{"id":"mn88","title":"The Foreign Cloth","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn88","title":"The Foreign Cloth","units":[{"id":"mn88:0","sourceIds":["mn88:0.1","mn88:0.2"],"kind":"text","text":{"pi":"Majjhima Nikāya 88\nBāhitikasutta","en":"Middle Discourses 88\nThe Foreign Cloth"}},{"id":"mn88:1","sourceIds":["mn88:1.1","mn88:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn88:2","sourceIds":["mn88:2.1","mn88:2.2"],"kind":"text","text":{"pi":"Atha kho āyasmā ānando pubbaṇhasamayaṁ nivāsetvā pattacīvaramādāya sāvatthiyaṁ piṇḍāya pāvisi.\nSāvatthiyaṁ piṇḍāya caritvā pacchābhattaṁ piṇḍapātapaṭikkanto yena pubbārāmo migāramātupāsādo tenupasaṅkami divāvihārāya.","en":"Then Venerable Ānanda robed up in the morning and, taking his bowl and robe, entered Sāvatthī for alms.\nHe wandered for alms in Sāvatthī. After the meal, on his return from almsround, he went to the Eastern Monastery, the stilt longhouse of Migāra’s mother, for the day’s meditation."}},{"id":"mn88:3","sourceIds":["mn88:3.1","mn88:3.2","mn88:3.3","mn88:3.4","mn88:3.5"],"kind":"text","text":{"pi":"Tena kho pana samayena rājā pasenadi kosalo ekapuṇḍarīkaṁ nāgaṁ abhiruhitvā sāvatthiyā niyyāti divā divassa.\nAddasā kho rājā pasenadi kosalo āyasmantaṁ ānandaṁ dūratova āgacchantaṁ.\nDisvāna sirivaḍḍhaṁ mahāmattaṁ āmantesi:\n“āyasmā no eso, samma sirivaḍḍha, ānando”ti.\n“Evaṁ, mahārāja, āyasmā eso ānando”ti.","en":"Now at that time King Pasenadi of Kosala mounted the Single Lotus Elephant and drove out from Sāvatthī in the middle of the day.\nHe saw Ānanda coming off in the distance\nand said to the chief minister Sirivaḍḍha,\n“My dear Sirivaḍḍha, isn’t that Venerable Ānanda?”\n“Indeed it is, Great King.”"}},{"id":"mn88:4","sourceIds":["mn88:4.1","mn88:4.2","mn88:4.3","mn88:4.4","mn88:4.5"],"kind":"text","text":{"pi":"Atha kho rājā pasenadi kosalo aññataraṁ purisaṁ āmantesi:\n“ehi tvaṁ, ambho purisa, yenāyasmā ānando tenupasaṅkama; upasaṅkamitvā mama vacanena āyasmato ānandassa pāde sirasā vandāhi:\n‘rājā, bhante, pasenadi kosalo āyasmato ānandassa pāde sirasā vandatī’ti;\nevañca vadehi:\n‘sace kira, bhante, āyasmato ānandassa na kiñci accāyikaṁ karaṇīyaṁ, āgametu kira, bhante, āyasmā ānando muhuttaṁ anukampaṁ upādāyā’”ti.","en":"Then King Pasenadi addressed a man,\n“Please, my man, go to Venerable Ānanda, and in my name bow with your head to his feet. Say to him,\n‘Sir, King Pasenadi of Kosala bows with his head at your feet.’\nAnd then say,\n‘Sir, if you have no urgent business, please wait a while out of sympathy.’”"}},{"id":"mn88:5","sourceIds":["mn88:5.1","mn88:5.2","mn88:5.3","mn88:5.4"],"kind":"text","text":{"pi":"“Evaṁ, devā”ti kho so puriso rañño pasenadissa kosalassa paṭissutvā yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ aṭṭhāsi. Ekamantaṁ ṭhito kho so puriso āyasmantaṁ ānandaṁ etadavoca:\n“rājā, bhante, pasenadi kosalo āyasmato ānandassa pāde sirasā vandati;\nevañca vadeti:\n‘sace kira, bhante, āyasmato ānandassa na kiñci accāyikaṁ karaṇīyaṁ, āgametu kira, bhante, āyasmā ānando muhuttaṁ anukampaṁ upādāyā’”ti.","en":"“Yes, Your Majesty,” that man replied. He did as the king asked."