{"id":"mn46","title":"The Great Discourse on Taking Up Practices","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn46","title":"The Great Discourse on Taking Up Practices","units":[{"id":"mn46:0","sourceIds":["mn46:0.1","mn46:0.2"],"kind":"text","text":{"pi":"Majjhima Nikāya 46\nMahādhammasamādānasutta","en":"Middle Discourses 46\nThe Great Discourse on Taking Up Practices"}},{"id":"mn46:1","sourceIds":["mn46:1.1","mn46:1.2","mn46:1.3","mn46:1.4","mn46:1.5","mn46:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn46:2","sourceIds":["mn46:2.1","mn46:2.2","mn46:2.3","mn46:2.4","mn46:2.5","mn46:2.6","mn46:2.7","mn46:2.8"],"kind":"text","text":{"pi":"“yebhuyyena, bhikkhave, sattā evaṅkāmā evaṁchandā evaṁadhippāyā:\n‘aho vata aniṭṭhā akantā amanāpā dhammā parihāyeyyuṁ, iṭṭhā kantā manāpā dhammā abhivaḍḍheyyun’ti.\nTesaṁ, bhikkhave, sattānaṁ evaṅkāmānaṁ evaṁchandānaṁ evaṁadhippāyānaṁ aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti.\nTatra tumhe, bhikkhave, kaṁ hetuṁ paccethā”ti?\n“Bhagavaṁmūlakā no, bhante, dhammā, bhagavaṁnettikā, bhagavaṁpaṭisaraṇā. Sādhu vata, bhante, bhagavantaññeva paṭibhātu etassa bhāsitassa attho; bhagavato sutvā bhikkhū dhāressantī”ti.\n“Tena hi, bhikkhave, suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"“Mendicants, sentient beings typically have the wish, desire, and hope:\n‘Oh, if only unlikable, undesirable, and disagreeable things would decrease, and likable, desirable, and agreeable things would increase!’\nBut exactly the opposite happens to them.\nWhat do you take to be the reason for this?”\n“Our teachings are rooted in the Buddha. He is our guide and our refuge. Sir, may the Buddha himself please clarify the meaning of this. The mendicants will listen and remember it.”\n“Well then, mendicants, listen and apply your mind well, I will speak.”\n“Yes, sir,” they replied.\nThe Buddha said this:"}},{"id":"mn46:3","sourceIds":["mn46:3.1","mn46:3.2","mn46:3.3","mn46:3.4","mn46:3.5","mn46:3.6"],"kind":"text","text":{"pi":"“Idha, bhikkhave, assutavā puthujjano, ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto,\nsevitabbe dhamme na jānāti asevitabbe dhamme na jānāti, bhajitabbe dhamme na jānāti abhajitabbe dhamme na jānāti.\nSo sevitabbe dhamme ajānanto asevitabbe dhamme ajānanto, bhajitabbe dhamme ajānanto abhajitabbe dhamme ajānanto, asevitabbe dhamme sevati sevitabbe dhamme na sevati, abhajitabbe dhamme bhajati bhajitabbe dhamme na bhajati.\nTassa asevitabbe dhamme sevato sevitabbe dhamme asevato, abhajitabbe dhamme bhajato bhajitabbe dhamme abhajato aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti.\nTaṁ kissa hetu?\nEvañhetaṁ, bhikkhave, hoti yathā taṁ aviddasuno.","en":"“Take an unlearned ordinary person who has not seen the noble ones, and is neither skilled nor trained in the teaching of the noble ones. They’ve not seen true persons, and are neither skilled nor trained in the teaching of the true persons.\nThey don’t know what practices they should cultivate and foster, and what practices they shouldn’t cultivate and foster.\nSo they cultivate and foster practices they shouldn’t, and don’t cultivate and foster practices they should.\nWhen they do so, unlikable, undesirable, and disagreeable things increase, and likable, desirable, and agreeable things decrease.\nWhy is that?\nBecause that’s what it’s like for the ignorant."