{"id":"mn7","title":"The Simile of the Cloth","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn7","title":"The Simile of the Cloth","units":[{"id":"mn7:0","sourceIds":["mn7:0.1","mn7:0.2"],"kind":"text","text":{"pi":"Majjhima Nikāya 7\nVatthasutta","en":"Middle Discourses 7\nThe Simile of the Cloth"}},{"id":"mn7:1","sourceIds":["mn7:1.1","mn7:1.2","mn7:1.3","mn7:1.4","mn7:1.5","mn7:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"mn7:2","sourceIds":["mn7:2.1","mn7:2.2","mn7:2.3","mn7:2.4","mn7:2.5","mn7:2.6","mn7:2.7","mn7:2.8","mn7:2.9","mn7:2.10"],"kind":"text","text":{"pi":"“Seyyathāpi, bhikkhave, vatthaṁ saṅkiliṭṭhaṁ malaggahitaṁ;\ntamenaṁ rajako yasmiṁ yasmiṁ raṅgajāte upasaṁhareyya—yadi nīlakāya yadi pītakāya yadi lohitakāya yadi mañjiṭṭhakāya durattavaṇṇamevassa aparisuddhavaṇṇamevassa.\nTaṁ kissa hetu?\nAparisuddhattā, bhikkhave, vatthassa.\nEvameva kho, bhikkhave, citte saṅkiliṭṭhe, duggati pāṭikaṅkhā.\nSeyyathāpi, bhikkhave, vatthaṁ parisuddhaṁ pariyodātaṁ;\ntamenaṁ rajako yasmiṁ yasmiṁ raṅgajāte upasaṁhareyya—yadi nīlakāya yadi pītakāya yadi lohitakāya yadi mañjiṭṭhakāya—surattavaṇṇamevassa parisuddhavaṇṇamevassa.\nTaṁ kissa hetu?\nParisuddhattā, bhikkhave, vatthassa.\nEvameva kho, bhikkhave, citte asaṅkiliṭṭhe, sugati pāṭikaṅkhā.","en":"“Suppose, mendicants, there was a cloth that was dirty and soiled.\nNo matter what dye the dyer applied—whether blue or yellow or red or magenta—it would look poorly dyed and impure in color.\nWhy is that?\nBecause of the impurity of the cloth.\nIn the same way, when the mind is corrupt, a bad destiny is to be expected.\nSuppose there was a cloth that was pure and clean.\nNo matter what dye the dyer applied—whether blue or yellow or red or magenta—it would look well dyed and pure in color.\nWhy is that?\nBecause of the purity of the cloth.\nIn the same way, when the mind isn’t corrupt, a good destiny is to be expected."}},{"id":"mn7:3","sourceIds":["mn7:3.1","mn7:3.2"],"kind":"text","text":{"pi":"Katame ca, bhikkhave, cittassa upakkilesā?\nAbhijjhāvisamalobho cittassa upakkileso, byāpādo cittassa upakkileso, kodho cittassa upakkileso, upanāho cittassa upakkileso, makkho cittassa upakkileso, paḷāso cittassa upakkileso, issā cittassa upakkileso, macchariyaṁ cittassa upakkileso, māyā cittassa upakkileso, sāṭheyyaṁ cittassa upakkileso, thambho cittassa upakkileso, sārambho cittassa upakkileso, māno cittassa upakkileso, atimāno cittassa upakkileso, mado cittassa upakkileso, pamādo cittassa upakkileso.","en":"And what are the corruptions of the mind?\nCovetousness and immoral greed, ill will, anger, acrimony, disdain, contempt, jealousy, stinginess, deceit, deviousness, obstinacy, aggression, conceit, arrogance, vanity, and negligence are corruptions of the mind."