{"id":"mn89","title":"Shrines to the Teaching","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn89","title":"Shrines to the Teaching","units":[{"id":"mn89:0","sourceIds":["mn89:0.1","mn89:0.2"],"kind":"text","text":{"pi":"Majjhima Nikāya 89\nDhammacetiyasutta","en":"Middle Discourses 89\nShrines to the Teaching"}},{"id":"mn89:1","sourceIds":["mn89:1.1","mn89:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sakkesu viharati medāḷupaṁ nāma sakyānaṁ nigamo.","en":"So I have heard.\nAt one time the Buddha was staying in the land of the Sakyans, near the Sakyan town named Medaḷumpa."}},{"id":"mn89:2","sourceIds":["mn89:2.1","mn89:2.2","mn89:2.3","mn89:2.4","mn89:2.5","mn89:2.6"],"kind":"text","text":{"pi":"Tena kho pana samayena rājā pasenadi kosalo nagarakaṁ anuppatto hoti kenacideva karaṇīyena.\nAtha kho rājā pasenadi kosalo dīghaṁ kārāyanaṁ āmantesi:\n“yojehi, samma kārāyana, bhadrāni bhadrāni yānāni, uyyānabhūmiṁ gacchāma subhūmiṁ dassanāyā”ti.\n“Evaṁ, devā”ti kho dīgho kārāyano rañño pasenadissa kosalassa paṭissutvā bhadrāni bhadrāni yānāni yojāpetvā rañño pasenadissa kosalassa paṭivedesi:\n“yuttāni kho te, deva, bhadrāni bhadrāni yānāni.\nYassadāni kālaṁ maññasī”ti.","en":"Now at that time King Pasenadi of Kosala had arrived at Townsville on some business.\nThen he addressed Dīgha Kārāyana,\n“My good Kārāyana, harness the finest chariots. We will go to a park and see the scenery.”\n“Yes, Your Majesty,” replied Dīgha Kārāyana. He harnessed the chariots and informed the king,\n“Your Majesty, the finest chariots are harnessed.\nPlease go at your convenience.”"}},{"id":"mn89:3","sourceIds":["mn89:3.1","mn89:3.2","mn89:3.3"],"kind":"text","text":{"pi":"Atha kho rājā pasenadi kosalo bhadraṁ yānaṁ abhiruhitvā bhadrehi bhadrehi yānehi nagarakamhā niyyāsi mahaccā rājānubhāvena.\nYena ārāmo tena pāyāsi.\nYāvatikā yānassa bhūmi, yānena gantvā yānā paccorohitvā pattikova ārāmaṁ pāvisi.","en":"Then King Pasenadi mounted a fine carriage and, along with other fine carriages, set out in full royal pomp from Townsville,\nheading for the park grounds.\nHe went by carriage as far as the terrain allowed, then descended and entered the park on foot."}},{"id":"mn89:4","sourceIds":["mn89:4.1","mn89:4.2","mn89:4.3","mn89:4.4","mn89:4.5","mn89:4.6"],"kind":"text","text":{"pi":"Addasā kho rājā pasenadi kosalo ārāme jaṅghāvihāraṁ anucaṅkamamāno anuvicaramāno rukkhamūlāni pāsādikāni pasādanīyāni appasaddāni appanigghosāni vijanavātāni manussarāhasseyyakāni paṭisallānasāruppāni.\nDisvāna bhagavantaṁyeva ārabbha sati udapādi:\n“imāni kho tāni rukkhamūlāni pāsādikāni pasādanīyāni appasaddāni appanigghosāni vijanavātāni manussarāhasseyyakāni paṭisallānasāruppāni, yattha sudaṁ mayaṁ taṁ bhagavantaṁ payirupāsāma arahantaṁ sammāsambuddhan”ti.\nAtha kho rājā pasenadi kosalo dīghaṁ kārāyanaṁ āmantesi:\n“imāni kho, samma kārāyana, tāni rukkhamūlāni pāsādikāni pasādanīyāni appasaddāni appanigghosāni vijanavātāni manussarāhasseyyakāni paṭisallānasāruppāni, yattha sudaṁ mayaṁ taṁ bhagavantaṁ payirupāsāma arahantaṁ sammāsambuddhaṁ.\nKahaṁ nu kho, samma kārāyana, etarahi so bhagavā viharati arahaṁ sammāsambuddho”ti?","en":"As he was going for a walk in the park he saw roots of trees that were impressive and inspiring, quiet and still, far from the madding crowd, remote from human settlements, and fit for retreat.