{"id":"mn86","title":"With Aṅgulimāla","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn86","title":"With Aṅgulimāla","units":[{"id":"mn86:0","sourceIds":["mn86:0.1","mn86:0.2"],"kind":"text","text":{"pi":"Majjhima Nikāya 86\nAṅgulimālasutta","en":"Middle Discourses 86\nWith Aṅgulimāla"}},{"id":"mn86:1","sourceIds":["mn86:1.1","mn86:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn86:2","sourceIds":["mn86:2.1","mn86:2.2","mn86:2.3"],"kind":"text","text":{"pi":"Tena kho pana samayena rañño pasenadissa kosalassa vijite coro aṅgulimālo nāma hoti luddo lohitapāṇi hatapahate niviṭṭho adayāpanno pāṇabhūtesu.\nTena gāmāpi agāmā katā, nigamāpi anigamā katā, janapadāpi ajanapadā katā.\nSo manusse vadhitvā vadhitvā aṅgulīnaṁ mālaṁ dhāreti.","en":"Now at that time in the realm of King Pasenadi of Kosala there was a bandit named Aṅgulimāla. He was violent, bloody-handed, a hardened killer, merciless to living beings.\nHe laid waste to villages, towns, and countries.\nHe was constantly murdering humans, and he wore their fingers as a necklace."}},{"id":"mn86:3","sourceIds":["mn86:3.1","mn86:3.2","mn86:3.3","mn86:3.4","mn86:3.5","mn86:3.6","mn86:3.7","mn86:3.8","mn86:3.9","mn86:3.10","mn86:3.11","mn86:3.12","mn86:3.13","mn86:3.14","mn86:3.15","mn86:3.16","mn86:3.17"],"kind":"text","text":{"pi":"Atha kho bhagavā pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nSāvatthiyaṁ piṇḍāya caritvā pacchābhattaṁ piṇḍapātapaṭikkanto senāsanaṁ saṁsāmetvā pattacīvaramādāya yena coro aṅgulimālo tenaddhānamaggaṁ paṭipajji.\nAddasāsuṁ kho gopālakā pasupālakā kassakā pathāvino bhagavantaṁ yena coro aṅgulimālo tenaddhānamaggapaṭipannaṁ.\nDisvāna bhagavantaṁ etadavocuṁ:\n“mā, samaṇa, etaṁ maggaṁ paṭipajji.\nEtasmiṁ, samaṇa, magge coro aṅgulimālo nāma luddo lohitapāṇi hatapahate niviṭṭho adayāpanno pāṇabhūtesu.\nTena gāmāpi agāmā katā, nigamāpi anigamā katā, janapadāpi ajanapadā katā.\nSo manusse vadhitvā vadhitvā aṅgulīnaṁ mālaṁ dhāreti.\nEtañhi, samaṇa, maggaṁ dasapi purisā vīsampi purisā tiṁsampi purisā cattārīsampi purisā paññāsampi purisā saṅkaritvā saṅkaritvā paṭipajjanti.\nTepi corassa aṅgulimālassa hatthatthaṁ gacchantī”ti.\nEvaṁ vutte, bhagavā tuṇhībhūto agamāsi.\nDutiyampi kho gopālakā …pe…\ntatiyampi kho gopālakā pasupālakā kassakā pathāvino bhagavantaṁ etadavocuṁ:\n“mā, samaṇa, etaṁ maggaṁ paṭipajji, etasmiṁ samaṇa magge coro aṅgulimālo nāma luddo lohitapāṇi hatapahate niviṭṭho adayāpanno pāṇabhūtesu, tena gāmāpi agāmā katā, nigamāpi anigamā katā, janapadāpi ajanapadā katā.\nSo manusse vadhitvā vadhitvā aṅgulīnaṁ mālaṁ dhāreti.\nEtañhi samaṇa maggaṁ dasapi purisā vīsampi purisā tiṁsampi purisā cattārīsampi purisā paññāsampi purisā saṅkaritvā saṅkaritvā paṭipajjanti.\nTepi corassa aṅgulimālassa hatthatthaṁ gacchantī”ti.","en":"Then the Buddha robed up in the morning and, taking his bowl and robe, entered Sāvatthī for alms.\nThen, after the meal, on his return from almsround, he set his lodgings in order and, taking his bowl and robe, he walked down the road that led to Aṅgulimāla.\nThe cowherds, shepherds, farmers, and travelers saw him on the road,\nand said to him,\n“Don’t take this road, ascetic.\nOn this road there is a bandit named Aṅgulimāla. He is violent, bloody-handed, a hardened killer, merciless to living beings.\nHe has laid waste to villages, towns, and countries.\nHe is constantly murdering humans, and he wears their fingers as a necklace.