{"id":"mn57","title":"The Ascetic Who Behaved Like a Dog","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn57","title":"The Ascetic Who Behaved Like a Dog","units":[{"id":"mn57:0","sourceIds":["mn57:0.1","mn57:0.2"],"kind":"text","text":{"pi":"Majjhima Nikāya 57\nKukkuravatikasutta","en":"Middle Discourses 57\nThe Ascetic Who Behaved Like a Dog"}},{"id":"mn57:1","sourceIds":["mn57:1.1","mn57:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā koliyesu viharati haliddavasanaṁ nāma koliyānaṁ nigamo.","en":"So I have heard.\nAt one time the Buddha was staying in the land of the Koliyans, where they have a town named Haliddavasana."}},{"id":"mn57:2","sourceIds":["mn57:2.1","mn57:2.2","mn57:2.3","mn57:2.4","mn57:2.5","mn57:2.6","mn57:2.7","mn57:2.8","mn57:2.9","mn57:2.10","mn57:2.11","mn57:2.12","mn57:2.13","mn57:2.14"],"kind":"text","text":{"pi":"Atha kho puṇṇo ca koliyaputto govatiko acelo ca seniyo kukkuravatiko yena bhagavā tenupasaṅkamiṁsu; upasaṅkamitvā puṇṇo koliyaputto govatiko bhagavantaṁ abhivādetvā ekamantaṁ nisīdi. Acelo pana seniyo kukkuravatiko bhagavatā saddhiṁ sammodi. Sammodanīyaṁ kathaṁ sāraṇīyaṁ vītisāretvā kukkurova palikujjitvā ekamantaṁ nisīdi.\nEkamantaṁ nisinno kho puṇṇo koliyaputto govatiko bhagavantaṁ etadavoca:\n“ayaṁ, bhante, acelo seniyo kukkuravatiko dukkarakārako chamānikkhittaṁ bhojanaṁ bhuñjati.\nTassa taṁ kukkuravataṁ dīgharattaṁ samattaṁ samādinnaṁ.\nTassa kā gati, ko abhisamparāyo”ti?\n“Alaṁ, puṇṇa, tiṭṭhatetaṁ; mā maṁ etaṁ pucchī”ti.\nDutiyampi kho puṇṇo koliyaputto govatiko …pe…\ntatiyampi kho puṇṇo koliyaputto govatiko bhagavantaṁ etadavoca:\n“ayaṁ, bhante, acelo seniyo kukkuravatiko dukkarakārako chamānikkhittaṁ bhojanaṁ bhuñjati.\nTassa taṁ kukkuravataṁ dīgharattaṁ samattaṁ samādinnaṁ.\nTassa kā gati, ko abhisamparāyo”ti?\n“Addhā kho te ahaṁ, puṇṇa, na labhāmi.\nAlaṁ, puṇṇa, tiṭṭhatetaṁ; mā maṁ etaṁ pucchīti;\napi ca tyāhaṁ byākarissāmi.","en":"Then Puṇṇa the Koliyan, a cow votary, and the naked ascetic Seniya, a dog votary, went to the Buddha. Puṇṇa bowed to the Buddha and sat down to one side, while Seniya exchanged greetings and polite conversation with him before sitting down to one side curled up like a dog.\nPuṇṇa said to the Buddha,\n“Sir, this naked ascetic Seniya the dog votary does a hard thing: he eats food placed on the ground.\nFor a long time he has undertaken that observance to behave like a dog.\nWhere will he be reborn in his next life?”\n“Enough, Puṇṇa, let it be. Don’t ask me that.”\nFor a second time …\nand a third time, Puṇṇa said to the Buddha,\n“Sir, this naked ascetic Seniya does a hard thing: he eats food placed on the ground.\nFor a long time he has undertaken that observance to behave like a dog.\nWhere will he be reborn in his next life?”\n“Clearly, Puṇṇa, I’m not getting through to you when I say:\n‘Enough, Puṇṇa, let it be. Don’t ask me that.’