{"id":"mn53","title":"A Trainee","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn53","title":"A Trainee","units":[{"id":"mn53:0","sourceIds":["mn53:0.1","mn53:0.2"],"kind":"text","text":{"pi":"Majjhima Nikāya 53\nSekhasutta","en":"Middle Discourses 53\nA Trainee"}},{"id":"mn53:1","sourceIds":["mn53:1.1","mn53:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sakkesu viharati kapilavatthusmiṁ nigrodhārāme.","en":"So I have heard.\nAt one time the Buddha was staying in the land of the Sakyans, near Kapilavatthu in the Banyan Tree Monastery."}},{"id":"mn53:2","sourceIds":["mn53:2.1","mn53:2.2","mn53:2.3","mn53:2.4","mn53:2.5"],"kind":"text","text":{"pi":"Tena kho pana samayena kāpilavatthavānaṁ sakyānaṁ navaṁ santhāgāraṁ acirakāritaṁ hoti anajjhāvuṭṭhaṁ samaṇena vā brāhmaṇena vā kenaci vā manussabhūtena.\nAtha kho kāpilavatthavā sakyā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho kāpilavatthavā sakyā bhagavantaṁ etadavocuṁ:\n“idha, bhante, kāpilavatthavānaṁ sakyānaṁ navaṁ santhāgāraṁ acirakāritaṁ anajjhāvuṭṭhaṁ samaṇena vā brāhmaṇena vā kenaci vā manussabhūtena.\nTaṁ, bhante, bhagavā paṭhamaṁ paribhuñjatu. Bhagavatā paṭhamaṁ paribhuttaṁ pacchā kāpilavatthavā sakyā paribhuñjissanti.\nTadassa kāpilavatthavānaṁ sakyānaṁ dīgharattaṁ hitāya sukhāyā”ti.","en":"Now at that time a new town hall had recently been constructed for the Sakyans of Kapilavatthu. It had not yet been occupied by an ascetic or brahmin or any human at all.\nThen the Sakyans of Kapilavatthu went up to the Buddha, bowed, sat down to one side, and said to him:\n“Sir, a new town hall has recently been constructed for the Sakyans of Kapilavatthu. It has not yet been occupied by an ascetic or brahmin or any human at all.\nMay the Buddha be the first to use it, and only then will the Sakyans of Kapilavatthu use it.\nThat would be for the lasting welfare and happiness of the Sakyans of Kapilavatthu.”"}},{"id":"mn53:3","sourceIds":["mn53:3.1","mn53:3.2","mn53:3.3","mn53:3.4","mn53:3.5","mn53:3.6"],"kind":"text","text":{"pi":"Adhivāsesi bhagavā tuṇhībhāvena.\nAtha kho kāpilavatthavā sakyā bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā yena navaṁ santhāgāraṁ tenupasaṅkamiṁsu; upasaṅkamitvā sabbasanthariṁ santhāgāraṁ santharitvā āsanāni paññapetvā udakamaṇikaṁ upaṭṭhapetvā telappadīpaṁ āropetvā yena bhagavā tenupasaṅkamiṁsu;\nupasaṅkamitvā bhagavantaṁ abhivādetvā ekamantaṁ aṭṭhaṁsu.\nEkamantaṁ ṭhitā kho kāpilavatthavā sakyā bhagavantaṁ etadavocuṁ:\n“sabbasanthariṁ santhataṁ, bhante, santhāgāraṁ, āsanāni paññattāni, udakamaṇiko upaṭṭhāpito, telappadīpo āropito.\nYassadāni, bhante, bhagavā kālaṁ maññatī”ti.","en":"The Buddha consented with silence.\nThen, knowing that the Buddha had consented, the Sakyans got up from their seat, bowed and respectfully circled the Buddha, keeping him on their right. Then they went to the new town hall, where they spread carpets all over, prepared seats, set up a water jar, and placed an oil lamp. Then they went back to the Buddha,\nbowed, stood to one side,\nand told him of their preparations, saying,\n“Please, sir, come at your convenience.”"}},{"id":"mn53:4","sourceIds":["mn53:4.1","mn53:4.2","mn53:4.3"],"kind":"text","text":{"pi":"Atha kho bhagavā nivāsetvā pattacīvaramādāya saddhiṁ bhikkhusaṅghena yena santhāgāraṁ tenupasaṅkami; upasaṅkamitvā pāde pakkhāletvā santhāgāraṁ pavisitvā majjhimaṁ thambhaṁ nissāya puratthābhimukho nisīdi.