}},{"id":"mn7:4","sourceIds":["mn7:4.1","mn7:4.2","mn7:4.3","mn7:4.4","mn7:4.5","mn7:4.6","mn7:4.7","mn7:4.8","mn7:4.9","mn7:4.10","mn7:4.11","mn7:4.12","mn7:4.13","mn7:4.14","mn7:4.15","mn7:4.16","mn7:4.17","mn7:4.18","mn7:4.19","mn7:4.20","mn7:4.21","mn7:4.22","mn7:4.23","mn7:4.24","mn7:4.25","mn7:4.26","mn7:4.27","mn7:4.28","mn7:4.29","mn7:4.30","mn7:4.31"],"kind":"text","text":{"pi":"Sa kho so, bhikkhave, bhikkhu ‘abhijjhāvisamalobho cittassa upakkileso’ti—iti viditvā abhijjhāvisamalobhaṁ cittassa upakkilesaṁ pajahati;\n‘byāpādo cittassa upakkileso’ti—\niti viditvā byāpādaṁ cittassa upakkilesaṁ pajahati;\n‘kodho cittassa upakkileso’ti—\niti viditvā kodhaṁ cittassa upakkilesaṁ pajahati;\n‘upanāho cittassa upakkileso’ti—\niti viditvā upanāhaṁ cittassa upakkilesaṁ pajahati;\n‘makkho cittassa upakkileso’ti—\niti viditvā makkhaṁ cittassa upakkilesaṁ pajahati;\n‘paḷāso cittassa upakkileso’ti—\niti viditvā paḷāsaṁ cittassa upakkilesaṁ pajahati;\n‘issā cittassa upakkileso’ti—\niti viditvā issaṁ cittassa upakkilesaṁ pajahati;\n‘macchariyaṁ cittassa upakkileso’ti—\niti viditvā macchariyaṁ cittassa upakkilesaṁ pajahati;\n‘māyā cittassa upakkileso’ti—\niti viditvā māyaṁ cittassa upakkilesaṁ pajahati;\n‘sāṭheyyaṁ cittassa upakkileso’ti—\niti viditvā sāṭheyyaṁ cittassa upakkilesaṁ pajahati;\n‘thambho cittassa upakkileso’ti—\niti viditvā thambhaṁ cittassa upakkilesaṁ pajahati;\n‘sārambho cittassa upakkileso’ti—\niti viditvā sārambhaṁ cittassa upakkilesaṁ pajahati;\n‘māno cittassa upakkileso’ti—\niti viditvā mānaṁ cittassa upakkilesaṁ pajahati;\n‘atimāno cittassa upakkileso’ti—\niti viditvā atimānaṁ cittassa upakkilesaṁ pajahati;\n‘mado cittassa upakkileso’ti—\niti viditvā madaṁ cittassa upakkilesaṁ pajahati;\n‘pamādo cittassa upakkileso’ti—\niti viditvā pamādaṁ cittassa upakkilesaṁ pajahati.","en":"A mendicant who understands that covetousness and immoral greed are corruptions of the mind gives them up.\nA mendicant who understands that ill will …\nnegligence is a corruption of the mind gives it up."}},{"id":"mn7:5","sourceIds":["mn7:5.1","mn7:5.2","mn7:5.3","mn7:5.4","mn7:5.5","mn7:5.6","mn7:5.7","mn7:5.8","mn7:5.9","mn7:5.10","mn7:5.11","mn7:5.12","mn7:5.13","mn7:5.14","mn7:5.15","mn7:5.16","mn7:5.17","mn7:5.18","mn7:5.19","mn7:5.20","mn7:5.21","mn7:5.22","mn7:5.23","mn7:5.24","mn7:5.25","mn7:5.26","mn7:5.27","mn7:5.28","mn7:5.29","mn7:5.30","mn7:5.31","mn7:5.32","mn7:5.33"],"kind":"text","text":{"pi":"Yato kho, bhikkhave, bhikkhuno ‘abhijjhāvisamalobho cittassa upakkileso’ti—iti viditvā abhijjhāvisamalobho cittassa upakkileso pahīno hoti,\n‘byāpādo cittassa upakkileso’ti—\niti viditvā byāpādo cittassa upakkileso pahīno hoti;\n‘kodho cittassa upakkileso’ti—\niti viditvā kodho cittassa upakkileso pahīno hoti;\n‘upanāho cittassa upakkileso’ti—\niti viditvā upanāho cittassa upakkileso pahīno hoti;\n‘makkho cittassa upakkileso’ti—\niti viditvā makkho cittassa upakkileso pahīno hoti;\n‘paḷāso cittassa upakkileso’ti—\niti viditvā paḷāso cittassa upakkileso pahīno hoti;\n‘issā cittassa upakkileso’ti—\niti viditvā issā cittassa upakkileso pahīno hoti;\n‘macchariyaṁ cittassa upakkileso’ti—\niti viditvā macchariyaṁ cittassa upakkileso pahīno hoti;\n‘māyā cittassa upakkileso’ti—\niti viditvā māyā cittassa upakkileso pahīno hoti;\n‘sāṭheyyaṁ cittassa upakkileso’ti—\niti viditvā sāṭheyyaṁ cittassa upakkileso pahīno hoti;\n‘thambho cittassa upakkileso’ti—\niti viditvā thambho cittassa upakkileso pahīno hoti;\n‘sārambho cittassa upakkileso’ti—\niti viditvā sārambho cittassa upakkileso pahīno hoti;\n‘māno cittassa upakkileso’ti—\niti viditvā māno cittassa upakkileso pahīno hoti;\n‘atimāno cittassa upakkileso’ti—\niti viditvā atimāno cittassa upakkileso pahīno hoti;\n‘mado cittassa upakkileso’ti—\niti viditvā mado cittassa upakkileso pahīno hoti;\n‘pamādo cittassa upakkileso’ti—\niti viditvā pamādo cittassa upakkileso pahīno hoti.