\nNevertheless, I will answer you."}},{"id":"mn57:3","sourceIds":["mn57:3.1","mn57:3.2","mn57:3.3","mn57:3.4","mn57:3.5"],"kind":"text","text":{"pi":"Idha, puṇṇa, ekacco kukkuravataṁ bhāveti paripuṇṇaṁ abbokiṇṇaṁ, kukkurasīlaṁ bhāveti paripuṇṇaṁ abbokiṇṇaṁ, kukkuracittaṁ bhāveti paripuṇṇaṁ abbokiṇṇaṁ, kukkurākappaṁ bhāveti paripuṇṇaṁ abbokiṇṇaṁ.\nSo kukkuravataṁ bhāvetvā paripuṇṇaṁ abbokiṇṇaṁ, kukkurasīlaṁ bhāvetvā paripuṇṇaṁ abbokiṇṇaṁ, kukkuracittaṁ bhāvetvā paripuṇṇaṁ abbokiṇṇaṁ, kukkurākappaṁ bhāvetvā paripuṇṇaṁ abbokiṇṇaṁ kāyassa bhedā paraṁ maraṇā kukkurānaṁ sahabyataṁ upapajjati.\nSace kho panassa evaṁdiṭṭhi hoti: ‘imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā’ti, sāssa hoti micchādiṭṭhi.\nMicchādiṭṭhissa kho ahaṁ, puṇṇa, dvinnaṁ gatīnaṁ aññataraṁ gatiṁ vadāmi—nirayaṁ vā tiracchānayoniṁ vā.\nIti kho, puṇṇa, sampajjamānaṁ kukkuravataṁ kukkurānaṁ sahabyataṁ upaneti, vipajjamānaṁ nirayan”ti.","en":"Take someone who develops the dog observance fully and uninterruptedly. They develop a dog’s ethics, a dog’s mentality, and a dog’s behavior fully and uninterruptedly.\nWhen their body breaks up, after death, they’re reborn in the company of dogs.\nBut if they have such a view: ‘By this precept or observance or fervent austerity or spiritual practice, may I become one of the gods!’ This is their wrong view.\nAn individual with wrong view is reborn in one of two places, I say: hell or the animal realm.\nSo if the dog observance succeeds it leads to rebirth in the company of dogs, but if it fails it leads to hell.”"}},{"id":"mn57:4","sourceIds":["mn57:4.1","mn57:4.2","mn57:4.3","mn57:4.4","mn57:4.5","mn57:4.6","mn57:4.7","mn57:4.8","mn57:4.9","mn57:4.10","mn57:4.11","mn57:4.12","mn57:4.13","mn57:4.14","mn57:4.15","mn57:4.16","mn57:4.17","mn57:4.18"],"kind":"text","text":{"pi":"Evaṁ vutte, acelo seniyo kukkuravatiko parodi, assūni pavattesi.\nAtha kho bhagavā puṇṇaṁ koliyaputtaṁ govatikaṁ etadavoca:\n“etaṁ kho te ahaṁ, puṇṇa, nālatthaṁ.\nAlaṁ, puṇṇa, tiṭṭhatetaṁ; mā maṁ etaṁ pucchī”ti.\n“Nāhaṁ, bhante, etaṁ rodāmi yaṁ maṁ bhagavā evamāha;\napi ca me idaṁ, bhante, kukkuravataṁ dīgharattaṁ samattaṁ samādinnaṁ.\nAyaṁ, bhante, puṇṇo koliyaputto govatiko.\nTassa taṁ govataṁ dīgharattaṁ samattaṁ samādinnaṁ.\nTassa kā gati, ko abhisamparāyo”ti?\n“Alaṁ, seniya, tiṭṭhatetaṁ; mā maṁ etaṁ pucchī”ti.\nDutiyampi kho acelo seniyo …pe…\ntatiyampi kho acelo seniyo kukkuravatiko bhagavantaṁ etadavoca:\n“ayaṁ, bhante, puṇṇo koliyaputto govatiko.\nTassa taṁ govataṁ dīgharattaṁ samattaṁ samādinnaṁ.\nTassa kā gati, ko abhisamparāyo”ti?\n“Addhā kho te ahaṁ, seniya, na labhāmi.\nAlaṁ, seniya, tiṭṭhatetaṁ; mā maṁ etaṁ pucchīti;\napi ca tyāhaṁ byākarissāmi.","en":"When he said this, Seniya cried and burst out in tears.\nThe Buddha said to Puṇṇa,\n“This is what I didn’t get through to you when I said:\n‘Enough, Puṇṇa, let it be. Don’t ask me that.’”