{"id":"mn50","title":"The Warning to Māra","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn50","title":"The Warning to Māra","units":[{"id":"mn50:0","sourceIds":["mn50:0.1","mn50:0.2"],"kind":"text","text":{"pi":"Majjhima Nikāya 50\nMāratajjanīyasutta","en":"Middle Discourses 50\nThe Warning to Māra"}},{"id":"mn50:1","sourceIds":["mn50:1.1","mn50:1.2"],"kind":"text","text":{"pi":"Evaṁ me sutaṁ—\nekaṁ samayaṁ āyasmā mahāmoggallāno bhaggesu viharati susumāragire bhesakaḷāvane migadāye.","en":"So I have heard.\nAt one time Venerable Mahāmoggallāna was staying in the land of the Bhaggas at Crocodile’s Bellow, in the deer park at Bhesakaḷā’s Wood."}},{"id":"mn50:2","sourceIds":["mn50:2.1","mn50:2.2","mn50:2.3","mn50:2.4","mn50:2.5","mn50:2.6"],"kind":"text","text":{"pi":"Tena kho pana samayena āyasmā mahāmoggallāno abbhokāse caṅkamati.\nTena kho pana samayena māro pāpimā āyasmato mahāmoggallānassa kucchigato hoti koṭṭhamanupaviṭṭho.\nAtha kho āyasmato mahāmoggallānassa etadahosi:\n“kiṁ nu kho me kucchi garugaro viya?\nMāsācitaṁ maññe”ti.\nAtha kho āyasmā mahāmoggallāno caṅkamā orohitvā vihāraṁ pavisitvā paññatte āsane nisīdi.","en":"At that time Moggallāna was walking mindfully in the open air.\nNow at that time Māra the Wicked had got inside Moggallāna’s belly.\nMoggallāna thought,\n“Why now is my belly so very heavy,\nlike I’ve just eaten a load of beans?”\nThen he stepped down from the walking path, entered his dwelling, sat down on the seat spread out,"}},{"id":"mn50:3","sourceIds":["mn50:3.1","mn50:3.2","mn50:3.3","mn50:3.4","mn50:3.5","mn50:3.6","mn50:3.7"],"kind":"text","text":{"pi":"Nisajja kho āyasmā mahāmoggallāno paccattaṁ yoniso manasākāsi.\nAddasā kho āyasmā mahāmoggallāno māraṁ pāpimantaṁ kucchigataṁ koṭṭhamanupaviṭṭhaṁ.\nDisvāna māraṁ pāpimantaṁ etadavoca:\n“nikkhama, pāpima;\nnikkhama, pāpima.\nMā tathāgataṁ vihesesi, mā tathāgatasāvakaṁ.\nMā te ahosi dīgharattaṁ ahitāya dukkhāyā”ti.","en":"and investigated inside himself.\nHe saw that Māra the Wicked had got inside his belly.\nSo he said to Māra,\n“Come out, Wicked One,\ncome out!\nDo not harass the Realized One or his disciple.\nDon’t create lasting harm and suffering for yourself!”"}},{"id":"mn50:4","sourceIds":["mn50:4.1","mn50:4.2","mn50:4.3","mn50:4.4","mn50:4.5","mn50:4.6","mn50:4.7"],"kind":"text","text":{"pi":"Atha kho mārassa pāpimato etadahosi:\n“ajānameva kho maṁ ayaṁ samaṇo apassaṁ evamāha:\n‘nikkhama, pāpima;\nnikkhama, pāpima.\nMā tathāgataṁ vihesesi, mā tathāgatasāvakaṁ.\nMā te ahosi dīgharattaṁ ahitāya dukkhāyā’ti.\nYopissa so satthā sopi maṁ neva khippaṁ jāneyya, kuto pana maṁ ayaṁ sāvako jānissatī”ti?","en":"Then Māra thought,\n“This ascetic doesn’t really know me or see me when he tells me to come out.\nNot even the Teacher could recognize me so quickly, so how could a disciple?”"}},{"id":"mn50:5","sourceIds":["mn50:5.1","mn50:5.2","mn50:5.3","mn50:5.4","mn50:5.5","mn50:5.6","mn50:5.7","mn50:5.8","mn50:5.9","mn50:5.10","mn50:5.11"],"kind":"text","text":{"pi":"Atha kho āyasmā mahāmoggallāno māraṁ pāpimantaṁ etadavoca:\n“evampi kho tāhaṁ, pāpima, jānāmi, mā tvaṁ maññittho:\n‘na maṁ jānātī’ti.\nMāro tvamasi, pāpima;\ntuyhañhi, pāpima, evaṁ hoti:\n‘ajānameva kho maṁ ayaṁ samaṇo apassaṁ evamāha—\nnikkhama, pāpima;\nnikkhama, pāpima.\nMā tathāgataṁ vihesesi, mā tathāgatasāvakaṁ.\nMā te ahosi dīgharattaṁ ahitāya dukkhāyāti.\nYopissa so satthā sopi maṁ neva khippaṁ jāneyya, kuto pana maṁ ayaṁ sāvako jānissatī’”ti?","en":"Then Moggallāna said to Māra,\n“I know you even when you’re like this, Wicked One. Do not think,\n‘He doesn’t know me.’\nYou are Māra the Wicked.\nAnd you think,\n‘This ascetic doesn’t really know me or see me when he tells me to come out.\nNot even the Teacher could recognize me so quickly, so how could a disciple?’”"