{"id":"mn54","title":"With Potaliya the Householder","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn54","title":"With Potaliya the Householder","units":[{"id":"mn54:0","sourceIds":["mn54:0.1","mn54:0.2"],"kind":"text","text":{"pi":"Majjhima Nikāya 54\nPotaliyasutta","en":"Middle Discourses 54\nWith Potaliya the Householder"}},{"id":"mn54:1","sourceIds":["mn54:1.1","mn54:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā aṅguttarāpesu viharati āpaṇaṁ nāma aṅguttarāpānaṁ nigamo.","en":"So I have heard.\nAt one time the Buddha was staying in the land of the Aṅguttarāpans, near the town of theirs named Āpaṇa."}},{"id":"mn54:2","sourceIds":["mn54:2.1","mn54:2.2","mn54:2.3"],"kind":"text","text":{"pi":"Atha kho bhagavā pubbaṇhasamayaṁ nivāsetvā pattacīvaramādāya āpaṇaṁ piṇḍāya pāvisi.\nĀpaṇe piṇḍāya caritvā pacchābhattaṁ piṇḍapātapaṭikkanto yenaññataro vanasaṇḍo tenupasaṅkami divāvihārāya.\nTaṁ vanasaṇḍaṁ ajjhogāhetvā aññatarasmiṁ rukkhamūle divāvihāraṁ nisīdi.","en":"Then the Buddha robed up in the morning and, taking his bowl and robe, entered Āpaṇa for alms.\nHe wandered for alms in Āpaṇa. After the meal, on his return from almsround, he went to a certain forest grove for the day’s meditation.\nHaving plunged deep into it, he sat at the root of a certain tree to meditate."}},{"id":"mn54:3","sourceIds":["mn54:3.1","mn54:3.2","mn54:3.3","mn54:3.4","mn54:3.5","mn54:3.6","mn54:3.7","mn54:3.8","mn54:3.9","mn54:3.10","mn54:3.11","mn54:3.12","mn54:3.13","mn54:3.14","mn54:3.15","mn54:3.16","mn54:3.17","mn54:3.18","mn54:3.19"],"kind":"text","text":{"pi":"Potaliyopi kho gahapati sampannanivāsanapāvuraṇo chattupāhanāhi jaṅghāvihāraṁ anucaṅkamamāno anuvicaramāno yena so vanasaṇḍo tenupasaṅkami; upasaṅkamitvā taṁ vanasaṇḍaṁ ajjhogāhetvā yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ aṭṭhāsi. Ekamantaṁ ṭhitaṁ kho potaliyaṁ gahapatiṁ bhagavā etadavoca:\n“saṁvijjanti kho, gahapati, āsanāni; sace ākaṅkhasi nisīdā”ti.\nEvaṁ vutte, potaliyo gahapati “gahapativādena maṁ samaṇo gotamo samudācaratī”ti kupito anattamano tuṇhī ahosi.\nDutiyampi kho bhagavā …pe…\ntatiyampi kho bhagavā potaliyaṁ gahapatiṁ etadavoca:\n“saṁvijjanti kho, gahapati, āsanāni; sace ākaṅkhasi nisīdā”ti.\nEvaṁ vutte, potaliyo gahapati “gahapativādena maṁ samaṇo gotamo samudācaratī”ti kupito anattamano bhagavantaṁ etadavoca:\n“tayidaṁ, bho gotama, nacchannaṁ, tayidaṁ nappatirūpaṁ, yaṁ maṁ tvaṁ gahapativādena samudācarasī”ti.\n“Te hi te, gahapati, ākārā, te liṅgā, te nimittā yathā taṁ gahapatissā”ti.\n“Tathā hi pana me, bho gotama, sabbe kammantā paṭikkhittā, sabbe vohārā samucchinnā”ti.\n“Yathā kathaṁ pana te, gahapati, sabbe kammantā paṭikkhittā, sabbe vohārā samucchinnā”ti?\n“Idha me, bho gotama, yaṁ ahosi dhanaṁ vā dhaññaṁ vā rajataṁ vā jātarūpaṁ vā sabbaṁ taṁ puttānaṁ dāyajjaṁ niyyātaṁ, tatthāhaṁ anovādī anupavādī ghāsacchādanaparamo viharāmi.\nEvaṁ kho me, bho gotama, sabbe kammantā paṭikkhittā, sabbe vohārā samucchinnā”ti.\n“Aññathā kho tvaṁ, gahapati, vohārasamucchedaṁ vadasi, aññathā ca pana ariyassa vinaye vohārasamucchedo hotī”ti.\n“Yathā kathaṁ pana, bhante, ariyassa vinaye vohārasamucchedo hoti?\nSādhu me, bhante, bhagavā tathā dhammaṁ desetu yathā ariyassa vinaye vohārasamucchedo hotī”ti.\n“Tena hi, gahapati, suṇāhi, sādhukaṁ manasi karohi, bhāsissāmī”ti.\n“Evaṁ, bhante”ti kho potaliyo gahapati bhagavato paccassosi.","en":"Potaliya the householder also approached that forest grove while going for a walk. He was well dressed in sarong and cloak, with parasol and sandals. Having plunged deep into it, he went up to the Buddha, and exchanged greetings with him.\nWhen the greetings and polite conversation were over, he stood to one side, and the Buddha said to him,\n“There are seats, householder. Please sit if you wish.”\nWhen he said this, Potaliya was angry and upset. Thinking, “The ascetic Gotama addresses me as ‘householder’!” he stayed silent.\nFor a second time …\nand a third time the Buddha said to him,\n“There are seats, householder. Please sit if you wish.”\nWhen he said this, Potaliya was angry and upset. Thinking, “The ascetic Gotama addresses me as ‘householder’!” he said to the Buddha,\n“Worthy Gotama, it is neither proper nor appropriate for you to address me as ‘householder’.”