\nSo buddhe aveccappasādena samannāgato hoti:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti;","en":"When they have understood these corruptions of the mind\nfor what they are, and have given them up,\nthey have experiential confidence in the Buddha:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’"}},{"id":"mn7:6","sourceIds":["mn7:6.1","mn7:6.2"],"kind":"text","text":{"pi":"dhamme aveccappasādena samannāgato hoti:\n‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṁ veditabbo viññūhī’ti;","en":"They have experiential confidence in the teaching:\n‘The teaching is well explained by the Buddha—apparent in the present life, immediately effective, inviting inspection, relevant, so that sensible people can know it for themselves.’"}},{"id":"mn7:7","sourceIds":["mn7:7.1","mn7:7.2"],"kind":"text","text":{"pi":"saṅghe aveccappasādena samannāgato hoti:\n‘suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṁ cattāri purisayugāni, aṭṭha purisapuggalā. Esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo, anuttaraṁ puññakkhettaṁ lokassā’ti.","en":"They have experiential confidence in the Saṅgha:\n‘The Saṅgha of the Buddha’s disciples is practicing the way that’s good, direct, systematic, and proper. It consists of the four pairs, the eight individual persons. This is the Saṅgha of the Buddha’s disciples that is worthy of offerings dedicated to the gods, worthy of hospitality, worthy of a religious donation, worthy of greeting with cupped palms, and is the supreme field of merit for the world.’"}},{"id":"mn7:8","sourceIds":["mn7:8.1","mn7:8.2"],"kind":"text","text":{"pi":"Yathodhi kho panassa cattaṁ hoti vantaṁ muttaṁ pahīnaṁ paṭinissaṭṭhaṁ, so ‘buddhe aveccappasādena samannāgatomhī’ti labhati atthavedaṁ, labhati dhammavedaṁ, labhati dhammūpasaṁhitaṁ pāmojjaṁ.\nPamuditassa pīti jāyati, pītimanassa kāyo passambhati, passaddhakāyo sukhaṁ vedeti, sukhino cittaṁ samādhiyati;","en":"When a mendicant has discarded, eliminated, released, given up, and relinquished to this extent, thinking, ‘I have experiential confidence in the Buddha …"}},{"id":"mn7:9","sourceIds":["mn7:9.1"],"kind":"text","text":{"pi":"‘dhamme …pe…","en":"the teaching …"}},{"id":"mn7:10","sourceIds":["mn7:10.1","mn7:10.2"],"kind":"text","text":{"pi":"saṅghe aveccappasādena samannāgatomhī’ti labhati atthavedaṁ, labhati dhammavedaṁ, labhati dhammūpasaṁhitaṁ pāmojjaṁ;\npamuditassa pīti jāyati, pītimanassa kāyo passambhati, passaddhakāyo sukhaṁ vedeti, sukhino cittaṁ samādhiyati.","en":"the Saṅgha,’ they find inspiration in the meaning and the teaching, and find joy connected with the teaching."