}},{"id":"mn50:6","sourceIds":["mn50:6.1","mn50:6.2","mn50:6.3","mn50:6.4","mn50:6.5","mn50:6.6","mn50:6.7"],"kind":"text","text":{"pi":"Atha kho mārassa pāpimato etadahosi:\n“jānameva kho maṁ ayaṁ samaṇo passaṁ evamāha:\n‘nikkhama, pāpima;\nnikkhama, pāpima.\nMā tathāgataṁ vihesesi, mā tathāgatasāvakaṁ.\nMā te ahosi dīgharattaṁ ahitāya dukkhāyā’”ti.\nAtha kho māro pāpimā āyasmato mahāmoggallānassa mukhato uggantvā paccaggaḷe aṭṭhāsi.","en":"Then Māra thought,\n“This ascetic really does know me and see me when he tells me to come out.”\nThen Māra came up out of Moggallāna’s mouth and stood against the door."}},{"id":"mn50:7","sourceIds":["mn50:7.1","mn50:7.2","mn50:7.3","mn50:7.4","mn50:7.5"],"kind":"text","text":{"pi":"Addasā kho āyasmā mahāmoggallāno māraṁ pāpimantaṁ paccaggaḷe ṭhitaṁ;\ndisvāna māraṁ pāpimantaṁ etadavoca:\n“etthāpi kho tāhaṁ, pāpima, passāmi; mā tvaṁ maññittho\n‘na maṁ passatī’ti.\nEso tvaṁ, pāpima, paccaggaḷe ṭhito.","en":"Moggallāna saw him there\nand said,\n“I see you even there, Wicked One. Do not think,\n‘He doesn’t see me.’\nThat’s you, Wicked One, standing against the door."}},{"id":"mn50:8","sourceIds":["mn50:8.1","mn50:8.2","mn50:8.3"],"kind":"text","text":{"pi":"Bhūtapubbāhaṁ, pāpima, dūsī nāma māro ahosiṁ, tassa me kāḷī nāma bhaginī.\nTassā tvaṁ putto.\nSo me tvaṁ bhāgineyyo ahosi.","en":"Once upon a time, Wicked One, I was a Māra named Dūsī, and I had a sister named Kāḷī.\nYou were her son,\nwhich made you my nephew."}},{"id":"mn50:9","sourceIds":["mn50:9.1","mn50:9.2","mn50:9.3","mn50:9.4","mn50:9.5"],"kind":"text","text":{"pi":"Tena kho pana, pāpima, samayena kakusandho bhagavā arahaṁ sammāsambuddho loke uppanno hoti.\nKakusandhassa kho pana, pāpima, bhagavato arahato sammāsambuddhassa vidhurasañjīvaṁ nāma sāvakayugaṁ ahosi aggaṁ bhaddayugaṁ.\nYāvatā kho pana, pāpima, kakusandhassa bhagavato arahato sammāsambuddhassa sāvakā.\nTesu na ca koci āyasmatā vidhurena samasamo hoti yadidaṁ dhammadesanāya.\nIminā kho evaṁ, pāpima, pariyāyena āyasmato vidhurassa vidhuroteva samaññā udapādi.","en":"At that time Kakusandha, the Blessed One, the perfected one, the fully awakened Buddha arose in the world.\nKakusandha had a fine pair of chief disciples named Vidhura and Sañjīva.\nOf all the disciples of the Buddha Kakusandha,\nnone were the equal of Venerable Vidhura in teaching Dhamma.\nAnd that’s how he came to be known as Vidhura."}},{"id":"mn50:10","sourceIds":["mn50:10.1","mn50:10.2","mn50:10.3","mn50:10.4","mn50:10.5","mn50:10.6","mn50:10.7","mn50:10.8"],"kind":"text","text":{"pi":"Āyasmā pana, pāpima, sañjīvo araññagatopi rukkhamūlagatopi suññāgāragatopi appakasireneva saññāvedayitanirodhaṁ samāpajjati.\nBhūtapubbaṁ, pāpima, āyasmā sañjīvo aññatarasmiṁ rukkhamūle saññāvedayitanirodhaṁ samāpanno nisinno hoti.\nAddasaṁsu kho, pāpima, gopālakā pasupālakā kassakā pathāvino āyasmantaṁ sañjīvaṁ aññatarasmiṁ rukkhamūle saññāvedayitanirodhaṁ samāpannaṁ nisinnaṁ;\ndisvāna tesaṁ etadahosi:\n‘acchariyaṁ vata bho, abbhutaṁ vata, bho.\nAyaṁ samaṇo nisinnakova kālaṅkato.\nHanda naṁ dahāmā’ti.\nAtha kho te, pāpima, gopālakā pasupālakā kassakā pathāvino tiṇañca kaṭṭhañca gomayañca saṅkaḍḍhitvā āyasmato sañjīvassa kāye upacinitvā aggiṁ datvā pakkamiṁsu.","en":"But when Venerable Sañjīva had gone to a wilderness, or to the root of a tree, or to an empty hut, he easily attained the cessation of perception and feeling.\nOnce upon a time, Sañjīva was sitting at the root of a certain tree having attained the cessation of perception and feeling.\nSome cowherds, shepherds, farmers, and passers-by saw him sitting there\nand said,\n‘Oh lord, how incredible, how amazing!\nThis ascetic passed away while seated.\nWe should cremate him.’\nThey collected grass, wood, and cow-dung, heaped it all on Sañjīva’s body, set it on fire, and left."