{"id":"mn48","title":"The Mendicants of Kosambī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn48","title":"The Mendicants of Kosambī","units":[{"id":"mn48:0","sourceIds":["mn48:0.1","mn48:0.2"],"kind":"text","text":{"pi":"Majjhima Nikāya 48\nKosambiyasutta","en":"Middle Discourses 48\nThe Mendicants of Kosambī"}},{"id":"mn48:1","sourceIds":["mn48:1.1","mn48:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosambiyaṁ viharati ghositārāme.","en":"So I have heard.\nAt one time the Buddha was staying near Kosambī in Ghosita’s monastery."}},{"id":"mn48:2","sourceIds":["mn48:2.1","mn48:2.2"],"kind":"text","text":{"pi":"Tena kho pana samayena kosambiyaṁ bhikkhū bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti.\nTe na ceva aññamaññaṁ saññāpenti na ca saññattiṁ upenti, na ca aññamaññaṁ nijjhāpenti, na ca nijjhattiṁ upenti.","en":"Now at that time the mendicants of Kosambī were fighting, quarreling, and disputing, continually wounding each other with barbed words.\nThey couldn’t persuade each other or be persuaded, nor could they convince each other or be convinced."}},{"id":"mn48:3","sourceIds":["mn48:3.1","mn48:3.2"],"kind":"text","text":{"pi":"Atha kho aññataro bhikkhu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so bhikkhu bhagavantaṁ etadavoca:\n“idha, bhante, kosambiyaṁ bhikkhū bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti, te na ceva aññamaññaṁ saññāpenti, na ca saññattiṁ upenti, na ca aññamaññaṁ nijjhāpenti, na ca nijjhattiṁ upentī”ti.","en":"Then a mendicant went up to the Buddha, bowed, sat down to one side, and told him what was happening."}},{"id":"mn48:4","sourceIds":["mn48:4.1","mn48:4.2","mn48:4.3","mn48:4.4","mn48:4.5","mn48:4.6","mn48:4.7","mn48:4.8","mn48:4.9"],"kind":"text","text":{"pi":"Atha kho bhagavā aññataraṁ bhikkhuṁ āmantesi:\n“ehi tvaṁ, bhikkhu, mama vacanena te bhikkhū āmantehi:\n‘satthā vo āyasmante āmantetī’”ti.\n“Evaṁ, bhante”ti kho so bhikkhu bhagavato paṭissutvā yena te bhikkhū tenupasaṅkami; upasaṅkamitvā te bhikkhū etadavoca:\n“satthā āyasmante āmantetī”ti.\n“Evamāvuso”ti kho te bhikkhū tassa bhikkhuno paṭissutvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinne kho te bhikkhū bhagavā etadavoca:\n“saccaṁ kira tumhe, bhikkhave, bhaṇḍanajātā kalahajātā vivādāpannā aññamaññaṁ mukhasattīhi vitudantā viharatha,\nte na ceva aññamaññaṁ saññāpetha, na ca saññattiṁ upetha, na ca aññamaññaṁ nijjhāpetha, na ca nijjhattiṁ upethā”ti?\n“Evaṁ, bhante”.","en":"So the Buddha addressed one of the monks,\n“Please, monk, in my name tell those mendicants that\nthe Teacher summons them.”\n“Yes, sir,” that monk replied. He went to those monks and said,\n“Venerables, the Teacher summons you.”\n“Yes, reverend,” those monks replied. They went to the Buddha, bowed, and sat down to one side. The Buddha said to them,\n“Is it really true, mendicants, that you have been fighting, quarreling, and disputing, continually wounding each other with barbed words?\nAnd that you can’t persuade each other or be persuaded, nor can you convince each other or be convinced?”\n“Yes, sir,” they said."}},{"id":"mn48:5","sourceIds":["mn48:5.1","mn48:5.2","mn48:5.3","mn48:5.4","mn48:5.5","mn48:5.6"],"kind":"text","text":{"pi":"“Taṁ kiṁ maññatha, bhikkhave,\nyasmiṁ tumhe samaye bhaṇḍanajātā kalahajātā vivādāpannā aññamaññaṁ mukhasattīhi vitudantā viharatha, api nu tumhākaṁ tasmiṁ samaye mettaṁ kāyakammaṁ paccupaṭṭhitaṁ hoti sabrahmacārīsu āvi ceva raho ca, mettaṁ vacīkammaṁ …pe… mettaṁ manokammaṁ paccupaṭṭhitaṁ hoti sabrahmacārīsu āvi ceva raho cā”ti?