\n“Well, householder, you have the features, attributes, and signs of a householder.”\n“Worthy Gotama, it’s because I have turned down all work and cut off all business.”\n“Householder, in what way have you turned down all work and cut off all business?”\n“Worthy Gotama, all the money, grain, gold, and silver I used to have has been handed over to my children as their inheritance. And in this matter I do not advise or reprimand them, but live with nothing more than food and clothes.\nThat’s how I have turned down all work and cut off all business.”\n“The cutting off of business as you describe it is one thing, householder, but the cutting off of business in the Noble One’s training is quite different.”\n“But what, sir, is cutting off of business in the Noble One’s training?\nSir, please teach me this.”\n“Well then, householder, listen and apply your mind well, I will speak.”\n“Yes, sir,” said Potaliya."}},{"id":"mn54:4","sourceIds":["mn54:4.1","mn54:4.2","mn54:4.3","mn54:4.4","mn54:4.5","mn54:4.6","mn54:4.7","mn54:4.8","mn54:4.9","mn54:4.10","mn54:4.11","mn54:4.12"],"kind":"text","text":{"pi":"Bhagavā etadavoca:\n“aṭṭha kho ime, gahapati, dhammā ariyassa vinaye vohārasamucchedāya saṁvattanti.\nKatame aṭṭha?\nApāṇātipātaṁ nissāya pāṇātipāto pahātabbo;\ndinnādānaṁ nissāya adinnādānaṁ pahātabbaṁ;\nsaccavācaṁ nissāya musāvādo pahātabbo;\napisuṇaṁ vācaṁ nissāya pisuṇā vācā pahātabbā;\nagiddhilobhaṁ nissāya giddhilobho pahātabbo;\nanindārosaṁ nissāya nindāroso pahātabbo;\nakkodhūpāyāsaṁ nissāya kodhūpāyāso pahātabbo;\nanatimānaṁ nissāya atimāno pahātabbo.\nIme kho, gahapati, aṭṭha dhammā saṅkhittena vuttā, vitthārena avibhattā, ariyassa vinaye vohārasamucchedāya saṁvattantī”ti.","en":"The Buddha said this:\n“Householder, these eight things lead to the cutting off of business in the Noble One’s training.\nWhat eight?\nKilling living creatures should be given up, relying on not killing living creatures.\nStealing should be given up, relying on not stealing.\nLying should be given up, relying on speaking the truth.\nBackbiting should be given up, relying on not backbiting.\nGreed and lust should be given up, relying on not being greedy and lustful.\nBlaming and insulting should be given up, relying on not blaming and not insulting.\nAnger and distress should be given up, relying on not being angry and distressed.\nArrogance should be given up, relying on not being arrogant.\nThese are the eight things—stated in brief without being analyzed in detail—that lead to the cutting off of business in the Noble One’s training.”"}},{"id":"mn54:5","sourceIds":["mn54:5.1","mn54:5.2","mn54:5.3","mn54:5.4"],"kind":"text","text":{"pi":"“Ye me, bhante, bhagavatā aṭṭha dhammā saṅkhittena vuttā, vitthārena avibhattā, ariyassa vinaye vohārasamucchedāya saṁvattanti, sādhu me, bhante, bhagavā ime aṭṭha dhamme vitthārena vibhajatu anukampaṁ upādāyā”ti.\n“Tena hi, gahapati, suṇāhi, sādhukaṁ manasi karohi, bhāsissāmī”ti.\n“Evaṁ, bhante”ti kho potaliyo gahapati bhagavato paccassosi.\nBhagavā etadavoca:","en":"“Sir, please teach me these eight things in detail out of sympathy.”\n“Well then, householder, listen and apply your mind well, I will speak.”\n“Yes, sir,” said Potaliya.\nThe Buddha said this:"}},{"id":"mn54:6","sourceIds":["mn54:6.1","mn54:6.2","mn54:6.3","mn54:6.4","mn54:6.5","mn54:6.6","mn54:6.7","mn54:6.8"],"kind":"text","text":{"pi":"“‘Apāṇātipātaṁ nissāya pāṇātipāto pahātabbo’ti iti kho panetaṁ vuttaṁ, kiñcetaṁ paṭicca vuttaṁ?\nIdha, gahapati, ariyasāvako iti paṭisañcikkhati:\n‘yesaṁ kho ahaṁ saṁyojanānaṁ hetu pāṇātipātī assaṁ, tesāhaṁ saṁyojanānaṁ pahānāya samucchedāya paṭipanno.\nAhañceva kho pana pāṇātipātī assaṁ, attāpi maṁ upavadeyya pāṇātipātapaccayā, anuviccāpi maṁ viññū garaheyyuṁ pāṇātipātapaccayā, kāyassa bhedā paraṁ maraṇā duggati pāṭikaṅkhā pāṇātipātapaccayā.\nEtadeva kho pana saṁyojanaṁ etaṁ nīvaraṇaṁ yadidaṁ pāṇātipāto.\nYe ca pāṇātipātapaccayā uppajjeyyuṁ āsavā vighātapariḷāhā, pāṇātipātā paṭiviratassa evaṁsa te āsavā vighātapariḷāhā na honti’.\n‘Apāṇātipātaṁ nissāya pāṇātipāto pahātabbo’ti—\niti yantaṁ vuttaṁ idametaṁ paṭicca vuttaṁ.","en":"“‘Killing living creatures should be given up, relying on not killing living creatures.’ That’s what I said, but why did I say it?