{"id":"mn78","title":"With Uggāhamāna Samaṇamaṇḍikāputta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn78","title":"With Uggāhamāna Samaṇamaṇḍikāputta","units":[{"id":"mn78:0","sourceIds":["mn78:0.1","mn78:0.2"],"kind":"text","text":{"pi":"Majjhima Nikāya 78\nSamaṇamuṇḍikasutta","en":"Middle Discourses 78\nWith Uggāhamāna Samaṇamaṇḍikāputta"}},{"id":"mn78:1","sourceIds":["mn78:1.1","mn78:1.2","mn78:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena uggāhamāno paribbājako samaṇamuṇḍikāputto samayappavādake tindukācīre ekasālake mallikāya ārāme paṭivasati mahatiyā paribbājakaparisāya saddhiṁ pañcamattehi paribbājakasatehi.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time the wanderer Uggāhamāna Samaṇamaṇḍikāputta was residing together with around five hundred wanderers in Mallikā’s single-halled monastery for philosophical debates, hedged by pale-moon ebony trees."}},{"id":"mn78:2","sourceIds":["mn78:2.1","mn78:2.2","mn78:2.3","mn78:2.4","mn78:2.5","mn78:2.6","mn78:2.7","mn78:2.8"],"kind":"text","text":{"pi":"Atha kho pañcakaṅgo thapati sāvatthiyā nikkhami divā divassa bhagavantaṁ dassanāya.\nAtha kho pañcakaṅgassa thapatissa etadahosi:\n“akālo kho tāva bhagavantaṁ dassanāya;\npaṭisallīno bhagavā.\nManobhāvaniyānampi bhikkhūnaṁ asamayo dassanāya;\npaṭisallīnā manobhāvaniyā bhikkhū.\nYannūnāhaṁ yena samayappavādako tindukācīro ekasālako mallikāya ārāmo yena uggāhamāno paribbājako samaṇamuṇḍikāputto tenupasaṅkameyyan”ti.\nAtha kho pañcakaṅgo thapati yena samayappavādako tindukācīro ekasālako mallikāya ārāmo yena uggāhamāno paribbājako samaṇamuṇḍikāputto tenupasaṅkami.","en":"Then the chamberlain Pañcakaṅga left Sāvatthī in the middle of the day to see the Buddha.\nIt occurred to him,\n“It’s the wrong time to see the Buddha,\nas he’s in retreat.\nAnd it’s the wrong time to see the esteemed mendicants,\nas they’re in retreat.\nWhy don’t I go to Mallikā’s monastery to visit the wanderer Uggāhamāna?”\nSo that’s what he did."}},{"id":"mn78:3","sourceIds":["mn78:3.1","mn78:3.2","mn78:3.3","mn78:3.4","mn78:3.5","mn78:3.6","mn78:3.7","mn78:3.8","mn78:3.9","mn78:3.10"],"kind":"text","text":{"pi":"Tena kho pana samayena uggāhamāno paribbājako samaṇamuṇḍikāputto mahatiyā paribbājakaparisāya saddhiṁ nisinno hoti unnādiniyā uccāsaddamahāsaddāya anekavihitaṁ tiracchānakathaṁ kathentiyā, seyyathidaṁ—\nrājakathaṁ corakathaṁ mahāmattakathaṁ senākathaṁ bhayakathaṁ yuddhakathaṁ annakathaṁ pānakathaṁ vatthakathaṁ sayanakathaṁ mālākathaṁ gandhakathaṁ ñātikathaṁ yānakathaṁ gāmakathaṁ nigamakathaṁ nagarakathaṁ janapadakathaṁ itthikathaṁ sūrakathaṁ visikhākathaṁ kumbhaṭṭhānakathaṁ pubbapetakathaṁ nānattakathaṁ lokakkhāyikaṁ samuddakkhāyikaṁ itibhavābhavakathaṁ iti vā.\nAddasā kho uggāhamāno paribbājako samaṇamuṇḍikāputto pañcakaṅgaṁ thapatiṁ dūratova āgacchantaṁ.\nDisvāna sakaṁ parisaṁ saṇṭhāpesi:\n“appasaddā bhonto hontu, mā bhonto saddamakattha;\nayaṁ samaṇassa gotamassa sāvako āgacchati pañcakaṅgo thapati.\nYāvatā kho pana samaṇassa gotamassa sāvakā gihī odātavasanā sāvatthiyaṁ paṭivasanti ayaṁ tesaṁ aññataro pañcakaṅgo thapati.\nAppasaddakāmā kho pana te āyasmanto appasaddavinītā appasaddassa vaṇṇavādino;\nappeva nāma appasaddaṁ parisaṁ viditvā upasaṅkamitabbaṁ maññeyyā”ti.