{"id":"mn95","title":"With Caṅkī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn95","title":"With Caṅkī","units":[{"id":"mn95:0","sourceIds":["mn95:0.1","mn95:0.2"],"kind":"text","text":{"pi":"Majjhima Nikāya 95\nCaṅkīsutta","en":"Middle Discourses 95\nWith Caṅkī"}},{"id":"mn95:1","sourceIds":["mn95:1.1","mn95:1.2","mn95:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosalesu cārikaṁ caramāno mahatā bhikkhusaṅghena saddhiṁ yena opāsādaṁ nāma kosalānaṁ brāhmaṇagāmo tadavasari.\nTatra sudaṁ bhagavā opāsāde viharati uttarena opāsādaṁ devavane sālavane.","en":"So I have heard.\nAt one time the Buddha was wandering in the land of the Kosalans together with a large Saṅgha of mendicants when he arrived at a village of the Kosalan brahmins named Opāsāda.\nHe stayed in the Godswood of sal trees to the north of Opāsāda."}},{"id":"mn95:2","sourceIds":["mn95:2.1"],"kind":"text","text":{"pi":"Tena kho pana samayena caṅkī brāhmaṇo opāsādaṁ ajjhāvasati sattussadaṁ satiṇakaṭṭhodakaṁ sadhaññaṁ rājabhoggaṁ raññā pasenadinā kosalena dinnaṁ rājadāyaṁ brahmadeyyaṁ.","en":"Now at that time the brahmin Caṅkī was living in Opāsāda. It was a crown property given by King Pasenadi of Kosala, teeming with living creatures, full of hay, wood, water, and grain, a royal park endowed to a brahmin."}},{"id":"mn95:3","sourceIds":["mn95:3.1","mn95:3.2","mn95:3.3","mn95:3.4","mn95:3.5","mn95:3.6","mn95:3.7"],"kind":"text","text":{"pi":"Assosuṁ kho opāsādakā brāhmaṇagahapatikā:\n“samaṇo khalu, bho, gotamo sakyaputto sakyakulā pabbajito kosalesu cārikaṁ caramāno mahatā bhikkhusaṅghena saddhiṁ opāsādaṁ anuppatto, opāsāde viharati uttarena opāsādaṁ devavane sālavane.\nTaṁ kho pana bhavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.\nSādhu kho pana tathārūpānaṁ arahataṁ dassanaṁ hotī”ti.","en":"The brahmins and householders of Opāsāda heard:\n“It seems the ascetic Gotama—a Sakyan, gone forth from a Sakyan family—has arrived at Opāsāda together with a large Saṅgha of mendicants. He is staying in the Godswood to the north.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nHe has realized with his own insight this world—with its gods, Māras, and divinities, this population with its ascetics and brahmins, gods and humans—and he makes it known to others.\nHe teaches Dhamma that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure.\nIt’s good to see such perfected ones.”"}},{"id":"mn95:4","sourceIds":["mn95:4.1"],"kind":"text","text":{"pi":"Atha kho opāsādakā brāhmaṇagahapatikā opāsādā nikkhamitvā saṅghasaṅghī gaṇībhūtā uttarenamukhā gacchanti yena devavanaṁ sālavanaṁ.","en":"Then, exiting Opāsāda, they formed into companies and headed north to the Godswood."}},{"id":"mn95:5","sourceIds":["mn95:5.1","mn95:5.2","mn95:5.3","mn95:5.4"],"kind":"text","text":{"pi":"Tena kho pana samayena caṅkī brāhmaṇo uparipāsāde divāseyyaṁ upagato.\nAddasā kho caṅkī brāhmaṇo opāsādake brāhmaṇagahapatike opāsādā nikkhamitvā saṅghasaṅghī gaṇībhūte uttarenamukhaṁ yena devavanaṁ sālavanaṁ tenupasaṅkamante.\nDisvā khattaṁ āmantesi:\n“kiṁ nu kho, bho khatte, opāsādakā brāhmaṇagahapatikā opāsādā nikkhamitvā saṅghasaṅghī gaṇībhūtā uttarenamukhā gacchanti yena devavanaṁ sālavanan”ti?","en":"Now at that time the brahmin Caṅkī had retired to the upper floor of his stilt longhouse for his midday nap.\nHe saw the brahmins and householders heading for the Godswood,\nand addressed his butler,\n“My butler, why are the brahmins and householders heading north for the Godswood?”"}},{"id":"mn95:6","sourceIds":["mn95:6.1","mn95:6.2","mn95:6.3","mn95:6.4","mn95:6.5","mn95:6.6","mn95:6.7","mn95:6.8","mn95:6.9","mn95:6.10"],"kind":"text","text":{"pi":"“Atthi, bho caṅkī, samaṇo gotamo sakyaputto sakyakulā pabbajito kosalesu cārikaṁ caramāno mahatā bhikkhusaṅghena saddhiṁ opāsādaṁ anuppatto, opāsāde viharati uttarena opāsādaṁ devavane sālavane.\nTaṁ kho pana bhavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.\nTamete bhavantaṁ gotamaṁ dassanāya gacchantī”ti.\n“Tena hi, bho khatte, yena opāsādakā brāhmaṇagahapatikā tenupasaṅkama; upasaṅkamitvā opāsādake brāhmaṇagahapatike evaṁ vadehi:\n‘caṅkī, bho, brāhmaṇo evamāha—\nāgamentu kira bhonto, caṅkīpi brāhmaṇo samaṇaṁ gotamaṁ dassanāya upasaṅkamissatī’”ti.\n“Evaṁ, bho”ti kho so khatto caṅkissa brāhmaṇassa paṭissutvā yena opāsādakā brāhmaṇagahapatikā tenupasaṅkami; upasaṅkamitvā opāsādake brāhmaṇagahapatike etadavoca:\n“caṅkī, bho, brāhmaṇo evamāha:\n‘āgamentu kira bhonto, caṅkīpi brāhmaṇo samaṇaṁ gotamaṁ dassanāya upasaṅkamissatī’”ti.","en":"“The ascetic Gotama has arrived at Opāsāda together with a large Saṅgha of mendicants. He is staying in the Godswood to the north.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nThey’re going to see that worthy Gotama.”\n“Well then, go to the brahmins and householders and say to them:\n‘Sirs, the brahmin Caṅkī asks\nyou to wait, as he will also go to see the ascetic Gotama.’”\n“Yes, worthy sir,” replied the butler, and did as he was asked."}},{"id":"mn95:7","sourceIds":["mn95:7.1","mn95:7.2","mn95:7.3","mn95:7.4","mn95:7.5","mn95:7.6","mn95:7.7"],"kind":"text","text":{"pi":"Tena kho pana samayena nānāverajjakānaṁ brāhmaṇānaṁ pañcamattāni brāhmaṇasatāni opāsāde paṭivasanti kenacideva karaṇīyena.\nAssosuṁ kho te brāhmaṇā:\n“caṅkī kira brāhmaṇo samaṇaṁ gotamaṁ dassanāya upasaṅkamissatī”ti.\nAtha kho te brāhmaṇā yena caṅkī brāhmaṇo tenupasaṅkamiṁsu; upasaṅkamitvā caṅkiṁ brāhmaṇaṁ etadavocuṁ:\n“saccaṁ kira bhavaṁ caṅkī samaṇaṁ gotamaṁ dassanāya upasaṅkamissatī”ti?\n“Evaṁ kho me, bho, hoti:\n‘ahaṁ samaṇaṁ gotamaṁ dassanāya upasaṅkamissāmī’”ti.","en":"Now at that time around five hundred brahmins from abroad were residing in Opāsāda on some business.\nThey heard that\nthe brahmin Caṅkī was going to see the ascetic Gotama.\nThey approached Caṅkī and said to him,\n“Is it really true that you are going to see the ascetic Gotama?”