}},{"id":"mn46:4","sourceIds":["mn46:4.1","mn46:4.2","mn46:4.3","mn46:4.4","mn46:4.5","mn46:4.6"],"kind":"text","text":{"pi":"Sutavā ca kho, bhikkhave, ariyasāvako, ariyānaṁ dassāvī ariyadhammassa kovido ariyadhamme suvinīto, sappurisānaṁ dassāvī sappurisadhammassa kovido sappurisadhamme suvinīto,\nsevitabbe dhamme jānāti asevitabbe dhamme jānāti, bhajitabbe dhamme jānāti abhajitabbe dhamme jānāti.\nSo sevitabbe dhamme jānanto asevitabbe dhamme jānanto, bhajitabbe dhamme jānanto abhajitabbe dhamme jānanto, asevitabbe dhamme na sevati sevitabbe dhamme sevati, abhajitabbe dhamme na bhajati bhajitabbe dhamme bhajati.\nTassa asevitabbe dhamme asevato sevitabbe dhamme sevato, abhajitabbe dhamme abhajato bhajitabbe dhamme bhajato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti.\nTaṁ kissa hetu?\nEvañhetaṁ, bhikkhave, hoti yathā taṁ viddasuno.","en":"But a learned noble disciple has seen the noble ones, and is skilled and trained in the teaching of the noble ones. They’ve seen true persons, and are skilled and trained in the teaching of the true persons.\nThey know what practices they should cultivate and foster, and what practices they shouldn’t cultivate and foster.\nSo they cultivate and foster practices they should, and don’t cultivate and foster practices they shouldn’t.\nWhen they do so, unlikable, undesirable, and disagreeable things decrease, and likable, desirable, and agreeable things increase.\nWhy is that?\nBecause that’s what it’s like for the knowledgable."}},{"id":"mn46:5","sourceIds":["mn46:5.1","mn46:5.2","mn46:5.3","mn46:5.4","mn46:5.5","mn46:5.6"],"kind":"text","text":{"pi":"Cattārimāni, bhikkhave, dhammasamādānāni.\nKatamāni cattāri?\nAtthi, bhikkhave, dhammasamādānaṁ paccuppannadukkhañceva āyatiñca dukkhavipākaṁ;\natthi, bhikkhave, dhammasamādānaṁ paccuppannasukhaṁ āyatiṁ dukkhavipākaṁ;\natthi, bhikkhave, dhammasamādānaṁ paccuppannadukkhaṁ āyatiṁ sukhavipākaṁ;\natthi, bhikkhave, dhammasamādānaṁ paccuppannasukhañceva āyatiñca sukhavipākaṁ.","en":"Mendicants, there are these four ways of taking up practices.\nWhat four?\nThere is a way of taking up practices that is painful now and results in future pain.\nThere is a way of taking up practices that is pleasant now but results in future pain.\nThere is a way of taking up practices that is painful now but results in future pleasure.\nThere is a way of taking up practices that is pleasant now and results in future pleasure."}},{"id":"mn46:6","sourceIds":["mn46:6.1","mn46:6.2","mn46:6.3","mn46:6.4","mn46:6.5","mn46:6.6"],"kind":"text","text":{"pi":"Tatra, bhikkhave, yamidaṁ dhammasamādānaṁ paccuppannadukkhañceva āyatiñca dukkhavipākaṁ, taṁ avidvā avijjāgato yathābhūtaṁ nappajānāti:\n‘idaṁ kho dhammasamādānaṁ paccuppannadukkhañceva āyatiñca dukkhavipākan’ti.\nTaṁ avidvā avijjāgato yathābhūtaṁ appajānanto taṁ sevati, taṁ na parivajjeti.\nTassa taṁ sevato, taṁ aparivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti.\nTaṁ kissa hetu?\nEvañhetaṁ, bhikkhave, hoti yathā taṁ aviddasuno.","en":"When it comes to the way of taking up practices that is painful now and results in future pain, an ignoramus, without knowing this, doesn’t truly understand:\n‘This is the way of taking up practices that is painful now and results in future pain.’\nSo instead of avoiding that practice, they cultivate it.\nWhen they do so, unlikable, undesirable, and disagreeable things increase, and likable, desirable, and agreeable things decrease.\nWhy is that?\nBecause that’s what it’s like for the ignorant."}},{"id":"mn46:7","sourceIds":["mn46:7.1","mn46:7.2","mn46:7.3","mn46:7.4","mn46:7.5","mn46:7.6"],"kind":"text","text":{"pi":"Tatra, bhikkhave, yamidaṁ dhammasamādānaṁ paccuppannasukhaṁ āyatiṁ dukkhavipākaṁ taṁ avidvā avijjāgato yathābhūtaṁ nappajānāti:\n‘idaṁ kho dhammasamādānaṁ paccuppannasukhaṁ āyatiṁ dukkhavipākan’ti.