\nBhikkhusaṅghopi kho pāde pakkhāletvā santhāgāraṁ pavisitvā pacchimaṁ bhittiṁ nissāya puratthābhimukho nisīdi, bhagavantaṁyeva purakkhatvā.\nKāpilavatthavāpi kho sakyā pāde pakkhāletvā santhāgāraṁ pavisitvā puratthimaṁ bhittiṁ nissāya pacchimābhimukhā nisīdiṁsu, bhagavantaṁyeva purakkhatvā.","en":"Then the Buddha robed up and, taking his bowl and robe, went to the new town hall together with the Saṅgha of mendicants. Having washed his feet, he entered the town hall and sat against the central column facing east.\nThe Saṅgha of mendicants also washed their feet, entered the town hall, and sat against the west wall facing east, with the Buddha right in front of them.\nThe Sakyans of Kapilavatthu also washed their feet, entered the town hall, and sat against the east wall facing west, with the Buddha right in front of them."}},{"id":"mn53:5","sourceIds":["mn53:5.1","mn53:5.2","mn53:5.3","mn53:5.4","mn53:5.5","mn53:5.6"],"kind":"text","text":{"pi":"Atha kho bhagavā kāpilavatthave sakye bahudeva rattiṁ dhammiyā kathāya sandassetvā samādapetvā samuttejetvā sampahaṁsetvā āyasmantaṁ ānandaṁ āmantesi:\n“paṭibhātu taṁ, ānanda, kāpilavatthavānaṁ sakyānaṁ sekho pāṭipado.\nPiṭṭhi me āgilāyati;\ntamahaṁ āyamissāmī”ti.\n“Evaṁ, bhante”ti kho āyasmā ānando bhagavato paccassosi.\nAtha kho bhagavā catugguṇaṁ saṅghāṭiṁ paññāpetvā dakkhiṇena passena sīhaseyyaṁ kappesi, pāde pādaṁ accādhāya, sato sampajāno, uṭṭhānasaññaṁ manasi karitvā.","en":"The Buddha spent much of the night educating, encouraging, firing up, and inspiring the Sakyans with a Dhamma talk. Then he addressed Venerable Ānanda,\n“Ānanda, speak about the practicing trainee to the Sakyans of Kapilavatthu as you feel inspired.\nMy back is sore,\nI’ll stretch it.”\n“Yes, sir,” Ānanda replied.\nAnd then the Buddha spread out his outer robe folded in four and laid down in the lion’s posture—on the right side, placing one foot on top of the other—mindful and aware, and focused on the time of getting up."}},{"id":"mn53:6","sourceIds":["mn53:6.1","mn53:6.2"],"kind":"text","text":{"pi":"Atha kho āyasmā ānando mahānāmaṁ sakkaṁ āmantesi:\n“idha, mahānāma, ariyasāvako sīlasampanno hoti, indriyesu guttadvāro hoti, bhojane mattaññū hoti, jāgariyaṁ anuyutto hoti, sattahi saddhammehi samannāgato hoti, catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī.","en":"Then Ānanda addressed Mahānāma the Sakyan:\n“Mahānāma, a noble disciple is accomplished in ethics, guards the sense doors, eats in moderation, and is dedicated to wakefulness. They have seven good qualities, and they get the four absorptions—blissful meditations in this life that belong to the higher mind—when they want, without trouble or difficulty."}},{"id":"mn53:7","sourceIds":["mn53:7.1","mn53:7.2","mn53:7.3"],"kind":"text","text":{"pi":"Kathañca, mahānāma, ariyasāvako sīlasampanno hoti?\nIdha, mahānāma, ariyasāvako sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.\nEvaṁ kho, mahānāma, ariyasāvako sīlasampanno hoti.","en":"And how is a noble disciple accomplished in ethics?\nIt’s when a noble disciple is ethical, restrained in the monastic code, conducting themselves well and resorting for alms in suitable places. Seeing danger in the slightest fault, they keep the rules they’ve undertaken.