{"id":"mn70","title":"At Kīṭāgiri","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn70","title":"At Kīṭāgiri","units":[{"id":"mn70:0","sourceIds":["mn70:0.1","mn70:0.2"],"kind":"text","text":{"pi":"Majjhima Nikāya 70\nKīṭāgirisutta","en":"Middle Discourses 70\nAt Kīṭāgiri"}},{"id":"mn70:1","sourceIds":["mn70:1.1","mn70:1.2","mn70:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kāsīsu cārikaṁ carati mahatā bhikkhusaṅghena saddhiṁ.\nTatra kho bhagavā bhikkhū āmantesi:","en":"So I have heard.\nAt one time the Buddha was wandering in the land of the Kāsis together with a large Saṅgha of mendicants.\nThere the Buddha addressed the mendicants:"}},{"id":"mn70:2","sourceIds":["mn70:2.1","mn70:2.2","mn70:2.3","mn70:2.4","mn70:2.5"],"kind":"text","text":{"pi":"“ahaṁ kho, bhikkhave, aññatreva rattibhojanā bhuñjāmi.\nAññatra kho panāhaṁ, bhikkhave, rattibhojanā bhuñjamāno appābādhatañca sañjānāmi appātaṅkatañca lahuṭṭhānañca balañca phāsuvihārañca.\nEtha, tumhepi, bhikkhave, aññatreva rattibhojanā bhuñjatha.\nAññatra kho pana, bhikkhave, tumhepi rattibhojanā bhuñjamānā appābādhatañca sañjānissatha appātaṅkatañca lahuṭṭhānañca balañca phāsuvihārañcā”ti.\n“Evaṁ, bhante”ti kho te bhikkhū bhagavato paccassosuṁ.","en":"“Mendicants, I abstain from eating at night.\nDoing so, I find that I’m healthy and well, nimble, strong, and living comfortably.\nYou too should never eat at night.\nDoing so, you’ll find that you’re healthy and well, nimble, strong, and living comfortably.”\n“Yes, sir,” they replied."}},{"id":"mn70:3","sourceIds":["mn70:3.1","mn70:3.2"],"kind":"text","text":{"pi":"Atha kho bhagavā kāsīsu anupubbena cārikaṁ caramāno yena kīṭāgiri nāma kāsīnaṁ nigamo tadavasari.\nTatra sudaṁ bhagavā kīṭāgirismiṁ viharati kāsīnaṁ nigame.","en":"Then the Buddha, traveling stage by stage in the land of the Kāsis, arrived at a town of the Kāsis named Kīṭāgiri,\nand stayed there."}},{"id":"mn70:4","sourceIds":["mn70:4.1","mn70:4.2","mn70:4.3","mn70:4.4","mn70:4.5","mn70:4.6","mn70:4.7","mn70:4.8","mn70:4.9","mn70:4.10","mn70:4.11"],"kind":"text","text":{"pi":"Tena kho pana samayena assajipunabbasukā nāma bhikkhū kīṭāgirismiṁ āvāsikā honti.\nAtha kho sambahulā bhikkhū yena assajipunabbasukā bhikkhū tenupasaṅkamiṁsu; upasaṅkamitvā assajipunabbasuke bhikkhū etadavocuṁ:\n“bhagavā kho, āvuso, aññatreva rattibhojanā bhuñjati bhikkhusaṅgho ca.\nAññatra kho panāvuso, rattibhojanā bhuñjamānā appābādhatañca sañjānanti appātaṅkatañca lahuṭṭhānañca balañca phāsuvihārañca.\nEtha, tumhepi, āvuso, aññatreva rattibhojanā bhuñjatha.\nAññatra kho panāvuso, tumhepi rattibhojanā bhuñjamānā appābādhatañca sañjānissatha appātaṅkatañca lahuṭṭhānañca balañca phāsuvihārañcā”ti.\nEvaṁ vutte, assajipunabbasukā bhikkhū te bhikkhū etadavocuṁ:\n“mayaṁ kho, āvuso, sāyañceva bhuñjāma pāto ca divā ca vikāle.\nTe mayaṁ sāyañceva bhuñjamānā pāto ca divā ca vikāle appābādhatañca sañjānāma appātaṅkatañca lahuṭṭhānañca balañca phāsuvihārañca.\nTe mayaṁ kiṁ sandiṭṭhikaṁ hitvā kālikaṁ anudhāvissāma?\nSāyañceva mayaṁ bhuñjissāma pāto ca divā ca vikāle”ti.","en":"Now at that time the mendicants who followed Assaji and Punabbasuka were residing at Kīṭāgiri.\nThen several mendicants went up to them and said,\n“Reverends, the Buddha never eats at night, and neither does the mendicant Saṅgha.\nDoing so, they find that they’re healthy and well, nimble, strong, and living comfortably.\nYou too should abstain from eating at night.\nDoing so, you’ll find that you’re healthy and well, nimble, strong, and living comfortably.”\nWhen they said this, the mendicants who followed Assaji and Punabbasuka said to them,\n“Reverends, we eat at dusk, at daybreak, and at the wrong time of day.\nDoing so, we find that we’re healthy and well, nimble, strong, and living comfortably.\nWhy should we give up what is apparent in the present to chase after what takes effect over time?\nWe shall eat at dusk, at daybreak, and at the wrong time of day.”"}},{"id":"mn70:5","sourceIds":["mn70:5.1","mn70:5.2","mn70:5.3","mn70:5.4","mn70:5.5","mn70:5.6","mn70:5.7","mn70:5.8","mn70:5.9","mn70:5.10","mn70:5.11","mn70:5.12"],"kind":"text","text":{"pi":"Yato kho te bhikkhū nāsakkhiṁsu assajipunabbasuke bhikkhū saññāpetuṁ, atha yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“idha mayaṁ, bhante, yena assajipunabbasukā bhikkhū tenupasaṅkamimha; upasaṅkamitvā assajipunabbasuke bhikkhū etadavocumha:\n‘bhagavā kho, āvuso, aññatreva rattibhojanā bhuñjati bhikkhusaṅgho ca;\naññatra kho panāvuso, rattibhojanā bhuñjamānā appābādhatañca sañjānanti appātaṅkatañca lahuṭṭhānañca balañca phāsuvihārañca.\nEtha, tumhepi, āvuso, aññatreva rattibhojanā bhuñjatha.\nAññatra kho panāvuso, tumhepi rattibhojanā bhuñjamānā appābādhatañca sañjānissatha appātaṅkatañca lahuṭṭhānañca balañca phāsuvihārañcā’ti.