{"id":"mn55","title":"With Jīvaka","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn55","title":"With Jīvaka","units":[{"id":"mn55:0","sourceIds":["mn55:0.1","mn55:0.2"],"kind":"text","text":{"pi":"Majjhima Nikāya 55\nJīvakasutta","en":"Middle Discourses 55\nWith Jīvaka"}},{"id":"mn55:1","sourceIds":["mn55:1.1","mn55:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati jīvakassa komārabhaccassa ambavane.","en":"So I have heard.\nAt one time the Buddha was staying near Rājagaha in the Mango Grove of Jīvaka Komārabhacca."}},{"id":"mn55:2","sourceIds":["mn55:2.1"],"kind":"text","text":{"pi":"Atha kho jīvako komārabhacco yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho jīvako komārabhacco bhagavantaṁ etadavoca:","en":"Then Jīvaka went up to the Buddha, bowed, sat down to one side, and said to him:"}},{"id":"mn55:3","sourceIds":["mn55:3.1","mn55:3.2","mn55:3.3"],"kind":"text","text":{"pi":"“sutaṁ metaṁ, bhante:\n‘samaṇaṁ gotamaṁ uddissa pāṇaṁ ārabhanti, taṁ samaṇo gotamo jānaṁ uddissakataṁ maṁsaṁ paribhuñjati paṭiccakamman’ti.\nYe te, bhante, evamāhaṁsu: ‘samaṇaṁ gotamaṁ uddissa pāṇaṁ ārabhanti, taṁ samaṇo gotamo jānaṁ uddissakataṁ maṁsaṁ paribhuñjati paṭiccakamman’ti, kacci te, bhante, bhagavato vuttavādino, na ca bhagavantaṁ abhūtena abbhācikkhanti, dhammassa cānudhammaṁ byākaronti, na ca koci sahadhammiko vādānuvādo gārayhaṁ ṭhānaṁ āgacchatī”ti?","en":"“Sir, I have heard this:\n‘They slaughter living creatures specially for the ascetic Gotama. The ascetic Gotama knowingly eats meat prepared on his behalf: this is a deed he caused.’\nI trust those who say this repeat what the Buddha has said, and do not misrepresent him with an untruth? Is their explanation in line with the teaching? Are there any legitimate grounds for rebuttal and criticism?”"}},{"id":"mn55:4","sourceIds":["mn55:4.1"],"kind":"text","text":{"pi":"“Ye te, jīvaka, evamāhaṁsu: ‘samaṇaṁ gotamaṁ uddissa pāṇaṁ ārabhanti, taṁ samaṇo gotamo jānaṁ uddissakataṁ maṁsaṁ paribhuñjati paṭiccakamman’ti na me te vuttavādino, abbhācikkhanti ca maṁ te asatā abhūtena.","en":"“Jīvaka, those who say this do not repeat what I have said. They misrepresent me with what is false and untrue."}},{"id":"mn55:5","sourceIds":["mn55:5.1","mn55:5.2","mn55:5.3","mn55:5.4","mn55:5.5","mn55:5.6"],"kind":"text","text":{"pi":"Tīhi kho ahaṁ, jīvaka, ṭhānehi maṁsaṁ aparibhoganti vadāmi.\nDiṭṭhaṁ, sutaṁ, parisaṅkitaṁ—\nimehi kho ahaṁ, jīvaka, tīhi ṭhānehi maṁsaṁ aparibhoganti vadāmi.\nTīhi kho ahaṁ, jīvaka, ṭhānehi maṁsaṁ paribhoganti vadāmi.\nAdiṭṭhaṁ, asutaṁ, aparisaṅkitaṁ—\nimehi kho ahaṁ, jīvaka, tīhi ṭhānehi maṁsaṁ paribhoganti vadāmi.","en":"In three cases I say that meat may not be eaten:\nit’s seen, heard, or suspected.\nThese are three cases in which meat may not be eaten.\nIn three cases I say that meat may be eaten:\nit’s not seen, heard, or suspected.\nThese are three cases in which meat may be eaten."}},{"id":"mn55:6","sourceIds":["mn55:6.1","mn55:6.2","mn55:6.3","mn55:6.4","mn55:6.5","mn55:6.6","mn55:6.7","mn55:6.8","mn55:6.9","mn55:6.10","mn55:6.11","mn55:6.12","mn55:6.13","mn55:6.14","mn55:6.15"],"kind":"text","text":{"pi":"Idha, jīvaka, bhikkhu aññataraṁ gāmaṁ vā nigamaṁ vā upanissāya viharati.\nSo mettāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyābajjhena pharitvā viharati.