\n“Yes, gentlemen, it is true.”"}},{"id":"mn95:8","sourceIds":["mn95:8.1","mn95:8.2","mn95:8.3","mn95:8.4","mn95:8.5","mn95:8.6","mn95:8.7","mn95:8.8","mn95:8.9","mn95:8.10","mn95:8.11","mn95:8.12","mn95:8.13","mn95:8.14","mn95:8.15","mn95:8.16","mn95:8.17"],"kind":"text","text":{"pi":"“Mā bhavaṁ caṅkī samaṇaṁ gotamaṁ dassanāya upasaṅkami.\nNa arahati bhavaṁ caṅkī samaṇaṁ gotamaṁ dassanāya upasaṅkamituṁ;\nsamaṇotveva gotamo arahati bhavantaṁ caṅkiṁ dassanāya upasaṅkamituṁ.\nBhavañhi caṅkī ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena.\nYampi bhavaṁ caṅkī ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati bhavaṁ caṅkī samaṇaṁ gotamaṁ dassanāya upasaṅkamituṁ;\nsamaṇotveva gotamo arahati bhavantaṁ caṅkiṁ dassanāya upasaṅkamituṁ.\nBhavañhi caṅkī aḍḍho mahaddhano mahābhogo …pe…\nbhavañhi caṅkī tiṇṇaṁ vedānaṁ pāragū sanighaṇḍukeṭubhānaṁ sākkharappabhedānaṁ itihāsapañcamānaṁ, padako, veyyākaraṇo, lokāyatamahāpurisalakkhaṇesu anavayo …pe…\nbhavañhi caṅkī abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya …pe…\nbhavañhi caṅkī sīlavā vuddhasīlī vuddhasīlena samannāgato …pe…\nbhavañhi caṅkī kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā …pe…\nbhavañhi caṅkī bahūnaṁ ācariyapācariyo, tīṇi māṇavakasatāni mante vāceti …pe…\nbhavañhi caṅkī rañño pasenadissa kosalassa sakkato garukato mānito pūjito apacito …pe…\nbhavañhi caṅkī brāhmaṇassa pokkharasātissa sakkato garukato mānito pūjito apacito …pe…\nbhavañhi caṅkī opāsādaṁ ajjhāvasati sattussadaṁ satiṇakaṭṭhodakaṁ sadhaññaṁ rājabhoggaṁ raññā pasenadinā kosalena dinnaṁ rājadāyaṁ brahmadeyyaṁ.\nYampi bhavaṁ caṅkī opāsādaṁ ajjhāvasati sattussadaṁ satiṇakaṭṭhodakaṁ sadhaññaṁ rājabhoggaṁ raññā pasenadinā kosalena dinnaṁ rājadāyaṁ brahmadeyyaṁ, imināpaṅgena na arahati bhavaṁ caṅkī samaṇaṁ gotamaṁ dassanāya upasaṅkamituṁ;\nsamaṇotveva gotamo arahati bhavantaṁ caṅkiṁ dassanāya upasaṅkamitun”ti.","en":"“Please don’t!\nIt’s not appropriate for you to go to see the ascetic Gotama;\nit’s appropriate that he comes to see you.\nYou are well born on both your mother’s and father’s side, stemming from a clean vessel, with irrefutable and impeccable genealogy back to the seventh paternal generation.\nFor this reason it’s not appropriate for you to go to see the ascetic Gotama;\nit’s appropriate that he comes to see you.\nYou’re rich, affluent, and wealthy. …\nYou recite and remember the hymns, and have mastered the three Vedas, together with their vocabularies and ritual performance, their phonology and word classification, and the testaments as fifth. You know them word-by-word, and their grammar. You are well versed in cosmology and the marks of a great man. …\nYou are attractive, good-looking, lovely, of surpassing beauty. You have divine looks and lustre, remarkable to behold. …\nYou are ethical, mature in ethical conduct. …\nYou’re a good speaker who enunciates well, with a polished, clear, and articulate voice that expresses the meaning. …\nYou’re the tutor of tutors for many, and teach three hundred young students to recite the hymns. …\nYou’re honored, respected, revered, venerated, and esteemed by King Pasenadi of Kosala\nand the brahmin Pokkharasāti. …\nYou live in Opāsāda, a crown property given by King Pasenadi of Kosala, teeming with living creatures, full of hay, wood, water, and grain, a royal park endowed to a brahmin.\nFor all these reasons it’s not appropriate for you to go to see the ascetic Gotama;\nit’s appropriate that he comes to see you.”"}},{"id":"mn95:9","sourceIds":["mn95:9.1","mn95:9.2","mn95:9.3","mn95:9.4","mn95:9.5","mn95:9.6","mn95:9.7","mn95:9.8","mn95:9.9","mn95:9.10","mn95:9.11","mn95:9.12","mn95:9.13","mn95:9.14","mn95:9.15","mn95:9.16","mn95:9.17","mn95:9.18","mn95:9.19","mn95:9.20","mn95:9.21","mn95:9.22","mn95:9.23","mn95:9.24","mn95:9.25","mn95:9.26","mn95:9.27","mn95:9.28","mn95:9.29","mn95:9.30","mn95:9.31","mn95:9.32","mn95:9.33","mn95:9.34","mn95:9.35","mn95:9.36","mn95:9.37"],"kind":"text","text":{"pi":"Evaṁ vutte, caṅkī brāhmaṇo te brāhmaṇe etadavoca:\n“tena hi, bho, mamapi suṇātha, yathā mayameva arahāma taṁ samaṇaṁ gotamaṁ dassanāya upasaṅkamituṁ;\nna tveva arahati so bhavaṁ gotamo amhākaṁ dassanāya upasaṅkamituṁ.\nSamaṇo khalu, bho, gotamo ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena.\nYampi, bho, samaṇo gotamo ubhato sujāto mātito ca pitito ca saṁsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati so bhavaṁ gotamo amhākaṁ dassanāya upasaṅkamituṁ;\natha kho mayameva arahāma taṁ bhavantaṁ gotamaṁ dassanāya upasaṅkamituṁ.\nSamaṇo khalu, bho, gotamo pahūtaṁ hiraññasuvaṇṇaṁ ohāya pabbajito bhūmigatañca vehāsaṭṭhañca …pe…\nSamaṇo khalu, bho, gotamo daharova samāno yuvā susukāḷakeso bhadrena yobbanena samannāgato paṭhamena vayasā agārasmā anagāriyaṁ pabbajito …pe…\nSamaṇo khalu, bho, gotamo akāmakānaṁ mātāpitūnaṁ assumukhānaṁ rudantānaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajito …pe…\nSamaṇo khalu, bho, gotamo abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya …pe…\nSamaṇo khalu, bho, gotamo sīlavā ariyasīlī kusalasīlī kusalena sīlena samannāgato …pe…\nSamaṇo khalu, bho, gotamo kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā …pe…\nSamaṇo khalu, bho, gotamo bahūnaṁ ācariyapācariyo …pe…\nSamaṇo khalu, bho, gotamo khīṇakāmarāgo vigatacāpallo …pe…\nSamaṇo khalu, bho, gotamo kammavādī kiriyavādī apāpapurekkhāro brahmaññāya pajāya …pe…\nSamaṇo khalu, bho, gotamo uccā kulā pabbajito asambhinnā khattiyakulā …pe…\nSamaṇo khalu, bho, gotamo aḍḍhā kulā pabbajito mahaddhanā mahābhogā …pe…\nSamaṇaṁ khalu, bho, gotamaṁ tiroraṭṭhā tirojanapadā saṁpucchituṁ āgacchanti …pe…\nSamaṇaṁ khalu, bho, gotamaṁ anekāni devatāsahassāni pāṇehi saraṇaṁ gatāni …pe…\nSamaṇaṁ khalu, bho, gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti …pe…\nSamaṇo khalu, bho, gotamo dvattiṁsamahāpurisalakkhaṇehi samannāgato …pe…\nSamaṇaṁ khalu, bho, gotamaṁ rājā māgadho seniyo bimbisāro saputtadāro pāṇehi saraṇaṁ gato …pe…\nSamaṇaṁ khalu, bho, gotamaṁ rājā pasenadi kosalo saputtadāro pāṇehi saraṇaṁ gato …pe…\nSamaṇaṁ khalu, bho, gotamaṁ brāhmaṇo pokkharasāti saputtadāro pāṇehi saraṇaṁ gato …pe…\nSamaṇo khalu, bho, gotamo opāsādaṁ anuppatto opāsāde viharati uttarena opāsādaṁ devavane sālavane.