\n“No hetaṁ, bhante”.\n“Iti kira, bhikkhave, yasmiṁ tumhe samaye bhaṇḍanajātā kalahajātā vivādāpannā aññamaññaṁ mukhasattīhi vitudantā viharatha, neva tumhākaṁ tasmiṁ samaye mettaṁ kāyakammaṁ paccupaṭṭhitaṁ hoti sabrahmacārīsu āvi ceva raho ca, na mettaṁ vacīkammaṁ …pe… na mettaṁ manokammaṁ paccupaṭṭhitaṁ hoti sabrahmacārīsu āvi ceva raho ca.\nAtha kiñcarahi tumhe, moghapurisā, kiṁ jānantā kiṁ passantā bhaṇḍanajātā kalahajātā vivādāpannā aññamaññaṁ mukhasattīhi vitudantā viharatha, te na ceva aññamaññaṁ saññāpetha, na ca saññattiṁ upetha, na ca aññamaññaṁ nijjhāpetha, na ca nijjhattiṁ upetha?\nTañhi tumhākaṁ, moghapurisā, bhavissati dīgharattaṁ ahitāya dukkhāyā”ti.","en":"“What do you think, mendicants?\nWhen you’re fighting, quarreling, and disputing, continually wounding each other with barbed words, are you treating your spiritual companions with kindness by way of body, speech, and mind, both in public and in private?”\n“No, sir.”\n“So it seems that when you’re arguing you are not treating each other with kindness.\nSo what then do you know and see, you futile men, that you behave in such a way?\nThis will be for your lasting harm and suffering.”"}},{"id":"mn48:6","sourceIds":["mn48:6.1","mn48:6.2","mn48:6.3","mn48:6.4","mn48:6.5","mn48:6.6","mn48:6.7","mn48:6.8","mn48:6.9","mn48:6.10","mn48:6.11","mn48:6.12","mn48:6.13","mn48:6.14","mn48:6.15","mn48:6.16"],"kind":"text","text":{"pi":"Atha kho bhagavā bhikkhū āmantesi:\n“chayime, bhikkhave, dhammā sāraṇīyā piyakaraṇā garukaraṇā saṅgahāya avivādāya sāmaggiyā ekībhāvāya saṁvattanti.\nKatame cha?\nIdha, bhikkhave, bhikkhuno mettaṁ kāyakammaṁ paccupaṭṭhitaṁ hoti sabrahmacārīsu āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, bhikkhave, bhikkhuno mettaṁ vacīkammaṁ paccupaṭṭhitaṁ hoti sabrahmacārīsu āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, bhikkhave, bhikkhuno mettaṁ manokammaṁ paccupaṭṭhitaṁ hoti sabrahmacārīsu āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, bhikkhave, bhikkhu ye te lābhā dhammikā dhammaladdhā antamaso pattapariyāpannamattampi, tathārūpehi lābhehi appaṭivibhattabhogī hoti sīlavantehi sabrahmacārīhi sādhāraṇabhogī.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, bhikkhave, bhikkhu yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṁvattanikāni tathārūpesu sīlesu sīlasāmaññagato viharati sabrahmacārīhi āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nPuna caparaṁ, bhikkhave, bhikkhu yāyaṁ diṭṭhi ariyā niyyānikā niyyāti takkarassa sammā dukkhakkhayāya tathārūpāya diṭṭhiyā diṭṭhisāmaññagato viharati sabrahmacārīhi āvi ceva raho ca.\nAyampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṁvattati.\nIme kho, bhikkhave, cha sāraṇīyā dhammā piyakaraṇā garukaraṇā saṅgahāya avivādāya sāmaggiyā ekībhāvāya saṁvattanti.","en":"Then the Buddha said to the mendicants:\n“Mendicants, these six warm-hearted qualities make for fondness and respect, conducing to inclusion, harmony, and unity, without quarreling.\nWhat six?\nFirstly, a mendicant consistently treats their spiritual companions with bodily kindness, both in public and in private.\nThis warm-hearted quality makes for fondness and respect, conducing to inclusion, harmony, and unity, without quarreling.