}},{"id":"mn7:11","sourceIds":["mn7:11.1","mn7:11.2"],"kind":"text","text":{"pi":"‘Yathodhi kho pana me cattaṁ vantaṁ muttaṁ pahīnaṁ paṭinissaṭṭhan’ti labhati atthavedaṁ, labhati dhammavedaṁ, labhati dhammūpasaṁhitaṁ pāmojjaṁ;\npamuditassa pīti jāyati, pītimanassa kāyo passambhati, passaddhakāyo sukhaṁ vedeti, sukhino cittaṁ samādhiyati.","en":"Thinking: ‘I have discarded, eliminated, released, given up, and relinquished to this extent,’ they find inspiration in the meaning and the teaching, and find joy connected with the teaching.\nWhen they’re joyful, rapture springs up. When the mind is full of rapture, the body becomes tranquil. When the body is tranquil, they feel bliss. And when they’re blissful, the mind becomes immersed in samādhi."}},{"id":"mn7:12","sourceIds":["mn7:12.1","mn7:12.2","mn7:12.3"],"kind":"text","text":{"pi":"Sa kho so, bhikkhave, bhikkhu evaṁsīlo evaṁdhammo evaṁpañño sālīnañcepi piṇḍapātaṁ bhuñjati vicitakāḷakaṁ anekasūpaṁ anekabyañjanaṁ, nevassa taṁ hoti antarāyāya.\nSeyyathāpi, bhikkhave, vatthaṁ saṅkiliṭṭhaṁ malaggahitaṁ acchodakaṁ āgamma parisuddhaṁ hoti pariyodātaṁ, ukkāmukhaṁ vā panāgamma jātarūpaṁ parisuddhaṁ hoti pariyodātaṁ;\nevameva kho, bhikkhave, bhikkhu evaṁsīlo evaṁdhammo evaṁpañño sālīnañcepi piṇḍapātaṁ bhuñjati vicitakāḷakaṁ anekasūpaṁ anekabyañjanaṁ, nevassa taṁ hoti antarāyāya.","en":"When a mendicant of such ethics, such qualities, and such wisdom eats boiled fine rice with the dark grains picked out and served with many soups and sauces, that is no obstacle for them.\nCompare with cloth that is dirty and soiled; it can be made pure and clean by pure water. Or native gold, which can be made pure and bright by a forge.\nIn the same way, when a mendicant of such ethics, such qualities, and such wisdom eats boiled fine rice with the dark grains picked out and served with many soups and sauces, that is no obstacle for them."}},{"id":"mn7:13","sourceIds":["mn7:13.1"],"kind":"text","text":{"pi":"So mettāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati;","en":"They meditate spreading a heart full of love to one direction, and to the second, and to the third, and to the fourth. In the same way above, below, across, everywhere, all around, they spread a heart full of love to the whole world—abundant, expansive, limitless, free of enmity and ill will."}},{"id":"mn7:14","sourceIds":["mn7:14.1"],"kind":"text","text":{"pi":"karuṇāsahagatena cetasā …pe…","en":"They meditate spreading a heart full of compassion to one direction, and to the second, and to the third, and to the fourth. In the same way above, below, across, everywhere, all around, they spread a heart full of compassion to the whole world—abundant, expansive, limitless, free of enmity and ill will."}},{"id":"mn7:15","sourceIds":["mn7:15.1"],"kind":"text","text":{"pi":"muditāsahagatena cetasā …pe…","en":"They meditate spreading a heart full of rejoicing to one direction, and to the second, and to the third, and to the fourth. In the same way above, below, across, everywhere, all around, they spread a heart full of rejoicing to the whole world—abundant, expansive, limitless, free of enmity and ill will."