}},{"id":"mn50:11","sourceIds":["mn50:11.1","mn50:11.2","mn50:11.3","mn50:11.4","mn50:11.5","mn50:11.6"],"kind":"text","text":{"pi":"Atha kho, pāpima, āyasmā sañjīvo tassā rattiyā accayena tāya samāpattiyā vuṭṭhahitvā cīvarāni papphoṭetvā pubbaṇhasamayaṁ nivāsetvā pattacīvaramādāya gāmaṁ piṇḍāya pāvisi.\nAddasaṁsu kho te, pāpima, gopālakā pasupālakā kassakā pathāvino āyasmantaṁ sañjīvaṁ piṇḍāya carantaṁ;\ndisvāna nesaṁ etadahosi:\n‘acchariyaṁ vata bho, abbhutaṁ vata, bho.\nAyaṁ samaṇo nisinnakova kālaṅkato, svāyaṁ paṭisañjīvito’ti.\nIminā kho evaṁ, pāpima, pariyāyena āyasmato sañjīvassa sañjīvoteva samaññā udapādi.","en":"Then, when the night had passed, Sañjīva emerged from that attainment, shook out his robes, and, since it was morning, he robed up and entered the village for alms.\nThose cowherds, shepherds, farmers, and passers-by saw him wandering for alms\nand said,\n‘Oh lord, how incredible, how amazing!\nThis ascetic passed away while seated, and now he has come back to life!’\nAnd that’s how he came to be known as Sañjīva."}},{"id":"mn50:12","sourceIds":["mn50:12.1","mn50:12.2","mn50:12.3","mn50:12.4","mn50:12.5","mn50:12.6","mn50:12.7","mn50:12.8"],"kind":"text","text":{"pi":"Atha kho, pāpima, dūsissa mārassa etadahosi:\n‘imesaṁ kho ahaṁ bhikkhūnaṁ sīlavantānaṁ kalyāṇadhammānaṁ neva jānāmi āgatiṁ vā gatiṁ vā.\nYannūnāhaṁ brāhmaṇagahapatike anvāviseyyaṁ—\netha, tumhe bhikkhū sīlavante kalyāṇadhamme akkosatha paribhāsatha rosetha vihesetha.\nAppeva nāma tumhehi akkosiyamānānaṁ paribhāsiyamānānaṁ rosiyamānānaṁ vihesiyamānānaṁ siyā cittassa aññathattaṁ, yathā taṁ dūsī māro labhetha otāran’ti.\nAtha kho te, pāpima, dūsī māro brāhmaṇagahapatike anvāvisi:\n‘etha, tumhe bhikkhū sīlavante kalyāṇadhamme akkosatha paribhāsatha rosetha vihesetha.\nAppeva nāma tumhehi akkosiyamānānaṁ paribhāsiyamānānaṁ rosiyamānānaṁ vihesiyamānānaṁ siyā cittassa aññathattaṁ, yathā taṁ dūsī māro labhetha otāran’ti.","en":"Then it occurred to Māra Dūsī,\n‘I don’t know the course of rebirth of these ethical mendicants of good character.\nWhy don’t I take possession of these brahmins and householders and say,\n“Come, all of you, abuse, attack, harass, and trouble the ethical mendicants of good character.\nHopefully by doing this we can upset their minds so that Māra Dūsī can find a vulnerability.”’\nAnd that’s exactly what he did."}},{"id":"mn50:13","sourceIds":["mn50:13.1","mn50:13.2","mn50:13.3","mn50:13.4","mn50:13.5","mn50:13.6","mn50:13.7","mn50:13.8","mn50:13.9","mn50:13.10","mn50:13.11"],"kind":"text","text":{"pi":"Atha kho te, pāpima, brāhmaṇagahapatikā anvāvisiṭṭhā dūsinā mārena bhikkhū sīlavante kalyāṇadhamme akkosanti paribhāsanti rosenti vihesenti:\n‘ime pana muṇḍakā samaṇakā ibbhā kiṇhā bandhupādāpaccā “jhāyinosmā jhāyinosmā”ti pattakkhandhā adhomukhā madhurakajātā jhāyanti pajjhāyanti nijjhāyanti apajjhāyanti.\nSeyyathāpi nāma ulūko rukkhasākhāyaṁ mūsikaṁ maggayamāno jhāyati pajjhāyati nijjhāyati apajjhāyati;\nevamevime muṇḍakā samaṇakā ibbhā kiṇhā bandhupādāpaccā “jhāyinosmā jhāyinosmā”ti pattakkhandhā adhomukhā madhurakajātā jhāyanti pajjhāyanti nijjhāyanti apajjhāyanti.\nSeyyathāpi nāma kotthu nadītīre macche maggayamāno jhāyati pajjhāyati nijjhāyati apajjhāyati;\nevamevime muṇḍakā samaṇakā ibbhā kiṇhā bandhupādāpaccā “jhāyinosmā jhāyinosmā”ti pattakkhandhā adhomukhā madhurakajātā jhāyanti pajjhāyanti nijjhāyanti apajjhāyanti.\nSeyyathāpi nāma biḷāro sandhisamalasaṅkaṭīre mūsikaṁ maggayamāno jhāyati pajjhāyati nijjhāyati apajjhāyati;\nevamevime muṇḍakā samaṇakā ibbhā kiṇhā bandhupādāpaccā “jhāyinosmā jhāyinosmā”ti pattakkhandhā adhomukhā madhurakajātā jhāyanti pajjhāyanti nijjhāyanti apajjhāyanti.