\nFurthermore, a mendicant consistently treats their spiritual companions with verbal kindness …\nFurthermore, a mendicant consistently treats their spiritual companions with mental kindness …\nFurthermore, a mendicant shares without reservation any material things they have gained by legitimate means, even the food placed in the alms-bowl, using them in common with their ethical spiritual companions …\nFurthermore, a mendicant lives according to the precepts shared with their spiritual companions, both in public and in private. Those precepts are intact, impeccable, spotless, and unmarred, liberating, praised by sensible people, not mistaken, and leading to immersion. …\nFurthermore, a mendicant lives according to the view shared with their spiritual companions, both in public and in private. That view is noble and emancipating, and delivers one who applies it to the complete ending of suffering.\nThis warm-hearted quality makes for fondness and respect, conducing to inclusion, harmony, and unity, without quarreling.\nThese six warm-hearted qualities make for fondness and respect, conducing to inclusion, harmony, and unity, without quarreling."}},{"id":"mn48:7","sourceIds":["mn48:7.1","mn48:7.2","mn48:7.3"],"kind":"text","text":{"pi":"Imesaṁ kho, bhikkhave, channaṁ sāraṇīyānaṁ dhammānaṁ etaṁ aggaṁ etaṁ saṅgāhikaṁ etaṁ saṅghāṭanikaṁ—yadidaṁ yāyaṁ diṭṭhi ariyā niyyānikā niyyāti takkarassa sammā dukkhakkhayāya.\nSeyyathāpi, bhikkhave, kūṭāgārassa etaṁ aggaṁ etaṁ saṅgāhikaṁ etaṁ saṅghāṭanikaṁ yadidaṁ kūṭaṁ;\nevameva kho, bhikkhave, imesaṁ channaṁ sāraṇīyānaṁ dhammānaṁ etaṁ aggaṁ etaṁ saṅgāhikaṁ etaṁ saṅghāṭanikaṁ yadidaṁ yāyaṁ diṭṭhi ariyā niyyānikā niyyāti takkarassa sammā dukkhakkhayāya.","en":"Of these six warm-hearted qualities, the chief is the view that is noble and emancipating, and delivers one who applies it to the complete ending of suffering. It holds and binds everything together.\nIt’s like a bungalow. The roof-peak is the chief point, which holds and binds everything together.\nIn the same way, of these six warm-hearted qualities, the chief is the view that is noble and emancipating, and delivers one who applies it to the complete ending of suffering. It holds and binds everything together."}},{"id":"mn48:8","sourceIds":["mn48:8.1","mn48:8.2","mn48:8.3","mn48:8.4","mn48:8.5","mn48:8.6","mn48:8.7","mn48:8.8","mn48:8.9","mn48:8.10","mn48:8.11","mn48:8.12","mn48:8.13","mn48:8.14","mn48:8.15"],"kind":"text","text":{"pi":"Kathañca, bhikkhave, yāyaṁ diṭṭhi ariyā niyyānikā niyyāti takkarassa sammā dukkhakkhayāya?\nIdha, bhikkhave, bhikkhu araññagato vā rukkhamūlagato vā suññāgāragato vā iti paṭisañcikkhati:\n‘atthi nu kho me taṁ pariyuṭṭhānaṁ ajjhattaṁ appahīnaṁ, yenāhaṁ pariyuṭṭhānena pariyuṭṭhitacitto yathābhūtaṁ nappajāneyyaṁ na passeyyan’ti?\nSace, bhikkhave, bhikkhu kāmarāgapariyuṭṭhito hoti, pariyuṭṭhitacittova hoti.\nSace, bhikkhave, bhikkhu byāpādapariyuṭṭhito hoti, pariyuṭṭhitacittova hoti.\nSace, bhikkhave, bhikkhu thinamiddhapariyuṭṭhito hoti, pariyuṭṭhitacittova hoti.\nSace, bhikkhave, bhikkhu uddhaccakukkuccapariyuṭṭhito hoti, pariyuṭṭhitacittova hoti.\nSace, bhikkhave, bhikkhu vicikicchāpariyuṭṭhito hoti, pariyuṭṭhitacittova hoti.\nSace, bhikkhave, bhikkhu idhalokacintāya pasuto hoti, pariyuṭṭhitacittova hoti.\nSace, bhikkhave, bhikkhu paralokacintāya pasuto hoti, pariyuṭṭhitacittova hoti.\nSace, bhikkhave, bhikkhu bhaṇḍanajāto kalahajāto vivādāpanno aññamaññaṁ mukhasattīhi vitudanto viharati, pariyuṭṭhitacittova hoti.\nSo evaṁ pajānāti:\n‘natthi kho me taṁ pariyuṭṭhānaṁ ajjhattaṁ appahīnaṁ, yenāhaṁ pariyuṭṭhānena pariyuṭṭhitacitto yathābhūtaṁ nappajāneyyaṁ na passeyyaṁ.\nSuppaṇihitaṁ me mānasaṁ saccānaṁ bodhāyā’ti.\nIdamassa paṭhamaṁ ñāṇaṁ adhigataṁ hoti ariyaṁ lokuttaraṁ asādhāraṇaṁ puthujjanehi.","en":"And how does the view that is noble and emancipating lead one who practices it to the complete ending of suffering?