\nAtha kho te paribbājakā tuṇhī ahesuṁ.","en":"Now at that time, Uggāhamāna was sitting together with a large assembly of wanderers making an uproar, a colossal racket. They engaged in all kinds of low talk, such as\ntalk about kings, bandits, and chief ministers; talk about armies, threats, and wars; talk about food, drink, clothes, and beds; talk about garlands and fragrances; talk about family, vehicles, villages, towns, cities, and countries; talk about women and heroes; talk at the street market and the place for water pots; talk about the departed; motley talk; tales of land and sea; and talk about being reborn in this or that place.\nUggāhamāna saw Pañcakaṅga coming off in the distance,\nand hushed his own assembly,\n“Be quiet, good fellows, don’t make a sound.\nHere comes Pañcakaṅga, a disciple of the ascetic Gotama.\nHe is included among the white-clothed lay disciples of the ascetic Gotama, who is residing in Sāvatthī.\nSuch venerables like the quiet, are educated to be quiet, and praise the quiet.\nHopefully if he sees that our assembly is quiet he’ll see fit to approach.”\nThen those wanderers fell silent."}},{"id":"mn78:4","sourceIds":["mn78:4.1","mn78:4.2"],"kind":"text","text":{"pi":"Atha kho pañcakaṅgo thapati yena uggāhamāno paribbājako samaṇamuṇḍikāputto tenupasaṅkami; upasaṅkamitvā uggāhamānena paribbājakena samaṇamuṇḍikāputtena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho pañcakaṅgaṁ thapatiṁ uggāhamāno paribbājako samaṇamuṇḍikāputto etadavoca:","en":"Then Pañcakaṅga approached Uggāhamāna, and exchanged greetings with him.\nWhen the greetings and polite conversation were over, he sat down to one side. Uggāhamāna said to him:"}},{"id":"mn78:5","sourceIds":["mn78:5.1","mn78:5.2","mn78:5.3","mn78:5.4"],"kind":"text","text":{"pi":"“catūhi kho ahaṁ, gahapati, dhammehi samannāgataṁ purisapuggalaṁ paññapemi sampannakusalaṁ paramakusalaṁ uttamapattipattaṁ samaṇaṁ ayojjhaṁ.\nKatamehi catūhi?\nIdha, gahapati, na kāyena pāpakammaṁ karoti, na pāpakaṁ vācaṁ bhāsati, na pāpakaṁ saṅkappaṁ saṅkappeti, na pāpakaṁ ājīvaṁ ājīvati—\nimehi kho ahaṁ, gahapati, catūhi dhammehi samannāgataṁ purisapuggalaṁ paññapemi sampannakusalaṁ paramakusalaṁ uttamapattipattaṁ samaṇaṁ ayojjhan”ti.","en":"“Householder, when an individual person has four qualities I describe them as an invincible ascetic—accomplished in the skillful, excelling in the skillful, attained to the highest attainment.\nWhat four?\nIt’s when they do no bad deeds with their body; speak no bad words; think no bad thoughts; and don’t earn a living by bad livelihood.\nWhen an individual possesses these four qualities I describe them as an invincible ascetic.”"}},{"id":"mn78:6","sourceIds":["mn78:6.1","mn78:6.2","mn78:6.3"],"kind":"text","text":{"pi":"Atha kho pañcakaṅgo thapati uggāhamānassa paribbājakassa samaṇamuṇḍikāputtassa bhāsitaṁ neva abhinandi nappaṭikkosi.\nAnabhinanditvā appaṭikkositvā uṭṭhāyāsanā pakkāmi:\n“bhagavato santike etassa bhāsitassa atthaṁ ājānissāmī”ti.","en":"Then Pañcakaṅga neither approved nor rejected the wanderer Uggāhamāna’s statement.