\nIt’s when a noble disciple reflects:\n‘I am practicing to give up and cut off the fetters that might cause me to kill living creatures.\nBut if I were to kill living creatures, because of that I would reprimand myself; sensible people, after examination, would criticize me; and when my body breaks up, after death, I could expect to be reborn in a bad place.\nAnd killing living creatures is itself a fetter and a hindrance.\nThe distressing and feverish defilements that might arise because of killing living creatures do not occur in someone who does not kill living creatures.’\n‘Killing living creatures should be given up, relying on not killing living creatures.’\nThat’s what I said, and this is why I said it."}},{"id":"mn54:7","sourceIds":["mn54:7.1","mn54:7.2","mn54:7.3","mn54:7.4","mn54:7.5","mn54:7.6","mn54:7.7","mn54:7.8"],"kind":"text","text":{"pi":"‘Dinnādānaṁ nissāya adinnādānaṁ pahātabban’ti iti kho panetaṁ vuttaṁ, kiñcetaṁ paṭicca vuttaṁ?\nIdha, gahapati, ariyasāvako iti paṭisañcikkhati:\n‘yesaṁ kho ahaṁ saṁyojanānaṁ hetu adinnādāyī assaṁ, tesāhaṁ saṁyojanānaṁ pahānāya samucchedāya paṭipanno.\nAhañceva kho pana adinnādāyī assaṁ, attāpi maṁ upavadeyya adinnādānapaccayā, anuviccāpi maṁ viññū garaheyyuṁ adinnādānapaccayā, kāyassa bhedā paraṁ maraṇā duggati pāṭikaṅkhā adinnādānapaccayā.\nEtadeva kho pana saṁyojanaṁ etaṁ nīvaraṇaṁ yadidaṁ adinnādānaṁ.\nYe ca adinnādānapaccayā uppajjeyyuṁ āsavā vighātapariḷāhā adinnādānā paṭiviratassa evaṁsa te āsavā vighātapariḷāhā na honti’.\n‘Dinnādānaṁ nissāya adinnādānaṁ pahātabban’ti—\niti yantaṁ vuttaṁ idametaṁ paṭicca vuttaṁ.","en":"‘Stealing …"}},{"id":"mn54:8","sourceIds":["mn54:8.1","mn54:8.2","mn54:8.3","mn54:8.4","mn54:8.5","mn54:8.6","mn54:8.7","mn54:8.8"],"kind":"text","text":{"pi":"‘Saccavācaṁ nissāya musāvādo pahātabbo’ti iti kho panetaṁ vuttaṁ, kiñcetaṁ paṭicca vuttaṁ?\nIdha, gahapati, ariyasāvako iti paṭisañcikkhati:\n‘yesaṁ kho ahaṁ saṁyojanānaṁ hetu musāvādī assaṁ, tesāhaṁ saṁyojanānaṁ pahānāya samucchedāya paṭipanno.\nAhañceva kho pana musāvādī assaṁ, attāpi maṁ upavadeyya musāvādapaccayā, anuviccāpi maṁ viññū garaheyyuṁ musāvādapaccayā, kāyassa bhedā paraṁ maraṇā duggati pāṭikaṅkhā musāvādapaccayā.\nEtadeva kho pana saṁyojanaṁ etaṁ nīvaraṇaṁ yadidaṁ musāvādo.\nYe ca musāvādapaccayā uppajjeyyuṁ āsavā vighātapariḷāhā, musāvādā paṭiviratassa evaṁsa te āsavā vighātapariḷāhā na honti’.\n‘Saccavācaṁ nissāya musāvādo pahātabbo’ti—\niti yantaṁ vuttaṁ idametaṁ paṭicca vuttaṁ.","en":"lying …"}},{"id":"mn54:9","sourceIds":["mn54:9.1","mn54:9.2","mn54:9.3","mn54:9.4","mn54:9.5","mn54:9.6","mn54:9.7","mn54:9.8"],"kind":"text","text":{"pi":"‘Apisuṇaṁ vācaṁ nissāya pisuṇā vācā pahātabbā’ti iti kho panetaṁ vuttaṁ, kiñcetaṁ paṭicca vuttaṁ?\nIdha, gahapati, ariyasāvako iti paṭisañcikkhati:\n‘yesaṁ kho ahaṁ saṁyojanānaṁ hetu pisuṇavāco assaṁ, tesāhaṁ saṁyojanānaṁ pahānāya samucchedāya paṭipanno.\nAhañceva kho pana pisuṇavāco assaṁ, attāpi maṁ upavadeyya pisuṇavācāpaccayā, anuviccāpi maṁ viññū garaheyyuṁ pisuṇavācāpaccayā, kāyassa bhedā paraṁ maraṇā duggati pāṭikaṅkhā pisuṇavācāpaccayā.\nEtadeva kho pana saṁyojanaṁ etaṁ nīvaraṇaṁ yadidaṁ pisuṇā vācā.\nYe ca pisuṇavācāpaccayā uppajjeyyuṁ āsavā vighātapariḷāhā, pisuṇāya vācāya paṭiviratassa evaṁsa te āsavā vighātapariḷāhā na honti’.\n‘Apisuṇaṁ vācaṁ nissāya pisuṇā vācā pahātabbā’ti—\niti yantaṁ vuttaṁ idametaṁ paṭicca vuttaṁ.","en":"backbiting …"}},{"id":"mn54:10","sourceIds":["mn54:10.1","mn54:10.2","mn54:10.3","mn54:10.4","mn54:10.5","mn54:10.6","mn54:10.7","mn54:10.8"],"kind":"text","text":{"pi":"‘Agiddhilobhaṁ nissāya giddhilobho pahātabbo’ti iti kho panetaṁ vuttaṁ, kiñcetaṁ paṭicca vuttaṁ?\nIdha, gahapati, ariyasāvako iti paṭisañcikkhati:\n‘yesaṁ kho ahaṁ saṁyojanānaṁ hetu giddhilobhī assaṁ, tesāhaṁ saṁyojanānaṁ pahānāya samucchedāya paṭipanno.\nAhañceva kho pana giddhilobhī assaṁ, attāpi maṁ upavadeyya giddhilobhapaccayā, anuviccāpi maṁ viññū garaheyyuṁ giddhilobhapaccayā, kāyassa bhedā paraṁ maraṇā duggati pāṭikaṅkhā giddhilobhapaccayā.\nEtadeva kho pana saṁyojanaṁ etaṁ nīvaraṇaṁ yadidaṁ giddhilobho.\nYe ca giddhilobhapaccayā uppajjeyyuṁ āsavā vighātapariḷāhā, giddhilobhā paṭiviratassa evaṁsa te āsavā vighātapariḷāhā na honti’.