\nIt’s when a mendicant has gone to a wilderness, or to the root of a tree, or to an empty hut, and reflects like this,\n‘Is there anything that I’m overcome with internally and haven’t given up, because of which I might not accurately know and see?’\nIf a mendicant is overcome with sensual desire, it’s their mind that’s overcome.\nIf a mendicant is overcome with ill will,\ndullness and drowsiness,\nrestlessness and remorse,\ndoubt,\npursuing speculation about this world,\npursuing speculation about the next world,\nor fighting, quarreling, and disputing, continually wounding others with barbed words, it’s their mind that’s overcome.\nThey understand,\n‘There is nothing that I’m overcome with internally and haven’t given up, because of which I might not accurately know and see.\nMy heart is properly disposed for awakening to the truths.’\nThis is the first knowledge they have achieved that is noble and transcendent, and is distinct from that of ordinary people."}},{"id":"mn48:9","sourceIds":["mn48:9.1","mn48:9.2","mn48:9.3","mn48:9.4","mn48:9.5"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘imaṁ nu kho ahaṁ diṭṭhiṁ āsevanto bhāvento bahulīkaronto labhāmi paccattaṁ samathaṁ, labhāmi paccattaṁ nibbutin’ti?\nSo evaṁ pajānāti:\n‘imaṁ kho ahaṁ diṭṭhiṁ āsevanto bhāvento bahulīkaronto labhāmi paccattaṁ samathaṁ, labhāmi paccattaṁ nibbutin’ti.\nIdamassa dutiyaṁ ñāṇaṁ adhigataṁ hoti ariyaṁ lokuttaraṁ asādhāraṇaṁ puthujjanehi.","en":"Furthermore, a noble disciple reflects,\n‘When I develop, cultivate, and make much of this view, do I personally gain serenity and quenching?’\nThey understand,\n‘When I develop, cultivate, and make much of this view, I personally gain serenity and quenching.’\nThis is their second knowledge …"}},{"id":"mn48:10","sourceIds":["mn48:10.1","mn48:10.2","mn48:10.3","mn48:10.4","mn48:10.5"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘yathārūpāyāhaṁ diṭṭhiyā samannāgato, atthi nu kho ito bahiddhā añño samaṇo vā brāhmaṇo vā tathārūpāya diṭṭhiyā samannāgato’ti?\nSo evaṁ pajānāti:\n‘yathārūpāyāhaṁ diṭṭhiyā samannāgato, natthi ito bahiddhā añño samaṇo vā brāhmaṇo vā tathārūpāya diṭṭhiyā samannāgato’ti.\nIdamassa tatiyaṁ ñāṇaṁ adhigataṁ hoti ariyaṁ lokuttaraṁ asādhāraṇaṁ puthujjanehi.","en":"Furthermore, a noble disciple reflects,\n‘Are there any ascetics or brahmins outside of the Buddhist community who have the same kind of view that I have?’\nThey understand,\n‘There are no ascetics or brahmins outside of the Buddhist community who have the same kind of view that I have.’\nThis is their third knowledge …"}},{"id":"mn48:11","sourceIds":["mn48:11.1","mn48:11.2","mn48:11.3","mn48:11.4","mn48:11.5","mn48:11.6","mn48:11.7","mn48:11.8","mn48:11.9","mn48:11.10","mn48:11.11","mn48:11.12","mn48:11.13"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘yathārūpāya dhammatāya diṭṭhisampanno puggalo samannāgato, ahampi tathārūpāya dhammatāya samannāgato’ti.\nKathaṁrūpāya ca, bhikkhave, dhammatāya diṭṭhisampanno puggalo samannāgato?\nDhammatā esā, bhikkhave, diṭṭhisampannassa puggalassa:\nkiñcāpi tathārūpiṁ āpattiṁ āpajjati, yathārūpāya āpattiyā vuṭṭhānaṁ paññāyati, atha kho naṁ khippameva satthari vā viññūsu vā sabrahmacārīsu deseti vivarati uttānīkaroti;\ndesetvā vivaritvā uttānīkatvā āyatiṁ saṁvaraṁ āpajjati.