}},{"id":"mn7:16","sourceIds":["mn7:16.1"],"kind":"text","text":{"pi":"upekkhāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyāpajjena pharitvā viharati.","en":"They meditate spreading a heart full of equanimity to one direction, and to the second, and to the third, and to the fourth. In the same way above, below, across, everywhere, all around, they spread a heart full of equanimity to the whole world—abundant, expansive, limitless, free of enmity and ill will."}},{"id":"mn7:17","sourceIds":["mn7:17.1"],"kind":"text","text":{"pi":"So ‘atthi idaṁ, atthi hīnaṁ, atthi paṇītaṁ, atthi imassa saññāgatassa uttari nissaraṇan’ti pajānāti.","en":"They understand: ‘There is this, there is what is worse than this, there is what is better than this, and there is an escape beyond the scope of perception.’"}},{"id":"mn7:18","sourceIds":["mn7:18.1","mn7:18.2","mn7:18.3","mn7:18.4","mn7:18.5"],"kind":"text","text":{"pi":"Tassa evaṁ jānato evaṁ passato kāmāsavāpi cittaṁ vimuccati, bhavāsavāpi cittaṁ vimuccati, avijjāsavāpi cittaṁ vimuccati.\nVimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.\nAyaṁ vuccati, bhikkhave:\n‘bhikkhu sināto antarena sinānenā’”ti.","en":"Knowing and seeing like this, their mind is freed from the defilements of sensuality, desire to be reborn, and ignorance.\nWhen they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’\nThis is called\na mendicant who is bathed with the inner bathing.”"}},{"id":"mn7:19","sourceIds":["mn7:19.1","mn7:19.2","mn7:19.3","mn7:19.4","mn7:19.5","mn7:19.6"],"kind":"text","text":{"pi":"Tena kho pana samayena sundarikabhāradvājo brāhmaṇo bhagavato avidūre nisinno hoti.\nAtha kho sundarikabhāradvājo brāhmaṇo bhagavantaṁ etadavoca:\n“gacchati pana bhavaṁ gotamo bāhukaṁ nadiṁ sināyitun”ti?\n“Kiṁ, brāhmaṇa, bāhukāya nadiyā?\nKiṁ bāhukā nadī karissatī”ti?\n“Lokkhasammatā hi, bho gotama, bāhukā nadī bahujanassa, puññasammatā hi, bho gotama, bāhukā nadī bahujanassa, bāhukāya pana nadiyā bahujano pāpakammaṁ kataṁ pavāhetī”ti.","en":"Now at that time the brahmin Bhāradvāja of Sundarikā was sitting not far from the Buddha.\nHe said to the Buddha,\n“But does Worthy Gotama go to the Bāhukā River to bathe?”\n“Brahmin, why go to the Bāhukā River?\nWhat can the Bāhukā River do?”\n“Many people deem that the Bāhukā River leads to a heavenly world and bestows merit. And many people rinse off their bad deeds in the Bāhukā River.”"}},{"id":"mn7:20","sourceIds":["mn7:20.1","mn7:20.2","mn7:20.3","mn7:20.4","mn7:20.5","mn7:20.6","mn7:20.7","mn7:20.8","mn7:20.9","mn7:20.10","mn7:20.11","mn7:20.12","mn7:20.13","mn7:20.14","mn7:20.15","mn7:20.16","mn7:20.17","mn7:20.18","mn7:20.19","mn7:20.20","mn7:20.21","mn7:20.22","mn7:20.23"],"kind":"text","text":{"pi":"Atha kho bhagavā sundarikabhāradvājaṁ brāhmaṇaṁ gāthāhi ajjhabhāsi:\n“Bāhukaṁ adhikakkañca,\ngayaṁ sundarikaṁ mapi;\nSarassatiṁ payāgañca,\natho bāhumatiṁ nadiṁ;\nNiccampi bālo pakkhando,\nkaṇhakammo na sujjhati.\nKiṁ sundarikā karissati,\nKiṁ payāgā kiṁ bāhukā nadī;\nVeriṁ katakibbisaṁ naraṁ,\nNa hi naṁ sodhaye pāpakamminaṁ.\nSuddhassa ve sadā phaggu,\nSuddhassuposatho sadā;\nSuddhassa sucikammassa,\nSadā sampajjate vataṁ;\nIdheva sināhi brāhmaṇa,\nSabbabhūtesu karohi khemataṁ.