\nPeople travel along this road only after banding closely together in groups of ten, twenty, thirty, forty, or fifty.\nStill they meet their end by Aṅgulimāla’s hand.”\nBut when they said this, the Buddha went on in silence.\nFor a second time …\nand a third time, they urged the Buddha to turn back."}},{"id":"mn86:4","sourceIds":["mn86:4.1","mn86:4.2","mn86:4.3","mn86:4.4","mn86:4.5","mn86:4.6","mn86:4.7","mn86:4.8"],"kind":"text","text":{"pi":"Atha kho bhagavā tuṇhībhūto agamāsi.\nAddasā kho coro aṅgulimālo bhagavantaṁ dūratova āgacchantaṁ.\nDisvānassa etadahosi:\n“acchariyaṁ vata bho, abbhutaṁ vata bho.\nImañhi maggaṁ dasapi purisā vīsampi purisā tiṁsampi purisā cattārīsampi purisā paññāsampi purisā saṅkaritvā saṅkaritvā paṭipajjanti.\nTepi mama hatthatthaṁ gacchanti.\nAtha ca panāyaṁ samaṇo eko adutiyo pasayha maññe āgacchati.\nYannūnāhaṁ imaṁ samaṇaṁ jīvitā voropeyyan”ti.","en":"But when they said this, the Buddha went on in silence.\nThe bandit Aṅgulimāla saw the Buddha coming off in the distance,\nand thought,\n“Oh lord, how incredible, how amazing!\nPeople travel along this road only after banding closely together in groups of ten, twenty, thirty, forty, or fifty.\nStill they meet their end by my hand.\nBut still this ascetic comes along alone and unaccompanied, like a conqueror.\nWhy don’t I take his life?”"}},{"id":"mn86:5","sourceIds":["mn86:5.1","mn86:5.2","mn86:5.3","mn86:5.4","mn86:5.5","mn86:5.6","mn86:5.7","mn86:5.8","mn86:5.9","mn86:5.10","mn86:5.11","mn86:5.12","mn86:5.13","mn86:5.14"],"kind":"text","text":{"pi":"Atha kho coro aṅgulimālo asicammaṁ gahetvā dhanukalāpaṁ sannayhitvā bhagavantaṁ piṭṭhito piṭṭhito anubandhi.\nAtha kho bhagavā tathārūpaṁ iddhābhisaṅkhāraṁ abhisaṅkhāsi yathā coro aṅgulimālo bhagavantaṁ pakatiyā gacchantaṁ sabbathāmena gacchanto na sakkoti sampāpuṇituṁ.\nAtha kho corassa aṅgulimālassa etadahosi:\n“acchariyaṁ vata bho, abbhutaṁ vata bho.\nAhañhi pubbe hatthimpi dhāvantaṁ anupatitvā gaṇhāmi, assampi dhāvantaṁ anupatitvā gaṇhāmi, rathampi dhāvantaṁ anupatitvā gaṇhāmi, migampi dhāvantaṁ anupatitvā gaṇhāmi;\natha ca panāhaṁ imaṁ samaṇaṁ pakatiyā gacchantaṁ sabbathāmena gacchanto na sakkomi sampāpuṇitun”ti.\nṬhitova bhagavantaṁ etadavoca:\n“tiṭṭha, tiṭṭha, samaṇā”ti.\n“Ṭhito ahaṁ, aṅgulimāla, tvañca tiṭṭhā”ti.\nAtha kho corassa aṅgulimālassa etadahosi:\n“ime kho samaṇā sakyaputtiyā saccavādino saccapaṭiññā.\nAtha panāyaṁ samaṇo gacchaṁ yevāha:\n‘ṭhito ahaṁ, aṅgulimāla, tvañca tiṭṭhā’ti.\nYannūnāhaṁ imaṁ samaṇaṁ puccheyyan”ti.","en":"Then Aṅgulimāla donned his sword and shield, fastened his bow and arrows, and followed behind the Buddha.\nBut the Buddha used his psychic power to will that Aṅgulimāla could not catch up with him no matter how hard he tried, even though the Buddha kept walking at a normal speed.\nThen Aṅgulimāla thought,\n“Oh lord, how incredible, how amazing!\nPreviously, even when I’ve chased a speeding elephant, horse, chariot or deer, I’ve always caught up with them.\nBut I can’t catch up with this ascetic no matter how hard I try, even though he’s walking at a normal speed.”\nHe stood still and said,\n“Stop, stop, ascetic!”\n“I’ve stopped, Aṅgulimāla—now you stop.”\nThen Aṅgulimāla thought,\n“These ascetics who follow the Sakyan speak the truth.\nYet while walking the ascetic says:\n‘I’ve stopped, Aṅgulimāla—now you stop.’\nWhy don’t I ask him about this?”"