\nHe rose from his seat, thinking,\n“I will learn the meaning of this statement from the Buddha himself.”"}},{"id":"mn78:7","sourceIds":["mn78:7.1","mn78:7.2"],"kind":"text","text":{"pi":"Atha kho pañcakaṅgo thapati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho pañcakaṅgo thapati yāvatako ahosi uggāhamānena paribbājakena samaṇamuṇḍikāputtena saddhiṁ kathāsallāpo taṁ sabbaṁ bhagavato ārocesi.","en":"Then he went to the Buddha, bowed, sat down to one side,\nand informed the Buddha of all that had been discussed."}},{"id":"mn78:8","sourceIds":["mn78:8.1","mn78:8.2","mn78:8.3","mn78:8.4","mn78:8.5","mn78:8.6","mn78:8.7","mn78:8.8","mn78:8.9","mn78:8.10","mn78:8.11"],"kind":"text","text":{"pi":"Evaṁ vutte, bhagavā pañcakaṅgaṁ thapatiṁ etadavoca:\n“evaṁ sante kho, thapati, daharo kumāro mando uttānaseyyako sampannakusalo bhavissati paramakusalo uttamapattipatto samaṇo ayojjho, yathā uggāhamānassa paribbājakassa samaṇamuṇḍikāputtassa vacanaṁ.\nDaharassa hi, thapati, kumārassa mandassa uttānaseyyakassa kāyotipi na hoti, kuto pana kāyena pāpakammaṁ karissati, aññatra phanditamattā.\nDaharassa hi, thapati, kumārassa mandassa uttānaseyyakassa vācātipi na hoti, kuto pana pāpakaṁ vācaṁ bhāsissati, aññatra roditamattā.\nDaharassa hi, thapati, kumārassa mandassa uttānaseyyakassa saṅkappotipi na hoti, kuto pana pāpakaṁ saṅkappaṁ saṅkappissati, aññatra vikūjitamattā.\nDaharassa hi, thapati, kumārassa mandassa uttānaseyyakassa ājīvotipi na hoti, kuto pana pāpakaṁ ājīvaṁ ājīvissati, aññatra mātuthaññā.\nEvaṁ sante kho, thapati, daharo kumāro mando uttānaseyyako sampannakusalo bhavissati paramakusalo uttamapattipatto samaṇo ayojjho, yathā uggāhamānassa paribbājakassa samaṇamuṇḍikāputtassa vacanaṁ.\nCatūhi kho ahaṁ, thapati, dhammehi samannāgataṁ purisapuggalaṁ paññapemi na ceva sampannakusalaṁ na paramakusalaṁ na uttamapattipattaṁ samaṇaṁ ayojjhaṁ, api cimaṁ daharaṁ kumāraṁ mandaṁ uttānaseyyakaṁ samadhigayha tiṭṭhati.\nKatamehi catūhi?\nIdha, thapati, na kāyena pāpakammaṁ karoti, na pāpakaṁ vācaṁ bhāsati, na pāpakaṁ saṅkappaṁ saṅkappeti, na pāpakaṁ ājīvaṁ ājīvati—\nimehi kho ahaṁ, thapati, catūhi dhammehi samannāgataṁ purisapuggalaṁ paññapemi na ceva sampannakusalaṁ na paramakusalaṁ na uttamapattipattaṁ samaṇaṁ ayojjhaṁ, api cimaṁ daharaṁ kumāraṁ mandaṁ uttānaseyyakaṁ samadhigayha tiṭṭhati.","en":"When he had spoken, the Buddha said to him,\n“Chamberlain, if what Uggāhamāna says is true, a little baby boy is an invincible ascetic—accomplished in the skillful, excelling in the skillful, attained to the highest attainment.\nFor a little baby doesn’t even have a concept of ‘a body’, so how could they possibly do a bad deed with their body, aside from just wriggling?\nAnd a little baby doesn’t even have a concept of ‘speech’, so how could they possibly speak bad words, aside from just crying?\nAnd a little baby doesn’t even have a concept of ‘thought’, so how could they possibly think bad thoughts, aside from just whimpering?\nAnd a little baby doesn’t even have a concept of ‘livelihood’, so how could they possibly earn a living by bad livelihood, aside from their mother’s breast?