\nSeniya said, “Sir, I’m not crying because of what the Buddha said.\nBut, sir, for a long time I have undertaken this observance to behave like a dog.\nSir, this Puṇṇa is a cow votary.\nFor a long time he has undertaken that observance to behave like a cow.\nWhere will he be reborn in his next life?”\n“Enough, Seniya, let it be. Don’t ask me that.”\nFor a second time …\nand a third time Seniya said to the Buddha,\n“Sir, this Puṇṇa is a cow votary.\nFor a long time he has undertaken that observance to behave like a cow.\nWhere will he be reborn in his next life?”\n“Clearly, Seniya, I’m not getting through to you when I say:\n‘Enough, Seniya, let it be. Don’t ask me that.’\nNevertheless, I will answer you."}},{"id":"mn57:5","sourceIds":["mn57:5.1","mn57:5.2","mn57:5.3","mn57:5.4","mn57:5.5"],"kind":"text","text":{"pi":"Idha, seniya, ekacco govataṁ bhāveti paripuṇṇaṁ abbokiṇṇaṁ, gosīlaṁ bhāveti paripuṇṇaṁ abbokiṇṇaṁ, gocittaṁ bhāveti paripuṇṇaṁ abbokiṇṇaṁ, gavākappaṁ bhāveti paripuṇṇaṁ abbokiṇṇaṁ.\nSo govataṁ bhāvetvā paripuṇṇaṁ abbokiṇṇaṁ, gosīlaṁ bhāvetvā paripuṇṇaṁ abbokiṇṇaṁ, gocittaṁ bhāvetvā paripuṇṇaṁ abbokiṇṇaṁ, gavākappaṁ bhāvetvā paripuṇṇaṁ abbokiṇṇaṁ kāyassa bhedā paraṁ maraṇā gunnaṁ sahabyataṁ upapajjati.\nSace kho panassa evaṁdiṭṭhi hoti: ‘imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā’ti, sāssa hoti micchādiṭṭhi.\nMicchādiṭṭhissa kho ahaṁ, seniya, dvinnaṁ gatīnaṁ aññataraṁ gatiṁ vadāmi—nirayaṁ vā tiracchānayoniṁ vā.\nIti kho, seniya, sampajjamānaṁ govataṁ gunnaṁ sahabyataṁ upaneti, vipajjamānaṁ nirayan”ti.","en":"Take someone who develops the cow observance fully and uninterruptedly. They develop a cow’s ethics, a cow’s mentality, and a cow’s behavior fully and uninterruptedly.\nWhen their body breaks up, after death, they’re reborn in the company of cows.\nBut if they have such a view: ‘By this precept or observance or fervent austerity or spiritual practice, may I become one of the gods!’ This is their wrong view.\nAn individual with wrong view is reborn in one of two places, I say: hell or the animal realm.\nSo if the cow observance succeeds it leads to rebirth in the company of cows, but if it fails it leads to hell.”"}},{"id":"mn57:6","sourceIds":["mn57:6.1","mn57:6.2","mn57:6.3","mn57:6.4","mn57:6.5","mn57:6.6","mn57:6.7","mn57:6.8","mn57:6.9","mn57:6.10","mn57:6.11"],"kind":"text","text":{"pi":"Evaṁ vutte, puṇṇo koliyaputto govatiko parodi, assūni pavattesi.\nAtha kho bhagavā acelaṁ seniyaṁ kukkuravatikaṁ etadavoca:\n“etaṁ kho te ahaṁ, seniya, nālatthaṁ.\nAlaṁ, seniya, tiṭṭhatetaṁ; mā maṁ etaṁ pucchī”ti.\n“Nāhaṁ, bhante, etaṁ rodāmi yaṁ maṁ bhagavā evamāha;\napi ca me idaṁ, bhante, govataṁ dīgharattaṁ samattaṁ samādinnaṁ.