}},{"id":"mn86:6","sourceIds":["mn86:6.1","mn86:6.2","mn86:6.3","mn86:6.4","mn86:6.5","mn86:6.6","mn86:6.7","mn86:6.8","mn86:6.9","mn86:6.10","mn86:6.11","mn86:6.12","mn86:6.13","mn86:6.14","mn86:6.15","mn86:6.16","mn86:6.17","mn86:6.18","mn86:6.19","mn86:6.20","mn86:6.21"],"kind":"text","text":{"pi":"Atha kho coro aṅgulimālo bhagavantaṁ gāthāya ajjhabhāsi:\n“Gacchaṁ vadesi samaṇa ṭhitomhi,\nMamañca brūsi ṭhitamaṭṭhitoti;\nPucchāmi taṁ samaṇa etamatthaṁ,\nKathaṁ ṭhito tvaṁ ahamaṭṭhitomhī”ti.\n“Ṭhito ahaṁ aṅgulimāla sabbadā,\nSabbesu bhūtesu nidhāya daṇḍaṁ;\nTuvañca pāṇesu asaññatosi,\nTasmā ṭhitohaṁ tuvamaṭṭhitosī”ti.\n“Cirassaṁ vata me mahito mahesī,\nMahāvanaṁ pāpuṇi saccavādī;\nSohaṁ carissāmi pahāya pāpaṁ,\nSutvāna gāthaṁ tava dhammayuttaṁ”.\nItveva coro asimāvudhañca,\nSobbhe papāte narake akiri;\nAvandi coro sugatassa pāde,\nTattheva naṁ pabbajjaṁ ayāci.\nBuddho ca kho kāruṇiko mahesi,\nYo satthā lokassa sadevakassa;\n“Tamehi bhikkhū”ti tadā avoca,\nEseva tassa ahu bhikkhubhāvoti.","en":"Then he addressed the Buddha in verse:\n“While walking, ascetic, you say ‘I’ve stopped.’\nAnd I have stopped, but you tell me I’ve not.\nI’m asking you this, ascetic:\nhow is it you’ve stopped and I have not?”\n“Aṅgulimāla, I have forever stopped—\nI’ve laid aside violence toward all creatures.\nBut you can’t stop yourself from harming living creatures;\nthat’s why I’ve stopped, but you have not.”\n“Oh, at long last a renowned great seer,\nan ascetic has followed me into this deep wood.\nNow that I’ve heard your verse on Dhamma,\nI shall live without evil.”\nWith these words, the bandit hurled his sword and weapons\ndown a cliff into an abyss.\nHe venerated the Holy One’s feet,\nand requested the going forth right away.\nThen the Buddha, the compassionate great seer,\nthe Teacher of the world with its gods,\nsaid to him, “Come, monk!”\nAnd with that he became a monk."}},{"id":"mn86:7","sourceIds":["mn86:7.1","mn86:7.2","mn86:7.3"],"kind":"text","text":{"pi":"Atha kho bhagavā āyasmatā aṅgulimālena pacchāsamaṇena yena sāvatthi tena cārikaṁ pakkāmi.\nAnupubbena cārikaṁ caramāno yena sāvatthi tadavasari.\nTatra sudaṁ bhagavā sāvatthiyaṁ viharati jetavane anāthapiṇḍikassa ārāme.","en":"Then the Buddha set out for Sāvatthī with Venerable Aṅgulimāla as his second monk.\nTraveling stage by stage, he arrived at Sāvatthī,\nwhere he stayed in Jeta’s Grove, Anāthapiṇḍika’s monastery."}},{"id":"mn86:8","sourceIds":["mn86:8.1","mn86:8.2","mn86:8.3","mn86:8.4","mn86:8.5"],"kind":"text","text":{"pi":"Tena kho pana samayena rañño pasenadissa kosalassa antepuradvāre mahājanakāyo sannipatitvā uccāsaddo mahāsaddo hoti:\n“coro te, deva, vijite aṅgulimālo nāma luddo lohitapāṇi hatapahate niviṭṭho adayāpanno pāṇabhūtesu.\nTena gāmāpi agāmā katā, nigamāpi anigamā katā, janapadāpi ajanapadā katā.\nSo manusse vadhitvā vadhitvā aṅgulīnaṁ mālaṁ dhāreti.\nTaṁ devo paṭisedhetū”ti.","en":"Now at that time a crowd had gathered by the gate of King Pasenadi’s royal compound making a colossal racket,\n“In your realm, Your Majesty, there is a bandit named Aṅgulimāla. He is violent, bloody-handed, a hardened killer, merciless to living beings.\nHe has laid waste to villages, towns, and countries.\nHe is constantly murdering humans, and he wears their fingers as a necklace.\nYour Majesty must put a stop to him!”"}},{"id":"mn86:9","sourceIds":["mn86:9.1","mn86:9.2","mn86:9.3","mn86:9.4"],"kind":"text","text":{"pi":"Atha kho rājā pasenadi kosalo pañcamattehi assasatehi sāvatthiyā nikkhami divā divassa.