\n‘Agiddhilobhaṁ nissāya giddhilobho pahātabbo’ti—\niti yantaṁ vuttaṁ idametaṁ paṭicca vuttaṁ.","en":"greed and lust …"}},{"id":"mn54:11","sourceIds":["mn54:11.1","mn54:11.2","mn54:11.3","mn54:11.4","mn54:11.5","mn54:11.6","mn54:11.7","mn54:11.8"],"kind":"text","text":{"pi":"‘Anindārosaṁ nissāya nindāroso pahātabbo’ti iti kho panetaṁ vuttaṁ, kiñcetaṁ paṭicca vuttaṁ?\nIdha, gahapati, ariyasāvako iti paṭisañcikkhati:\n‘yesaṁ kho ahaṁ saṁyojanānaṁ hetu nindārosī assaṁ, tesāhaṁ saṁyojanānaṁ pahānāya samucchedāya paṭipanno.\nAhañceva kho pana nindārosī assaṁ, attāpi maṁ upavadeyya nindārosapaccayā, anuviccāpi maṁ viññū garaheyyuṁ nindārosapaccayā, kāyassa bhedā paraṁ maraṇā duggati pāṭikaṅkhā nindārosapaccayā.\nEtadeva kho pana saṁyojanaṁ etaṁ nīvaraṇaṁ yadidaṁ nindāroso.\nYe ca nindārosapaccayā uppajjeyyuṁ āsavā vighātapariḷāhā, anindārosissa evaṁsa te āsavā vighātapariḷāhā na honti’.\n‘Anindārosaṁ nissāya nindāroso pahātabbo’ti—\niti yantaṁ vuttaṁ idametaṁ paṭicca vuttaṁ.","en":"blaming and insulting …"}},{"id":"mn54:12","sourceIds":["mn54:12.1","mn54:12.2","mn54:12.3","mn54:12.4","mn54:12.5","mn54:12.6","mn54:12.7","mn54:12.8"],"kind":"text","text":{"pi":"‘Akkodhūpāyāsaṁ nissāya kodhūpāyāso pahātabbo’ti iti kho panetaṁ vuttaṁ, kiñcetaṁ paṭicca vuttaṁ?\nIdha, gahapati, ariyasāvako iti paṭisañcikkhati:\n‘yesaṁ kho ahaṁ saṁyojanānaṁ hetu kodhūpāyāsī assaṁ, tesāhaṁ saṁyojanānaṁ pahānāya samucchedāya paṭipanno.\nAhañceva kho pana kodhūpāyāsī assaṁ, attāpi maṁ upavadeyya kodhūpāyāsapaccayā, anuviccāpi maṁ viññū garaheyyuṁ kodhūpāyāsapaccayā, kāyassa bhedā paraṁ maraṇā duggati pāṭikaṅkhā kodhūpāyāsapaccayā.\nEtadeva kho pana saṁyojanaṁ etaṁ nīvaraṇaṁ yadidaṁ kodhūpāyāso.\nYe ca kodhūpāyāsapaccayā uppajjeyyuṁ āsavā vighātapariḷāhā, akkodhūpāyāsissa evaṁsa te āsavā vighātapariḷāhā na honti’.\n‘Akkodhūpāyāsaṁ nissāya kodhūpāyāso pahātabbo’ti—\niti yantaṁ vuttaṁ idametaṁ paṭicca vuttaṁ.","en":"anger and distress …"}},{"id":"mn54:13","sourceIds":["mn54:13.1","mn54:13.2","mn54:13.3","mn54:13.4","mn54:13.5","mn54:13.6","mn54:13.7","mn54:13.8"],"kind":"text","text":{"pi":"‘Anatimānaṁ nissāya atimāno pahātabbo’ti iti kho panetaṁ vuttaṁ, kiñcetaṁ paṭicca vuttaṁ?\nIdha, gahapati, ariyasāvako iti paṭisañcikkhati:\n‘yesaṁ kho ahaṁ saṁyojanānaṁ hetu atimānī assaṁ, tesāhaṁ saṁyojanānaṁ pahānāya samucchedāya paṭipanno.\nAhañceva kho pana atimānī assaṁ, attāpi maṁ upavadeyya atimānapaccayā, anuviccāpi maṁ viññū garaheyyuṁ atimānapaccayā, kāyassa bhedā paraṁ maraṇā duggati pāṭikaṅkhā atimānapaccayā.\nEtadeva kho pana saṁyojanaṁ etaṁ nīvaraṇaṁ yadidaṁ atimāno.\nYe ca atimānapaccayā uppajjeyyuṁ āsavā vighātapariḷāhā, anatimānissa evaṁsa te āsavā vighātapariḷāhā na honti’.\n‘Anatimānaṁ nissāya atimāno pahātabbo’ti—\niti yantaṁ vuttaṁ idametaṁ paṭicca vuttaṁ.","en":"Arrogance should be given up, relying on not being arrogant.’ That’s what I said, but why did I say it?\nIt’s when a noble disciple reflects:\n‘I am practicing to give up and cut off the fetters that might cause me to be arrogant.\nBut if I were to be arrogant, because of that I would reprimand myself; sensible people, after examination, would criticize me; and when my body breaks up, after death, I could expect to be reborn in a bad place.\nAnd arrogance is itself a fetter and a hindrance.\nThe distressing and feverish defilements that might arise because of arrogance do not occur in someone who is not arrogant.’\n‘Arrogance should be given up by not being arrogant.’\nThat’s what I said, and this is why I said it."}},{"id":"mn54:14","sourceIds":["mn54:14.1","mn54:14.2","mn54:14.3","mn54:14.4","mn54:14.5","mn54:14.6","mn54:14.7"],"kind":"text","text":{"pi":"Ime kho, gahapati, aṭṭha dhammā saṅkhittena vuttā, vitthārena vibhattā, ye ariyassa vinaye vohārasamucchedāya saṁvattanti;\nna tveva tāva ariyassa vinaye sabbena sabbaṁ sabbathā sabbaṁ vohārasamucchedo hotī”ti.\n“Yathā kathaṁ pana, bhante, ariyassa vinaye sabbena sabbaṁ sabbathā sabbaṁ vohārasamucchedo hoti?\nSādhu me, bhante, bhagavā tathā dhammaṁ desetu yathā ariyassa vinaye sabbena sabbaṁ sabbathā sabbaṁ vohārasamucchedo hotī”ti.\n“Tena hi, gahapati, suṇāhi, sādhukaṁ manasi karohi, bhāsissāmī”ti.\n“Evaṁ, bhante”ti kho potaliyo gahapati bhagavato paccassosi.\nBhagavā etadavoca:","en":"These are the eight things—stated in brief and analyzed in detail—that lead to the cutting off of business in the Noble One’s training.