\nThat’s how a noble disciple is ethical."}},{"id":"mn53:8","sourceIds":["mn53:8.1","mn53:8.2","mn53:8.3","mn53:8.4","mn53:8.5","mn53:8.6","mn53:8.7","mn53:8.8","mn53:8.9","mn53:8.10"],"kind":"text","text":{"pi":"Kathañca, mahānāma, ariyasāvako indriyesu guttadvāro hoti?\nIdha, mahānāma, ariyasāvako cakkhunā rūpaṁ disvā na nimittaggāhī hoti nānubyañjanaggāhī.\nYatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ tassa saṁvarāya paṭipajjati, rakkhati cakkhundriyaṁ, cakkhundriye saṁvaraṁ āpajjati.\nSotena saddaṁ sutvā …pe…\nghānena gandhaṁ ghāyitvā …pe…\njivhāya rasaṁ sāyitvā …pe…\nkāyena phoṭṭhabbaṁ phusitvā …pe…\nmanasā dhammaṁ viññāya na nimittaggāhī hoti nānubyañjanaggāhī.\nYatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ tassa saṁvarāya paṭipajjati, rakkhati manindriyaṁ, manindriye saṁvaraṁ āpajjati.\nEvaṁ kho, mahānāma, ariyasāvako indriyesu guttadvāro hoti.","en":"And how does a noble disciple guard the sense doors?\nWhen a noble disciple sees a sight with their eyes, they don’t get caught up in the features and details.\nIf the faculty of sight were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of sight, and achieving its restraint.\nWhen they hear a sound with their ears …\nWhen they smell an odor with their nose …\nWhen they taste a flavor with their tongue …\nWhen they feel a touch with their body …\nWhen they know an idea with their mind, they don’t get caught up in the features and details.\nIf the faculty of mind were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of mind, and achieving its restraint.\nThat’s how a noble disciple guards the sense doors."}},{"id":"mn53:9","sourceIds":["mn53:9.1","mn53:9.2","mn53:9.3","mn53:9.4"],"kind":"text","text":{"pi":"Kathañca, mahānāma, ariyasāvako bhojane mattaññū hoti?\nIdha, mahānāma, ariyasāvako paṭisaṅkhā yoniso āhāraṁ āhāreti:\n‘neva davāya na madāya na maṇḍanāya na vibhūsanāya; yāvadeva imassa kāyassa ṭhitiyā yāpanāya vihiṁsūparatiyā brahmacariyānuggahāya. Iti purāṇañca vedanaṁ paṭihaṅkhāmi, navañca vedanaṁ na uppādessāmi, yātrā ca me bhavissati anavajjatā ca phāsuvihāro cā’ti.\nEvaṁ kho, mahānāma, ariyasāvako bhojane mattaññū hoti.","en":"And how does a noble disciple eat in moderation?\nIt’s when a noble disciple reflects rationally on the food that they eat:\n‘Not for fun, indulgence, adornment, or decoration, but only to sustain this body, to avoid harm, and to support spiritual practice. In this way, I shall put an end to old discomfort and not give rise to new discomfort, and I will have the means to keep going, blamelessness, and a comfortable abiding.’\nThat’s how a noble disciple eats in moderation."}},{"id":"mn53:10","sourceIds":["mn53:10.1","mn53:10.2","mn53:10.3","mn53:10.4","mn53:10.5","mn53:10.6"],"kind":"text","text":{"pi":"Kathañca, mahānāma, ariyasāvako jāgariyaṁ anuyutto hoti?\nIdha, mahānāma, ariyasāvako divasaṁ caṅkamena nisajjāya āvaraṇīyehi dhammehi cittaṁ parisodheti,\nrattiyā paṭhamaṁ yāmaṁ caṅkamena nisajjāya āvaraṇīyehi dhammehi cittaṁ parisodheti,\nrattiyā majjhimaṁ yāmaṁ dakkhiṇena passena sīhaseyyaṁ kappeti, pāde pādaṁ accādhāya, sato sampajāno, uṭṭhānasaññaṁ manasi karitvā,\nrattiyā pacchimaṁ yāmaṁ paccuṭṭhāya caṅkamena nisajjāya āvaraṇīyehi dhammehi cittaṁ parisodheti.