\nSeyyathāpi nāma gadrabho vahacchinno sandhisamalasaṅkaṭīre jhāyati pajjhāyati nijjhāyati apajjhāyati;\nevamevime muṇḍakā samaṇakā ibbhā kiṇhā bandhupādāpaccā “jhāyinosmā jhāyinosmā”ti pattakkhandhā adhomukhā madhurakajātā jhāyanti pajjhāyanti nijjhāyanti apajjhāyantī’ti.\nYe kho pana, pāpima, tena samayena manussā kālaṁ karonti yebhuyyena kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.","en":"Then those brahmins and householders abused, attacked, harassed, and troubled the ethical mendicants of good character:\n‘These shavelings, fake ascetics, primitives, black spawn from the feet of our kinsman, say, “We practice absorption meditation! We practice absorption meditation!” Shoulders drooping, downcast, and dopey, they meditate and concentrate and contemplate and ruminate.\nThey’re just like an owl on a branch, which meditates and concentrates and contemplates and ruminates as it hunts a mouse.\nThey’re just like a jackal on a river-bank, which meditates and concentrates and contemplates and ruminates as it hunts a fish.\nThey’re just like a cat by an alley or a drain or a dustbin, which meditates and concentrates and contemplates and ruminates as it hunts a mouse.\nThey’re just like an unladen donkey by an alley or a drain or a dustbin, which meditates and concentrates and contemplates and ruminates.\nIn the same way, these shavelings, fake ascetics, primitives, black spawn from the feet of our kinsman, say, “We practice absorption meditation! We practice absorption meditation!” Shoulders drooping, downcast, and dopey, they meditate and concentrate and contemplate and ruminate.’\nMost of the people who died at that time—when their body broke up, after death—were reborn in a place of loss, a bad place, the underworld, hell."}},{"id":"mn50:14","sourceIds":["mn50:14.1","mn50:14.2","mn50:14.3","mn50:14.4","mn50:14.5","mn50:14.6","mn50:14.7"],"kind":"text","text":{"pi":"Atha kho, pāpima, kakusandho bhagavā arahaṁ sammāsambuddho bhikkhū āmantesi:\n‘anvāviṭṭhā kho, bhikkhave, brāhmaṇagahapatikā dūsinā mārena—\netha, tumhe bhikkhū sīlavante kalyāṇadhamme akkosatha paribhāsatha rosetha vihesetha, appeva nāma tumhehi akkosiyamānānaṁ paribhāsiyamānānaṁ rosiyamānānaṁ vihesiyamānānaṁ siyā cittassa aññathattaṁ, yathā taṁ dūsī māro labhetha otāran’ti.\nEtha, tumhe, bhikkhave, mettāsahagatena cetasā ekaṁ disaṁ pharitvā viharatha, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyābajjhena pharitvā viharatha.\nKaruṇāsahagatena cetasā …pe…\nmuditāsahagatena cetasā …pe…\nupekkhāsahagatena cetasā ekaṁ disaṁ pharitvā viharatha, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyābajjhena pharitvā viharathā’ti.","en":"Then Kakusandha the Blessed One, the perfected one, the fully awakened Buddha, addressed the mendicants:\n‘Mendicants, the brahmins and householders have been possessed by Māra Dūsī.\nHe told them to abuse you in the hope of upsetting your minds so that he can find a vulnerability.\nCome, all of you mendicants, meditate spreading a heart full of love to one direction, and to the second, and to the third, and to the fourth. In the same way above, below, across, everywhere, all around, spread a heart full of love to the whole world—abundant, expansive, limitless, free of enmity and ill will.\nMeditate spreading a heart full of compassion …\nMeditate spreading a heart full of rejoicing …\nMeditate spreading a heart full of equanimity to one direction, and to the second, and to the third, and to the fourth. In the same way above, below, across, everywhere, all around, spread a heart full of equanimity to the whole world—abundant, expansive, limitless, free of enmity and ill will.’"}},{"id":"mn50:15","sourceIds":["mn50:15.1","mn50:15.2","mn50:15.3","mn50:15.4"],"kind":"text","text":{"pi":"Atha kho te, pāpima, bhikkhū kakusandhena bhagavatā arahatā sammāsambuddhena evaṁ ovadiyamānā evaṁ anusāsiyamānā araññagatāpi rukkhamūlagatāpi suññāgāragatāpi mettāsahagatena cetasā ekaṁ disaṁ pharitvā vihariṁsu, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyābajjhena pharitvā vihariṁsu.