\nYe kho te samaṇā vā brāhmaṇā vā amhākaṁ gāmakkhettaṁ āgacchanti, atithī no te honti.\nAtithī kho panamhehi sakkātabbā garukātabbā mānetabbā pūjetabbā.\nYampi samaṇo gotamo opāsādaṁ anuppatto opāsāde viharati uttarena opāsādaṁ devavane sālavane, atithimhākaṁ samaṇo gotamo.\nAtithi kho panamhehi sakkātabbo garukātabbo mānetabbo pūjetabbo.\nImināpaṅgena na arahati so bhavaṁ gotamo amhākaṁ dassanāya upasaṅkamituṁ;\natha kho mayameva arahāma taṁ bhavantaṁ gotamaṁ dassanāya upasaṅkamituṁ.\nEttake kho ahaṁ, bho, tassa bhoto gotamassa vaṇṇe pariyāpuṇāmi, no ca kho so bhavaṁ gotamo ettakavaṇṇo;\naparimāṇavaṇṇo hi so bhavaṁ gotamo.\nEkamekenapi tena aṅgena samannāgato na arahati, so bhavaṁ gotamo amhākaṁ dassanāya upasaṅkamituṁ;\natha kho mayameva arahāma taṁ bhavantaṁ gotamaṁ dassanāya upasaṅkamitunti.\nTena hi, bho, sabbeva mayaṁ samaṇaṁ gotamaṁ dassanāya upasaṅkamissāmā”ti.","en":"When they had spoken, Caṅkī said to those brahmins:\n“Well then, gentlemen, listen to why it’s appropriate for me to go to see the ascetic Gotama,\nand it’s not appropriate for him to come to see me.\nHe is well born on both his mother’s and father’s side, stemming from a clean vessel, with irrefutable and impeccable genealogy back to the seventh paternal generation.\nFor this reason it’s not appropriate for the ascetic Gotama to come to see me;\nrather, it’s appropriate for me to go to see him.\nWhen he went forth he abandoned abundant gold, both coined and uncoined, stored above and below ground. …\nHe went forth from the lay life to homelessness while still a youth, young, with pristine black hair, blessed with youth, in the prime of life. …\nThough his mother and father wished otherwise, weeping with tearful faces, he shaved off his hair and beard, dressed in ocher robes, and went forth from the lay life to homelessness. …\nHe is attractive, good-looking, lovely, of surpassing beauty. He has divine looks and lustre, remarkable to behold. …\nHe is ethical, possessing ethical conduct that is noble and skillful. …\nHe’s a good speaker who enunciates well, with a polished, clear, and articulate voice that expresses the meaning. …\nHe’s a tutor of tutors. …\nHe has ended sensual desire, and is rid of caprice. …\nHe teaches the efficacy of deeds and action. He doesn’t wish any harm upon the community of brahmins. …\nHe went forth from an eminent family of unbroken aristocratic lineage. …\nHe went forth from a rich, affluent, and wealthy family. …\nPeople come from distant lands and distant countries to question him. …\nMany thousands of deities have gone for refuge for life to him. …\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’ …\nHe has the thirty-two marks of a great man. …\nKing Seniya Bimbisāra of Magadha and his wives and children have gone for refuge for life to the ascetic Gotama. …\nKing Pasenadi of Kosala and his wives and children have gone for refuge for life to the ascetic Gotama. …\nThe brahmin Pokkharasāti and his wives and children have gone for refuge for life to the ascetic Gotama. …\nThe ascetic Gotama has arrived to stay in the Godswood to the north of Opāsāda.\nAny ascetic or brahmin who comes to stay in our village district is our guest,\nand should be honored and respected as such.\nFor this reason, too, it’s not appropriate for the worthy Gotama to come to see me;\nrather, it’s appropriate for me to go to see him.\nThis is the extent of the worthy Gotama’s praise that I have memorized. But his praises are not confined to this,\nfor the praise of the worthy Gotama is limitless.\nThe possession of even a single one of these factors makes it inappropriate for Worthy Gotama to come to see me;\nrather, it’s appropriate for me to go to see him.\nWell then, gentlemen, let’s all go to see the ascetic Gotama.”"}},{"id":"mn95:10","sourceIds":["mn95:10.1","mn95:10.2"],"kind":"text","text":{"pi":"Atha kho caṅkī brāhmaṇo mahatā brāhmaṇagaṇena saddhiṁ yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi.","en":"Then Caṅkī together with a large group of brahmins went to the Buddha and exchanged greetings with him.\nWhen the greetings and polite conversation were over, he sat down to one side."}},{"id":"mn95:11","sourceIds":["mn95:11.1","mn95:11.2","mn95:11.3","mn95:11.4","mn95:11.5","mn95:11.6","mn95:11.7","mn95:11.8","mn95:11.9"],"kind":"text","text":{"pi":"Tena kho pana samayena bhagavā vuddhehi vuddhehi brāhmaṇehi saddhiṁ kiñci kiñci kathaṁ sāraṇīyaṁ vītisāretvā nisinno hoti.\nTena kho pana samayena kāpaṭiko nāma māṇavo daharo vuttasiro soḷasavassuddesiko jātiyā, tiṇṇaṁ vedānaṁ pāragū sanighaṇḍukeṭubhānaṁ sākkharappabhedānaṁ itihāsapañcamānaṁ, padako, veyyākaraṇo, lokāyatamahāpurisalakkhaṇesu anavayo tassaṁ parisāyaṁ nisinno hoti.\nSo vuddhānaṁ vuddhānaṁ brāhmaṇānaṁ bhagavatā saddhiṁ mantayamānānaṁ antarantarā kathaṁ opāteti.\nAtha kho bhagavā kāpaṭikaṁ māṇavaṁ apasādeti:\n“māyasmā bhāradvājo vuddhānaṁ vuddhānaṁ brāhmaṇānaṁ mantayamānānaṁ antarantarā kathaṁ opātetu.\nKathāpariyosānaṁ āyasmā bhāradvājo āgametū”ti.\nEvaṁ vutte, caṅkī brāhmaṇo bhagavantaṁ etadavoca:\n“mā bhavaṁ gotamo kāpaṭikaṁ māṇavaṁ apasādesi.\nkulaputto ca kāpaṭiko māṇavo, bahussuto ca kāpaṭiko māṇavo, paṇḍito ca kāpaṭiko māṇavo, kalyāṇavākkaraṇo ca kāpaṭiko māṇavo, pahoti ca kāpaṭiko māṇavo bhotā gotamena saddhiṁ asmiṁ vacane paṭimantetun”ti.","en":"Now at that time the Buddha was sitting engaged in some polite conversation together with some very senior brahmins.