{"id":"mn74","title":"With Dīghanakha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn74","title":"With Dīghanakha","units":[{"id":"mn74:0","sourceIds":["mn74:0.1","mn74:0.2"],"kind":"text","text":{"pi":"Majjhima Nikāya 74\nDīghanakhasutta","en":"Middle Discourses 74\nWith Dīghanakha"}},{"id":"mn74:1","sourceIds":["mn74:1.1","mn74:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati gijjhakūṭe pabbate sūkarakhatāyaṁ.","en":"So I have heard.\nAt one time the Buddha was staying near Rājagaha, on the Vulture’s Peak Mountain in the Boar’s Cave."}},{"id":"mn74:2","sourceIds":["mn74:2.1","mn74:2.2","mn74:2.3","mn74:2.4","mn74:2.5","mn74:2.6","mn74:2.7"],"kind":"text","text":{"pi":"Atha kho dīghanakho paribbājako yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ aṭṭhāsi. Ekamantaṁ ṭhito kho dīghanakho paribbājako bhagavantaṁ etadavoca:\n“ahañhi, bho gotama, evaṁvādī evaṁdiṭṭhi:\n‘sabbaṁ me nakkhamatī’”ti.\n“Yāpi kho te esā, aggivessana, diṭṭhi:\n‘sabbaṁ me nakkhamatī’ti, esāpi te diṭṭhi nakkhamatī”ti?\n“Esā ce me, bho gotama, diṭṭhi khameyya, taṁpassa tādisameva, taṁpassa tādisamevā”ti.","en":"Then the wanderer Dīghanakha went up to the Buddha, and exchanged greetings with him.\nWhen the greetings and polite conversation were over, he stood to one side and said to the Buddha,\n“Worthy Gotama, this is my doctrine and view:\n‘Nothing is acceptable to me.’”\n“This view of yours, Aggivessana—\nis that acceptable to you?”\n“If I were to accept this view, worthy Gotama, it would make no difference, it would make no difference!”"}},{"id":"mn74:3","sourceIds":["mn74:3.1","mn74:3.2","mn74:3.3","mn74:3.4","mn74:3.5","mn74:3.6"],"kind":"text","text":{"pi":"“Ato kho te, aggivessana, bahū hi bahutarā lokasmiṁ ye evamāhaṁsu:\n‘taṁpassa tādisameva, taṁpassa tādisamevā’ti.\nTe tañceva diṭṭhiṁ nappajahanti aññañca diṭṭhiṁ upādiyanti.\nAto kho te, aggivessana, tanū hi tanutarā lokasmiṁ ye evamāhaṁsu:\n‘taṁpassa tādisameva, taṁpassa tādisamevā’ti.\nTe tañceva diṭṭhiṁ pajahanti aññañca diṭṭhiṁ na upādiyanti.","en":"“Well, Aggivessana, there are many more in the world who say,\n‘It would make no difference! It would make no difference!’\nBut they don’t give up that view, and they grasp another view.\nAnd there are a scant few in the world who say,\n‘It would make no difference! It would make no difference!’\nAnd they give up that view by not grasping another view."}},{"id":"mn74:4","sourceIds":["mn74:4.1","mn74:4.2","mn74:4.3","mn74:4.4","mn74:4.5","mn74:4.6","mn74:4.7","mn74:4.8","mn74:4.9","mn74:4.10"],"kind":"text","text":{"pi":"Santaggivessana, eke samaṇabrāhmaṇā evaṁvādino evaṁdiṭṭhino:\n‘sabbaṁ me khamatī’ti;\nsantaggivessana, eke samaṇabrāhmaṇā evaṁvādino evaṁdiṭṭhino:\n‘sabbaṁ me nakkhamatī’ti;\nsantaggivessana, eke samaṇabrāhmaṇā evaṁvādino evaṁdiṭṭhino:\n‘ekaccaṁ me khamati, ekaccaṁ me nakkhamatī’ti.\nTatraggivessana, ye te samaṇabrāhmaṇā evaṁvādino evaṁdiṭṭhino: ‘sabbaṁ me khamatī’ti\ntesamayaṁ diṭṭhi sārāgāya santike, saññogāya santike, abhinandanāya santike, ajjhosānāya santike, upādānāya santike;\ntatraggivessana ye te samaṇabrāhmaṇā evaṁvādino evaṁdiṭṭhino: ‘sabbaṁ me nakkhamatī’ti\ntesamayaṁ diṭṭhi asārāgāya santike, asaññogāya santike, anabhinandanāya santike, anajjhosānāya santike, anupādānāya santike”ti.","en":"There are some ascetics and brahmins who have this doctrine and view:\n‘Everything is acceptable to me.’