}},{"id":"mn88:6","sourceIds":["mn88:6.1","mn88:6.2","mn88:6.3"],"kind":"text","text":{"pi":"Adhivāsesi kho āyasmā ānando tuṇhībhāvena.\nAtha kho rājā pasenadi kosalo yāvatikā nāgassa bhūmi nāgena gantvā nāgā paccorohitvā pattikova yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ aṭṭhāsi. Ekamantaṁ ṭhito kho rājā pasenadi kosalo āyasmantaṁ ānandaṁ etadavoca:\n“sace, bhante, āyasmato ānandassa na kiñci accāyikaṁ karaṇīyaṁ, sādhu, bhante, āyasmā ānando yena aciravatiyā nadiyā tīraṁ tenupasaṅkamatu anukampaṁ upādāyā”ti.","en":"Ānanda consented with silence.\nThen King Pasenadi rode on the elephant as far as the terrain allowed, then descended and approached Ānanda on foot. He bowed, stood to one side, and said to Ānanda,\n“Sir, if you have no urgent business, it would be nice of you to go to the bank of the Aciravatī River out of sympathy.”"}},{"id":"mn88:7","sourceIds":["mn88:7.1","mn88:7.2","mn88:7.3","mn88:7.4","mn88:7.5","mn88:7.6","mn88:7.7"],"kind":"text","text":{"pi":"Adhivāsesi kho āyasmā ānando tuṇhībhāvena.\nAtha kho āyasmā ānando yena aciravatiyā nadiyā tīraṁ tenupasaṅkami; upasaṅkamitvā aññatarasmiṁ rukkhamūle paññatte āsane nisīdi.\nAtha kho rājā pasenadi kosalo yāvatikā nāgassa bhūmi nāgena gantvā nāgā paccorohitvā pattikova yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ aṭṭhāsi. Ekamantaṁ ṭhito kho rājā pasenadi kosalo āyasmantaṁ ānandaṁ etadavoca:\n“idha, bhante, āyasmā ānando hatthatthare nisīdatū”ti.\n“Alaṁ, mahārāja.\nNisīda tvaṁ;\nnisinno ahaṁ sake āsane”ti.","en":"Ānanda consented with silence.\nHe went to the river bank and sat at the root of a certain tree on a seat spread out.\nThen King Pasenadi rode on the elephant as far as the terrain allowed, then descended and approached Ānanda on foot. He bowed, stood to one side, and said to Ānanda,\n“Here, Venerable Ānanda, sit on this elephant rug.”\n“Enough, Great King,\nyou sit on it.\nI’m sitting on my own seat.”"}},{"id":"mn88:8","sourceIds":["mn88:8.1","mn88:8.2","mn88:8.3","mn88:8.4","mn88:8.5","mn88:8.6","mn88:8.7"],"kind":"text","text":{"pi":"Nisīdi kho rājā pasenadi kosalo paññatte āsane.\nNisajja kho rājā pasenadi kosalo āyasmantaṁ ānandaṁ etadavoca:\n“kiṁ nu kho, bhante ānanda, so bhagavā tathārūpaṁ kāyasamācāraṁ samācareyya, yvāssa kāyasamācāro opārambho samaṇehi brāhmaṇehī”ti?\n“Na kho, mahārāja, so bhagavā tathārūpaṁ kāyasamācāraṁ samācareyya, yvāssa kāyasamācāro opārambho samaṇehi brāhmaṇehi viññūhī”ti.\n“Kiṁ pana, bhante ānanda, so bhagavā tathārūpaṁ vacīsamācāraṁ …pe…\nmanosamācāraṁ samācareyya, yvāssa manosamācāro opārambho samaṇehi brāhmaṇehī”ti?\n“Na kho, mahārāja, so bhagavā tathārūpaṁ manosamācāraṁ samācareyya, yvāssa manosamācāro opārambho samaṇehi brāhmaṇehi viññūhī”ti.","en":"So the king sat down on the seat spread out,\nand said,\n“Honorable Ānanda, would the Buddha engage in the sort of behavior—by way of body, speech, or mind—that is faulted by ascetics and brahmins?”\n“No, Great King, the Buddha would not engage in the sort of behavior that is faulted by sensible ascetics and brahmins.”"}},{"id":"mn88:9","sourceIds":["mn88:9.1","mn88:9.2","mn88:9.3","mn88:9.4"],"kind":"text","text":{"pi":"“Acchariyaṁ, bhante, abbhutaṁ, bhante.