\nAnd the student Kāpaṭika was sitting in that assembly. He was young, tonsured, and sixteen years old. He had mastered the three Vedas, together with their vocabularies and ritual performance, their phonology and word classification, and the testaments as fifth. He knew them word-by-word, and their grammar. He was well versed in cosmology and the marks of a great man.\nWhile the senior brahmins were conversing together with the Buddha, he interrupted.\nThen the Buddha rebuked Kāpaṭika,\n“Venerable Bhāradvāja, don’t interrupt the senior brahmins.\nWait until they’ve finished speaking.”\nWhen he had spoken, Caṅkī said to the Buddha,\n“Worthy Gotama, don’t rebuke the student Kāpaṭika.\nHe’s a gentleman, learned and astute, who enunciates well. He is capable of debating with the worthy Gotama about this.”"}},{"id":"mn95:12","sourceIds":["mn95:12.1","mn95:12.2","mn95:12.3","mn95:12.4","mn95:12.5","mn95:12.6","mn95:12.7","mn95:12.8","mn95:12.9","mn95:12.10","mn95:12.11","mn95:12.12","mn95:12.13"],"kind":"text","text":{"pi":"Atha kho bhagavato etadahosi:\n“addhā kho kāpaṭikassa māṇavassa tevijjake pāvacane kathā bhavissati.\nTathā hi naṁ brāhmaṇā sampurekkharontī”ti.\nAtha kho kāpaṭikassa māṇavassa etadahosi:\n“yadā me samaṇo gotamo cakkhuṁ upasaṁharissati, athāhaṁ samaṇaṁ gotamaṁ pañhaṁ pucchissāmī”ti.\nAtha kho bhagavā kāpaṭikassa māṇavassa cetasā cetoparivitakkamaññāya yena kāpaṭiko māṇavo tena cakkhūni upasaṁhāsi.\nAtha kho kāpaṭikassa māṇavassa etadahosi:\n“samannāharati kho maṁ samaṇo gotamo.\nYannūnāhaṁ samaṇaṁ gotamaṁ pañhaṁ puccheyyan”ti.\nAtha kho kāpaṭiko māṇavo bhagavantaṁ etadavoca:\n“yadidaṁ, bho gotama, brāhmaṇānaṁ porāṇaṁ mantapadaṁ itihitihaparamparāya piṭakasampadāya, tattha ca brāhmaṇā ekaṁsena niṭṭhaṁ gacchanti:\n‘idameva saccaṁ, moghamaññan’ti.\nIdha bhavaṁ gotamo kimāhā”ti?","en":"Then it occurred to the Buddha,\n“Clearly the student Kāpaṭika will talk about the scriptural heritage of the three Vedas.\nThat’s why the brahmins put him at the front.”\nThen Kāpaṭika thought,\n“When the ascetic Gotama looks at me, I’ll ask him a question.”\nThen the Buddha, knowing Kāpaṭika’s train of thought, looked at him.\nThen Kāpaṭika thought,\n“The ascetic Gotama is engaging with me.\nWhy don’t I ask him a question?”\nThen he said,\n“Worthy Gotama, regarding that which by the lineage of testament and by canonical authority is the ancient hymnal of the brahmins, the brahmins come to the categorical conclusion:\n‘This is the only truth, anything else is futile.’\nWhat do you say about this?”"}},{"id":"mn95:13","sourceIds":["mn95:13.1","mn95:13.2","mn95:13.3","mn95:13.4","mn95:13.5","mn95:13.6","mn95:13.7","mn95:13.8","mn95:13.9","mn95:13.10","mn95:13.11","mn95:13.12","mn95:13.13","mn95:13.14","mn95:13.15","mn95:13.16","mn95:13.17","mn95:13.18","mn95:13.19","mn95:13.20","mn95:13.21","mn95:13.22","mn95:13.23","mn95:13.24","mn95:13.25","mn95:13.26"],"kind":"text","text":{"pi":"“Kiṁ pana, bhāradvāja, atthi koci brāhmaṇānaṁ ekabrāhmaṇopi yo evamāha:\n‘ahametaṁ jānāmi, ahametaṁ passāmi.\nIdameva saccaṁ, moghamaññan’”ti?\n“No hidaṁ, bho gotama”.\n“Kiṁ pana, bhāradvāja, atthi koci brāhmaṇānaṁ ekācariyopi, ekācariyapācariyopi, yāva sattamā ācariyamahayugāpi, yo evamāha:\n‘ahametaṁ jānāmi, ahametaṁ passāmi.\nIdameva saccaṁ, moghamaññan’”ti?\n“No hidaṁ, bho gotama”.\n“Kiṁ pana, bhāradvāja, yepi te brāhmaṇānaṁ pubbakā isayo mantānaṁ kattāro mantānaṁ pavattāro yesamidaṁ etarahi brāhmaṇā porāṇaṁ mantapadaṁ gītaṁ pavuttaṁ samihitaṁ tadanugāyanti tadanubhāsanti bhāsitamanubhāsanti vācitamanuvācenti seyyathidaṁ—aṭṭhako vāmako vāmadevo vessāmitto yamataggi aṅgīraso bhāradvājo vāseṭṭho kassapo bhagu,\ntepi evamāhaṁsu:\n‘mayametaṁ jānāma, mayametaṁ passāma.\nIdameva saccaṁ, moghamaññan’”ti?\n“No hidaṁ, bho gotama”.\n“Iti kira, bhāradvāja, natthi koci brāhmaṇānaṁ ekabrāhmaṇopi yo evamāha:\n‘ahametaṁ jānāmi, ahametaṁ passāmi.\nIdameva saccaṁ, moghamaññan’ti;\nnatthi koci brāhmaṇānaṁ ekācariyopi ekācariyapācariyopi, yāva sattamā ācariyamahayugāpi, yo evamāha:\n‘ahametaṁ jānāmi, ahametaṁ passāmi.\nIdameva saccaṁ, moghamaññan’ti;\nyepi te brāhmaṇānaṁ pubbakā isayo mantānaṁ kattāro mantānaṁ pavattāro yesamidaṁ etarahi brāhmaṇā porāṇaṁ mantapadaṁ gītaṁ pavuttaṁ samihitaṁ tadanugāyanti tadanubhāsanti bhāsitamanubhāsanti vācitamanuvācenti seyyathidaṁ—aṭṭhako vāmako vāmadevo vessāmitto yamataggi aṅgīraso bhāradvājo vāseṭṭho kassapo bhagu, tepi na evamāhaṁsu:\n‘mayametaṁ jānāma, mayametaṁ passāma.\nIdameva saccaṁ, moghamaññan’ti.\nSeyyathāpi, bhāradvāja, andhaveṇi paramparāsaṁsattā purimopi na passati majjhimopi na passati pacchimopi na passati;\nevameva kho, bhāradvāja, andhaveṇūpamaṁ maññe brāhmaṇānaṁ bhāsitaṁ sampajjati—purimopi na passati majjhimopi na passati pacchimopi na passati.\nTaṁ kiṁ maññasi, bhāradvāja,\nnanu evaṁ sante brāhmaṇānaṁ amūlikā saddhā sampajjatī”ti?","en":"“Well, Bhāradvāja, is there even a single one of the brahmins who says this:\n‘I know this, I see this:\nthis is the only truth, anything else is futile’?”\n“No, worthy Gotama.”\n“Well, is there even a single tutor of the brahmins, or a tutors’ tutor, or anyone back to the seventh generation of tutors, who says this:\n‘I know this, I see this:\nthis is the only truth, anything else is futile’?”\n“No, worthy Gotama.”\n“Well, what of the ancient seers of the brahmins, namely Aṭṭhaka, Vāmaka, Vāmadeva, Vessāmitta, Yamadaggi, Aṅgīrasa, Bhāradvāja, Vāseṭṭha, Kassapa, and Bhagu? They were the authors and propagators of the hymns. Their hymnal was sung and propagated and compiled in ancient times; and these days, brahmins continue to sing and chant it, chanting what was chanted and teaching what was taught.\nDid even they say:\n‘We know this, we see this:\nthis is the only truth, anything else is futile’?”\n“No, worthy Gotama.”