\nThe sight reminded him right away of the Buddha:\n“These roots of trees, so impressive and inspiring, are like those where we used to pay homage to the Blessed One, the perfected one, the fully awakened Buddha.”\nHe addressed Dīgha Kārāyana,\n“These roots of trees, so impressive and inspiring, are like those where we used to pay homage to the Blessed One, the perfected one, the fully awakened Buddha.\nMy good Kārāyana, where is that Buddha at present?”"}},{"id":"mn89:5","sourceIds":["mn89:5.1","mn89:5.2","mn89:5.3","mn89:5.4","mn89:5.5","mn89:5.6","mn89:5.7","mn89:5.8","mn89:5.9","mn89:5.10"],"kind":"text","text":{"pi":"“Atthi, mahārāja, medāḷupaṁ nāma sakyānaṁ nigamo.\nTattha so bhagavā etarahi viharati arahaṁ sammāsambuddho”ti.\n“Kīvadūre pana, samma kārāyana, nagarakamhā medāḷupaṁ nāma sakyānaṁ nigamo hotī”ti?\n“Na dūre, mahārāja;\ntīṇi yojanāni;\nsakkā divasāvasesena gantun”ti.\n“Tena hi, samma kārāyana, yojehi bhadrāni bhadrāni yānāni, gamissāma mayaṁ taṁ bhagavantaṁ dassanāya arahantaṁ sammāsambuddhan”ti.\n“Evaṁ, devā”ti kho dīgho kārāyano rañño pasenadissa kosalassa paṭissutvā bhadrāni bhadrāni yānāni yojāpetvā rañño pasenadissa kosalassa paṭivedesi:\n“yuttāni kho te, deva, bhadrāni bhadrāni yānāni.\nYassadāni kālaṁ maññasī”ti.","en":"“Great king, there is a Sakyan town named Medaḷumpa.\nThat’s where the Buddha is now staying.”\n“But how far away is that town?”\n“Not far, Great King,\nit’s three leagues.\nWe can get there while it’s still light.”\n“Well then, harness the chariots, and we shall go to see the Buddha.”\n“Yes, Your Majesty,” replied Dīgha Kārāyana. He harnessed the chariots and informed the king,\n“Your Majesty, the finest chariots are harnessed.\nPlease go at your convenience.”"}},{"id":"mn89:6","sourceIds":["mn89:6.1","mn89:6.2","mn89:6.3","mn89:6.4"],"kind":"text","text":{"pi":"Atha kho rājā pasenadi kosalo bhadraṁ yānaṁ abhiruhitvā bhadrehi bhadrehi yānehi nagarakamhā yena medāḷupaṁ nāma sakyānaṁ nigamo tena pāyāsi.\nTeneva divasāvasesena medāḷupaṁ nāma sakyānaṁ nigamaṁ sampāpuṇi.\nYena ārāmo tena pāyāsi.\nYāvatikā yānassa bhūmi, yānena gantvā yānā paccorohitvā pattikova ārāmaṁ pāvisi.","en":"Then King Pasenadi mounted a fine carriage and, along with other fine carriages, set out from Townsville to Medaḷumpa.\nHe reached the town while it was still light\nand headed for the monastery grounds.\nHe went by carriage as far as the terrain allowed, then descended and entered the monastery on foot."}},{"id":"mn89:7","sourceIds":["mn89:7.1","mn89:7.2","mn89:7.3","mn89:7.4"],"kind":"text","text":{"pi":"Tena kho pana samayena sambahulā bhikkhū abbhokāse caṅkamanti.\nAtha kho rājā pasenadi kosalo yena te bhikkhū tenupasaṅkami; upasaṅkamitvā te bhikkhū etadavoca:\n“kahaṁ nu kho, bhante, etarahi so bhagavā viharati arahaṁ sammāsambuddho?\nDassanakāmā hi mayaṁ taṁ bhagavantaṁ arahantaṁ sammāsambuddhan”ti.","en":"At that time several mendicants were walking mindfully in the open air.\nKing Pasenadi of Kosala went up to them and said,\n“Sirs, where is the Blessed One at present, the perfected one, the fully awakened Buddha?\nFor I want to see him.”"}},{"id":"mn89:8","sourceIds":["mn89:8.1","mn89:8.2","mn89:8.3","mn89:8.4","mn89:8.5"],"kind":"text","text":{"pi":"“Eso, mahārāja, vihāro saṁvutadvāro. Tena appasaddo upasaṅkamitvā ataramāno āḷindaṁ pavisitvā ukkāsitvā aggaḷaṁ ākoṭehi. Vivarissati bhagavā te dvāran”ti.