\nYañhi mayaṁ, bhante, nāsakkhimhā pañhena paripūretuṁ taṁ, bhante, āyasmatā ānandena pañhassa veyyākaraṇena paripūritaṁ.\nYe te, bhante, bālā abyattā ananuvicca apariyogāhetvā paresaṁ vaṇṇaṁ vā avaṇṇaṁ vā bhāsanti, na mayaṁ taṁ sārato paccāgacchāma;\nye pana te, bhante, paṇḍitā viyattā medhāvino anuvicca pariyogāhetvā paresaṁ vaṇṇaṁ vā avaṇṇaṁ vā bhāsanti, mayaṁ taṁ sārato paccāgacchāma.","en":"“It’s incredible, sir, it’s amazing!\nFor I couldn’t fully express the question, but Venerable Ānanda’s answer completed it for me.\nI don’t believe that praise or criticism of others spoken by incompetent fools, without examining or scrutinizing, is the most important thing.\nRather, I believe that praise or criticism of others spoken by competent and intelligent people after examining and scrutinizing is the most important thing."}},{"id":"mn88:10","sourceIds":["mn88:10.1","mn88:10.2","mn88:10.3","mn88:10.4","mn88:10.5","mn88:10.6","mn88:10.7","mn88:10.8","mn88:10.9","mn88:10.10","mn88:10.11","mn88:10.12"],"kind":"text","text":{"pi":"Katamo pana, bhante ānanda, kāyasamācāro opārambho samaṇehi brāhmaṇehi viññūhī”ti?\n“Yo kho, mahārāja, kāyasamācāro akusalo”.\n“Katamo pana, bhante, kāyasamācāro akusalo”?\n“Yo kho, mahārāja, kāyasamācāro sāvajjo”.\n“Katamo pana, bhante, kāyasamācāro sāvajjo”?\n“Yo kho, mahārāja, kāyasamācāro sabyābajjho”.\n“Katamo pana, bhante, kāyasamācāro sabyābajjho”?\n“Yo kho, mahārāja, kāyasamācāro dukkhavipāko”.\n“Katamo pana, bhante, kāyasamācāro dukkhavipāko”?\n“Yo kho, mahārāja, kāyasamācāro attabyābādhāyapi saṁvattati, parabyābādhāyapi saṁvattati, ubhayabyābādhāyapi saṁvattati.\nTassa akusalā dhammā abhivaḍḍhanti, kusalā dhammā parihāyanti;\nevarūpo kho, mahārāja, kāyasamācāro opārambho samaṇehi brāhmaṇehi viññūhī”ti.","en":"But Honorable Ānanda, what kind of bodily behavior is faulted by sensible ascetics and brahmins?”\n“Unskillful behavior.”\n“But what kind of bodily behavior is unskillful?”\n“Blameworthy behavior.”\n“But what kind of bodily behavior is blameworthy?”\n“Hurtful behavior.”\n“But what kind of bodily behavior is hurtful?”\n“Behavior that results in suffering.”\n“But what kind of bodily behavior results in suffering?”\n“Bodily behavior that leads to hurting yourself, hurting others, and hurting both,\nand which makes unskillful qualities grow while skillful qualities decline.\nThat kind of bodily behavior is faulted by sensible ascetics and brahmins.”"}},{"id":"mn88:11","sourceIds":["mn88:11.1","mn88:11.2","mn88:11.3","mn88:11.4","mn88:11.5","mn88:11.6","mn88:11.7"],"kind":"text","text":{"pi":"“Katamo pana, bhante ānanda, vacīsamācāro …pe…\nmanosamācāro opārambho samaṇehi brāhmaṇehi viññūhī”ti?\n“Yo kho, mahārāja, manosamācāro akusalo”.\n“Katamo pana, bhante, manosamācāro akusalo”?\n“Yo kho, mahārāja, manosamācāro sāvajjo”.\n“Katamo pana, bhante, manosamācāro sāvajjo”?\n“Yo kho, mahārāja, manosamācāro sabyābajjho”.","en":"“But what kind of verbal behavior …\nmental behavior is faulted by sensible ascetics and brahmins?” …"}},{"id":"mn88:12","sourceIds":["mn88:12.1","mn88:12.2","mn88:12.3","mn88:12.4","mn88:12.5","mn88:12.6"],"kind":"text","text":{"pi":"“Katamo pana, bhante, manosamācāro sabyābajjho”?