\nIf what Uggāhamāna says is true, a little baby boy is an invincible ascetic—accomplished in the skillful, excelling in the skillful, attained to the highest attainment.\nWhen an individual person has four qualities I describe them, not as an invincible ascetic—accomplished in the skillful, excelling in the skillful, attained to the highest attainment—but as having achieved the same level as a little baby.\nWhat four?\nIt’s when they do no bad deeds with their body; speak no bad words; think no bad thoughts; and don’t earn a living by bad livelihood.\nWhen an individual possesses these four qualities I describe them, not as an invincible ascetic, but as having achieved the same level as a little baby."}},{"id":"mn78:9","sourceIds":["mn78:9.1","mn78:9.2","mn78:9.3","mn78:9.4","mn78:9.5","mn78:9.6","mn78:9.7","mn78:9.8","mn78:9.9","mn78:9.10","mn78:9.11","mn78:9.12","mn78:9.13","mn78:9.14","mn78:9.15","mn78:9.16","mn78:9.17","mn78:9.18","mn78:9.19","mn78:9.20","mn78:9.21","mn78:9.22","mn78:9.23","mn78:9.24","mn78:9.25","mn78:9.26","mn78:9.27","mn78:9.28","mn78:9.29","mn78:9.30","mn78:9.31","mn78:9.32","mn78:9.33"],"kind":"text","text":{"pi":"Dasahi kho ahaṁ, thapati, dhammehi samannāgataṁ purisapuggalaṁ paññapemi sampannakusalaṁ paramakusalaṁ uttamapattipattaṁ samaṇaṁ ayojjhaṁ.\nIme akusalā sīlā;\ntamahaṁ, thapati, veditabbanti vadāmi.\nItosamuṭṭhānā akusalā sīlā;\ntamahaṁ, thapati, veditabbanti vadāmi.\nIdha akusalā sīlā aparisesā nirujjhanti;\ntamahaṁ, thapati, veditabbanti vadāmi.\nEvaṁ paṭipanno akusalānaṁ sīlānaṁ nirodhāya paṭipanno hoti;\ntamahaṁ, thapati, veditabbanti vadāmi.\nIme kusalā sīlā;\ntamahaṁ, thapati, veditabbanti vadāmi.\nItosamuṭṭhānā kusalā sīlā;\ntamahaṁ, thapati, veditabbanti vadāmi.\nIdha kusalā sīlā aparisesā nirujjhanti;\ntamahaṁ, thapati, veditabbanti vadāmi.\nEvaṁ paṭipanno kusalānaṁ sīlānaṁ nirodhāya paṭipanno hoti;\ntamahaṁ, thapati, veditabbanti vadāmi.\nIme akusalā saṅkappā;\ntamahaṁ, thapati, veditabbanti vadāmi.\nItosamuṭṭhānā akusalā saṅkappā;\ntamahaṁ, thapati, veditabbanti vadāmi.\nIdha akusalā saṅkappā aparisesā nirujjhanti;\ntamahaṁ, thapati, veditabbanti vadāmi.\nEvaṁ paṭipanno akusalānaṁ saṅkappānaṁ nirodhāya paṭipanno hoti;\ntamahaṁ, thapati, veditabbanti vadāmi.\nIme kusalā saṅkappā;\ntamahaṁ, thapati, veditabbanti vadāmi.\nItosamuṭṭhānā kusalā saṅkappā;\ntamahaṁ, thapati, veditabbanti vadāmi.\nIdha kusalā saṅkappā aparisesā nirujjhanti;\ntamahaṁ, thapati, veditabbanti vadāmi.\nEvaṁ paṭipanno kusalānaṁ saṅkappānaṁ nirodhāya paṭipanno hoti;\ntamahaṁ, thapati, veditabbanti vadāmi.","en":"When an individual person has ten qualities, chamberlain, I describe them as an invincible ascetic—accomplished in the skillful, excelling in the skillful, attained to the highest attainment.\nThe following things must be understood, I say. ‘These are unskillful behaviors.’\n‘Unskillful behaviors stem from this.’\n‘Here unskillful behaviors cease without remainder.’\n‘Someone practicing like this is practicing for the cessation of unskillful behaviors.’\n‘These are skillful behaviors.’\n‘Skillful behaviors stem from this.’\n‘Here skillful behaviors cease without remainder.’