\nEvaṁ kho, mahānāma, ariyasāvako jāgariyaṁ anuyutto hoti.","en":"And how is a noble disciple dedicated to wakefulness?\nIt’s when a noble disciple practices walking and sitting meditation by day, purifying their mind from obstacles.\nIn the first watch of the night, they continue to practice walking and sitting meditation.\nIn the middle watch, they lie down in the lion’s posture—on the right side, placing one foot on top of the other—mindful and aware, and focused on the time of getting up.\nIn the last watch, they get up and continue to practice walking and sitting meditation, purifying their mind from obstacles.\nThat’s how a noble disciple is dedicated to wakefulness."}},{"id":"mn53:11","sourceIds":["mn53:11.1","mn53:11.2","mn53:11.3"],"kind":"text","text":{"pi":"Kathañca, mahānāma, ariyasāvako sattahi saddhammehi samannāgato hoti?\nIdha, mahānāma, ariyasāvako saddho hoti, saddahati tathāgatassa bodhiṁ:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.","en":"And how does a noble disciple have seven good qualities?\nIt’s when a noble disciple has faith in the Realized One’s awakening:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’"}},{"id":"mn53:12","sourceIds":["mn53:12.1"],"kind":"text","text":{"pi":"Hirimā hoti, hirīyati kāyaduccaritena vacīduccaritena manoduccaritena, hirīyati pāpakānaṁ akusalānaṁ dhammānaṁ samāpattiyā.","en":"They have a conscience. They’re conscientious about bad conduct by way of body, speech, and mind, and conscientious about having any bad, unskillful qualities."}},{"id":"mn53:13","sourceIds":["mn53:13.1"],"kind":"text","text":{"pi":"Ottappī hoti, ottappati kāyaduccaritena vacīduccaritena manoduccaritena, ottappati pāpakānaṁ akusalānaṁ dhammānaṁ samāpattiyā.","en":"They exercise prudence. They’re prudent when it comes to bad conduct by way of body, speech, and mind, and prudent when it comes to acquiring any bad, unskillful qualities."}},{"id":"mn53:14","sourceIds":["mn53:14.1"],"kind":"text","text":{"pi":"Bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā kevalaparipuṇṇaṁ parisuddhaṁ brahmacariyaṁ abhivadanti tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā.","en":"They’re very learned, remembering and keeping what they’ve learned. These teachings are good in the beginning, good in the middle, and good in the end, meaningful and well-phrased, describing a spiritual practice that’s entirely full and pure. They are very learned in such teachings, remembering them, rehearsing them, mentally scrutinizing them, and penetrating them theoretically."}},{"id":"mn53:15","sourceIds":["mn53:15.1"],"kind":"text","text":{"pi":"Āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.","en":"They live with energy roused up for giving up unskillful qualities and embracing skillful qualities. They’re strong, staunchly vigorous, not slacking off when it comes to developing skillful qualities."}},{"id":"mn53:16","sourceIds":["mn53:16.1"],"kind":"text","text":{"pi":"Satimā hoti, paramena satinepakkena samannāgato, cirakatampi cirabhāsitampi saritā anussaritā.","en":"They’re mindful. They have utmost mindfulness and alertness, and can remember and recall what was said and done long ago."}},{"id":"mn53:17","sourceIds":["mn53:17.1","mn53:17.2"],"kind":"text","text":{"pi":"Paññavā hoti, udayatthagāminiyā paññāya samannāgato, ariyāya nibbedhikāya sammā dukkhakkhayagāminiyā.