\nThere are some ascetics and brahmins who have this doctrine and view:\n‘Nothing is acceptable to me.’\nThere are some ascetics and brahmins who have this doctrine and view:\n‘Some things are acceptable to me and some things are not.’\nRegarding this, the view of the ascetics and brahmins to whom everything is acceptable\nis close to greed, bondage, approving, attachment, and grasping.\nThe view of the ascetics and brahmins to whom nothing is acceptable\nis far from greed, bondage, approving, attachment, and grasping.”"}},{"id":"mn74:5","sourceIds":["mn74:5.1","mn74:5.2","mn74:5.3","mn74:5.4","mn74:5.5","mn74:5.6"],"kind":"text","text":{"pi":"Evaṁ vutte, dīghanakho paribbājako bhagavantaṁ etadavoca:\n“ukkaṁseti me bhavaṁ gotamo diṭṭhigataṁ, samukkaṁseti me bhavaṁ gotamo diṭṭhigatan”ti.\n“Tatraggivessana, ye te samaṇabrāhmaṇā evaṁvādino evaṁdiṭṭhino:\n‘ekaccaṁ me khamati, ekaccaṁ me nakkhamatī’ti.\nYā hi tesaṁ khamati sāyaṁ diṭṭhi sārāgāya santike, saññogāya santike, abhinandanāya santike, ajjhosānāya santike, upādānāya santike;\nyā hi tesaṁ nakkhamati sāyaṁ diṭṭhi asārāgāya santike, asaññogāya santike, anabhinandanāya santike, anajjhosānāya santike, anupādānāya santike.","en":"When he said this, the wanderer Dīghanakha said to the Buddha,\n“Worthy Gotama commends my conviction! He recommends my conviction!”\n“Now, regarding the ascetics and brahmins to whom\nsome things are acceptable and some things are not.\nTheir view of what is acceptable is close to greed, bondage, approving, attachment, and grasping.\nTheir view of what is not acceptable is far from greed, bondage, approving, attachment, and grasping."}},{"id":"mn74:6","sourceIds":["mn74:6.1","mn74:6.2","mn74:6.3","mn74:6.4","mn74:6.5","mn74:6.6","mn74:6.7","mn74:6.8","mn74:6.9","mn74:6.10","mn74:6.11","mn74:6.12","mn74:6.13","mn74:6.14"],"kind":"text","text":{"pi":"Tatraggivessana, ye te samaṇabrāhmaṇā evaṁvādino evaṁdiṭṭhino:\n‘sabbaṁ me khamatī’ti\ntattha viññū puriso iti paṭisañcikkhati:\n‘yā kho me ayaṁ diṭṭhi—\nsabbaṁ me khamatīti,\nimañce ahaṁ diṭṭhiṁ thāmasā parāmāsā abhinivissa vohareyyaṁ—\nidameva saccaṁ moghamaññanti;\ndvīhi me assa viggaho—\nyo cāyaṁ samaṇo vā brāhmaṇo vā evaṁvādī evaṁdiṭṭhi—sabbaṁ me nakkhamatīti,\nyo cāyaṁ samaṇo vā brāhmaṇo vā evaṁvādī evaṁdiṭṭhi—ekaccaṁ me khamati, ekaccaṁ me nakkhamatīti—\nimehi assa dvīhi viggaho.\nIti viggahe sati vivādo, vivāde sati vighāto, vighāte sati vihesā’.\nIti so viggahañca vivādañca vighātañca vihesañca attani sampassamāno tañceva diṭṭhiṁ pajahati aññañca diṭṭhiṁ na upādiyati.\nEvametāsaṁ diṭṭhīnaṁ pahānaṁ hoti, evametāsaṁ diṭṭhīnaṁ paṭinissaggo hoti.","en":"When it comes to the view of the ascetics and brahmins to whom\neverything is acceptable,\na sensible person reflects like this:\n‘I have the view that\neverything is acceptable.\nSuppose I were to obstinately stick to this view and insist,\n“This is the only truth, anything else is futile.”\nThen I’d argue with two individuals—\nan ascetic or brahmin to whom nothing is acceptable,\nand an ascetic or brahmin to whom some things are acceptable and some things are not.