\nEvaṁ vutte, bhante, assajipunabbasukā bhikkhū amhe etadavocuṁ:\n‘mayaṁ kho, āvuso, sāyañceva bhuñjāma pāto ca divā ca vikāle.\nTe mayaṁ sāyañceva bhuñjamānā pāto ca divā ca vikāle appābādhatañca sañjānāma appātaṅkatañca lahuṭṭhānañca balañca phāsuvihārañca.\nTe mayaṁ kiṁ sandiṭṭhikaṁ hitvā kālikaṁ anudhāvissāma?\nSāyañceva mayaṁ bhuñjissāma pāto ca divā ca vikāle’ti.\nYato kho mayaṁ, bhante, nāsakkhimha assajipunabbasuke bhikkhū saññāpetuṁ, atha mayaṁ etamatthaṁ bhagavato ārocemā”ti.","en":"Since those mendicants were unable to persuade the mendicants who were followers of Assaji and Punabbasuka, they approached the Buddha, bowed, sat down to one side, and told him what had happened."}},{"id":"mn70:6","sourceIds":["mn70:6.1","mn70:6.2","mn70:6.3","mn70:6.4","mn70:6.5","mn70:6.6","mn70:6.7","mn70:6.8","mn70:6.9","mn70:6.10","mn70:6.11","mn70:6.12","mn70:6.13","mn70:6.14","mn70:6.15","mn70:6.16","mn70:6.17","mn70:6.18","mn70:6.19"],"kind":"text","text":{"pi":"Atha kho bhagavā aññataraṁ bhikkhuṁ āmantesi:\n“ehi tvaṁ, bhikkhu, mama vacanena assajipunabbasuke bhikkhū āmantehi:\n‘satthā āyasmante āmantetī’”ti.\n“Evaṁ, bhante”ti kho so bhikkhu bhagavato paṭissutvā yena assajipunabbasukā bhikkhū tenupasaṅkami; upasaṅkamitvā assajipunabbasuke bhikkhū etadavoca:\n“satthā āyasmante āmantetī”ti.\n“Evamāvuso”ti kho assajipunabbasukā bhikkhū tassa bhikkhuno paṭissutvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinne kho assajipunabbasuke bhikkhū bhagavā etadavoca:\n“saccaṁ kira, bhikkhave, sambahulā bhikkhū tumhe upasaṅkamitvā etadavocuṁ:\n‘bhagavā kho, āvuso, aññatreva rattibhojanā bhuñjati bhikkhusaṅgho ca.\nAññatra kho panāvuso, rattibhojanā bhuñjamānā appābādhatañca sañjānanti appātaṅkatañca lahuṭṭhānañca balañca phāsuvihārañca.\nEtha, tumhepi, āvuso, aññatreva rattibhojanā bhuñjatha.\nAññatra kho panāvuso, tumhepi rattibhojanā bhuñjamānā appābādhatañca sañjānissatha appātaṅkatañca lahuṭṭhānañca balañca phāsuvihārañcā’ti.\nEvaṁ vutte, kira, bhikkhave, tumhe te bhikkhū evaṁ avacuttha:\n‘mayaṁ kho panāvuso, sāyañceva bhuñjāma pāto ca divā ca vikāle.\nTe mayaṁ sāyañceva bhuñjamānā pāto ca divā ca vikāle appābādhatañca sañjānāma appātaṅkatañca lahuṭṭhānañca balañca phāsuvihārañca.\nTe mayaṁ kiṁ sandiṭṭhikaṁ hitvā kālikaṁ anudhāvissāma?\nSāyañceva mayaṁ bhuñjissāma pāto ca divā ca vikāle’”ti.\n“Evaṁ, bhante”.\n“Kiṁ nu me tumhe, bhikkhave, evaṁ dhammaṁ desitaṁ ājānātha yaṁ kiñcāyaṁ purisapuggalo paṭisaṁvedeti sukhaṁ vā dukkhaṁ vā adukkhamasukhaṁ vā tassa akusalā dhammā parihāyanti kusalā dhammā abhivaḍḍhantī”ti?\n“No hetaṁ, bhante”.","en":"So the Buddha addressed one of the monks,\n“Please, monk, in my name tell the mendicants who follow Assaji and Punabbasuka that\nthe Teacher summons them.”\n“Yes, sir,” that monk replied. He went to those mendicants and said,\n“Venerables, the Teacher summons you.”\n“Yes, reverend,” those mendicants replied. They went to the Buddha, bowed, and sat down to one side.\nThe Buddha said to them, “Is it really true, mendicants, that several mendicants went to you and said:\n‘Reverends, the Buddha never eats at night, and neither does the mendicant Saṅgha.\nDoing so, they find that they’re healthy and well, nimble, strong, and living comfortably.\nYou too should never eat at night.\nDoing so, you’ll find that you’re healthy and well, nimble, strong, and living comfortably.’\nWhen they said this, did you really say to them:\n‘Reverends, we eat at dusk, at daybreak, and at the wrong time of day.\nDoing so, we find that we’re healthy and well, nimble, strong, and living comfortably.\nWhy should we give up what is apparent in the present to chase after what takes effect over time?\nWe shall eat at dusk, at daybreak, and at the wrong time of day.’”\n“Yes, sir.”\n“Mendicants, have you ever known me to teach the Dhamma like this: no matter what this individual experiences—pleasurable, painful, or neutral—their unskillful qualities decline and their skillful qualities grow?”\n“No, sir.”"}},{"id":"mn70:7","sourceIds":["mn70:7.1","mn70:7.2"],"kind":"text","text":{"pi":"“Nanu me tumhe, bhikkhave, evaṁ dhammaṁ desitaṁ ājānātha idhekaccassa yaṁ evarūpaṁ sukhaṁ vedanaṁ vedayato akusalā dhammā abhivaḍḍhanti kusalā dhammā parihāyanti, idha panekaccassa evarūpaṁ sukhaṁ vedanaṁ vedayato akusalā dhammā parihāyanti, kusalā dhammā abhivaḍḍhanti, idhekaccassa evarūpaṁ dukkhaṁ vedanaṁ vedayato akusalā dhammā abhivaḍḍhanti kusalā dhammā parihāyanti, idha panekaccassa evarūpaṁ dukkhaṁ vedanaṁ vedayato akusalā dhammā parihāyanti kusalā dhammā abhivaḍḍhanti, idhekaccassa evarūpaṁ adukkhamasukhaṁ vedanaṁ vedayato akusalā dhammā abhivaḍḍhanti kusalā dhammā parihāyanti, idha panekaccassa evarūpaṁ adukkhamasukhaṁ vedanaṁ vedayato akusalā dhammā parihāyanti kusalā dhammā abhivaḍḍhantī”ti?