\nBut just this much does not constitute the cutting off of business in each and every respect in the Noble One’s training.”\n“But, sir, how is there the cutting off of business in each and every respect in the Noble One’s training?\nSir, please teach me this.”\n“Well then, householder, listen and apply your mind well, I will speak.”\n“Yes, sir,” said Potaliya.\nThe Buddha said this:"}},{"id":"mn54:15","sourceIds":["mn54:15.0","mn54:15.1","mn54:15.2","mn54:15.3","mn54:15.4","mn54:15.5","mn54:15.6","mn54:15.7","mn54:15.8","mn54:15.9","mn54:15.10","mn54:15.11"],"kind":"text","text":{"pi":"1. Kāmādīnavakathā\n“Seyyathāpi, gahapati, kukkuro jighacchādubbalyapareto goghātakasūnaṁ paccupaṭṭhito assa.\nTamenaṁ dakkho goghātako vā goghātakantevāsī vā aṭṭhikaṅkalaṁ sunikkantaṁ nikkantaṁ nimmaṁsaṁ lohitamakkhitaṁ upasumbheyya.\nTaṁ kiṁ maññasi, gahapati,\napi nu kho so kukkuro amuṁ aṭṭhikaṅkalaṁ sunikkantaṁ nikkantaṁ nimmaṁsaṁ lohitamakkhitaṁ palehanto jighacchādubbalyaṁ paṭivineyyā”ti?\n“No hetaṁ, bhante”.\n“Taṁ kissa hetu”?\n“Aduñhi, bhante, aṭṭhikaṅkalaṁ sunikkantaṁ nikkantaṁ nimmaṁsaṁ lohitamakkhitaṁ.\nYāvadeva pana so kukkuro kilamathassa vighātassa bhāgī assā”ti.\n“Evameva kho, gahapati, ariyasāvako iti paṭisañcikkhati:\n‘aṭṭhikaṅkalūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti.\nEvametaṁ yathābhūtaṁ sammappaññāya disvā yāyaṁ upekkhā nānattā nānattasitā taṁ abhinivajjetvā, yāyaṁ upekkhā ekattā ekattasitā yattha sabbaso lokāmisūpādānā aparisesā nirujjhanti tamevūpekkhaṁ bhāveti.","en":"1. The Dangers of Sensual Pleasures\n“Householder, suppose a dog weak with hunger was hanging around a butcher’s shop.\nA deft butcher or their apprentice would toss them a skeleton scraped clean of flesh and smeared in blood.\nWhat do you think, householder?\nGnawing on such a fleshless skeleton, would that dog still get rid of its hunger?”\n“No, sir.\nWhy not?\nBecause that skeleton is scraped clean of flesh and smeared in blood.\nThat dog will eventually get weary and frustrated.”\n“In the same way, a noble disciple reflects:\n‘With the simile of a skeleton the Buddha said that sensual pleasures give little gratification and much suffering and distress, and they are all the more full of drawbacks.’\nHaving truly seen this with right understanding, they shun equanimity based on diversity and develop only the equanimity based on unity, where all kinds of grasping to the worldly pleasures of the flesh cease without remainder."}},{"id":"mn54:16","sourceIds":["mn54:16.1","mn54:16.2","mn54:16.3","mn54:16.4","mn54:16.5","mn54:16.6","mn54:16.7","mn54:16.8"],"kind":"text","text":{"pi":"Seyyathāpi, gahapati, gijjho vā kaṅko vā kulalo vā maṁsapesiṁ ādāya uḍḍīyeyya.\nTamenaṁ gijjhāpi kaṅkāpi kulalāpi anupatitvā anupatitvā vitaccheyyuṁ vissajjeyyuṁ.\nTaṁ kiṁ maññasi, gahapati,\nsace so gijjho vā kaṅko vā kulalo vā taṁ maṁsapesiṁ na khippameva paṭinissajjeyya, so tatonidānaṁ maraṇaṁ vā nigaccheyya maraṇamattaṁ vā dukkhan”ti?\n“Evaṁ, bhante”.\n“Evameva kho, gahapati, ariyasāvako iti paṭisañcikkhati:\n‘maṁsapesūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti.\nEvametaṁ yathābhūtaṁ sammappaññāya disvā yāyaṁ upekkhā nānattā nānattasitā taṁ abhinivajjetvā yāyaṁ upekkhā ekattā ekattasitā yattha sabbaso lokāmisūpādānā aparisesā nirujjhanti tamevūpekkhaṁ bhāveti.","en":"Suppose a vulture or a crow or a hawk was to grab a scrap of meat and fly away.\nOther vultures, crows, and hawks would keep chasing it, pecking and clawing.\nWhat do you think, householder?\nIf that vulture, crow, or hawk doesn’t quickly let go of that scrap of meat, wouldn’t that result in death or deadly suffering for them?”\n“Yes, sir.” …"}},{"id":"mn54:17","sourceIds":["mn54:17.1","mn54:17.2","mn54:17.3","mn54:17.4","mn54:17.5","mn54:17.6","mn54:17.7"],"kind":"text","text":{"pi":"Seyyathāpi, gahapati, puriso ādittaṁ tiṇukkaṁ ādāya paṭivātaṁ gaccheyya.\nTaṁ kiṁ maññasi, gahapati,\nsace so puriso taṁ ādittaṁ tiṇukkaṁ na khippameva paṭinissajjeyya tassa sā ādittā tiṇukkā hatthaṁ vā daheyya bāhuṁ vā daheyya aññataraṁ vā aññataraṁ vā aṅgapaccaṅgaṁ daheyya, so tatonidānaṁ maraṇaṁ vā nigaccheyya maraṇamattaṁ vā dukkhan”ti?\n“Evaṁ, bhante”.\n“Evameva kho, gahapati, ariyasāvako iti paṭisañcikkhati:\n‘tiṇukkūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti.\nEvametaṁ yathābhūtaṁ sammappaññāya disvā …pe… tamevūpekkhaṁ bhāveti.","en":"“Suppose a person carrying a blazing grass torch was to walk against the wind.\nWhat do you think, householder?\nIf that person doesn’t quickly let go of that blazing grass torch, wouldn’t they burn their hands or arm or other major or minor limb, resulting in death or deadly suffering for them?”\n“Yes, sir.” …"}},{"id":"mn54:18","sourceIds":["mn54:18.1","mn54:18.2","mn54:18.3","mn54:18.4","mn54:18.5","mn54:18.6","mn54:18.7","mn54:18.8","mn54:18.9","mn54:18.10","mn54:18.11"],"kind":"text","text":{"pi":"Seyyathāpi, gahapati, aṅgārakāsu sādhikaporisā, pūrā aṅgārānaṁ vītaccikānaṁ vītadhūmānaṁ.\nAtha puriso āgaccheyya jīvitukāmo amaritukāmo sukhakāmo dukkhapaṭikkūlo.\nTamenaṁ dve balavanto purisā nānābāhāsu gahetvā aṅgārakāsuṁ upakaḍḍheyyuṁ.\nTaṁ kiṁ maññasi, gahapati,\napi nu so puriso iticiticeva kāyaṁ sannāmeyyā”ti?\n“Evaṁ, bhante”.\n“Taṁ kissa hetu”?\n“Viditañhi, bhante, tassa purisassa imañcāhaṁ aṅgārakāsuṁ papatissāmi, tatonidānaṁ maraṇaṁ vā nigacchissāmi maraṇamattaṁ vā dukkhan”ti.\n“Evameva kho, gahapati, ariyasāvako iti paṭisañcikkhati:\n‘aṅgārakāsūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti.\nEvametaṁ yathābhūtaṁ sammappaññāya disvā …pe… tamevūpekkhaṁ bhāveti.","en":"“Suppose there was a pit of glowing coals deeper than a man’s height, full of glowing coals that neither flamed nor smoked.\nThen a person would come along who wants to live and doesn’t want to die, who wants to be happy and recoils from pain.\nTwo strong men would grab them by the arms and drag them toward the pit of glowing coals.\nWhat do you think, householder?\nWouldn’t that person writhe and struggle to and fro?”\n“Yes, sir.\nWhy is that?\nFor that person knows: ‘If I fall in that pit of glowing coals, that’d result in my death or deadly pain.’” …"}},{"id":"mn54:19","sourceIds":["mn54:19.1","mn54:19.2","mn54:19.3","mn54:19.4","mn54:19.5"],"kind":"text","text":{"pi":"Seyyathāpi, gahapati, puriso supinakaṁ passeyya ārāmarāmaṇeyyakaṁ vanarāmaṇeyyakaṁ bhūmirāmaṇeyyakaṁ pokkharaṇirāmaṇeyyakaṁ.\nSo paṭibuddho na kiñci paṭipasseyya.\nEvameva kho, gahapati, ariyasāvako iti paṭisañcikkhati:\n‘supinakūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti …pe…\ntamevūpekkhaṁ bhāveti.","en":"“Suppose a person was to see delightful parks, woods, meadows, and lotus ponds in a dream.\nBut when they woke they couldn’t see them at all. …"}},{"id":"mn54:20","sourceIds":["mn54:20.1","mn54:20.2","mn54:20.3","mn54:20.4","mn54:20.5","mn54:20.6","mn54:20.7","mn54:20.8","mn54:20.9","mn54:20.10","mn54:20.11","mn54:20.12"],"kind":"text","text":{"pi":"Seyyathāpi, gahapati, puriso yācitakaṁ bhogaṁ yācitvā yānaṁ vā poriseyyaṁ pavaramaṇikuṇḍalaṁ.\nSo tehi yācitakehi bhogehi purakkhato parivuto antarāpaṇaṁ paṭipajjeyya.\nTamenaṁ jano disvā evaṁ vadeyya:\n‘bhogī vata bho puriso, evaṁ kira bhogino bhogāni bhuñjantī’ti.\nTamenaṁ sāmikā yattha yattheva passeyyuṁ tattha tattheva sāni hareyyuṁ.\nTaṁ kiṁ maññasi, gahapati, alaṁ nu kho tassa purisassa aññathattāyā”ti?\n“Evaṁ, bhante”.\n“Taṁ kissa hetu”?\n“Sāmino hi, bhante, sāni harantī”ti.\n“Evameva kho, gahapati, ariyasāvako iti paṭisañcikkhati:\n‘yācitakūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti …pe…\ntamevūpekkhaṁ bhāveti.","en":"Suppose a man had borrowed some goods—a gentleman’s carriage and fine jeweled earrings—\nand preceded and surrounded by these he proceeded through the middle of Āpaṇa.\nWhen people saw him they’d say:\n‘This must be a wealthy man! For that’s how the wealthy enjoy their wealth.’\nBut when the owners saw him, they’d take back what was theirs.\nWhat do you think? Would that be enough for that man to get upset?”\n“Yes, sir.\nWhy is that?\nBecause the owners took back what was theirs.” …"}},{"id":"mn54:21","sourceIds":["mn54:21.1","mn54:21.2","mn54:21.3","mn54:21.4","mn54:21.5","mn54:21.6","mn54:21.7","mn54:21.8","mn54:21.9","mn54:21.10","mn54:21.11","mn54:21.12","mn54:21.13","mn54:21.14","mn54:21.15","mn54:21.16","mn54:21.17","mn54:21.18","mn54:21.19","mn54:21.20","mn54:21.21","mn54:21.22"],"kind":"text","text":{"pi":"Seyyathāpi, gahapati, gāmassa vā nigamassa vā avidūre tibbo vanasaṇḍo.