\nAtha kho rājā pasenadi kosalo tattheva khaggañca uṇhīsañca dīghassa kārāyanassa pādāsi.\nAtha kho dīghassa kārāyanassa etadahosi:\n“rahāyati kho dāni rājā, idheva dāni mayā ṭhātabban”ti.\nAtha kho rājā pasenadi kosalo yena so vihāro saṁvutadvāro tena appasaddo upasaṅkamitvā ataramāno āḷindaṁ pavisitvā ukkāsitvā aggaḷaṁ ākoṭesi. Vivari bhagavā dvāraṁ.","en":"“Great king, that’s his dwelling, with the door closed. Approach it quietly, without hurrying; go onto the porch, clear your throat, and knock on the door-panel. The Buddha will open the door.”\nThe king right away presented his sword and turban to Dīgha Kārāyana,\nwho thought,\n“Now the king seeks privacy. I should wait here.”\nThen the king approached the Buddha’s dwelling, cleared his throat and knocked on the door-panel, and the Buddha opened the door."}},{"id":"mn89:9","sourceIds":["mn89:9.1","mn89:9.2","mn89:9.3","mn89:9.4"],"kind":"text","text":{"pi":"Atha kho rājā pasenadi kosalo vihāraṁ pavisitvā bhagavato pādesu sirasā nipatitvā bhagavato pādāni mukhena ca paricumbati, pāṇīhi ca parisambāhati, nāmañca sāveti:\n“rājāhaṁ, bhante, pasenadi kosalo;\nrājāhaṁ, bhante, pasenadi kosalo”ti.\n“Kiṁ pana tvaṁ, mahārāja, atthavasaṁ sampassamāno imasmiṁ sarīre evarūpaṁ paramanipaccakāraṁ karosi, mittūpahāraṁ upadaṁsesī”ti?","en":"King Pasenadi entered the dwelling, and bowed with his head to the Buddha’s feet, caressing them and covering them with kisses, and pronounced his name:\n“Sir, I am Pasenadi, king of Kosala!\nI am Pasenadi, king of Kosala!”\n“But, Great King, for what reason do you demonstrate such utmost deference for this body, conveying your manifest love?”"}},{"id":"mn89:10","sourceIds":["mn89:10.1","mn89:10.2","mn89:10.3","mn89:10.4","mn89:10.5","mn89:10.6","mn89:10.7","mn89:10.8"],"kind":"text","text":{"pi":"“Atthi kho me, bhante, bhagavati dhammanvayo hoti:\n‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.\nIdhāhaṁ, bhante, passāmi eke samaṇabrāhmaṇe pariyantakataṁ brahmacariyaṁ carante dasapi vassāni, vīsampi vassāni, tiṁsampi vassāni, cattārīsampi vassāni.\nTe aparena samayena sunhātā suvilittā kappitakesamassū pañcahi kāmaguṇehi samappitā samaṅgībhūtā paricārenti.\nIdha panāhaṁ, bhante, bhikkhū passāmi yāvajīvaṁ āpāṇakoṭikaṁ paripuṇṇaṁ parisuddhaṁ brahmacariyaṁ carante.\nNa kho panāhaṁ, bhante, ito bahiddhā aññaṁ evaṁ paripuṇṇaṁ parisuddhaṁ brahmacariyaṁ samanupassāmi.\nAyampi kho me, bhante, bhagavati dhammanvayo hoti:\n‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.","en":"“Sir, I infer about the Buddha from the teaching:\n‘The Blessed One is a fully awakened Buddha. The teaching is well explained. The Saṅgha is practicing well.’\nIt happens, sir, that I see some ascetics and brahmins leading the spiritual life only for a limited period: ten, twenty, thirty, or forty years.\nSome time later—nicely bathed and anointed, with hair and beard dressed—they amuse themselves, supplied and provided with the five kinds of sensual stimulation.\nBut here I see the mendicants leading the spiritual life entirely full and pure as long as they live, to their last breath.\nI don’t see any other spiritual life elsewhere so full and pure.