\n“Evaṁ, bhante”.","en":"“Haven’t you known me to teach the Dhamma like this: ‘When someone feels this kind of pleasant feeling, unskillful qualities grow and skillful qualities decline. But when someone feels that kind of pleasant feeling, unskillful qualities decline and skillful qualities grow. When someone feels this kind of painful feeling, unskillful qualities grow and skillful qualities decline. But when someone feels that kind of painful feeling, unskillful qualities decline and skillful qualities grow. When someone feels this kind of neutral feeling, unskillful qualities grow and skillful qualities decline. But when someone feels that kind of neutral feeling, unskillful qualities decline and skillful qualities grow’?”\n“Yes, sir.”"}},{"id":"mn70:8","sourceIds":["mn70:8.1","mn70:8.2","mn70:8.3","mn70:8.4","mn70:8.5","mn70:8.6","mn70:8.7","mn70:8.8","mn70:8.9","mn70:8.10","mn70:8.11","mn70:8.12","mn70:8.13","mn70:8.14","mn70:8.15","mn70:8.16","mn70:8.17"],"kind":"text","text":{"pi":"“Sādhu, bhikkhave.\nMayā cetaṁ, bhikkhave, aññātaṁ abhavissa adiṭṭhaṁ aviditaṁ asacchikataṁ aphassitaṁ paññāya:\n‘idhekaccassa evarūpaṁ sukhaṁ vedanaṁ vedayato akusalā dhammā abhivaḍḍhanti kusalā dhammā parihāyantī’ti,\nevāhaṁ ajānanto ‘evarūpaṁ sukhaṁ vedanaṁ pajahathā’ti vadeyyaṁ; api nu me etaṁ, bhikkhave, patirūpaṁ abhavissā”ti?\n“No hetaṁ, bhante”.\n“Yasmā ca kho etaṁ, bhikkhave, mayā ñātaṁ diṭṭhaṁ viditaṁ sacchikataṁ phassitaṁ paññāya:\n‘idhekaccassa evarūpaṁ sukhaṁ vedanaṁ vedayato akusalā dhammā abhivaḍḍhanti kusalā dhammā parihāyantī’ti, tasmāhaṁ ‘evarūpaṁ sukhaṁ vedanaṁ pajahathā’ti vadāmi.\nMayā cetaṁ, bhikkhave, aññātaṁ abhavissa adiṭṭhaṁ aviditaṁ asacchikataṁ aphassitaṁ paññāya:\n‘idhekaccassa evarūpaṁ sukhaṁ vedanaṁ vedayato akusalā dhammā parihāyanti kusalā dhammā abhivaḍḍhantī’ti, evāhaṁ ajānanto ‘evarūpaṁ sukhaṁ vedanaṁ upasampajja viharathā’ti vadeyyaṁ;\napi nu me etaṁ, bhikkhave, patirūpaṁ abhavissā”ti?\n“No hetaṁ, bhante”.\n“Yasmā ca kho etaṁ, bhikkhave, mayā ñātaṁ diṭṭhaṁ viditaṁ sacchikataṁ phassitaṁ paññāya:\n‘idhekaccassa evarūpaṁ sukhaṁ vedanaṁ vedayato akusalā dhammā parihāyanti, kusalā dhammā abhivaḍḍhantī’ti, tasmāhaṁ ‘evarūpaṁ sukhaṁ vedanaṁ upasampajja viharathā’ti vadāmi.\nMayā cetaṁ, bhikkhave, aññātaṁ abhavissa adiṭṭhaṁ aviditaṁ asacchikataṁ aphassitaṁ paññāya:\n‘idhekaccassa evarūpaṁ dukkhaṁ vedanaṁ vedayato akusalā dhammā abhivaḍḍhanti kusalā dhammā parihāyantī’ti, evāhaṁ ajānanto ‘evarūpaṁ dukkhaṁ vedanaṁ pajahathā’ti vadeyyaṁ;\napi nu me etaṁ, bhikkhave, patirūpaṁ abhavissā”ti?\n“No hetaṁ, bhante”.","en":"“Good, mendicants!\nNow, suppose I hadn’t known, seen, understood, realized, and experienced this with wisdom:\n‘When someone feels this kind of pleasant feeling, unskillful qualities grow and skillful qualities decline.’\nNot knowing this, would it be appropriate for me to say: ‘You should give up this kind of pleasant feeling’?”\n“No, sir.”\n“But I have known, seen, understood, realized, and experienced this with wisdom:\n‘When someone feels this kind of pleasant feeling, unskillful qualities grow and skillful qualities decline.’ Since this is so, that’s why I say: ‘You should give up this kind of pleasant feeling.’\nNow, suppose I hadn’t known, seen, understood, realized, and experienced this with wisdom:\n‘When someone feels that kind of pleasant feeling, unskillful qualities decline and skillful qualities grow.’\nNot knowing this, would it be appropriate for me to say: ‘You should enter and remain in that kind of pleasant feeling’?”\n“No, sir.”\n“But I have known, seen, understood, realized, and experienced this with wisdom:\n‘When someone feels that kind of pleasant feeling, unskillful qualities decline and skillful qualities grow.’ Since this is so, that’s why I say: ‘You should enter and remain in that kind of pleasant feeling.’\nNow, suppose I hadn’t known, seen, understood, realized, and experienced this with wisdom:\n‘When someone feels this kind of painful feeling, unskillful qualities grow and skillful qualities decline.’\nNot knowing this, would it be appropriate for me to say: ‘You should give up this kind of painful feeling’?”\n“No, sir.”"}},{"id":"mn70:9","sourceIds":["mn70:9.1","mn70:9.2","mn70:9.3","mn70:9.4","mn70:9.5","mn70:9.6","mn70:9.7","mn70:9.8"],"kind":"text","text":{"pi":"“Yasmā ca kho etaṁ, bhikkhave, mayā ñātaṁ diṭṭhaṁ viditaṁ sacchikataṁ phassitaṁ paññāya:\n‘idhekaccassa evarūpaṁ dukkhaṁ vedanaṁ vedayato akusalā dhammā abhivaḍḍhanti kusalā dhammā parihāyantī’ti, tasmāhaṁ ‘evarūpaṁ dukkhaṁ vedanaṁ pajahathā’ti vadāmi.\nMayā cetaṁ, bhikkhave, aññātaṁ abhavissa adiṭṭhaṁ aviditaṁ asacchikataṁ aphassitaṁ paññāya:\n‘idhekaccassa evarūpaṁ dukkhaṁ vedanaṁ vedayato akusalā dhammā parihāyanti kusalā dhammā abhivaḍḍhantī’ti, evāhaṁ ajānanto ‘evarūpaṁ dukkhaṁ vedanaṁ upasampajja viharathā’ti vadeyyaṁ;\napi nu me etaṁ, bhikkhave, patirūpaṁ abhavissā”ti?