\nTatrassa rukkho sampannaphalo ca upapannaphalo ca, na cassu kānici phalāni bhūmiyaṁ patitāni.\nAtha puriso āgaccheyya phalatthiko phalagavesī phalapariyesanaṁ caramāno.\nSo taṁ vanasaṇḍaṁ ajjhogāhetvā taṁ rukkhaṁ passeyya sampannaphalañca upapannaphalañca.\nTassa evamassa:\n‘ayaṁ kho rukkho sampannaphalo ca upapannaphalo ca, natthi ca kānici phalāni bhūmiyaṁ patitāni.\nJānāmi kho panāhaṁ rukkhaṁ ārohituṁ.\nYannūnāhaṁ imaṁ rukkhaṁ ārohitvā yāvadatthañca khādeyyaṁ ucchaṅgañca pūreyyan’ti.\nSo taṁ rukkhaṁ ārohitvā yāvadatthañca khādeyya ucchaṅgañca pūreyya.\nAtha dutiyo puriso āgaccheyya phalatthiko phalagavesī phalapariyesanaṁ caramāno tiṇhaṁ kuṭhāriṁ ādāya.\nSo taṁ vanasaṇḍaṁ ajjhogāhetvā taṁ rukkhaṁ passeyya sampannaphalañca upapannaphalañca.\nTassa evamassa:\n‘ayaṁ kho rukkho sampannaphalo ca upapannaphalo ca, natthi ca kānici phalāni bhūmiyaṁ patitāni.\nNa kho panāhaṁ jānāmi rukkhaṁ ārohituṁ.\nYannūnāhaṁ imaṁ rukkhaṁ mūlato chetvā yāvadatthañca khādeyyaṁ ucchaṅgañca pūreyyan’ti.\nSo taṁ rukkhaṁ mūlatova chindeyya.\nTaṁ kiṁ maññasi, gahapati,\namuko yo so puriso paṭhamaṁ rukkhaṁ ārūḷho sace so na khippameva oroheyya tassa so rukkho papatanto hatthaṁ vā bhañjeyya pādaṁ vā bhañjeyya aññataraṁ vā aññataraṁ vā aṅgapaccaṅgaṁ bhañjeyya, so tatonidānaṁ maraṇaṁ vā nigaccheyya maraṇamattaṁ vā dukkhan”ti?\n“Evaṁ, bhante”.\n“Evameva kho, gahapati, ariyasāvako iti paṭisañcikkhati:\n‘rukkhaphalūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’ti.\nEvametaṁ yathābhūtaṁ sammappaññāya disvā yāyaṁ upekkhā nānattā nānattasitā taṁ abhinivajjetvā yāyaṁ upekkhā ekattā ekattasitā yattha sabbaso lokāmisūpādānā aparisesā nirujjhanti tamevūpekkhaṁ bhāveti.","en":"“Suppose there was a dense forest grove not far from a town or village.\nAnd there was a tree laden with fruit, yet none of the fruit had fallen to the ground.\nAnd along came a person in need of fruit, wandering in search of fruit.\nHaving plunged deep into that forest grove, they’d see that tree laden with fruit.\nThey’d think:\n‘That tree is laden with fruit, yet none of the fruit has fallen to the ground.\nBut I know how to climb a tree.\nWhy don’t I climb the tree, eat as much as I like, then fill my pouch?’\nAnd that’s what they’d do.\nAnd along would come a second person in need of fruit, wandering in search of fruit, carrying a sharp axe.\nHaving plunged deep into that forest grove, they’d see that tree laden with fruit.\nThey’d think:\n‘That tree is laden with fruit, yet none of the fruit has fallen to the ground.\nBut I don’t know how to climb a tree.\nWhy don’t I chop this tree down at the root, eat as much as I like, then fill my pouch?’\nAnd so they’d chop the tree down at the root.\nWhat do you think, householder?\nIf the first person, who climbed the tree, doesn’t quickly come down, when that tree fell wouldn’t they break their hand or arm or other major or minor limb, resulting in death or deadly suffering for them?”\n“Yes, sir.”\n“In the same way, a noble disciple reflects:\n‘With the simile of the fruit tree the Buddha said that sensual pleasures give little gratification and much suffering and distress, and they are all the more full of drawbacks.’\nHaving truly seen this with right understanding, they shun equanimity based on diversity and develop only the equanimity based on unity, where all kinds of grasping to the worldly pleasures of the flesh cease without remainder."}},{"id":"mn54:22","sourceIds":["mn54:22.1","mn54:22.2"],"kind":"text","text":{"pi":"Sa kho so, gahapati, ariyasāvako imaṁyeva anuttaraṁ upekkhāsatipārisuddhiṁ āgamma anekavihitaṁ pubbenivāsaṁ anussarati,\nseyyathidaṁ—ekampi jātiṁ dvepi jātiyo …pe… iti sākāraṁ sauddesaṁ anekavihitaṁ pubbenivāsaṁ anussarati.","en":"Relying on this supreme purity of mindfulness and equanimity, that noble disciple recollects their many kinds of past lives.\nThat is: one, two, three, four, five, ten, twenty, thirty, forty, fifty, a hundred, a thousand, a hundred thousand rebirths; many eons of the world contracting, many eons of the world expanding, many eons of the world contracting and expanding. … They recollect their many kinds of past lives, with features and details."