\nKaruṇāsahagatena cetasā …pe…\nmuditāsahagatena cetasā …pe…\nupekkhāsahagatena cetasā ekaṁ disaṁ pharitvā vihariṁsu, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyābajjhena pharitvā vihariṁsu.","en":"When those mendicants were instructed and advised by the Buddha Kakusandha in this way, they went to a wilderness, or to the root of a tree, or to an empty hut, where they meditated spreading a heart full of love …\ncompassion …\nrejoicing …\nequanimity."}},{"id":"mn50:16","sourceIds":["mn50:16.1","mn50:16.2","mn50:16.3","mn50:16.4"],"kind":"text","text":{"pi":"Atha kho, pāpima, dūsissa mārassa etadahosi:\n‘evampi kho ahaṁ karonto imesaṁ bhikkhūnaṁ sīlavantānaṁ kalyāṇadhammānaṁ neva jānāmi āgatiṁ vā gatiṁ vā, yannūnāhaṁ brāhmaṇagahapatike anvāviseyyaṁ:\n“etha, tumhe bhikkhū sīlavante kalyāṇadhamme sakkarotha garuṁ karotha mānetha pūjetha,\nappeva nāma tumhehi sakkariyamānānaṁ garukariyamānānaṁ māniyamānānaṁ pūjiyamānānaṁ siyā cittassa aññathattaṁ, yathā taṁ dūsī māro labhetha otāran”’ti.","en":"Then it occurred to Māra Dūsī,\n‘Even when I do this I don’t know the course of rebirth of these ethical mendicants of good character. Why don’t I take possession of these brahmins and householders and say,\n“Come, all of you, honor, respect, esteem, and venerate the ethical mendicants of good character.\nHopefully by doing this we can upset their minds so that Māra Dūsī can find a vulnerability.”’"}},{"id":"mn50:17","sourceIds":["mn50:17.1","mn50:17.2","mn50:17.3","mn50:17.4","mn50:17.5"],"kind":"text","text":{"pi":"Atha kho te, pāpima, dūsī māro brāhmaṇagahapatike anvāvisi:\n‘etha, tumhe bhikkhū sīlavante kalyāṇadhamme sakkarotha garuṁ karotha mānetha pūjetha,\nappeva nāma tumhehi sakkariyamānānaṁ garukariyamānānaṁ māniyamānānaṁ pūjiyamānānaṁ siyā cittassa aññathattaṁ, yathā taṁ dūsī māro labhetha otāran’ti.\nAtha kho te, pāpima, brāhmaṇagahapatikā anvāviṭṭhā dūsinā mārena bhikkhū sīlavante kalyāṇadhamme sakkaronti garuṁ karonti mānenti pūjenti.\nYe kho pana, pāpima, tena samayena manussā kālaṁ karonti yebhuyyena kāyassa bhedā paraṁ maraṇā sugatiṁ saggaṁ lokaṁ upapajjanti.","en":"And that’s exactly what he did.\nThen those brahmins and householders honored, respected, esteemed, and venerated the ethical mendicants of good character.\nMost of the people who died at that time—when their body broke up, after death—were reborn in a good place, a heavenly realm."}},{"id":"mn50:18","sourceIds":["mn50:18.1","mn50:18.2","mn50:18.3","mn50:18.4","mn50:18.5"],"kind":"text","text":{"pi":"Atha kho, pāpima, kakusandho bhagavā arahaṁ sammāsambuddho bhikkhū āmantesi:\n‘anvāviṭṭhā kho, bhikkhave, brāhmaṇagahapatikā dūsinā mārena:\n“etha, tumhe bhikkhū sīlavante kalyāṇadhamme sakkarotha garuṁ karotha mānetha pūjetha,\nappeva nāma tumhehi sakkariyamānānaṁ garukariyamānānaṁ māniyamānānaṁ pūjiyamānānaṁ siyā cittassa aññathattaṁ, yathā taṁ dūsī māro labhetha otāran”ti.\nEtha, tumhe, bhikkhave, asubhānupassino kāye viharatha, āhāre paṭikūlasaññino, sabbaloke anabhiratisaññino, sabbasaṅkhāresu aniccānupassino’ti.","en":"Then Kakusandha the Blessed One, the perfected one, the fully awakened Buddha, addressed the mendicants:\n‘Mendicants, the brahmins and householders have been possessed by Māra Dūsī.\nHe told them to venerate you\nin the hope of upsetting your minds so that he can find a vulnerability.\nCome, all you mendicants, meditate observing the ugliness of the body, perceiving the repulsiveness of food, perceiving dissatisfaction with the whole world, and observing the impermanence of all conditions.’"