\nEvaṁ kho, mahānāma, ariyasāvako sattahi saddhammehi samannāgato hoti.","en":"They’re wise. They have the wisdom of arising and passing away which is noble, penetrative, and leads to the complete ending of suffering.\nThat’s how a noble disciple has seven good qualities."}},{"id":"mn53:18","sourceIds":["mn53:18.1","mn53:18.2","mn53:18.3","mn53:18.4","mn53:18.5","mn53:18.6"],"kind":"text","text":{"pi":"Kathañca, mahānāma, ariyasāvako catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī?\nIdha, mahānāma, ariyasāvako vivicceva kāmehi …pe… paṭhamaṁ jhānaṁ upasampajja viharati;\nvitakkavicārānaṁ vūpasamā ajjhattaṁ sampasādanaṁ …pe… dutiyaṁ jhānaṁ upasampajja viharati;\npītiyā ca virāgā …pe… tatiyaṁ jhānaṁ upasampajja viharati;\nsukhassa ca pahānā dukkhassa ca pahānā pubbeva somanassadomanassānaṁ atthaṅgamā …pe… catutthaṁ jhānaṁ upasampajja viharati.\nEvaṁ kho, mahānāma, ariyasāvako catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī.","en":"And how does a noble disciple get the four absorptions—blissful meditations in this life that belong to the higher mind—when they want, without trouble or difficulty?\nIt’s when a noble disciple, quite secluded from sensual pleasures, secluded from unskillful qualities, enters and remains in the first absorption …\nsecond absorption …\nthird absorption …\nfourth absorption.\nThat’s how a noble disciple gets the four absorptions—blissful meditations in this life that belong to the higher mind—when they want, without trouble or difficulty."}},{"id":"mn53:19","sourceIds":["mn53:19.1","mn53:19.2","mn53:19.3","mn53:19.4","mn53:19.5"],"kind":"text","text":{"pi":"Yato kho, mahānāma, ariyasāvako evaṁ sīlasampanno hoti, evaṁ indriyesu guttadvāro hoti, evaṁ bhojane mattaññū hoti, evaṁ jāgariyaṁ anuyutto hoti, evaṁ sattahi saddhammehi samannāgato hoti, evaṁ catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, ayaṁ vuccati, mahānāma, ariyasāvako sekho pāṭipado apuccaṇḍatāya samāpanno, bhabbo abhinibbhidāya, bhabbo sambodhāya, bhabbo anuttarassa yogakkhemassa adhigamāya.\nSeyyathāpi, mahānāma, kukkuṭiyā aṇḍāni aṭṭha vā dasa vā dvādasa vā tānāssu kukkuṭiyā sammā adhisayitāni sammā pariseditāni sammā paribhāvitāni, kiñcāpi tassā kukkuṭiyā na evaṁ icchā uppajjeyya:\n‘aho vatime kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjeyyun’ti,\natha kho bhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjituṁ.\nEvameva kho, mahānāma, yato ariyasāvako evaṁ sīlasampanno hoti, evaṁ indriyesu guttadvāro hoti, evaṁ bhojane mattaññū hoti, evaṁ jāgariyaṁ anuyutto hoti, evaṁ sattahi saddhammehi samannāgato hoti, evaṁ catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, ayaṁ vuccati, mahānāma, ariyasāvako sekho pāṭipado apuccaṇḍatāya samāpanno, bhabbo abhinibbhidāya, bhabbo sambodhāya, bhabbo anuttarassa yogakkhemassa adhigamāya.","en":"When a noble disciple is accomplished in ethics, guards the sense doors, eats in moderation, and is dedicated to wakefulness; and they have seven good qualities, and they get the four absorptions—blissful meditations in this life that belong to the higher mind—when they want, without trouble or difficulty, they are called a noble disciple who is a practicing trainee. Their eggs are unspoiled, and they are capable of breaking out of their shell, becoming awakened, and achieving the supreme sanctuary from the yoke.