{"id":"mn8","title":"Self-Effacement","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn8","title":"Self-Effacement","units":[{"id":"mn8:0","sourceIds":["mn8:0.1","mn8:0.2"],"kind":"text","text":{"pi":"Majjhima Nikāya 8\nSallekhasutta","en":"Middle Discourses 8\nSelf-Effacement"}},{"id":"mn8:1","sourceIds":["mn8:1.1","mn8:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn8:2","sourceIds":["mn8:2.1"],"kind":"text","text":{"pi":"Atha kho āyasmā mahācundo sāyanhasamayaṁ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā mahācundo bhagavantaṁ etadavoca:","en":"Then in the late afternoon, Venerable Mahācunda came out of retreat and went to the Buddha. He bowed, sat down to one side, and said to the Buddha:"}},{"id":"mn8:3","sourceIds":["mn8:3.1","mn8:3.2","mn8:3.3","mn8:3.4","mn8:3.5","mn8:3.6"],"kind":"text","text":{"pi":"“yā imā, bhante, anekavihitā diṭṭhiyo loke uppajjanti—\nattavādapaṭisaṁyuttā vā lokavādapaṭisaṁyuttā vā—\nādimeva nu kho, bhante, bhikkhuno manasikaroto evametāsaṁ diṭṭhīnaṁ pahānaṁ hoti, evametāsaṁ diṭṭhīnaṁ paṭinissaggo hotī”ti?\n“Yā imā, cunda, anekavihitā diṭṭhiyo loke uppajjanti—\nattavādapaṭisaṁyuttā vā lokavādapaṭisaṁyuttā vā—\nyattha cetā diṭṭhiyo uppajjanti yattha ca anusenti yattha ca samudācaranti taṁ ‘netaṁ mama, nesohamasmi, na me so attā’ti—evametaṁ yathābhūtaṁ sammappaññā passato evametāsaṁ diṭṭhīnaṁ pahānaṁ hoti, evametāsaṁ diṭṭhīnaṁ paṭinissaggo hoti.","en":"“Sir, there are many different views that arise in the world\nconnected with theories of self or with theories of the cosmos.\nHow does a mendicant who is focusing on the starting point give up and let go of these views?”\n“Cunda, there are many different views that arise in the world\nconnected with theories of self or with theories of the cosmos.\nA mendicant gives up and lets go of these views by truly seeing with right wisdom where they arise, where they settle in, and where they operate as: ‘This is not mine, I am not this, this is not my self.’"}},{"id":"mn8:4","sourceIds":["mn8:4.1","mn8:4.2","mn8:4.3","mn8:4.4","mn8:4.5"],"kind":"text","text":{"pi":"Ṭhānaṁ kho panetaṁ, cunda, vijjati yaṁ idhekacco bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja vihareyya.\nTassa evamassa:\n‘sallekhena viharāmī’ti.\nNa kho panete, cunda, ariyassa vinaye sallekhā vuccanti.\nDiṭṭhadhammasukhavihārā ete ariyassa vinaye vuccanti.","en":"It’s possible that a certain mendicant, quite secluded from sensual pleasures, secluded from unskillful qualities, might enter and remain in the first absorption, which has the rapture and bliss born of seclusion, while placing the mind and keeping it connected.\nThey might think\nthey’re practicing self-effacement.\nBut in the training of the Noble One these are not called ‘self-effacement’;\nthey’re called ‘blissful meditations in this life’."}},{"id":"mn8:5","sourceIds":["mn8:5.1","mn8:5.2","mn8:5.3","mn8:5.4","mn8:5.5"],"kind":"text","text":{"pi":"Ṭhānaṁ kho panetaṁ, cunda, vijjati yaṁ idhekacco bhikkhu vitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja vihareyya.\nTassa evamassa:\n‘sallekhena viharāmī’ti.\nNa kho panete, cunda, ariyassa vinaye sallekhā vuccanti.\nDiṭṭhadhammasukhavihārā ete ariyassa vinaye vuccanti.","en":"It’s possible that some mendicant, as the placing of the mind and keeping it connected are stilled, might enter and remain in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nThey might think\nthey’re practicing self-effacement.\nBut in the training of the Noble One these are not called ‘self-effacement’;\nthey’re called ‘blissful meditations in this life’."