\nSeyyathāpi, bhikkhave, daharo kumāro mando uttānaseyyako hatthena vā pādena vā aṅgāraṁ akkamitvā khippameva paṭisaṁharati;\nevameva kho, bhikkhave, dhammatā esā diṭṭhisampannassa puggalassa:\nkiñcāpi tathārūpiṁ āpattiṁ āpajjati yathārūpāya āpattiyā vuṭṭhānaṁ paññāyati, atha kho naṁ khippameva satthari vā viññūsu vā sabrahmacārīsu deseti vivarati uttānīkaroti;\ndesetvā vivaritvā uttānīkatvā āyatiṁ saṁvaraṁ āpajjati.\nSo evaṁ pajānāti:\n‘yathārūpāya dhammatāya diṭṭhisampanno puggalo samannāgato, ahampi tathārūpāya dhammatāya samannāgato’ti.\nIdamassa catutthaṁ ñāṇaṁ adhigataṁ hoti ariyaṁ lokuttaraṁ asādhāraṇaṁ puthujjanehi.","en":"Furthermore, a noble disciple reflects,\n‘Do I have the same nature as an individual accomplished in view?’\nAnd what, mendicants, is the nature of an individual accomplished in view?\nThis is the nature of an individual accomplished in view.\nThough they may fall into a kind of offense for which rehabilitation is possible, they quickly explain, clarify, and disclose it to the Teacher or a sensible spiritual companion.\nAnd having revealed it they restrain themselves in the future.\nSuppose there was a little baby boy. If he puts his hand or foot on a burning coal, he quickly pulls it back.\nIn the same way, this is the nature of an individual accomplished in view.\nThough they may still fall into a kind of offense for which rehabilitation is possible, they quickly disclose it to the Teacher or a sensible spiritual companion.\nAnd having revealed it they restrain themselves in the future.\nThey understand,\n‘I have the same nature as an individual accomplished in view.’\nThis is their fourth knowledge …"}},{"id":"mn48:12","sourceIds":["mn48:12.1","mn48:12.2","mn48:12.3","mn48:12.4","mn48:12.5","mn48:12.6","mn48:12.7","mn48:12.8","mn48:12.9","mn48:12.10","mn48:12.11"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘yathārūpāya dhammatāya diṭṭhisampanno puggalo samannāgato, ahampi tathārūpāya dhammatāya samannāgato’ti.\nKathaṁrūpāya ca, bhikkhave, dhammatāya diṭṭhisampanno puggalo samannāgato?\nDhammatā esā, bhikkhave, diṭṭhisampannassa puggalassa:\nkiñcāpi yāni tāni sabrahmacārīnaṁ uccāvacāni kiṅkaraṇīyāni tattha ussukkaṁ āpanno hoti, atha khvāssa tibbāpekkhā hoti adhisīlasikkhāya adhicittasikkhāya adhipaññāsikkhāya.\nSeyyathāpi, bhikkhave, gāvī taruṇavacchā thambañca ālumpati vacchakañca apacinati;\nevameva kho, bhikkhave, dhammatā esā diṭṭhisampannassa puggalassa:\nkiñcāpi yāni tāni sabrahmacārīnaṁ uccāvacāni kiṅkaraṇīyāni tattha ussukkaṁ āpanno hoti, atha khvāssa tibbāpekkhā hoti adhisīlasikkhāya adhicittasikkhāya adhipaññāsikkhāya.\nSo evaṁ pajānāti:\n‘yathārūpāya dhammatāya diṭṭhisampanno puggalo samannāgato, ahampi tathārūpāya dhammatāya samannāgato’ti.\nIdamassa pañcamaṁ ñāṇaṁ adhigataṁ hoti ariyaṁ lokuttaraṁ asādhāraṇaṁ puthujjanehi.","en":"Furthermore, a noble disciple reflects,\n‘Do I have the same nature as an individual accomplished in view?’\nAnd what, mendicants, is the nature of an individual accomplished in view?\nThis is the nature of an individual accomplished in view.\nThough they might manage a diverse spectrum of duties for their spiritual companions, they still feel a keen regard for the training in higher ethics, higher mind, and higher wisdom.\nSuppose there was a cow with a baby calf. She watches her calf devotedly as she grazes.\nIn the same way, this is the nature of an individual accomplished in view.\nThough they might manage a diverse spectrum of duties for their spiritual companions, they still feel a keen regard for the training in higher ethics, higher mind, and higher wisdom.