\nEvaṁ pasanno ahaṁ, bhante, bhagavati;\npahoti bhagavā tathā dhammaṁ desetuṁ yathā ahaṁ cevimaṁ govataṁ pajaheyyaṁ, ayañceva acelo seniyo kukkuravatiko taṁ kukkuravataṁ pajaheyyā”ti.\n“Tena hi, puṇṇa, suṇāhi, sādhukaṁ manasi karohi, bhāsissāmī”ti.\n“Evaṁ, bhante”ti kho puṇṇo koliyaputto govatiko bhagavato paccassosi.\nBhagavā etadavoca:","en":"When he said this, Puṇṇa cried and burst out in tears.\nThe Buddha said to Seniya,\n“This is what I didn’t get through to you when I said:\n‘Enough, Seniya, let it be. Don’t ask me that.’”\nPuṇṇa said, “Sir, I’m not crying because of what the Buddha said.\nBut, sir, for a long time I have undertaken this observance to behave like a cow.\nI am quite confident that the Buddha\nis capable of teaching me so that I can give up this cow observance, and the naked ascetic Seniya can give up that dog observance.”\n“Well then, Puṇṇa, listen and apply your mind well, I will speak.”\n“Yes, sir,” he replied.\nThe Buddha said this:"}},{"id":"mn57:7","sourceIds":["mn57:7.1","mn57:7.2","mn57:7.3","mn57:7.4","mn57:7.5","mn57:7.6"],"kind":"text","text":{"pi":"“Cattārimāni, puṇṇa, kammāni mayā sayaṁ abhiññā sacchikatvā paveditāni.\nKatamāni cattāri?\nAtthi, puṇṇa, kammaṁ kaṇhaṁ kaṇhavipākaṁ;\natthi, puṇṇa, kammaṁ sukkaṁ sukkavipākaṁ;\natthi, puṇṇa, kammaṁ kaṇhasukkaṁ kaṇhasukkavipākaṁ;\natthi, puṇṇa, kammaṁ akaṇhaṁ asukkaṁ akaṇhaasukkavipākaṁ, kammakkhayāya saṁvattati.","en":"“Puṇṇa, I declare these four kinds of deeds, having realized them with my own insight.\nWhat four?\nThere are dark deeds with dark results;\nbright deeds with bright results;\ndark and bright deeds with dark and bright results; and\nneither dark nor bright deeds with neither dark nor bright results, which lead to the ending of deeds."}},{"id":"mn57:8","sourceIds":["mn57:8.1","mn57:8.2","mn57:8.3","mn57:8.4","mn57:8.5","mn57:8.6","mn57:8.7","mn57:8.8","mn57:8.9","mn57:8.10"],"kind":"text","text":{"pi":"Katamañca, puṇṇa, kammaṁ kaṇhaṁ kaṇhavipākaṁ?\nIdha, puṇṇa, ekacco sabyābajjhaṁ kāyasaṅkhāraṁ abhisaṅkharoti, sabyābajjhaṁ vacīsaṅkhāraṁ abhisaṅkharoti, sabyābajjhaṁ manosaṅkhāraṁ abhisaṅkharoti.\nSo sabyābajjhaṁ kāyasaṅkhāraṁ abhisaṅkharitvā, sabyābajjhaṁ vacīsaṅkhāraṁ abhisaṅkharitvā, sabyābajjhaṁ manosaṅkhāraṁ abhisaṅkharitvā, sabyābajjhaṁ lokaṁ upapajjati.\nTamenaṁ sabyābajjhaṁ lokaṁ upapannaṁ samānaṁ sabyābajjhā phassā phusanti.\nSo sabyābajjhehi phassehi phuṭṭho samāno sabyābajjhaṁ vedanaṁ vedeti ekantadukkhaṁ, seyyathāpi sattā nerayikā.\nIti kho, puṇṇa, bhūtā bhūtassa upapatti hoti;\nyaṁ karoti tena upapajjati,\nupapannamenaṁ phassā phusanti.\nEvampāhaṁ, puṇṇa, ‘kammadāyādā sattā’ti vadāmi.\nIdaṁ vuccati, puṇṇa, kammaṁ kaṇhaṁ kaṇhavipākaṁ.","en":"And what are dark deeds with dark results?\nIt’s when someone makes hurtful choices by way of body, speech, and mind.\nHaving made these choices, they’re reborn in a hurtful world,\nwhere hurtful contacts strike them.