\n“So, Bhāradvāja, it seems that there is not a single one of the brahmins,\nnot even anyone back to the seventh generation of tutors,\nnor even the ancient seers of the brahmins who say:\n‘We know this, we see this:\nthis is the only truth, anything else is futile.’\nSuppose there was a queue of blind men, each holding the one in front: the first one does not see, the middle one does not see, and the last one does not see.\nIn the same way, it seems to me that the brahmins’ statement turns out to be like a queue of blind men: the first one does not see, the middle one does not see, and the last one does not see.\nWhat do you think, Bhāradvāja?\nThis being so, doesn’t the brahmins’ faith turn out to be baseless?”"}},{"id":"mn95:14","sourceIds":["mn95:14.1","mn95:14.2","mn95:14.3","mn95:14.4","mn95:14.5","mn95:14.6","mn95:14.7","mn95:14.8","mn95:14.9","mn95:14.10","mn95:14.11","mn95:14.12","mn95:14.13","mn95:14.14","mn95:14.15"],"kind":"text","text":{"pi":"“Na khvettha, bho gotama, brāhmaṇā saddhāyeva payirupāsanti, anussavāpettha brāhmaṇā payirupāsantī”ti.\n“Pubbeva kho tvaṁ, bhāradvāja, saddhaṁ agamāsi, anussavaṁ idāni vadesi.\nPañca kho ime, bhāradvāja, dhammā diṭṭheva dhamme dvedhā vipākā.\nKatame pañca?\nSaddhā, ruci, anussavo, ākāraparivitakko, diṭṭhinijjhānakkhanti—\nime kho, bhāradvāja, pañca dhammā diṭṭheva dhamme dvedhā vipākā.\nApi ca, bhāradvāja, susaddahitaṁyeva hoti, tañca hoti rittaṁ tucchaṁ musā;\nno cepi susaddahitaṁ hoti, tañca hoti bhūtaṁ tacchaṁ anaññathā.\nApi ca, bhāradvāja, surucitaṁyeva hoti …pe…\nsvānussutaṁyeva hoti …pe…\nsuparivitakkitaṁyeva hoti …pe…\nsunijjhāyitaṁyeva hoti, tañca hoti rittaṁ tucchaṁ musā;\nno cepi sunijjhāyitaṁ hoti, tañca hoti bhūtaṁ tacchaṁ anaññathā.\nSaccamanurakkhatā, bhāradvāja, viññunā purisena nālamettha ekaṁsena niṭṭhaṁ gantuṁ:\n‘idameva saccaṁ, moghamaññan’”ti.","en":"“The brahmins don’t just honor this because of faith, but also because of oral transmission.”\n“First you relied on faith, now you speak of oral transmission.\nThese five things can be seen to turn out in two different ways in this very life.\nWhat five?\nFaith, endorsement, oral transmission, reasoned train of thought, and acceptance of a view after deliberation.\nEven though you have full faith in something, it may be vacuous, hollow, and false.\nAnd even if you don’t have full faith in something, it may be true and real, not otherwise.\nEven though you fully endorse something …\nsomething may be well transmitted …\nsomething may be well thought out …\nsomething may be well deliberated, it may be vacuous, hollow, and false.\nAnd even if something is not well deliberated, it may be true and real, not otherwise.\nFor a sensible person who is preserving truth this is not sufficient to come to the categorical conclusion:\n‘This is the only truth, anything else is futile.’”"}},{"id":"mn95:15","sourceIds":["mn95:15.1","mn95:15.2","mn95:15.3","mn95:15.4","mn95:15.5","mn95:15.6","mn95:15.7","mn95:15.8","mn95:15.9","mn95:15.10","mn95:15.11","mn95:15.12","mn95:15.13","mn95:15.14","mn95:15.15"],"kind":"text","text":{"pi":"“Kittāvatā pana, bho gotama, saccānurakkhaṇā hoti, kittāvatā saccamanurakkhati?\nSaccānurakkhaṇaṁ mayaṁ bhavantaṁ gotamaṁ pucchāmā”ti.\n“Saddhā cepi, bhāradvāja, purisassa hoti;\n‘evaṁ me saddhā’ti—\niti vadaṁ saccamanurakkhati, na tveva tāva ekaṁsena niṭṭhaṁ gacchati:\n‘idameva saccaṁ, moghamaññan’ti (…).\nRuci cepi, bhāradvāja, purisassa hoti …pe…\nanussavo cepi, bhāradvāja, purisassa hoti …pe…\nākāraparivitakko cepi, bhāradvāja, purisassa hoti …pe…\ndiṭṭhinijjhānakkhanti cepi, bhāradvāja, purisassa hoti;\n‘evaṁ me diṭṭhinijjhānakkhantī’ti—\niti vadaṁ saccamanurakkhati, na tveva tāva ekaṁsena niṭṭhaṁ gacchati:\n‘idameva saccaṁ, moghamaññan’ti.\nEttāvatā kho, bhāradvāja, saccānurakkhaṇā hoti, ettāvatā saccamanurakkhati, ettāvatā ca mayaṁ saccānurakkhaṇaṁ paññapema;\nna tveva tāva saccānubodho hotī”ti.","en":"“But worthy Gotama, how do you define the preservation of truth?”\n“If a person has faith,\nthey preserve truth by saying, ‘Such is my faith.’\nBut they don’t yet come to the categorical conclusion:\n‘This is the only truth, anything else is futile.’\nIf a person endorses something …\nor has received an oral transmission …\nor has a reasoned train of thought about something …\nor has accepted a view after deliberation,\nthey preserve truth by saying, ‘Such is the view I have accepted after deliberation.’\nBut they don’t yet come to the categorical conclusion:\n‘This is the only truth, anything else is futile.’\nThat’s how the preservation of truth is defined, Bhāradvāja. I describe the preservation of truth as defined in this way.\nBut this is not yet the awakening to the truth.”"}},{"id":"mn95:16","sourceIds":["mn95:16.1","mn95:16.2","mn95:16.3"],"kind":"text","text":{"pi":"“Ettāvatā, bho gotama, saccānurakkhaṇā hoti, ettāvatā saccamanurakkhati, ettāvatā ca mayaṁ saccānurakkhaṇaṁ pekkhāma.\nKittāvatā pana, bho gotama, saccānubodho hoti, kittāvatā saccamanubujjhati?\nSaccānubodhaṁ mayaṁ bhavantaṁ gotamaṁ pucchāmā”ti.","en":"“That’s how the preservation of truth is defined, worthy Gotama. We regard the preservation of truth as defined in this way.\nBut worthy Gotama, how do you define awakening to the truth?”"}},{"id":"mn95:17","sourceIds":["mn95:17.1","mn95:17.2","mn95:17.3","mn95:17.4","mn95:17.5","mn95:17.6","mn95:17.7","mn95:17.8","mn95:17.9","mn95:17.10","mn95:17.11","mn95:17.12","mn95:17.13"],"kind":"text","text":{"pi":"“Idha, bhāradvāja, bhikkhu aññataraṁ gāmaṁ vā nigamaṁ vā upanissāya viharati.\nTamenaṁ gahapati vā gahapatiputto vā upasaṅkamitvā tīsu dhammesu samannesati—\nlobhanīyesu dhammesu, dosanīyesu dhammesu, mohanīyesu dhammesu.\nAtthi nu kho imassāyasmato tathārūpā lobhanīyā dhammā yathārūpehi lobhanīyehi dhammehi pariyādinnacitto ajānaṁ vā vadeyya—\njānāmīti, apassaṁ vā vadeyya—\npassāmīti, paraṁ vā tadatthāya samādapeyya yaṁ paresaṁ assa dīgharattaṁ ahitāya dukkhāyāti?