\n“Yo kho, mahārāja, manosamācāro dukkhavipāko”.\n“Katamo pana, bhante, manosamācāro dukkhavipāko”?\n“Yo kho, mahārāja, manosamācāro attabyābādhāyapi saṁvattati, parabyābādhāyapi saṁvattati, ubhayabyābādhāyapi saṁvattati.\nTassa akusalā dhammā abhivaḍḍhanti, kusalā dhammā parihāyanti;\nevarūpo kho, mahārāja, manosamācāro opārambho samaṇehi brāhmaṇehi viññūhī”ti.","en":"“Mental behavior that leads to hurting yourself, hurting others, and hurting both,\nand which makes unskillful qualities grow while skillful qualities decline.\nThat kind of mental behavior is faulted by sensible ascetics and brahmins.”"}},{"id":"mn88:13","sourceIds":["mn88:13.1","mn88:13.2"],"kind":"text","text":{"pi":"“Kiṁ nu kho, bhante ānanda, so bhagavā sabbesaṁyeva akusalānaṁ dhammānaṁ pahānaṁ vaṇṇetī”ti?\n“Sabbākusaladhammapahīno kho, mahārāja, tathāgato kusaladhammasamannāgato”ti.","en":"“Sir, does the Buddha praise giving up all these unskillful things?”\n“Great king, the Realized One has given up all unskillful things and possesses skillful things.”"}},{"id":"mn88:14","sourceIds":["mn88:14.1","mn88:14.2","mn88:14.3","mn88:14.4","mn88:14.5","mn88:14.6","mn88:14.7","mn88:14.8","mn88:14.9","mn88:14.10","mn88:14.11","mn88:14.12"],"kind":"text","text":{"pi":"“Katamo pana, bhante ānanda, kāyasamācāro anopārambho samaṇehi brāhmaṇehi viññūhī”ti?\n“Yo kho, mahārāja, kāyasamācāro kusalo”.\n“Katamo pana, bhante, kāyasamācāro kusalo”?\n“Yo kho, mahārāja, kāyasamācāro anavajjo”.\n“Katamo pana, bhante, kāyasamācāro anavajjo”?\n“Yo kho, mahārāja, kāyasamācāro abyābajjho”.\n“Katamo pana, bhante, kāyasamācāro abyābajjho”?\n“Yo kho, mahārāja, kāyasamācāro sukhavipāko”.\n“Katamo pana, bhante, kāyasamācāro sukhavipāko”?\n“Yo kho, mahārāja, kāyasamācāro nevattabyābādhāyapi saṁvattati, na parabyābādhāyapi saṁvattati, na ubhayabyābādhāyapi saṁvattati.\nTassa akusalā dhammā parihāyanti, kusalā dhammā abhivaḍḍhanti.\nEvarūpo kho, mahārāja, kāyasamācāro anopārambho samaṇehi brāhmaṇehi viññūhī”ti.","en":"“But sir, what kind of bodily behavior is not faulted by sensible ascetics and brahmins?”\n“Skillful behavior.”\n“But what kind of bodily behavior is skillful?”\n“Blameless behavior.”\n“But what kind of bodily behavior is blameless?”\n“Pleasing behavior.”\n“But what kind of bodily behavior is pleasing?”\n“Behavior that results in happiness.”\n“But what kind of bodily behavior results in happiness?”\n“Bodily behavior that leads to pleasing yourself, pleasing others, and pleasing both,\nand which makes unskillful qualities decline while skillful qualities grow.\nThat kind of bodily behavior is not faulted by sensible ascetics and brahmins.”"}},{"id":"mn88:15","sourceIds":["mn88:15.1","mn88:15.2","mn88:15.3","mn88:15.4","mn88:15.5"],"kind":"text","text":{"pi":"“Katamo pana, bhante ānanda, vacīsamācāro …pe…\nmanosamācāro anopārambho samaṇehi brāhmaṇehi viññūhī”ti?\n“Yo kho, mahārāja, manosamācāro kusalo”.\n“Katamo pana, bhante, manosamācāro kusalo”?