\nTaṁ avidvā avijjāgato yathābhūtaṁ appajānanto taṁ sevati, taṁ na parivajjeti.\nTassa taṁ sevato, taṁ aparivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti.\nTaṁ kissa hetu?\nEvañhetaṁ, bhikkhave, hoti yathā taṁ aviddasuno.","en":"When it comes to the way of taking up practices that is pleasant now and results in future pain, an ignoramus …\ncultivates it …\nand disagreeable things increase …"}},{"id":"mn46:8","sourceIds":["mn46:8.1","mn46:8.2","mn46:8.3","mn46:8.4","mn46:8.5","mn46:8.6"],"kind":"text","text":{"pi":"Tatra, bhikkhave, yamidaṁ dhammasamādānaṁ paccuppannadukkhaṁ āyatiṁ sukhavipākaṁ, taṁ avidvā avijjāgato yathābhūtaṁ nappajānāti:\n‘idaṁ kho dhammasamādānaṁ paccuppannadukkhaṁ āyatiṁ sukhavipākan’ti.\nTaṁ avidvā avijjāgato yathābhūtaṁ appajānanto taṁ na sevati, taṁ parivajjeti.\nTassa taṁ asevato, taṁ parivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti.\nTaṁ kissa hetu?\nEvañhetaṁ, bhikkhave, hoti yathā taṁ aviddasuno.","en":"When it comes to the way of taking up practices that is painful now and results in future pleasure, an ignoramus …\ndoesn’t cultivate it …\nand disagreeable things increase …"}},{"id":"mn46:9","sourceIds":["mn46:9.1","mn46:9.2","mn46:9.3","mn46:9.4","mn46:9.5","mn46:9.6"],"kind":"text","text":{"pi":"Tatra, bhikkhave, yamidaṁ dhammasamādānaṁ paccuppannasukhañceva āyatiñca sukhavipākaṁ, taṁ avidvā avijjāgato yathābhūtaṁ nappajānāti:\n‘idaṁ kho dhammasamādānaṁ paccuppannasukhañceva āyatiñca sukhavipākan’ti.\nTaṁ avidvā avijjāgato yathābhūtaṁ appajānanto taṁ na sevati, taṁ parivajjeti.\nTassa taṁ asevato, taṁ parivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti.\nTaṁ kissa hetu?\nEvañhetaṁ, bhikkhave, hoti yathā taṁ aviddasuno.","en":"When it comes to the way of taking up practices that is pleasant now and results in future pleasure, an ignoramus …\ndoesn’t cultivate it …\nand disagreeable things increase …\nWhy is that?\nBecause that’s what it’s like for the ignorant."}},{"id":"mn46:10","sourceIds":["mn46:10.1","mn46:10.2","mn46:10.3","mn46:10.4","mn46:10.5","mn46:10.6"],"kind":"text","text":{"pi":"Tatra, bhikkhave, yamidaṁ dhammasamādānaṁ paccuppannadukkhañceva āyatiñca dukkhavipākaṁ taṁ vidvā vijjāgato yathābhūtaṁ pajānāti:\n‘idaṁ kho dhammasamādānaṁ paccuppannadukkhañceva āyatiñca dukkhavipākan’ti.\nTaṁ vidvā vijjāgato yathābhūtaṁ pajānanto taṁ na sevati, taṁ parivajjeti.\nTassa taṁ asevato, taṁ parivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti.\nTaṁ kissa hetu?\nEvañhetaṁ, bhikkhave, hoti yathā taṁ viddasuno.","en":"When it comes to the way of taking up practices that is painful now and results in future pain, a wise person, knowing this, truly understands:\n‘This is the way of taking up practices that is painful now and results in future pain.’\nSo instead of cultivating that practice, they avoid it.\nWhen they do so, unlikable, undesirable, and disagreeable things decrease, and likable, desirable, and agreeable things increase.\nWhy is that?\nBecause that’s what it’s like for the knowledgable."}},{"id":"mn46:11","sourceIds":["mn46:11.1","mn46:11.2","mn46:11.3","mn46:11.4","mn46:11.5","mn46:11.6"],"kind":"text","text":{"pi":"Tatra, bhikkhave, yamidaṁ dhammasamādānaṁ paccuppannasukhaṁ āyatiṁ dukkhavipākaṁ taṁ vidvā vijjāgato yathābhūtaṁ pajānāti:\n‘idaṁ kho dhammasamādānaṁ paccuppannasukhaṁ āyatiṁ dukkhavipākan’ti.