\nThat’s why I infer this about the Buddha from the teaching:\n‘The Blessed One is a fully awakened Buddha. The teaching is well explained. The Saṅgha is practicing well.’"}},{"id":"mn89:11","sourceIds":["mn89:11.1","mn89:11.2","mn89:11.3","mn89:11.4","mn89:11.5"],"kind":"text","text":{"pi":"Puna caparaṁ, bhante, rājānopi rājūhi vivadanti, khattiyāpi khattiyehi vivadanti, brāhmaṇāpi brāhmaṇehi vivadanti, gahapatayopi gahapatīhi vivadanti, mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati.\nIdha panāhaṁ, bhante, bhikkhū passāmi samagge sammodamāne avivadamāne khīrodakībhūte aññamaññaṁ piyacakkhūhi sampassante viharante.\nNa kho panāhaṁ, bhante, ito bahiddhā aññaṁ evaṁ samaggaṁ parisaṁ samanupassāmi.\nAyampi kho me, bhante, bhagavati dhammanvayo hoti:\n‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.","en":"Furthermore, kings fight with kings, aristocrats fight with aristocrats, brahmins fight with brahmins, householders fight with householders. A mother fights with her child, child with mother, father with child, and child with father. Brother fights with brother, brother with sister, sister with brother, and friend fights with friend.\nBut here I see the mendicants living in harmony, appreciating each other, without dispute, blending like milk and water, and regarding each other with kindly eyes.\nI don’t see any other assembly elsewhere so harmonious.\nSo I infer this about the Buddha from the teaching:\n‘The Blessed One is a fully awakened Buddha. The teaching is well explained. The Saṅgha is practicing well.’"}},{"id":"mn89:12","sourceIds":["mn89:12.1","mn89:12.2","mn89:12.3","mn89:12.4","mn89:12.5","mn89:12.6","mn89:12.7","mn89:12.8","mn89:12.9","mn89:12.10","mn89:12.11","mn89:12.12","mn89:12.13","mn89:12.14","mn89:12.15"],"kind":"text","text":{"pi":"Puna caparāhaṁ, bhante, ārāmena ārāmaṁ, uyyānena uyyānaṁ anucaṅkamāmi anuvicarāmi.\nSohaṁ tattha passāmi eke samaṇabrāhmaṇe kise lūkhe dubbaṇṇe uppaṇḍuppaṇḍukajāte dhamanisanthatagatte, na viya maññe cakkhuṁ bandhante janassa dassanāya.\nTassa mayhaṁ, bhante, etadahosi:\n‘addhā ime āyasmanto anabhiratā vā brahmacariyaṁ caranti, atthi vā tesaṁ kiñci pāpaṁ kammaṁ kataṁ paṭicchannaṁ;\ntathā hi ime āyasmanto kisā lūkhā dubbaṇṇā uppaṇḍuppaṇḍukajātā dhamanisanthatagattā, na viya maññe cakkhuṁ bandhanti janassa dassanāyā’ti.\nTyāhaṁ upasaṅkamitvā evaṁ vadāmi:\n‘kiṁ nu kho tumhe āyasmanto kisā lūkhā dubbaṇṇā uppaṇḍuppaṇḍukajātā dhamanisanthatagattā, na viya maññe cakkhuṁ bandhatha janassa dassanāyā’ti?\nTe evamāhaṁsu:\n‘bandhukarogo no, mahārājā’ti.\nIdha panāhaṁ, bhante, bhikkhū passāmi haṭṭhapahaṭṭhe udaggudagge abhiratarūpe pīṇindriye appossukke pannalome paradattavutte migabhūtena cetasā viharante.\nTassa mayhaṁ, bhante, etadahosi:\n‘addhā ime āyasmanto tassa bhagavato sāsane uḷāraṁ pubbenāparaṁ visesaṁ jānanti;\ntathā hi ime āyasmanto haṭṭhapahaṭṭhā udaggudaggā abhiratarūpā pīṇindriyā appossukkā pannalomā paradattavuttā migabhūtena cetasā viharantī’ti.\nAyampi kho me, bhante, bhagavati dhammanvayo hoti:\n‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.","en":"Furthermore, I have walked and wandered from monastery to monastery and from park to park.\nThere I’ve seen some ascetics and brahmins who are thin, haggard, pale, and veiny—hardly a captivating sight for people, you’d think.