}},{"id":"mn8:6","sourceIds":["mn8:6.1","mn8:6.2","mn8:6.3","mn8:6.4","mn8:6.5"],"kind":"text","text":{"pi":"Ṭhānaṁ kho panetaṁ, cunda, vijjati yaṁ idhekacco bhikkhu pītiyā ca virāgā upekkhako ca vihareyya, sato ca sampajāno sukhañca kāyena paṭisaṁvedeyya, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja vihareyya.\nTassa evamassa:\n‘sallekhena viharāmī’ti.\nNa kho panete, cunda, ariyassa vinaye sallekhā vuccanti.\nDiṭṭhadhammasukhavihārā ete ariyassa vinaye vuccanti.","en":"It’s possible that some mendicant, with the fading away of rapture, might enter and remain in the third absorption, where they meditate with equanimity, mindful and aware, experiencing for themselves the bliss of which the noble ones declare, ‘Equanimous and mindful, one meditates in bliss.’\nThey might think\nthey’re practicing self-effacement.\nBut in the training of the Noble One these are not called ‘self-effacement’;\nthey’re called ‘blissful meditations in this life’."}},{"id":"mn8:7","sourceIds":["mn8:7.1","mn8:7.2","mn8:7.3","mn8:7.4","mn8:7.5"],"kind":"text","text":{"pi":"Ṭhānaṁ kho panetaṁ, cunda, vijjati yaṁ idhekacco bhikkhu sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja vihareyya.\nTassa evamassa:\n‘sallekhena viharāmī’ti.\nNa kho panete, cunda, ariyassa vinaye sallekhā vuccanti.\nDiṭṭhadhammasukhavihārā ete ariyassa vinaye vuccanti.","en":"It’s possible that some mendicant, with the giving up of pleasure and pain, and the disappearance of former happiness and sadness, might enter and remain in the fourth absorption, without pleasure or pain, with pure equanimity and mindfulness.\nThey might think\nthey’re practicing self-effacement.\nBut in the training of the Noble One these are not called ‘self-effacement’;\nthey’re called ‘blissful meditations in this life’."}},{"id":"mn8:8","sourceIds":["mn8:8.1","mn8:8.2","mn8:8.3","mn8:8.4","mn8:8.5"],"kind":"text","text":{"pi":"Ṭhānaṁ kho panetaṁ, cunda, vijjati yaṁ idhekacco bhikkhu sabbaso rūpasaññānaṁ samatikkamā, paṭighasaññānaṁ atthaṅgamā, nānattasaññānaṁ amanasikārā, ‘ananto ākāso’ti ākāsānañcāyatanaṁ upasampajja vihareyya.\nTassa evamassa:\n‘sallekhena viharāmī’ti.\nNa kho panete, cunda, ariyassa vinaye sallekhā vuccanti.\nSantā ete vihārā ariyassa vinaye vuccanti.","en":"It’s possible that some mendicant, going totally beyond perceptions of form, with the disappearance of perceptions of impingement, not focusing on perceptions of diversity, aware that ‘space is infinite’, might enter and remain in the dimension of infinite space.\nThey might think\nthey’re practicing self-effacement.\nBut in the training of the Noble One these are not called ‘self-effacement’;\nthey’re called ‘peaceful meditations’."}},{"id":"mn8:9","sourceIds":["mn8:9.1","mn8:9.2","mn8:9.3","mn8:9.4","mn8:9.5"],"kind":"text","text":{"pi":"Ṭhānaṁ kho panetaṁ, cunda, vijjati yaṁ idhekacco bhikkhu sabbaso ākāsānañcāyatanaṁ samatikkamma ‘anantaṁ viññāṇan’ti viññāṇañcāyatanaṁ upasampajja vihareyya.\nTassa evamassa:\n‘sallekhena viharāmī’ti.\nNa kho panete, cunda, ariyassa vinaye sallekhā vuccanti.\nSantā ete vihārā ariyassa vinaye vuccanti.","en":"It’s possible that some mendicant, going totally beyond the dimension of infinite space, aware that ‘consciousness is infinite’, might enter and remain in the dimension of infinite consciousness.\nThey might think\nthey’re practicing self-effacement.\nBut in the training of the Noble One these are not called ‘self-effacement’;\nthey’re called ‘peaceful meditations’."