\nSuppose there was a chicken with eight or ten or twelve eggs. And she properly sat on them to keep them warm and incubated. Even if that chicken doesn’t wish,\n‘If only my chicks could break out of the eggshell with their claws and beak and hatch safely!’\nStill they can break out and hatch safely.\nIn the same way, when a noble disciple is practicing all these things they are called a noble disciple who is a practicing trainee. Their eggs are unspoiled, and they are capable of breaking out of their shell, becoming awakened, and achieving the supreme sanctuary from the yoke."}},{"id":"mn53:20","sourceIds":["mn53:20.1","mn53:20.2","mn53:20.3"],"kind":"text","text":{"pi":"Sa kho so, mahānāma, ariyasāvako imaṁyeva anuttaraṁ upekkhāsatipārisuddhiṁ āgamma anekavihitaṁ pubbenivāsaṁ anussarati,\nseyyathidaṁ—ekampi jātiṁ dvepi jātiyo …pe… iti sākāraṁ sauddesaṁ anekavihitaṁ pubbenivāsaṁ anussarati,\nayamassa paṭhamābhinibbhidā hoti kukkuṭacchāpakasseva aṇḍakosamhā.","en":"Relying on this supreme purity of mindfulness and equanimity, that noble disciple recollects their many kinds of past lives.\nThat is: one, two, three, four, five, ten, twenty, thirty, forty, fifty, a hundred, a thousand, a hundred thousand rebirths; many eons of the world contracting, many eons of the world expanding, many eons of the world contracting and expanding. … And so they recollect their many kinds of past lives, with features and details.\nThis is their first breaking out, like a chick from an eggshell."}},{"id":"mn53:21","sourceIds":["mn53:21.1","mn53:21.2"],"kind":"text","text":{"pi":"Sa kho so, mahānāma, ariyasāvako imaṁyeva anuttaraṁ upekkhāsatipārisuddhiṁ āgamma dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate …pe… yathākammūpage satte pajānāti,\nayamassa dutiyābhinibbhidā hoti kukkuṭacchāpakasseva aṇḍakosamhā.","en":"Relying on this supreme purity of mindfulness and equanimity, that noble disciple, with clairvoyance that is purified and superhuman, sees sentient beings passing away and being reborn—inferior and superior, beautiful and ugly, in a good place or a bad place. … They understand how sentient beings pass on according to their deeds.\nThis is their second breaking out, like a chick from an eggshell."}},{"id":"mn53:22","sourceIds":["mn53:22.1","mn53:22.2"],"kind":"text","text":{"pi":"Sa kho so, mahānāma, ariyasāvako imaṁyeva anuttaraṁ upekkhāsatipārisuddhiṁ āgamma āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati,\nayamassa tatiyābhinibbhidā hoti kukkuṭacchāpakasseva aṇḍakosamhā.","en":"Relying on this supreme purity of mindfulness and equanimity, that noble disciple realizes the undefiled freedom of heart and freedom by wisdom. And they live having realized it with their own insight in this very life due to the ending of defilements.\nThis is their third breaking out, like a chick from an eggshell."