\n“No hetaṁ, bhante”.\n“Yasmā ca kho etaṁ, bhikkhave, mayā ñātaṁ diṭṭhaṁ viditaṁ sacchikataṁ phassitaṁ paññāya:\n‘idhekaccassa evarūpaṁ dukkhaṁ vedanaṁ vedayato akusalā dhammā parihāyanti kusalā dhammā abhivaḍḍhantī’ti, tasmāhaṁ ‘evarūpaṁ dukkhaṁ vedanaṁ upasampajja viharathā’ti vadāmi.","en":"“But I have known, seen, understood, realized, and experienced this with wisdom:\n‘When someone feels this kind of painful feeling, unskillful qualities grow and skillful qualities decline.’ Since this is so, that’s why I say: ‘You should give up this kind of painful feeling.’\nNow, suppose I hadn’t known, seen, understood, realized, and experienced this with wisdom:\n‘When someone feels that kind of painful feeling, unskillful qualities decline and skillful qualities grow.’\nNot knowing this, would it be appropriate for me to say: ‘You should enter and remain in that kind of painful feeling’?”\n“No, sir.”\n“But I have known, seen, understood, realized, and experienced this with wisdom:\n‘When someone feels that kind of painful feeling, unskillful qualities decline and skillful qualities grow.’ Since this is so, that’s why I say: ‘You should enter and remain in that kind of painful feeling.’"}},{"id":"mn70:10","sourceIds":["mn70:10.1","mn70:10.2","mn70:10.3","mn70:10.4","mn70:10.5","mn70:10.6","mn70:10.7","mn70:10.8","mn70:10.9","mn70:10.10"],"kind":"text","text":{"pi":"Mayā cetaṁ, bhikkhave, aññātaṁ abhavissa adiṭṭhaṁ aviditaṁ asacchikataṁ aphassitaṁ paññāya:\n‘idhekaccassa evarūpaṁ adukkhamasukhaṁ vedanaṁ vedayato akusalā dhammā abhivaḍḍhanti kusalā dhammā parihāyantī’ti, evāhaṁ ajānanto ‘evarūpaṁ adukkhamasukhaṁ vedanaṁ pajahathā’ti vadeyyaṁ;\napi nu me etaṁ, bhikkhave, patirūpaṁ abhavissā”ti?\n“No hetaṁ, bhante”.\n“Yasmā ca kho etaṁ, bhikkhave, mayā ñātaṁ diṭṭhaṁ viditaṁ sacchikataṁ phassitaṁ paññāya:\n‘idhekaccassa evarūpaṁ adukkhamasukhaṁ vedanaṁ vedayato akusalā dhammā abhivaḍḍhanti kusalā dhammā parihāyantī’ti, tasmāhaṁ ‘evarūpaṁ adukkhamasukhaṁ vedanaṁ pajahathā’ti vadāmi.\nMayā cetaṁ, bhikkhave, aññātaṁ abhavissa adiṭṭhaṁ aviditaṁ asacchikataṁ aphassitaṁ paññāya:\n‘idhekaccassa evarūpaṁ adukkhamasukhaṁ vedanaṁ vedayato akusalā dhammā parihāyanti kusalā dhammā abhivaḍḍhantī’ti, evāhaṁ ajānanto ‘evarūpaṁ adukkhamasukhaṁ vedanaṁ upasampajja viharathā’ti vadeyyaṁ;\napi nu me etaṁ, bhikkhave, patirūpaṁ abhavissā”ti?\n“No hetaṁ, bhante”.","en":"Now, suppose I hadn’t known, seen, understood, realized, and experienced this with wisdom:\n‘When someone feels this kind of neutral feeling, unskillful qualities grow and skillful qualities decline.’\nNot knowing this, would it be appropriate for me to say: ‘You should give up this kind of neutral feeling’?”\n“No, sir.”\n“But I have known, seen, understood, realized, and experienced this with wisdom:\n‘When someone feels this kind of neutral feeling, unskillful qualities grow and skillful qualities decline.’ Since this is so, that’s why I say: ‘You should give up this kind of neutral feeling.’\nNow, suppose I hadn’t known, seen, understood, realized, and experienced this with wisdom:\n‘When someone feels that kind of neutral feeling, unskillful qualities decline and skillful qualities grow.’\nNot knowing this, would it be appropriate for me to say: ‘You should enter and remain in that kind of neutral feeling’?”\n“No, sir.”"}},{"id":"mn70:11","sourceIds":["mn70:11.1","mn70:11.2"],"kind":"text","text":{"pi":"“Yasmā ca kho etaṁ, bhikkhave, mayā ñātaṁ diṭṭhaṁ viditaṁ sacchikataṁ phassitaṁ paññāya:\n‘idhekaccassa evarūpaṁ adukkhamasukhaṁ vedanaṁ vedayato akusalā dhammā parihāyanti kusalā dhammā abhivaḍḍhantī’ti, tasmāhaṁ ‘evarūpaṁ adukkhamasukhaṁ vedanaṁ upasampajja viharathā’ti vadāmi.","en":"“But I have known, seen, understood, realized, and experienced this with wisdom:\n‘When someone feels that kind of neutral feeling, unskillful qualities decline and skillful qualities grow.’ Since this is so, that’s why I say: ‘You should enter and remain in that kind of neutral feeling.’"}},{"id":"mn70:12","sourceIds":["mn70:12.1","mn70:12.2","mn70:12.3","mn70:12.4","mn70:12.5","mn70:12.6"],"kind":"text","text":{"pi":"Nāhaṁ, bhikkhave, sabbesaṁyeva bhikkhūnaṁ ‘appamādena karaṇīyan’ti vadāmi;\nna panāhaṁ, bhikkhave, sabbesaṁyeva bhikkhūnaṁ ‘na appamādena karaṇīyan’ti vadāmi.\nYe te, bhikkhave, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṁyojanā sammadaññāvimuttā, tathārūpānāhaṁ, bhikkhave, bhikkhūnaṁ ‘na appamādena karaṇīyan’ti vadāmi.\nTaṁ kissa hetu?\nKataṁ tesaṁ appamādena.\nAbhabbā te pamajjituṁ.","en":"Mendicants, I don’t say that all these mendicants still have work to do with diligence.\nNor do I say that all these mendicants have no work to do with diligence.