\nYena ārāmo tena pāvisi.\nYāvatikā yānassa bhūmi yānena gantvā yānā paccorohitvā pattikova yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho rājānaṁ pasenadiṁ kosalaṁ bhagavā etadavoca:\n“kiṁ nu te, mahārāja, rājā vā māgadho seniyo bimbisāro kupito vesālikā vā licchavī aññe vā paṭirājāno”ti?","en":"Then King Pasenadi drove out from Sāvatthī in the middle of the day with around five hundred horses,\nheading for the monastery.\nHe went by carriage as far as the terrain allowed, then descended and approached the Buddha on foot. He bowed and sat down to one side. The Buddha said to him,\n“What is it, Great King? Is King Seniya Bimbisāra of Magadha angry with you, or the Licchavis of Vesālī, or some other opposing ruler?”"}},{"id":"mn86:10","sourceIds":["mn86:10.1","mn86:10.2","mn86:10.3","mn86:10.4","mn86:10.5"],"kind":"text","text":{"pi":"“Na kho me, bhante, rājā māgadho seniyo bimbisāro kupito, nāpi vesālikā licchavī, nāpi aññe paṭirājāno.\nCoro me, bhante, vijite aṅgulimālo nāma luddo lohitapāṇi hatapahate niviṭṭho adayāpanno pāṇabhūtesu.\nTena gāmāpi agāmā katā, nigamāpi anigamā katā, janapadāpi ajanapadā katā.\nSo manusse vadhitvā vadhitvā aṅgulīnaṁ mālaṁ dhāreti.\nTāhaṁ, bhante, paṭisedhissāmī”ti.","en":"“No, sir.\nIn my realm there is a bandit named Aṅgulimāla. He is violent, bloody-handed, a hardened killer, merciless to living beings. …\nI shall put a stop to him.”"}},{"id":"mn86:11","sourceIds":["mn86:11.1","mn86:11.2","mn86:11.3"],"kind":"text","text":{"pi":"“Sace pana tvaṁ, mahārāja, aṅgulimālaṁ passeyyāsi kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajitaṁ, virataṁ pāṇātipātā, virataṁ adinnādānā, virataṁ musāvādā, ekabhattikaṁ, brahmacāriṁ, sīlavantaṁ, kalyāṇadhammaṁ, kinti naṁ kareyyāsī”ti?\n“Abhivādeyyāma vā, bhante, paccuṭṭheyyāma vā āsanena vā nimanteyyāma, abhinimanteyyāma vā naṁ cīvarapiṇḍapātasenāsanagilānappaccayabhesajjaparikkhārehi, dhammikaṁ vā assa rakkhāvaraṇaguttiṁ saṁvidaheyyāma.\nKuto panassa, bhante, dussīlassa pāpadhammassa evarūpo sīlasaṁyamo bhavissatī”ti?","en":"“But, Great King, suppose you were to see that Aṅgulimāla had shaved off his hair and beard, dressed in ocher robes, and gone forth from the lay life to homelessness. And that he was refraining from killing living creatures, stealing, and lying; that he was eating in one part of the day, and was chaste, ethical, and of good character. What would you do to him?”\n“I would bow to him, rise in his presence, or offer him a seat. I’d invite him to accept robes, almsfood, lodgings, and medicines and supplies for the sick. And I’d organize his lawful guarding and protection.\nBut sir, how could such an immoral, evil man ever have such virtue and restraint?”"}},{"id":"mn86:12","sourceIds":["mn86:12.1","mn86:12.2","mn86:12.3","mn86:12.4","mn86:12.5","mn86:12.6","mn86:12.7","mn86:12.8","mn86:12.9","mn86:12.10","mn86:12.11","mn86:12.12","mn86:12.13","mn86:12.14"],"kind":"text","text":{"pi":"Tena kho pana samayena āyasmā aṅgulimālo bhagavato avidūre nisinno hoti.\nAtha kho bhagavā dakkhiṇaṁ bāhuṁ paggahetvā rājānaṁ pasenadiṁ kosalaṁ etadavoca:\n“eso, mahārāja, aṅgulimālo”ti.\nAtha kho rañño pasenadissa kosalassa ahudeva bhayaṁ, ahu chambhitattaṁ, ahu lomahaṁso.\nAtha kho bhagavā rājānaṁ pasenadiṁ kosalaṁ bhītaṁ saṁviggaṁ lomahaṭṭhajātaṁ viditvā rājānaṁ pasenadiṁ kosalaṁ etadavoca:\n“mā bhāyi, mahārāja, natthi te ito bhayan”ti.