\nTouched by hurtful contacts, they experience hurtful feelings that are absolutely painful—like the beings in hell.\nThis is how a being is born from a being.\nFor your deeds determine your rebirth,\nand when you’re reborn contacts strike you.\nThis is why I say that sentient beings are heirs to their deeds.\nThese are called dark deeds with dark results."}},{"id":"mn57:9","sourceIds":["mn57:9.1","mn57:9.2","mn57:9.3","mn57:9.4","mn57:9.5","mn57:9.6","mn57:9.7","mn57:9.8","mn57:9.9","mn57:9.10"],"kind":"text","text":{"pi":"Katamañca, puṇṇa, kammaṁ sukkaṁ sukkavipākaṁ?\nIdha, puṇṇa, ekacco abyābajjhaṁ kāyasaṅkhāraṁ abhisaṅkharoti, abyābajjhaṁ vacīsaṅkhāraṁ abhisaṅkharoti, abyābajjhaṁ manosaṅkhāraṁ abhisaṅkharoti.\nSo abyābajjhaṁ kāyasaṅkhāraṁ abhisaṅkharitvā, abyābajjhaṁ vacīsaṅkhāraṁ abhisaṅkharitvā, abyābajjhaṁ manosaṅkhāraṁ abhisaṅkharitvā abyābajjhaṁ lokaṁ upapajjati.\nTamenaṁ abyābajjhaṁ lokaṁ upapannaṁ samānaṁ abyābajjhā phassā phusanti.\nSo abyābajjhehi phassehi phuṭṭho samāno abyābajjhaṁ vedanaṁ vedeti ekantasukhaṁ, seyyathāpi devā subhakiṇhā.\nIti kho, puṇṇa, bhūtā bhūtassa upapatti hoti;\nyaṁ karoti tena upapajjati,\nupapannamenaṁ phassā phusanti.\nEvampāhaṁ, puṇṇa, ‘kammadāyādā sattā’ti vadāmi.\nIdaṁ vuccati, puṇṇa, kammaṁ sukkaṁ sukkavipākaṁ.","en":"And what are bright deeds with bright results?\nIt’s when someone makes pleasing choices by way of body, speech, and mind.\nHaving made these choices, they are reborn in a pleasing world,\nwhere pleasing contacts strike them.\nTouched by pleasing contacts, they experience pleasing feelings of absolute happiness—like the gods of universal beauty.\nThis is how a being is born from a being.\nFor your deeds determine your rebirth,\nand when you’re reborn contacts strike you.\nThis is why I say that sentient beings are heirs to their deeds.\nThese are called bright deeds with bright results."}},{"id":"mn57:10","sourceIds":["mn57:10.1","mn57:10.2","mn57:10.3","mn57:10.4","mn57:10.5","mn57:10.6","mn57:10.7","mn57:10.8","mn57:10.9","mn57:10.10"],"kind":"text","text":{"pi":"Katamañca, puṇṇa, kammaṁ kaṇhasukkaṁ kaṇhasukkavipākaṁ?\nIdha, puṇṇa, ekacco sabyābajjhampi abyābajjhampi kāyasaṅkhāraṁ abhisaṅkharoti, sabyābajjhampi abyābajjhampi vacīsaṅkhāraṁ abhisaṅkharoti, sabyābajjhampi abyābajjhampi manosaṅkhāraṁ abhisaṅkharoti.\nSo sabyābajjhampi abyābajjhampi kāyasaṅkhāraṁ abhisaṅkharitvā, sabyābajjhampi abyābajjhampi vacīsaṅkhāraṁ abhisaṅkharitvā, sabyābajjhampi abyābajjhampi manosaṅkhāraṁ abhisaṅkharitvā sabyābajjhampi abyābajjhampi lokaṁ upapajjati.\nTamenaṁ sabyābajjhampi abyābajjhampi lokaṁ upapannaṁ samānaṁ sabyābajjhāpi abyābajjhāpi phassā phusanti.\nSo sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṁ vedeti vokiṇṇasukhadukkhaṁ, seyyathāpi manussā ekacce ca devā ekacce ca vinipātikā.\nIti kho, puṇṇa, bhūtā bhūtassa upapatti hoti;\nyaṁ karoti tena upapajjati.