\nSace musā na bhaṇasi,\nsace pāṇaṁ na hiṁsasi;\nSace adinnaṁ nādiyasi,\nsaddahāno amaccharī;\nKiṁ kāhasi gayaṁ gantvā,\nudapānopi te gayā”ti.","en":"Then the Buddha addressed Bhāradvāja of Sundarikā in verse:\n“The Bāhukā and the Adhikakkā,\nat Gayā and the Sundarikā too,\nSarasvatī and Payāga,\nand the Bāhumatī River:\na fool can constantly plunge into them\nbut it won’t purify their dark deeds.\nWhat can the Sundarikā do?\nWhat the Payāga or the Bāhukā?\nThey can’t cleanse a cruel person, a sinner\nfrom their bad deeds.\nFor the pure in heart it’s always\nthe spring festival or the sabbath.\nFor the pure in heart and clean of deed,\ntheir vows will always be fulfilled.\nIt’s here alone that you should bathe, brahmin,\nmaking yourself a sanctuary for all creatures.\nAnd if you speak no lies,\nnor harm any living creature,\nnor steal anything not given,\nand you’re faithful and not stingy:\nwhat’s the point of going to Gayā?\nFor any well may be your Gayā!”"}},{"id":"mn7:21","sourceIds":["mn7:21.1","mn7:21.2","mn7:21.3","mn7:21.4","mn7:21.5"],"kind":"text","text":{"pi":"Evaṁ vutte, sundarikabhāradvājo brāhmaṇo bhagavantaṁ etadavoca:\n“abhikkantaṁ, bho gotama, abhikkantaṁ, bho gotama.\nSeyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya—cakkhumanto rūpāni dakkhantīti; evamevaṁ bhotā gotamena anekapariyāyena dhammo pakāsito.\nEsāhaṁ bhavantaṁ gotamaṁ saraṇaṁ gacchāmi dhammañca bhikkhusaṅghañca.\nLabheyyāhaṁ bhoto gotamassa santike pabbajjaṁ, labheyyaṁ upasampadan”ti.","en":"When he had spoken, the brahmin Bhāradvāja of Sundarikā said to the Buddha,\n“Excellent, worthy Gotama! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, worthy Gotama has made the teaching clear in many ways.\nI go for refuge to the worthy Gotama, to the teaching, and to the mendicant Saṅgha.\nMay I receive the going forth, the ordination in the worthy Gotama’s presence?”"}},{"id":"mn7:22","sourceIds":["mn7:22.1","mn7:22.2","mn7:22.3","mn7:22.4","mn7:22.5"],"kind":"text","text":{"pi":"Alattha kho sundarikabhāradvājo brāhmaṇo bhagavato santike pabbajjaṁ, alattha upasampadaṁ.\nAcirūpasampanno kho panāyasmā bhāradvājo eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.\n“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abbhaññāsi.\nAññataro kho panāyasmā bhāradvājo arahataṁ ahosīti.\nVatthasuttaṁ niṭṭhitaṁ sattamaṁ.","en":"And the brahmin Bhāradvāja of Sundarikā received the going forth, the ordination in the Buddha’s presence.\nNot long after his ordination, Venerable Bhāradvāja, living alone, withdrawn, diligent, keen, and resolute, soon realized the supreme culmination of the spiritual path in this very life. He lived having achieved with his own insight the goal for which gentlemen rightly go forth from the lay life to homelessness.\nHe understood: “Rebirth is ended; the spiritual journey has been completed; what had to be done has been done; there is nothing further for this place.”\nAnd Venerable Bhāradvāja became one of the perfected."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}