\nAtha kho rañño pasenadissa kosalassa yaṁ ahosi bhayaṁ vā chambhitattaṁ vā lomahaṁso vā so paṭippassambhi.\nAtha kho rājā pasenadi kosalo yenāyasmā aṅgulimālo tenupasaṅkami; upasaṅkamitvā āyasmantaṁ aṅgulimālaṁ etadavoca:\n“ayyo no, bhante, aṅgulimālo”ti?\n“Evaṁ, mahārājā”ti.\n“Kathaṅgotto ayyassa pitā, kathaṅgottā mātā”ti?\n“Gaggo kho, mahārāja, pitā, mantāṇī mātā”ti.\n“Abhiramatu, bhante, ayyo gaggo mantāṇiputto.\nAhamayyassa gaggassa mantāṇiputtassa ussukkaṁ karissāmi cīvarapiṇḍapātasenāsanagilānappaccayabhesajjaparikkhārānan”ti.","en":"Now at that time Venerable Aṅgulimāla was sitting not far from the Buddha.\nThen the Buddha pointed with his right arm and said to the king,\n“Great king, this is Aṅgulimāla.”\nThen the king became frightened, scared, his hair standing on end.\nKnowing this, the Buddha said to him,\n“Do not fear, Great King. You have nothing to fear from him.”\nThen the king’s fear died down.\nThen the king went over to Aṅgulimāla and said,\n“Sir, is the master really Aṅgulimāla?”\n“Yes, Great King.”\n“What clans were your father and mother from?”\n“My father was a Gagga, and my mother a Mantāṇī.”\n“Sir, may Master Gagga son of Mantāṇī be happy.\nI’ll make sure that you’re provided with robes, almsfood, lodgings, and medicines and supplies for the sick.”"}},{"id":"mn86:13","sourceIds":["mn86:13.1","mn86:13.2","mn86:13.3","mn86:13.4","mn86:13.5","mn86:13.6","mn86:13.7","mn86:13.8","mn86:13.9","mn86:13.10","mn86:13.11"],"kind":"text","text":{"pi":"Tena kho pana samayena āyasmā aṅgulimālo āraññiko hoti piṇḍapātiko paṁsukūliko tecīvariko.\nAtha kho āyasmā aṅgulimālo rājānaṁ pasenadiṁ kosalaṁ etadavoca:\n“alaṁ, mahārāja, paripuṇṇaṁ me cīvaran”ti.\nAtha kho rājā pasenadi kosalo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho rājā pasenadi kosalo bhagavantaṁ etadavoca:\n“acchariyaṁ, bhante, abbhutaṁ, bhante.\nYāvañcidaṁ, bhante, bhagavā adantānaṁ dametā, asantānaṁ sametā, aparinibbutānaṁ parinibbāpetā.\nYañhi mayaṁ, bhante, nāsakkhimhā daṇḍenapi satthenapi dametuṁ so bhagavatā adaṇḍena asattheneva danto.\nHanda ca dāni mayaṁ, bhante, gacchāma;\nbahukiccā mayaṁ bahukaraṇīyā”ti.\n“Yassadāni, mahārāja, kālaṁ maññasī”ti.\nAtha kho rājā pasenadi kosalo uṭṭhāyāsanā bhagavantaṁ abhivādetvā padakkhiṇaṁ katvā pakkāmi.","en":"But at that time Venerable Aṅgulimāla lived in the wilderness, ate only almsfood, and owned just three robes.\nSo he said to the king,\n“Enough, Great King. My robes are complete.”\nThen the king went back to the Buddha, bowed, sat down to one side, and said to him,\n“It’s incredible, sir, it’s amazing!\nHow the Buddha tames those who are wild, pacifies those who are violent, and extinguishes those who are unquenched!\nFor I was not able to tame him with the rod and the sword, but the Buddha tamed him without rod or sword.\nWell, now, sir, I must go.\nI have many duties, and much to do.”\n“Please, Great King, go at your convenience.”\nThen King Pasenadi rose from his seat, bowed, and respectfully circled the Buddha, keeping him on his right, before leaving."}},{"id":"mn86:14","sourceIds":["mn86:14.1","mn86:14.2","mn86:14.3","mn86:14.4","mn86:14.5","mn86:14.6","mn86:14.7","mn86:14.8","mn86:14.9","mn86:14.10"],"kind":"text","text":{"pi":"Atha kho āyasmā aṅgulimālo pubbaṇhasamayaṁ nivāsetvā pattacīvaramādāya sāvatthiyaṁ piṇḍāya pāvisi.\nAddasā kho āyasmā aṅgulimālo sāvatthiyaṁ sapadānaṁ piṇḍāya caramāno aññataraṁ itthiṁ mūḷhagabbhaṁ vighātagabbhaṁ.