}},{"id":"mn8:10","sourceIds":["mn8:10.1","mn8:10.2","mn8:10.3","mn8:10.4","mn8:10.5"],"kind":"text","text":{"pi":"Ṭhānaṁ kho panetaṁ, cunda, vijjati yaṁ idhekacco bhikkhu sabbaso viññāṇañcāyatanaṁ samatikkamma ‘natthi kiñcī’ti ākiñcaññāyatanaṁ upasampajja vihareyya.\nTassa evamassa:\n‘sallekhena viharāmī’ti.\nNa kho panete, cunda, ariyassa vinaye sallekhā vuccanti.\nSantā ete vihārā ariyassa vinaye vuccanti.","en":"It’s possible that some mendicant, going totally beyond the dimension of infinite consciousness, aware that ‘there is nothing at all’, might enter and remain in the dimension of nothingness.\nThey might think\nthey’re practicing self-effacement.\nBut in the training of the Noble One these are not called ‘self-effacement’;\nthey’re called ‘peaceful meditations’."}},{"id":"mn8:11","sourceIds":["mn8:11.1","mn8:11.2","mn8:11.3","mn8:11.4","mn8:11.5"],"kind":"text","text":{"pi":"Ṭhānaṁ kho panetaṁ, cunda, vijjati yaṁ idhekacco bhikkhu sabbaso ākiñcaññāyatanaṁ samatikkamma nevasaññānāsaññāyatanaṁ upasampajja vihareyya.\nTassa evamassa:\n‘sallekhena viharāmī’ti.\nNa kho panete, cunda, ariyassa vinaye sallekhā vuccanti.\nSantā ete vihārā ariyassa vinaye vuccanti.","en":"It’s possible that some mendicant, going totally beyond the dimension of nothingness, might enter and remain in the dimension of neither perception nor non-perception.\nThey might think\nthey’re practicing self-effacement.\nBut in the training of the Noble One these are not called ‘self-effacement’;\nthey’re called ‘peaceful meditations’."}},{"id":"mn8:12","sourceIds":["mn8:12.0","mn8:12.1","mn8:12.2","mn8:12.3","mn8:12.4","mn8:12.5","mn8:12.6","mn8:12.7","mn8:12.8","mn8:12.9","mn8:12.10","mn8:12.11","mn8:12.12","mn8:12.13","mn8:12.14","mn8:12.15","mn8:12.16","mn8:12.17","mn8:12.18","mn8:12.19","mn8:12.20","mn8:12.21","mn8:12.22","mn8:12.23","mn8:12.24","mn8:12.25","mn8:12.26","mn8:12.27","mn8:12.28","mn8:12.29","mn8:12.30","mn8:12.31","mn8:12.32","mn8:12.33","mn8:12.34","mn8:12.35","mn8:12.36","mn8:12.37","mn8:12.38","mn8:12.39","mn8:12.40","mn8:12.41","mn8:12.42","mn8:12.43","mn8:12.44","mn8:12.45"],"kind":"text","text":{"pi":"1. Sallekhapariyāya\nIdha kho pana vo, cunda, sallekho karaṇīyo.\n‘Pare vihiṁsakā bhavissanti, mayamettha avihiṁsakā bhavissāmā’ti sallekho karaṇīyo.\n‘Pare pāṇātipātī bhavissanti, mayamettha pāṇātipātā paṭiviratā bhavissāmā’ti sallekho karaṇīyo.\n‘Pare adinnādāyī bhavissanti, mayamettha adinnādānā paṭiviratā bhavissāmā’ti sallekho karaṇīyo.\n‘Pare abrahmacārī bhavissanti, mayamettha brahmacārī bhavissāmā’ti sallekho karaṇīyo.\n‘Pare musāvādī bhavissanti, mayamettha musāvādā paṭiviratā bhavissāmā’ti sallekho karaṇīyo.\n‘Pare pisuṇavācā bhavissanti, mayamettha pisuṇāya vācāya paṭiviratā bhavissāmā’ti sallekho karaṇīyo.\n‘Pare pharusavācā bhavissanti, mayamettha pharusāya vācāya paṭiviratā bhavissāmā’ti sallekho karaṇīyo.\n‘Pare samphappalāpī bhavissanti, mayamettha samphappalāpā paṭiviratā bhavissāmā’ti sallekho karaṇīyo.\n‘Pare abhijjhālū bhavissanti, mayamettha anabhijjhālū bhavissāmā’ti sallekho karaṇīyo.\n‘Pare byāpannacittā bhavissanti, mayamettha abyāpannacittā bhavissāmā’ti sallekho karaṇīyo.\n‘Pare micchādiṭṭhī bhavissanti, mayamettha sammādiṭṭhī bhavissāmā’ti sallekho karaṇīyo.\n‘Pare micchāsaṅkappā bhavissanti, mayamettha sammāsaṅkappā bhavissāmā’ti sallekho karaṇīyo.\n‘Pare micchāvācā bhavissanti, mayamettha sammāvācā bhavissāmā’ti sallekho karaṇīyo.\n‘Pare micchākammantā bhavissanti, mayamettha sammākammantā bhavissāmā’ti sallekho karaṇīyo.\n‘Pare micchāājīvā bhavissanti, mayamettha sammāājīvā bhavissāmā’ti sallekho karaṇīyo.\n‘Pare micchāvāyāmā bhavissanti, mayamettha sammāvāyāmā bhavissāmā’ti sallekho karaṇīyo.