\nAnd when there’s arguing, there’s dispute; when there’s dispute there’s distress; and when there’s distress there’s harm.’\nSo, considering in themselves the potential for argument, dispute, distress, and harm, they give up that view by not grasping another view.\nThat’s how those views are given up and let go."}},{"id":"mn74:7","sourceIds":["mn74:7.1","mn74:7.2","mn74:7.3","mn74:7.4","mn74:7.5","mn74:7.6","mn74:7.7","mn74:7.8","mn74:7.9","mn74:7.10","mn74:7.11","mn74:7.12","mn74:7.13","mn74:7.14"],"kind":"text","text":{"pi":"Tatraggivessana, ye te samaṇabrāhmaṇā evaṁvādino evaṁdiṭṭhino:\n‘sabbaṁ me nakkhamatī’ti\ntattha viññū puriso iti paṭisañcikkhati:\n‘yā kho me ayaṁ diṭṭhi—\nsabbaṁ me nakkhamatīti,\nimañce ahaṁ diṭṭhiṁ thāmasā parāmāsā abhinivissa vohareyyaṁ—\nidameva saccaṁ moghamaññanti;\ndvīhi me assa viggaho—\nyo cāyaṁ samaṇo vā brāhmaṇo vā evaṁvādī evaṁdiṭṭhi—sabbaṁ me khamatīti,\nyo cāyaṁ samaṇo vā brāhmaṇo vā evaṁvādī evaṁdiṭṭhi—ekaccaṁ me khamati ekaccaṁ me nakkhamatīti—\nimehi assa dvīhi viggaho.\nIti viggahe sati vivādo, vivāde sati vighāto, vighāte sati vihesā’.\nIti so viggahañca vivādañca vighātañca vihesañca attani sampassamāno tañceva diṭṭhiṁ pajahati aññañca diṭṭhiṁ na upādiyati.\nEvametāsaṁ diṭṭhīnaṁ pahānaṁ hoti, evametāsaṁ diṭṭhīnaṁ paṭinissaggo hoti.","en":"When it comes to the view of the ascetics and brahmins to whom\nnothing is acceptable,\na sensible person reflects like this:\n‘I have the view that\nnothing is acceptable.\nSuppose I were to obstinately stick to this view and insist,\n“This is the only truth, anything else is futile.”\nThen I’d argue with two individuals—\nan ascetic or brahmin to whom everything is acceptable,\nand an ascetic or brahmin to whom some things are acceptable and some things are not.\nAnd when there’s arguing, there’s dispute; when there’s dispute there’s distress; and when there’s distress there’s harm.’\nSo, considering in themselves the potential for argument, dispute, distress, and harm, they give up that view by not grasping another view.\nThat’s how those views are given up and let go."}},{"id":"mn74:8","sourceIds":["mn74:8.1","mn74:8.2","mn74:8.3","mn74:8.4","mn74:8.5","mn74:8.6","mn74:8.7","mn74:8.8","mn74:8.9","mn74:8.10","mn74:8.11","mn74:8.12","mn74:8.13","mn74:8.14"],"kind":"text","text":{"pi":"Tatraggivessana, ye te samaṇabrāhmaṇā evaṁvādino evaṁdiṭṭhino:\n‘ekaccaṁ me khamati, ekaccaṁ me nakkhamatī’ti\ntattha viññū puriso iti paṭisañcikkhati:\n‘yā kho me ayaṁ diṭṭhi—\nekaccaṁ me khamati, ekaccaṁ me nakkhamatīti,\nimañce ahaṁ diṭṭhiṁ thāmasā parāmāsā abhinivissa vohareyyaṁ—\nidameva saccaṁ moghamaññanti;\ndvīhi me assa viggaho—\nyo cāyaṁ samaṇo vā brāhmaṇo vā evaṁvādī evaṁdiṭṭhi—sabbaṁ me khamatīti,\nyo cāyaṁ samaṇo vā brāhmaṇo vā evaṁvādī evaṁdiṭṭhi—sabbaṁ me nakkhamatīti—\nimehi assa dvīhi viggaho.\nIti viggahe sati vivādo, vivāde sati vighāto, vighāte sati vihesā’.\nIti so viggahañca vivādañca vighātañca vihesañca attani sampassamāno tañceva diṭṭhiṁ pajahati aññañca diṭṭhiṁ na upādiyati.\nEvametāsaṁ diṭṭhīnaṁ pahānaṁ hoti, evametāsaṁ diṭṭhīnaṁ paṭinissaggo hoti.","en":"When it comes to the view of the ascetics and brahmins to whom\nsome things are acceptable and some things are not,\na sensible person reflects like this:\n‘I have the view that\nsome things are acceptable and some things are not.