\nDisvānassa etadahosi:\n“kilissanti vata, bho, sattā;\nkilissanti vata, bho, sattā”ti.\nAtha kho āyasmā aṅgulimālo sāvatthiyaṁ piṇḍāya caritvā pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā aṅgulimālo bhagavantaṁ etadavoca:\n“idhāhaṁ, bhante, pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisiṁ.\nAddasaṁ kho ahaṁ, bhante, sāvatthiyaṁ sapadānaṁ piṇḍāya caramāno aññataraṁ itthiṁ mūḷhagabbhaṁ vighātagabbhaṁ.\nDisvāna mayhaṁ etadahosi:\n‘kilissanti vata bho sattā, kilissanti vata bho sattā’”ti.","en":"Then Venerable Aṅgulimāla robed up in the morning and, taking his bowl and robe, entered Sāvatthī for alms.\nThen as he was wandering indiscriminately for almsfood he saw a woman undergoing a distressing obstructed labor.\nSeeing this, it occurred to him,\n“Oh, beings undergo such travail!\nOh, beings undergo such travail!”\nThen after wandering for alms in Sāvatthī, after the meal, on his return from almsround, he went to the Buddha, bowed, sat down to one side, and told him what had happened. The Buddha said to him,"}},{"id":"mn86:15","sourceIds":["mn86:15.1","mn86:15.2","mn86:15.3","mn86:15.4","mn86:15.5","mn86:15.6","mn86:15.7","mn86:15.8","mn86:15.9"],"kind":"text","text":{"pi":"“Tena hi tvaṁ, aṅgulimāla, yena sā itthī tenupasaṅkama; upasaṅkamitvā taṁ itthiṁ evaṁ vadehi:\n‘yatohaṁ, bhagini, jāto nābhijānāmi sañcicca pāṇaṁ jīvitā voropetā, tena saccena sotthi te hotu, sotthi gabbhassā’”ti.\n“So hi nūna me, bhante, sampajānamusāvādo bhavissati.\nMayā hi, bhante, bahū sañcicca pāṇā jīvitā voropitā”ti.\n“Tena hi tvaṁ, aṅgulimāla, yena sā itthī tenupasaṅkama; upasaṅkamitvā taṁ itthiṁ evaṁ vadehi:\n‘yatohaṁ, bhagini, ariyāya jātiyā jāto, nābhijānāmi sañcicca pāṇaṁ jīvitā voropetā, tena saccena sotthi te hotu, sotthi gabbhassā’”ti.\n“Evaṁ, bhante”ti kho āyasmā aṅgulimālo bhagavato paṭissutvā yena sā itthī tenupasaṅkami; upasaṅkamitvā taṁ itthiṁ etadavoca:\n“yatohaṁ, bhagini, ariyāya jātiyā jāto, nābhijānāmi sañcicca pāṇaṁ jīvitā voropetā, tena saccena sotthi te hotu, sotthi gabbhassā”ti.\nAtha khvāssā itthiyā sotthi ahosi, sotthi gabbhassa.","en":"“Well then, Aṅgulimāla, go to that woman and say this:\n‘Ever since I was born, sister, I don’t recall having intentionally taken the life of a living creature. By this truth, may both you and your baby be safe.’”\n“But sir, wouldn’t that be telling a deliberate lie?\nFor I have intentionally killed many living creatures.”\n“In that case, Aṅgulimāla, go to that woman and say this:\n‘Ever since I was born in the noble birth, sister, I don’t recall having intentionally taken the life of a living creature. By this truth, may both you and your baby be safe.’”\n“Yes, sir,” replied Aṅgulimāla. He went to that woman and said:\n“Ever since I was born in the noble birth, sister, I don’t recall having intentionally taken the life of a living creature. By this truth, may both you and your baby be safe.”\nThen that woman was safe, and so was her baby."}},{"id":"mn86:16","sourceIds":["mn86:16.1","mn86:16.2","mn86:16.3"],"kind":"text","text":{"pi":"Atha kho āyasmā aṅgulimālo eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.\n“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abbhaññāsi.\nAññataro kho panāyasmā aṅgulimālo arahataṁ ahosi.","en":"Then Aṅgulimāla, living alone, withdrawn, diligent, keen, and resolute, soon realized the supreme culmination of the spiritual path in this very life. He lived having achieved with his own insight the goal for which gentlemen rightly go forth from the lay life to homelessness.