\n‘Pare micchāsatī bhavissanti, mayamettha sammāsatī bhavissāmā’ti sallekho karaṇīyo.\n‘Pare micchāsamādhi bhavissanti, mayamettha sammāsamādhī bhavissāmā’ti sallekho karaṇīyo.\n‘Pare micchāñāṇī bhavissanti, mayamettha sammāñāṇī bhavissāmā’ti sallekho karaṇīyo.\n‘Pare micchāvimuttī bhavissanti, mayamettha sammāvimuttī bhavissāmā’ti sallekho karaṇīyo.\n‘Pare thinamiddhapariyuṭṭhitā bhavissanti, mayamettha vigatathinamiddhā bhavissāmā’ti sallekho karaṇīyo.\n‘Pare uddhatā bhavissanti, mayamettha anuddhatā bhavissāmā’ti sallekho karaṇīyo.\n‘Pare vicikicchī bhavissanti, mayamettha tiṇṇavicikicchā bhavissāmā’ti sallekho karaṇīyo.\n‘Pare kodhanā bhavissanti, mayamettha akkodhanā bhavissāmā’ti sallekho karaṇīyo.\n‘Pare upanāhī bhavissanti, mayamettha anupanāhī bhavissāmā’ti sallekho karaṇīyo.\n‘Pare makkhī bhavissanti, mayamettha amakkhī bhavissāmā’ti sallekho karaṇīyo.\n‘Pare paḷāsī bhavissanti, mayamettha apaḷāsī bhavissāmā’ti sallekho karaṇīyo.\n‘Pare issukī bhavissanti, mayamettha anissukī bhavissāmā’ti sallekho karaṇīyo.\n‘Pare maccharī bhavissanti, mayamettha amaccharī bhavissāmā’ti sallekho karaṇīyo.\n‘Pare saṭhā bhavissanti, mayamettha asaṭhā bhavissāmā’ti sallekho karaṇīyo.\n‘Pare māyāvī bhavissanti, mayamettha amāyāvī bhavissāmā’ti sallekho karaṇīyo.\n‘Pare thaddhā bhavissanti, mayamettha atthaddhā bhavissāmā’ti sallekho karaṇīyo.\n‘Pare atimānī bhavissanti, mayamettha anatimānī bhavissāmā’ti sallekho karaṇīyo.\n‘Pare dubbacā bhavissanti, mayamettha suvacā bhavissāmā’ti sallekho karaṇīyo.\n‘Pare pāpamittā bhavissanti, mayamettha kalyāṇamittā bhavissāmā’ti sallekho karaṇīyo.\n‘Pare pamattā bhavissanti, mayamettha appamattā bhavissāmā’ti sallekho karaṇīyo.\n‘Pare assaddhā bhavissanti, mayamettha saddhā bhavissāmā’ti sallekho karaṇīyo.\n‘Pare ahirikā bhavissanti, mayamettha hirimanā bhavissāmā’ti sallekho karaṇīyo.\n‘Pare anottāpī bhavissanti, mayamettha ottāpī bhavissāmā’ti sallekho karaṇīyo.\n‘Pare appassutā bhavissanti, mayamettha bahussutā bhavissāmā’ti sallekho karaṇīyo.\n‘Pare kusītā bhavissanti, mayamettha āraddhavīriyā bhavissāmā’ti sallekho karaṇīyo.\n‘Pare muṭṭhassatī bhavissanti, mayamettha upaṭṭhitassatī bhavissāmā’ti sallekho karaṇīyo.\n‘Pare duppaññā bhavissanti, mayamettha paññāsampannā bhavissāmā’ti sallekho karaṇīyo.\n‘Pare sandiṭṭhiparāmāsī ādhānaggāhī duppaṭinissaggī bhavissanti, mayamettha asandiṭṭhiparāmāsī anādhānaggāhī suppaṭinissaggī bhavissāmā’ti sallekho karaṇīyo.","en":"1. The Exposition of Self-Effacement\nNow in this regard, Cunda, you should work on self-effacement in each of the following ways.\n‘Others will be cruel, but here we will not be cruel.’\n‘Others will kill living creatures, but here we will not kill living creatures.’\n‘Others will steal, but here we will not steal.’\n‘Others will be unchaste, but here we will not be unchaste.’\n‘Others will lie, but here we will not lie.’\n‘Others will backbite, but here we will not backbite.’\n‘Others will speak harshly, but here we will not speak harshly.’\n‘Others will talk nonsense, but here we will not talk nonsense.’\n‘Others will be covetous, but here we will not be covetous.’\n‘Others will have ill will, but here we will not have ill will.’\n‘Others will have wrong view, but here we will have right view.’\n‘Others will have wrong purpose, but here we will have right purpose.’\n‘Others will have wrong speech, but here we will have right speech.’\n‘Others will have wrong action, but here we will have right action.’\n‘Others will have wrong livelihood, but here we will have right livelihood.’