\nUpapannamenaṁ phassā phusanti.\nEvampāhaṁ, puṇṇa, ‘kammadāyādā sattā’ti vadāmi.\nIdaṁ vuccati, puṇṇa, kammaṁ kaṇhasukkaṁ kaṇhasukkavipākaṁ.","en":"And what are dark and bright deeds with dark and bright results?\nIt’s when someone makes both hurtful and pleasing choices by way of body, speech, and mind.\nHaving made these choices, they are reborn in a world that is both hurtful and pleasing,\nwhere hurtful and pleasing contacts strike them.\nTouched by both hurtful and pleasing contacts, they experience both hurtful and pleasing feelings that are a mixture of pleasure and pain—like humans, some gods, and some beings in the underworld.\nThis is how a being is born from a being.\nFor what you do brings about your rebirth,\nand when you’re reborn contacts strike you.\nThis is why I say that sentient beings are heirs to their deeds.\nThese are called dark and bright deeds with dark and bright results."}},{"id":"mn57:11","sourceIds":["mn57:11.1","mn57:11.2","mn57:11.3","mn57:11.4"],"kind":"text","text":{"pi":"Katamañca, puṇṇa, kammaṁ akaṇhaṁ asukkaṁ akaṇhaasukkavipākaṁ, kammakkhayāya saṁvattati?\nTatra, puṇṇa, yamidaṁ kammaṁ kaṇhaṁ kaṇhavipākaṁ tassa pahānāya yā cetanā, yamidaṁ kammaṁ sukkaṁ sukkavipākaṁ tassa pahānāya yā cetanā, yamidaṁ kammaṁ kaṇhasukkaṁ kaṇhasukkavipākaṁ tassa pahānāya yā cetanā—\nidaṁ vuccati, puṇṇa, kammaṁ akaṇhaṁ asukkaṁ akaṇhaasukkavipākaṁ, kammakkhayāya saṁvattatīti.\nImāni kho, puṇṇa, cattāri kammāni mayā sayaṁ abhiññā sacchikatvā paveditānī”ti.","en":"And what are neither dark nor bright deeds with neither dark nor bright results, which lead to the ending of deeds?\nIt’s the intention to give up dark deeds with dark results, bright deeds with bright results, and both dark and bright deeds with both dark and bright results.\nThese are called neither dark nor bright deeds with neither dark nor bright results, which lead to the ending of deeds.\nThese are the four kinds of deeds that I declare, having realized them with my own insight.”"}},{"id":"mn57:12","sourceIds":["mn57:12.1","mn57:12.2","mn57:12.3","mn57:12.4"],"kind":"text","text":{"pi":"Evaṁ vutte, puṇṇo koliyaputto govatiko bhagavantaṁ etadavoca:\n“abhikkantaṁ, bhante, abhikkantaṁ, bhante.\nSeyyathāpi, bhante …pe…\nupāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.","en":"When he had spoken, Puṇṇa the Koliyan said to the Buddha,\n“Excellent, sir! Excellent! …\nFrom this day forth, may the Buddha remember me as a lay follower who has gone for refuge for life.”"}},{"id":"mn57:13","sourceIds":["mn57:13.1","mn57:13.2","mn57:13.3","mn57:13.4","mn57:13.5"],"kind":"text","text":{"pi":"Acelo pana seniyo kukkuravatiko bhagavantaṁ etadavoca:\n“abhikkantaṁ, bhante, abhikkantaṁ, bhante.\nSeyyathāpi, bhante …pe… pakāsito.\nEsāhaṁ, bhante, bhagavantaṁ saraṇaṁ gacchāmi dhammañca bhikkhusaṅghañca.