\nTamenaṁ samannesamāno evaṁ jānāti:\n‘natthi kho imassāyasmato tathārūpā lobhanīyā dhammā yathārūpehi lobhanīyehi dhammehi pariyādinnacitto ajānaṁ vā vadeyya—\njānāmīti, apassaṁ vā vadeyya—\npassāmīti, paraṁ vā tadatthāya samādapeyya yaṁ paresaṁ assa dīgharattaṁ ahitāya dukkhāya.\nTathārūpo kho panimassāyasmato kāyasamācāro tathārūpo vacīsamācāro yathā taṁ aluddhassa.\nYaṁ kho pana ayamāyasmā dhammaṁ deseti, gambhīro so dhammo duddaso duranubodho santo paṇīto atakkāvacaro nipuṇo paṇḍitavedanīyo;\nna so dhammo sudesiyo luddhenā’ti.","en":"“Bhāradvāja, take the case of a mendicant living supported by a town or village.\nA householder or their child approaches and scrutinizes them for three qualities:\nqualities that arouse greed, things that provoke hate, and things that promote delusion.\n‘Does this venerable have any qualities that arouse greed? Such qualities that, were their mind to be overwhelmed by them, they might say\nthat they know, even though they don’t know, or that they see, even though they don’t see;\nor that they might encourage others to do what is for their lasting harm and suffering?’\nScrutinizing them they find:\n‘This venerable has no such qualities that arouse greed.\nRather, that venerable has bodily and verbal behavior like that of someone without greed.\nAnd the principle that they teach is deep, hard to see, hard to understand, peaceful, sublime, beyond the scope of logic, subtle, comprehensible to the astute.\nIt’s not easy for someone with greed to teach this.’"}},{"id":"mn95:18","sourceIds":["mn95:18.1","mn95:18.2","mn95:18.3","mn95:18.4","mn95:18.5","mn95:18.6","mn95:18.7","mn95:18.8","mn95:18.9","mn95:18.10","mn95:18.11"],"kind":"text","text":{"pi":"Yato naṁ samannesamāno visuddhaṁ lobhanīyehi dhammehi samanupassati tato naṁ uttari samannesati dosanīyesu dhammesu.\nAtthi nu kho imassāyasmato tathārūpā dosanīyā dhammā yathārūpehi dosanīyehi dhammehi pariyādinnacitto ajānaṁ vā vadeyya—\njānāmīti, apassaṁ vā vadeyya—\npassāmīti, paraṁ vā tadatthāya samādapeyya yaṁ paresaṁ assa dīgharattaṁ ahitāya dukkhāyāti?\nTamenaṁ samannesamāno evaṁ jānāti:\n‘natthi kho imassāyasmato tathārūpā dosanīyā dhammā yathārūpehi dosanīyehi dhammehi pariyādinnacitto ajānaṁ vā vadeyya—\njānāmīti, apassaṁ vā vadeyya—\npassāmīti, paraṁ vā tadatthāya samādapeyya yaṁ paresaṁ assa dīgharattaṁ ahitāya dukkhāya.\nTathārūpo kho panimassāyasmato kāyasamācāro tathārūpo vacīsamācāro yathā taṁ aduṭṭhassa.\nYaṁ kho pana ayamāyasmā dhammaṁ deseti, gambhīro so dhammo duddaso duranubodho santo paṇīto atakkāvacaro nipuṇo paṇḍitavedanīyo;\nna so dhammo sudesiyo duṭṭhenā’ti.","en":"Scrutinizing them in this way they see that they are purified of qualities that arouse greed. Next, they scrutinize them for qualities that provoke hate.\n‘Does this venerable have any qualities that provoke hate? Such qualities that, were their mind to be overwhelmed by them, they might say\nthat they know, even though they don’t know, or that they see, even though they don’t see;\nor that they might encourage others to do what is for their lasting harm and suffering?’\nScrutinizing them they find:\n‘This venerable has no such qualities that provoke hate.\nRather, that venerable has bodily and verbal behavior like that of someone without hate.\nAnd the principle that they teach is deep, hard to see, hard to understand, peaceful, sublime, beyond the scope of logic, subtle, comprehensible to the astute.\nIt’s not easy for someone with hate to teach this.’"}},{"id":"mn95:19","sourceIds":["mn95:19.1","mn95:19.2","mn95:19.3","mn95:19.4","mn95:19.5","mn95:19.6","mn95:19.7","mn95:19.8","mn95:19.9","mn95:19.10","mn95:19.11"],"kind":"text","text":{"pi":"Yato naṁ samannesamāno visuddhaṁ dosanīyehi dhammehi samanupassati, tato naṁ uttari samannesati mohanīyesu dhammesu.\nAtthi nu kho imassāyasmato tathārūpā mohanīyā dhammā yathārūpehi mohanīyehi dhammehi pariyādinnacitto ajānaṁ vā vadeyya—\njānāmīti, apassaṁ vā vadeyya—\npassāmīti, paraṁ vā tadatthāya samādapeyya yaṁ paresaṁ assa dīgharattaṁ ahitāya dukkhāyāti?\nTamenaṁ samannesamāno evaṁ jānāti:\n‘natthi kho imassāyasmato tathārūpā mohanīyā dhammā yathārūpehi mohanīyehi dhammehi pariyādinnacitto ajānaṁ vā vadeyya—\njānāmīti, apassaṁ vā vadeyya—\npassāmīti, paraṁ vā tadatthāya samādapeyya yaṁ paresaṁ assa dīgharattaṁ ahitāya dukkhāya.\nTathārūpo kho panimassāyasmato kāyasamācāro tathārūpo vacīsamācāro yathā taṁ amūḷhassa.\nYaṁ kho pana ayamāyasmā dhammaṁ deseti, gambhīro so dhammo duddaso duranubodho santo paṇīto atakkāvacaro nipuṇo paṇḍitavedanīyo;\nna so dhammo sudesiyo mūḷhenā’ti.","en":"Scrutinizing them in this way they see that they are purified of qualities that provoke hate. Next, they scrutinize them for qualities that promote delusion.\n‘Does this venerable have any qualities that promote delusion? Such qualities that, were their mind to be overwhelmed by them, they might say\nthat they know, even though they don’t know, or that they see, even though they don’t see;\nor that they might encourage others to do what is for their lasting harm and suffering?’\nScrutinizing them they find:\n‘This venerable has no such qualities that promote delusion.\nRather, that venerable has bodily and verbal behavior like that of someone without delusion.\nAnd the principle that they teach is deep, hard to see, hard to understand, peaceful, sublime, beyond the scope of logic, subtle, comprehensible to the astute.\nIt’s not easy for someone with delusion to teach this.’"}},{"id":"mn95:20","sourceIds":["mn95:20.1","mn95:20.2","mn95:20.3","mn95:20.4"],"kind":"text","text":{"pi":"Yato naṁ samannesamāno visuddhaṁ mohanīyehi dhammehi samanupassati;\natha tamhi saddhaṁ niveseti, saddhājāto upasaṅkamati, upasaṅkamanto payirupāsati, payirupāsanto sotaṁ odahati, ohitasoto dhammaṁ suṇāti, sutvā dhammaṁ dhāreti, dhatānaṁ dhammānaṁ atthaṁ upaparikkhati, atthaṁ upaparikkhato dhammā nijjhānaṁ khamanti, dhammanijjhānakkhantiyā sati chando jāyati, chandajāto ussahati, ussahitvā tuleti, tulayitvā padahati, pahitatto samāno kāyena ceva paramasaccaṁ sacchikaroti paññāya ca naṁ ativijjha passati.