\nThey understand,\n‘I have the same nature as an individual accomplished in view.’\nThis is their fifth knowledge …"}},{"id":"mn48:13","sourceIds":["mn48:13.1","mn48:13.2","mn48:13.3","mn48:13.4","mn48:13.5","mn48:13.6","mn48:13.7"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘yathārūpāya balatāya diṭṭhisampanno puggalo samannāgato, ahampi tathārūpāya balatāya samannāgato’ti.\nKathaṁrūpāya ca, bhikkhave, balatāya diṭṭhisampanno puggalo samannāgato?\nBalatā esā, bhikkhave, diṭṭhisampannassa puggalassa yaṁ tathāgatappavedite dhammavinaye desiyamāne aṭṭhiṁ katvā manasikatvā sabbacetasā samannāharitvā ohitasoto dhammaṁ suṇāti.\nSo evaṁ pajānāti:\n‘yathārūpāya balatāya diṭṭhisampanno puggalo samannāgato, ahampi tathārūpāya balatāya samannāgato’ti.\nIdamassa chaṭṭhaṁ ñāṇaṁ adhigataṁ hoti ariyaṁ lokuttaraṁ asādhāraṇaṁ puthujjanehi.","en":"Furthermore, a noble disciple reflects,\n‘Do I have the same strength as an individual accomplished in view?’\nAnd what, mendicants, is the strength of an individual accomplished in view?\nThe strength of an individual accomplished in view is that, when the teaching and training proclaimed by the Realized One are being taught, they pay attention, apply the mind, concentrate wholeheartedly, and actively listen to the teaching.\nThey understand,\n‘I have the same strength as an individual accomplished in view.’\nThis is their sixth knowledge …"}},{"id":"mn48:14","sourceIds":["mn48:14.1","mn48:14.2","mn48:14.3","mn48:14.4","mn48:14.5","mn48:14.6","mn48:14.7"],"kind":"text","text":{"pi":"Puna caparaṁ, bhikkhave, ariyasāvako iti paṭisañcikkhati:\n‘yathārūpāya balatāya diṭṭhisampanno puggalo samannāgato, ahampi tathārūpāya balatāya samannāgato’ti.\nKathaṁrūpāya ca, bhikkhave, balatāya diṭṭhisampanno puggalo samannāgato?\nBalatā esā, bhikkhave, diṭṭhisampannassa puggalassa yaṁ tathāgatappavedite dhammavinaye desiyamāne labhati atthavedaṁ, labhati dhammavedaṁ, labhati dhammūpasaṁhitaṁ pāmojjaṁ.\nSo evaṁ pajānāti:\n‘yathārūpāya balatāya diṭṭhisampanno puggalo samannāgato, ahampi tathārūpāya balatāya samannāgato’ti.\nIdamassa sattamaṁ ñāṇaṁ adhigataṁ hoti ariyaṁ lokuttaraṁ asādhāraṇaṁ puthujjanehi.","en":"Furthermore, a noble disciple reflects,\n‘Do I have the same strength as an individual accomplished in view?’\nAnd what, mendicants, is the strength of an individual accomplished in view?\nThe strength of an individual accomplished in view is that, when the teaching and training proclaimed by the Realized One are being taught, they find inspiration in the meaning and the teaching, and find joy connected with the teaching.\nThey understand,\n‘I have the same strength as an individual accomplished in view.’\nThis is the seventh knowledge they have achieved that is noble and transcendent, and is distinct from that of ordinary people."}},{"id":"mn48:15","sourceIds":["mn48:15.1","mn48:15.2","mn48:15.3","mn48:15.4","mn48:15.5"],"kind":"text","text":{"pi":"Evaṁ sattaṅgasamannāgatassa kho, bhikkhave, ariyasāvakassa dhammatā susamanniṭṭhā hoti sotāpattiphalasacchikiriyāya.\nEvaṁ sattaṅgasamannāgato kho, bhikkhave, ariyasāvako sotāpattiphalasamannāgato hotī”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nKosambiyasuttaṁ niṭṭhitaṁ aṭṭhamaṁ.","en":"When a noble disciple has these seven factors, they have properly investigated their nature through the realization of the fruit of stream-entry.\nA noble disciple with these seven factors has the fruit of stream-entry.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn48/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}