\n“Yo kho, mahārāja, manosamācāro anavajjo”.","en":"“But what kind of verbal behavior …\nmental behavior is not faulted by sensible ascetics and brahmins?” …"}},{"id":"mn88:16","sourceIds":["mn88:16.1","mn88:16.2","mn88:16.3","mn88:16.4","mn88:16.5","mn88:16.6","mn88:16.7","mn88:16.8"],"kind":"text","text":{"pi":"“Katamo pana, bhante, manosamācāro anavajjo”?\n“Yo kho, mahārāja, manosamācāro abyābajjho”.\n“Katamo pana, bhante, manosamācāro abyābajjho”?\n“Yo kho, mahārāja, manosamācāro sukhavipāko”.\n“Katamo pana, bhante, manosamācāro sukhavipāko”?\n“Yo kho, mahārāja, manosamācāro nevattabyābādhāyapi saṁvattati, na parabyābādhāyapi saṁvattati, na ubhayabyābādhāyapi saṁvattati.\nTassa akusalā dhammā parihāyanti, kusalā dhammā abhivaḍḍhanti.\nEvarūpo kho, mahārāja, manosamācāro anopārambho samaṇehi brāhmaṇehi viññūhī”ti.","en":"“Mental behavior that leads to pleasing yourself, pleasing others, and pleasing both,\nand which makes unskillful qualities decline while skillful qualities grow.\nThat kind of mental behavior is not faulted by sensible ascetics and brahmins.”"}},{"id":"mn88:17","sourceIds":["mn88:17.1","mn88:17.2"],"kind":"text","text":{"pi":"“Kiṁ pana, bhante ānanda, so bhagavā sabbesaṁyeva kusalānaṁ dhammānaṁ upasampadaṁ vaṇṇetī”ti?\n“Sabbākusaladhammapahīno kho, mahārāja, tathāgato kusaladhammasamannāgato”ti.","en":"“Sir, does the Buddha praise embracing all these skillful things?”\n“Great king, the Realized One has given up all unskillful things and possesses skillful things.”"}},{"id":"mn88:18","sourceIds":["mn88:18.1","mn88:18.2","mn88:18.3","mn88:18.4","mn88:18.5","mn88:18.6","mn88:18.7","mn88:18.8","mn88:18.9","mn88:18.10","mn88:18.11","mn88:18.12"],"kind":"text","text":{"pi":"“Acchariyaṁ, bhante, abbhutaṁ, bhante.\nYāva subhāsitañcidaṁ, bhante, āyasmatā ānandena.\nIminā ca mayaṁ, bhante, āyasmato ānandassa subhāsitena attamanābhiraddhā.\nEvaṁ attamanābhiraddhā ca mayaṁ, bhante, āyasmato ānandassa subhāsitena.\nSace, bhante, āyasmato ānandassa hatthiratanaṁ kappeyya, hatthiratanampi mayaṁ āyasmato ānandassa dadeyyāma.\nSace, bhante, āyasmato ānandassa assaratanaṁ kappeyya, assaratanampi mayaṁ āyasmato ānandassa dadeyyāma.\nSace, bhante, āyasmato ānandassa gāmavaraṁ kappeyya, gāmavarampi mayaṁ āyasmato ānandassa dadeyyāma.\nApi ca, bhante, mayampetaṁ jānāma:\n‘netaṁ āyasmato ānandassa kappatī’ti.\nAyaṁ me, bhante, bāhitikā raññā māgadhena ajātasattunā vedehiputtena vatthanāḷiyā pakkhipitvā pahitā soḷasasamā āyāmena, aṭṭhasamā vitthārena.\nTaṁ, bhante, āyasmā ānando paṭiggaṇhātu anukampaṁ upādāyā”ti.\n“Alaṁ, mahārāja, paripuṇṇaṁ me ticīvaran”ti.","en":"“It’s incredible, sir, it’s amazing!\nHow well this was said by Venerable Ānanda!\nI’m delighted and satisfied with what you’ve expressed so well.\nSo much so that\nif an elephant-treasure was suitable for you, I would give you one.\nIf a horse-treasure was suitable for you, I would give you one.\nIf a prize village was suitable for you, I would give you one.\nBut, sir, I know that\nthese things are not suitable for you.\nThis foreign cloth was sent to me by King Ajātasattu of Magadha, son of the princess of Videha, packed in a parasol case. It’s exactly sixteen measures long and eight wide.\nMay Venerable Ānanda please accept it out of sympathy.”