\nEttāvatā kho, bhāradvāja, saccānubodho hoti, ettāvatā saccamanubujjhati, ettāvatā ca mayaṁ saccānubodhaṁ paññapema;\nna tveva tāva saccānuppatti hotī”ti.","en":"Scrutinizing them in this way they see that they are purified of qualities that promote delusion.\nNext, they place faith in them. When faith has arisen they approach the teacher. They pay homage, actively listen, hear the teachings, remember the teachings, examine their meaning, and accept them after deliberation. Then enthusiasm springs up; they make an attempt, weigh up, and strive. Striving, they directly realize the ultimate truth, and see it with penetrating wisdom.\nThat’s how the awakening to truth is defined, Bhāradvāja. I describe the awakening to truth as defined in this way.\nBut this is not yet the attainment of truth.”"}},{"id":"mn95:21","sourceIds":["mn95:21.1","mn95:21.2","mn95:21.3","mn95:21.4","mn95:21.5"],"kind":"text","text":{"pi":"“Ettāvatā, bho gotama, saccānubodho hoti, ettāvatā saccamanubujjhati, ettāvatā ca mayaṁ saccānubodhaṁ pekkhāma.\nKittāvatā pana, bho gotama, saccānuppatti hoti, kittāvatā saccamanupāpuṇāti?\nSaccānuppattiṁ mayaṁ bhavantaṁ gotamaṁ pucchāmā”ti.\n“Tesaṁyeva, bhāradvāja, dhammānaṁ āsevanā bhāvanā bahulīkammaṁ saccānuppatti hoti.\nEttāvatā kho, bhāradvāja, saccānuppatti hoti, ettāvatā saccamanupāpuṇāti, ettāvatā ca mayaṁ saccānuppattiṁ paññapemā”ti.","en":"“That’s how the awakening to truth is defined, worthy Gotama. I regard the awakening to truth as defined in this way.\nBut worthy Gotama, how do you define the attainment of truth?”\n“By the cultivation, development, and making much of these very same things there is the attainment of truth.\nThat’s how the attainment of truth is defined, Bhāradvāja. I describe the attainment of truth as defined in this way.”"}},{"id":"mn95:22","sourceIds":["mn95:22.1","mn95:22.2","mn95:22.3","mn95:22.4","mn95:22.5","mn95:22.6","mn95:22.7"],"kind":"text","text":{"pi":"“Ettāvatā, bho gotama, saccānuppatti hoti, ettāvatā saccamanupāpuṇāti, ettāvatā ca mayaṁ saccānuppattiṁ pekkhāma.\nSaccānuppattiyā pana, bho gotama, katamo dhammo bahukāro?\nSaccānuppattiyā bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Saccānuppattiyā kho, bhāradvāja, padhānaṁ bahukāraṁ.\nNo cetaṁ padaheyya, nayidaṁ saccamanupāpuṇeyya.\nYasmā ca kho padahati tasmā saccamanupāpuṇāti.\nTasmā saccānuppattiyā padhānaṁ bahukāran”ti.","en":"“That’s how the attainment of truth is defined, worthy Gotama. I regard the attainment of truth as defined in this way.\nBut what quality is helpful for arriving at the truth?”\n“Striving is helpful for arriving at the truth.\nIf you don’t strive, you won’t arrive at the truth.\nYou arrive at the truth because you strive.\nThat’s why striving is helpful for arriving at the truth.”"}},{"id":"mn95:23","sourceIds":["mn95:23.1","mn95:23.2","mn95:23.3","mn95:23.4","mn95:23.5","mn95:23.6"],"kind":"text","text":{"pi":"“Padhānassa pana, bho gotama, katamo dhammo bahukāro?\nPadhānassa bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Padhānassa kho, bhāradvāja, tulanā bahukārā.\nNo cetaṁ tuleyya, nayidaṁ padaheyya.\nYasmā ca kho tuleti tasmā padahati.\nTasmā padhānassa tulanā bahukārā”ti.","en":"“But what quality is helpful for striving?”\n“Weighing up the teachings is helpful for striving …"}},{"id":"mn95:24","sourceIds":["mn95:24.1","mn95:24.2","mn95:24.3","mn95:24.4","mn95:24.5","mn95:24.6"],"kind":"text","text":{"pi":"“Tulanāya pana, bho gotama, katamo dhammo bahukāro?\nTulanāya bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Tulanāya kho, bhāradvāja, ussāho bahukāro.\nNo cetaṁ ussaheyya, nayidaṁ tuleyya.\nYasmā ca kho ussahati tasmā tuleti.\nTasmā tulanāya ussāho bahukāro”ti.","en":"Making an attempt is helpful for weighing up the teachings …"}},{"id":"mn95:25","sourceIds":["mn95:25.1","mn95:25.2","mn95:25.3","mn95:25.4","mn95:25.5","mn95:25.6"],"kind":"text","text":{"pi":"“Ussāhassa pana, bho gotama, katamo dhammo bahukāro?\nUssāhassa bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Ussāhassa kho, bhāradvāja, chando bahukāro.\nNo cetaṁ chando jāyetha, nayidaṁ ussaheyya.\nYasmā ca kho chando jāyati tasmā ussahati.\nTasmā ussāhassa chando bahukāro”ti.","en":"Enthusiasm is helpful for making an attempt …"}},{"id":"mn95:26","sourceIds":["mn95:26.1","mn95:26.2","mn95:26.3","mn95:26.4","mn95:26.5","mn95:26.6"],"kind":"text","text":{"pi":"“Chandassa pana, bho gotama, katamo dhammo bahukāro?\nChandassa bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Chandassa kho, bhāradvāja, dhammanijjhānakkhanti bahukārā.\nNo cete dhammā nijjhānaṁ khameyyuṁ, nayidaṁ chando jāyetha.\nYasmā ca kho dhammā nijjhānaṁ khamanti tasmā chando jāyati.\nTasmā chandassa dhammanijjhānakkhanti bahukārā”ti.","en":"Acceptance of the teachings after deliberation is helpful for enthusiasm …"}},{"id":"mn95:27","sourceIds":["mn95:27.1","mn95:27.2","mn95:27.3","mn95:27.4","mn95:27.5","mn95:27.6"],"kind":"text","text":{"pi":"“Dhammanijjhānakkhantiyā pana, bho gotama, katamo dhammo bahukāro?\nDhammanijjhānakkhantiyā bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Dhammanijjhānakkhantiyā kho, bhāradvāja, atthūpaparikkhā bahukārā.\nNo cetaṁ atthaṁ upaparikkheyya, nayidaṁ dhammā nijjhānaṁ khameyyuṁ.\nYasmā ca kho atthaṁ upaparikkhati tasmā dhammā nijjhānaṁ khamanti.\nTasmā dhammanijjhānakkhantiyā atthūpaparikkhā bahukārā”ti.","en":"Examining the meaning of the teachings is helpful for accepting them after deliberation …"}},{"id":"mn95:28","sourceIds":["mn95:28.1","mn95:28.2","mn95:28.3","mn95:28.4","mn95:28.5","mn95:28.6"],"kind":"text","text":{"pi":"“Atthūpaparikkhāya pana, bho gotama, katamo dhammo bahukāro?