvā vijitasaṅgāmo tato paṭinivattitvā vejayantaṁ nāma pāsādaṁ māpesiṁ.\nVejayantassa kho, mārisa moggallāna, pāsādassa ekasataṁ niyyūhaṁ.\nEkekasmiṁ niyyūhe satta satta kūṭāgārasatāni.\nEkamekasmiṁ kūṭāgāre satta satta accharāyo.\nEkamekissā accharāya satta satta paricārikāyo.\nIccheyyāsi no tvaṁ, mārisa moggallāna, vejayantassa pāsādassa rāmaṇeyyakaṁ daṭṭhun”ti?\nAdhivāsesi kho āyasmā mahāmoggallāno tuṇhībhāvena.","en":"“Kosiya, how did the Buddha briefly explain freedom through the ending of craving?\nPlease share this talk with me so that I can also get to hear it.”\n“My good Moggallāna, I have many duties, and much to do,\nnot only for myself, but also for the gods of the thirty-three.\nStill, what is properly heard, learned, attended, and memorized does not vanish all of a sudden.\nOnce upon a time, a battle was fought between the gods and the titans.\nIn that battle the gods won and the titans lost.\nWhen I returned from that battle as a conqueror, I created the Palace of Victory.\nThe Palace of Victory has a hundred towers.\nEach tower has seven hundred chambers.\nEach chamber has seven nymphs.\nEach nymph has seven maids.\nWould you like to see the lovely Palace of Victory?”\nMahāmoggallāna consented with silence."}},{"id":"mn37:9","sourceIds":["mn37:9.1","mn37:9.2","mn37:9.3"],"kind":"text","text":{"pi":"Atha kho sakko ca devānamindo vessavaṇo ca mahārājā āyasmantaṁ mahāmoggallānaṁ purakkhatvā yena vejayanto pāsādo tenupasaṅkamiṁsu.\nAddasaṁsu kho sakkassa devānamindassa paricārikāyo āyasmantaṁ mahāmoggallānaṁ dūratova āgacchantaṁ;\ndisvā ottappamānā hirīyamānā sakaṁ sakaṁ ovarakaṁ pavisiṁsu.","en":"Then, putting Venerable Mahāmoggallāna in front, Sakka, lord of gods, and Vessavaṇa, the Great King, went to the Palace of Victory.\nWhen they saw Moggallāna coming off in the distance, Sakka’s maids,\nbeing discreet and prudent, each went to her own bedroom."}},{"id":"mn37:10","sourceIds":["mn37:10.1","mn37:10.2","mn37:10.3","mn37:10.4","mn37:10.5","mn37:10.6","mn37:10.7","mn37:10.8","mn37:10.9"],"kind":"text","text":{"pi":"Seyyathāpi nāma suṇisā sasuraṁ disvā ottappati hirīyati;\nevameva sakkassa devānamindassa paricārikāyo āyasmantaṁ mahāmoggallānaṁ disvā ottappamānā hirīyamānā sakaṁ sakaṁ ovarakaṁ pavisiṁsu.\nAtha kho sakko ca devānamindo vessavaṇo ca mahārājā āyasmantaṁ mahāmoggallānaṁ vejayante pāsāde anucaṅkamāpenti anuvicarāpenti:\n“idampi, mārisa moggallāna, passa vejayantassa pāsādassa rāmaṇeyyakaṁ;\nidampi, mārisa moggallāna, passa vejayantassa pāsādassa rāmaṇeyyakan”ti.\n“Sobhati idaṁ āyasmato kosiyassa, yathā taṁ pubbe katapuññassa.\nManussāpi kiñcideva rāmaṇeyyakaṁ disvā evamāhaṁsu:\n‘sobhati vata bho yathā devānaṁ tāvatiṁsānan’ti.\nTayidaṁ āyasmato kosiyassa sobhati, yathā taṁ pubbe katapuññassā”ti.","en":"They were just like a daughter-in-law who is discreet and prudent when they see their father-in-law.\nThen Sakka and Vessavaṇa encouraged Moggallāna to wander and explore the palace, saying,\n“See, in the palace, my good Moggallāna, this lovely thing!\nAnd that lovely thing!”