\nTamenaṁ gahapati vā gahapatiputto vā upasaṅkamitvā svātanāya bhattena nimanteti.\nĀkaṅkhamānova, jīvaka, bhikkhu adhivāseti.\nSo tassā rattiyā accayena pubbaṇhasamayaṁ nivāsetvā pattacīvaramādāya yena tassa gahapatissa vā gahapatiputtassa vā nivesanaṁ tenupasaṅkamati; upasaṅkamitvā paññatte āsane nisīdati.\nTamenaṁ so gahapati vā gahapatiputto vā paṇītena piṇḍapātena parivisati.\nTassa na evaṁ hoti:\n‘sādhu vata māyaṁ gahapati vā gahapatiputto vā paṇītena piṇḍapātena pariviseyyāti.\nAho vata māyaṁ gahapati vā gahapatiputto vā āyatimpi evarūpena paṇītena piṇḍapātena pariviseyyā’ti—\nevampissa na hoti.\nSo taṁ piṇḍapātaṁ agathito amucchito anajjhopanno ādīnavadassāvī nissaraṇapañño paribhuñjati.\nTaṁ kiṁ maññasi, jīvaka,\napi nu so bhikkhu tasmiṁ samaye attabyābādhāya vā ceteti, parabyābādhāya vā ceteti, ubhayabyābādhāya vā cetetī”ti?\n“No hetaṁ, bhante”.\n“Nanu so, jīvaka, bhikkhu tasmiṁ samaye anavajjaṁyeva āhāraṁ āhāretī”ti?","en":"Take the case of a mendicant living supported by a town or village.\nThey meditate spreading a heart full of love to one direction, and to the second, and to the third, and to the fourth. In the same way above, below, across, everywhere, all around, they spread a heart full of love to the whole world—abundant, expansive, limitless, free of enmity and ill will.\nA householder or their child approaches and invites them for the next day’s meal.\nThe mendicant accepts if they want.\nWhen the night has passed, they robe up in the morning, take their bowl and robe, and approach that householder’s home, where they sit on the seat spread out.\nThat householder or their child serves them with delicious almsfood.\nIt never occurs to them,\n‘It’s so good that this householder serves me with delicious almsfood!\nI hope they serve me with such delicious almsfood in the future!’\nThey don’t think that.\nThey eat that almsfood untied, uninfatuated, unattached, seeing the drawback, and understanding the escape.\nWhat do you think, Jīvaka?\nAt that time is that mendicant intending to hurt themselves, hurt others, or hurt both?”\n“No, sir.”\n“Aren’t they eating blameless food at that time?”"}},{"id":"mn55:7","sourceIds":["mn55:7.1","mn55:7.2","mn55:7.3","mn55:7.4","mn55:7.5","mn55:7.6","mn55:7.7","mn55:7.8"],"kind":"text","text":{"pi":"“Evaṁ, bhante.\nSutaṁ metaṁ, bhante:\n‘brahmā mettāvihārī’ti.\nTaṁ me idaṁ, bhante, bhagavā sakkhidiṭṭho;\nbhagavā hi, bhante, mettāvihārī”ti.\n“Yena kho, jīvaka, rāgena yena dosena yena mohena byāpādavā assa so rāgo so doso so moho tathāgatassa pahīno ucchinnamūlo tālāvatthukato anabhāvaṅkato āyatiṁ anuppādadhammo.\nSace kho te, jīvaka, idaṁ sandhāya bhāsitaṁ anujānāmi te etan”ti.\n“Etadeva kho pana me, bhante, sandhāya bhāsitaṁ”.","en":"“Yes, sir.\nSir, I have heard that\nThe Divinity abides in love.\nNow, I’ve seen the Buddha with my own eyes,\nand it is the Buddha who truly abides in love.”\n“Any greed, hate, or delusion that might give rise to ill will has been given up by the Realized One, cut off at the root, made like a palm stump, obliterated, and is unable to arise in the future.\nIf that’s what you were referring to, I grant it.”\n“That’s exactly what I was referring to.”"