\nSuppose I were to obstinately stick to this view and insist,\n“This is the only truth, anything else is futile.”\nThen I’d argue with two individuals—\nan ascetic or brahmin to whom everything is acceptable,\nand an ascetic or brahmin to whom nothing is acceptable.\nAnd when there’s arguing, there’s dispute; when there’s dispute there’s distress; and when there’s distress there’s harm.’\nSo, considering in themselves the potential for argument, dispute, distress, and harm, they give up that view by not grasping another view.\nThat’s how those views are given up and let go."}},{"id":"mn74:9","sourceIds":["mn74:9.1","mn74:9.2"],"kind":"text","text":{"pi":"Ayaṁ kho panaggivessana, kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedanaviddhaṁsanadhammo, aniccato dukkhato rogato gaṇḍato sallato aghato ābādhato parato palokato suññato anattato samanupassitabbo.\nTassimaṁ kāyaṁ aniccato dukkhato rogato gaṇḍato sallato aghato ābādhato parato palokato suññato anattato samanupassato yo kāyasmiṁ kāyachando kāyasneho kāyanvayatā sā pahīyati.","en":"Aggivessana, this body is formed. It’s made up of the four principal states, produced by mother and father, built up from rice and porridge, liable to impermanence, to wearing away and erosion, to breaking up and destruction. You should see it as impermanent, as suffering, as diseased, as a boil, as a dart, as gloom, as an affliction, as alien, as breaking apart, as empty, as not-self.\nDoing so, you’ll give up desire, affection, and subservience to the body."}},{"id":"mn74:10","sourceIds":["mn74:10.1","mn74:10.2","mn74:10.3","mn74:10.4","mn74:10.5","mn74:10.6","mn74:10.7","mn74:10.8"],"kind":"text","text":{"pi":"Tisso kho imā, aggivessana, vedanā—\nsukhā vedanā, dukkhā vedanā, adukkhamasukhā vedanā.\nYasmiṁ, aggivessana, samaye sukhaṁ vedanaṁ vedeti, neva tasmiṁ samaye dukkhaṁ vedanaṁ vedeti, na adukkhamasukhaṁ vedanaṁ vedeti;\nsukhaṁyeva tasmiṁ samaye vedanaṁ vedeti.\nYasmiṁ, aggivessana, samaye dukkhaṁ vedanaṁ vedeti, neva tasmiṁ samaye sukhaṁ vedanaṁ vedeti, na adukkhamasukhaṁ vedanaṁ vedeti;\ndukkhaṁyeva tasmiṁ samaye vedanaṁ vedeti.\nYasmiṁ, aggivessana, samaye adukkhamasukhaṁ vedanaṁ vedeti, neva tasmiṁ samaye sukhaṁ vedanaṁ vedeti, na dukkhaṁ vedanaṁ vedeti;\nadukkhamasukhaṁyeva tasmiṁ samaye vedanaṁ vedeti.","en":"There are these three feelings:\npleasant, painful, and neutral.\nAt a time when you feel a pleasant feeling, you don’t feel a painful or neutral feeling;\nyou only feel a pleasant feeling.\nAt a time when you feel a painful feeling, you don’t feel a pleasant or neutral feeling;\nyou only feel a painful feeling.\nAt a time when you feel a neutral feeling, you don’t feel a pleasant or painful feeling;\nyou only feel a neutral feeling."}},{"id":"mn74:11","sourceIds":["mn74:11.1","mn74:11.2","mn74:11.3"],"kind":"text","text":{"pi":"Sukhāpi kho, aggivessana, vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā;\ndukkhāpi kho, aggivessana, vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā;\nadukkhamasukhāpi kho, aggivessana, vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā.","en":"Pleasant, painful, and neutral feelings are impermanent, conditioned, dependently originated, liable to end, vanish, fade away, and cease."