}},{"id":"mn54:23","sourceIds":["mn54:23.1"],"kind":"text","text":{"pi":"Sa kho so, gahapati, ariyasāvako imaṁyeva anuttaraṁ upekkhāsatipārisuddhiṁ āgamma dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate …pe… yathākammūpage satte pajānāti.","en":"Relying on this supreme purity of mindfulness and equanimity, that noble disciple, with clairvoyance that is purified and superhuman, sees sentient beings passing away and being reborn—inferior and superior, beautiful and ugly, in a good place or a bad place. … They understand how sentient beings pass on according to their deeds."}},{"id":"mn54:24","sourceIds":["mn54:24.1"],"kind":"text","text":{"pi":"Sa kho so, gahapati, ariyasāvako imaṁyeva anuttaraṁ upekkhāsatipārisuddhiṁ āgamma āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.","en":"Relying on this supreme purity of mindfulness and equanimity, that noble disciple realizes the undefiled freedom of heart and freedom by wisdom. And they live having realized it with their own insight in this very life due to the ending of defilements."}},{"id":"mn54:25","sourceIds":["mn54:25.1","mn54:25.2","mn54:25.3","mn54:25.4","mn54:25.5","mn54:25.6","mn54:25.7","mn54:25.8","mn54:25.9","mn54:25.10"],"kind":"text","text":{"pi":"Ettāvatā kho, gahapati, ariyassa vinaye sabbena sabbaṁ sabbathā sabbaṁ vohārasamucchedo hoti.\nTaṁ kiṁ maññasi, gahapati,\nyathā ariyassa vinaye sabbena sabbaṁ sabbathā sabbaṁ vohārasamucchedo hoti, api nu tvaṁ evarūpaṁ vohārasamucchedaṁ attani samanupassasī”ti?\n“Ko cāhaṁ, bhante, ko ca ariyassa vinaye sabbena sabbaṁ sabbathā sabbaṁ vohārasamucchedo.\nĀrakā ahaṁ, bhante, ariyassa vinaye sabbena sabbaṁ sabbathā sabbaṁ vohārasamucchedā.\nMayañhi, bhante, pubbe aññatitthiye paribbājake anājānīyeva samāne ājānīyāti amaññimha, anājānīyeva samāne ājānīyabhojanaṁ bhojimha, anājānīyeva samāne ājānīyaṭhāne ṭhapimha;\nbhikkhū pana mayaṁ, bhante, ājānīyeva samāne anājānīyāti amaññimha, ājānīyeva samāne anājānīyabhojanaṁ bhojimha, ājānīyeva samāne anājānīyaṭhāne ṭhapimha;\nidāni pana mayaṁ, bhante, aññatitthiye paribbājake anājānīyeva samāne anājānīyāti jānissāma, anājānīyeva samāne anājānīyabhojanaṁ bhojessāma, anājānīyeva samāne anājānīyaṭhāne ṭhapessāma.\nBhikkhū pana mayaṁ, bhante, ājānīyeva samāne ājānīyāti jānissāma, ājānīyeva samāne ājānīyabhojanaṁ bhojessāma, ājānīyeva samāne ājānīyaṭhāne ṭhapessāma.\nAjanesi vata me, bhante, bhagavā samaṇesu samaṇappemaṁ, samaṇesu samaṇappasādaṁ, samaṇesu samaṇagāravaṁ.","en":"That’s how there is the cutting off of business in each and every respect in the Noble One’s training.\nWhat do you think, householder?\nDo you regard yourself as having cut off business in a way comparable to the cutting off of business in each and every respect in the Noble One’s training?”\n“Who am I compared to one who has cut off business in each and every respect in the Noble One’s training?\nI am far from that.\nSir, I used to think that the wanderers following other religions were thoroughbreds, and I fed them and treated them accordingly, but they were not actually thoroughbreds.\nI thought that the mendicants were not thoroughbreds, and I fed them and treated them accordingly, but they actually were thoroughbreds.\nBut now I shall understand that the wanderers following other religions are not actually thoroughbreds, and I will feed them and treat them accordingly.\nAnd I shall understand that the mendicants actually are thoroughbreds, and I will feed them and treat them accordingly.\nThe Buddha has inspired me to have love, confidence, and respect for ascetics!"}},{"id":"mn54:26","sourceIds":["mn54:26.1","mn54:26.2","mn54:26.3","mn54:26.4","mn54:26.5"],"kind":"text","text":{"pi":"Abhikkantaṁ, bhante, abhikkantaṁ, bhante.\nSeyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya, ‘cakkhumanto rūpāni dakkhantī’ti; evamevaṁ kho, bhante, bhagavatā anekapariyāyena dhammo pakāsito.\nEsāhaṁ, bhante, bhagavantaṁ saraṇaṁ gacchāmi dhammañca bhikkhusaṅghañca.\nUpāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.\nPotaliyasuttaṁ niṭṭhitaṁ catutthaṁ.","en":"Excellent, sir! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, the Buddha has made the teaching clear in many ways.\nI go for refuge to the Buddha, to the teaching, and to the mendicant Saṅgha.\nFrom this day forth, may the Buddha remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn54/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}