}},{"id":"mn50:19","sourceIds":["mn50:19.1"],"kind":"text","text":{"pi":"Atha kho te, pāpima, bhikkhū kakusandhena bhagavatā arahatā sammāsambuddhena evaṁ ovadiyamānā evaṁ anusāsiyamānā araññagatāpi rukkhamūlagatāpi suññāgāragatāpi asubhānupassino kāye vihariṁsu, āhāre paṭikūlasaññino, sabbaloke anabhiratisaññino, sabbasaṅkhāresu aniccānupassino.","en":"When those mendicants were instructed and advised by the Buddha Kakusandha in this way, they went to a wilderness, or to the root of a tree, or to an empty hut, where they meditated observing the ugliness of the body, perceiving the repulsiveness of food, perceiving dissatisfaction with the whole world, and observing the impermanence of all conditions."}},{"id":"mn50:20","sourceIds":["mn50:20.1"],"kind":"text","text":{"pi":"Atha kho, pāpima, kakusandho bhagavā arahaṁ sammāsambuddho pubbaṇhasamayaṁ nivāsetvā pattacīvaramādāya āyasmatā vidhurena pacchāsamaṇena gāmaṁ piṇḍāya pāvisi.","en":"Then the Buddha Kakusandha robed up in the morning and, taking this bowl and robe, entered the village for alms with Venerable Vidhura as his second monk."}},{"id":"mn50:21","sourceIds":["mn50:21.1","mn50:21.2","mn50:21.3","mn50:21.4","mn50:21.5"],"kind":"text","text":{"pi":"Atha kho, pāpima, dūsī māro aññataraṁ kumārakaṁ anvāvisitvā sakkharaṁ gahetvā āyasmato vidhurassa sīse pahāramadāsi; sīsaṁ vobhindi.\nAtha kho, pāpima, āyasmā vidhuro bhinnena sīsena lohitena gaḷantena kakusandhaṁyeva bhagavantaṁ arahantaṁ sammāsambuddhaṁ piṭṭhito piṭṭhito anubandhi.\nAtha kho, pāpima, kakusandho bhagavā arahaṁ sammāsambuddho nāgāpalokitaṁ apalokesi:\n‘na vāyaṁ dūsī māro mattamaññāsī’ti.\nSahāpalokanāya ca pana, pāpima, dūsī māro tamhā ca ṭhānā cavi mahānirayañca upapajji.","en":"Then Māra Dūsī took possession of a certain boy, picked up a rock, and hit Vidhura on the head, cracking it open.\nThen Vidhura, with blood pouring from his cracked skull, still followed behind the Buddha Kakusandha.\nThen the Buddha Kakusandha turned to gaze back, the way that elephants do, saying,\n‘This Māra Dūsī knows no limit.’\nAnd as he was gazing, Māra Dūsī fell from that place and was reborn in the Great Hell."}},{"id":"mn50:22","sourceIds":["mn50:22.1","mn50:22.2","mn50:22.3","mn50:22.4","mn50:22.5","mn50:22.6"],"kind":"text","text":{"pi":"Tassa kho pana, pāpima, mahānirayassa tayo nāmadheyyā honti—\nchaphassāyataniko itipi, saṅkusamāhato itipi, paccattavedaniyo itipi.\nAtha kho maṁ, pāpima, nirayapālā upasaṅkamitvā etadavocuṁ:\n‘yadā kho te, mārisa, saṅkunā saṅku hadaye samāgaccheyya.\nAtha naṁ tvaṁ jāneyyāsi:\n“vassasahassaṁ me niraye paccamānassā”’ti.","en":"Now that Great Hell is known by three names:\n‘Related to the Six Fields of Contact’ and also ‘The Impaling With Spikes’ and also ‘Uniquely Painful’.\nThen the wardens of hell came to me and said,\n‘When spike meets spike in your heart,\nyou will know that\nyou’ve been roasting in hell for a thousand years.’"}},{"id":"mn50:23","sourceIds":["mn50:23.1","mn50:23.2","mn50:23.3","mn50:23.4"],"kind":"text","text":{"pi":"So kho ahaṁ, pāpima, bahūni vassāni bahūni vassasatāni bahūni vassasahassāni tasmiṁ mahāniraye apacciṁ.\nDasavassasahassāni tasseva mahānirayassa ussade apacciṁ vuṭṭhānimaṁ nāma vedanaṁ vediyamāno.\nTassa mayhaṁ, pāpima, evarūpo kāyo hoti, seyyathāpi manussassa.\nEvarūpaṁ sīsaṁ hoti, seyyathāpi macchassa.","en":"I roasted for many years, many centuries, many millennia in that Great Hell.\nFor ten thousand years I roasted in the annex of that Great Hell, experiencing the pain called ‘this is emergence’.\nMy body was in human form,\nbut I had the head of a fish."}},{"id":"mn50:24","sourceIds":["mn50:24.1","mn50:24.2","mn50:24.3","mn50:24.4","mn50:24.5","mn50:24.6","mn50:24.7","mn50:24.8","mn50:24.9","mn50:24.10","mn50:24.11","mn50:24.12","mn50:24.13","mn50:24.14"],"kind":"text","text":{"pi":"Kīdiso nirayo āsi,\nyattha dūsī apaccatha;\nVidhuraṁ sāvakamāsajja,\nkakusandhañca brāhmaṇaṁ.