\nIt occurred to me:\n‘Clearly these venerables lead the spiritual life dissatisfied, or they’re hiding some bad deed they’ve done.\nThat’s why they’re thin, haggard, pale, and veiny—hardly a captivating sight for people, you’d think.’\nI went up to them and said:\n‘Venerables, why are you so thin, haggard, pale, and veiny—hardly a captivating sight for people, you’d think?’\nThey say:\n‘We have jaundice, Great King.’\nBut here I see mendicants always smiling and joyful, obviously happy, with cheerful faces, living relaxed, unruffled, surviving on charity, their hearts free as a wild deer.\nIt occurred to me:\n‘Clearly these venerables have realized a higher distinction in the Buddha’s instructions than they had before.\nThat’s why these venerables are always smiling and joyful, obviously happy, with cheerful faces, living relaxed, unruffled, surviving on charity, their hearts free as a wild deer.’\nSo I infer this about the Buddha from the teaching:\n‘The Blessed One is a fully awakened Buddha. The teaching is well explained. The Saṅgha is practicing well.’"}},{"id":"mn89:13","sourceIds":["mn89:13.1","mn89:13.2","mn89:13.3","mn89:13.4","mn89:13.5","mn89:13.6","mn89:13.7","mn89:13.8","mn89:13.9","mn89:13.10","mn89:13.11","mn89:13.12","mn89:13.13","mn89:13.14","mn89:13.15","mn89:13.16","mn89:13.17","mn89:13.18"],"kind":"text","text":{"pi":"Puna caparāhaṁ, bhante, rājā khattiyo muddhāvasitto;\npahomi ghātetāyaṁ vā ghātetuṁ, jāpetāyaṁ vā jāpetuṁ, pabbājetāyaṁ vā pabbājetuṁ.\nTassa mayhaṁ, bhante, aḍḍakaraṇe nisinnassa antarantarā kathaṁ opātenti.\nSohaṁ na labhāmi:\n‘mā me bhonto aḍḍakaraṇe nisinnassa antarantarā kathaṁ opātetha, kathāpariyosānaṁ me bhonto āgamentū’ti.\nTassa mayhaṁ, bhante, antarantarā kathaṁ opātenti.\nIdha panāhaṁ, bhante, bhikkhū passāmi;\nyasmiṁ samaye bhagavā anekasatāya parisāya dhammaṁ deseti, neva tasmiṁ samaye bhagavato sāvakānaṁ khipitasaddo vā hoti ukkāsitasaddo vā.\nBhūtapubbaṁ, bhante, bhagavā anekasatāya parisāya dhammaṁ deseti.\nTatraññataro bhagavato sāvako ukkāsi.\nTamenaṁ aññataro sabrahmacārī jaṇṇukena ghaṭṭesi:\n‘appasaddo āyasmā hotu, māyasmā saddamakāsi; satthā no bhagavā dhammaṁ desetī’ti.\nTassa mayhaṁ, bhante, etadahosi:\n‘acchariyaṁ vata bho, abbhutaṁ vata bho.\nAdaṇḍena vata kira, bho, asatthena evaṁ suvinītā parisā bhavissatī’ti.\nNa kho panāhaṁ, bhante, ito bahiddhā aññaṁ evaṁ suvinītaṁ parisaṁ samanupassāmi.\nAyampi kho me, bhante, bhagavati dhammanvayo hoti:\n‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.","en":"Furthermore, as an anointed aristocratic king\nI am able to execute, fine, or banish those who are guilty.\nYet when I’m sitting in court they interrupt me.\nAnd I can’t get them\nto stop interrupting me and wait until I’ve finished speaking.\nBut here I see the mendicants\nwhile the Buddha is teaching an assembly of many hundreds, and there is no sound of his disciples coughing or clearing their throats.\nOnce it so happened that the Buddha was teaching an assembly of many hundreds.\nThen one of his disciples cleared their throat.\nAnd one of their spiritual companions nudged them with their knee, to indicate:\n‘Hush, venerable, don’t make a sound! Our teacher, the Blessed One, is teaching!’\nIt occurred to me:\n‘Oh lord, how incredible, how amazing,\nhow an assembly can be so well trained without rod or sword!’