\n‘Someone practicing like this is practicing for the cessation of skillful behaviors.’\n‘These are unskillful thoughts.’\n‘Unskillful thoughts stem from this.’\n‘Here unskillful thoughts cease without remainder.’\n‘Someone practicing like this is practicing for the cessation of unskillful thoughts.’\n‘These are skillful thoughts.’\n‘Skillful thoughts stem from this.’\n‘Here skillful thoughts cease without remainder.’\n‘Someone practicing like this is practicing for the cessation of skillful thoughts.’"}},{"id":"mn78:10","sourceIds":["mn78:10.1","mn78:10.2","mn78:10.3","mn78:10.4","mn78:10.5","mn78:10.6","mn78:10.7","mn78:10.8","mn78:10.9","mn78:10.10","mn78:10.11","mn78:10.12","mn78:10.13","mn78:10.14","mn78:10.15","mn78:10.16","mn78:10.17","mn78:10.18","mn78:10.19"],"kind":"text","text":{"pi":"Katame ca, thapati, akusalā sīlā?\nAkusalaṁ kāyakammaṁ, akusalaṁ vacīkammaṁ, pāpako ājīvo—\nime vuccanti, thapati, akusalā sīlā.\nIme ca, thapati, akusalā sīlā kiṁsamuṭṭhānā?\nSamuṭṭhānampi nesaṁ vuttaṁ.\n‘Cittasamuṭṭhānā’tissa vacanīyaṁ.\nKatamaṁ cittaṁ?\nCittampi hi bahuṁ anekavidhaṁ nānappakārakaṁ.\nYaṁ cittaṁ sarāgaṁ sadosaṁ samohaṁ, itosamuṭṭhānā akusalā sīlā.\nIme ca, thapati, akusalā sīlā kuhiṁ aparisesā nirujjhanti?\nNirodhopi nesaṁ vutto.\nIdha, thapati, bhikkhu kāyaduccaritaṁ pahāya kāyasucaritaṁ bhāveti, vacīduccaritaṁ pahāya vacīsucaritaṁ bhāveti, manoduccaritaṁ pahāya manosucaritaṁ bhāveti, micchājīvaṁ pahāya sammājīvena jīvitaṁ kappeti—\netthete akusalā sīlā aparisesā nirujjhanti.\nKathaṁ paṭipanno, thapati, akusalānaṁ sīlānaṁ nirodhāya paṭipanno hoti?\nIdha, thapati, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati;\nanuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nEvaṁ paṭipanno kho, thapati, akusalānaṁ sīlānaṁ nirodhāya paṭipanno hoti.","en":"And what, chamberlain, are unskillful behaviors?\nUnskillful deeds by way of body and speech, and bad livelihood.\nThese are called unskillful behaviors.\nAnd where do these unskillful behaviors stem from?\nWhere they stem from has been stated.\nYou should say that they stem from the mind.\nWhat mind?\nThe mind takes many and diverse forms.\nBut unskillful behaviors stem from a mind that has greed, hate, and delusion.\nAnd where do these unskillful behaviors cease without remainder?\nTheir cessation has also been stated.\nIt’s when a mendicant gives up bad conduct by way of body, speech, and mind, and develops good conduct by way of body, speech, and mind; they give up wrong livelihood and earn a living by right livelihood.\nThis is where these unskillful behaviors cease without remainder.\nAnd how is someone practicing for the cessation of unskillful behaviors?\nIt’s when a mendicant generates enthusiasm, tries, makes an effort, exerts the mind, and strives so that bad, unskillful qualities don’t arise.\nThey generate enthusiasm, try, make an effort, exert the mind, and strive so that bad, unskillful qualities that have arisen are given up.\nThey generate enthusiasm, try, make an effort, exert the mind, and strive so that skillful qualities arise.\nThey generate enthusiasm, try, make an effort, exert the mind, and strive so that skillful qualities that have arisen remain, are not lost, but increase, mature, and are fully developed.