\nSataṁ āsi ayosaṅkū,\nsabbe paccattavedanā;\nĪdiso nirayo āsi,\nyattha dūsī apaccatha;\nVidhuraṁ sāvakamāsajja,\nkakusandhañca brāhmaṇaṁ.\nYo etamabhijānāti,\nbhikkhu buddhassa sāvako;\nTādisaṁ bhikkhumāsajja,\nkaṇha dukkhaṁ nigacchasi.","en":"What kind of hell was that,\nwhere Dūsī was roasted\nafter attacking the disciple Vidhura\nalong with the brahmin Kakusandha?\nThere were 100 iron spikes,\neach one uniquely painful.\nThat’s the kind of hell\nwhere Dūsī was roasted\nafter attacking the disciple Vidhura\nalong with the brahmin Kakusandha.\nDark One, if you attack\na mendicant who directly knows this,\na disciple of the Buddha,\nyou’ll fall into suffering."}},{"id":"mn50:25","sourceIds":["mn50:25.1","mn50:25.2","mn50:25.3","mn50:25.4","mn50:25.5","mn50:25.6","mn50:25.7","mn50:25.8","mn50:25.9","mn50:25.10"],"kind":"text","text":{"pi":"Majjhe sarassa tiṭṭhanti,\nvimānā kappaṭṭhāyino;\nVeḷuriyavaṇṇā rucirā,\naccimanto pabhassarā;\nAccharā tattha naccanti,\nputhu nānattavaṇṇiyo.\nYo etamabhijānāti,\nbhikkhu buddhassa sāvako;\nTādisaṁ bhikkhumāsajja,\nkaṇha dukkhaṁ nigacchasi.","en":"There are mansions that last an eon\nstanding in the middle of a lake.\nSapphire-colored, brilliant,\nthey sparkle and shine.\nDancing there are nymphs\nshining in all different colors.\nDark One, if you attack\na mendicant who directly knows this,\na disciple of the Buddha,\nyou’ll fall into suffering."}},{"id":"mn50:26","sourceIds":["mn50:26.1","mn50:26.2","mn50:26.3","mn50:26.4","mn50:26.5","mn50:26.6","mn50:26.7","mn50:26.8"],"kind":"text","text":{"pi":"Yo ve buddhena codito,\nbhikkhu saṅghassa pekkhato;\nMigāramātupāsādaṁ,\npādaṅguṭṭhena kampayi.\nYo etamabhijānāti,\nbhikkhu buddhassa sāvako;\nTādisaṁ bhikkhumāsajja,\nkaṇha dukkhaṁ nigacchasi.","en":"I’m the one who, urged by the Buddha,\nshook the stilt longhouse of Migāra’s mother\nwith his big toe\nas the Saṅgha of mendicants watched.\nDark One, if you attack\na mendicant who directly knows this,\na disciple of the Buddha,\nyou’ll fall into suffering."}},{"id":"mn50:27","sourceIds":["mn50:27.1","mn50:27.2","mn50:27.3","mn50:27.4","mn50:27.5","mn50:27.6","mn50:27.7","mn50:27.8"],"kind":"text","text":{"pi":"Yo vejayantaṁ pāsādaṁ,\npādaṅguṭṭhena kampayi;\nIddhibalenupatthaddho,\nsaṁvejesi ca devatā.\nYo etamabhijānāti,\nbhikkhu buddhassa sāvako;\nTādisaṁ bhikkhumāsajja,\nkaṇha dukkhaṁ nigacchasi.","en":"I’m the one who shook the Palace of Victory\nwith his big toe\nowing to psychic power,\ninspiring deities to awe.\nDark One, if you attack\na mendicant who directly knows this,\na disciple of the Buddha,\nyou’ll fall into suffering."}},{"id":"mn50:28","sourceIds":["mn50:28.1","mn50:28.2","mn50:28.3","mn50:28.4","mn50:28.5","mn50:28.6","mn50:28.7","mn50:28.8","mn50:28.9","mn50:28.10"],"kind":"text","text":{"pi":"Yo vejayantapāsāde,\nsakkaṁ so paripucchati;\nApi vāsava jānāsi,\ntaṇhākkhayavimuttiyo;\nTassa sakko viyākāsi,\npañhaṁ puṭṭho yathātathaṁ.\nYo etamabhijānāti,\nbhikkhu buddhassa sāvako;\nTādisaṁ bhikkhumāsajja,\nkaṇha dukkhaṁ nigacchasi.","en":"I’m the one who asked Sakka\nin the Palace of Victory:\n‘Vāsava, I hope you recall\nthe one who is freed through the ending of craving?’\nAnd I’m the one to whom Sakka\nadmitted the truth when asked.\nDark One, if you attack\na mendicant who directly knows this,\na disciple of the Buddha,\nyou’ll fall into suffering."}},{"id":"mn50:29","sourceIds":["mn50:29.1","mn50:29.2","mn50:29.3","mn50:29.4","mn50:29.5","mn50:29.6","mn50:29.7","mn50:29.8","mn50:29.9","mn50:29.10","mn50:29.11","mn50:29.12","mn50:29.13","mn50:29.14","mn50:29.15","mn50:29.16","mn50:29.17","mn50:29.18"],"kind":"text","text":{"pi":"Yo brahmaṁ paripucchati,\nsudhammāyābhito sabhaṁ;\nAjjāpi tyāvuso diṭṭhi,\nyā te diṭṭhi pure ahu;\nPassasi vītivattantaṁ,\nbrahmaloke pabhassaraṁ.