}},{"id":"mn55:8-10","sourceIds":["mn55:8-10.1","mn55:8-10.2","mn55:8-10.3","mn55:8-10.4","mn55:8-10.5","mn55:8-10.6","mn55:8-10.7","mn55:8-10.8","mn55:8-10.9","mn55:8-10.10","mn55:8-10.11","mn55:8-10.12","mn55:8-10.13","mn55:8-10.14","mn55:8-10.15","mn55:8-10.16","mn55:8-10.17","mn55:8-10.18"],"kind":"text","text":{"pi":"“Idha, jīvaka, bhikkhu aññataraṁ gāmaṁ vā nigamaṁ vā upanissāya viharati.\nSo karuṇāsahagatena cetasā …pe…\nmuditāsahagatena cetasā …pe…\nupekkhāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ.\nIti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyābajjhena pharitvā viharati.\nTamenaṁ gahapati vā gahapatiputto vā upasaṅkamitvā svātanāya bhattena nimanteti.\nĀkaṅkhamānova, jīvaka, bhikkhu adhivāseti.\nSo tassā rattiyā accayena pubbaṇhasamayaṁ nivāsetvā pattacīvaramādāya yena gahapatissa vā gahapatiputtassa vā nivesanaṁ tenupasaṅkamati; upasaṅkamitvā paññatte āsane nisīdati.\nTamenaṁ so gahapati vā gahapatiputto vā paṇītena piṇḍapātena parivisati.\nTassa na evaṁ hoti:\n‘sādhu vata māyaṁ gahapati vā gahapatiputto vā paṇītena piṇḍapātena pariviseyyāti.\nAho vata māyaṁ gahapati vā gahapatiputto vā āyatimpi evarūpena paṇītena piṇḍapātena pariviseyyā’ti—\nevampissa na hoti.\nSo taṁ piṇḍapātaṁ agathito amucchito anajjhopanno ādīnavadassāvī nissaraṇapañño paribhuñjati.\nTaṁ kiṁ maññasi, jīvaka,\napi nu so bhikkhu tasmiṁ samaye attabyābādhāya vā ceteti, parabyābādhāya vā ceteti, ubhayabyābādhāya vā cetetī”ti?\n“No hetaṁ, bhante”.\n“Nanu so, jīvaka, bhikkhu tasmiṁ samaye anavajjaṁyeva āhāraṁ āhāretī”ti?","en":"“Take the case, Jīvaka, of a mendicant living supported by a town or village.\nThey meditate spreading a heart full of compassion …\nThey meditate spreading a heart full of rejoicing …\nThey meditate spreading a heart full of equanimity to one direction, and to the second, and to the third, and to the fourth.\nIn the same way above, below, across, everywhere, all around, they spread a heart full of equanimity to the whole world—abundant, expansive, limitless, free of enmity and ill will.\nA householder or their child approaches and invites them for the next day’s meal.\nThe mendicant accepts if they want.\nWhen the night has passed, they robe up in the morning, take their bowl and robe, and approach that householder’s home, where they sit on the seat spread out.\nThat householder or their child serves them with delicious almsfood.\nIt never occurs to them,\n‘It’s so good that this householder serves me with delicious almsfood!\nI hope they serve me with such delicious almsfood in the future!’\nThey don’t think that.\nThey eat that almsfood untied, uninfatuated, unattached, seeing the drawback, and understanding the escape.\nWhat do you think, Jīvaka?\nAt that time is that mendicant intending to hurt themselves, hurt others, or hurt both?”\n“No, sir.”\n“Aren’t they eating blameless food at that time?”"}},{"id":"mn55:11","sourceIds":["mn55:11.1","mn55:11.2","mn55:11.3","mn55:11.4","mn55:11.5","mn55:11.6","mn55:11.7","mn55:11.8"],"kind":"text","text":{"pi":"“Evaṁ, bhante.\nSutaṁ metaṁ, bhante:\n‘brahmā upekkhāvihārī’ti.\nTaṁ me idaṁ, bhante, bhagavā sakkhidiṭṭho;\nbhagavā hi, bhante, upekkhāvihārī”ti.\n“Yena kho, jīvaka, rāgena yena dosena yena mohena vihesavā assa arativā assa paṭighavā assa so rāgo so doso so moho tathāgatassa pahīno ucchinnamūlo tālāvatthukato anabhāvaṅkato āyatiṁ anuppādadhammo.