\nHe understood: “Rebirth is ended; the spiritual journey has been completed; what had to be done has been done; there is nothing further for this place.”\nAnd Venerable Aṅgulimāla became one of the perfected."}},{"id":"mn86:17","sourceIds":["mn86:17.1","mn86:17.2","mn86:17.3","mn86:17.4","mn86:17.5","mn86:17.6","mn86:17.7"],"kind":"text","text":{"pi":"Atha kho āyasmā aṅgulimālo pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nTena kho pana samayena aññenapi leḍḍu khitto āyasmato aṅgulimālassa kāye nipatati, aññenapi daṇḍo khitto āyasmato aṅgulimālassa kāye nipatati, aññenapi sakkharā khittā āyasmato aṅgulimālassa kāye nipatati.\nAtha kho āyasmā aṅgulimālo bhinnena sīsena, lohitena gaḷantena, bhinnena pattena, vipphālitāya saṅghāṭiyā yena bhagavā tenupasaṅkami.\nAddasā kho bhagavā āyasmantaṁ aṅgulimālaṁ dūratova āgacchantaṁ.\nDisvāna āyasmantaṁ aṅgulimālaṁ etadavoca:\n“adhivāsehi tvaṁ, brāhmaṇa, adhivāsehi tvaṁ, brāhmaṇa.\nYassa kho tvaṁ, brāhmaṇa, kammassa vipākena bahūni vassāni bahūni vassasatāni bahūni vassasahassāni niraye pacceyyāsi tassa tvaṁ, brāhmaṇa, kammassa vipākaṁ diṭṭheva dhamme paṭisaṁvedesī”ti.","en":"Then Venerable Aṅgulimāla robed up in the morning and, taking his bowl and robe, entered Sāvatthī for alms.\nNow at that time someone threw a stone that hit Aṅgulimāla, someone else threw a stick, and someone else threw gravel.\nThen Aṅgulimāla—with cracked head, bleeding, his bowl broken, and his outer robe torn—went to the Buddha.\nThe Buddha saw him coming off in the distance,\nand said to him,\n“Endure it, brahmin! Endure it, brahmin!\nYou’re experiencing in this very life the result of deeds that might have caused you to be tormented in hell for many years, many hundreds or thousands of years.”"}},{"id":"mn86:18","sourceIds":["mn86:18.1","mn86:18.2","mn86:18.3","mn86:18.4","mn86:18.5","mn86:18.6","mn86:18.7","mn86:18.8","mn86:18.9","mn86:18.10","mn86:18.11","mn86:18.12","mn86:18.13","mn86:18.14","mn86:18.15","mn86:18.16","mn86:18.17","mn86:18.18","mn86:18.19","mn86:18.20","mn86:18.21","mn86:18.22","mn86:18.23","mn86:18.24","mn86:18.25","mn86:18.26","mn86:18.27","mn86:18.28","mn86:18.29","mn86:18.30","mn86:18.31","mn86:18.32","mn86:18.33","mn86:18.34","mn86:18.35","mn86:18.36","mn86:18.37","mn86:18.38","mn86:18.39","mn86:18.40","mn86:18.41","mn86:18.42","mn86:18.43","mn86:18.44","mn86:18.45","mn86:18.46","mn86:18.47","mn86:18.48","mn86:18.49","mn86:18.50","mn86:18.51","mn86:18.52","mn86:18.53","mn86:18.54","mn86:18.55","mn86:18.56","mn86:18.57","mn86:18.58","mn86:18.59","mn86:18.60","mn86:18.61","mn86:18.62","mn86:18.63","mn86:18.64","mn86:18.65","mn86:18.66","mn86:18.67"],"kind":"text","text":{"pi":"Atha kho āyasmā aṅgulimālo rahogato paṭisallīno vimuttisukhaṁ paṭisaṁvedi;\ntāyaṁ velāyaṁ imaṁ udānaṁ udānesi:\n“Yo pubbeva pamajjitvā,\npacchā so nappamajjati;\nSomaṁ lokaṁ pabhāseti,\nabbhā muttova candimā.\nYassa pāpaṁ kataṁ kammaṁ,\nkusalena pidhīyati;\nSomaṁ lokaṁ pabhāseti,\nabbhā muttova candimā.\nYo have daharo bhikkhu,\nyuñjati buddhasāsane;\nSomaṁ lokaṁ pabhāseti,\nabbhā muttova candimā.\nDisā hi me dhammakathaṁ suṇantu,\nDisā hi me yuñjantu buddhasāsane;\nDisā hi me te manujā bhajantu,\nYe dhammamevādapayanti santo.\nDisā hi me khantivādānaṁ,\navirodhappasaṁsīnaṁ;\nSuṇantu dhammaṁ kālena,\ntañca anuvidhīyantu.