\nSomeone practicing like this is practicing for the cessation of unskillful behaviors."}},{"id":"mn78:11","sourceIds":["mn78:11.1","mn78:11.2","mn78:11.3","mn78:11.4","mn78:11.5","mn78:11.6","mn78:11.7","mn78:11.8","mn78:11.9","mn78:11.10","mn78:11.11","mn78:11.12","mn78:11.13","mn78:11.14","mn78:11.15","mn78:11.16","mn78:11.17","mn78:11.18","mn78:11.19"],"kind":"text","text":{"pi":"Katame ca, thapati, kusalā sīlā?\nKusalaṁ kāyakammaṁ, kusalaṁ vacīkammaṁ, ājīvaparisuddhampi kho ahaṁ, thapati, sīlasmiṁ vadāmi.\nIme vuccanti, thapati, kusalā sīlā.\nIme ca, thapati, kusalā sīlā kiṁsamuṭṭhānā?\nSamuṭṭhānampi nesaṁ vuttaṁ.\n‘Cittasamuṭṭhānā’tissa vacanīyaṁ.\nKatamaṁ cittaṁ?\nCittampi hi bahuṁ anekavidhaṁ nānappakārakaṁ.\nYaṁ cittaṁ vītarāgaṁ vītadosaṁ vītamohaṁ, itosamuṭṭhānā kusalā sīlā.\nIme ca, thapati, kusalā sīlā kuhiṁ aparisesā nirujjhanti?\nNirodhopi nesaṁ vutto.\nIdha, thapati, bhikkhu sīlavā hoti no ca sīlamayo,\ntañca cetovimuttiṁ paññāvimuttiṁ yathābhūtaṁ pajānāti; yatthassa te kusalā sīlā aparisesā nirujjhanti.\nKathaṁ paṭipanno ca, thapati, kusalānaṁ sīlānaṁ nirodhāya paṭipanno hoti?\nIdha, thapati, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ pāpakānaṁ akusalānaṁ dhammānaṁ pahānāya …pe…\nanuppannānaṁ kusalānaṁ dhammānaṁ uppādāya …pe…\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nEvaṁ paṭipanno kho, thapati, kusalānaṁ sīlānaṁ nirodhāya paṭipanno hoti.","en":"And what are skillful behaviors?\nSkillful deeds by way of body and speech, and purified livelihood are included in behavior, I say.\nThese are called skillful behaviors.\nAnd where do these skillful behaviors stem from?\nWhere they stem from has been stated.\nYou should say that they stem from the mind.\nWhat mind?\nThe mind takes many and diverse forms.\nBut skillful behaviors stem from a mind that is free from greed, hate, and delusion.\nAnd where do these skillful behaviors cease without remainder?\nTheir cessation has also been stated.\nIt’s when a mendicant behaves ethically, but they are not determined by ethical behavior.\nAnd they truly understand the freedom of heart and freedom by wisdom where these skillful behaviors cease without remainder.\nAnd how is someone practicing for the cessation of skillful behaviors?\nIt’s when a mendicant generates enthusiasm, tries, makes an effort, exerts the mind, and strives so that bad, unskillful qualities don’t arise …\nso that unskillful qualities are given up …\nso that skillful qualities arise …\nso that skillful qualities that have arisen remain, are not lost, but increase, mature, and are fully developed.\nSomeone practicing like this is practicing for the cessation of skillful behaviors."}},{"id":"mn78:12","sourceIds":["mn78:12.1","mn78:12.2","mn78:12.3","mn78:12.4","mn78:12.5","mn78:12.6","mn78:12.7","mn78:12.8","mn78:12.9","mn78:12.10","mn78:12.11","mn78:12.12","mn78:12.13","mn78:12.14","mn78:12.15","mn78:12.16","mn78:12.17","mn78:12.18","mn78:12.19","mn78:12.20"],"kind":"text","text":{"pi":"Katame ca, thapati, akusalā saṅkappā?\nKāmasaṅkappo, byāpādasaṅkappo, vihiṁsāsaṅkappo—\nime vuccanti, thapati, akusalā saṅkappā.