\nTaṁ vidvā vijjāgato yathābhūtaṁ pajānanto taṁ na sevati, taṁ parivajjeti.\nTassa taṁ asevato, taṁ parivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti.\nTaṁ kissa hetu?\nEvañhetaṁ, bhikkhave, hoti yathā taṁ viddasuno.","en":"When it comes to the way of taking up practices that is pleasant now and results in future pain, a wise person …\ndoesn’t cultivate it …\nand agreeable things increase …"}},{"id":"mn46:12","sourceIds":["mn46:12.1","mn46:12.2","mn46:12.3","mn46:12.4","mn46:12.5","mn46:12.6"],"kind":"text","text":{"pi":"Tatra, bhikkhave, yamidaṁ dhammasamādānaṁ paccuppannadukkhaṁ āyatiṁ sukhavipākaṁ taṁ vidvā vijjāgato yathābhūtaṁ pajānāti:\n‘idaṁ kho dhammasamādānaṁ paccuppannadukkhaṁ āyatiṁ sukhavipākan’ti.\nTaṁ vidvā vijjāgato yathābhūtaṁ pajānanto taṁ sevati, taṁ na parivajjeti.\nTassa taṁ sevato, taṁ aparivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti.\nTaṁ kissa hetu?\nEvañhetaṁ, bhikkhave, hoti yathā taṁ viddasuno.","en":"When it comes to the way of taking up practices that is painful now and results in future pleasure, a wise person …\ncultivates it …\nand agreeable things increase …"}},{"id":"mn46:13","sourceIds":["mn46:13.1","mn46:13.2","mn46:13.3","mn46:13.4","mn46:13.5","mn46:13.6"],"kind":"text","text":{"pi":"Tatra, bhikkhave, yamidaṁ dhammasamādānaṁ paccuppannasukhañceva āyatiñca sukhavipākaṁ taṁ vidvā vijjāgato yathābhūtaṁ pajānāti:\n‘idaṁ kho dhammasamādānaṁ paccuppannasukhañceva āyatiñca sukhavipākan’ti.\nTaṁ vidvā vijjāgato yathābhūtaṁ pajānanto taṁ sevati, taṁ na parivajjeti.\nTassa taṁ sevato, taṁ aparivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti.\nTaṁ kissa hetu?\nEvañhetaṁ, bhikkhave, hoti yathā taṁ viddasuno.","en":"When it comes to the way of taking up practices that is pleasant now and results in future pleasure, a wise person, knowing this, truly understands:\n‘This is the way of taking up practices that is pleasant now and results in future pleasure.’\nSo instead of avoiding that practice, they cultivate it.\nWhen they do so, unlikable, undesirable, and disagreeable things decrease, and likable, desirable, and agreeable things increase.\nWhy is that?\nBecause that’s what it’s like for the knowledgable."}},{"id":"mn46:14","sourceIds":["mn46:14.1","mn46:14.2","mn46:14.3","mn46:14.4","mn46:14.5","mn46:14.6","mn46:14.7","mn46:14.8","mn46:14.9","mn46:14.10","mn46:14.11","mn46:14.12","mn46:14.13"],"kind":"text","text":{"pi":"Katamañca, bhikkhave, dhammasamādānaṁ paccuppannadukkhañceva āyatiñca dukkhavipākaṁ?\nIdha, bhikkhave, ekacco sahāpi dukkhena sahāpi domanassena pāṇātipātī hoti, pāṇātipātapaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena adinnādāyī hoti, adinnādānapaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena kāmesu micchācārī hoti, kāmesu micchācārapaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena musāvādī hoti, musāvādapaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena pisuṇavāco hoti, pisuṇavācāpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena pharusavāco hoti, pharusavācāpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena samphappalāpī hoti, samphappalāpapaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena abhijjhālu hoti, abhijjhāpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena byāpannacitto hoti, byāpādapaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena micchādiṭṭhi hoti, micchādiṭṭhipaccayā ca dukkhaṁ domanassaṁ paṭisaṁvedeti.