\n‘Others will have wrong effort, but here we will have right effort.’\n‘Others will have wrong mindfulness, but here we will have right mindfulness.’\n‘Others will have wrong immersion, but here we will have right immersion.’\n‘Others will have wrong knowledge, but here we will have right knowledge.’\n‘Others will have wrong freedom, but here we will have right freedom.’\n‘Others will be overcome with dullness and drowsiness, but here we will be rid of dullness and drowsiness.’\n‘Others will be restless, but here we will not be restless.’\n‘Others will have doubts, but here we will have gone beyond doubt.’\n‘Others will be irritable, but here we will be without anger.’\n‘Others will be acrimonious, but here we will be without acrimony.’\n‘Others will be offensive, but here we will be inoffensive.’\n‘Others will be contemptuous, but here we will be without contempt.’\n‘Others will be jealous, but here we will be without jealousy.’\n‘Others will be stingy, but here we will be without stinginess.’\n‘Others will be devious, but here we will not be devious.’\n‘Others will be deceitful, but here we will not be deceitful.’\n‘Others will be pompous, but here we will not be pompous.’\n‘Others will be arrogant, but here we will not be arrogant.’\n‘Others will be hard to admonish, but here we will not be hard to admonish.’\n‘Others will have bad friends, but here we will have good friends.’\n‘Others will be negligent, but here we will be diligent.’\n‘Others will be faithless, but here we will have faith.’\n‘Others will be conscienceless, but here we will have a sense of conscience.’\n‘Others will be imprudent, but here we will be prudent.’\n‘Others will be unlearned, but here we will be well learned.’\n‘Others will be lazy, but here we will be energetic.’\n‘Others will be unmindful, but here we will be mindful.’\n‘Others will be witless, but here we will be accomplished in wisdom.’\n‘Others will be attached to their own views, holding them tight, and refusing to let go, but here we will not be attached to our own views, not holding them tight, but will let them go easily.’"}},{"id":"mn8:13","sourceIds":["mn8:13.0","mn8:13.1","mn8:13.2","mn8:13.3","mn8:13.4"],"kind":"text","text":{"pi":"2. Cittupapādapariyāya\nCittuppādampi kho ahaṁ, cunda, kusalesu dhammesu bahukāraṁ vadāmi, ko pana vādo kāyena vācāya anuvidhīyanāsu.\nTasmātiha, cunda, ‘pare vihiṁsakā bhavissanti, mayamettha avihiṁsakā bhavissāmā’ti cittaṁ uppādetabbaṁ.\n‘Pare pāṇātipātī bhavissanti, mayamettha pāṇātipātā paṭiviratā bhavissāmā’ti cittaṁ uppādetabbaṁ …pe…\n‘pare sandiṭṭhiparāmāsī ādhānaggāhī duppaṭinissaggī bhavissanti, mayamettha asandiṭṭhiparāmāsī anādhānaggāhī suppaṭinissaggī bhavissāmā’ti cittaṁ uppādetabbaṁ.","en":"2. Giving Rise to the Thought\nCunda, I say that even giving rise to the thought of skillful qualities is very helpful, let alone following that path in body and speech.\nThat’s why you should give rise to the following thoughts. ‘Others will be cruel, but here we will not be cruel.’\n‘Others will kill living creatures, but here we will not kill living creatures.’ …\n‘Others will be attached to their own views, holding them tight, and refusing to let go, but here we will not be attached to our own views, not holding them tight, but will let them go easily.’"