\nSace kho te, jīvaka, idaṁ sandhāya bhāsitaṁ, anujānāmi te etan”ti.\n“Etadeva kho pana me, bhante, sandhāya bhāsitaṁ”.","en":"“Yes, sir.\nSir, I have heard that\nThe Divinity abides in equanimity.\nNow, I’ve seen the Buddha with my own eyes,\nand it is the Buddha who truly abides in equanimity.”\n“Any greed, hate, or delusion that might give rise to cruelty, discontent, or aversion has been given up by the Realized One, cut off at the root, made like a palm stump, obliterated, and is unable to arise in the future.\nIf that’s what you were referring to, I grant it.”\n“That’s exactly what I was referring to.”"}},{"id":"mn55:12","sourceIds":["mn55:12.1","mn55:12.2","mn55:12.3","mn55:12.4","mn55:12.5","mn55:12.6","mn55:12.7","mn55:12.8","mn55:12.9"],"kind":"text","text":{"pi":"“Yo kho, jīvaka, tathāgataṁ vā tathāgatasāvakaṁ vā uddissa pāṇaṁ ārabhati so pañcahi ṭhānehi bahuṁ apuññaṁ pasavati.\nYampi so, gahapati, evamāha:\n‘gacchatha, amukaṁ nāma pāṇaṁ ānethā’ti, iminā paṭhamena ṭhānena bahuṁ apuññaṁ pasavati.\nYampi so pāṇo galappaveṭhakena ānīyamāno dukkhaṁ domanassaṁ paṭisaṁvedeti, iminā dutiyena ṭhānena bahuṁ apuññaṁ pasavati.\nYampi so evamāha:\n‘gacchatha imaṁ pāṇaṁ ārabhathā’ti, iminā tatiyena ṭhānena bahuṁ apuññaṁ pasavati.\nYampi so pāṇo ārabhiyamāno dukkhaṁ domanassaṁ paṭisaṁvedeti, iminā catutthena ṭhānena bahuṁ apuññaṁ pasavati.\nYampi so tathāgataṁ vā tathāgatasāvakaṁ vā akappiyena āsādeti, iminā pañcamena ṭhānena bahuṁ apuññaṁ pasavati.\nYo kho, jīvaka, tathāgataṁ vā tathāgatasāvakaṁ vā uddissa pāṇaṁ ārabhati so imehi pañcahi ṭhānehi bahuṁ apuññaṁ pasavatī”ti.","en":"“Jīvaka, anyone who slaughters a living creature specially for the Realized One or the Realized One’s disciple brims with much wickedness for five reasons.\nWhen they say:\n‘Go, fetch that living creature,’ this is the first reason.\nWhen that living creature experiences pain and sadness as it’s led along by a collar, this is the second reason.\nWhen they say:\n‘Go, slaughter that living creature,’ this is the third reason.\nWhen that living creature experiences pain and sadness as it’s being slaughtered, this is the fourth reason.\nWhen they serve the Realized One or the Realized One’s disciple with unallowable food, this is the fifth reason.\nAnyone who slaughters a living creature specially for the Realized One or the Realized One’s disciple brims with much wickedness for five reasons.”"}},{"id":"mn55:13","sourceIds":["mn55:13.1","mn55:13.2","mn55:13.3","mn55:13.4","mn55:13.5","mn55:13.6","mn55:13.7"],"kind":"text","text":{"pi":"Evaṁ vutte, jīvako komārabhacco bhagavantaṁ etadavoca:\n“acchariyaṁ, bhante, abbhutaṁ, bhante.\nKappiyaṁ vata, bhante, bhikkhū āhāraṁ āhārenti;\nanavajjaṁ vata, bhante, bhikkhū āhāraṁ āhārenti.\nAbhikkantaṁ, bhante, abhikkantaṁ, bhante …pe…\nupāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.\nJīvakasuttaṁ niṭṭhitaṁ pañcamaṁ.","en":"When he had spoken, Jīvaka said to the Buddha:\n“It’s incredible, sir, it’s amazing!\nThe mendicants indeed eat allowable food.\nThe mendicants indeed eat blameless food.\nExcellent, sir! Excellent! …\nFrom this day forth, may the Buddha remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn55/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}