\nTassa brahmā viyākāsi,\nanupubbaṁ yathātathaṁ;\nNa me mārisa sā diṭṭhi,\nyā me diṭṭhi pure ahu.\nPassāmi vītivattantaṁ,\nbrahmaloke pabhassaraṁ;\nSohaṁ ajja kathaṁ vajjaṁ,\nahaṁ niccomhi sassato.\nYo etamabhijānāti,\nbhikkhu buddhassa sāvako;\nTādisaṁ bhikkhumāsajja,\nkaṇha dukkhaṁ nigacchasi.","en":"I’m the one who asked the Divinity\nin the Hall of Clear Right before the assembly:\n‘Respectable sir, do you still have the same view\nthat you had in the past?\nOr do you see the radiance\nsurpassing the realm of divinity?’\nAnd I’m the one to whom the Divinity\ntruthfully admitted his progress:\n‘Good fellow, I don’t have that view\nthat I had in the past.\nI see the radiance\nsurpassing the realm of divinity.\nSo how could I say today\nthat I am permanent and eternal?’\nDark One, if you attack\na mendicant who directly knows this,\na disciple of the Buddha,\nyou’ll fall into suffering."}},{"id":"mn50:30","sourceIds":["mn50:30.1","mn50:30.2","mn50:30.3","mn50:30.4","mn50:30.5","mn50:30.6","mn50:30.7","mn50:30.8"],"kind":"text","text":{"pi":"Yo mahāmeruno kūṭaṁ,\nvimokkhena aphassayi;\nVanaṁ pubbavidehānaṁ,\nye ca bhūmisayā narā.\nYo etamabhijānāti,\nbhikkhu buddhassa sāvako;\nTādisaṁ bhikkhumāsajja,\nkaṇha dukkhaṁ nigacchasi.","en":"I’m the one who touched the peak of Mount Meru\nusing the power of meditative liberation.\nI’ve visited the forests of the people\nwho dwell in the land east of Videha.\nDark One, if you attack\na mendicant who directly knows this,\na disciple of the Buddha,\nyou’ll fall into suffering."}},{"id":"mn50:31","sourceIds":["mn50:31.1","mn50:31.2","mn50:31.3","mn50:31.4","mn50:31.5","mn50:31.6","mn50:31.7","mn50:31.8","mn50:31.9","mn50:31.10","mn50:31.11","mn50:31.12","mn50:31.13","mn50:31.14","mn50:31.15","mn50:31.16","mn50:31.17","mn50:31.18","mn50:31.19","mn50:31.20","mn50:31.21","mn50:31.22"],"kind":"text","text":{"pi":"Na ve aggi cetayati,\n‘ahaṁ bālaṁ ḍahāmī’ti;\nBālo ca jalitaṁ aggiṁ,\nāsajja naṁ sa ḍayhati.\nEvameva tuvaṁ māra,\nāsajja naṁ tathāgataṁ;\nSayaṁ ḍahissasi attānaṁ,\nbālo aggiṁva samphusaṁ.\nApuññaṁ pasavī māro,\nāsajja naṁ tathāgataṁ;\nKiṁ nu maññasi pāpima,\nna me pāpaṁ vipaccati.\nKaroto cīyati pāpaṁ,\ncirarattāya antaka;\nMāra nibbinda buddhamhā,\nāsaṁ mākāsi bhikkhusu.\nIti māraṁ atajjesi,\nbhikkhu bhesakaḷāvane;\nTato so dummano yakkho,\ntatthevantaradhāyathā”ti.\nMāratajjanīyasuttaṁ niṭṭhitaṁ dasamaṁ.\nCūḷayamakavaggo niṭṭhito pañcamo.","en":"Though a fire doesn’t think,\n‘I’ll burn the fool!’\nStill the fool who attacks\nthe fire gets burnt.\nIn the same way, Māra,\nin attacking the Realized One,\nyou’ll only burn yourself,\nlike a fool touching the flames.\nMāra’s done a bad thing\nin attacking the Realized One.\nWicked One, do you imagine that\nyour wickedness won’t bear fruit?\nYour deeds heap up wickedness\nthat will last a long time, terminator!\nGive up on the Buddha, Māra!\nAnd hold no hope for the mendicants!”\nThat is how, in the Bhesekaḷā grove,\nthe mendicant warned Māra.\nThat spirit, downcast,\ndisappeared right there."}},{"id":"mn50:32","sourceIds":["mn50:32.0","mn50:32.1","mn50:32.2","mn50:32.3","mn50:32.4"],"kind":"text","text":{"pi":"Tassuddānaṁ\nSāleyya verañjaduve ca tuṭṭhi,\nCūḷamahādhammasamādānañca;\nVīmaṁsakā kosambi ca brāhmaṇo,\nDūsī ca māro dasamo ca vaggo."}},{"id":"mn50:33","sourceIds":["mn50:33.0","mn50:33.1","mn50:33.2","mn50:33.3","mn50:33.4","mn50:33.5"],"kind":"text","text":{"pi":"Idaṁ vaggānamuddānaṁ\nMūlapariyāyo ceva,\nsīhanādo ca uttamo;\nKakaco ceva gosiṅgo,\nsāleyyo ca ime pañca.\nMūlapaṇṇāsakaṁ samattaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn50/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}