\nIme ca, thapati, akusalā saṅkappā kiṁsamuṭṭhānā?\nSamuṭṭhānampi nesaṁ vuttaṁ.\n‘Saññāsamuṭṭhānā’tissa vacanīyaṁ.\nKatamā saññā?\nSaññāpi hi bahū anekavidhā nānappakārakā.\nKāmasaññā, byāpādasaññā, vihiṁsāsaññā—\nitosamuṭṭhānā akusalā saṅkappā.\nIme ca, thapati, akusalā saṅkappā kuhiṁ aparisesā nirujjhanti?\nNirodhopi nesaṁ vutto.\nIdha, thapati, bhikkhu vivicceva kāmehi …pe… paṭhamaṁ jhānaṁ upasampajja viharati;\netthete akusalā saṅkappā aparisesā nirujjhanti.\nKathaṁ paṭipanno ca, thapati, akusalānaṁ saṅkappānaṁ nirodhāya paṭipanno hoti?\nIdha, thapati, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ pāpakānaṁ akusalānaṁ dhammānaṁ pahānāya …pe…\nanuppannānaṁ kusalānaṁ dhammānaṁ uppādāya …pe…\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nEvaṁ paṭipanno kho, thapati, akusalānaṁ saṅkappānaṁ nirodhāya paṭipanno hoti.","en":"And what are unskillful thoughts?\nPurposes of sensuality, of malice, and of cruelty.\nThese are called unskillful thoughts.\nAnd where do these unskillful thoughts stem from?\nWhere they stem from has been stated.\nYou should say that they stem from perception.\nWhat perception?\nPerception takes many and diverse forms.\nPerceptions of sensuality, malice, and cruelty—\nunskillful thoughts stem from this.\nAnd where do these unskillful thoughts cease without remainder?\nTheir cessation has also been stated.\nIt’s when a mendicant, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nThis is where these unskillful thoughts cease without remainder.\nAnd how is someone practicing for the cessation of unskillful thoughts?\nIt’s when a mendicant generates enthusiasm, tries, makes an effort, exerts the mind, and strives so that bad, unskillful qualities don’t arise …\nso that unskillful qualities are given up …\nso that skillful qualities arise …\nso that skillful qualities that have arisen remain, are not lost, but increase, mature, and are fully developed.\nSomeone practicing like this is practicing for the cessation of unskillful thoughts."}},{"id":"mn78:13","sourceIds":["mn78:13.1","mn78:13.2","mn78:13.3","mn78:13.4","mn78:13.5","mn78:13.6","mn78:13.7","mn78:13.8","mn78:13.9","mn78:13.10","mn78:13.11","mn78:13.12","mn78:13.13","mn78:13.14","mn78:13.15","mn78:13.16","mn78:13.17","mn78:13.18","mn78:13.19","mn78:13.20"],"kind":"text","text":{"pi":"Katame ca, thapati, kusalā saṅkappā?\nNekkhammasaṅkappo, abyāpādasaṅkappo, avihiṁsāsaṅkappo—\nime vuccanti, thapati, kusalā saṅkappā.\nIme ca, thapati, kusalā saṅkappā kiṁsamuṭṭhānā?\nSamuṭṭhānampi nesaṁ vuttaṁ.\n‘Saññāsamuṭṭhānā’tissa vacanīyaṁ.\nKatamā saññā?\nSaññāpi hi bahū anekavidhā nānappakārakā.\nNekkhammasaññā, abyāpādasaññā, avihiṁsāsaññā—\nitosamuṭṭhānā kusalā saṅkappā.\nIme ca, thapati, kusalā saṅkappā kuhiṁ aparisesā nirujjhanti?\nNirodhopi nesaṁ vutto.\nIdha, thapati, bhikkhu vitakkavicārānaṁ vūpasamā …pe… dutiyaṁ jhānaṁ upasampajja viharati;\netthete kusalā saṅkappā aparisesā nirujjhanti.\nKathaṁ paṭipanno ca, thapati, kusalānaṁ saṅkappānaṁ nirodhāya paṭipanno hoti?