\nI say that mendicants don’t have work to do with diligence if they are perfected, with defilements ended, having completed the spiritual journey, done what had to be done, laid down the burden, achieved their heart’s goal, utterly ended the fetter of continued existence, and become rightly freed through enlightenment.\nWhy is that?\nThey’ve done their work with diligence.\nThey’re incapable of being negligent."}},{"id":"mn70:13","sourceIds":["mn70:13.1","mn70:13.2","mn70:13.3","mn70:13.4","mn70:13.5"],"kind":"text","text":{"pi":"Ye ca kho te, bhikkhave, bhikkhū sekkhā appattamānasā anuttaraṁ yogakkhemaṁ patthayamānā viharanti, tathārūpānāhaṁ, bhikkhave, bhikkhūnaṁ ‘appamādena karaṇīyan’ti vadāmi.\nTaṁ kissa hetu?\nAppeva nāmime āyasmanto anulomikāni senāsanāni paṭisevamānā kalyāṇamitte bhajamānā indriyāni samannānayamānā—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihareyyunti.\nImaṁ kho ahaṁ, bhikkhave, imesaṁ bhikkhūnaṁ appamādaphalaṁ sampassamāno ‘appamādena karaṇīyan’ti vadāmi.","en":"I say that mendicants still have work to do with diligence if they are trainees, who haven’t achieved their heart’s desire, but live aspiring to the supreme sanctuary from the yoke.\nWhy is that? Thinking:\n‘Hopefully this venerable will frequent appropriate lodgings, associate with good friends, and control their faculties.\nThen they might realize the supreme culmination of the spiritual path in this very life, and live having achieved with their own insight the goal for which gentlemen rightly go forth from the lay life to homelessness.’\nSeeing this fruit of diligence for those mendicants, I say that they still have work to do with diligence."}},{"id":"mn70:14","sourceIds":["mn70:14.1","mn70:14.2","mn70:14.3"],"kind":"text","text":{"pi":"Sattime, bhikkhave, puggalā santo saṁvijjamānā lokasmiṁ.\nKatame satta?\nUbhatobhāgavimutto, paññāvimutto, kāyasakkhi, diṭṭhippatto, saddhāvimutto, dhammānusārī, saddhānusārī.","en":"Mendicants, these seven individuals are found in the world.\nWhat seven?\nOne freed both ways, one freed by wisdom, a direct witness, one attained to view, one freed by faith, a follower of teachings, and a follower by faith."}},{"id":"mn70:15","sourceIds":["mn70:15.1","mn70:15.2","mn70:15.3","mn70:15.4","mn70:15.5","mn70:15.6","mn70:15.7"],"kind":"text","text":{"pi":"Katamo ca, bhikkhave, puggalo ubhatobhāgavimutto?\nIdha, bhikkhave, ekacco puggalo ye te santā vimokkhā atikkamma rūpe āruppā te kāyena phusitvā viharati paññāya cassa disvā āsavā parikkhīṇā honti.\nAyaṁ vuccati, bhikkhave, puggalo ubhatobhāgavimutto\nimassa kho ahaṁ, bhikkhave, bhikkhuno ‘na appamādena karaṇīyan’ti vadāmi.\nTaṁ kissa hetu?\nKataṁ tassa appamādena.\nAbhabbo so pamajjituṁ.","en":"And what individual is freed both ways?\nIt’s an individual who has direct meditative experience of the peaceful liberations that are formless, transcending form. And, having seen with wisdom, their defilements have come to an end.\nThis individual is called freed both ways.\nAnd I say that this mendicant has no work to do with diligence.\nWhy is that?\nThey’ve done their work with diligence.\nThey’re incapable of being negligent."}},{"id":"mn70:16","sourceIds":["mn70:16.1","mn70:16.2","mn70:16.3","mn70:16.4","mn70:16.5","mn70:16.6","mn70:16.7"],"kind":"text","text":{"pi":"Katamo ca, bhikkhave, puggalo paññāvimutto?\nIdha, bhikkhave, ekacco puggalo ye te santā vimokkhā atikkamma rūpe āruppā te na kāyena phusitvā viharati, paññāya cassa disvā āsavā parikkhīṇā honti.\nAyaṁ vuccati, bhikkhave, puggalo paññāvimutto.\nImassapi kho ahaṁ, bhikkhave, bhikkhuno ‘na appamādena karaṇīyan’ti vadāmi.\nTaṁ kissa hetu?\nKataṁ tassa appamādena.\nAbhabbo so pamajjituṁ.","en":"And what individual is freed by wisdom?\nIt’s an individual who does not have direct meditative experience of the peaceful liberations that are formless, transcending form. Nevertheless, having seen with wisdom, their defilements have come to an end.\nThis individual is called freed by wisdom.\nI say that this mendicant has no work to do with diligence.\nWhy is that?\nThey’ve done their work with diligence.\nThey’re incapable of being negligent."}},{"id":"mn70:17","sourceIds":["mn70:17.1","mn70:17.2","mn70:17.3","mn70:17.4","mn70:17.5","mn70:17.6","mn70:17.7","mn70:17.8"],"kind":"text","text":{"pi":"Katamo ca, bhikkhave, puggalo kāyasakkhi?\nIdha, bhikkhave, ekacco puggalo ye te santā vimokkhā atikkamma rūpe āruppā te kāyena phusitvā viharati, paññāya cassa disvā ekacce āsavā parikkhīṇā honti.\nAyaṁ vuccati, bhikkhave, puggalo kāyasakkhi.\nImassa kho ahaṁ, bhikkhave, bhikkhuno ‘appamādena karaṇīyan’ti vadāmi.\nTaṁ kissa hetu?\nAppeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihareyyāti.\nImaṁ kho ahaṁ, bhikkhave, imassa bhikkhuno appamādaphalaṁ sampassamāno ‘appamādena karaṇīyan’ti vadāmi.","en":"And what individual is a direct witness?\nIt’s an individual who has direct meditative experience of the peaceful liberations that are formless, transcending form. And, having seen with wisdom, some of their defilements have come to an end.\nThis individual is called a direct witness.\nI say that this mendicant still has work to do with diligence.\nWhy is that? Thinking:\n‘Hopefully this venerable will frequent appropriate lodgings, associate with good friends, and control their faculties.\nThen they might realize the supreme culmination of the spiritual path in this very life, and live having achieved with their own insight the goal for which gentlemen rightly go forth from the lay life to homelessness.’\nSeeing this fruit of diligence for this mendicant, I say that they still have work to do with diligence."}},{"id":"mn70:18","sourceIds":["mn70:18.1","mn70:18.2","mn70:18.3","mn70:18.4","mn70:18.5","mn70:18.6","mn70:18.7","mn70:18.8"],"kind":"text","text":{"pi":"Katamo ca, bhikkhave, puggalo diṭṭhippatto?\nIdha, bhikkhave, ekacco puggalo ye te santā vimokkhā atikkamma rūpe āruppā te na kāyena phusitvā viharati, paññāya cassa disvā ekacce āsavā parikkhīṇā honti, tathāgatappaveditā cassa dhammā paññāya vodiṭṭhā honti vocaritā.\nAyaṁ vuccati, bhikkhave, puggalo diṭṭhippatto.\nImassapi kho ahaṁ, bhikkhave, bhikkhuno ‘appamādena karaṇīyan’ti vadāmi.\nTaṁ kissa hetu?\nAppeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihareyyāti.\nImaṁ kho ahaṁ, bhikkhave, imassa bhikkhuno appamādaphalaṁ sampassamāno ‘appamādena karaṇīyan’ti vadāmi.","en":"And what individual is attained to view?\nIt’s an individual who doesn’t have direct meditative experience of the peaceful liberations that are formless, transcending form. Nevertheless, having seen with wisdom, some of their defilements have come to an end. And they have clearly seen and clearly contemplated with wisdom the teaching and training proclaimed by the Realized One.\nThis individual is called attained to view.\nI say that this mendicant also still has work to do with diligence.\nWhy is that? Thinking:\n‘Hopefully this venerable will frequent appropriate lodgings, associate with good friends, and control their faculties.\nThen they might realize the supreme culmination of the spiritual path in this very life, and live having achieved with their own insight the goal for which gentlemen rightly go forth from the lay life to homelessness.’\nSeeing this fruit of diligence for this mendicant, I say that they still have work to do with diligence."}},{"id":"mn70:19","sourceIds":["mn70:19.1","mn70:19.2","mn70:19.3","mn70:19.4","mn70:19.5","mn70:19.6","mn70:19.7","mn70:19.8"],"kind":"text","text":{"pi":"Katamo ca, bhikkhave, puggalo saddhāvimutto.\nIdha, bhikkhave, ekacco puggalo ye te santā vimokkhā atikkamma rūpe āruppā te na kāyena phusitvā viharati, paññāya cassa disvā ekacce āsavā parikkhīṇā honti, tathāgate cassa saddhā niviṭṭhā hoti mūlajātā patiṭṭhitā.\nAyaṁ vuccati, bhikkhave, puggalo saddhāvimutto.\nImassapi kho ahaṁ, bhikkhave, bhikkhuno ‘appamādena karaṇīyan’ti vadāmi.\nTaṁ kissa hetu?\nAppeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihareyyāti.\nImaṁ kho ahaṁ, bhikkhave, imassa bhikkhuno appamādaphalaṁ sampassamāno ‘appamādena karaṇīyan’ti vadāmi.","en":"And what individual is freed by faith?\nIt’s an individual who doesn’t have direct meditative experience of the peaceful liberations that are formless, transcending form. Nevertheless, having seen with wisdom, some of their defilements have come to an end. And their faith is settled, rooted, and planted in the Realized One.\nThis individual is called freed by faith.\nI say that this mendicant also still has work to do with diligence.\nWhy is that? Thinking:\n‘Hopefully this venerable will frequent appropriate lodgings, associate with good friends, and control their faculties.\nThen they might realize the supreme culmination of the spiritual path in this very life, and live having achieved with their own insight the goal for which gentlemen rightly go forth from the lay life to homelessness.’\nSeeing this fruit of diligence for this mendicant, I say that they still have work to do with diligence."}},{"id":"mn70:20","sourceIds":["mn70:20.1","mn70:20.2","mn70:20.3","mn70:20.4","mn70:20.5","mn70:20.6","mn70:20.7","mn70:20.8","mn70:20.9"],"kind":"text","text":{"pi":"Katamo ca, bhikkhave, puggalo dhammānusārī?\nIdha, bhikkhave, ekacco puggalo ye te santā vimokkhā atikkamma rūpe āruppā te na kāyena phusitvā viharati, paññāya cassa disvā ekacce āsavā parikkhīṇā honti, tathāgatappaveditā cassa dhammā paññāya mattaso nijjhānaṁ khamanti, api cassa ime dhammā honti, seyyathidaṁ—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nAyaṁ vuccati, bhikkhave, puggalo dhammānusārī.