}},{"id":"mn8:14","sourceIds":["mn8:14.0","mn8:14.1","mn8:14.2","mn8:14.3","mn8:14.4","mn8:14.5"],"kind":"text","text":{"pi":"3. Parikkamanapariyāya\nSeyyathāpi, cunda, visamo maggo assa, tassa añño samo maggo parikkamanāya;\nseyyathā vā pana, cunda, visamaṁ titthaṁ assa, tassa aññaṁ samaṁ titthaṁ parikkamanāya;\nevameva kho, cunda, vihiṁsakassa purisapuggalassa avihiṁsā hoti parikkamanāya, pāṇātipātissa purisapuggalassa pāṇātipātā veramaṇī hoti parikkamanāya, adinnādāyissa purisapuggalassa adinnādānā veramaṇī hoti parikkamanāya, abrahmacārissa purisapuggalassa abrahmacariyā veramaṇī hoti parikkamanāya, musāvādissa purisapuggalassa musāvādā veramaṇī hoti parikkamanāya, pisuṇavācassa purisapuggalassa pisuṇāya vācāya veramaṇī hoti parikkamanāya, pharusavācassa purisapuggalassa pharusāya vācāya veramaṇī hoti parikkamanāya, samphappalāpissa purisapuggalassa samphappalāpā veramaṇī hoti parikkamanāya, abhijjhālussa purisapuggalassa anabhijjhā hoti parikkamanāya, byāpannacittassa purisapuggalassa abyāpādo hoti parikkamanāya.\nMicchādiṭṭhissa purisapuggalassa sammādiṭṭhi hoti parikkamanāya, micchāsaṅkappassa purisapuggalassa sammāsaṅkappo hoti parikkamanāya, micchāvācassa purisapuggalassa sammāvācā hoti parikkamanāya, micchākammantassa purisapuggalassa sammākammanto hoti parikkamanāya, micchāājīvassa purisapuggalassa sammāājīvo hoti parikkamanāya, micchāvāyāmassa purisapuggalassa sammāvāyāmo hoti parikkamanāya, micchāsatissa purisapuggalassa sammāsati hoti parikkamanāya, micchāsamādhissa purisapuggalassa sammāsamādhi hoti parikkamanāya, micchāñāṇissa purisapuggalassa sammāñāṇaṁ hoti parikkamanāya, micchāvimuttissa purisapuggalassa sammāvimutti hoti parikkamanāya.\nThinamiddhapariyuṭṭhitassa purisapuggalassa vigatathinamiddhatā hoti parikkamanāya, uddhatassa purisapuggalassa anuddhaccaṁ hoti parikkamanāya, vicikicchissa purisapuggalassa tiṇṇavicikicchatā hoti parikkamanāya, kodhanassa purisapuggalassa akkodho hoti parikkamanāya, upanāhissa purisapuggalassa anupanāho hoti parikkamanāya, makkhissa purisapuggalassa amakkho hoti parikkamanāya, paḷāsissa purisapuggalassa apaḷāso hoti parikkamanāya, issukissa purisapuggalassa anissukitā hoti parikkamanāya, maccharissa purisapuggalassa amacchariyaṁ hoti parikkamanāya, saṭhassa purisapuggalassa asāṭheyyaṁ hoti parikkamanāya, māyāvissa purisapuggalassa amāyā hoti parikkamanāya, thaddhassa purisapuggalassa atthaddhiyaṁ hoti parikkamanāya, atimānissa purisapuggalassa anatimāno hoti parikkamanāya, dubbacassa purisapuggalassa sovacassatā hoti parikkamanāya, pāpamittassa purisapuggalassa kalyāṇamittatā hoti parikkamanāya, pamattassa purisapuggalassa appamādo hoti parikkamanāya, assaddhassa purisapuggalassa saddhā hoti parikkamanāya, ahirikassa purisapuggalassa hirī hoti parikkamanāya, anottāpissa purisapuggalassa ottappaṁ hoti parikkamanāya, appassutassa purisapuggalassa bāhusaccaṁ hoti parikkamanāya, kusītassa purisapuggalassa vīriyārambho hoti parikkamanāya, muṭṭhassatissa purisapuggalassa upaṭṭhitassatitā hoti parikkamanāya, duppaññassa purisapuggalassa paññāsampadā hoti parikkamanāya, sandiṭṭhiparāmāsiādhānaggāhiduppaṭinissaggissa purisapuggalassa asandiṭṭhiparāmāsianādhānaggāhisuppaṭinissaggitā hoti parikkamanāya.","en":"3. Bypassing\nCunda, suppose there was a rough path and another smooth path to get around it.\nOr suppose there was a rough ford and another smooth ford to get around it.\nIn the same way, a cruel individual bypasses it by not being cruel. An individual who kills bypasses it by not killing. …\nAn individual who is attached to their own views, holding them tight, and refusing to let go, gets around it by not being attached to their own views, not holding them tight, but letting them go easily."