}},{"id":"mn74:12","sourceIds":["mn74:12.1","mn74:12.2","mn74:12.3"],"kind":"text","text":{"pi":"Evaṁ passaṁ, aggivessana, sutavā ariyasāvako sukhāyapi vedanāya nibbindati, dukkhāyapi vedanāya nibbindati, adukkhamasukhāyapi vedanāya nibbindati;\nnibbindaṁ virajjati, virāgā vimuccati. Vimuttasmiṁ, vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.","en":"Seeing this, a learned noble disciple grows disillusioned with pleasant, painful, and neutral feelings.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’"}},{"id":"mn74:13","sourceIds":["mn74:13.1"],"kind":"text","text":{"pi":"Evaṁ vimuttacitto kho, aggivessana, bhikkhu na kenaci saṁvadati, na kenaci vivadati, yañca loke vuttaṁ tena voharati, aparāmasan”ti.","en":"A mendicant whose mind is freed like this doesn’t side with anyone or dispute with anyone. They use the language of the world to communicate without getting stuck on it.”"}},{"id":"mn74:14","sourceIds":["mn74:14.1","mn74:14.2","mn74:14.3","mn74:14.4"],"kind":"text","text":{"pi":"Tena kho pana samayena āyasmā sāriputto bhagavato piṭṭhito ṭhito hoti bhagavantaṁ bījayamāno.\nAtha kho āyasmato sāriputtassa etadahosi:\n“tesaṁ tesaṁ kira no bhagavā dhammānaṁ abhiññā pahānamāha, tesaṁ tesaṁ kira no sugato dhammānaṁ abhiññā paṭinissaggamāhā”ti.\nIti hidaṁ āyasmato sāriputtassa paṭisañcikkhato anupādāya āsavehi cittaṁ vimucci.","en":"Now at that time Venerable Sāriputta was standing behind the Buddha fanning him.\nThen he thought,\n“It seems the Buddha speaks of giving up and letting go of all these things through direct knowledge.”\nReflecting like this, Venerable Sāriputta’s mind was freed from the defilements by not grasping."}},{"id":"mn74:15","sourceIds":["mn74:15.1","mn74:15.2","mn74:15.3"],"kind":"text","text":{"pi":"Dīghanakhassa pana paribbājakassa virajaṁ vītamalaṁ dhammacakkhuṁ udapādi:\n“yaṁ kiñci samudayadhammaṁ sabbaṁ taṁ nirodhadhamman”ti.\nAtha kho dīghanakho paribbājako diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane bhagavantaṁ etadavoca:","en":"And the stainless, immaculate vision of the Dhamma arose in the wanderer Dīghanakha:\n“Everything that is liable to arise is liable to cease.”\nThen Dīghanakha saw, attained, understood, and fathomed the Dhamma. He went beyond doubt, got rid of indecision, and became self-assured and independent of others regarding the Teacher’s instructions. He said to the Buddha:"}},{"id":"mn74:16","sourceIds":["mn74:16.1","mn74:16.2","mn74:16.3","mn74:16.4","mn74:16.5"],"kind":"text","text":{"pi":"“abhikkantaṁ, bho gotama, abhikkantaṁ, bho gotama.\nSeyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evameva kho bhotā gotamena anekapariyāyena dhammo pakāsito.\nEsāhaṁ bhavantaṁ gotamaṁ saraṇaṁ gacchāmi dhammañca bhikkhusaṅghañca.\nUpāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nDīghanakhasuttaṁ niṭṭhitaṁ catutthaṁ.","en":"“Excellent, worthy Gotama! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, worthy Gotama has made the teaching clear in many ways.\nI go for refuge to the worthy Gotama, to the teaching, and to the mendicant Saṅgha.\nFrom this day forth, may the worthy Gotama remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn74/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}