\nI don’t see any other assembly elsewhere so well trained.\nSo I infer this about the Buddha from the teaching:\n‘The Blessed One is a fully awakened Buddha. The teaching is well explained. The Saṅgha is practicing well.’"}},{"id":"mn89:14","sourceIds":["mn89:14.1","mn89:14.2","mn89:14.3","mn89:14.4","mn89:14.5","mn89:14.6","mn89:14.7","mn89:14.8","mn89:14.9","mn89:14.10","mn89:14.11","mn89:14.12","mn89:14.13","mn89:14.14","mn89:14.15"],"kind":"text","text":{"pi":"Puna caparāhaṁ, bhante, passāmi idhekacce khattiyapaṇḍite nipuṇe kataparappavāde vālavedhirūpe. Te bhindantā maññe caranti paññāgatena diṭṭhigatāni.\nTe suṇanti:\n‘samaṇo khalu, bho, gotamo amukaṁ nāma gāmaṁ vā nigamaṁ vā osarissatī’ti.\nTe pañhaṁ abhisaṅkharonti:\n‘imaṁ mayaṁ pañhaṁ samaṇaṁ gotamaṁ upasaṅkamitvā pucchissāma.\nEvañce no puṭṭho evaṁ byākarissati, evamassa mayaṁ vādaṁ āropessāma;\nevañcepi no puṭṭho evaṁ byākarissati, evampissa mayaṁ vādaṁ āropessāmā’ti.\nTe suṇanti:\n‘samaṇo khalu, bho, gotamo amukaṁ nāma gāmaṁ vā nigamaṁ vā osaṭo’ti.\nTe yena bhagavā tenupasaṅkamanti.\nTe bhagavā dhammiyā kathāya sandasseti samādapeti samuttejeti sampahaṁseti.\nTe bhagavatā dhammiyā kathāya sandassitā samādapitā samuttejitā sampahaṁsitā na ceva bhagavantaṁ pañhaṁ pucchanti, kuto vādaṁ āropessanti?\nAññadatthu bhagavato sāvakā sampajjanti.\nAyampi kho me, bhante, bhagavati dhammanvayo hoti:\n‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.","en":"Furthermore, I’ve seen some astute aristocrats who are subtle, accomplished in the doctrines of others, hair-splitters. You’d think they live to demolish convictions with their intellect.\nThey hear:\n‘So, gentlemen, that ascetic Gotama will come down to such-and-such village or town.’\nThey formulate a question, thinking:\n‘We’ll approach the ascetic Gotama and ask him this question.\nIf he answers like this, we’ll refute him like that;\nand if he answers like that, we’ll refute him like this.’\nWhen they hear that\nhe has come down\nthey approach him.\nThe Buddha educates, encourages, fires up, and inspires them with a Dhamma talk.\nThey don’t even get around to asking their question to the Buddha, so how could they refute his answer?\nInvariably, they become his disciples.\nSo I infer this about the Buddha from the teaching:\n‘The Blessed One is a fully awakened Buddha. The teaching is well explained. The Saṅgha is practicing well.’"}},{"id":"mn89:15","sourceIds":["mn89:15.1"],"kind":"text","text":{"pi":"Puna caparāhaṁ, bhante, passāmi idhekacce brāhmaṇapaṇḍite …pe…","en":"Furthermore, I see some astute brahmins …"}},{"id":"mn89:16","sourceIds":["mn89:16.1"],"kind":"text","text":{"pi":"gahapatipaṇḍite …pe…","en":"some astute householders …"}},{"id":"mn89:17","sourceIds":["mn89:17.1","mn89:17.2","mn89:17.3","mn89:17.4","mn89:17.5","mn89:17.6","mn89:17.7","mn89:17.8","mn89:17.9","mn89:17.10","mn89:17.11","mn89:17.12","mn89:17.13","mn89:17.14","mn89:17.15","mn89:17.16","mn89:17.17","mn89:17.18","mn89:17.19","mn89:17.20","mn89:17.21"],"kind":"text","text":{"pi":"samaṇapaṇḍite nipuṇe kataparappavāde vālavedhirūpe. Te bhindantā maññe caranti paññāgatena diṭṭhigatāni.\nTe suṇanti:\n‘samaṇo khalu, bho, gotamo amukaṁ nāma gāmaṁ vā nigamaṁ vā osarissatī’ti.\nTe pañhaṁ abhisaṅkharonti:\n‘imaṁ mayaṁ pañhaṁ samaṇaṁ gotamaṁ upasaṅkamitvā pucchissāma.