\nSo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nIdaṁ vuccati, bhikkhave, dhammasamādānaṁ paccuppannadukkhañceva āyatiñca dukkhavipākaṁ.","en":"And what is the way of taking up practices that is painful now and results in future pain?\nIt’s when someone in pain and sadness kills living creatures, steals, and commits sexual misconduct. They use speech that’s false, backbiting, harsh, or nonsensical. And they’re covetous, malicious, with wrong view. Because of these things they experience pain and sadness.\nAnd when their body breaks up, after death, they’re reborn in a place of loss, a bad place, the underworld, hell.\nThis is called the way of taking up practices that is painful now and results in future pain."}},{"id":"mn46:15","sourceIds":["mn46:15.1","mn46:15.2","mn46:15.3","mn46:15.4","mn46:15.5","mn46:15.6","mn46:15.7","mn46:15.8","mn46:15.9","mn46:15.10","mn46:15.11","mn46:15.12","mn46:15.13"],"kind":"text","text":{"pi":"Katamañca, bhikkhave, dhammasamādānaṁ paccuppannasukhaṁ āyatiṁ dukkhavipākaṁ?\nIdha, bhikkhave, ekacco sahāpi sukhena sahāpi somanassena pāṇātipātī hoti, pāṇātipātapaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena adinnādāyī hoti, adinnādānapaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena kāmesumicchācārī hoti, kāmesumicchācārapaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena musāvādī hoti, musāvādapaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena pisuṇavāco hoti, pisuṇavācāpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena pharusavāco hoti, pharusavācāpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena samphappalāpī hoti, samphappalāpapaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena abhijjhālu hoti, abhijjhāpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena byāpannacitto hoti, byāpādapaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena micchādiṭṭhi hoti, micchādiṭṭhipaccayā ca sukhaṁ somanassaṁ paṭisaṁvedeti.\nSo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nIdaṁ vuccati, bhikkhave, dhammasamādānaṁ paccuppannasukhaṁ āyatiṁ dukkhavipākaṁ.","en":"And what is the way of taking up practices that is pleasant now but results in future pain?\nIt’s when someone with pleasure and happiness kills living creatures, steals, and commits sexual misconduct. They use speech that’s false, backbiting, harsh, or nonsensical. And they’re covetous, malicious, with wrong view. Because of these things they experience pleasure and happiness.\nBut when their body breaks up, after death, they’re reborn in a place of loss, a bad place, the underworld, hell.\nThis is called the way of taking up practices that is pleasant now but results in future pain."}},{"id":"mn46:16","sourceIds":["mn46:16.1","mn46:16.2","mn46:16.3","mn46:16.4","mn46:16.5","mn46:16.6","mn46:16.7","mn46:16.8","mn46:16.9","mn46:16.10","mn46:16.11","mn46:16.12","mn46:16.13"],"kind":"text","text":{"pi":"Katamañca, bhikkhave, dhammasamādānaṁ paccuppannadukkhaṁ āyatiṁ sukhavipākaṁ?\nIdha, bhikkhave, ekacco sahāpi dukkhena sahāpi domanassena pāṇātipātā paṭivirato hoti, pāṇātipātā veramaṇīpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena adinnādānā paṭivirato hoti, adinnādānā veramaṇīpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena kāmesumicchācārā paṭivirato hoti, kāmesumicchācārā veramaṇīpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena musāvādā paṭivirato hoti, musāvādā veramaṇīpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena pisuṇāya vācāya paṭivirato hoti, pisuṇāya vācāya veramaṇīpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena pharusāya vācāya paṭivirato hoti, pharusāya vācāya veramaṇīpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena samphappalāpā paṭivirato hoti, samphappalāpā veramaṇīpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena anabhijjhālu hoti, anabhijjhāpaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena abyāpannacitto hoti, abyāpādapaccayā ca dukkhaṁ domanassaṁ paṭisaṁvedeti;\nsahāpi dukkhena sahāpi domanassena sammādiṭṭhi hoti, sammādiṭṭhipaccayā ca dukkhaṁ domanassaṁ paṭisaṁvedeti.