\nImassapi kho ahaṁ, bhikkhave, bhikkhuno ‘appamādena karaṇīyan’ti vadāmi.\nTaṁ kissa hetu?\nAppeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihareyyāti.\nImaṁ kho ahaṁ, bhikkhave, imassa bhikkhuno appamādaphalaṁ sampassamāno ‘appamādena karaṇīyan’ti vadāmi.","en":"And what individual is a follower of teachings?\nIt’s an individual who doesn’t have direct meditative experience of the peaceful liberations that are formless, transcending form. And having seen with wisdom, their defilements have not come to an end. And they accept the teachings proclaimed by the Realized One after deliberating them with a degree of wisdom. And they have the following qualities:\nthe faculties of faith, energy, mindfulness, immersion, and wisdom.\nThis individual is called a follower of teachings.\nI say that this mendicant also still has work to do with diligence.\nWhy is that? Thinking:\n‘Hopefully this venerable will frequent appropriate lodgings, associate with good friends, and control their faculties.\nThen they might realize the supreme culmination of the spiritual path in this very life, and live having achieved with their own insight the goal for which gentlemen rightly go forth from the lay life to homelessness.’\nSeeing this fruit of diligence for this mendicant, I say that they still have work to do with diligence."}},{"id":"mn70:21","sourceIds":["mn70:21.1","mn70:21.2","mn70:21.3","mn70:21.4","mn70:21.5","mn70:21.6","mn70:21.7","mn70:21.8","mn70:21.9"],"kind":"text","text":{"pi":"Katamo ca, bhikkhave, puggalo saddhānusārī?\nIdha, bhikkhave, ekacco puggalo ye te santā vimokkhā atikkamma rūpe āruppā te na kāyena phusitvā viharati, paññāya cassa disvā ekacce āsavā parikkhīṇā honti, tathāgate cassa saddhāmattaṁ hoti pemamattaṁ, api cassa ime dhammā honti, seyyathidaṁ—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nAyaṁ vuccati, bhikkhave, puggalo saddhānusārī.\nImassapi kho ahaṁ, bhikkhave, bhikkhuno ‘appamādena karaṇīyan’ti vadāmi.\nTaṁ kissa hetu?\nAppeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihareyyāti.\nImaṁ kho ahaṁ, bhikkhave, imassa bhikkhuno appamādaphalaṁ sampassamāno ‘appamādena karaṇīyan’ti vadāmi.","en":"And what individual is a follower by faith?\nIt’s an individual who doesn’t have direct meditative experience of the peaceful liberations that are formless, transcending form. And having seen with wisdom, their defilements have not come to an end. And they have a degree of faith and fondness for the Realized One. And they have the following qualities:\nthe faculties of faith, energy, mindfulness, immersion, and wisdom.\nThis individual is called a follower by faith.\nI say that this mendicant also still has work to do with diligence.\nWhy is that? Thinking:\n‘Hopefully this venerable will frequent appropriate lodgings, associate with good friends, and control their faculties.\nThen they might realize the supreme culmination of the spiritual path in this very life, and live having achieved with their own insight the goal for which gentlemen rightly go forth from the lay life to homelessness.’\nSeeing this fruit of diligence for this mendicant, I say that they still have work to do with diligence."}},{"id":"mn70:22","sourceIds":["mn70:22.1","mn70:22.2"],"kind":"text","text":{"pi":"Nāhaṁ, bhikkhave, ādikeneva aññārādhanaṁ vadāmi;\napi ca, bhikkhave, anupubbasikkhā anupubbakiriyā anupubbapaṭipadā aññārādhanā hoti.","en":"Mendicants, I don’t say that enlightenment is achieved right away.\nRather, enlightenment is achieved by gradual training, progress, and practice."}},{"id":"mn70:23","sourceIds":["mn70:23.1","mn70:23.2"],"kind":"text","text":{"pi":"Kathañca, bhikkhave, anupubbasikkhā anupubbakiriyā anupubbapaṭipadā aññārādhanā hoti?\nIdha, bhikkhave, saddhājāto upasaṅkamati, upasaṅkamanto payirupāsati, payirupāsanto sotaṁ odahati, ohitasoto dhammaṁ suṇāti, sutvā dhammaṁ dhāreti, dhatānaṁ dhammānaṁ atthaṁ upaparikkhati, atthaṁ upaparikkhato dhammā nijjhānaṁ khamanti, dhammanijjhānakkhantiyā sati chando jāyati, chandajāto ussahati, ussāhetvā tuleti, tulayitvā padahati, pahitatto samāno kāyena ceva paramasaccaṁ sacchikaroti, paññāya ca naṁ ativijjha passati.","en":"And how is enlightenment achieved by gradual training, progress, and practice?\nIt’s when someone in whom faith has arisen approaches a teacher. They pay homage, actively listen, hear the teachings, remember the teachings, examine their meaning, and accept them after deliberation. Then enthusiasm springs up; they make an attempt, weigh up, and strive. Striving, they directly realize the ultimate truth, and see it with penetrating wisdom."