\nEvañce no puṭṭho evaṁ byākarissati, evamassa mayaṁ vādaṁ āropessāma;\nevañcepi no puṭṭho evaṁ byākarissati, evampissa mayaṁ vādaṁ āropessāmā’ti.\nTe suṇanti:\n‘samaṇo khalu, bho, gotamo amukaṁ nāma gāmaṁ vā nigamaṁ vā osaṭo’ti.\nTe yena bhagavā tenupasaṅkamanti.\nTe bhagavā dhammiyā kathāya sandasseti samādapeti samuttejeti sampahaṁseti.\nTe bhagavatā dhammiyā kathāya sandassitā samādapitā samuttejitā sampahaṁsitā na ceva bhagavantaṁ pañhaṁ pucchanti, kuto vādaṁ āropessanti?\nAññadatthu bhagavantaṁyeva okāsaṁ yācanti agārasmā anagāriyaṁ pabbajjāya.\nTe bhagavā pabbājeti.\nTe tathāpabbajitā samānā ekā vūpakaṭṭhā appamattā ātāpino pahitattā viharantā nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja viharanti.\nTe evamāhaṁsu:\n‘manaṁ vata, bho, anassāma; manaṁ vata, bho, panassāma’.\nMayañhi pubbe assamaṇāva samānā samaṇāmhāti paṭijānimhā, abrāhmaṇāva samānā brāhmaṇāmhāti paṭijānimhā, anarahantova samānā arahantāmhāti paṭijānimhā.\n‘Idāni khomha samaṇā, idāni khomha brāhmaṇā, idāni khomha arahanto’ti.\nAyampi kho me, bhante, bhagavati dhammanvayo hoti:\n‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.","en":"some astute ascetics who are subtle, accomplished in the doctrines of others, hair-splitters. …\nThey don’t even get around to asking their question to the Buddha, so how could they refute his answer?\nInvariably, they ask the Buddha for the chance to go forth.\nAnd he gives them the going-forth.\nSoon after going forth, living withdrawn, diligent, keen, and resolute, they realize the supreme culmination of the spiritual path in this very life. They live having achieved with their own insight the goal for which gentlemen rightly go forth from the lay life to homelessness.\nThey say:\n‘We were almost lost! We almost perished!\nFor we used to claim that we were ascetics, brahmins, and perfected ones, but we were none of these things.\nBut now we really are ascetics, brahmins, and perfected ones!’\nSo I infer this about the Buddha from the teaching:\n‘The Blessed One is a fully awakened Buddha. The teaching is well explained. The Saṅgha is practicing well.’"}},{"id":"mn89:18","sourceIds":["mn89:18.1","mn89:18.2","mn89:18.3","mn89:18.4","mn89:18.5","mn89:18.6","mn89:18.7","mn89:18.8","mn89:18.9","mn89:18.10","mn89:18.11"],"kind":"text","text":{"pi":"Puna caparāhaṁ, bhante, ime isidattapurāṇā thapatayo mamabhattā mamayānā, ahaṁ nesaṁ jīvikāya dātā, yasassa āhattā;\natha ca pana no tathā mayi nipaccakāraṁ karonti yathā bhagavati.\nBhūtapubbāhaṁ, bhante, senaṁ abbhuyyāto samāno ime ca isidattapurāṇā thapatayo vīmaṁsamāno aññatarasmiṁ sambādhe āvasathe vāsaṁ upagacchiṁ.\nAtha kho, bhante, ime isidattapurāṇā thapatayo bahudeva rattiṁ dhammiyā kathāya vītināmetvā, yato ahosi bhagavā tato sīsaṁ katvā maṁ pādato karitvā nipajjiṁsu.\nTassa mayhaṁ, bhante, etadahosi:\n‘acchariyaṁ vata bho, abbhutaṁ vata bho.\nIme isidattapurāṇā thapatayo mamabhattā mamayānā, ahaṁ nesaṁ jīvikāya dātā, yasassa āhattā;\natha ca pana no tathā mayi nipaccakāraṁ karonti yathā bhagavati.\nAddhā ime āyasmanto tassa bhagavato sāsane uḷāraṁ pubbenāparaṁ visesaṁ jānantī’ti.\nAyampi kho me, bhante, bhagavati dhammanvayo hoti:\n‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.","en":"Furthermore, these chamberlains Isidatta and Purāṇa share my meals and my carriages. I give them a livelihood and bring them renown.