\nSo kāyassa bhedā paraṁ maraṇā sugatiṁ saggaṁ lokaṁ upapajjati.\nIdaṁ vuccati, bhikkhave, dhammasamādānaṁ paccuppannadukkhaṁ āyatiṁ sukhavipākaṁ.","en":"And what is the way of taking up practices that is painful now but results in future pleasure?\nIt’s when someone in pain and sadness doesn’t kill living creatures, steal, or commit sexual misconduct. They don’t use speech that’s false, backbiting, harsh, or nonsensical. And they’re contented, kind-hearted, with right view. Because of these things they experience pain and sadness.\nBut when their body breaks up, after death, they’re reborn in a good place, a heavenly realm.\nThis is called the way of taking up practices that is painful now but results in future pleasure."}},{"id":"mn46:17","sourceIds":["mn46:17.1","mn46:17.2","mn46:17.3","mn46:17.4","mn46:17.5","mn46:17.6","mn46:17.7","mn46:17.8","mn46:17.9","mn46:17.10","mn46:17.11","mn46:17.12","mn46:17.13","mn46:17.14"],"kind":"text","text":{"pi":"Katamañca, bhikkhave, dhammasamādānaṁ paccuppannasukhañceva āyatiñca sukhavipākaṁ?\nIdha, bhikkhave, ekacco sahāpi sukhena sahāpi somanassena pāṇātipātā paṭivirato hoti, pāṇātipātā veramaṇīpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena adinnādānā paṭivirato hoti, adinnādānā veramaṇīpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena kāmesumicchācārā paṭivirato hoti, kāmesumicchācārā veramaṇīpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena musāvādā paṭivirato hoti, musāvādā veramaṇīpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena pisuṇāya vācāya paṭivirato hoti, pisuṇāya vācāya veramaṇīpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena pharusāya vācāya paṭivirato hoti, pharusāya vācāya veramaṇīpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena samphappalāpā paṭivirato hoti, samphappalāpā veramaṇīpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena anabhijjhālu hoti, anabhijjhāpaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena abyāpannacitto hoti, abyāpādapaccayā ca sukhaṁ somanassaṁ paṭisaṁvedeti;\nsahāpi sukhena sahāpi somanassena sammādiṭṭhi hoti, sammādiṭṭhipaccayā ca sukhaṁ somanassaṁ paṭisaṁvedeti.\nSo kāyassa bhedā paraṁ maraṇā sugatiṁ saggaṁ lokaṁ upapajjati.\nIdaṁ, vuccati, bhikkhave, dhammasamādānaṁ paccuppannasukhañceva āyatiñca sukhavipākaṁ.\nImāni kho, bhikkhave, cattāri dhammasamādānāni.","en":"And what is the way of taking up practices that is pleasant now and results in future pleasure?\nIt’s when someone with pleasure and happiness doesn’t kill living creatures, steal, or commit sexual misconduct. They don’t use speech that’s false, backbiting, harsh, or nonsensical. And they’re contented, kind-hearted, with right view. Because of these things they experience pleasure and happiness.\nAnd when their body breaks up, after death, they’re reborn in a good place, a heavenly realm.\nThis is called the way of taking up practices that is pleasant now and results in future pleasure.\nThese are the four ways of taking up practices."