}},{"id":"mn8:15","sourceIds":["mn8:15.0","mn8:15.1","mn8:15.2","mn8:15.3"],"kind":"text","text":{"pi":"4. Uparibhāgapariyāya\nSeyyathāpi, cunda, ye keci akusalā dhammā sabbe te adhobhāgaṅgamanīyā, ye keci kusalā dhammā sabbe te uparibhāgaṅgamanīyā;\nevameva kho, cunda, vihiṁsakassa purisapuggalassa avihiṁsā hoti uparibhāgāya, pāṇātipātissa purisapuggalassa pāṇātipātā veramaṇī hoti uparibhāgāya …pe…\nsandiṭṭhiparāmāsiādhānaggāhiduppaṭinissaggissa purisapuggalassa asandiṭṭhiparāmāsianādhānaggāhisuppaṭinissaggitā hoti uparibhāgāya.","en":"4. Going Up\nCunda, all unskillful qualities lead downwards, while all skillful qualities lead upwards.\nIn the same way, a cruel individual is led upwards by not being cruel. An individual who kills is led upwards by not killing …\nAn individual who is attached to their own views, holding them tight, and refusing to let go, is led upwards by not being attached to their own views, not holding them tight, but letting them go easily."}},{"id":"mn8:16","sourceIds":["mn8:16.0","mn8:16.1","mn8:16.2","mn8:16.3","mn8:16.4","mn8:16.5","mn8:16.6","mn8:16.7","mn8:16.8","mn8:16.9","mn8:16.10","mn8:16.11","mn8:16.12","mn8:16.13","mn8:16.14","mn8:16.15","mn8:16.16","mn8:16.17","mn8:16.18","mn8:16.19","mn8:16.20","mn8:16.21","mn8:16.22","mn8:16.23","mn8:16.24","mn8:16.25","mn8:16.26","mn8:16.27","mn8:16.28","mn8:16.29","mn8:16.30","mn8:16.31","mn8:16.32","mn8:16.33","mn8:16.34","mn8:16.35","mn8:16.36","mn8:16.37","mn8:16.38","mn8:16.39","mn8:16.40","mn8:16.41","mn8:16.42","mn8:16.43","mn8:16.44","mn8:16.45","mn8:16.46","mn8:16.47"],"kind":"text","text":{"pi":"5. Parinibbānapariyāya\nSo vata, cunda, attanā palipapalipanno paraṁ palipapalipannaṁ uddharissatīti netaṁ ṭhānaṁ vijjati.\nSo vata, cunda, attanā apalipapalipanno paraṁ palipapalipannaṁ uddharissatīti ṭhānametaṁ vijjati.\nSo vata, cunda, attanā adanto avinīto aparinibbuto paraṁ damessati vinessati parinibbāpessatīti netaṁ ṭhānaṁ vijjati.\nSo vata, cunda, attanā danto vinīto parinibbuto paraṁ damessati vinessati parinibbāpessatīti ṭhānametaṁ vijjati.\nEvameva kho, cunda, vihiṁsakassa purisapuggalassa avihiṁsā hoti parinibbānāya, pāṇātipātissa purisapuggalassa pāṇātipātā veramaṇī hoti parinibbānāya.\nAdinnādāyissa purisapuggalassa adinnādānā veramaṇī hoti parinibbānāya.\nAbrahmacārissa purisapuggalassa abrahmacariyā veramaṇī hoti parinibbānāya.\nMusāvādissa purisapuggalassa musāvādā veramaṇī hoti parinibbānāya.\nPisuṇavācassa purisapuggalassa pisuṇāya vācāya veramaṇī hoti parinibbānāya.\nPharusavācassa purisapuggalassa pharusāya vācāya veramaṇī hoti parinibbānāya.\nSamphappalāpissa purisapuggalassa samphappalāpā veramaṇī hoti parinibbānāya.\nAbhijjhālussa purisapuggalassa anabhijjhā hoti parinibbānāya.\nByāpannacittassa purisapuggalassa abyāpādo hoti parinibbānāya.\nMicchādiṭṭhissa purisapuggalassa sammādiṭṭhi hoti parinibbānāya.\nMicchāsaṅkappassa purisapuggalassa sammāsaṅkappo hoti parinibbānāya.\nMicchāvācassa purisapuggalassa sammāvācā hoti parinibbānāya.\nMicchākammantassa purisapuggalassa sammākammanto hoti parinibbānāya.\nMicchāājīvassa purisapuggalassa sammāājīvo hoti parinibbānāya.\nMicchāvāyāmassa purisapuggalassa sammāvāyāmo hoti parinibbānāya.\nMicchāsatissa purisapuggalassa sammāsati hoti parinibbānāya.\nMicchāsamādhissa purisapuggalassa sammāsamādhi hoti parinibbānāya.\nMicchāñāṇissa purisapuggalassa sammāñāṇaṁ hoti parinibbānāya.\nMicchāvimuttissa purisapuggalassa sammāvimutti hoti parinibbānāya.\nThinamiddhapariyuṭṭhitassa purisapuggalassa vigatathinamiddhatā hoti parinibbānāya.\nUddhatassa purisapuggalassa anuddhaccaṁ hoti parinibbānāya.\nVicikicchissa purisapuggalassa tiṇṇavicikicchatā hoti parinibbānāya.\nKodhanassa purisapuggalassa akkodho hoti parinibbānāya.\nUpanāhissa purisapuggalassa anupanāho hoti parinibbānāya.