\nAtthūpaparikkhāya bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Atthūpaparikkhāya kho, bhāradvāja, dhammadhāraṇā bahukārā.\nNo cetaṁ dhammaṁ dhāreyya, nayidaṁ atthaṁ upaparikkheyya.\nYasmā ca kho dhammaṁ dhāreti tasmā atthaṁ upaparikkhati.\nTasmā atthūpaparikkhāya dhammadhāraṇā bahukārā”ti.","en":"Remembering the teachings is helpful for examining their meaning …"}},{"id":"mn95:29","sourceIds":["mn95:29.1","mn95:29.2","mn95:29.3","mn95:29.4","mn95:29.5","mn95:29.6"],"kind":"text","text":{"pi":"“Dhammadhāraṇāya pana, bho gotama, katamo dhammo bahukāro?\nDhammadhāraṇāya bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Dhammadhāraṇāya kho, bhāradvāja, dhammassavanaṁ bahukāraṁ.\nNo cetaṁ dhammaṁ suṇeyya, nayidaṁ dhammaṁ dhāreyya.\nYasmā ca kho dhammaṁ suṇāti tasmā dhammaṁ dhāreti.\nTasmā dhammadhāraṇāya dhammassavanaṁ bahukāran”ti.","en":"Hearing the teachings is helpful for remembering the teachings …"}},{"id":"mn95:30","sourceIds":["mn95:30.1","mn95:30.2","mn95:30.3","mn95:30.4","mn95:30.5","mn95:30.6"],"kind":"text","text":{"pi":"“Dhammassavanassa pana, bho gotama, katamo dhammo bahukāro?\nDhammassavanassa bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Dhammassavanassa kho, bhāradvāja, sotāvadhānaṁ bahukāraṁ.\nNo cetaṁ sotaṁ odaheyya, nayidaṁ dhammaṁ suṇeyya.\nYasmā ca kho sotaṁ odahati tasmā dhammaṁ suṇāti.\nTasmā dhammassavanassa sotāvadhānaṁ bahukāran”ti.","en":"Active listening is helpful for hearing the teachings …"}},{"id":"mn95:31","sourceIds":["mn95:31.1","mn95:31.2","mn95:31.3","mn95:31.4","mn95:31.5","mn95:31.6"],"kind":"text","text":{"pi":"“Sotāvadhānassa pana, bho gotama, katamo dhammo bahukāro?\nSotāvadhānassa bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Sotāvadhānassa kho, bhāradvāja, payirupāsanā bahukārā.\nNo cetaṁ payirupāseyya, nayidaṁ sotaṁ odaheyya.\nYasmā ca kho payirupāsati tasmā sotaṁ odahati.\nTasmā sotāvadhānassa payirupāsanā bahukārā”ti.","en":"Paying homage is helpful for active listening …"}},{"id":"mn95:32","sourceIds":["mn95:32.1","mn95:32.2","mn95:32.3","mn95:32.4","mn95:32.5","mn95:32.6"],"kind":"text","text":{"pi":"“Payirupāsanāya pana, bho gotama, katamo dhammo bahukāro?\nPayirupāsanāya bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Payirupāsanāya kho, bhāradvāja, upasaṅkamanaṁ bahukāraṁ.\nNo cetaṁ upasaṅkameyya, nayidaṁ payirupāseyya.\nYasmā ca kho upasaṅkamati tasmā payirupāsati.\nTasmā payirupāsanāya upasaṅkamanaṁ bahukāran”ti.","en":"Approaching is helpful for paying homage …"}},{"id":"mn95:33","sourceIds":["mn95:33.1","mn95:33.2","mn95:33.3","mn95:33.4","mn95:33.5","mn95:33.6"],"kind":"text","text":{"pi":"“Upasaṅkamanassa pana, bho gotama, katamo dhammo bahukāro?\nUpasaṅkamanassa bahukāraṁ dhammaṁ mayaṁ bhavantaṁ gotamaṁ pucchāmā”ti.\n“Upasaṅkamanassa kho, bhāradvāja, saddhā bahukārā.\nNo cetaṁ saddhā jāyetha, nayidaṁ upasaṅkameyya.\nYasmā ca kho saddhā jāyati tasmā upasaṅkamati.\nTasmā upasaṅkamanassa saddhā bahukārā”ti.","en":"Faith is helpful for approaching a teacher.\nIf you don’t give rise to faith, you won’t approach a teacher.\nYou approach a teacher because you have faith.\nThat’s why faith is helpful for approaching a teacher.”"}},{"id":"mn95:34","sourceIds":["mn95:34.1","mn95:34.2","mn95:34.3","mn95:34.4","mn95:34.5","mn95:34.6","mn95:34.7","mn95:34.8","mn95:34.9","mn95:34.10","mn95:34.11","mn95:34.12","mn95:34.13"],"kind":"text","text":{"pi":"“Saccānurakkhaṇaṁ mayaṁ bhavantaṁ gotamaṁ apucchimha, saccānurakkhaṇaṁ bhavaṁ gotamo byākāsi;\ntañca panamhākaṁ ruccati ceva khamati ca tena camha attamanā.\nSaccānubodhaṁ mayaṁ bhavantaṁ gotamaṁ apucchimha, saccānubodhaṁ bhavaṁ gotamo byākāsi;\ntañca panamhākaṁ ruccati ceva khamati ca tena camha attamanā.\nSaccānuppattiṁ mayaṁ bhavantaṁ gotamaṁ apucchimha, saccānuppattiṁ bhavaṁ gotamo byākāsi;\ntañca panamhākaṁ ruccati ceva khamati ca tena camha attamanā.\nSaccānuppattiyā bahukāraṁ dhammaṁ mayaṁ bhavantaṁ gotamaṁ apucchimha, saccānuppattiyā bahukāraṁ dhammaṁ bhavaṁ gotamo byākāsi;\ntañca panamhākaṁ ruccati ceva khamati ca tena camha attamanā.\nYaṁyadeva ca mayaṁ bhavantaṁ gotamaṁ apucchimha taṁtadeva bhavaṁ gotamo byākāsi;\ntañca panamhākaṁ ruccati ceva khamati ca tena camha attamanā.\nMayañhi, bho gotama, pubbe evaṁ jānāma:\n‘ke ca muṇḍakā samaṇakā ibbhā kaṇhā bandhupādāpaccā, ke ca dhammassa aññātāro’ti?\nAjanesi vata me bhavaṁ gotamo samaṇesu samaṇapemaṁ, samaṇesu samaṇapasādaṁ, samaṇesu samaṇagāravaṁ.","en":"“I’ve asked the worthy Gotama about the preservation of truth, and he has answered me.\nI endorse and accept this, and am satisfied with it.\nI’ve asked the worthy Gotama about awakening to the truth, and he has answered me.\nI endorse and accept this, and am satisfied with it.\nI’ve asked the worthy Gotama about the attainment of truth, and he has answered me.\nI endorse and accept this, and am satisfied with it.\nI’ve asked the worthy Gotama about the things that are helpful for the attainment of truth, and he has answered me.\nI endorse and accept this, and am satisfied with it.\nWhatever point I have asked the worthy Gotama about he has answered me.\nI endorse and accept this, and am satisfied with it.\nWorthy Gotama, I used to think this:\n‘Who are these shavelings, fake ascetics, primitives, black spawn from the feet of our kinsman next to those who understand the teaching?’\nThe Buddha has inspired me to have fondness, confidence, and respect for ascetics!"}},{"id":"mn95:35","sourceIds":["mn95:35.1","mn95:35.2","mn95:35.3"],"kind":"text","text":{"pi":"Abhikkantaṁ, bho gotama …pe…\nupāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nCaṅkīsuttaṁ niṭṭhitaṁ pañcamaṁ.","en":"Excellent, worthy Gotama! …\nFrom this day forth, may the worthy Gotama remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn95/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}