}},{"id":"mn46:18","sourceIds":["mn46:18.1","mn46:18.2","mn46:18.3","mn46:18.4","mn46:18.5","mn46:18.6","mn46:18.7","mn46:18.8","mn46:18.9"],"kind":"text","text":{"pi":"Seyyathāpi, bhikkhave, tittakālābu visena saṁsaṭṭho.\nAtha puriso āgaccheyya jīvitukāmo amaritukāmo sukhakāmo dukkhappaṭikūlo.\nTamenaṁ evaṁ vadeyyuṁ:\n‘ambho purisa, ayaṁ tittakālābu visena saṁsaṭṭho,\nsace ākaṅkhasi piva.\nTassa te pivato ceva nacchādessati vaṇṇenapi gandhenapi rasenapi, pivitvā ca pana maraṇaṁ vā nigacchasi maraṇamattaṁ vā dukkhan’ti.\nSo taṁ appaṭisaṅkhāya piveyya, nappaṭinissajjeyya.\nTassa taṁ pivato ceva nacchādeyya vaṇṇenapi gandhenapi rasenapi, pivitvā ca pana maraṇaṁ vā nigaccheyya maraṇamattaṁ vā dukkhaṁ.\nTathūpamāhaṁ, bhikkhave, imaṁ dhammasamādānaṁ vadāmi, yamidaṁ dhammasamādānaṁ paccuppannadukkhañceva āyatiñca dukkhavipākaṁ.","en":"Suppose there was some bitter gourd mixed with poison.\nThen a man would come along who wants to live and doesn’t want to die, who wants to be happy and recoils from pain.\nThey’d say to him:\n‘Here, my man, this is bitter gourd mixed with poison.\nDrink it if you like.\nIf you drink it, the color, aroma, and flavor will be unappetizing, and it will result in death or deadly pain.’\nHe wouldn’t put it down. Without appraisal, he’d drink it.\nThe color, aroma, and flavor would be unappetizing, and it would result in death or deadly pain.\nThis is comparable to the way of taking up practices that is painful now and results in future pain, I say."}},{"id":"mn46:19","sourceIds":["mn46:19.1","mn46:19.2","mn46:19.3","mn46:19.4","mn46:19.5","mn46:19.6","mn46:19.7","mn46:19.8","mn46:19.9","mn46:19.10","mn46:19.11"],"kind":"text","text":{"pi":"Seyyathāpi, bhikkhave, āpānīyakaṁso vaṇṇasampanno gandhasampanno rasasampanno.\nSo ca kho visena saṁsaṭṭho.\nAtha puriso āgaccheyya jīvitukāmo amaritukāmo sukhakāmo dukkhappaṭikūlo.\nTamenaṁ evaṁ vadeyyuṁ:\n‘ambho purisa, ayaṁ āpānīyakaṁso vaṇṇasampanno gandhasampanno rasasampanno.\nSo ca kho visena saṁsaṭṭho,\nsace ākaṅkhasi piva.\nTassa te pivatohi kho chādessati vaṇṇenapi gandhenapi rasenapi, pivitvā ca pana maraṇaṁ vā nigacchasi maraṇamattaṁ vā dukkhan’ti.\nSo taṁ appaṭisaṅkhāya piveyya, nappaṭinissajjeyya.\nTassa taṁ pivatohi kho chādeyya vaṇṇenapi gandhenapi rasenapi, pivitvā ca pana maraṇaṁ vā nigaccheyya maraṇamattaṁ vā dukkhaṁ.\nTathūpamāhaṁ, bhikkhave, imaṁ dhammasamādānaṁ vadāmi, yamidaṁ dhammasamādānaṁ paccuppannasukhaṁ āyatiṁ dukkhavipākaṁ.","en":"Suppose there was a bronze goblet of beverage that had a nice color, aroma, and flavor.\nBut it was mixed with poison.\nThen a man would come along who wants to live and doesn’t want to die, who wants to be happy and recoils from pain.\nThey’d say to him:\n‘Here, my man, this bronze goblet of beverage has a nice color, aroma, and flavor.\nBut it’s mixed with poison.\nDrink it if you like.\nIf you drink it, the color, aroma, and flavor will be appetizing, but it will result in death or deadly pain.’\nHe wouldn’t put it down. Without appraisal, he’d drink it.\nThe color, aroma, and flavor would be appetizing, but it would result in death or deadly pain.\nThis is comparable to the way of taking up practices that is pleasant now and results in future pain, I say."}},{"id":"mn46:20","sourceIds":["mn46:20.1","mn46:20.2","mn46:20.3","mn46:20.4","mn46:20.5","mn46:20.6","mn46:20.7","mn46:20.8"],"kind":"text","text":{"pi":"Seyyathāpi, bhikkhave, pūtimuttaṁ nānābhesajjehi saṁsaṭṭhaṁ.\nAtha puriso āgaccheyya paṇḍukarogī.\nTamenaṁ evaṁ vadeyyuṁ:\n‘ambho purisa, idaṁ pūtimuttaṁ nānābhesajjehi saṁsaṭṭhaṁ, sace ākaṅkhasi piva.