}},{"id":"mn70:24","sourceIds":["mn70:24.1","mn70:24.2","mn70:24.3","mn70:24.4","mn70:24.5","mn70:24.6","mn70:24.7","mn70:24.8","mn70:24.9","mn70:24.10","mn70:24.11","mn70:24.12","mn70:24.13","mn70:24.14"],"kind":"text","text":{"pi":"Sāpi nāma, bhikkhave, saddhā nāhosi;\ntampi nāma, bhikkhave, upasaṅkamanaṁ nāhosi;\nsāpi nāma, bhikkhave, payirupāsanā nāhosi;\ntampi nāma, bhikkhave, sotāvadhānaṁ nāhosi;\ntampi nāma, bhikkhave, dhammassavanaṁ nāhosi;\nsāpi nāma, bhikkhave, dhammadhāraṇā nāhosi;\nsāpi nāma, bhikkhave, atthūpaparikkhā nāhosi;\nsāpi nāma, bhikkhave, dhammanijjhānakkhanti nāhosi;\nsopi nāma, bhikkhave, chando nāhosi;\nsopi nāma, bhikkhave, ussāho nāhosi;\nsāpi nāma, bhikkhave, tulanā nāhosi;\ntampi nāma, bhikkhave, padhānaṁ nāhosi.\nVippaṭipannāttha, bhikkhave, micchāpaṭipannāttha, bhikkhave.\nKīva dūrevime, bhikkhave, moghapurisā apakkantā imamhā dhammavinayā.","en":"Mendicants, there has not been that faith,\nthat approaching,\nthat paying homage,\nthat listening,\nthat hearing the teachings,\nthat remembering the teachings,\nthat examining their meaning,\nthat acceptance after deliberation,\nthat enthusiasm,\nthat making an attempt,\nthat weighing up,\nor that striving.\nYou’re on a bad path, mendicants! You’re practicing the wrong way!\nHow far these futile men have strayed from this teaching and training!"}},{"id":"mn70:25","sourceIds":["mn70:25.1","mn70:25.2","mn70:25.3"],"kind":"text","text":{"pi":"Atthi, bhikkhave, catuppadaṁ veyyākaraṇaṁ yassuddiṭṭhassa viññū puriso nacirasseva paññāyatthaṁ ājāneyya.\nUddisissāmi vo, bhikkhave, ājānissatha me tan”ti?\n“Ke ca mayaṁ, bhante, ke ca dhammassa aññātāro”ti?","en":"There is an exposition in four statements, which a sensible person would quickly understand when it is recited.\nI shall recite it for you, mendicants. Try to understand it.”\n“Sir, who are we next to those who understand the teaching?”"}},{"id":"mn70:26","sourceIds":["mn70:26.1","mn70:26.2"],"kind":"text","text":{"pi":"“Yopi so, bhikkhave, satthā āmisagaru āmisadāyādo āmisehi saṁsaṭṭho viharati tassa pāyaṁ evarūpī paṇopaṇaviyā na upeti:\n‘evañca no assa atha naṁ kareyyāma, na ca no evamassa na naṁ kareyyāmā’ti, kiṁ pana, bhikkhave, yaṁ tathāgato sabbaso āmisehi visaṁsaṭṭho viharati.","en":"“Even with a teacher who values things of the flesh, is an heir in things of the flesh, who lives caught up in things of the flesh, you wouldn’t get into such haggling:\n‘If we get this, we’ll do that. If we don’t get this, we won’t do it.’ What then of the Realized One, who lives utterly detached from things of the flesh?"}},{"id":"mn70:27","sourceIds":["mn70:27.1","mn70:27.2","mn70:27.3","mn70:27.4","mn70:27.5","mn70:27.6","mn70:27.7","mn70:27.8","mn70:27.9","mn70:27.10","mn70:27.11","mn70:27.12"],"kind":"text","text":{"pi":"Saddhassa, bhikkhave, sāvakassa satthusāsane pariyogāhiya vattato ayamanudhammo hoti:\n‘satthā bhagavā, sāvakohamasmi;\njānāti bhagavā, nāhaṁ jānāmī’ti.\nSaddhassa, bhikkhave, sāvakassa satthusāsane pariyogāhiya vattato ruḷhanīyaṁ satthusāsanaṁ hoti ojavantaṁ.\nSaddhassa, bhikkhave, sāvakassa satthusāsane pariyogāhiya vattato ayamanudhammo hoti:\n‘kāmaṁ taco ca nhāru ca aṭṭhi ca avasissatu, sarīre upassussatu maṁsalohitaṁ, yaṁ taṁ purisathāmena purisavīriyena purisaparakkamena pattabbaṁ na taṁ apāpuṇitvā vīriyassa saṇṭhānaṁ bhavissatī’ti.\nSaddhassa, bhikkhave, sāvakassa satthusāsane pariyogāhiya vattato dvinnaṁ phalānaṁ aññataraṁ phalaṁ pāṭikaṅkhaṁ—\ndiṭṭheva dhamme aññā, sati vā upādisese anāgāmitā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nKīṭāgirisuttaṁ niṭṭhitaṁ dasamaṁ.\nBhikkhuvaggo niṭṭhito dutiyo.","en":"For a faithful disciple who is practicing to fathom the Teacher’s instructions, this is in line with the teaching:\n‘The Buddha is my Teacher, I am his disciple.\nThe Buddha knows, I do not know.’\nFor a faithful disciple who is practicing to fathom the Teacher’s instructions, the Teacher’s instructions are nourishing and nutritious.\nFor a faithful disciple who is practicing to fathom the Teacher’s instructions, this is in line with the teaching:\n‘Gladly, let only skin, sinews, and bones remain! Let the flesh and blood waste away in my body! I will not relax my energy until I have achieved what is possible by human strength, energy, and vigor.’\nFor a faithful disciple who is practicing to fathom the Teacher’s instructions, one of two results can be expected:\nenlightenment in this very life, or if there’s residue left behind, non-return.”\nThat is what the Buddha said.\nSatisfied, the mendicants approved what the Buddha said."}},{"id":"mn70:28","sourceIds":["mn70:28.0","mn70:28.1","mn70:28.2","mn70:28.3","mn70:28.4"],"kind":"text","text":{"pi":"Tassuddānaṁ\nKuñjara rāhula sassataloko,\nMālukyaputto ca bhaddāli nāmo;\nKhudda dijātha sahampatiyācaṁ,\nNāḷaka raññikiṭāgirināmo."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}