\n“That looks beautiful for the venerable Kosiya, as befits one who has made merit in the past.\nHumans, when they see something lovely, also say:\n‘It looks beautiful enough for the gods of the thirty-three!’\nThat looks beautiful for the venerable Kosiya, as befits one who has made merit in the past.”"}},{"id":"mn37:11","sourceIds":["mn37:11.1","mn37:11.2","mn37:11.3","mn37:11.4","mn37:11.5","mn37:11.6","mn37:11.7"],"kind":"text","text":{"pi":"Atha kho āyasmato mahāmoggallānassa etadahosi:\n“atibāḷhaṁ kho ayaṁ yakkho pamatto viharati.\nYannūnāhaṁ imaṁ yakkhaṁ saṁvejeyyan”ti.\nAtha kho āyasmā mahāmoggallāno tathārūpaṁ iddhābhisaṅkhāraṁ abhisaṅkhāsi yathā vejayantaṁ pāsādaṁ pādaṅguṭṭhakena saṅkampesi sampakampesi sampavedhesi.\nAtha kho sakko ca devānamindo, vessavaṇo ca mahārājā, devā ca tāvatiṁsā acchariyabbhutacittajātā ahesuṁ:\n“acchariyaṁ vata, bho, abbhutaṁ vata, bho.\nSamaṇassa mahiddhikatā mahānubhāvatā, yatra hi nāma dibbabhavanaṁ pādaṅguṭṭhakena saṅkampessati sampakampessati sampavedhessatī”ti.","en":"Then Moggallāna thought,\n“This spirit lives much too negligently.\nWhy don’t I stir up a sense of urgency in him?”\nThen Moggallāna used his psychic power to make the Palace of Victory shake and rock and tremble with his big toe.\nThen Sakka, Vessavaṇa, and the gods of the thirty-three, their minds full of wonder and amazement, thought,\n“Oh lord, how incredible, how amazing!\nThe ascetic has such power and might that he makes the god’s home shake and rock and tremble with his big toe!”"}},{"id":"mn37:12","sourceIds":["mn37:12.1","mn37:12.2","mn37:12.3","mn37:12.4","mn37:12.5"],"kind":"text","text":{"pi":"Atha kho āyasmā mahāmoggallāno sakkaṁ devānamindaṁ saṁviggaṁ lomahaṭṭhajātaṁ viditvā sakkaṁ devānamindaṁ etadavoca:\n“yathā kathaṁ pana kho, kosiya, bhagavā saṅkhittena taṇhāsaṅkhayavimuttiṁ abhāsi?\nSādhu mayampi etissā kathāya bhāgino assāma savanāyā”ti.\n“Idhāhaṁ, mārisa moggallāna, yena bhagavā tenupasaṅkamiṁ; upasaṅkamitvā bhagavantaṁ abhivādetvā ekamantaṁ aṭṭhāsiṁ. Ekamantaṁ ṭhito kho ahaṁ, mārisa moggallāna, bhagavantaṁ etadavocaṁ:\n‘kittāvatā nu kho, bhante, bhikkhu saṅkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussānan’ti?","en":"Knowing that Sakka was shocked and awestruck, Moggallāna said to him,\n“Kosiya, how did the Buddha briefly explain freedom through the ending of craving?\nPlease share this talk with me so that I can also get to hear it.”\n“My good fellow Moggallāna, I approached the Buddha, bowed, stood to one side, and said to him,\n‘Sir, how do you briefly define a mendicant who is freed with the ending of craving, who has reached the ultimate end, the ultimate sanctuary from the yoke, the ultimate spiritual life, the ultimate goal, and is best among gods and humans?’"}},{"id":"mn37:13","sourceIds":["mn37:13.1","mn37:13.2","mn37:13.3","mn37:13.4","mn37:13.5","mn37:13.6","mn37:13.7","mn37:13.8","mn37:13.9","mn37:13.10","mn37:13.11","mn37:13.12"],"kind":"text","text":{"pi":"Evaṁ vutte, mārisa moggallāna, bhagavā maṁ etadavoca:\n‘idha, devānaminda, bhikkhuno sutaṁ hoti:\n“sabbe dhammā nālaṁ abhinivesāyā”ti.