}},{"id":"mn53:23","sourceIds":["mn53:23.1","mn53:23.2","mn53:23.3","mn53:23.4","mn53:23.5","mn53:23.6"],"kind":"text","text":{"pi":"Yampi, mahānāma, ariyasāvako sīlasampanno hoti, idampissa hoti caraṇasmiṁ;\nyampi, mahānāma, ariyasāvako indriyesu guttadvāro hoti, idampissa hoti caraṇasmiṁ;\nyampi, mahānāma, ariyasāvako bhojane mattaññū hoti, idampissa hoti caraṇasmiṁ;\nyampi, mahānāma, ariyasāvako jāgariyaṁ anuyutto hoti, idampissa hoti caraṇasmiṁ;\nyampi, mahānāma, ariyasāvako sattahi saddhammehi samannāgato hoti, idampissa hoti caraṇasmiṁ;\nyampi, mahānāma, ariyasāvako catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī, idampissa hoti caraṇasmiṁ.","en":"A noble disciple’s conduct includes the following: being accomplished in ethics,\nguarding the sense doors,\nmoderation in eating,\nbeing dedicated to wakefulness,\nhaving seven good qualities,\nand getting the four absorptions when they want, without trouble or difficulty."}},{"id":"mn53:24","sourceIds":["mn53:24.1","mn53:24.2","mn53:24.3"],"kind":"text","text":{"pi":"Yañca kho, mahānāma, ariyasāvako anekavihitaṁ pubbenivāsaṁ anussarati, seyyathidaṁ—ekampi jātiṁ dvepi jātiyo …pe… iti sākāraṁ sauddesaṁ anekavihitaṁ pubbenivāsaṁ anussarati, idampissa hoti vijjāya;\nyampi, mahānāma, ariyasāvako dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate …pe… yathākammūpage satte pajānāti, idampissa hoti vijjāya.\nYampi, mahānāma, ariyasāvako āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati, idampissa hoti vijjāya.","en":"A noble disciple’s knowledge includes the following: recollecting their past lives,\nclairvoyance that is purified and superhuman,\nand realizing the undefiled freedom of heart and freedom by wisdom, having realized it with their own insight in this very life due to the ending of defilements."}},{"id":"mn53:25","sourceIds":["mn53:25.1","mn53:25.2","mn53:25.3","mn53:25.4","mn53:25.5","mn53:25.6","mn53:25.7"],"kind":"text","text":{"pi":"Ayaṁ vuccati, mahānāma, ariyasāvako vijjāsampanno itipi caraṇasampanno itipi vijjācaraṇasampanno itipi.\nBrahmunāpesā, mahānāma, sanaṅkumārena gāthā bhāsitā:\n‘Khattiyo seṭṭho janetasmiṁ,\nye gottapaṭisārino;\nVijjācaraṇasampanno,\nso seṭṭho devamānuse’ti.\nSā kho panesā, mahānāma, brahmunā sanaṅkumārena gāthā sugītā no duggītā, subhāsitā no dubbhāsitā, atthasaṁhitā no anatthasaṁhitā, anumatā bhagavatā”ti.","en":"This noble disciple is said to be ‘accomplished in knowledge’, and also ‘accomplished in conduct’, and also ‘accomplished in knowledge and conduct’.\nAnd the divinity Sanaṅkumāra also spoke this verse:\n‘The aristocrat is best among people\nwho take clan as the standard.\nBut one accomplished in knowledge and conduct\nis best among gods and humans.’\nAnd that verse was well sung by the Divinity Sanaṅkumāra, not poorly sung; well spoken, not poorly spoken, beneficial, not harmful, and it was approved by the Buddha.”"}},{"id":"mn53:26","sourceIds":["mn53:26.1","mn53:26.2","mn53:26.3","mn53:26.4","mn53:26.5","mn53:26.6","mn53:26.7"],"kind":"text","text":{"pi":"Atha kho bhagavā uṭṭhahitvā āyasmantaṁ ānandaṁ āmantesi:\n“sādhu sādhu, ānanda,\nsādhu kho tvaṁ, ānanda, kāpilavatthavānaṁ sakyānaṁ sekhaṁ pāṭipadaṁ abhāsī”ti.\nIdamavocāyasmā ānando.\nSamanuñño satthā ahosi.\nAttamanā kāpilavatthavā sakyā āyasmato ānandassa bhāsitaṁ abhinandunti.\nSekhasuttaṁ niṭṭhitaṁ tatiyaṁ.","en":"Then the Buddha got up and said to Venerable Ānanda,\n“Good, good, Ānanda!\nIt’s good that you spoke to the Sakyans of Kapilavatthu about the practicing trainee.”\nThat is what Venerable Ānanda said,\nand the Teacher concurred.\nSatisfied, the Sakyans of Kapilavatthu approved what Venerable Ānanda said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn53/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}