\nMakkhissa purisapuggalassa amakkho hoti parinibbānāya.\nPaḷāsissa purisapuggalassa apaḷāso hoti parinibbānāya.\nIssukissa purisapuggalassa anissukitā hoti parinibbānāya.\nMaccharissa purisapuggalassa amacchariyaṁ hoti parinibbānāya.\nSaṭhassa purisapuggalassa asāṭheyyaṁ hoti parinibbānāya.\nMāyāvissa purisapuggalassa amāyā hoti parinibbānāya.\nThaddhassa purisapuggalassa atthaddhiyaṁ hoti parinibbānāya.\nAtimānissa purisapuggalassa anatimāno hoti parinibbānāya.\nDubbacassa purisapuggalassa sovacassatā hoti parinibbānāya.\nPāpamittassa purisapuggalassa kalyāṇamittatā hoti parinibbānāya.\nPamattassa purisapuggalassa appamādo hoti parinibbānāya.\nAssaddhassa purisapuggalassa saddhā hoti parinibbānāya.\nAhirikassa purisapuggalassa hirī hoti parinibbānāya.\nAnottāpissa purisapuggalassa ottappaṁ hoti parinibbānāya.\nAppassutassa purisapuggalassa bāhusaccaṁ hoti parinibbānāya.\nKusītassa purisapuggalassa vīriyārambho hoti parinibbānāya.\nMuṭṭhassatissa purisapuggalassa upaṭṭhitassatitā hoti parinibbānāya.\nDuppaññassa purisapuggalassa paññāsampadā hoti parinibbānāya.\nSandiṭṭhiparāmāsiādhānaggāhiduppaṭinissaggissa purisapuggalassa asandiṭṭhiparāmāsianādhānaggāhisuppaṭinissaggitā hoti parinibbānāya.","en":"5. The Exposition by Extinguishment\nIf you’re sinking in the mud yourself, Cunda, it is quite impossible for you to pull out someone else who is sinking in the mud.\nBut if you’re not sinking in the mud yourself, it is quite possible for you to pull out someone else who is sinking in the mud.\nIf you’re not tamed, trained, and quenched yourself, it is quite impossible for you to help tame, train, and extinguish someone else.\nBut if you are tamed, trained, and quenched yourself, it is quite possible for you to help tame, train, and extinguish someone else.\nIn the same way, a cruel individual extinguishes it by not being cruel. An individual who kills extinguishes it by not killing. …\nAn individual who is attached to their own views, holding them tight, and refusing to let go, extinguishes it by not being attached to their own views, not holding them tight, but letting them go easily."}},{"id":"mn8:17","sourceIds":["mn8:17.1","mn8:17.2","mn8:17.3","mn8:17.4","mn8:17.5","mn8:17.6","mn8:17.7","mn8:17.8","mn8:17.9","mn8:17.10"],"kind":"text","text":{"pi":"Iti kho, cunda, desito mayā sallekhapariyāyo, desito cittuppādapariyāyo, desito parikkamanapariyāyo, desito uparibhāgapariyāyo, desito parinibbānapariyāyo.\nYaṁ kho, cunda, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā.\nEtāni, cunda, rukkhamūlāni, etāni suññāgārāni, jhāyatha, cunda, mā pamādattha, mā pacchāvippaṭisārino ahuvattha—ayaṁ kho amhākaṁ anusāsanī”ti.\nIdamavoca bhagavā.\nAttamano āyasmā mahācundo bhagavato bhāsitaṁ abhinandīti.\nCatuttālīsapadā vuttā,\nsandhayo pañca desitā;\nSallekho nāma suttanto,\ngambhīro sāgarūpamoti.\nSallekhasuttaṁ niṭṭhitaṁ aṭṭhamaṁ.","en":"So, Cunda, I’ve taught the expositions by way of self-effacement, arising of thought, bypassing, going up, and extinguishing.\nOut of sympathy, I’ve done what a teacher should do who wants what’s best for their disciples.\nHere are these roots of trees, and here are these empty huts. Practice absorption, Cunda! Don’t be negligent! Don’t regret it later! This is my instruction.”\nThat is what the Buddha said.\nSatisfied, Venerable Mahācunda approved what the Buddha said.\nForty-four items have been stated,\norganized into five sections.\n“Effacement” is the name of this discourse,\nwhich is deep as the ocean."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}