\nEvañcetaṁ, devānaminda, bhikkhuno sutaṁ hoti\n“sabbe dhammā nālaṁ abhinivesāyā”ti.\nSo sabbaṁ dhammaṁ abhijānāti, sabbaṁ dhammaṁ abhiññāya sabbaṁ dhammaṁ parijānāti, sabbaṁ dhammaṁ pariññāya yaṁ kiñci vedanaṁ vedeti sukhaṁ vā dukkhaṁ vā adukkhamasukhaṁ vā.\nSo tāsu vedanāsu aniccānupassī viharati, virāgānupassī viharati, nirodhānupassī viharati, paṭinissaggānupassī viharati.\nSo tāsu vedanāsu aniccānupassī viharanto, virāgānupassī viharanto, nirodhānupassī viharanto, paṭinissaggānupassī viharanto na kiñci loke upādiyati,\nanupādiyaṁ na paritassati, aparitassaṁ paccattaññeva parinibbāyati:\n“khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti pajānāti.\nEttāvatā kho, devānaminda, bhikkhu saṅkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussānan’ti.\nEvaṁ kho me, mārisa moggallāna, bhagavā saṅkhittena taṇhāsaṅkhayavimuttiṁ abhāsī”ti.","en":"When I had spoken the Buddha said to me:\n‘Lord of gods, it’s when a mendicant has heard:\n“Nothing is worth insisting on.”\nWhen a mendicant has heard that\nnothing is worth insisting on,\nthey directly know all things. Directly knowing all things, they completely understand all things. Having completely understood all things, when they experience any kind of feeling—pleasant, unpleasant, or neutral—\nthey meditate observing impermanence, dispassion, cessation, and letting go in those feelings.\nMeditating in this way, they don’t grasp at anything in the world.\nNot grasping, they’re not anxious. Not being anxious, they personally become extinguished.\nThey understand: “Rebirth is ended, the spiritual journey has been completed, what had to be done has been done, there is nothing further for this place.”\nThat’s how I briefly define a mendicant who is freed through the ending of craving, who has reached the ultimate end, the ultimate sanctuary from the yoke, the ultimate spiritual life, the ultimate goal, and is best among gods and humans.’\nThat’s how the Buddha briefly explained freedom through the ending of craving to me.”"}},{"id":"mn37:14","sourceIds":["mn37:14.1","mn37:14.2","mn37:14.3","mn37:14.4","mn37:14.5","mn37:14.6","mn37:14.7","mn37:14.8"],"kind":"text","text":{"pi":"Atha kho āyasmā mahāmoggallāno sakkassa devānamindassa bhāsitaṁ abhinanditvā anumoditvā—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—devesu tāvatiṁsesu antarahito pubbārāme migāramātupāsāde pāturahosi.\nAtha kho sakkassa devānamindassa paricārikāyo acirapakkante āyasmante mahāmoggallāne sakkaṁ devānamindaṁ etadavocuṁ:\n“eso nu te, mārisa, so bhagavā satthā”ti?\n“Na kho me, mārisa, so bhagavā satthā.\nSabrahmacārī me eso āyasmā mahāmoggallāno”ti.\n“Lābhā te, mārisa, suladdhaṁ te, mārisa\nyassa te sabrahmacārī evaṁmahiddhiko evaṁmahānubhāvo.\nAho nūna te so bhagavā satthā”ti.","en":"Moggallāna approved and agreed with what Sakka said. As easily as a strong person would extend or contract their arm, he vanished from among the gods of the thirty-three and reappeared in the Eastern Monastery.