\nAnd yet they don’t show me the same level of deference that they show to the Buddha.\nOnce it so happened that while I was leading a military campaign and testing Isidatta and Purāṇa I took up residence in a cramped house.\nThey spent much of the night discussing the teaching, then they lay down with their heads toward where the Buddha was and their feet toward me.\nIt occurred to me:\n‘Oh lord, how incredible, how amazing!\nThese chamberlains Isidatta and Purāṇa share my meals and my carriages. I give them a livelihood and bring them renown.\nAnd yet they don’t show me the same level of deference that they show to the Buddha.\nClearly these venerables have realized a higher distinction in the Buddha’s instructions than they had before.’\nSo I infer this about the Buddha from the teaching:\n‘The Blessed One is a fully awakened Buddha. The teaching is well explained. The Saṅgha is practicing well.’"}},{"id":"mn89:19","sourceIds":["mn89:19.1","mn89:19.2","mn89:19.3","mn89:19.4","mn89:19.5"],"kind":"text","text":{"pi":"Puna caparaṁ, bhante, bhagavāpi khattiyo, ahampi khattiyo;\nbhagavāpi kosalo, ahampi kosalo;\nbhagavāpi āsītiko, ahampi āsītiko.\nYampi, bhante, bhagavāpi khattiyo ahampi khattiyo, bhagavāpi kosalo ahampi kosalo, bhagavāpi āsītiko ahampi āsītiko;\nimināvārahāmevāhaṁ, bhante, bhagavati paramanipaccakāraṁ kātuṁ, mittūpahāraṁ upadaṁsetuṁ.","en":"Furthermore, the Buddha is an aristocrat, and so am I.\nThe Buddha is Kosalan, and so am I.\nThe Buddha is eighty years old, and so am I.\nSince this is so,\nit’s proper for me to act with such utmost deference for the Buddha and convey my manifest love."}},{"id":"mn89:20","sourceIds":["mn89:20.1","mn89:20.2","mn89:20.3","mn89:20.4"],"kind":"text","text":{"pi":"Handa ca dāni mayaṁ, bhante, gacchāma;\nbahukiccā mayaṁ bahukaraṇīyā”ti.\n“Yassadāni tvaṁ, mahārāja, kālaṁ maññasī”ti.\nAtha kho rājā pasenadi kosalo uṭṭhāyāsanā bhagavantaṁ abhivādetvā padakkhiṇaṁ katvā pakkāmi.","en":"Well, now, sir, I must go.\nI have many duties, and much to do.”\n“Please, Great King, go at your convenience.”\nThen King Pasenadi rose from his seat, bowed, and respectfully circled the Buddha, keeping him on his right, before leaving."}},{"id":"mn89:21","sourceIds":["mn89:21.1","mn89:21.2","mn89:21.3","mn89:21.4","mn89:21.5","mn89:21.6","mn89:21.7","mn89:21.8","mn89:21.9"],"kind":"text","text":{"pi":"Atha kho bhagavā acirapakkantassa rañño pasenadissa kosalassa bhikkhū āmantesi:\n“eso, bhikkhave, rājā pasenadi kosalo dhammacetiyāni bhāsitvā uṭṭhāyāsanā pakkanto.\nUggaṇhatha, bhikkhave, dhammacetiyāni;\npariyāpuṇātha, bhikkhave, dhammacetiyāni;\ndhāretha, bhikkhave, dhammacetiyāni.\nAtthasaṁhitāni, bhikkhave, dhammacetiyāni ādibrahmacariyakānī”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nDhammacetiyasuttaṁ niṭṭhitaṁ navamaṁ.","en":"Soon after the king had left, the Buddha addressed the mendicants:\n“Mendicants, before he got up and left, King Pasenadi spoke shrines to the teaching.\nLearn these shrines to the teaching!\nMemorize these shrines to the teaching!\nRemember these shrines to the teaching!\nThese shrines to the teaching are beneficial and relate to the fundamentals of the spiritual life.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn89/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}