\nTassa te pivatohi kho nacchādessati vaṇṇenapi gandhenapi rasenapi, pivitvā ca pana sukhī bhavissasī’ti.\nSo taṁ paṭisaṅkhāya piveyya, nappaṭinissajjeyya.\nTassa taṁ pivatohi kho nacchādeyya vaṇṇenapi gandhenapi rasenapi, pivitvā ca pana sukhī assa.\nTathūpamāhaṁ, bhikkhave, imaṁ dhammasamādānaṁ vadāmi, yamidaṁ dhammasamādānaṁ paccuppannadukkhaṁ āyatiṁ sukhavipākaṁ.","en":"Suppose there was some rancid urine mixed with different medicines.\nThen a man with jaundice would come along.\nThey’d say to him:\n‘Here, my man, this is rancid urine mixed with different medicines. Drink it if you like.\nIf you drink it, the color, aroma, and flavor will be unappetizing, but after drinking it you will be happy.’\nHe wouldn’t put it down. After appraisal, he’d drink it.\nThe color, aroma, and flavor would be unappetizing, but after drinking it he would be happy.\nThis is comparable to the way of taking up practices that is painful now and results in future pleasure, I say."}},{"id":"mn46:21","sourceIds":["mn46:21.1","mn46:21.2","mn46:21.3","mn46:21.4","mn46:21.5","mn46:21.6","mn46:21.7","mn46:21.8"],"kind":"text","text":{"pi":"Seyyathāpi, bhikkhave, dadhi ca madhu ca sappi ca phāṇitañca ekajjhaṁ saṁsaṭṭhaṁ.\nAtha puriso āgaccheyya lohitapakkhandiko.\nTamenaṁ evaṁ vadeyyuṁ:\n‘ambho purisa, idaṁ dadhi ca madhu ca sappi ca phāṇitañca ekajjhaṁ saṁsaṭṭhaṁ, sace ākaṅkhasi piva.\nTassa te pivato ceva chādessati vaṇṇenapi gandhenapi rasenapi, pivitvā ca pana sukhī bhavissasī’ti.\nSo taṁ paṭisaṅkhāya piveyya, nappaṭinissajjeyya.\nTassa taṁ pivato ceva chādeyya vaṇṇenapi gandhenapi rasenapi, pivitvā ca pana sukhī assa.\nTathūpamāhaṁ, bhikkhave, imaṁ dhammasamādānaṁ vadāmi, yamidaṁ dhammasamādānaṁ paccuppannasukhañceva āyatiñca sukhavipākaṁ.","en":"Suppose there was some curds, honey, ghee, and molasses all mixed together.\nThen a man with bloody dysentery would come along.\nThey’d say to him:\n‘Here, my man, this is curds, honey, ghee, and molasses all mixed together. Drink it if you like.\nIf you drink it, the color, aroma, and flavor will be appetizing, and after drinking it you will be happy.’\nHe wouldn’t put it down. After appraisal, he’d drink it.\nThe color, aroma, and flavor would be appetizing, and after drinking it he would be happy.\nThis is comparable to the way of taking up practices that is pleasant now and results in future pleasure, I say."}},{"id":"mn46:22","sourceIds":["mn46:22.1","mn46:22.2","mn46:22.3","mn46:22.4","mn46:22.5"],"kind":"text","text":{"pi":"Seyyathāpi, bhikkhave, vassānaṁ pacchime māse saradasamaye viddhe vigatavalāhake deve ādicco nabhaṁ abbhussakkamāno sabbaṁ ākāsagataṁ tamagataṁ abhivihacca bhāsate ca tapate ca virocate ca;\nevameva kho, bhikkhave, yamidaṁ dhammasamādānaṁ paccuppannasukhañceva āyatiñca sukhavipākaṁ tadaññe puthusamaṇabrāhmaṇaparappavāde abhivihacca bhāsate ca tapate ca virocate cā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nMahādhammasamādānasuttaṁ niṭṭhitaṁ chaṭṭhaṁ.","en":"It’s like the last month of the rainy season, in autumn, when the heavens are sunny and cloudless. And as the sun is rising to the firmament, having dispelled all the darkness of space, it shines and glows and dazzles.\nIn the same way, this way of taking up practices that is pleasant now and results in future pleasure dispels the doctrines of the various other ascetics and brahmins as it shines and glows and dazzles.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn46/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}