\nSoon after Moggallāna left, Sakka’s maids said to him,\n“Good fellow, was that the Blessed One, your Teacher?”\n“No, it was not.\nThat was my spiritual companion Venerable Mahāmoggallāna.”\n“You’re fortunate, good fellow, so very fortunate,\nto have a spiritual companion of such power and might!\nWe can’t believe that’s not the Blessed One, your Teacher!”"}},{"id":"mn37:15","sourceIds":["mn37:15.1","mn37:15.2","mn37:15.3","mn37:15.4","mn37:15.5","mn37:15.6","mn37:15.7","mn37:15.8","mn37:15.9","mn37:15.10","mn37:15.11","mn37:15.12","mn37:15.13","mn37:15.14","mn37:15.15","mn37:15.16","mn37:15.17","mn37:15.18","mn37:15.19","mn37:15.20"],"kind":"text","text":{"pi":"Atha kho āyasmā mahāmoggallāno yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā mahāmoggallāno bhagavantaṁ etadavoca:\n“abhijānāti no, bhante, bhagavā ahu ñātaññatarassa mahesakkhassa yakkhassa saṅkhittena taṇhāsaṅkhayavimuttiṁ bhāsitā”ti?\n“Abhijānāmahaṁ, moggallāna, idha sakko devānamindo yenāhaṁ tenupasaṅkami; upasaṅkamitvā maṁ abhivādetvā ekamantaṁ aṭṭhāsi. Ekamantaṁ ṭhito kho, moggallāna, sakko devānamindo maṁ etadavoca:\n‘kittāvatā nu kho, bhante, bhikkhu saṅkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussānan’ti.\nEvaṁ vutte, ahaṁ, moggallāna, sakkaṁ devānamindaṁ etadavocaṁ\n‘idha devānaminda, bhikkhuno sutaṁ hoti\n“sabbe dhammā nālaṁ abhinivesāyā”ti.\nEvaṁ cetaṁ, devānaminda, bhikkhuno sutaṁ hoti\n“sabbe dhammā nālaṁ abhinivesāyā”ti.\nSo sabbaṁ dhammaṁ abhijānāti, sabbaṁ dhammaṁ abhiññāya sabbaṁ dhammaṁ parijānāti, sabbaṁ dhammaṁ pariññāya yaṁ kiñci vedanaṁ vedeti sukhaṁ vā dukkhaṁ vā adukkhamasukhaṁ vā.\nSo tāsu vedanāsu aniccānupassī viharati, virāgānupassī viharati, nirodhānupassī viharati, paṭinissaggānupassī viharati.\nSo tāsu vedanāsu aniccānupassī viharanto, virāgānupassī viharanto, nirodhānupassī viharanto,\npaṭinissaggānupassī viharanto na kiñci loke upādiyati,\nanupādiyaṁ na paritassati, aparitassaṁ paccattaññeva parinibbāyati:\n“khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti pajānāti.\nEttāvatā kho, devānaminda, bhikkhu saṅkhittena taṇhāsaṅkhayavimutto hoti accantaniṭṭho accantayogakkhemī accantabrahmacārī accantapariyosāno seṭṭho devamanussānan’ti.\nEvaṁ kho ahaṁ, moggallāna, abhijānāmi sakkassa devānamindassa saṅkhittena taṇhāsaṅkhayavimuttiṁ bhāsitā”ti.\nIdamavoca bhagavā.\nAttamano āyasmā mahāmoggallāno bhagavato bhāsitaṁ abhinandīti.\nCūḷataṇhāsaṅkhayasuttaṁ niṭṭhitaṁ sattamaṁ.","en":"Then Mahāmoggallāna went up to the Buddha, bowed, sat down to one side, and said to him,\n“Sir, do you recall briefly explaining freedom through the ending of craving to a certain well-known and illustrious spirit?”\n“I do, Moggallāna.” And the Buddha retold all that happened when Sakka came to visit him, adding:\n“That’s how I recall briefly explaining freedom through the ending of craving to Sakka, lord of gods.”\nThat is what the Buddha said.\nSatisfied, Venerable Mahāmoggallāna approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn37/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}