\nLabheyyāhaṁ, bhante, bhagavato santike pabbajjaṁ, labheyyaṁ upasampadan”ti.","en":"And Seniya the naked ascetic said to the Buddha,\n“Excellent, sir! Excellent! …\nI go for refuge to the Buddha, to the teaching, and to the mendicant Saṅgha.\nSir, may I receive the going forth, the ordination in the Buddha’s presence?”"}},{"id":"mn57:14","sourceIds":["mn57:14.1","mn57:14.2","mn57:14.3"],"kind":"text","text":{"pi":"“Yo kho, seniya, aññatitthiyapubbo imasmiṁ dhammavinaye ākaṅkhati pabbajjaṁ, ākaṅkhati upasampadaṁ so cattāro māse parivasati. Catunnaṁ māsānaṁ accayena āraddhacittā bhikkhū pabbājenti, upasampādenti bhikkhubhāvāya.\nApi ca mettha puggalavemattatā viditā”ti.\n“Sace, bhante, aññatitthiyapubbā imasmiṁ dhammavinaye ākaṅkhantā pabbajjaṁ ākaṅkhantā upasampadaṁ te cattāro māse parivasanti catunnaṁ māsānaṁ accayena āraddhacittā bhikkhū pabbājenti upasampādenti bhikkhubhāvāya, ahaṁ cattāri vassāni parivasissāmi catunnaṁ vassānaṁ accayena āraddhacittā bhikkhū pabbājentu, upasampādentu bhikkhubhāvāyā”ti.","en":"“Seniya, if someone formerly ordained in another sect wishes to take the going forth, the ordination in this teaching and training, they must spend four months on probation. When four months have passed, if the mendicants are satisfied, they’ll give the going forth, the ordination into monkhood.\nHowever, I recognize individual differences in this matter.”\n“Sir, if four months probation are required in such a case, I’ll spend four years on probation. When four years have passed, if the mendicants are satisfied, let them give me the going forth, the ordination into monkhood.”"}},{"id":"mn57:15","sourceIds":["mn57:15.1","mn57:15.2","mn57:15.3","mn57:15.4","mn57:15.5"],"kind":"text","text":{"pi":"Alattha kho acelo seniyo kukkuravatiko bhagavato santike pabbajjaṁ, alattha upasampadaṁ.\nAcirūpasampanno kho panāyasmā seniyo eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṁ pabbajanti, Tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.\n“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abbhaññāsi.\nAññataro kho panāyasmā seniyo arahataṁ ahosīti.\nKukkuravatikasuttaṁ niṭṭhitaṁ sattamaṁ.","en":"And the naked ascetic Seniya received the going forth, the ordination in the Buddha’s presence.\nNot long after his ordination, Venerable Seniya, living alone, withdrawn, diligent, keen, and resolute, soon realized the supreme culmination of the spiritual path in this very life. He lived having achieved with his own insight the goal for which gentlemen rightly go forth from the lay life to homelessness.\nHe understood: “Rebirth is ended; the spiritual journey has been completed; what had to be done has been done; there is nothing further for this place.”\nAnd Venerable Seniya became one of the perfected."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn57/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}