\n“Enough, Great King. My three robes are complete.”"}},{"id":"mn88:19","sourceIds":["mn88:19.1","mn88:19.2","mn88:19.3","mn88:19.4","mn88:19.5","mn88:19.6"],"kind":"text","text":{"pi":"“Ayaṁ, bhante, aciravatī nadī diṭṭhā āyasmatā ceva ānandena amhehi ca.\nYadā uparipabbate mahāmegho abhippavuṭṭho hoti, athāyaṁ aciravatī nadī ubhato kūlāni saṁvissandantī gacchati;\nevameva kho, bhante, āyasmā ānando imāya bāhitikāya attano ticīvaraṁ karissati.\nYaṁ panāyasmato ānandassa purāṇaṁ ticīvaraṁ taṁ sabrahmacārīhi saṁvibhajissati.\nEvāyaṁ amhākaṁ dakkhiṇā saṁvissandantī maññe gamissati.\nPaṭiggaṇhātu, bhante, āyasmā ānando bāhitikan”ti.","en":"“Sir, we have both seen this Aciravatī River\nwhen it has rained heavily in the mountains, and the river overflows both its banks.\nIn the same way, Venerable Ānanda can make a set of three robes for himself from this foreign cloth,\nand you can share your old robes with your fellow monks.\nIn this way my religious donation will come to overflow, it seems to me.\nPlease accept the foreign cloth.”"}},{"id":"mn88:20","sourceIds":["mn88:20.1","mn88:20.2","mn88:20.3","mn88:20.4","mn88:20.5","mn88:20.6"],"kind":"text","text":{"pi":"Paṭiggahesi kho āyasmā ānando bāhitikaṁ.\nAtha kho rājā pasenadi kosalo āyasmantaṁ ānandaṁ etadavoca:\n“handa ca dāni mayaṁ, bhante ānanda, gacchāma;\nbahukiccā mayaṁ bahukaraṇīyā”ti.\n“Yassadāni tvaṁ, mahārāja, kālaṁ maññasī”ti.\nAtha kho rājā pasenadi kosalo āyasmato ānandassa bhāsitaṁ abhinanditvā anumoditvā uṭṭhāyāsanā āyasmantaṁ ānandaṁ abhivādetvā padakkhiṇaṁ katvā pakkāmi.","en":"So Ānanda accepted it.\nThen King Pasenadi said to him,\n“Well, now, sir, I must go.\nI have many duties, and much to do.”\n“Please, Great King, go at your convenience.”\nThen King Pasenadi approved and agreed with what Ānanda said. He rose from his seat, bowed, and respectfully circled Ānanda, keeping him on his right, before leaving."}},{"id":"mn88:21","sourceIds":["mn88:21.1","mn88:21.2","mn88:21.3"],"kind":"text","text":{"pi":"Atha kho āyasmā ānando acirapakkantassa rañño pasenadissa kosalassa yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho āyasmā ānando yāvatako ahosi raññā pasenadinā kosalena saddhiṁ kathāsallāpo taṁ sabbaṁ bhagavato ārocesi.\nTañca bāhitikaṁ bhagavato pādāsi.","en":"Soon after he left, Ānanda went to the Buddha, bowed, sat down to one side,\nand told him what had happened.\nHe presented the cloth to the Buddha."}},{"id":"mn88:22","sourceIds":["mn88:22.1","mn88:22.2","mn88:22.3","mn88:22.4","mn88:22.5","mn88:22.6"],"kind":"text","text":{"pi":"Atha kho bhagavā bhikkhū āmantesi:\n“lābhā, bhikkhave, rañño pasenadissa kosalassa, suladdhalābhā, bhikkhave, rañño pasenadissa kosalassa;\nyaṁ rājā pasenadi kosalo labhati ānandaṁ dassanāya, labhati payirupāsanāyā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nBāhitikasuttaṁ niṭṭhitaṁ aṭṭhamaṁ.","en":"Then the Buddha said to the mendicants,\n“Mendicants, King Pasenadi is lucky, so very lucky,\nto get to see Ānanda and pay homage to him.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn88/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}