\nIdha, thapati, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ pāpakānaṁ akusalānaṁ dhammānaṁ pahānāya …pe…\nanuppannānaṁ kusalānaṁ dhammānaṁ uppādāya …pe…\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nEvaṁ paṭipanno kho, thapati, kusalānaṁ saṅkappānaṁ nirodhāya paṭipanno hoti.","en":"And what are skillful thoughts?\nThoughts of renunciation, good will, and harmlessness.\nThese are called skillful thoughts.\nAnd where do these skillful thoughts stem from?\nWhere they stem from has been stated.\nYou should say that they stem from perception.\nWhat perception?\nPerception takes many and diverse forms.\nPerceptions of renunciation, good will, and harmlessness—\nskillful thoughts stem from this.\nAnd where do these skillful thoughts cease without remainder?\nTheir cessation has also been stated.\nIt’s when, as the placing of the mind and keeping it connected are stilled, a mendicant enters and remains in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nThis is where these skillful thoughts cease without remainder.\nAnd how is someone practicing for the cessation of skillful thoughts?\nIt’s when a mendicant generates enthusiasm, tries, makes an effort, exerts the mind, and strives so that bad, unskillful qualities don’t arise …\nso that unskillful qualities are given up …\nso that skillful qualities arise …\nso that skillful qualities that have arisen remain, are not lost, but increase, mature, and are fully developed.\nSomeone practicing like this is practicing for the cessation of skillful thoughts."}},{"id":"mn78:14","sourceIds":["mn78:14.1","mn78:14.2","mn78:14.3","mn78:14.4","mn78:14.5","mn78:14.6"],"kind":"text","text":{"pi":"Katamehi cāhaṁ, thapati, dasahi dhammehi samannāgataṁ purisapuggalaṁ paññapemi sampannakusalaṁ paramakusalaṁ uttamapattipattaṁ samaṇaṁ ayojjhaṁ?\nIdha, thapati, bhikkhu asekhāya sammādiṭṭhiyā samannāgato hoti, asekhena sammāsaṅkappena samannāgato hoti, asekhāya sammāvācāya samannāgato hoti, asekhena sammākammantena samannāgato hoti, asekhena sammāājīvena samannāgato hoti, asekhena sammāvāyāmena samannāgato hoti, asekhāya sammāsatiyā samannāgato hoti, asekhena sammāsamādhinā samannāgato hoti, asekhena sammāñāṇena samannāgato hoti, asekhāya sammāvimuttiyā samannāgato hoti—\nimehi kho ahaṁ, thapati, dasahi dhammehi samannāgataṁ purisapuggalaṁ paññapemi sampannakusalaṁ paramakusalaṁ uttamapattipattaṁ samaṇaṁ ayojjhan”ti.\nIdamavoca bhagavā.\nAttamano pañcakaṅgo thapati bhagavato bhāsitaṁ abhinandīti.\nSamaṇamuṇḍikasuttaṁ niṭṭhitaṁ aṭṭhamaṁ.","en":"Chamberlain, when an individual person has what ten qualities do I describe them as an invincible ascetic—accomplished in the skillful, excelling in the skillful, attained to the highest attainment?\nIt’s when a mendicant has an adept’s right view, right purpose, right speech, right action, right livelihood, right effort, right mindfulness, right immersion, right knowledge, and right freedom.\nWhen an individual possesses these ten qualities, I describe them as an invincible ascetic—accomplished in the skillful, excelling in the skillful, attained to the highest attainment.”\nThat is what the Buddha said.\nSatisfied, Pañcakaṅga the chamberlain approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn78/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}