\nNa hi jātu so mamaṁ hiṁse,\naññaṁ vā pana kiñci naṁ;\nPappuyya paramaṁ santiṁ,\nrakkheyya tasathāvare.\nUdakañhi nayanti nettikā,\nUsukārā namayanti tejanaṁ;\nDāruṁ namayanti tacchakā,\nAttānaṁ damayanti paṇḍitā.\nDaṇḍeneke damayanti,\naṅkusehi kasāhi ca;\nAdaṇḍena asatthena,\nahaṁ dantomhi tādinā.\nAhiṁsakoti me nāmaṁ,\nhiṁsakassa pure sato;\nAjjāhaṁ saccanāmomhi,\nna naṁ hiṁsāmi kiñci naṁ.\nCoro ahaṁ pure āsiṁ,\naṅgulimāloti vissuto;\nVuyhamāno mahoghena,\nbuddhaṁ saraṇamāgamaṁ.\nLohitapāṇi pure āsiṁ,\naṅgulimāloti vissuto;\nSaraṇagamanaṁ passa,\nbhavanetti samūhatā.\nTādisaṁ kammaṁ katvāna,\nbahuṁ duggatigāminaṁ;\nPhuṭṭho kammavipākena,\naṇaṇo bhuñjāmi bhojanaṁ.\nPamādamanuyuñjanti,\nbālā dummedhino janā;\nAppamādañca medhāvī,\ndhanaṁ seṭṭhaṁva rakkhati.\nMā pamādamanuyuñjetha,\nmā kāmarati santhavaṁ;\nAppamatto hi jhāyanto,\npappoti vipulaṁ sukhaṁ.\nSvāgataṁ nāpagataṁ,\nnayidaṁ dummantitaṁ mama;\nSaṁvibhattesu dhammesu,\nyaṁ seṭṭhaṁ tadupāgamaṁ.\nSvāgataṁ nāpagataṁ,\nnayidaṁ dummantitaṁ mama;\nTisso vijjā anuppattā,\nkataṁ buddhassa sāsanan”ti.\nAṅgulimālasuttaṁ niṭṭhitaṁ chaṭṭhaṁ.","en":"Later, Venerable Aṅgulimāla was experiencing the bliss of release while in private retreat.\nOn that occasion he expressed this heartfelt sentiment:\n“He who once was heedless,\nbut turned to heedfulness,\nshines upon this world,\nlike the moon freed from clouds.\nSomeone whose bad deed\nis supplanted by the good,\nshines upon this world,\nlike the moon freed from clouds.\nA young mendicant\ndevoted to the Buddha’s teaching,\nshines upon this world,\nlike the moon freed from clouds.\nMay even my enemies hear a Dhamma talk!\nMay even my enemies devote themselves to the Buddha’s teaching!\nMay even my enemies associate with those good men\nwho establish others in the Dhamma!\nMay even my enemies hear Dhamma at the right time,\nfrom those who teach acceptance,\npraising acquiescence;\nand may they follow that path!\nFor then they’d never wish harm\nupon myself or others.\nHaving arrived at ultimate peace,\nthey’d look after creatures firm and frail.\nFor while irrigators guide water,\nfletchers bend arrows straight,\nand carpenters bend timber straight,\nthe astute tame themselves.\nSome tame by using the rod,\nsome with goads, and some with whips.\nBut the unaffected one tamed me\nwithout rod or sword.\nMy name is ‘Harmless’,\nthough I used to be harmful.\nThe name I bear today is true,\nfor I do no harm to anyone.\nI used to be a bandit,\nthe notorious Aṅgulimāla.\nSwept away in a great flood,\nI went to the Buddha as a refuge.\nI used to have blood on my hands,\nthe notorious Aṅgulimāla.\nSee the refuge I’ve found—\nthe leash to existence is eradicated.\nI’ve done many of the sort of deeds\nthat lead to a bad destination.\nThe result of my deeds has already struck me,\nso I enjoy my food free of debt.\nFools and simpletons\ndevote themselves to negligence.\nBut the wise protect diligence\nas their best treasure.\nDon’t devote yourself to negligence,\nor delight in erotic intimacy.\nFor if you’re diligent and practice absorption,\nyou’ll attain abundant happiness.\nIt was welcome, not unwelcome,\nthe advice I got was good.\nOf the well-explained teachings,\nI arrived at the best.\nIt was welcome, not unwelcome,\nthe advice I got was good.\nI’ve attained the three knowledges\nand fulfilled the Buddha’s instructions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn86/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}